|
|
|
 Re: π دي البصلة و دي قشرتا √ (Re: دفع الله ود الأصيل)
|
{{{2}}}
[} المداخلة الشحمانة دي لامن قراها خالا لينا رد لي قال:
رغم البعاد منفعلين معانا بمشعاعركم الطيبة. بس لينا الله و
عيشة السوق. و بالنسبة للعيشة المرة محرشة بناتا قالت ليهن:
أنا مارقة، تحين أبوكن دا ما تبقن عليهو عشرة ، لاكين ورنو لي
المكشن برا بصل و مشت حامت البلد و البلدين ما جابت معاها
علا بس تلاتة ملاوي فتريتة و ود (عگر) و قالت و موعودة بالملوة
الرابعة بعد الدرت.تخيل من تلاتة حلال: ود النو و المسلمية حلة
عبدالرحمن و الهبيكة النقر ، و ما تمت گيلة عيش فرد واحدة!!
| |
 
|
|
|
|
|
|
|
|
Re: π دي البصلة و دي قشرتا √ (Re: دفع الله ود الأصيل)
|
{{{3}}}
[} رجعت قتلو :مساكم الله بالخير يا خال و العائلة الگريمة.
و نحن بعاد فقط جسدا بلا روح. طبعن قتلي: الحاجة طفشت
وخلتك معاهن تتطهم و تتلفت متل كلب الرحول الفتتو العربية)
علا لاگين حاشاهم ناس بنات أبوهن يوروك المگشن برا بصل؛
دا طبعن، لو اتلقى بصل يكشنوه أصلن. فكان الله في العون.
[} بالنسبة للعيش طبعن مع ندرة الجاز للطواحين شكلها
متحمدانا العودة إلى العصر الحجري ، قصدي (حجر المرحاكة).
[} فتأكدوا إنو قلوبنا معاكم و أنتم مشبوحون بين لافتتين،
قصدي صفين (جاز و رغيف)، كشان من يدافع الأخبثين ، أو
بالأحرى گشان بالع شفرة موس حلاقة على حدين؛ أوإن شئنا
الألعن و أظرط، كالساعي عبثا لوضع قدميه في كلتا خفي
حنين. حتى لا نشبه حالنا بطفل غشيم باسط گفيه لفقاع
رغوة ليبلغ به شفتيه و ما هو ببالغهما، إلا بسق الأنفس .
| |
|
|
|
|
|
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست