|
|
|
 Re: آكِلات الطين (Re: تماضر الطاهر)
|
التحايا و التقدير
اختنا بت الطاهر
من بدرى اكل الطين دة موجود
و خصوصا للحمّل .. او ناس الوحم او التوحم او الثلاث شهور الاولى للحمل
و لغاية حسع موجود
و هنا ف الرياض يتباع ف محلات المنتجات السودانية
علبة صغيرة بخمسة ريال
بس ما سالناهم الطين من ياتو منطقة ..
...... شوفى طالما متوارث من جيل لجيل و مستمر اذن الحكاية عايزة زى ما قلتى شىء علمى او راى علمى و توضيح
و مودتى و تقديرى
| |
 
|
|
|
|
|
|
|
|
Re: آكِلات الطين (Re: تماضر الطاهر)
|
بداية حمد الله على السلامة ..
أنتو مابترشو الحوش في العصريات ؟ هههه..
طبعا لما كنا صغار عادي كنا بناكل الطين ..
بس في طين ما عارف بالعربي لكين نسميه (كوركتي ) ..
وهو الطين الذي يجف ويتشقق بعد انحسار مياه الفيضان ..
اغرب حاجة سمعت أنهم بقو يعبوه تجاريا للبيع وبكون مطلوب لدى بعض النساء في فترات الحمل الأولى..
والله والنساء اعلم.
| |
|
|
|
|
|
|
|
|
|
Re: آكِلات الطين (Re: محمد على طه الملك)
|
Quote: شنو حكاية أكل الطين عند نساء السودان..والفتيات الصغيرات؟!!
وهل في رجال برضه من أكلة الطين؟ |
سلام اختي الفاضلة تماضر
عندنا هنا بالرياض في شارع غبيراء العام
الدكاكين بتبيع طين البحر معلب وبسعر مرتفع
ما عارف الحكمة
| |
|
|
|
|
|
|
|
|
 Re: آكِلات الطين (Re: محمد على طه الملك)
|
سلام عليكم
Quote: طبعا لما كنا صغار عادي كنا بناكل الطين ..
بس في طين ما عارف بالعربي لكين نسميه (كوركتي ) ..
وهو الطين الذي يجف ويتشقق بعد انحسار مياه الفيضان ..
اغرب حاجة سمعت أنهم بقو يعبوه تجاريا للبيع وبكون مطلوب لدى بعض النساء في فترات الحمل الأولى..
والله والنساء اعلم. |
.
الطمى او طين البحر غنى بكميه من العناصر العندها قيمه عدائيه والمعروفة ب (nutrients) وهي 13عنصر مقسمه عند اهل الاختصاص لعناصر اوليه –نيتروجين، فسفور، بوتاسيوم -وثانويه – مغنسيوم، كالسيوم، كبريت وtrace elements –زنك، حديد، كلور، منجنيز، مولبيديوم، بورون، نحاس. عشان كدا الناس بتضيفو للتربة قبل الزراعة لتخصيب التربة حتى تزيد فرص النبات من الحصول على (نسب) عناصر غذائية اعلى. لذلك ما غريب يكون اكتر ناس اقبالا علي طين البحر الأطفال والحوامل
طبعا ناس الكيمياء الحيوية ممكن يكون عندهم تفاصيل أعمق.
.
الحاجه المدهشه انو الوعى الشعبى البسيط يصل لى حقايق زى دى ويمارسا عبر الاجيال ويجى العلم يوضحا لاحقا
| |
|
|
|
|
|
|
|
|
|
Re: آكِلات الطين (Re: محمد البشرى الخضر)
|
أخي محمد بدر الدين
سلام وتحايا
الغريبة في محيط اهلي وجيرانا وحتى أسر الصديقات ما سمعت بالحاجة دي ابداً.
فكرة التعليب والبيع لغرض الأكل دي غريبة.
،
لحد ما نلقى تفسير علمي
خليك قريب
،
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
أستاذي العزيز محمد علي طه الملك
تعيش وتسلم بعافية وسعادة
وجودك دايماً يسعدني
،
أنا بالذات أسألني من رش الحوش..والله ريحة ترد الروح.
و كنت بحب ريحة الطين والرملة المرشوشة هههه وكمان الأسمنت الجديد المرشوش.ممكن نسميها روائح في الخاطر..ما بتتنسي..تحس في الأول إنك عايز تسكن جواها..وشوية شوية تبقى إدمان.
،
الإسم بيختلف من منطقة لمنطقة؟؟
في فترات الحمل..النساء عندهن المِحن ههههه
،
على فكرة..بديت اكتب عن الزار زي ما وعدتك
واظن اكل الطين برضه داخل في الدستور
،
مودتي وشكري
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
أخي أسامة العريفي
تحياتي
وسعيدة بوجودك هنا
،
حقو الزول ينافس
ويصدر..طين النيل
مثلاً طين ابوروف الاصلي
وتبقى الحكومة تصدر تراب ونحن نصدر طين
اظن اقتصادنا محتاج افكار مبتكرة علشان ينتعش ويفوق من الصدمة
،
مودتي
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
ابداع ياتماضر ..
حركة اكل الطين دي كرهونا بيها الحريم ..
يرسلوا يجيبوا طين البحر ..
بل يشتروهو عديل ..
ويرسلوا لي بعض يعملوا جلسة لأكل الطين ..
لو مالقوا طين البحر ..
ينكتوا شوال الفحم ..
ويمرقوا حجار الطين المع الفحم وياكلوها ..
بلحيل بيتباع وليهو سوق ورواج !! ..
بيتباع في أكياس بيجيبوها مخصوص ..
من الطين القرير على ضفاف بحر أزرق ..
طبعن بياكلوهو بالدس ..
لامن ألم فيهن بطيّن عيشتن .. 
| |
|
|
|
|
|
|
|
|
|
Re: آكِلات الطين (Re: معاوية الزبير)
|
سلام أخي عبد القادر محمد
،
عارف أهل " العقايد" ديل عالم قائم بذاته..
ممكن تحاسب أفعالهم بالجهل..لكن شدة إعتقادهم في نجاعة ما يفعلون..بتخلي النتايج تجي زي ما هم عايزين.
زرت منطقة في الجزيرة إسمها حسب ما أذكر " الطلحة" وفيها طينة شهيرة..تستخدم للعلاج وفي ناس بيحصل ليهم الشفا بسرعة تحير..
،
كل السر في الإعتقاد
،
الله يهدينا
،،
مودتي وشكري
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
ههههه حرام عليك يا جمال
خليهم يستمتعوا..وأهو عاصم قال فيه فوائد
،
تحياتي وسلامي ليك أخي
كدي حاول جرب تاكل حتة صغيرة يمكن تعذرهم والله
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
أخي العزيز معاوية الزبير
سلام وتحايا وسؤال عنك
،
أسعدني وجودك
وشكراً على الكلام اللطيف
،
تصدق ده أسلوب كتابتي المفضل
عندي كم حاجة كاتباها بالطريقة دي
منهم قصة عزيزة علي جداً عن زيارتنا أنا وصديقتي لي مدينة طابت..بس هي نسخة واحدة مكتوبة على الورق ما طبعتها لسه.
،
مودتي التي تعلم أخي
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
سلامات تماضر واحييك علي العودة المليانة تساؤلات
دي اسمها غاب وجاب
Quote: سقتي الناس حتة أكل الطين و نسيتيهم حلاوة روايتك للقصة
دي كتابة جميلة جدا جدا.. عندك منها كتير؟ |
معاوية ليهو حق يطلب المزيد
الموضوع دا عميق وضارب بعيد في التساؤلات الحائرة
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
كنت عاوز اجيب ليك بعض الامثال الوردت فيها كلمة طين لكن قلت كدا بطين ليك الموضوع بتاعك
آكلي الطين ديل دحين ما آكلي لحوم بشر؟ بي اعتبار خلق الانسان من طين
حكي جميل
| |
|
|
|
|
|
|
|
|
|
Re: آكِلات الطين (Re: Kamal Alalla)
|
| Quote: دي كتابة جميلة جدا جدا.. |
شكراً تماضر.
دي نسمة باردة وسط عجاج (بعض) الكتابات السودانية ... المؤذية.
...........................
شكراً معاوية.
| |
|
|
|
|
|
|
|
|
Re: آكِلات الطين (Re: علي دفع الله)
|
السلام عليكم
صحيح ظاهرة غريبة جدًا ومنتشرة
في نقطة ما تعرضوا ليها المشاركون ونسأل برضو أهل التخصص
وهو: هل العملية دي عندها أضرار صحيحة؟
يعني الطين البيتاكل ده كتراب ورمل ما ممكن يعمل حصاوي في الكلى ولو على المدى البعيد؟
يا ريت رأي الأطباء ..
وفي ظاهرة تانية برضو وهي أكل أعواد الكبريت المحترقة
وبرضو عند البنات .. يا ربي دي سببها شنو؟
| |
|
|
|
|
|
|
|
|
|
Re: آكِلات الطين (Re: محمد جلال عبدالله)
|
عبد القادر محمد
Quote:
لك التحية الاخت تماضر ولقلمك الرائع
حكايا كثيرة مرتبطة بالجهل لدينا ولافكاك يلوح في الافق ويبشر بواقع افضل
والاغرب من الجهل نجد ان البعض فتح الله بصيرته بنور العلم الا انه يرجع لبيئته
وياكل اعراض الناس دعك من اكل الطين
الموروث البيئي لديه بصمة علي الغالب الاعم الا من ساح في ارض الله واكتشف كمية الجهل التي كان يمارسها
في محيط بيئته
اذكر وانا في احد مراحلي العمرية ومن باب الفضول وباب ليس كمن سمع كمن رأي ان ذهبت لقرية تسمي الشكينيبة
حيث يوجد احد الشيخ ميتاً منذ شسنين طويلة
تأملت المكان وكمية الناس الذين يدخلون الي مرقده والذي كان بغرفة تسمي (بَنيِة) كان الناس يضعون مبالغ مالية
كل حسب وضعه المالي يقل اويكثر يضعونها علي قبره وكل يدعو بحاجته ويلمس قطعة قماش خضراء تغطي قبره بنية التبرك
والغريب انه يوجد حارس يجمع المال ليذهب به الي احد احفاد المتوفي والذي يسمي شيخ ايضا
حيث تتجسد مقولة رزق الهبل علي المجانين بصورة واضحة |
صحيح بعض هذه الظاهرة مرتبط بالمعتقدات الخاطئة والجهل المتوارث
وبالمناسبة ما الصوفية براهم حتى الشيعة الروافض عندهم التربة الحسينية
وعندهم مصنع عديل بيعمل أقراص تربة حسينية زي الرغيف المدور
وبيبيعوها للجهلة يتبركوا بها ويأكلوها
ولو كتبت في قوقل (أكل التربة الحسينية) حتلقى عجائب من الأمراض الممكن تعالجها
أكل التربة الحسينية للحامل وآداب أكل التربة الحسينية ورؤيا التربة الحسينية في المنام
وحتلقى فتاوى وحتى المقدار الذي يؤكل منها 
الحمد لله العقل نعمة
| |
|
|
|
|
|
|
|
|
|
Re: آكِلات الطين (Re: محمد جلال عبدالله)
|
اكيد البوست روعة
استمتاع بالقصة
سبر اغوار الطين
استرجاع ذكريات عن اكل اخواتنا للطين .. و ارسالنا للجروف و الترعات للبحث عن نوعية معينة
ايضا ف استرجاع تلكم الذكريات استمتاع و هداوة بال و ذرف دموع لايام حلوة مضا و لاخوات رحلن ..
.. و نساؤنا ف حلفا و حتى الان الطين داك ما بيخلوه( مش تراب الشيوخ و التبريكات)
حتى هنا ف الرياض بنشترى ليهم
و التحايا و التقدير للجميع
و اللهم صلى على كامل النور
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
Quote: ومن القبر مررت علي حفرة كبيرة مساحتها تقريبا كيلو او نصف كيلو متر لا اذكر تسمي بالحفير
وهنا اكلي الطين بكثرة وكنت اول مرة اري اكلي الطين ولم اكن اتخيل ان يكون اكلي الطين احياء بيننا يرزقون وكنت احسبهم كمصاصي الدماء مجرد اساطير
كانت النساء كل واحدة تجمع من الطين ما تستطيع حمله احداهن تضعه علي شنطة يد واخريات علي اكياس ونساء يربطنه علي ثيابهن
ليذهبن به الي اهلهن وياكل الجميع الطين بنية التبرك
كانت الاسنان مقززة جداً وطينية بلون الشيكولاتة |
أهل (المنشور) .
السلام عليكم ورحمة الله وبركاته
يا عبدالقادر دي اسمها بركة المكاشفي وأول مرة ازول فيها الشكينيبة كانت في الصيف وكانوا بطلعوا في التربة دي من الحفير استعداداً للخريف
اليوم التاني لقيتهم ببيعوا فيها في سوق المناقل
| |
|
|
|
|
|
|
|
|
|
Re: آكِلات الطين (Re: عمر السلمة)
|
تماضر الطاهر وشركاها
ريحة المطر والموية طين
في نقص عضوي في جسم الانسان يسمى (السيتوسوماتك)
مثلا زي نقص الحديد في الجسم ولان الطين فيهو املاح ارضية بوتاسيوم وصوديوم
فا بكون نوع من (التعويض)
ويقال ان اكل الطين نفسه ريضر الا اذا كان مخلوطا بالاوساخ
وكثير من النسوان في السودان بياكلوا الطين الاسود او هو طين البحر
واذا واحدة ما لقت طين بتمشي تشقق حيطة الجيران وفي منهن
بتكون خرمان للطين بتقوم ترش الحيطة بالماء وتقعد تشم الحيطة
وبعضهن بحفروا حفرة عميقة
عشان يلموا الطين من عمق بعيد عن سطح الارض ويكون بعيدا عن الاوساخ
واحتمال من ناحية اخرى بكون في جزء من الطفولة لازال عايش معاهم
خاصة اللعب بالطين او ازمان الخريف النهارية الماطرة ومايتعلق بها
من رائحة الدعاش والجروف
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
| Quote: زرت منطقة في الجزيرة إسمها حسب ما أذكر " الطلحة" وفيها طينة شهيرة..تستخدم للعلاج وفي ناس بيحصل ليهم الشفا بسرعة تحير.. |
الطلحة ود الطريفي شمال غرب مدني .. فعلاً طينة مشهورة جدا
وعند اهلنا في الجزيرة كم بركة من كم حتة من قرى الشيوخ .. غاتيو زماااان لما كنا صغار أكلنها بأوامر من الأمهات
___________________________________
غالباً بقولوا أكل الطين بيعني ان الانسان بعاني من نقص في الحديد أو بعض المعادن ( دا للشفع زمان)
لكن جماعتك ديل غريبين شوية
| |
|
|
|
|
|
|
|
|
|
Re: آكِلات الطين (Re: عمر السلمة)
|
مرحب حبابك .. غيم وطل
شحنة خصوبة من الارض
والزيفة والمطرة النزل..
تماضر وضيوفها الكرام لكم من سلام ومحبة
رائحة الارض المبتلة .. الطين وما ادراك ما هو ..
بالله عمركم كلو لاقتكم ريحة او عطر اجمل زيفة المطرة ؟؟
قبل هطول المطر بقليل تجيك زيفة الخريف تحملها تلك النسمات التي تتخل كل مسامك
وتجلعنا الان في غربتنا هذه نحن اليها ونتمناها ولسان حالنا يقول :
حلمو كان في الغربة نسمة .. من اريج بلدو البحبو
شيء عجيب ان نحس احساس الزرع بسريان خصوبة الارض في اجسادنا ويا له من احساس
بالنسبة لأكل الطين فهو مبرر جداً كما اعتقد فرائحة الارض جذابة وبعضهم يحسن انها شهية
الشم احد الحواس التي نعتمد عليها في تحفيز ذائقتنا للطعام ..
انا زمان كنت آكل اوراق الازهار وحنبك النيم والتهم الخروم والمسكيت التهاما هههههههه
اتجول طيلة النهار بين الاشجار والازهار واكل من ثمارها ومما سقط منها على الارض وارجع البيت شبعٌ ومليء بالعافية
Quote: بس في طين ما عارف بالعربي لكين نسميه (كوركتي ) ..
وهو الطين الذي يجف ويتشقق بعد انحسار مياه الفيضان .. |
حبيبنا ومولانا الملك
الاسم في مناطق الشمالية اظنه يتغير من منطقة الى منطقة
عندنا جهات مروي نسميه كركجي وتنطق هكذا كركchي
ما سمعت حميد يقول في احد الابيات: كركجاية درابة
وفعلاً كما تفضلت هو ذلك الطين المتكون من الطمي بعد نزول الفيضان ورجوع النهر الى مجراه الطبيعي
والتسمية تأتي بعد مرحلة اليباس فيتشقق ذلك الطين وتتثنى الحواف قليلاً ويصدر صوتاً ممتعاً حينما تمشي عليه
ويسموه اهل الوسط بالـ القريرة بكسر القاف .. واظن ايضاً ان التسمية جاءت بسبب الصوت الذي يصدر منه
عندما نمشي عليه
تحياتي
| |
|
|
|
|
|
|
|
|
|
Re: آكِلات الطين (Re: Haytham Ghaly)
|
العزيز أستاذ عبد اللطيف
تحياتي وسلامي يا فيلسوف
،
سعيدة أرجع ليكم تاني
وشكراً ليك ولمعاوية..والمزيد جاييكم بإذن الله
ما طين لكن من الحاجات الفيها إدمان برضه.
،
مودتي وتقديري
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
الأخ كمال على الله
مرحب بيك وحبابك في البورد وهنا
،
يا ريت تجيب الأمثال..
حاجة رهيبة طبعاً..إذا نظرنا لأصل الإنسان
كدي تعال نفكر ونتأمل
لو كنا لسة بطعم الطين..ونكهة الطين..وخواص الطين
،
غايتو في ناس تشتهي ترشهم رشة خفيفة
وناس ...ههههه
،
فكرة حلوة
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
اهلاً علي دفع الله
كيفك أخي؟
بالله إنت منهم؟
غايتو بما إنك في سنار..انا طالباك
جيب لي طين من نواحي الشيخ فرح..يمكن ابقى حكيمة
،
شكراً كتيير من قبل ومن بعد
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
الأخ محمد جلال عبد الله
تحياتي،
كمان معاك أتمنى أعرف التأثيرات السلبية جراء أكل الطين
------
وفي ظاهرة تانية برضو وهي أكل أعواد الكبريت المحترقة
وبرضو عند البنات .. يا ربي دي سببها شنو؟
------
عملت تجربة صغيرة..لقيت طعمها مالح شوية
لكن ما فيه شي جاذب
،،
أعواد الكبريت المحترقة بتشبه حياة البنات هنا إلى حدٍ ما
يكون ده السبب؟
،،
مودتي وشكري
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
الغالي تمر السوق ..
Quote: عندنا جهات مروي نسميه كركجي وتنطق هكذا كركchي
ما سمعت حميد يقول في احد الابيات: كركجاية درابة |
كركوتي كركجي اختلاف اكسنت والمعنى واحد ..
أنت شرحت المقصد بتفصيل أوضح مني..
دا كان بسكويتنا في طفولتنا هههه.
:
| Quote: أعواد الكبريت المحترقة بتشبه حياة البنات هنا إلى حدٍ ما |
دا كلام عميق يا أميرة.
| |
|
|
|
|
|
|
|
|
|
Re: آكِلات الطين (Re: محمد على طه الملك)
|
| Quote: الطمى او طين البحر غنى بكميه من العناصر العندها قيمه عدائيه والمعروفة ب (nutrients) وهي 13عنصر مقسمه عند اهل الاختصاص لعناصر اوليه –نيتروجين، فسفور، بوتاسيوم -وثانويه – مغنسيوم، كالسيوم، كبريت وtrace elements –زنك، حديد، كلور، منجنيز، مولبيديوم، بورون، نحاس. عشان كدا الناس بتضيفو للتربة قبل الزراعة لتخصيب التربة حتى تزيد فرص النبات من الحصول على (نسب) عناصر غذائية اعلى. لذلك ما غريب يكون اكتر ناس اقبالا علي طين البحر الأطفال والحوامل |
دي معلومات مهمة يا عاصم تخرج الموضوع من حيز البركة والتبرك ..
معنى كدا كنا بنقرقش طين البحر كمادة supplementary مهمة تحتاجها اجسادنا في مرحلة النمو ..
فهل للجسد آلية ذاتية مثل( الشهية ) تدفعه لاختيار أشياء يكون في حاجة لها؟
| |
|
|
|
|
|
|
|
|
|
Re: آكِلات الطين (Re: محمد جمال الدين)
|
سلام تماضر والحاضرين
سرد ماتع بسيط ومحبب إلى نفس القاريء
بجيب اقتباس - بمعنى انو منقول :
ماهو اكل الطين :
1- أكل الطين هو من أشكال اضطرابات الأكل والذي يعرف على أنه أكل مواد غير غذائية كالقذارة أوالحجارة أو الشعر أو مسحوق الغسيل أو غير ذلك، ولفترة طويلة تزيد عن شهر
2- يعتبر سلوك غير مناسب للمرحلة العمرية التي يمر فيها الفرد.
3- عادة أكل الطين، أو أي مواد أرضية قد تكون مقترنة بسوء التغذية.
4- ينتشر هذا السلوك بين الأطفال ما بين عمر السنتين إلى ثلاث سنوات، كما يلاحظ في الحوامل الصغيرات في العمر من المراهقات.
5- ينتهي عادة بانتهاء الحمل إلا أنه يستمر عند البعض منهن إلى سنوات.
6- كما أنه من أكثر إضطرابات الأكل شيوعا بين الأطفال المعوقين.
7- هذا ويعتبر هذا السلوك مقبولا في بعض الثقافات التي لا تنظر للسلوك على أنه سلوك مرضي كما في بعض المجتمعات في افريقيا.
8- يمكن أن لا يشكل السلوك خطراً أو يمكن أن يكون خطيراً على نمو الفرد وحياته.
9- يعتمد ذلك على طبيعة وكمية المادة المستهلكة، حيث قد يؤثر أكل الطين في صحة الاسنان وقد ينتج عنه التسمم في بعض الحالات أو الإصابة بأنواع معينة من الالتهابات أو الديدان أو التقرحات في الجهاز الهضمي، أو الإسهال واضطرابات المعدة.
10- كما قد يمنع أكل الطين الجسم من امتصاص والاستفادة من بعض أنواع المواد الغذائية.
المصدر :
https://www.altibbi.com/%D9%85%D8%B5%D8%B7%D9%84%D8%AD%D8%A7%D8%AA-%D8%B7%D8%A8%D9%8A%D8%A9/%D8%A7%D9%85%D8%B1%D8%A7%D8%B6-%D9%86%D9%81%D8%B3%D9%8A%D8%A9/%D8%A7%D9%83%D9%84-%D8%A7%D9%84%D8%B7%D9%8A%D9%86https://www.altibbi.com/%D9%85%D8%B5%D8%B7%D9%84%D8%AD%D8%A7%D8%AA-%D8%B7%D8%A8%D9%8A%D8%A9/%D8%A7%D9%85%D8%B1%D8%A7%D8%B6-%D9%86%D9%81%D8%B...84%D8%B7%D9%8A%D9%86
____________________________________________________________
اعتقد هو سلوك شايع :
بتذكر الوالدة زمان كانت بتاكل طين البحر - زمان الذي اصبح من التاريخ - بتذكر انها وصويحباتا كانن بياكلو طين البحر الناشف اللزج بشراهة عجيبة ..
حتة القذارة دي - مصدقا - وقد ذكرها خالي شقيق الوالدة يوماً ما - قال في ونسة شوف عيني في ناس بخشو الحمام دا وبشمو - معقولة بس!!!
انا مع المقولة انو اضطرابات زيما ذكر موقع الطبي.
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
زوجة صديقى الحامل فى شهورها الاوائل
ونحن فى غربة لا تعرف الانهار دروبها
طلبت منه فى بداية ليلة قاسية " طين بحر بس "
- طين بحر !! اجيبو ليكى هسى من وين ؟
- ما عارفة اتصرف !
المهم فى اخر المطاف تذكرنا " سوق الكرنتينا" فى جدة
مجمع بيع اغلب منتجاتنا السودانية .... قطعا ووسط
حبات الفول او العدسية او اللوبيا ... سوف نجد من"طين البحر" ما نسد به
شره أختنا الحامل .... وقد ...كان !!
| |
|
|
|
|
|
|
|
|
|
Re: آكِلات الطين (Re: تماضر الطاهر)
|
| Quote: مثلاً..الطينة دي من كسلا، |
لقد استمتعت بالحكاية وبكيف كتبت هذه الحكاية يا تماضر..
وليومين كنت أود لو استطرد مؤمِّنا على حديث عاصم علي:
عن العناصر وعن أعراض الـ(Pica البايكا)
وتفانين الحياة لتعويض النقص الغذائي المحتمل،
وأيضا إلى كل الكلام الصاح عن المحاذير الطب/طينية..
كنـــــت... ولكن شيئا ألح علي أنني لن أقدر أن أتجاوز (أول طين)!!
وأن هذه قد تكون أقسى وأصعب مداخلة أكتبها وأنها قد لا تنكتب لي أبدا.
ولذا فرجاءً، أعذري (شتارة) التالي مما "لاعجتني" إليه الذاكرة،
وطوّحت بي فيه، إلى عاصفة شجوني الطينية الخاصة!
فكما الطين هو الحياة وفي حكاياتها، فالطين أيضا في الممات..
والطين وطن والطين زمن والطين شجن والطين محن
والطين أهل والطين هو الناس..
حتى الناس "البتأكل تراب الوطن"!
الطين يا حليلو.. ويا حليلنا.. الطين نحن..
فيه من العناصر، كلها.. خيرها كما شرّها..
طين للحياة والفرح بالأشياء..
وطين للافتقادات التي ما لها عزاء..
إذن، فهكذا احاطتني دوائر الطين وهي ثم تضيق وتضيق ولا تنفرج.. وتدور...
حتى أسلمتني إلى مخرج ملتبس جدا؛ من باب خاص (دوّار)،
أفضى بي إلى طين (طفلات العصافير الموسمية)..
حيث انبثق الورد وحيث غرد سرب الورد..
فإذن؛ يا أيها ها الطين، ها نحن:
وتلك *(الطفلة الموسمية)!
كم افقتدها، الطفلة/العصفورة الموسمية (آكلة الطين)،
وقد غادرتنا، باكرا، إلى أول طينها.. كم أفتقدها!
*"نحن نعود لأول أرضٍ
صادفنا فيها سرب الورد
وهى تعود لأول طين
شهد انبثاق الورد"
*السطرين من قصيدة المرحوم/ مجدي النور التي تغنيها فرقة (ساورا).. كما في هذا التسجيل.
| |
|
|
|
|
|
|
|
|
|
Re: آكِلات الطين (Re: هاشم الحسن)
|
تحياتي تماضر
وضيوفها
الحمل بضم الحاء قديما كن يأكلن الطين القريرة . زمن كن الناس يحملن ثم يلدن عفو الخاطر دون قلق .. او توجس كنشاط بشري عادي
الآن مع الاطباء يأخذن حبوب الفوليك او الحديد
بنتي الصغيرة ميار كانت مغرمة بأكل الطين . وكنا صارمين وحريصين علي محاربة هذه العادة . وفشلنا ! تمتاز بالذكاء في الحصول عليه وتخبئته
اضطرننا للطبيب
شراب حديد
والامور ظبطت
| |
|
|
|
|
|
|
| |
تماضر الطاهر
محمد بدرالدين
محمد على طه الملك
اسامه العريفي
Asim Ali
عبدالقادر محمد
محمد البشرى الخضر
جمال ود القوز
معاوية الزبير
عبداللطيف حسن علي
Kamal Alalla
محجوب البيلي
علي دفع الله
محمد جلال عبدالله
عمر السلمة
Ahmed Yassin
محمد جمال الدين
مجاهد محمد الهادي
هاشم الحسن
عبدالحفيظ ابوسن
فيس بوك
تويتر
انستقرام
يوتيوب
بنتيريست