يحكي ان طفل عنيد و بقدرات لغوية محدودة جداً ,,, سمي هذا الطفل تيمناً بجده الذي يصوم 11 شهر و نصف اليوم من كل عام..... بالصدفة وجد هذا الطفل ذاته في أحد الأحياء الارستقراطية مع غياب الاصرار و الترصد.... يسمي هذا الحي فريق فوق ... انبهر بالتلفزيون , الاطفال الذي يرتدون الملابس الأفرنجية و يعطشون الجيم و يصومون الدال, و الخ القائمة من الأشياء التي لا تدهش الا صديقنا موضوع الحدث ..... و منذ تلكم اللحظة فقد هذا الصديق تناغمه الداخلي للأبد
يتبع
04-26-2010, 09:09 AM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
يمين ود الصايم دا ممكن تعمل لى عملية لوز فى مداخلة بوست عديل..
بس قبلك يا محمد عوض براك جابتك كراع طوالي تصنف نفسك أخرون و يا صديق أسمك لا ما مكتوب مكتوب ... يلا نواصل مع ناس فريق فوق ديل --------------------------- خاطبت نورس..... نورس تعتبر أخر عمدة لفريق فوق منتخبة ديمقراطياً دون أدني شبهة تزوير.... الإسم الرسمي لفريق فوق في دواوين الحكومة و التعاملات الرسمية الأخري العوالي ... و حتي إسم العوالي لم يكن إسم الحي الأول , فهذا الحي كان يسكنه المستعمرون الانكشاريون و عند خروجهم إستولي عليه علية القوم من الضباط و الساسة المرموقين و بعض الأدباء و الفنانون الذي أبلوا بلاء حسن لحظة النضال ضد المستعمر الانكشاري , و حسب اللغة الانكشارية التي لم يجيدها معظم سكان المنطقة و حتي الذين أجادوها تنكروا لمعرفتها إمعاناً في كراهية الاستعمار أو حتي لا يطلق عليهم اذنابه.... المهم هذا الحي حسب اللغة الإنكشارية يسمي الروابي العالية و لذا السكان الاصليون أطلقوا عليه العوالي فقط مما لا يخل بالمعني و لا يوصم بالذنبية .... و لكن واجهت السكان و خاصة الذين يعيشون تحت خط الفقر و المعرفة , واجهتهم مشكلة أخري لان معظهم لا يجيدون نطق الحاء و العين و كثير من الحروف الجافة فلذا تحول الاسم الي فريق فوق حتي لا يحتوي أي من الحروف المحرجة .... خاطبت نورس السيد زعانف قائلة: و الله يا زعانف انا ما حسيت بألمك و معانتك الا الليله...قالت هذه الجملة بنبرة عالية الحزن و الأسي
04-26-2010, 09:16 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
يا محمد عوض........سلام شنو ياخ محل ما ود الصايم اسمو يقع نلقاك........منافسات ولا شنو القصه دي حلوه ..............عليك الله خليها تتم بالسلامه.......... المره دي
04-26-2010, 09:16 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
زعانف المذكور في المداخلة أعلاه إنسان عادي جداً كل ما ميزه أنه أصيب بداء عضال أمهر الأطباء كان الأمر بالنسبة له مسألة زمن ليس أكثر , و أكثر الأطباء إيماناً كان في إنتظار معجزة شفائه بإعتبار ان الله قادر علي كل شئ. المهم في النهاية تحققت المعجزة و شفي, و تمثلت ضريبة شفائه في نسيانه كل ما مضي من ذاكرة عمرية و فقدان شعر رأسه و بدأ من الصفر و إسم زعانف إكتسبه بعد أن فاق من غيبوته التي إستمرت سنين..فمناسبة هذه الإسم كانت فبدلاً ان تنبت في رأسه شعيرات ككل بقية خلق الله و ما جاورها نبتت زعانف زاهية و من يومها سمي زعانف و لم يعترض علي هذا اللقب التهكمي و إعتبره اسمه و السلام ... لفقده الجلل الله عوضه عقلاً حاد جداً و في كثير من الاحيان يصعب عليه التواصل مع ابناء جلدته .... رفع زعانف حاجبي الدهشة لعبارة النورس مستفسراً بلغة جسدية ... و معالجة لهذه الدهشة أردفت الأخيرة قائلة: و الله بالجد كلام صح يا زعانف انو الناس ديل معرفتهم اللغوية متواضعة جداً.
04-26-2010, 09:23 AM
Mohammed Awad Mohammed Awad
تاريخ التسجيل: 11-13-2009
مجموع المشاركات: 3441
علامات الرضي و الإرتياح ظهرت عليه و تجلت أكثر في لون زعانفه التي تحولت الي مزيج من الأزرق النيلي المخلوط بالأسود مما اضفت عليه مسحة من المهابة و قوة الشخصية حيث أردف ضاحكاً: ما انا قلت ليك يا نورس قبال دا ... لكن شكلو كلام القصير ما بتسمع ... بالمناسبة الحصل شنو؟ نورس: لكن الليله شفت بعيني ... يا خي قبل يومين جاني شافع منهم اسمه مين صايم؟ علي ما أعتقد صايم... الشافع دا جاء هنا و قال داير يسكن معانا لانو ما مرتاح في بيتهم ... قلت يا نورس أوكي الانسانية بتحتم علينا كدا .... المهم قلت ليهو خلاص أقعد ... عملت order و جبت ليهو ملابس جديدة و أحذية ... فجأة انتبهت لقيت لغة الشفع كلهم اتغيرت ... لقيت ليك كل الشفع كاااااااااااااااااك ........ كااااااااااااااااااااك تقول انا عندي مزرعة دواجن... و الفاظ تانية زي شنو .... وضعت نورس سبابتها علي الجانب الأيمن من رأسها علها تستحلب اللفظ الأخر و عندما لم تجود ذاكرتها به إستعانت بساموري أذكي أطفال المنزل و ردد الأخير مقهقهاً قائلاً........ هييييييييع شفت نوعية الألفاظ يا زعانف ........... طوالي قلت يا نورس ما في سبيل واحد تضيعي مية ما صح ...طوالي مسكت الود من يدو ووديته لأهله .... أها بقا قول لي الحصل هناك شنو؟
دايرين تعرفوا الحصل هناك استنوا اصلا انا اليومين دي في اجازة لكن طالع الدكان اجيب سجاير و ال منه
04-26-2010, 09:33 AM
Hadeer Alzain Hadeer Alzain
تاريخ التسجيل: 07-13-2008
مجموع المشاركات: 3530
حرك زعانف عضلات وجهه العليا كعادته عندما لا يستطع صبراً مع الخبر الأتي...حاثاً نورس علي المواصلة ... أها الحصل شنو قولي يا نورس؟ لنورس مشكله اساسية و قد تكون قيمة لكن في حالة زعانف تعتبر مشكلة كرونك , فهو نوع البشر يريد الخبر دفعة واحده و بعدها يتفاوض حول تفاصيل ما بعد المحصلة النهائية و لذا دوما ما يقع في حالة اقرب الي الهياج عند إنتظار خبر من السيدة نورس الطموحة ... المهم نورس بدأت السرد مستمتعة بحالة زعانف أكثر من استمتاعها بالخبر و طريقة سرده: مشيت لقيت ليك اهل رمضان دا.... زعانف: رمضان منو؟ نورس ضاحكة : سوري قصدي الصايم جاملها زعانف في الضحك حاثاً اياها علي المواصلة و داعياً الله عبر كل الشيوخ أن لا يأتي بزائر حتي يقطع هذا الخبر الهام ...اها الحصل شنو مع أهل صايم دا؟ نورس: يا خي مشيت اقول ليك لا لقيت مية و لا ميتين شافع ... أي واحد بلون براهو .... غلطتي سقت الشافع بملابسه الجديدة ... و الله اللحظة الشافاهو يا خي جو جارين علينا ..لغة ركيكة ما فهمت منها الا كلمة (بقيت ود راحات).... دقيقة ما في الشفع قطعوا القميص لو ما أمهم جات كان قطعوني انا ذاتي... ساموراي يا ساموراي ... عليك الله جيب لي موية ... هكذا صاحت نورس , و قبل أن تنتهي من كلمة موية أرغي و إزبد زعانف في هذا الساموراي متوعداً: يا ساموراي انت ما بتسمع ؟ و الله شفع بقوا حقارين خلاص ... بقوم بجيب ليك الموية براي .... و إغتنم فرصة ذهابه لجلب الماء بأمر زيوس الطاهية اليونانية أن تجهز قهوة و شاي بإعتبار أن المعلمة في أي لحظة قد تطلب أي من الاثنين. أها ما تميتي لي أمهم جات الحصل شنو؟ سأل زعانف متعجلاً. نورس: أمهم اسمها مين عووضة؟ زعانف: تيسير عووضة. نورس: عليك نور ... أها جاتني قشير عووضة دي .... نهرت الشفع و دخلتني....جاتني بجنس خلقة هي.... ما حكيت ليك يا حبيبي ... ما لقيت الشافع الجانا قبل هنا و رجعناهو ... الشافع ابو حجرين ... إسمه منو؟ زعانف: أسمه ملاسي نورس: و الله لقيت ملاسي دا و لسا شايل حجرينو ديلك... و الله خفت خوف ... قلت يحصبني هسي ... لكن تصدق طلع شافع لطيف كل العملوا قال لي ( انتي مش زمان طردتني من بيتكم هسي جاية بيتنا تسوي شنو؟)... بعدين لقيت ليك كمية من الضوضاء .... ديل بجاي بلعبوا كشتينة ... و ديل ضمنة (و هاك يا ورق و هاك يا طلق)... الشيشة مدورة (لا في تدخين ضار بالصحة و لا يحزنون)... الودع والرمل, الحنة و رقيص العروس, و كل المشروبات البلدية , شلة كبيرة لامة في سباتة صوتها يزعج الملايكة في السماء ( الله في ... لا الله ما في,, الدين خرافة, الدين علم و أييييك).... واحدين يتكلموا عن السيريالية, الجدل, أصل الكون, أتخيل لقيت واحد بعرف لاهوت التحرير ... يعني فوضي , فوضي مبالغة... أظرف حاجة قابلت ليك تلاتة من النسوان شكلهن ما بحبني ... الغريبة وقت وصلت كانوا عندهم شكلة لرب السماء ( يا جلابية , يا ظلامية , يا ما بتعرفي حاجة).... أول ما شافني خلوا جلابيتهم و ظلاميتهم بعيد و بدن فيني انا... الأولي: ما كلمتينا بالجية كان فرشنا السكة ورود التانية: و الله فريقنا نور بزيارتك يا أختي الأخيرة ما لقت حاجة تقولها بس عندها فنجان قهوة ... اتخيل حاولت تكشحوا فيني بس ربنا ستر كانت القهوة باردة ... قشير عووضة في النهاية هرشتن ليك و سكتن. أنا طالعة حضرت لي عنف بدني أخير بين ود لميط لابعد الحدود اسمه علي ما أعتقد الطريفي و التاني أكثر لماضة منه اسمه الشفت ... للضمان كدا الشفع ديل حيكونوا هسي في المستشفي . زعانف: مستشفي مين ... و الله هسي ترجعي تلقيهم يشربوا في الشيشة مع بعض زي الما حصلت حاجة... نورس بحزن عميق: و الله نحن أسفين يا زعانف اديناك المهمة دي كلها... بالجد مهمة التنوير ما ساهلة بس ربنا يعينك.. زعانف بحزن منتصر رد متهكماً: أنه عبء الرجل الابيض يا نورس انتهي الجزء الأول و بكرة نشوف ماذا حدث بالطرف الأخر علي لسان عووضة , أمين محمد سليمان و أخرون.
04-26-2010, 10:46 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
هذا ما نجا منه صايمنا الذي في سودانيز اونلاين بقدرة نجاة
يا حافظ طالبك وقفة شماعة في كمبيوتر خدمات سوداني شارع الدكاترة لمدة 4 ساعات أمام كمبيوترهم الواقف على مايشبه الكول بوكس عندما سرحت فيه مع (كتيبة الجنقو) و (ليس دفاعاً عن الخمر) ونسيت أنني أقرأ في وضع (قايم سداري) كما نسيت ما كان من أمر شريحتي سبب الزيارة
Quote: يا حافظ طالبك وقفة شماعة في كمبيوتر خدمات سوداني شارع الدكاترة لمدة 4 ساعات أمام كمبيوترهم الواقف على مايشبه الكول بوكس عندما سرحت فيه مع (كتيبة الجنقو) و (ليس دفاعاً عن الخمر) ونسيت أنني أقرأ في وضع (قايم سداري) كما نسيت ما كان من أمر شريحتي سبب الزيارة
أحمد محمد عمر سلام يا خي و مع زحمة الانتخابات دي ما رحبنا بيك زاتو ... قلت لي طالبني شنو و شنو؟ يا زول اقول ليك طلباتك أوامر و بعدين تعال واقف سداري مالك ما تشد سلك عندنا خدمة ديلفري (يعني تلقي كتيبة الجنقو و الخمر عندك)
Quote: برضو هنا التزوير واصل??
حافظ ماتلاوز ونحن قاعدين حنخج ليك الصناديق فى الوقت المناسب
شوفي يا بت الشيخ انا جني و جن التزوير و العجب الخج ... يعني نحن ناس بنلعب علي المضمون قلنا ما دايرين تزوير ابو خج يعني ما دايرين تزوير*
يا خي من الزعل الواحد ما سلم عليك ذاتو (اميرة ازيك و انشاء الله طيبة) ---------------------------- ( الاسماء داخل البوست علي مسئوليةود الصايم)
04-26-2010, 05:09 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
Quote: الصايم في المغارة و أمه عووضة وجهان يبكيان يبكيييييييييييييييييييييييييييييييييان -------------------------- بالله العندو الغنية دي ينزلها لينا هنا
زهره المدائن........كلمات والحان الاخوين الرحباني......غناء فيروز ّّّّ***************************************** لأجلك يا مدينة الصلاة أصلي لأجلك يا بهية المساكن يا زهرة المدائن يا قدس يا قدس يا مدينة الصلاة عيوننا إليك ترحل كل يوم تدور في أروقة المعابد تعانق الكنائس القديمة و تمسح الحزن عن المساجد يا ليلة الأسراء يا درب من مروا إلى السماء عيوننا إليك ترحل كل يوم و انني أصلي الطفل في المغارة و أمه مريم وجهان يبكيان لأجل من تشردوا لأجل أطفال بلا منازل لأجل من دافع و أستشهد في المداخل و أستشهد السلام في وطن السلام و سقط الحق على المداخل حين هوت مدينة القدس تراجع الحب و في قلوب الدنيا أستوطنت الحرب الطفل في المغارة و أمه مريم وجهان يبكيان و أنني أصلي الغضب الساطع آتٍ و أنا كلي ايمان الغضب الساطع آتٍ سأمر على الأحزان من كل طريق آتٍ بجياد الرهبة آتٍ و كوجه الله الغامر آتٍ آتٍ آتٍ لن يقفل باب مدينتنا فأنا ذاهبة لأصلي سأدق غلى الأبواب و سأفتحها الأبواب و ستغسل يا نهر الأردن وجهي بمياه قدسية و ستمحو يا نهر الأردن أثار القدم الهمجية الغضب الساطع آتٍ بجياد الرهبة آتٍ و سيهزم وجه القوة البيت لنا و القدس لنا و بأيدينا سنعيد بهاء القدس بايدينا للقدس سلام آتٍ
========== مع تحيات مورتون ود زكريا
04-26-2010, 10:12 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: أظرف حاجة قابلت ليك تلاتة من النسوان شكلهن ما بحبني ... الغريبة وقت وصلت كانوا عندهم شكلة لرب السماء ( يا جلابية , يا ظلامية , يا ما بتعرفي حاجة).... أول ما شافني خلوا جلابيتهم و ظلاميتهم بعيد و بدن فيني انا... الأولي: ما كلمتينا بالجية كان فرشنا السكة ورود التانية: و الله فريقنا نور بزيارتك يا أختي الأخيرة ما لقت حاجة تقولها بس عندها فنجان قهوة ... اتخيل حاولت تكشحوا فيني بس ربنا ستر كانت القهوة باردة .
اتنين فيهم واحده تراجي وواحده نجاه...التالته البتكشح القهوه دي .........ما بقول اسمها الببداء بحرف الميم........لا والله ما الفي بالكم مش ممكن تكون بت خوجلي لكن....كدي اقيف دقيقه........... يا حافظ كيف ديل كلهم يكونو في حله ودالصايم؟...........انت قاصد المنبر كلو ولا شنو؟
04-27-2010, 07:30 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
للضمان كدا قلتا اصلح علاقاتي معاك قبل ما تجيب سيرتي او سيره (البحـر)
اها كمان حا اخت ليك
داليا كباشي سلامات .... و الله خلي تختي ورد و الله لو جبتي جناين التاكا ما بخليك ... و ما إنتي براك ... إنتي و زوجك في الجزء التاني جايين *
محمد زكريا صبحاتك يا أستاذ ايا انا بحب فيروز لدرجة الجنون لكن دا ما بمنع انا اجيبك في الجزء التاني .... و الله جايب لو جبتي فيروز شخشياً و غنت لي انا برااااااااااااااااي برضو ما بحلك يا عمك
04-27-2010, 07:42 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
Quote: اتنين فيهم واحده تراجي وواحده نجاه...التالته البتكشح القهوه دي .........ما بقول اسمها الببداء بحرف الميم........لا والله ما الفي بالكم مش ممكن تكون بت خوجلي
محمد زكريا مش تيسير قالت الأسماء دي من خيالي بس و لو حصل أي تطابق انا ما قاصده ... يلا قرض علي كدة يا حنين
04-27-2010, 08:03 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
بالمقطوعة الوحيدة أعلاه رثت سارة علي المغنية الشعبية ذائعة الصيت حيها و الفضيحة الاجتماعية التي أحدثها صايم بطلبه اسايلم في فريق فوق... سارة لم تكن من ضمن لجنة حكماء الحي المكونة من كل من السيدة عمدة الحي مسيس عووضة رئيساً,,, أمين محمد سليمان مقرراً ,,,,, دوما مسئولة الأسرة و الطفل, نجاة محمود مسئولة عن قضايا التهجير و اللجوء , تروتسكي مسئول قضايا الحريات الدينية و الالحاد, تراجي مسئولة الهامش و الأقليات, محمد ذكريا مسئول عن ترقية الثقافة الضحلة بالحي و عمر صديق مسئول الامن الوطني, اضافة الي عضوية أخرون ....
----------------------------- يا شباب و الله الجزء دا انا وقت كتبته أعصابي كانت ما في محلها يعني لو في أي واحد لقي حاجة ما عجبته يقشها في صلعة الطريفي دا .... و برضو هنا الاسماء وهمية و لو في اي تطابق فمن الشيطان
محمد زكريا ما تجيب إسمن الهوا بقسمن وما تجيب حرفن الناس تعرفن
Quote: يا تيسير الأم هنا رمزية رمزية فقط ... يا خي انتو لا بتعرفوا رمزية لا سريالية
أعتقد يا ود الصايم أنا مرة شرحت ليك سريالية دي يعني شنو عشان ما تتغابا فوقا العرفة
يا حافظ ياخ تم القصة عشان نقدر ندلو بجردلنا ..
أما صاحباتي هدير وندى وداليا وبت الشيخ ديل شكلهم جايين يحرروا الصفقة واحدة جابت أغنية (يبكيييييان) و واحدة جابت بنبرا وداليا ما عندها مانع من الرش لكن براحة (عاد دي حالة دي) بت الشيخ جابت سيرة الخج وجات
()
بمعدل وش أخدر لكل سطر معنون ..
04-27-2010, 08:31 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
إجتمعت لجنة حكماء الحي لمناقشة الفضيحة الإجتماعية التي أحدثها الطفل صايم و ذلك بطلبه للجوء في فريق فوق... تلت السيدة عووضة أجندة الإجتماع التي لم تكن سوي جند واحد قائلة: (و الله الشفع دا بيكتلوني ... كل يوم جايبن لي نبيشة جديدة ,,, أخر حاجة الفقر دا يطير فريق فوق يقول داير يقعد معاهم .... جاتني المرة هنا مسحت بي الأرض (طبعاً ما في بلاط)... مسحت بي الأرض قالت ... ولدك دا يا مسيس عووضة قال داير ... قال داير شنو ... و طارت الكلمات) , إسعفها أمين قائلاً: داير اسايلم ... قالت كدا صح؟ عووضة: اي يا هو قالت قشيارم دا.... أمين: يا ستي أنسي السترة و الفضيحة متباريات.... نجاة: متباريات شنو انت كمان ... الولية دي جات هنا ما خلت لينا صفحة ننوم عليها ....انت تجي تقول لينا متباريات ... ستين الف مرة قلت ليكم نربي الشفع ديل و جنس البسوي فيهو دا يوم بجيب لينا كفوة كلنا... تقعدوا تقول لي ما شفع بكبروا بخلوهو ... أها خموا و صروا... تروتسكي: يا أخوانا الحاجات دي ما واضحة ... يعني زي ما تقولوا في حلقة مفقودة... إحتمال صايم دا أصلاً ما مشي . تراجي: يا خي ما مشي كيف أنت كمان ... يعني المرة دي لاقته في الشارع و مسكتو من يدوا و جابتوا لينا هنا؟.... تروتسكي: لا انا قصدي كدا ... قاصد ننادي الصايم نسألوا الحصل شنو و الخلاهو يمشي يقدم ... يقدم شنو يا أمين؟ أمين: أسايلم , أسايلم و لو نسيته تاني قول لجوء , و لا أقول ليك حاجة لو لجوء نسيتها ذاتها قول هجا, شتت , فزا , دي كلها معاني مرادفة.... بالجد ثقافتكم محدودة ( الجملة الأخيرة قالها أمين بصوت خفيض)
04-27-2010, 08:41 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
التقط محمد زكريا جملة أمين الخفيضة المتعلقة بالثقافة الضحلة و ضحك بأعلي صوته و عند الانتهاء أمرر يده علي وجهه قائلاً: و الله كتلني بالضحك يا أمين... دوما: كتلك بالضحك شنو.... دا ما صميم شغلك انت كزول مسئول عن رفع الثقافة الضحلة للفريق هنا... كمان عندك نفس تضحك , إنت في الحالة دي مفروض تبكي...قال كتلتني بالضحك قال... محمد زكريا: أيوا دا شغلي لكن ناسك ما بفهموا اسوي ليهم شنو؟ نجاة: يا محمد زكريا انت بالحالة دي إعترفت بفشلك و مفروض تستقيل.... تدخلت عووضة كرئيسة للإجتماع في محاولة لحسم الجدل الجانبي قائلةً: بالله خلونا في المهم هسي... لكن محمد زكريا لم يعير وعيد رئيسة الإجتماع أذن و انما واصل كان شئ لم يكن: أسمعي هنا يا نجاة انتي ما قبلي كنت مسئولة رفع الثقافة الضحلة عملتي شنو؟, قبلك كانت سلمي الشيخ سلامة, كان عماد عبدالله ما كلهم فشلوا ايش معني انا؟.... تدخل أمين بحكمته المعهودة المختصة بتلطيف الجوء قائلاً: يا شباب انا بتفق مع عووضة مفروض ما نخش في صراعات جانبية و بعدين قصة أنو لغتنا دي ضحلة نحنا دايرنها كدا و اللغة كائن حي بتنمو و تتطور بدخول مفردات جديدة زي كاك و هييع و رش و الخ ... عارفين انو اللغة الانجليزية في ظرف اقل من شهر ايام الثورة الصناعية دخلتها كم مفردة جديدة ؟ يا خي دخلتها اكثر من 600 الف كلمة جديدة .... بعدين معاكم أنتو عارفين ناس فريق فوق ديل جدهم الأول مات كيف؟ كرر الجميع بصوت واحد و بكل حواسهم لا و الله ما عارفين ... أها مات كيف؟ أمين: يا خي جدهم دا مرة سمع ليهو غراب بنعق (غاغ , غاغ), قام ساكيهو قال ليهو ما غاغ و إنما غاغو يا متخلف لانه مبتدأ و المبتدأ يجب أن يكون مضموم,,, و إستمر ساكي الغراب الي ان مات من العطش .... انفجر الجميع بالضحك و اصبح مصطلح غاغ رديف لكااااااك , و هييييييع و الخ. أمين: يا شباب ندي جنابو عمر دا فرصة شكلوا عندو حاجة داير يقولها. و قبل ان يبدأ عمر صديق مداخلته نشب صراع شرس جداً بين داليا كباشي و ندي حسن ... الصراع كان حول حياذة الأخيرة علي طوبة الكباشي التي تستخدمها لوصول الشباك بغرض التلصص علي الإجتماع مما أضطر السيدة عووضة قطع الإجتماع.
04-27-2010, 08:50 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
أستأنف الإجتماع بضجر واضح من الرئيسة قائلةً: الشفع ديل حيكتلوني و الله ... واصل يا عمر.. عمر صديق: يا خي كلام تروتسكي القبيل ما تجدعوهو الوطا... كدي نسمع من صايم ذاتو عشان نقدر نقيم الحاصل شنو؟ عووضة: يا صايم , صايم تعال هنا... جاء الصائم ضاحكاً و معه الكل. دوما: يا صايم حبيبي انت مشيت فريق فوق تسوي شنو ... فالح قول لي أمك , و الله ما في أي زول يدقك... صايم: لم يزل ضاحكاً ... و الله يا خالتي دوما مشيت هناك عندهم موية ساقطة , و بنات سمحات بطلعن من حاجة زي القزاز الكل حول بصره تجاه أمين سليمان كي يحل فزورة البنات اللائي يخرجن من القزاز ... رد الاخير متأففاً و ظهر تأففه جلياً باطلاق كم الزفير قائلاً ( قاصد التلفزيون يا عالم) ضحك الكل و من لحظتها أصبح الإسم الرسمي للتلفزيون المصيبة التطلع البنات من القزاز.... عمر صديق: طيب و الحصل شنو يا صايم واصل. تأتأ الصايم و خاف أكثر عندما سمع المتلصصون خلف الشبابيك و الأبواب يرددون عبارات علي شاكلة (أكسروا ,,,, أفهقوا... قال قزاز قال ....غاااااااااااااااغ , إنما غاااااااااااااااغو يا ضحل الثقافة ..و الخ) نجاة: يا ود ما تتكلمي عندنا شغل غيرك. صايم: بس قعدت تلاتة يوم , جابوا لي هدوم , و نوريكي طوالي قاعدين نأكل تلج بالسكر... قاطعه أمين عندما قال عبارة تلج بالسكر , قاطعه قائلاً: قاصد ايسكريم يا شباب ... واصل يا صايم. صايم: أها طوالي قالت لي يا ود انا ما بقدر اربيك ورح نوديك لأمك. تراجي: أها تاني قالت شنو يا صايم؟ أمين: يا تراجي خليك عقلانية كمان ... هسي الكلام البتقوله نورس دا إنتي ذاتك بتفهميه خلي صايم؟ .. خلاص يا صايم أطلع. عووضة: يطلع كيف يعني هسي نحنا فهمنا شنو؟ دوما: خلاص خلاص كفاية ذاتو أكتر من دا ما عندنا ليهو رسين تشيلوا... و بعدين انتوا نسيتوا انو نحنا معرفتنا شوية بالحيل.... و هنا عج الجميع بالضحك بما فيهم المتلصصون خارجاً مما أثار حنق عووضة و التي هددت بترك البيت لعدم جدية الخلق......
04-27-2010, 08:46 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
مرة أخري إنحرف الاجتماع عن مساره حين إبتدرت السيدة نجاة متهكمة فيما يختص بترك السيدة عووضة للمنزل قائلة: ماشة وين يا ختي مخليه البيت؟ تراجي: تكون فازه فريق فوق أمين: فريق فوق ! شكلك اشتقت ليكي لرسمة يا عووضة .... التقط محمد زكريا كلمة رسمة و معها التقط العود قاطعاً الإجتماع الذي لا يفضي لشيئ بدندنات رخيمة مصحوبة بصوته الأكثر رخامة منها (أحتاج لرسمتك ... لبسمتك) و لم تمر دقيقة حتي تحول الإجتماع الي حفل صاخب شارك الكل فيها بالرقص و الصفير و إنتهي بمشاجرة بين تمبس و الطريفي. و قبل انتهاء المشاجرة و تطبيب جرح الطريفي الناتج عن كرسي ركله به وهبه , قبل الإنتهاء من الحفلة و المشاجرة أتت ندي حسن و أميرة الشيخ تحملان طشتين من الرماد و حليمة عبدالرحمن تحمل طشت مملوء بالماء الذي يطفوا بالقرع .... إفترعت السيدة حليمة عبدالرحمن المناحة مثكلة بلغة فصيحة لا تتناسب و الحي ( أربعة أعوام رمادة جديدة عليك يا شعبي .... و أحي من نارك يا وطني .... )... علي ما أعتقد الكثيرون لم يفهموا كلمات السيدة عبدالرحمن و لكن شاركوها في العويل و الترميد ... أما الرجال فقد رقصوا رقصة الموت علي انغام الدنقر
انتهي
04-27-2010, 10:04 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
Quote: يا حافظ ياخ تم القصة عشان نقدر ندلو بجردلنا ..
أما صاحباتي هدير وندى وداليا وبت الشيخ ديل شكلهم جايين يحرروا الصفقة واحدة جابت أغنية (يبكيييييان) و واحدة جابت بنبرا وداليا ما عندها مانع من الرش لكن براحة (عاد دي حالة دي) بت الشيخ جابت سيرة الخج وجات
أها يا تيسير تمينا الحكاية شنو قولك ... هدير الزين دي شاركت في المناحة الا اترمدت شديد لحد ما دينا خالد قالت ليها شنو يا هدير انتي حتكملي الرماد دا براك ما في ناس كتار دايرين يترمدوا غايتوا جنس انانية ... ندي و اميرة و داليا كان بدقن الدنقر و بقية خلق الله ينخجان و يبكيييييييييييييييان
04-27-2010, 02:34 PM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
Quote: لتقط محمد زكريا كلمة رسمة و معها التقط العود قاطعاً الإجتماع الذي لا يفضي لشيئ بدندنات رخيمة مصحوبة بصوته الأكثر رخامة منها (أحتاج لرسمتك ... لبسمتك) و لم تمر دقيقة حتي تحول الإجتماع الي حفل صاخب شارك الكل فيها بالرقص و الصفير
الله يجازي محنو الاسمو محمد زكريا........ياخ ده طلع بعزف عود كمان وعامل فيها يغني ...... جنس اوجه شبه بيناتنا هسه خليتنا منو فينا ال محمد زكريا ما معروف .........يكون انا ياهو زاتوولا الشخصيه الوهميه دي
===== ما عارف ليه عندي احساس القصه دي حصلت عندنا هنا في اوسلو بالجد.......وكمان يدي اتكسرت في الشكله القامت ........وقلت وداعاً عزف الالحان......يازول انت سحار ولا شنو
وبرضو نموت من الضحك .........هههه...........ضحك بدون( وش)
to be continued...........................not with other laughing
04-27-2010, 05:53 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
والشي التاني الناس ديل ليه نهيتهم لينا سريع كدا لسة الموضوع طويل ياحافظ
يا شبكة هو بالله في شك في الموضوع دا؟ ... غايتو انا من ما الله خلقني و أوجدني عارف إسم تيسير دا اسم بنات الا ورا ورا ناس الخرطوم الما بخافوا الله ديل قال ممكن يكون اسم ولد او بنت ...
شبكة دي يا ود الصايم جات من البلد مسافرة يومين بلوري لقت البكاء فاتها و ناس ندي و أميرة ما بكوا معاها بإخلاص عشان كدا زعلانة لكن ليك علي يا بتي عمي نكتل ليكي هسي واحد و نعمل ليك فراش لمن فيهو شاي معتت الما في شنو؟
04-28-2010, 08:25 AM
SHIBKA SHIBKA
تاريخ التسجيل: 01-14-2009
مجموع المشاركات: 5759
Quote: يا شبكة هو بالله في شك في الموضوع دا؟ ... غايتو انا من ما الله خلقني و أوجدني عارف إسم تيسير دا اسم بنات الا ورا ورا ناس الخرطوم الما بخافوا الله ديل قال ممكن يكون اسم ولد او بنت ...
انا زاتي ياحافظ كنت عارفة انو اسم تيسير دا لمسيس
لكن ما جيت سودانيز اون لاين اتلخبط علي الاسم
بركة النصرتها ياخ
Quote: شبكة دي يا ود الصايم جات من البلد مسافرة يومين بلوري لقت البكاء فاتها و ناس ندي و أميرة ما بكوا معاها بإخلاص عشان كدا زعلانة لكن ليك علي يا بتي عمي نكتل ليكي هسي واحد و نعمل ليك فراش لمن فيهو شاي معتت الما في شنو؟
بكاهن معاي كان بطرف يدهن ما ختنتها سمح
اها اوجد لينا ميتا لأخذ بثأري منهن
04-28-2010, 08:08 AM
حافظ حسن ابراهيم حافظ حسن ابراهيم
تاريخ التسجيل: 04-27-2009
مجموع المشاركات: 1604
يا شبكة الميت هين بنجيبو علا عندي سعال : انتي وقت بتعرفي قدر دا المقعدك معانا هنا شنو و الله ثقافتك دي ممكن تأكلك عيش في حتااااات كتار ... يعني عندك غلطتين بس في سطر كامل و الله يا شبكة لقيناكي ما هينة اتاريك انتي قاعدة هنا مجاملة لينا ساي... الله يرحمك يا ملاسي
Quote: يا جنقو .. قصة شنو دي الما فيها جكيس ولا حبوكانة!! يعني بس تخليهم يشلضمو فيني اليوم كلو!
ود الصايم قلنا عزااااااااااا يعني بكاء , فراش تجي تقول لي جكس و حبكانات يا خي ...تاني ما أشوفك تعتب محل الشاي دا بقادي و لا اقول ليك الشاي زاتو بنجيب ليهو طباخ اصلا البنات ديل خمجانات حيكملن السكر دا كله
04-29-2010, 02:06 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حافظ حسن ابراهيم
Mohammed Awad
محمد زكريا
محمد عبد الماجد الصايم
Hadeer Alzain
ندى عثمان حسن
ادريس خليفة علم الهدي
داليا الكباشى
معتصم دفع الله
أمين محمد سليمان
SHIBKA
فيس بوك
تويتر
انستقرام
يوتيوب
بنتيريست