كتب الكاتب الفاتح جبرا المتوفرة بمعرض الدوحة
|
Re: *** معاوية المدير تعال بى جاى //كلام السودان (Re: جلالدونا)
|
ههههههههههههههه، يا حمودي يأخي نعلّك بسِط ؟.
يا أخوي الوآت سآب دا فيهو البِدع والهوايل يا قول أهلنا في الزمان الغابر . يقُوّلُوّلك، فلآن دا عِندو البِدع والهوايل للزول المطموّس ؤ برضو يقولو، عِندو القِلل، وهي الحكاوي الفكِهة والمقالب الطريفة .
كنت ناوي آخد إجازة في رمضان لكن لا مانع أن ندردِش، ؤ بجيك صآد إن شاء الله ...
| |
|
|
|
|
|
|
Re: *** معاوية المدير تعال بى جاى //كلام السودان (Re: معاوية المدير)
|
في القطعة وردت أسامي أو (اسماء) سادت ثم بادت كدي الناخُد عندها وقفة .
الجودليّة، بما انّ المفردات الواردة في القطعة كلها نيليّة علي ما أعتقد فإسم الجودلية مرتبط بالمناطق الواقعة علي النيل، اللسِم دا كان عندنا في الباوقة . الشوّل، إسم الشوّل اظنه موجود في بوادي السودان وأرض البطانة، وفي اللغة الفصيحة له إرتباط بالإبل . الحرم، مكة، البقيع، وأضح إنها أسامي لبقاع طاهرة، والسودانيين درجوا في الزمان الماضي علي هذه الأسماء تيمُناً علي ما أعتقد، برضو بنلقى مدينة، زمزم، الروضة، مُنى، وهكذا . الخودة !، يبدو إنّو إسماً قديّم بالحيّل . ختمة !، برضو الظاهر من التركية السابقة . زهرة، دي دقسة من الكاتب، الصحيح زهرا ولو إنو الأصل زهرة . السُرّة، برضو إسم مُنقرض، أما العاجبة فهو من زمن الديناصورات رغم إني عاصرت زمن حبوبتاً لي أسِما العاجبة ...
| |
|
|
|
|
|
|
Re: *** معاوية المدير تعال بى جاى //كلام السودان (Re: Salah Zubeir)
|
يا ود حمودى جنس النضمى ده ود المدير ما عندو قدره عليهو شوف اخونا على عبدالوهاب عثمان انى لك ناصح امين
=================== حبيبنا الجميل .. جلالدونا ... مازلت أذكر ( نقنتود ) كل عام وأنت بخير حبيبنا جميل حمودي .. لك التحية .. يازول أشعر إنت كده من ( إندينا ) لكن متبحر في العربية الزول جميل جلالدونا .. يعرف تماماً أنني (( زيرو )) في العامية وكم من شكاوي رفعتها في هذا المنبر .. لكن ودالمدير ما شاء الله بوستاته عبارة عن ألغاز ما يحلها ( إلا الكابلي أو عبدالمطلب الفحل )
لذلك أغنيات الحماسة ترفع ضغطي مليون ...
وإبداع الناقطين بالعربية يتجلى في بوستات الشجار والمشاكل ( من أجل ذلك أحب لغة بوستات المشاكل)
شكراً الحبيب أحمد حمودي .. في إنتظار من يفك تلك الطلاسم .. كل عام وانت بخير .. كنت أتمنى أن يكون فيلم صوتي لنعرف طريقة النطق أيضاً .. شكراً جلالدونا .. مودتي
| |
|
|
|
|
|
|
Re: *** معاوية المدير تعال بى جاى //كلام السودان (Re: Abdullah Idrees)
|
Quote: ود الزبير مافي حاجة اسمها عز عبور ماتضحك فينا ناس توفيق مكي. العبور هالعناق هما النعجة والعز على التوالي لمان يكونو في طور المراهقة وكدى. |
هههههه ود الشيخ ... ماك علي ود سكينه ... اااجنا إتا رعيت في الصافية ولا الأملاك ... العبور في قلعتنا بنقولا للعز الجاهزه للعشير اها العناق دي برضك بنقولا للعز من هي سخله عمر يوم واحد ليين عمر سنه او اتفطمت ايهما اولا" ... هسع في داعي تطلعونا رعويه ساي ... ههههه ...
Quote: افو يا صلاح الزبير ؟ نسيت عقبة فنقول وغابة ود بري ههههههههه بقيت ما بتفرز العناق من العبور ؟ |
ابدا" وحاتك فارزن وعارفن بس قنا نسرح بي عرب الباوقه اللذيذ تفاحا ديل ... تعرف يا عبدالله قبل أقل من شهرين كتا هناك وعندنا مناسبة تكريم لي واحد من أعيان المنطقه ... تعرف الشارع غرب النيل اكتمل وكنتا سايق فيهو من صينية كبري الحلفاية شارع الوادي لغاية عقبة الجريف كانت حوالي ساعة وربع ... قريب دا قبل سنتين المسافة دي كانت ٥ ساعات وشويه ... طبعا" من الجريف للمتمة عشرين دقيقة بعدين مساحة الشارع وجودتو عالية جدا" ...
| |
|
|
|
|
|
|
Re: *** معاوية المدير تعال بى جاى //كلام السودان (Re: احمد حمودى)
|
لكن من السياق العام ممكن اقول ، تعبت، نشفت او حاجة زي دي وبالتالي بقت ما فايتة اكل البقر السايقاتنها او ربما ياكلنها في رقبتا لنفس السبب .. -------------------------------------------------------------- الاخ عبدالله ادريس لك التحية ما شاء الله عليك كددت عرفتها (فلان كدود: يكدّ نفسه في العمل يتعبها.) فكما قلت الساقية تعبت ونشفت اجزاؤها اما الجزء الثانى الثانى فيعنى ياكلنها الفيران والجرابيع كلام رباطاب!!!
| |
|
|
|
|
|
|
Re: *** معاوية المدير تعال بى جاى //كلام السودان (Re: Hassan Farah)
|
يا ريت يدخل علينا الحبيب على عبدالوهاب عثمان ويشرح لنا معنى الاسم النوبى كدودة المنتشر بين النوبيين والحلفاويين على الخصوص... على حسب معرفتى المتواضعة بروف كدودة رحمة الله عليه كان فعلا رجلا كدودا
================= حبيبنا حسن فرح .. مودتي يا جميل .. يا سلام عليك يا جميل .. لقد فتحت لي نافذة أطل منها بالتراث النوبي .. بالمحسية : كدود ( Kodood ) بالنوبية ( الصغير في السن ) ويتم تصريفه حسب الجملة .. أما عندما يكون إسماً ولكي نقرب لك المسافة هو تقريباً مطابق لمسمى ( صغيرون ) في العامية السودانية فمثلا هناك محمد الجد ومحمد الابن ويطلق مسمى محمد الصغيرون .. ثم يصبح (صغيرون) وهذه الخاصية ربما من الموروث النوبي هناك ( داوو Dawoo ) الاكبر (كدود الاصغر ) وبدل أن يكون ( ميمد كدود ) أو ( محمد أصغر ) مثلا يتم إطلاق لفظ ( كدودا ) بإضافة المد ( Kodooda ) وهذه الخاصية تأتي للفرق بين الكبير صاحب الاسم الاصلي .. والصغير الذي يحمل الاسم وغالباً ما يكون بين الجد والحفيد .. وفي النوبية الدنقلاوية : اللقظ المطابق للمعنى هو ( كنا Kinna ) ويطلق الشخص ( كنتود Kinatod ) نفس معنى صغيرون أما بالنسبة للاكبر ( دوولDool ) الكبير وعندما يطلق كإسم يتم إضافة حرف مد ( دولا Doola )
لذا تجد الاسماء مثل : كنتود ، دول ، دولا، كدود ، كدودا وكثير من العائلات تعتز بمثل هذه الاسماء لتميز والاصالة
لا اريد أن أدخل في المزيد من السرد ..
شكرا الحبيب حسن فرح .. نحن أمة واحدة بمرجعية واحدة مهما إختلفت اللغات
التحية للحبيب حمودي مودتي
| |
|
|
|
|
|
|
Re: *** معاوية المدير تعال بى جاى //كلام السودان (Re: Hassan Farah)
|
Quote: فترت من السهراجة والهمساسة و الساسوية الشول قالت رماد البرود ماهو عديل |
كما هو وآضح الكاتب عمل علي تجميع مُفردات بطريقة عشوائية دون أن يضعها في قالب سردي أو حتي ينضمها في عقد بحيث تكون متناسقة وذآت جُمل مفهومة، فمثلاً المقطع الفي المُقتبس دا كل غرد الكاتب منه تحدي مقدرات الناس في معرفتهم بالعامية السودانية المتداولة تحديداً في أرض الشمال بمحازآة النيل، عليهِ سوف نعمل علي تفسير المُفردات البنقدر عليها .
فترت: معروف لدينا جميعاً فترت يعني تِعبت، و فتر فِلآن اي تِعِب، والكلمة عربية فصيّحة . السهراجة: هي الحُمى، وسهرجت النار إذا هبّ عليها هواء وإشتعلت، ؤ في السهارة وهي لمبة خافتة الضوء تُولّع لكسر حِدة الظلام، ؤ عندنا في السافل برضو السهراجة هي لمبة الكوّز وهي بمثابة السهارة ؤ بنسميها برضو المِشرِط والمِشرِط برضو تعني الفتاة الصغيرة . الهمساسة: ايضاً هي نوع من الحمى . الساسوّية: هي القطعة الصغيرة من الزجاج، الزول يقولك، جرحتني ساسوّية . خيّرت: أي بلغت الصحة، تقول، فِلآن ما خيّر عندما يكون مريض، ايّ ما تعافى بعض الشي، أو أصبح خيراً من الأمس ؟. الشول قالت رماد البرود ماهو عديل: رماد الشي تقال للتقليّل من قيمة الشي إذا لم يبلِغك الهدف الذي عُمِل من أجلِهِ، زي مثلاً يقولك، رماد قرايتك دي مُو نافع، يعني قرايتك دي ما جايبا حقها . يعني البروّد وهو الإستحمام، العربي قال، العيد جا لبروّدُو ! ماهو عديّل يعني ما فيهو نفع .
ونواصل إن شاء الله ...
| |
|
|
|
|
|
|
Re: *** معاوية المدير تعال بى جاى //كلام السودان (Re: معاوية المدير)
|
لاحظت وجود كلمات نوبية في المقطع الوارد هنا من الأخ حمودي
مثلاً: ___________________________________________________________
اول عامن اول المختوت في دكاك المرقون وعقبانتية عجنتن في الكورية وضارتن بالتقروقة وكشرتن في البيت الغربي _____________________________________________________________________
كشرتن .. هذه من كلمة نوبية أصلها الكشر وهو المفتاح .. التصريف كشرتن .. هو فعل .. بمعنى .. قفلتن
تحياتي
| |
|
|
|
|
|
|
Re: *** معاوية المدير تعال بى جاى //كلام السودان (Re: معاوية المدير)
|
Quote: برضو السهراجة هي لمبة الكوّز وهي بمثابة السهارة ؤ بنسميها برضو المِشرِط |
يا قربي ايضاً السهراجه تطلق عي الحمي الخفيفه ... والهمساسه تطلق علي الحمي المترددهـ بالذات ليلاً ... يا قول ود الباوقه وشكراً إنتهي رمضانكم كريم وتصومون وتفطرون علي خير . : : : : : مع التحيات لله الزاكيات
| |
|
|
|
|
|
|
|