** جلسة مامنظور مثيلها مع معاوية ود المدير في عطبرة (توجد صور) **

Quote: يا سلام ود المدير شخص نبيل رائع كروعة معدن الذهب لا يتغير . فإن اغتنى لا يتغير وإن افتقرت لا يتغير وإن ابتعدت لا ينساك وإن اقتربت رحب بك. لله دره ... معليش ما تقولوا كسار ثلج ..

Quote: التحية لابن عطبرة البار معاوية ود المدير والتحية لك الهادي والتحية لكل اهل عطبرة، وخاصة اهل الداخلة وارجو توصيل التحايا لهاشم سرور السافلاوي زميل مقاعد الدراسة

Quote: انت يا ود الشغيل برضك حايم بام دالات ماشاء الله قول للزول دا الخرتوم دي ملحوقة امش علي البلد عندك بكيات وفواتح وحوامة راجياك . تحياتي العطرة وقبل شهر كنت في عطبرة

Quote: حاشاك الشغيل بل هو كذلك واكثر ليتنا حُظينا بمثل ما حظيت به ... تحيات لابن عمك ودفعتي محمد الصادق الشغيل. : : : : مع التحيات لله الزاكيات

Quote: انت معاوية المدير ده معاوية عثمان الطيب البشير ؟؟ يا الهادي ؟؟ بتعرف المرحوم عثمان الطيب البشير ؟؟

Quote: الهادي ود الشغيل قرينا اسم ود المدير في العنوان فدخلنا نسمع حكاوي عطبرة....في جلستك معاه... وما تنسى الصور...ومتاكدة ناس عطبرة في المنبر العام حيغزو البوست، ومعاهم بسمات عشان تشوف الصور طبعا،،،وقرانا في بوست عطبرة ان حي الداخلة اول حي انشئ في عطبرة.. مع وافر التقدير والاحترام

Quote: فإن اغتنى لا يتغير وإن افتقرت لا يتغير وإن ابتعدت لا ينساك وإن اقتربت رحب بك. لله دره ... معليش ما تقولوا كسار ثلج ..

Quote: اول مرة تقابلوا ولي ساعة بس وحضرت غنهاو وفقرو هو التلج دا كيف يعني

Quote: سأحكي لكم قصته التي حدثت أمامي بينما نحن جلوس في مطعم السني عندما قام بدفع مبلغ كبيرلأحد ظرفاء عطبرة الغلابة من ذوي الحاجة (دون ذكر اسمه) .. ترى ماهي ردة فعل هذا الظريف عندما انهمرت عليه فلوس ود المدير وبماذا علق .. ؟

Quote: ما يجيني توفيق بتاع الضهاري يحكلي صلعتي ...

https://up.top4top.net/

Quote: بعد المكالمة التي تمت بيني وبينه تواعدنا في السوق الكبير أمام بنك فيصل الاسلامي بالقرب من دكان والدي رحمه الله ..

Quote: أمس مساء الثلاثاء الثاني من اكتوبر قضينا مع الخواجه ود المدير متعه الله بالصحه والعافيه ، سهرهـ جميله نهلنا منها حتي إنتهي الليل والحكومات اقلقت مضاجعنا بالكلنج كلنج في موبايلات الجلاكسي الحديثه وما روينا ... إنتو الخواجات اصلهم ظريفين كدا واللا الزول دا لانو من عندياتنا : : : : مع التحيات لله الزاكيات

Quote: نعل ما جاك بي سفنجتو الواحدة ديك.

شكراً الشغيل للشعور الطيب ود المدير راجل منارهـ إن ما وصلتو بصلك
:
:
:
:
:
مع التحيات لله الزاكيات

Quote: سلام أخونا الهادي و ضيوفك الكرام غايتو أنا لو واحد سألني قال لي بتعرف ود المدير بقول ليه أبداً ..... ياخي جلسة ما منظور مثيلها مع واحد أصلع ....!!!!!!!!!!!

Quote: عطبرة_قطار الشوق مدينة مثل طائر الفينيق_كلما حاربتها الأنظمة إلا ونفضت رماد حريقها وبعثت من جديد مدينة مثل نهر النيل في قلب كل سوداني_عطبرة المجتمع المثقف الواعي_المتكافل_البسيط_بلد الأمان عشت فيها صغيرا وشابا _تعلمت في قلعتها(عطبرة الحكومية)_جبنا شوارعها النظيفة_في السودنة وسوق القيقر_غشينا مطاعمها الرخيصة_وقهاويها التي كانت تجمع كل ألوان الطيف_شهدنا التحول من البخار إلى قاطرات الديزل(جنرال اليكتريك)_الألماني(هينشل)_و(هيتاشي)_الياباني_قبل أن يغزونا قوم ياجوج وماجوج_شهدنا موسي متي_عباس الخضر_قبل أن يجرفه تيار هي لله_وشهدنا الانتكاسة زمن النقابي(محمد الحسن)_الذي فرضه نميري اغتسلنا من مواسير المحطة_واكلنا من(باسطة بالسمنة وكدا)_تكرفنا رائحة الفلنكة_وشهدنا إدارة في دقة ساعة سويسرية_وتطربنا صوت صفارة الورشة_وتعجبنا في دراجات الرالي_ ودلفنا لعالم الورش ورأينا مملكة العجائب_وجبنا المنطقة الصناعية ورأينا عمالا في مهارة جن سليمان وشاهدنا(ودالحاج)_الأصالة التجرد الإنسانية_وأناقة بثها في كل أركان اللوكاندة الوطنية_بيده المدربة علي النظافة والنظام شهدنا(كشك رحمة)_قهوة الزاكي_دكان يوسف بابكر_غشينا مكتبتي دبورة وحنتبلي_ومطاعم اليمانية_وفول كانه لحم_مسرح النيل_العطبراوي_حتي مجانينها الظرفاء_السماني المرا_مكلية_الرشيد_سفسفة_نهاية بالأنيقة التي تحب المثقفين والسينما(طيوبة) شهدنا المولد_وندوات الحزب الشيوعي_وعبدالرحمن الوسيلة_وعبدالله بشير من حزب الأمة ورأينا باشري في فريق النيل_حسين جبريل في الأمير_عوض الحاج_حمامة،ميرغني شعوطة_وفرقتي جاز المدفعية والسكة حديد(وعطبرة الجميلة بلد الحبايب)_ورأينا الأقباط من حبيب بسطا حتي فهمي ميخائيل_ حتي البارات جندي الدوغري_تساكوتيلس_وآخر ساعة شهدنا مكتبة البلدية والحديقة ورأينا أول فيلم سوداني(آمال وأحلام)_وتصورنا في استديو الرشيد وشربنا البيبسي الباااارد من بقالة(الطير الأبيض)