|
|
|
 Re: ® لِبَاُس عَمٌّكً الفّرَّانِي ( الخباز) π� (Re: دفع الله ود الأصيل)
|
كتب عمنا يالم قطبي:
دي ما سمعنا بيها قبال كدي، يا ود الأصيل!! ..
هم خبازين الجزيرة ديل. .كانوا متحضرين ...للدرجة دي...!
[}> عمنا الوريف Salim Abella Mohammed Gotbi,
طبعن إذا من تالا گدي فهم بالتاگيد متحضرين و (جاهزين) موية و نور. عمومن هي طريقة مبتگرة و بلدية خالس، لإبرام و (فسخ) العقود لزوم (الشغل). و زي ما گلو شيخ و ليهو طريقتو ف گلو عيش و ليهو (خبازو).
| |
 
|
|
|
|
|
|
|
|
Re: ® لِبَاُس عَمٌّكً الفّرَّانِي ( الخباز) π� (Re: دفع الله ود الأصيل)
|
كتب علد الباقي مگائيل:
إستقالة إرتجالية مُبسطة و مُحكمة.يا إتخيل حال العجانيين والعجين لامن يفور-و يقولو للطولجي أرفع والفران مافي- غايتو الأفرام الإدارة الدكتاتورية ما بنفع معاهُ...
[}> Abdalbagy Micheal, أخونا
الزول الموسوعة و الراجل الحمش، ياخي و الله دايمن ليك علينا و في ذمتنا يد سلفت و دين مستحق. و طبعن لروعة گلامگ الديگ/تا/تور/ ية في أي شيء ما بتنفع. و الفراني هنا عارف وكت حوبتو ، و متين (يلبس) و لا (يملص) سروالو. وقدر يمسگ سيد الطابونة من إيدو البتوجعو.
| |
|
|
|
|
|
|
|
|
|
Re: ® لِبَاُس عَمٌّكً الفّرَّانِي ( الخباز) π� (Re: دفع الله ود الأصيل)
|
[}> الوريف/ Abdalbagy Micheal ،
[}> أريت حالگ زبن ياخ. و أحي صمودگ معنا ، قابضين على جمر. البقاء هنا عبر مروج "همس البنفسج" و الذي بات يشگو قلة فئرانه.
© طبعن زي ما قتا ليگ ناسنا ديل عباقرة منسيين ، بس ما لاقيين جهة تتبناهم. ف گدي هاگ اسمع الجاية دي و أدينا رأيگ بعدين:
@ قالک: أيام أبعاج/ جعفر نميري ..في الأبيض كان في مواطن شيوعي معروف اسمه/ عبدالله الحيوان لقي طلبة خورطقت الثانوية طالعين في مظاهرة عصبان مدني(بالنظر طبعن)طوالي دخل و سطهم و بدأ يهتف:
- " لن يحكمنا طيش حنتوب " ناس الشرطة عارفينو طبعا و طوالي قبضوه و جابو المحكمة ... و دار الحوار التالي بين القاضي و المتحري الذي اعتقل عبدالله الحيوان.
- القاضي :"الزول دا اعتقلتوه ليه"
- المتحري:"و الله يا مولانا كان بيهتف سيادة ضد الرئيس "
- القاضي :"حدد بالضبط كان بقول شنو؟"
- المتحري "كان بقول لن يحكمنا طيش حنتوب "
- القاضي:"و طيش حنتوب دا منو ؟"
- المتحري هنا ضرب الجرسة طبعا ما يقدر يقول جعفر نميري .
- قال للقاضي :والله ى جنابك مابعرفو ".
- القاضى" طيب قبضت الزول دا علي اي اساس ؟"
- المتحري :" قبضتو لانو شيوعي "
- القاضي "و عرفتو شيوعي كيف؟"
- المتحري:"بي شنبه الكاجة دا"
في النهاية المتحري: يلا خلاس، ادوه درس في الأخلاق و اطلقوا سراح عبدالله الحيوان دا فورا ، ما ناقصين يجيب لينا هوى .
- المتحري برا المحكمة قال ليهم "علي الطلاق القاضي دا ظاتو شيوعي .
😂😂😂😂😂
| |
|
|
|
|
|
|
|
|
|
Re: ® لِبَاُس عَمٌّكً الفّرَّانِي ( الخباز) π� (Re: دفع الله ود الأصيل)
|
ما يُسْتَفاد من الحكاية عاليه أقرب ما ينطبق عليه أكثر من مثلٍ
شعبي و من أكثر من زاوية كقولنا: (لماعندوعكاز بِيتدرَّق بي يدينو)؛
و(كل نملة على قدر قرصتا)، أو حتى (كل زول عاجبو الصارُّو). فمن
الزاوية الأولى عمنا الفراني رغم قلة حيلته لم يجد سلاحاً ليشهره في وجه
مخدمه سوى (لباسه) الذي ارتداه إيذاناً باحروجه مستقيلاً عن العمل. و أما
من الزاوية الثانية : أن حرفته على حقارة شأنها فلا غنى لرب العمل عنها
نظراًلحتمية أن العجين لا بد له من خباز؛ مثلما أن (كل فولةٍ وليها كيَّال).
كذلك ، من الزاوية الثالثة أن حتى الخبارز لديه ما يُصُرُّه و يعتز به ،
و يضغط به على خصمه حتى و لو كان سروالاً ليلبسه
أو يتخلص منه متى دعت الضرورة و لزم المر.
و كأن الأمثال متخلفات حكم قديمة أدركها الخراب ‘
فسلمت هي من بين تلك الحكم لمتانتها وجزالة ألفاظها
الأمثال الشعبية هي عبارة عن خلاصة تجارب إنسانية
أختزلت في كلمات وجيزة .بما أن الأمثال مأخوذة من
صميم الأدب الشعبي للمجتمع إذن يمكننا أن نستخدمها
كأداة تكشف عن سلوك الفردوسط اجماعته التي
ينتمي إليها أو أن نستخدمها لأغراض ت وعوية
تقديم النصح و النقد اللاذع البناء.
| |
|
|
|
|
|
|
| |
دفع الله ود الأصيل
فيس بوك
تويتر
انستقرام
يوتيوب
بنتيريست