|
|
|
 Re: andquot; فرصة سعيدة andquot; كيفن و انحنا واقفين ف (Re: Mohd Ibrahim)
|
واحد صاحبنا يا محمد سألوهو عن حالة خالو المريض بالمستشفى
قاليهم: ما بطال لكن في أمل يموت
---
بالجد الموت كِتِر حتى كاد يفقد جلاله وهيبته
موت أحد أفراد الأسرة كان يجلب لك تعاطف المجتمع لزمن طويل
فعلا زي ما قال صاحبي الناس زمان بوصفوا بيوتهم بصيوان العزاء
يقولوا ليك تتذكر قبل خمسة ستة شهور كان في صيوان عزاء في مربع 3
أها نحن تالت بيت مِنّو
هسع الشارع كلو صيوانات، ما تفرز الفرح من الترح
هناك تسارع في وتيرة الجزء الأخير والنهائي من الدنيا
| |
 
|
|
|
|
|
|
|
|
Re: andquot; فرصة سعيدة andquot; كيفن و انحنا واقفين ف (Re: معاوية الزبير)
|
| Quote: فما بعرف ... هل هو عدم ذوق و لا سذاجة و عوارة و لا شنو بالضبط .. |
لا هذا ولا ذاك ... بحكم العادة وتعبير بيجي تلقائي مع التعريف.
مرة في مناسبة عزاء، الناس قاعدين ويتونسوا .... كلهم أهل لكن تفرقت بيهم السبل وبقوا ما بيتلاقوا إلاّ لماما.
الكلام كلو كان، ياخ إنت وين وآخر مرة شفتك .... إلخ. مع إنهم كلهم في البلد ومافي واحد برة.
قام عمك كبير قال، غايتو الله يكتر المناسبات دي عشان نشوفكم.
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: Mohd Ibrahim)
|
يا هندسه يا قباني قبل التحديثات الأخيرهـ في الفيس بوووك تنزل بوست عزاء عادي تجي راجع تلقا عشرومية لايك ...
حسي شايف إدارة الفيس بوك عدلتها بإضافات ايقونات للـــ لايك تعبر عن نوع اللايك ...
ومنها ممكن تختار وجه دامع ...
واذكر مع نضجنا بداءت تتضح فداحة استخدام تعبير لا نفتقد سوي عدم رؤياكم الغاليه ههههههههههههههههههه
:
:
:
:
:
:
مع التحيات لله الزاكيات .
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: محمد حمزة الحسين)
|
فعلا كثرة الموت وكثرة صيوانات العزاء في الاحياء قوت قلوب الناس وبقى ذكر الموت حاجة عادية..
...اما تعليق معاوية بخصوص المريض الفي المستشفى ويسالوا واحد عن حالته و يرد ..ما بطال لكن في امل يموت...
فدي مصيبة كبيرة...وسوء تعبير بالجد....مفروض اهل المريض مرارتهم تنفقع بالزعل....
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: امتثال عبدالله)
|
| Quote: قصدهم فرصة موت زول؟! |
تعرف يا معاوية ...
كل ما اتصل بالناس للتعزية في السودان او في دول الخليج او غيرو
دائما ما اسمع و الله المرحوم ارتاح ... أخير ليو تخارج ...
قلت في روحي الناس من كتر زهجانة من الحال بقت بغرانة من الزول البفوت ...
يا صديقي ... انتقل السودان من حال ان الحياة و الموت سيان ...
الى حال ان المخارجة هي الأريح ...
| |
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: يحي قباني)
|
اتا يا قباني ليك تلاتين سنة برة البلد عرفت من وين بنقول فرصة سعيدة في بيت البكا 😆😆
انت عارف يا صاحب حكاية المرحوم ارتاح دي كتيرة
ياخ العناية الطبية متدنية جدا ومكلفة .والزول بكون مرضان مرض مكلف جدا ومرهق ماديا ومافي امل للشفاء . ويتعذب يومي وتقف عاجزا امامه
مرة صاحبي طلب مني اقنع ابوهو يعمل عملية عيون لانو رافض . ويعرف مقدار العلاقة بينا والمحبة .
اها اتكلمت معاهو وعمرو كان فوق التمنين
قال لي
يا ولدي كفاني الشفتو . ما محتاج للنظر بعد دة .. واولادي يادوبهم في بداية الطريق محتاجين للقروش . ورفض بعدها اي محاولة لاقناعه
دة خليهو
بعرف مريض سرطان رفض العلاج مافي داعي يترك اولاده فقراء يتكففون الناس
الحياة صارت قاسية
حتي الموت ترف لنا ورفاهية لا نستطيع تحمل كلفته
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: عبدالحفيظ ابوسن)
|
Quote: ههههه ..السببب طبعا انو دي اكتر فرص متوفرة للمعرفة ...السودانين اصبحو لا يبالون بي موضوع الموت كثيرا من شدة انة اصبح حدثا عاديا ويوميا ..حسب الاحصائيات 1700 وفاة يوميا
في الخرطوم وحدها ...اصبح من المعتاد عندما يدخل احدهم المستشفي لابسط عملية الناس لاشعوريا تتوقع الموت ... |
محمد يا جميل ...
بالفعل السنة الماضية شافني صديق من بعيد و كنا في المقابر ...
و صديقي ده لي زمن ما شفتو لاني دائما مشغول ...
فجاي من بعيد و مبتسم ابتسامة لمن اتضايرت و احنا في موقف حزن ...
جاني و سلم بالاحضان و قال لي بركة الجابك الدفن ده !!!
يعني الشكر موصول لمنو هنا ؟
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: muntasir)
|
سلام ي قبة .
كنت متوقعك تناقش العادات الضارة في المآتم .
الونسة و تبادل الشمارات والضحك العالي .
و التحاليل السياسية علي نمط كلنا سياسي.
ناهيك عن الناس البيجو اوقات الطعام .
و الحزن يطعن المآقي لمن به جمرة.
آه علي السودان .
،،،،،،،،،،
،،،،
عزالدين عباس الفحل
ابوظبي
| |
|
|
|
|
|
|
|
|
|
Re: فرصة سعيدة; كيفن و انحنا واقفين في بيت بكا (Re: عزالدين عباس الفحل)
|
Quote: يا هندسه يا قباني قبل التحديثات الأخيرهـ في الفيس بوووك تنزل بوست عزاء عادي تجي راجع تلقا عشرومية لايك ...
حسي شايف إدارة الفيس بوك عدلتها بإضافات ايقونات للـــ لايك تعبر عن نوع اللايك ...
ومنها ممكن تختار وجه دامع ...
واذكر مع نضجنا بداءت تتضح فداحة استخدام تعبير لا نفتقد سوي عدم رؤياكم الغاليه ههههههههههههههههههه
:
مع التحيات لله الزاكيات . |
مولانا محمد
ياخ نحن احيانا نفتقد للاتكيت و الحساسية في كتير من المواقف ...
شغالين بالسليقة *
* تنطق سليقة زي حقة الاكل
بصراحة شعب جلف ...
شوف داك كتب شنو عّن ديك ...
بس معقول ؟
| |
|
|
|
|
|
|
| |
يحي قباني
معاوية الزبير
Mohd Ibrahim
محمد أبوالعزائم أبوالريش
محمد حمزة الحسين
عبدالحفيظ ابوسن
عزالدين عباس الفحل
فيس بوك
تويتر
انستقرام
يوتيوب
بنتيريست