|
كتب الكاتب الفاتح جبرا المتوفرة بمعرض الدوحة
|
|
 Re: أبتبالغي يا وزيرة (Re: عبدالحفيظ ابوسن)
|
وقبلها قالت في معرض دفاعها عن تعيين استاذ جامعي بجامعة الدلنج وغير مؤهل
مافي زول قدم غيرو
واضافت زي زي أي عمل تاني ما لقو زول كفء ممكن يشغلو أي زول
هذا دون إقتباس مني ولكن ذات المعني
| |
 
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
نجيهن واحدة واحدة
وكل واحدة كارثة يا سيادة الوزيرة
تنويه
في معاناة في ضغط ايقونة الرد
اضغط الايقونة ما تخش . شغال معاها حرفنة .. كم محاولة حتي يخش الرد
بي فوقها وبي تحت يمين شمال
شغال ب اوبرا وبالموبايل أكيد
ما عارف مني ولا من اوبرا ولا موبايلي ولا من بكري
يعني
امكن تعضي وتعصلج ويغلبني اخش
| |
|
|
|
|
|
|
|
|
|
Re: أبتبالغي يا وزيرة (Re: محمد البشرى الخضر)
|
حبابك ودو
صدقت
بجيهم صرح سيندرم بدون ما يكونو قرو تصريحلوجي
الواحد لازم ينضم ويجاوب أي سؤال .. ممكن يجاوب إذا عندو المعلومة المبنية علي دراسات قامت بها وزارته
ولا يقول ح نشوف الاسباب
ولا أي كلام بدون ان يرد
ردودهم بتكون كارثية وتحسسك بفداحة الامر
فداحة العقلية التي تحكمنا
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
التصريح حق سرقة الطلاب دة كرأي شخصي فيهو جزء من الصحة كتجربة شخصية
بشوف طلبة كتار ببحثو في قوقل وينسخو ويطبعو ويكتبو اسمهم ويتخرجو
العلاج مش تنبيه الطلاب بأمر بديهي وواضح
بل بتنبيه الاساتذة ما يصححو ساي
يقروا البحث بتمعن .. ويستعملو حاسة بدائية جدا وهي الحدس
يكون عارف الطالب دة ممكن يكتب كلام زي دة
وبرضو ممكن يخش قوقل
هنا في المنبر كما يقول ودو في محاققة رغم انو الموقع ما اكاديمي وعدم التأهيل لا يضر الوطن بتخريج اشخاص غير مؤهلين
يعني بي اختصار
جيبو اساتذة مؤهلين تأهيل يجعلهم اساتذة جامعين!!
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
أذكر أني شاهدت فلما عن فتاة ( ترست ) بحثا
ولسؤ حظها كان معلمها مؤهلا جدا مما سمح له ليس بمعرفة انها نسخت البحث بل حتي بإحضار البحث القديم نفسه
مما تسبب لها بإعادة السنة والتحذير
وفائدة تلك التجربة للفتاة لاحقا
الفلم كما قيل عن قصة حقيقية
وايضا قبل ظهور قوقل
يعني الاستاذ بذل جهدا مضنيا ساعدته ذاكرته واهتمامة
فقد تذكر انه قرأ بحثا مماثلا قبل سنوات فعاد لمكتبة الجامعة وراجع ارشيفها
القصة شنو يعني
التأهيل
والحس
الحس الاكاديمي وانك تدرس اناس سوف يخرجون ويديرون وطنهم
مش تصحيح وبس
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
بالنسبة لسرقة الطلاب لو تابعت عوة الـ citation الدوّرت قبل فترة بروف محمد الأمين اشار لموقع أو توول ما تأكّد بتعمل الشغل دا ولا اظنّها غائبة عن الاساتذة لكن تقول شنو بس في الاستسهال و السبهللية السودانية
| |
|
|
|
|
|
|
|
|
Re: أبتبالغي يا وزيرة (Re: محمد البشرى الخضر)
|
تخيل يا ودو بتكون غايبة
جد والله بتكون غايبة
آي تابعت العوة البدت مع فردوس
شوف يا ودو
سودانيز اضافت لي جدا
رغم اني حريص جدا علي ذكر المصدر ونادرا ما انقل
لكن افادتني في انو انك لن تستطيع ان تهرب بسرقتك ولو بعد حين
العقلية الهنا في سودانيز عقلية ممتازة
عارفين خطك ولغتك وطريقة تفكيرك وكتابتك
اقل شك ببحتو وراك
والحالة ما جامعة
ولا بتدي شهادة
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
وقبلها قالت في معرض دفاعها عن تعيين استاذ جامعي بجامعة الدلنج وغير مؤهل
مافي زول قدم غيرو
واضافت زي زي أي عمل تاني ما لقو زول كفء ممكن يشغلو أي زول
هذا دون إقتباس مني ولكن ذات المعني
قولى وححححححححححححححححححححححححححححححححححححححححححححححححححححححححححححححححححححححححات الله
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
الأخ عبدالحفيظ,,
أثرت موضوع في غاية الأهمية, ممكن بعضنا ينظر إلي الموضوع بأنه بسيط, لكن من المفروض أن نتوقف جميعا وقفة قوية جدا عند مثل هذه الحالات الشاذة جدا,,, ياخي وزيرة لي وزارة حساسة جدا تكون بهذه السطحية وتدافع هذا الدفاع الميت والذي لا يمت للمنطق ولا للأخلاق بصلة.
بعدين قصة تدهور التعليم وشهادات الزور التي تمنح للطلاب من البكالوريس مرورا بالماجستير وإلي الدكتورة وأخيرا الترقيات الوهيمة من أستاذ مشارك إلي بروفيسور, قصة مؤلمة جدا. طبعا ما نظلم بعض من الطلاب المجتهدين جدا والدكاترة والبروفيسورات الرائعين لكنهم قلة.
والمصيبة الكبرى التعليم بي صورة عامة هو رافد أساسي لكل مؤسسات الدولة فأي فساد فيه يؤثر في كل نواحي الحياة وكل المهن الأخرى في الدولة تأثيرا سلبيا.
والمشكلة مرات يطلعوا ليك ناس يحاولوا يبرروا التدهور الحاصل ويعتبروه ما مشكلة أصلا.
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
عارف والله يا حفيظ .. عارف
لكن الناس ديل شككونا في روحنا ياخ
وكأننا راكبين مع الشيطان في سرج واااااحد
ما سمعت وزيرهم داك الطلع في الصحف وقال
انو مشكلة البلد هي المواطن نفسه
خلونا نشك في روحنا يا حفيظ !!!
| |
|
|
|
|
|
|
|
|
 Re: أبتبالغي يا وزيرة (Re: aosman)
|
الاخ عبدالحفيظ وضيوفه - سلام عليكم
واقع التعليم عموما والتعليم العالى والبحث العلمى واقع مزرى .العمليه التعليميه والعمليه التربويه اصبحت شكليات دون اهتمام بجوده التفاصيل.
الواقع موغل فى السوء والتردى ودا من واقع معايشه لا عن سماع ومحاولات عمل الصحيح او تصحيح البعض تحارب وتعطل بشده ويبقى الحال كماهو .
عن التعليم العالى والجامعاتعن التعليم العالى والجامعات
.
تحياتى
| |
|
|
|
|
|
|
|
|
|
Re: أبتبالغي يا وزيرة (Re: Asim Ali)
|
سلام عليكم يا عبد الحفيظ
ليس بعيدا عن موضوعك الطرحته ... أحدهم وصف منح الدرجات العلمية لمنسوبي أحدي مؤسسات التعليم العالي قائلا :-
الدكتوراة زي ( الختة ) كل شهر يدوها لي واحد.
فعلا واقع التعليم العالي مزري جدا .
لك تقديري
| |
|
|
|
|
|
|
|
|
|
Re: أبتبالغي يا وزيرة (Re: عباس محمود)
|
استاذنا عبد الحفيظ
انامحيراني حاجة واحدة مكتوبة في محلات الطباعة في الخرطوم وغيرها من المدن بخط عريض ( استخراج بحوث ) بالذات الحتات البتكون جنب الجامعات دي يخ معقولة لكن يعني تعالوا نحن بنساعدكم تغشوا ياطلبة واللا الفهم شنو
| |
|
|
|
|
|
|
|
|
|
Re: أبتبالغي يا وزيرة (Re: عباس محمود)
|
صعب تتخيلوا الوضع عشان كدة إداناتكم تتطاقش
خليكم من اساتذة مؤهلين .. اساتذة سادة كدة بتلقوا !
انتو متخيلين تفتح وظائف في جامعة الدلنج يقوموا يتقدموا ليها حملة الماجستير المتخرجين بجيد جداً في البكالريوس ؟
يا اخوانا ماااااافي اساتذة .. هجو كلهم
اقسم بالله أنا بعرف مدراء جامعات اغتربوا في السعودية وشغالين اساتذة عاديين
طبعاً حتشيلو المسئولية كلها وتكبوها في الحكومة الدمرت التعليم وخلتو مهنة طاردة .. نعم دة الحاصل لكن هسع ناو نعمل شنو؟
نقفل جامعاتنا عشان مافي أساتذة مؤهلين !
ما تعاين للجامعات الخرطومية الكبيرة
شوف الجامعات الولائية الكل فترة بتقفل تخصصات لعدم وجود اساتذة
دة الواقع الحالي
الحكومة مهما زادت مرتبات الاساتذة ما بتقدر تقعدهم في البلد لأنه السوق أزيد
مافي ميزانيات بحث علمي مافي بعثات خارجية - إلا لناس جامعة الخرطوم - مافي عربات مافي بيوت مافي نقابة خدمية مافي أي شئ بخلي الاستاذ يشعر بالانتماء للبيئة الجامعية
ما عارف قصة الاستاذ الما مؤهل دة شنو .. لكن لو في معمله فوقه انترنت الطلبة يتموها تعليم اليكتروني وخلاص
أحسن مما يتقفل قسمهم وما يلقوا طريقة إلا في الجامعات الدولارية
بالنسبة لسرقة البحوث إذا كان بحث تخرج يلام الاستاذ المشرف لأنه مفروض يراجع مع الطالب فصل فصل
وإذا كان بحث عادي حق مادة ياخد صفر وخلاص
| |
|
|
|
|
|
|
|
|
|
Re: أبتبالغي يا وزيرة (Re: أحمد محمد عمر)
|
المشكلة ليست في الأساتذة كمشرفين على أبحاث الطلاب او كممتحِنين.
المشكلة في الأساتذة كخبراء و مهنيين و إداريين للعملية التعلمية.
دور الأستاذ كمشرف او مُمتَحِن يقتصر على مسألة التحقق من صحة المصادر. و هي عملية سهلة جداً في وجود عدد من البرامج (مثل safe assignment) التي تكشف وجود أي سرقة أدبية.
و دور الأستاذ كخبير ومهني هو تطوير النظام التعليمي الذي يُحسِن النتائج التعليمية من معارف و قدرات و أخلاق.
هذا الدور الأخير يحتوي على وضع المناهج التعليمية و تتطويرها وضع النظم و اللوائح التي تضمن جودة العمليات التعليمية.
الجامعات السودانية لا تولي النزاهة الأكاديمية أدني إهتمام في التعريف بها و حمايتها باللوائح و القوانين الأكاديمية.
أنا كنت طالب دراسات عليا في أحدى الجامعات السودانية و لم أقرأ يوماً لائحة او منشور تعريفي عن ال plagiarism.
في الجامعات ذات الصرامة الأكاديمية يُلزم الطالب بالتوقيع على نموذج يتعهد فيه الطالب بالنزاهة الأكاديمية. و الطالب يقوم بالتوقيع على النموذج بعد أن يتم تعريفه بكل أشكال عدم الأمانة الأكاديمية و اللوائح التي تحددها و تعين الجزاءات المترتبة عليها.
كلام الوزيرة كارثة لأنه يدل على أنه ليس لها تصور لحل المشكلة أكثر من تنبيه الأساتذة بتنبيه الطلاب.
| |
|
|
|
|
|
|
|
|
|
Re: أبتبالغي يا وزيرة (Re: Hafiz Bashir)
|
بلاشك لم افعل سوي فتح البوست
فقد ابدعتم تجاوبا وتحليلا
واحساسا عالية بالكارثة التي بدأت نذرها تشئ بدمار كل التراث الاكاديمي الذي كنا نتباهي به منذ الكتاب او الابتدائي حتي الوسطي او الثانوي العام وصولا للثانوي او الجامعي
فقد كان تغيير السلم التعليمي للحالي كارثة هو ومنهاجه ومقرراته فلن تتخيل ان يلزم طالب في بداية تعليمه بحفظ 30 سورة من القرآن فماذا تبقي من عقله الصغير ليستوعب غيره . واظن من موجهات التعليم الاساسي في بدايته ان يختلط باللهو للتحفيز
ثم كانت الكارثة الأكبر ثورة التعليم العالي . الجامعات التي قامت علي انقاض الثانويات العلياء . لم تكن نظرتهم للجامعة سوي فصل وكراسي وسبورة
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
"انامحيراني حاجة واحدة مكتوبة في محلات الطباعة في الخرطوم وغيرها من المدن بخط عريض ( استخراج بحوث ) بالذات الحتات البتكون جنب الجامعات دي يخ معقولة لكن يعني تعالوا نحن بنساعدكم تغشوا ياطلبة واللا الفهم شنو"
و لو ما جنس المحلات دي عديم المسئولية عمر البشير يعمل ماجستير كيف ؟
شخصيا بحمل الحكومة اي تدني في اي حاجة .. طلبة شنو ؟ هو طالب ما لاقي يفطر يقوم يحوم بالمكتبات الفقيرة بتاعتكم دي عشان يعمل بحث مرتب ونظيف؟
بلد اساتذة الجامعات فيها ناس ربيع عبدالعاطي شغال كضب من جريدة لي جريدة ومن تلفزيون لي تلفزيون ورئيسا ذاتو يكضب محل ما قبل شنو ورئيس االبرلمان يكضب البمنع الطلبة يغشو ؟
الشيء الغريب مش غش الطلبة ، الغريب انو الوزيرة تتكلم عن الغش !
| |
|
|
|
|
|
|
|
|
|
Re: أبتبالغي يا وزيرة (Re: Abdullah Idrees)
|
يا محمد الشيخ
يجيبوها ليك مقشرة بي مراجعها
ومطبوعة كمان
انا غايتو يبدو لي الاستاذ بحسب السطور
بقرأ العلوان وسطر سطرين
ديل لحقو الطب زاتو
زمان التخصص يخضع لضوابط صارمة جدا .. وممكن ما يدوك ليهو وماعندو زمن محدد
هسة جاء مجلس التخصصات الطبية وتقرأ اولي وتانية وتالتة ويركبو ليك دبورة اختساسي
المهم تدفع الرسوم
يا الزاكي
قول ليها
الرسووول !!
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
دة ما الباكين عليهو يا عثمان
تدهور في كل شئ
العضم الاساسي للتخطيط المركزي والتنفيذ غير مؤهل
ياخ البلد دي دخلتها كمية قروش لمشاريع تخليها جنة
اريتهم لو سكتو يا الشايقي
تشكر عاصم فعلا الواقع مزرئ وبائس ولسة الغريق قدام
والله صحي يا عباس ههههه ومرات الختة بشيلوها اتنين وتلاتة
نحن فخرية عندنا فيها رأي بقت شهادة عديل بالروب والتصوير والتهنئة
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
غايتو ناس الدراسات النظرية في الجامعات الكبيرة الطلابها قريب الألف ديك ولا بفتحو صفحة الغلاف ذاتا
بس الجاب البحث بدوهو الدرجة :)
يا جماعة نكون واقعيين يعني انت الليلة لو استاذ في السودان متوقع من الطالب الحيعمل ليك بحث في السمستر التالت دة يكتب ليك كتابة علمية مسؤولة كدي يعني !
هو الاستاذ ذاتو لو قالوا ليه اكتب حيلقى زمن وراحة عشان يكتب !
كما قال حميد واحد ساكن فـ آخر الدنيا واصل المصنع بآخر بنية ينتج كيف؟ شغال بي فنية !
طالب بعدي ساعتين مدافسة في المواصلات وبشتغل حاوي عشان يقضي الشهر بالمصاريف الرسلوها ليه أهلو ولا الاشتغلها في الاجازة .. بهاجر للفولة الرخيصة وساكن في داخلية لا تصلح لسكنى الأنعام ناهيك عن البشر
الاستاذ مديون لبتاع البقالة والجزار بوزع مرتبه يوم 3 في الشهر ويقعد يتدين في حق البامبرز للأطفال تفكيره كله في متين نهاية الشهر تجي عشان يسدد الديون ويتدين من جديد .. تلقاهو مزنوق في المصاريف ويتجارى من جامعة لجامعة كايس حق الساعات الإضافية البجيب بيها رزق العيال
الناس يا اخوانا ما تقعد تتشرط على الاستاذ مفروض يكون كدة ومفروض كدة
ألقوا الاستاذ دة في عضمه خلي الطلبة يقولوا في زول درسنا
النظرة الرومانسية بتاعة متطلبات العملية التعليمية دي اتعملت لشعوب تانية نحن ما منها
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
غايتو ناس الدراسات النظرية في الجامعات الكبيرة الطلابها قريب الألف ديك ولا بفتحو صفحة الغلاف ذاتا
بس الجاب البحث بدوهو الدرجة :)
يا جماعة نكون واقعيين يعني انت الليلة لو استاذ في السودان متوقع من الطالب الحيعمل ليك بحث في السمستر التالت دة يكتب ليك كتابة علمية مسؤولة كدي يعني !
هو الاستاذ ذاتو لو قالوا ليه اكتب حيلقى زمن وراحة عشان يكتب !
كما قال حميد واحد ساكن فـ آخر الدنيا واصل المصنع بآخر بنية ينتج كيف؟ شغال بي فنية !
طالب بعدي ساعتين مدافسة في المواصلات وبشتغل حاوي عشان يقضي الشهر بالمصاريف الرسلوها ليه أهلو ولا الاشتغلها في الاجازة .. بهاجر للفولة الرخيصة وساكن في داخلية لا تصلح لسكنى الأنعام ناهيك عن البشر
الاستاذ مديون لبتاع البقالة والجزار بوزع مرتبه يوم 3 في الشهر ويقعد يتدين في حق البامبرز للأطفال تفكيره كله في متين نهاية الشهر تجي عشان يسدد الديون ويتدين من جديد .. تلقاهو مزنوق في المصاريف ويتجارى من جامعة لجامعة كايس حق الساعات الإضافية البجيب بيها رزق العيال
الناس يا اخوانا ما تقعد تتشرط على الاستاذ مفروض يكون كدة ومفروض كدة
ألقوا الاستاذ دة في عضمه خلي الطلبة يقولوا في زول درسنا
النظرة الرومانسية بتاعة متطلبات العملية التعليمية دي اتعملت لشعوب تانية نحن ما منها
|
الأخ أحممد,
ما من المفروض الظروف الصعبة والمشاكل تكون عائق على الإبداع والإجتهاد والإنجاز, على العكس تماما من المفروض الظروف الصعبة تكون دافع قوي جدا من أجل مستقبل زاهر. راجع تاريخ معظم العلماء العظماء وشوف تاريخهم تلاقيهم عانوا معانا شديدة في طفولتهم وفقر مضجع, حتى رسولنا الكريم وقدوتنا عانا ما عانا منذ طفولته إلي وفاته وده من المفروض يكون لينا شعار ودافع قوي جدا من أجل أننا نصبر ونكد ونعمل ونجتهد. ومعظم الإكتشافات العظيمة في العالم تمت بواسطة علماء كانوا فقراء. كده راجع تاريخ أديسون الذي أكتشف أكثر من ألف أكشتاف وشوف طفولته كانت كيف؟
يعني هل المشاكل والظروف القاسية مبرر كافي للدولة في أن تفتح عشرات الجامعات الغير مؤهلة ولا توفر لهم الحد الأدنى من الدعم وتديهم كامل الحرية بتوزيع الدرجات العلمية كما يشاؤون بدون حسيب ولا رقيب؟
يمر التعليم في السودان بأزمة خطرة ويحتاج إلي حل, ومن المفروض أن نبدء بأبناءنا في أن نغرس فيهم روح الصدق والأمانة والإجتهاد وأهمية المدرسة والتعليم والإجتهاد وعلى الدولة أن تشدد الرقابة على مؤسسات التعليم من رياض الأطفال إلي الجامعات. وعلى حسب قناعتي بأن أهم مرحلة هل الروضة ومن المفروض الدولة تتبنى كل رياض الأطفال حتى تغرس بعض القيم والمبادئ في مجتمعنا منذ طفولتهم حتى ينشأوا عليها.\
وفي الختام ما من المفروض أن نقارن أفسنا بدول تعبانا أكثر مننا من ناحية تعليمية, وكده نشوف وضعنا عالميا اليوم ومستوى جامعاتنا عالميا؟ وخاصة جامعة الخرطوم التي كنا نتباهى بها.
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
يا يوسف طه اياها المغسة
شفتهم يدو الزول الاسم ابحث لي عن
التعامل مع الجان في تصنيع البرتكان !؟
ودايرو تلاتة صفحات
حتي قوقل دة كسلانين منو
وزولنا دة ولا بيجتهد يخش يلقا واحد عمل صفحتين يشوف التاني ويلصقو معاهو ويقص الباقي
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
سلامات عثمان معليش خليني أطول عليك حبة
جامعة الخرطوم لما كنت بتتباهى بيها كان بتشيل كم طالب؟
حلتكم كان فيها كم جامعي؟
البلد كان فيها كم مستشفى؟ وفيها كم شركة مقاولات؟
أي شخص تحت الخمسة واربعين سنة دخل جامعات ثورة التعليم العالي اللي بنذم فيها صباح ومساء
يعني أغلبية المهنيين الماسكين البلد دي قروا في الجامعات دي ذااااتها بعد خربت
تفتكر لو كنا واقفين على الجامعات الأربعة ولا الخمسة البياخدوا طلاب بالمئات ديل كان ممكن نلقى الكوادر البتدير البلد هسة؟
الطالب البتخرج ما مؤهل دة لو ما لقى فرصته في الجامعة التعبانة دي كان حيفضل ما مؤهل برضو .. بس ما كان حيملك المقدرة على التأهيل
علماً بإنه الطالب مهما كانت جامعته قوية لما يتخرج ويدخل الحياة العملية بحتاج يتعلم من جديد لأنه الجامعة ما بتخرجك مهني جاهز وإنما شخص بيملك الأساس الممكن يكتسب بيه المهارات المهنية
الطالب البقرأ في جامعات أقاصي البلاد دة لو ما لقى الجامعات دي كان حيفتح طبلية في السوق ولا يشتغل كمساري .. الآن عندو شهادة جامعية وممكن يلقى الفرصة للعمل في أي مكان وممكن يأهل نفسه بدورات مهنية ودراسات عليا
نجي لنواقص الجامعات المسكينة دي ونحللها براحة
شنو موقع الاستاذ الما مؤهل في العملية التعليمية؟
في زمن E-learning والـ blended learning دة تضاءل دور الاستاذ في العالم كلو بصورة واضحة
الآن أي طالب سوداني عندو موبايل ووصول للنت .. وبقدر لو عاوز يحضر محاضرات أعتى الجامعات العالمية على مواقع coursera و edx و futurelearn
وانا شفت قبل كدة تجربة لكورس في الطب تم تدريسه من داخل جامعة الخرطوم اونلاين لطلاب جامعة ولائية بعيدة
الانترنت مليان منصات تعليمية متخصصة ما ليها آخر وبتتعاقد معاها أغلب الجامعات العالمية وبتوفر تعليم مواكب عالي المستوى بتقنيات الليلة وبكرة ما بتقنيات أمس
الآن كل الجامعات العالمية بتعمل extension school بتدي فيها شهادات اونلاين زي الما حاصل حاجة
يبقى فكرة إنه الاستاذ هو عضم العملية التعليمية دي اتجاوزها الزمن وممكن تستمر جامعاتنا الولائية دي بالمحلي المتاح وتدعمه بالخيارات السايبرية
مافي مكتبات ؟ الناس أساساً سابت الكتاب الورقي واصبحت المكتبات الرقمية متاحة على الانترنت واعتقد وزارة التعليم العالي عندها مكتبة اليكترونية كويسة .. يعني المراجع متوفرة للطلاب وحتى الما موجود منها مجاني بتلقاهو في مواقع التحميل
حتقول لي الانترنت يمكن يكون غالي وما متوفر ! لا لا الوزارة وفرت المعامل وشبكة انترنت سريعة ومستقرة لكل الجامعات والكليات الحكومية عبر مشروع مكتبة شبكة الجامعات السودانية الافتراضية
الداير اقوله
فكرة إنه يا يحصل تعليم كويس يا نقفل الجامعات الفقيرة دي فكرة أنانية جداً لأنه الجامعات دي ما بدخلوها أولاد الناس المقتدرين أو سكان الخرطوم وإنما بدخلوها ناس لو ما لقوا غيرها ما حيتعلموا .. باختصار كدة زي البتقول يا إما ناكل أكل صحي أو نبطل أكل إن شاء الله نموت
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
لداير اقوله
فكرة إنه يا يحصل تعليم كويس يا نقفل الجامعات الفقيرة دي فكرة أنانية جداً لأنه الجامعات دي ما بدخلوها أولاد الناس المقتدرين أو سكان الخرطوم وإنما بدخلوها ناس لو ما لقوا غيرها ما حيتعلموا .. باختصار كدة زي البتقول يا إما ناكل أكل صحي أو نبطل أكل إن شاء الله نموت
|
الأخ أحمد محمد عمر,
عشان النقاش يكون مفيد من المفروض نمشي خطوة خطوة ونركز النقاش حول موضوع ثم يمكن أن ننطلق إلي الأخرى.
ما ذكرته من المصطلحات مثل Blended Learning or Hybrid or Mixed Learning على حسب فهمي هذه تدخل من ضمن العملية التعليمية يعني الطالب بدلا ما يمشي الفصل ممكن يحضر أونلاين . أنا بتكلم عن توزيع الشهادات بطريقة عشوائية ولي أشخاص غير مؤهلين أصلا. أنا ما عندي مانع أن تفتح أكبر عدد من الجامعات لكن من المفروض تكون هنالك جهة رقابية تتأكد بأنه الطالب البايخد الشهادات دي لازم يكون عنده على الأقل المعارف الأساسية في مجال تخصص. وذا كان ذلك صعب على الأقل تكون في جامعةج أو جامعتين أو تلاتة تكون قوية ومافي لعب فيها. مثلا في أمريكا عندك جامعة MIT و Harvard في إنجلترا مثلا في جامعة Cambridge و Oxford حتى في السعودية هنا في جامعة الملك فهد للبترول والمعادن. يعني أنا ما يهمني الطالب يقرء كيف تحصل على المعلومة من النت من كتاب من أستاذ من الشارع المهم على الأقل يكون عنده معرفة أساسية. شوف مثلا الجامعات الذكرتها لك ديل ما بلعبوا بي سمعتهم أبدا يعني ما ممكن يمنحوا شهادة لي طالب يكون ما ملم بأسبط مجالات المعرفة في تخصصه.
أنا بتكلم عن الأغلبية في السودان مع بعض الأستثناءات البسيطة وأكرر دائما.
تطرقت لإمكانية الأستغناء عن الأستاذ وأستبداله, الكلام ده حتى الآن هو فرضية, لكن لا يمكن تعميمه على كل الطلاب,, الآن في طلاب في بعض الدول بدرسوا من بيوتهم. طيب سؤال: هل يمكن لل IBM Watson Health والإنسان الآلي والتطور الإلكتروني بي صورة عامة في المجال الطبي يمكن أن يحل محل الطبيب؟
على حسب قناعتي في السودان فالمشكلة إدراية ورقابية في المقام الأول, والدولة للإستغلالين يمرحوا ويسرحوا كما يشاؤوون. أضرب ليك مثل, في جامعة خاصة أنا إشتغلت فيها قبل عشرة سنوات الجامعة دي بتخاد رسوم عالية جدا من الطلاب, الجامعة دي ما فيها بروجيكترات كافية, فيها عدد محدود جدا من البروجيكترات والأستاذ لازم يجي بدري عشان يحجز ومرات كتيرة ما بتلقاهم. المهم صاحب هذه الجامعة أستضاف واحد كان شغال في الناسا دفع ليهو خمسين ألف دولار عشان يجي (طبعا الكلام ده عرفته من ناس الحسابات) ومرة قام ماشي ماليزيا طلب منهم يجهزوا ليهو خمسين ألف دولار. طيب أنسان بصرف مبالغ في أشياء ما تستاهل, هل بيغلبوا يركب بروجيكتير في كل قاعة أو يشتري عشرة بروجيكتيرات؟ وطبعا مشكلة البروجيكتيرات حتى الآن قائمة, والكلام ده عرفته من واحد أنضم إلينا حديثا من نفس الجامعة.
أضف إلي ذلك كانوا بستخدموا سبورات أسمنتية والطباشير قديم شديد لمن تمرق من المحاضرة ملابسك كلها بتتملى طباشير. طيب وين الدولة ووين إدارة التعليم الأهلي أو الخاص من مثل هذه المشاكل؟
أنا أصلا ما برمي اللوم على الطالب أو الأستاذ بقدر ما برميهو على الجهات المسؤولة. الطلاب دائما بتأقلموا مع الظروف الموجودة, إذا كان الطالب ممكن ما يمشي الجامعة ويمكن ما يذاكر وفي الأخير ممكن ياخد شهادة وبتفوق كمان ليهو يتعب نفسه؟
في الختام أنا ما ضد فتح جامعات كثيرة ولا تكون أونلاين ولا أون كامبوس, المهم من المفروض ان تكون هنالك رقابة على الجامعات والمؤسسات التعليمية وبالمناسبة السودان فيهو أمكانيات مهولة جدا لكن في سوء إدارة وتنظيم ورقابة.
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
سلامات عثمان
بالنسبة للمبلغ البتدفع للراجل بتاع ناسا مبرر جداً ويمكن يكون شوية ذاتو
ما عشان هو مفيد للطلاب لكن لأنه مفيد في تقييم الجامعة
أكبر بند في تقييم الجامعات هو الأساتذة الحائزين على جوائز عالمية
بالنسبة للرقابة شفت كليات خاصة بتعاني شديد من زيارات ناس الوزارة للتفتيش وبلزموهم بمتطلبات كتيرة شديد
قبل 10 سنين يعني 2006 ما كانت الطباشير مستهجنة زي هسة .. يعني كان في جهات بتشتغل بيها عادي لكن بالتأكيد الناس خرفتها في الوقت الحالي
الوضع في التعليم العالي لسة ما وصل مرحلة يدوا شهادات (عليا) هدية .. ممكن بعذ الجامعات تتساهل في البكالريوس بس ما ظنيتهم بتساهلوا في الدراسات العليا
الحد الأدنى بتاع MIT بالتأكيد ما حيتقارن بالحد الأدنى بتاع كلية أم صفقاً عراض الجامعية .. لكن حق صفقنا دة يظل حد أدنى بقضي لينا شغلاتنا وبخرج لينا مبرمج يشتغل في محلية ريفي أم صفقاً عراض ما حينفعنا بتاع MIT البشتغل في ناسا
الأنا شايفه يا عثمان إنه الناس الطلعت برة السودان سقفها علا لأنه شافو مستوى التعليم في العالم .. بس كمان انت ما ممكن تطالب بحاجة في ظروف ما حقتها
السوداني البمشي يقرأ في هارفارد حيندهش بمستوى التعليم هناك ويتأهل ويتفوق لكن ما حيجي يشتغل لي في السودان
فالمسألة نسبية بالتالي المقايسة بالعالم ما بتجوز بامكانياتنا الحالية دي
| |
|
|
|
|
|
|
|
|
|
Re: أبتبالغي يا وزيرة (Re: أحمد محمد عمر)
|
بالنسبة للحديث عن الاستفاده من الانترنت يحتاج وقفه.
*الجامعات الان مواقعها على الشبكة أكثر من بدائية بالنسبة للتعليم الجامعي لا توجد مواقع/صفحات للأساتذة وبريد الكترونى توفرهم الجامعة لتسهيل العملية التعليمية وتعويد الطالب على ثقافه التعامل مع الانترنت في التفاعل مع الأستاذ.اضافه الى مواقع مهمه لا يستطيع الأستاذ/الباحث الاشتراك فيها زي (Research gate) اللى يشترط عليك التسجيل بواسطة بريدك الإلكتروني الخاص الممنوح ليك من المؤسسة التي بتعمل فيها (institution email).
*موضوع التعامل اونلاين لتصحيح ومتابعه البحوث وتفادى (Plagiarism ). طيب البحوث ومشاريع التخرج البتبحث فى حاجات محليه قد تكون في دراسات مشابهه ليها في السودان لكن غير موجوه على الانترنت. أحيانا في ناس بتاخد مشاريع تخرج عملها واحد من جامعه تانيه قبل سنه او سنتين.
دا بيقودنى للكلام عن حاجه مهمه وهى ضرورة توفر مستودعات رقميه (institution email) للبحوث على الانترنت على مستوى الجامعات والمستوى المركزي (ناس وزاره التعليم من اكثر من 10 سنه بطلبو من الأستاذ البيكمل الماجستير/الدكتوراه تسليم نسخه رقميه بجانب النسخة الورقية ورغم دا مأقى مستودع مركزي حتى للبحوث اللى بيعملها أساتذة الجمعات لنيل ماجستير/دكتوراه.
في محاولات في جامعه السودان للحكاية دي لكن تحتاج لمتابعه وتطوير وتحديث مستمر.
*دايما بشوف حديث متكرر عن امكانيه الاستغناء عن الأستاذ مع توفر كل شى اونلاين مكتبات او محاضرات ...
اذا كان الانترنت والروبوت بديل للإنسان حتى في التعليم اذن ما الداعي للتعليم أساسا؟
التكنولوجيا والانترنت وسائل مساعده ولتحسين العملية تعليميه كانت او طبيه ا هندسيه (الدراسات العلمية أكثر شمولا للاحتياج للتطبيق العملي وخبره المدرس بجانب الكتاب المقروء) وليست كل المناهج يكفي تدريسها اونلاين خاصه في مستويات الدراسة المتقدمة ثالثه /رابعه/خامسه. فالحاضرات اونلاين ممكن لبعض المواد العملية لكن ليست بديل عن المحاضرة والتفاعل المباشر مع الأستاذ. بل حتى بعض المواد النظرية في الآداب او القانون تكون لها خصوصيه البلد الذى تدرس به زي اللغات المحلية مثلا.
*بالنسبة للمراجع الرقمية: معروف ان نسبه كبيره من التاح هو كتب قديمة /غير محدثه وللحصول على طبعه كتاب محدثه او كتاب صدر حديثا تحتاج اما الاشتراك في موقع او شرائه (اونلاين). الظروف الاقتصادية للطالب وحتى الأستاذ ولو كان الحال متيسر وين التأمل اونلاين بالدولار في ظروفنا دي.
حتى لو وفرت المراجع للطلاب عبر ( موقعك الخاص ) فالطلاب أصبحوا متعودين على حاجه اسمها (Sheets) يعنى الملخص جاهز من الأستاذ والطالب ما بيكلف نفسو حتى تسجيل نقاط اثناء المحاضرة بس يمشى يصور وخلاص. الملخص ذاتو اغلب الأستاذة بقدمو شرائح عرض (الباور بوينت ) كملخص يعتمد عليهو الطالب تماما ويمتحن فيهو ولاشىء خارج هذا الملخص. وطبعا لو ماقدمت ملخصات لمحاضراتك وتلزمهم بالتلخيص من المرجع اللى وفرتو ليهم ورقى كان او رقمى يمشو يشتكو للاداره لنك مقصر ومابتدى ملخصات (يعنى تعتبر حق ولازم الامتحان مايخرج منها) حتى مع توفر الكتاب ويدعم موقف الطالب و خموله عن استخدام المرجع اللى بتوفرو ليهو.طبعا الناس اللى بتقدم للطلاب ملخصات شرائح الباوربوينت ديل محسوبين احسن واشطر اساتذه.دا عير حكايه وجود دروس خصوصيه واعتبارات تلى الحكايه واحيانا تلقى والد/والده طالب يتصل بيك ماتعرف لقى رقمك وين عشان تنجح ولدو وناس واسطات من بدايه السنه يقول دا قريب فلان ودا حسيب علان عشان يضمنو نجاحو كدا ساى.
أحيانا تفرض طريقه تدريسك وتمتحن الطلبه ويكون في رسوب .. تلقى في النتيجه عدد الناجحين اكتر او لم يرسب احد واحيانا رئيس القسم يرجع ليك النتيجة ويقول (صلحها) يعنى ارفع نسبه النجاح.
*المطلوب فعلا حث الطالب على أساليب المتابعة التقليدية في متابعه المحاضرة وتلخيص النقاط وعلى البحث والدراسه باستخدام المرجع وتعميق معرفتو.لكن دا ممكن الا من خلال دعم الأستاذ لاداء عمليتو التعليمية بدلا عن دعم خمول الطالب.
دى المشكلة اداره وحرص على جوده العملية التعليمية (ولو) بطريقه الثمانينيات والسبعينيات (من حيث حث اجتهاد الطالب على التعلم بدلا عن الخمول )خلونا من نسرح انترنت ومحاضرات اونلاين وتقليل دور الأستاذ.انت تناقش واقع في السودان اما ان تكون معاش له معايشه لصيقه او سيكون تنظير.
ما كل الأساتذة غير مؤهلين ومعينين سياسيا او ما شابه ذلك في أساتذة جيدين لكن واقعين بين مطرقه الإدارة وسندان الطالب
| |
|
|
|
|
|
|
|
|
|
Re: أبتبالغي يا وزيرة (Re: Asim Ali)
|
| Quote: انت تناقش واقع في السودان اما ان تكون معاش له معايشه لصيقه او سيكون تنظير. |
يا عاصم براحة ياخ .. أكيد الواحد لو ما عارف الحاصل ما ممكن يشارك .. ولا شنو!
أنا ما قلت استغنوا عن الاستاذ لكن قلت نكمل النقص بالتعليم الالكتروني
بعدين منو القال التعليم الالكتروني ما فيه استاذ !
فيه محاضرات مسجلة بالفيديو وفيه بث مباشر و collaborate و interactive board و مشاركة شاشات وملفات وأي حاجة
بالنسبة للكتب المرجعية في مجالنا نحن بتاع الكمبيوتر متوفرة مجان وبآخر اصدار عادي على مواقع التحميل
التصرفات بتاعة الوساطة وإنجاح الطلاب بواسطة جهات تانية دة ما سلوك ممنهج ممكن تقيس عليه وإنما تصرفات فردية وبعض الجامعات بتدي رئيس القسم أو الحق في تعديل النتيجة
مواقع الجامعات نعم تعبانة لكن بسبب الحظر الامريكي ما بتقدر تستخدم أنظمة إدارة تعلم LMS قوية لا بتقدر توصل blackboard ولا حتى google suite for education ما عندك غير moodle علماً بإنه استخدامه حيكون خطير جداً لأنه السودان لازال ممنوع من استخدام شهادات السرية SSL البتضمن تشفير البيانات
البريد الالكتروني المخصص حيكون عندو مشكلة كبيرة مع العربي إذا اتعمل بالخدمات المجانية بينما البريد المخصص الاحترافي البدعم العربية بكفاءة عند مايكروسوفت وقوقل والاتنين ما بوفرن خدمات تعليمية أو خدمات بزنيس للسودان
بالنسبة لاستخدام البوربوينت كمرجع دي يسأل عنها الاستاذ اللي بيرضى لنفسه كدة .. وتسأل عنها الجامعات الما قادرة تحفز الأساتذة على انتاج الكتب بمقابل مادي مغري واعتقد إنه الاتحاد المهني لأساتذة الجامعات السودانية لو سك دعم الكتب المرجعية ممكن جداً يتشجعوا الاساتذة على الكتابة .. لو وضعوا 20 ألف فقط على كتاب المقرر ممكن جداً الجامعات تكون عندها كتبها المرجعية الخاصة
عليك الله لو رضيت رديت علي المرة الجاية ما تدفّرني .. انتو مالكم مابين مجالسة المساكين الزينا ديل 
| |
|
|
|
|
|
|
|
|
|
Re: أبتبالغي يا وزيرة (Re: امتثال عبدالله)
|
وان شاء الله يا ود ابو سن تكون سمعت بقصة المواطن السوداني الذي لمستشفى في امبدة
وعمل صورة اشعة لصدره واخبره الاطباء ان هناك صرصور داخل صدره ولازم يسافر بره لاستخراج
الصرصور...والمسكين باع كل املاكه وسافر لاحدى دول اوروبا ،،،وهناك الدكاترة الدكاترة الالمان قالوا
ليه مافي اي صرصور ، وان الصرصور كان داخل جهاز الاشعة في المستشفى الحكومي في السودان...
عليك الله، اذا الخبر ده صحيح، في فضيحة اكبر من الفضيحة دي...
| |
|
|
|
|
|
|
|
|
|
Re: أبتبالغي يا وزيرة (Re: أحمد محمد عمر)
|
الاخ احمد
العفو والله نحنا المساكين لغايه مابقينا فى الحال زى البناقشو دا .حاولت اعطى مثال (على المسنجر)لحادثه كنت ضمن مشهدها للتاكيد على سوء ماوصل اليه الحال لكن المسنجر عندى فيهو مشكله اظن.
المهم اعبر ليك عن الحال ببيت الشعر
إذا كـــان ربُ البيتِ بالدفِ ضاربٌ فشيمـةٌ أهلِ البيتِ الرقصُ.........(نحنا غلبنا النسويهو وبنعاين بس ..)
تحياتى ليك ولصاحب البوست وضيوفو
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
بالنسبة للمبلغ البتدفع للراجل بتاع ناسا مبرر جداً ويمكن يكون شوية ذاتو
ما عشان هو مفيد للطلاب لكن لأنه مفيد في تقييم الجامعة
أكبر بند في تقييم الجامعات هو الأساتذة الحائزين على جوائز عالمية
بالنسبة للرقابة شفت كليات خاصة بتعاني شديد من زيارات ناس الوزارة للتفتيش وبلزموهم بمتطلبات كتيرة شديد
قبل 10 سنين يعني 2006 ما كانت الطباشير مستهجنة زي هسة .. يعني كان في جهات بتشتغل بيها عادي لكن بالتأكيد الناس خرفتها في الوقت الحالي
الوضع في التعليم العالي لسة ما وصل مرحلة يدوا شهادات (عليا) هدية .. ممكن بعذ الجامعات تتساهل في البكالريوس بس ما ظنيتهم بتساهلوا في الدراسات العليا
|
الأخ أحمد محمد عمر,
ياخي أنا بقول ليك الجامعة عندها نقص حاد في البروجيكترات إلي يومنا هذا, تقولي لي تقييم الجامعات؟ وأؤكد ليك بأنجابه لمن جاب الراجل بتاع الناسا وهو معاشي, جابو للدعاية المحلية فقط, بعدين تفتكر جامعة ما موفرة بروجيكتيرات لأعضاء هيئة التدريس تفتكر هل يمكن أن تدخل في التصنيف العالمي؟ بعدين أنا ذكرت ليك دي حالة واحدة عشان تقدر تتخيل الصورة الكاملة. كنت فيها رئيس قسم, عندي في القسم عشرة من أعضاء هيئة التدريس ومكتب واحد فيهو أربعة ترابيز قديمة شديد ومافيهو كمبيوترات, صاحب الجامعة مصر عليأن أضغط على أعضاء هيئة التدريس بأن يكونوا متواجدين في الكلية من الساعة الثامنة صباحا إلي الثانية ظهرا. قلت ليهو ما ممكن أجبر شخص يداوم في الكلية وقت فراغه وما عنده مكتب ولا تربيزة ولا كرسي ولا كمبيوتر,, في الأخير أضطريت أقدم إستقالتي.
أنا ما عارف إنت عايش وين بالضبط؟ لكن أديك مثال واحد, أشرفت على أحدى الطالبات في المجاستير في علوم الحاسب في جامعة ما, في بحث ليهو علاقة بال RFID وفيهو كود جاهز بلغة الجافا, والبرنامج شغال طلبت منها أن تربط البرنامج بقاعدة بيانات, يعني البرنامج يخزن رقم ال TAG البتعرف عليهو ال Reader بتاع ال RFID وده شيئ بسيط شديد, ما قدرت تعملوا. أخطرت الكلية بمستوى الطالبة وعدم تمكنها من فعل شيئ, وقالوا لي دي عندها آخر فرصة في الماجستير خليها تناقش وفي الأخير منحت درجة المجاستير. وده ما معناهو مافي طلاب ممتازين, أنا شخصيا كنت بساعد طالبين وطالبة من جامعة السودان في مشروع تخرج وكان المشرف على المشروع صديق, المهم الطلاب ديل عملوا عمل ممتاز ورائع وأي شيئ طلبته منهم نفذوه بالحرف الواحد. لذلك أؤكد ليك بأنه في طلاب ممتازين في البكالوريوس والماجستير والدكتوراة لكن ديل قلة.
أطلب منك طلب بسيط, الآن في عدد من البروفيسورات كده أمسك مجموعة منهم وأدخل أسماءهم في القوقل وشوف مساهماتهم في البحث العلمي, أنا متأكد بأنك حتلاقي بسيط جدا منهم بكونوا عندهم مساهمات فعلية.
لذلك حينما نتناول المشكلة هنا مش تبخيس ولا كراهية لكن حبا للوطن ونتمنى أن يرتقي الوطن وأتمنى أن نعترف بمشكلنا حتى نتمكن من حلها, لكن دفن الرؤوس في الرمال ما بحل المشكلة بل يزيدها تعقيدا.
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
كتر خيركم عثمان واحمد
عندنا في كوستي جامعة السودان فرع من الجامعة الام
تدريس بي حضور عديل . ادوهم شهادات تعليم عن بعد !!
هل تصدقو في دروس خصوصية للطلاب من اساتذة الجامعات
هل تصدق مرات نجاحك مربوط بشرائك للشيت من الاستاذ
نعم في تدهور حاصل ودة من الاستاذ مرات لضعف التدريب والتأهيل وسؤ وضع الاستاذ ذات نفسه
وسؤ البيئة الجامعية وانعدام النشاطات السياسية والثفافية .. سؤ تأهيل المدرجات والافتقار للمعامل المؤهلة وكتير جدا
والسبب السلطة نفسها
ما عارف يا احمد حكاية نأكل ونموت دي .. لكن بفتكر الامر غير كدة .. في اساتذة جامعين مؤهلين ولكن سياسة التمكين هي السبب
تكون جامعات محترمة ومؤهلة او لا تكون
صحبي المرحوم دكتور قانوني امين حفيت اقدامه واشتغل متطوع ولم يقبل به في جامعة الامام مسقط رأسه لأنو شيوعي معروف ونشط
هي كدة
تعيين العمداء وغيرو
امتثال بجيك
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
يا عثمان أغلب الجامعات العربية الغنية بتعمل الحنك بتاع الخبير الأجنبي دة
شوف الصورة التحت دي من تقييم شانغهاي الشهير بتلقى إنه 80% من التقييم معتمد على الاصطاف
عشان كدة ما بستغرب لو جابوا باحث شايل جوائز عشان يرفعوا بيه اسم الجامعة أو الكلية .. وحتى محلياً مفروض لو اختاروا كويس قروشه البياخدها دي يجيب أضعافها من الطلاب الحيدخلوا عشانه
وضع الجامعات البتتكلم عنه دة أنا فاهمه كويس لكن أنا ما بتكلم عن الجامعات الخاصة بتكلم عن الجامعات الحكومية
بالنسبة للطالبة الحكيت عنها كان ممكن تغطس حجرها في المناقشة .. شفت قبل كدة مشرفين حكوا الطلبة بتاعينهم في المناقشة وشيلوهم مشروع التخرج في البكالريوس
بالنسبة لمساهمات الأساتذة أصلاً هي بق زيرو حتى لو كانت عندهم أبحاث لأنه ما عندنا أي بصمة في العلوم بشكل عام .. لحدي هسة ما سمعت لي بسوداني اكتشف نظرية ولا قانون رياضي ولا فيزيائي أما في علوم الكمبيوتر فمعلمين الله
لكن دة بسبب إنه الدولة ما بتدعم البحث العلمي والاستاذ جاري وراء لقمة العيش ما عندو زمن ولا مروة عشان يكتب ويبتكر
أنا شايف معاك المشاكل ومعترف بيها لكن حلها ما بكون بإنه نقول الجامعات دي خربانة أحسن تتقفل .. دة بس اختلافي معاكم
| |
|
|
|
|
|
|
|
|
|
Re: أبتبالغي يا وزيرة (Re: أحمد محمد عمر)
|
يا أب سن كلامك دة كان حاصل في زمن التمكين أيام وظيفة استاذ جامعي مغرية
صاحبك المرحوم لو عاش في زمنا دة كان اتعين في الجامعة عادي .. وانت قايل وظيفة الجامعة شن طعمها !
المحاضر مرتبه بالكامل ما واصل 5000 جنيه
دروس خصوصية في التعليم العالي دي ما شفتها والله .. لكن شهادة جامعة السودان المفتوحة لازم تكون تعليم عن بعد حتى لو كانوا ساكنين جوة الجامعة لأنه أصلاً اسمها كدي .. جامعة مفتوحة
| |
|
|
|
|
|
|
|
|
|
Re: أبتبالغي يا وزيرة (Re: Mahjob Abdalla)
|
تحياتي امتثال
اظن الخبر عبارة عن كوميديا مبالغ فيها لعكس سؤ حال العلاج وليست حقيقة
قبل مجئ الانقاذ كان جميع الاطباء يعملون بالمستشفي نهارا
وهذا يتيح لكبار الاطباء والاخصائين تدريب الاطباء الجديد فنيا ومتابعتهم ومراقبتهم . ويتيح للاطباء الجدد فرصة التعلم والتجربة العملية . كما انهم يتعلمون ويعرفون الاخلاق الطبية وغير ذلك
حولت الانقاذ العلاج لاقتصاد وتركت العلاج المجاني
ففتح الاخصائين عياداتهم صباحا . وحاولت الحكومة منعهم بالتهديد وفرض القوانين ورفض الاخصائين ذلك . بل وصل الامر ببعضهم للاستقالة . وكان رأيهم لايمكن للحكومة ان تلزمنا بالتواجد بالمستشفي لرؤية المرضي ثم تحصيل مبالغ منهم . ان اردتم منا قفل العيادات فلتعيدوا مجانية العلاج
وهكذا استمر الوضع سوءا بعد السماح بفتح المستوصفات . العمليات التي كانت تتم بالمستشفي صارت تتم خارجه . والمريض الذي تستدعي حالته المراقبة بالمستشفي وجد مكانا آخرا
وهذا جعل الاخصائين والاطباء يميلون للعمل الخاص جدا
وفقد الاطباء الجدد فرصة التعلم
وازداد الامر سوءا صار المريض زبونا !!
وصار بعض الاطباء تجارا !!
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
عشان كدة ما بستغرب لو جابوا باحث شايل جوائز عشان يرفعوا بيه اسم الجامعة أو الكلية .. وحتى محلياً مفروض لو اختاروا كويس قروشه البياخدها دي يجيب أضعافها من الطلاب الحيدخلوا عشانه
وضع الجامعات البتتكلم عنه دة أنا فاهمه كويس لكن أنا ما بتكلم عن الجامعات الخاصة بتكلم عن الجامعات الحكومية
بالنسبة للطالبة الحكيت عنها كان ممكن تغطس حجرها في المناقشة .. شفت قبل كدة مشرفين حكوا الطلبة بتاعينهم في المناقشة وشيلوهم مشروع التخرج في البكالريوس
أنا شايف معاك المشاكل ومعترف بيها لكن حلها ما بكون بإنه نقول الجامعات دي خربانة أحسن تتقفل .. دة بس اختلافي معاكم
|
الأخ أحمد
أتمنى أن تعمل إقتباس لي كلامي عشان ما تجيب كلام أنا ما قلت.
الباحثين البجيبوهم عشان يرفعوا سمعة الجامعة يا جابوه عشان يشتغلوا في الجامعة أو عملوا معاهم أبحاث مشتركة, وحصلة مشكلة في السعودية في جامعة كانت بتدفع لي باحثيين مشهورين عالميا عشان يضيف إسم جامعتهم في أبحاثهم. في الحالة الأولى مافي مشكلة مثلا تجيب واحد حائز على جائزة نوبل عشان يشتغل في جامعتك, لكن قصة إضافة إسم الجامعة في الأبحاث دي القصة الما أخلاقية وبالنسبة لي حالة الجامعة السعودية أثاروها في الجرايد ومافي حد دافع عن سلوك الجامعة أو بررها.
بالنسبة للحالة الذكرتها ليك في السودان, ده ما جابوه عشان يشتغل معاهم جابوه يقدم محاضرات لمدة أيام فقط. كده أقنعني ده حيفيد الجامعة في شنو؟ ولا يدخل التصنيف في أي بند ولا كيف؟
بالنسبة للطالبة, في المناقشات القرار ما بكون هو قرار المشرف, القرار قرار الممتحن الخارجي والممتحن الداخلي, خاصة في هذه الحالة,, أنا قلت ليك كلمت الكلية وحكيت ليهم الحاصل والممتحنين قالوا ليها شغلك ده ما بصلح لي ماجستير بس لازم تعملي تعديل, وبعد فترة فوجئت بأنها حملت الماجستير من نفس الكلية. أها أنا أعمل شنو؟ أنا ما الجهة المخولة بذلك.
أخيرا قلت نقطة خلافك معاي بإنه الحل ما بكون بأنه نقول الجامعات دي خربانة أحسن تتقفل. أولا أنا ما ذكرت القفل,,, أنا قلت ليك لابد أن تكون في جهة رقابية .....,,, وهسي بقول ليك لو في جامعة بتوزع شهادات وهي تعتبر شهادات زور وبتمارس ممارسات لا أخلاقية من الأفضل أن تقفل بدل أن تساهم في تدمير التعليم والأخلاق في البلد.
طيب ورينا الحل شنو؟ هل الدولة تسمح للجامعات دي تواصل في تدميرها للتعليم بي هذه الطريقة التي تعتبر بكل المعايير لا أخلاقية وتوزع شهادات لي أشخاص غير مؤهلين؟
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
الأخ عبدالحفيظ,
انا محتار شديد في أحمد محمد عمر, ما عارف هل هو ما مركز مع موضوع البوست ولا شايت عشوائي ما عارف الحاصل شنو؟ البوست بتكلم عن السرقات العلمية للطلاب وتعيين أستاذ غير مؤهل, وطعبا ده بمثل حالتين فقط من الممارسات الخاطئة وغير الأخلاقية في داخل التعليم العالي في السودان. بعدين مدخل أشياء تخص الوسائل تعليمية مثل ال e-learning و blended learning كتبرير لمنح الشهادات لغير أهلها أو لي ناس فاقدين الأهلية تماما ووضحت ليهو دي وسائل تعليمية وأنا شخصيا ما يهمني الطالب كيف بكتسب المعرفة والوسائل المستخدمة لإكتساب المعرفة أهم شيئ يكون فاهم.
وختم كلامه بي:
Quote:
لداير اقوله
فكرة إنه يا يحصل تعليم كويس يا نقفل الجامعات الفقيرة دي فكرة أنانية جداً لأنه الجامعات دي ما بدخلوها أولاد الناس المقتدرين أو سكان الخرطوم وإنما بدخلوها ناس لو ما لقوا غيرها ما حيتعلموا .. باختصار كدة زي البتقول يا إما ناكل أكل صحي أو نبطل أكل إن شاء الله نموت
|
المشكلة أنا ما جبت ليهو سيرة قفل الجامعات وبعدين بقول ليهو لو أصلا الإنسان عنده إمكانية أنه ياكل أكل صحي ليه ياكل أكل ما صحي؟
وهل معقول أنو نمنح درجات علمية لأشخاص غير مؤهلين وترقيات باللف والدوران برضو لأشخاص غير مؤهلين ونببر بأنه في جامعات بتمنح تعليم عن بعد أو هنالك تعليم مدمج (دمج التعليم الإلكتروني مع التعليم التقليدي)؟
أنا ما عارف ليه بعض الناس بتدافع عن الممارسات الخاطئة وتبررها تبرير غير منطقي وغير مقبول؟ لابد أن نراجع جامعاتنا وطريقة منح الشهادات وضبط معايير منحها ومافي حد طالب بقفل الجامعات خليهو يفتحوا مية جامعة لكن بأسس وقوانيين واضحة وضوابط صريحة وما فيها مجاملة.
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
سلامات عثمان
أنا ما بقتبس كلامك للرد عشان ما يبقى الموضوع مناظرة أنا أصلاً ما قصدي أفند كلامك وإنما عاوز اقول وجهة نظري في الموضوع بشكل عام سوا في رد عليك أو في رد على غيرك
بالنسبة للطالبة انت قلت الممتحنين طالبوها بتعديل .. يبقى عدلت وسلمت التعديل وتم القبول .. هسة يمكن اشتغلت كويس ياخ بس انت باركها وما تزعل روحك
الاستاذ بتاع ناسا دة برضو ما عارفك زعلان منه مالك؟ كلية عاوزة تتعاقد مع استاذ لأي حاجة وصاحب الكلية حر في تصريف أمواله وترتيب اولياته
يا ابو سن البدمروا في البلد ديل قارين في أفضل الجامعات الاوربية وفي جامعة الخرطوم زمان .. تدمير البلد ما عدم كفاءة أكاديمية وإنما عدم ضمير .. لو مسكت الكيزان الوصلونا الحفرة دي بتلقى فيهم كمية كانوا أوائل السودان
الحل في رأيي إنه الناس الشايفة قصور في الجامعات تدعمها بالحاجة البتقدر عليها .. وهنا ما بتكلم عن قروش وإنما عن كتب مرجعية وبرمجيات تعليمية .. يلقوا لينا فرقة في المكتبات العالمية المشاركة فيها الجامعات الشغالين فيها .. يشرفوا على مشاريع التخرج والدراسات العليا بالإيميل
لكن ما نكتف يدينا ونقول دي ما نافعة كلو كلو أحسن تولع بي جاز
عثمان شايف نفسك قام وانا زول بتونس ساي ما بنتقد في سلوكك ولا عندي فيه رأي .. يعني مافي حاجة شخصية فما تشيل في خاطرك
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
لاستاذ بتاع ناسا دة برضو ما عارفك زعلان منه مالك؟ كلية عاوزة تتعاقد مع استاذ لأي حاجة وصاحب الكلية حر في تصريف أمواله وترتيب اولياته
|
كيف ما أزعل؟ قلت ليك أنا كنت رئيس قسم ومافي ترابيز وكراسي وكمبيوترات للأستاذة ومافي بروجكترات وبقول لي تضغط على الأساتذة يكونوا متواجدين في الكلية من تمانية صباحا إليه إتنين ظهرا وفي نفس الوقت جايب واحد لي مدة أسبوع دافع ليهو خمسين ألف دولار. بعدين شوف ده الفهم الغلط في السودان الواحد يقول ليك صاحب الكلية والشغلح ر في تصريف أمواله. أول شيئ هو بستثمر في مجال التعليم وعليه واجبات لازم يقوم بيها ولو في نظام في الدولة لو ما أستوفى المتطلبات دي مفروض يعاقب حتى ممكن كليته ولا جامعته تتقفل.
الظاهر في حاجات إنت ما عارفها, زمان الإستثمار في المجال التعليمي السوداني كان غير ربحي. بعدين أمشي الدول الغربية كلها وشوف المؤسسات الخاصة شغالة كيف؟ مافي لعب, حتى في دول عربية وأفريقية المستثمرين في كل المجالات في أشياء لازم يوفروها ولو ما وفروها الدولة ما بتخليهم.
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
سلام يا أبو حميد
| Quote: الطالب البقرأ في جامعات أقاصي البلاد دة لو ما لقى الجامعات دي كان حيفتح طبلية في السوق ولا يشتغل كمساري .. الآن عندو شهادة جامعية وممكن يلقى الفرصة للعمل في أي مكان وممكن يأهل نفسه بدورات مهنية ودراسات عليا |
صاحب الطبلية و الكمساري و سواق الرقشة و المكنيكي و عمال المباني مهن يجب أن نحترمها.. و هي مهن مهمة و مفيدة جداً للمجتمع و لابد من تغطيتها ببعض من أفراد المجتمع.
و على الدولة الإهتمام بترقية أصحاب هذه المهن و تقديم التعليم المناسب لهم.
تهميش هذه الفئات و تحويل نصيبها في التعليم لنوع تعليم بستهدف صفوة طلاب جامعيين ضرره أكبر من نفعه.
مشكلة الجامعات الكثيرة و التي صاحبها أيضاً تدني في مستوى التعليم العام (الأساس و الثانوي) غيرت في مفهومنا للتعليم.
حيث أصبح دخول الجامعة و التخرج منها ضرورة مجتمعية. و اصبح المجتمع يظن أن الذي لم يتحصل على شهادة جامعية كأنه لم يكمل تعليمه.
و السبب في ذلك هو إستسهال فتح الجامعات و تدني مستوى التعليم العام.
الذي حدث في عهد الإنقاذ هو تدني في مستوى الشهادات الجامعية بحيث أن الخريج الجامعي الآن قد تكون حصيلته المعرفية أقل من خريج المدرسة الثانوية لو تم الإهتمام بمناهج و طرق التدريس في المدارس الثانوية.
و الحصيلة أن الطالب يضيِّع 16 سنة من عمره في ما كان يمكن إنجازه في 12 سنة.
الأهم من كثرة الجامعات هو تحسين مستوى التعليم العام و إتاحته للجميع. و أن يستهدف التعليم العام تغطية كل المواطنين بنسبة 100%.
ثم الإهتمام بالتعليم الحرفي و إستهداف أصحاب المهن الوسيطة بتعليم يناسب حوجتهم و لا يضيع زمنهم و لا يستهلك موارد الدولة في ما لا يجدي.
ما قصدته هنا هو أن التعليم الجامعي ليس ضرورة و من الافضل حصره على نطاق ضيق جداً بما يناسب حوجة البلاد له.
و في مقابل تضيق نطاقه يجب تحويل المصادر التي تستهلكها الجامعات الكثيرة للصرف على:
تحسين و توسيع متاحية التعليم العام و التعليم الحرفي.
الإهتمام بجودة التعليم العالي.
| |
|
|
|
|
|
|
|
|
|
Re: أبتبالغي يا وزيرة (Re: Hafiz Bashir)
|
كيفك حافظ
الميكانيكي وعمال المباني ديل مهن حرفية مفروض نشجع عمالها على دخول المدارس الصناعية ومعاهد التلمذة والتدريب المهني والكليات التقنية
الآن ممكن بجهاز لا يتجاوز سعره 10 دولارات وتطبيق موبايل تفحص ماكينة السيارة وتعرف العطل وين وكيف بتصلح
الميكانيكي الما قاري بالتأكيد ما حيقدر على الانجليزي وبحث الانترنت عشان يستفيد من التطبيق دة
أنا اخترت الطبلية والكمساري لأنها مهن ما فيها تميز حرفي يعني أي زول ممكن يشتغلها .. وبالتأكيد مهن بحترمها كوني كنت بتاع طبلية في يوم من الأيام
لكن هل دي مهن مفروض نكرس ليها؟
الطبلية بلا شك تعدي على الشارع العام وزحمة للسوق والحاجات الموجودة فيها بتتلقي في الدكاكين والأكشاك المصرحة ومهنة الكمساري في طريقها إلى الانقراض .. في مدني مثلاً خلاص المواصلات بقى امجاد
يبقى التكريس للمهنتين ديل والمهن المشابهة يعتبر تعطيل لقوى بشرية منتجة ممكن تساهم في تطور البلد
والشخص اللي ممكن نمرقه منهن بجامعة تعبانة على أن يطور نفسه بنفسه حقو ما نتوانى عن تعليمه حتى لو كان تعليم دون المستوى .. برضو احسن من لا شئ
أخيراً التعليم الجامعي ما رفاهية عشان نحصرها في نطاق ضيق .. أنا شايف حتى البربي جداد يسترزق منه نفتح ليه دبلوم انتاج حيواني سنتين عشان يربي جداده بطريقة علمية وصحية ويقدر يزيد انتاجه
| |
|
|
|
|
|
|
|
|
|
Re: أبتبالغي يا وزيرة (Re: Hafiz Bashir)
|
التعليم العالي في السودان وكل دول العالم التالت لن يتطور لأن التعليم عاوز صرف وعاوز ميزانيات
ومراكز أبحاث لن تستطيع دولنا هذه تحمل تكلفتها .
أما الدمار الحاصل في السودان هسه تعليم ما بعد الإنقاذ برئ منه وخريجي ما بعد الإنقاذ برئيين أيضا" منو
لأنو شايف الناس بتتحسر على التعليم زمان وعلى أيام زمان!!
الوزيرة دي لو فتشت حتلقاها خريجة زمااان
والدمروا السودان تمسكم كلهم من ناس الترابي وعلى عثمان ومرورا" بنافع وغازي ومامون حميدة
وأي زول عندو يد في ضياع السودان حتلقاهو من ناس زمان وايام الجميلة والمستحيلة !!
| |
|
|
|
|
|
|
|
|
|
Re: أبتبالغي يا وزيرة (Re: عثمان الأمام)
|
اها امسكو التصريح الطازج دة
وزير العمل قال ثورة التعليم ساهمت في زيادة البطالة والعطالة
انتهت اقوال الصحف
العطالة والبطالة هل هي توكيد لفظي
ولا أي واحدة عندها معني براها
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
Quote:
اها امسكو التصريح الطازج دة
وزير العمل قال ثورة التعليم ساهمت في زيادة البطالة والعطالة
انتهت اقوال الصحف
العطالة والبطالة هل هي توكيد لفظي
ولا أي واحدة عندها معني براها
|
الأخ عبدالحفيظ, إنت بتجيب البلاوي دي من وين؟ ياخي عندنا وزراء تحف جدا.
من الفروض الدولة تعطي إهتمام خاص للتعليم لأن التعليم هو العمود الفقري للدولة, إن صلح صلح كل شيئ وإن فسد فسد كل شي.
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
بشوفك جرايد
شواكر حوامد
ولا هامي فيها
عليها المصايب تمام التمام
تسبح بحمد الذي ابتلاكي
وهداني الودار
القدال
من جرايدهم يا عثمان
منذ 1989 اقسم صادقا لم اشتر صحيفة
لكن كتر خير السايبر بدينا اقوال الصحف يوماتي
اخبار الصفحة الاولي
الاخبار المهمة والاساسية في ظن رؤساء تحرير صحفهم !
يعني بتجيني في محلي
يصرحون وهم يحسبون انهم يحسنون صنعا
| |
|
|
|
|
|
|
|
|
|
Re: أبتبالغي يا وزيرة (Re: aosman)
|
بشوفك جرايد
شواكر حوامد
ولا هامي فيها
عليها المصايب تمام التمام
تسبح بحمد الذي ابتلاكي
وهداني الودار
القدال
من جرايدهم يا عثمان
منذ 1989 اقسم صادقا لم اشتر صحيفة
لكن كتر خير السايبر بدينا اقوال الصحف يوماتي
اخبار الصفحة الاولي
الاخبار المهمة والاساسية في ظن رؤساء تحرير صحفهم !
يعني بتجيني في محلي
يصرحون وهم يحسبون انهم يحسنون صنعا
| |
|
|
|
|
|
|
|
|
|
Re: أبتبالغي يا وزيرة (Re: عبدالحفيظ ابوسن)
|
آي صحي
الناس العملت التعليم بي قروش ودمرتو
هم اولاد وبنات الشعب الفقير الذي قرأ مجانا حتي التخصص
قروا واكلوا وسكنوا مجانا وبدوهم قروش كمان
فعلا
صدق علي بن ابي طالب
اطلب الفضل من بطون شبعت ثم جاعت فلا يزال الشبع فيها باقيا
ولا تطلبه من بطون جاعت ثم شبعت لأن الجوع لا يزال فيها باقيا
ياخ التقول طالبن الوطن مغسة
استدراك
لم يدمروا التعليم فقط .. بل كامل مؤسسات الدولة مدنية وعسكرية وخدمية
| |
|
|
|
|
|
|
| |
عبدالحفيظ ابوسن
محمد البشرى الخضر
عمر أبوعاقلة
MOHAMMED ELSHEIKH
الزاكى المغيرة
aosman
Asim Ali
عباس محمود
Yousuf Taha
Hafiz Bashir
Abdullah Idrees
Mahjob Abdalla
فيس بوك
تويتر
انستقرام
يوتيوب
بنتيريست