|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: cortisone injection أسألوا أهل الذَكر ... (Re: معاوية المدير)
|
النصيحة لي الله انا سألت من السكري بس لكن،
Quote: If you take blood thinners, you might need to stop
taking them for several days before your
cortisone shot to reduce your bleeding
or bruising risk. Some dietary supplements also have a
blood-thinning effect. Ask your doctor what medications and supplements
you should avoid before your cortisone shot. |
الخرابة ديل من هبيشي في النت.
غايتو حبوب السيولة ديل كل يوم ببلعن
نظام الوآحد جلكن ؤ كدا.
أها كيف الشورة يا الدكاترة...
| |
 
|
|
|
|
|
|
|
 Re: cortisone injection أسألوا أهل الذَكر ... (Re: معاوية المدير)
|
Quote:
ابر وحبوب الكرتزون . الله يشافي جميع الناس اللي تضطر انها تاخذ كرتزون مثل ابر او حبوب
(البخاخ والكريمات ما تزيد الوزن). . معلوم ان الكرتزون يزيد الوزن عن طريق تغييرات
فسيولوجية وكيميائية في جسم الانسان. ذكرت ثلاث نصائح مهمة لتجنب زيادة الوزن وقت علاج
الكرتزون. . #النصيحة_الاولى على اللي ياخذ كرتزون ان ينتبه جيدا على وزنه ويتبع النصائح
العامة مثل زيادة الرياضة وتناول اغذية صحية وقليلة السعرات. . #النصيحة_الثانية حافظو على
رياضات المقاومة (مثل رفع الاثقال) وقت الكرتزون علشان تحافظون على عضلاتكم من الضمور.
الكرتزون من خصائصة ان يكسر العضلات للاسف. رفع الاثقال يمنع هذا التكسير. . #النصيحة_الثالة
كثرو من الوجبات العالية بالبروتين مثل اللحم والدجاج والسمك والبيض. . الف سلامة عليكم .
#صحة #تغذية #كرتزون #سمنة #زيادة_وزن |
الجنا دا من يومي ما دُرتو، سواها لي كلها لحوم ؤ جداد ؤ رفع
حديد التقول انا مصارع. من يومو القال بتسمن كجنتو.
يا الدكاترة، الزول دا كلآمو صُح ؟...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: معاوية المدير)
|
معاوية سلام
انا عنقالي ساكت لكين المثل. بيقول اسأل مجرب وما تسأل
طبيب.
زمان في السبعينات وكت كنت في الامارات كانت عندي حساسية
بعطس زي تزعة. وتزعين عطسة في الدقيقة
مشيت لي دكتور سوداني في دبي عيادته في. الطابق
الرابع
بالله كان بيديني حقنة وانا نازل في الاسانسير قبل اوصل
الواطة نخريني يتفتحوا والعطيس يروح لمدة. شهر
اها شكرت. الدكتور دا لي واحد برضو دكتور قريبنا
بعد اخد ضحكة طويلة وتلاتة سفات صاعوط قال
لي سجم امك اختاهو دي حقن كورتيزون و وراني
لستة. من اضرار. الكوتيزون تشمل ولكن لا تقتصر*
على هشاشة العظام وضرب. الكليتين
المهم فهمت منو انو القشريزون دا last resort
يعني ما تلجأ ليهو الا الشديد القوي
ملحوظة١ :
الكلام دا. كان في السبعينات وما عارف
الطب والصيدلة وصلوا وين هسي،،،دا عشان
ما يجي واحد يديني بي تال الحديدة
ملحوظة ٢ : الجملة بتاعة تشمل ..،،،الخ دي
لي سنين ما لقيت طريقة استخدمها...الله يريحك
دنيا وآخرة ياخي
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: Hassan Makkawi)
|
بالله شوفو خيانة الناس دي ..
يا جماعة انا لو واحد بالتلفون قال لي عندي نزلة بتجيني نزلة ..
قمت مشيت للدكتور قال لي كل سنة تجي تاخد حقنة ..
مشيت السنة اللولي ؤ تاني أبيت ..
أها أوعى تكون حقنتو ديك ياها القشريزون اللت ود عووضة ؟
هسه بستعمل بخاخات الأنف وقت الشدة ..
كمان قولو دي فيها حاجة؟
يا ود المدير هل تسمعني ..
أخير نرجع لزبالتنا ديك.
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: محمد على طه الملك)
|
يا مولانا الملك
على حد علمي ياها القشريزون
البخاخات دي لازمن تساعدها بي شوية
منجسات
مثلا يعني العطور النفاذة
انا ما جبت سيرة الدخان والدلكة
وزي ما قال عمك الشيخ محمد. حسن يا
وليداتي ما تقولوني حاجة انا ما قلتها 😉 😉 😉
البوست دا داير ود اب سن وجلالدونا وحمد وتاني
معاهن. تلاتة كدي بجيب اسمهم عند الضرورة القصوى
والسلام عليكم ورحمة الله وبركاته
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: Hassan Makkawi)
|
ألف سلامة ود المدير وإن شاء الله ما تشوف شر
إذا كنت تقصد حقن الكورتيزون داخل المفصل (intra-articular injection) أطمئن فليس لها أعراض
جانبية ملحوظة خصوصا" انها موضعية وبتاخدها لفترات متباعدة تقريبا" 3-4 مرات في السنة إذا استدعى الأمر
وليست كعلاجات الكورتيزون الاخرى ذات الاعراض الجانبية الكثيرة. وحتى تأثيرها على السكر ضعيف جدا"
عدا حالات السكري الغير منتظم .
استعمالها في حالات يكون لعلاج المرض وغالبا بتكون مرة او اتنين وفي حالات اخرى زى التهاب المفاصل ( osteoarthritis)
تستخدم كمسكن للألم فقط ويمكن الآلام ترجع بعد اسابيع لي عدة شهور وفي الحالة دي بتحتاج للحقنة كل 3 اة 4 شهور غالبا"
أخد حقنتك ساى وما تتجرس وتفضحنا مع الدكتورة :)
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: جلالدونا)
|
غايتو الدكاترة طمنوني، إن شاء الله يتباركوا،
لكن ترسة الحقنة بتكلّب شعرة جِلدي، أها دي ما عندكم
ليها دبارة ؟.
البارح اكانت عندي مقابلة مع دكتور اللسنان، أها مشيت ؤ جسمي
من صلعتي لي عِن كرعيني تِحِت ملآن قشعريرة. أها، الدكتور
قدُر ما يجيب الكِلآبة علي خشمي شعره جِلدي تكلِّب، مع إنو
ما كانت في كِلآبة، لكن الإرتعاشة دي بتجيني من شنو ؟!، ماني
عارف !. لكن وحات الله وكِت إنتهى وداني المُنضرة قال لي،
أها هاك شوف سنونك حسيت بنفسي احد ممثلي هوليوود من
شِدة ما جلآهِن ؤ خلآهِن يلمعن. قتلو، يايابا إنت إن شاء الله
تتبارك والصينيين لحدهم يتباركوا عِلآ امرقولنا من بلدنا...
| |
|
|
|
|
|
|
|
|
 Re: cortisone injection أسألوا أهل الذَكر ... (Re: معاوية المدير)
|
Quote:
يورّملك وشيك وجضومك أكتر ممّا هن ورمانات خلقة
وفي رواية بأثّر على (العدة) ههههههه
___________________
الف سلامة أجر و عافية إن شاء الله |
إن شاء تسلم من كل شر وبلاء إنت وولداتك يا ود البشرى.
جي، حليل العِدة انا ما لحقت ود عووضة. غايتو الجضيمات كان
وِرمن اكتر من كدي ببقى زي كديس اللِسبِتالية...
| |
|
|
|
|
|
|
|
|
 Re: cortisone injection أسألوا أهل الذَكر ... (Re: معاوية المدير)
|
Quote: معاوية سلام
انا عنقالي ساكت لكين المثل. بيقول اسأل مجرب وما تسأل
طبيب.
زمان في السبعينات وكت كنت في الامارات كانت عندي حساسية
بعطس زي تزعة. وتزعين عطسة في الدقيقة
مشيت لي دكتور سوداني في دبي عيادته في. الطابق
الرابع
بالله كان بيديني حقنة وانا نازل في الاسانسير قبل اوصل
الواطة نخريني يتفتحوا والعطيس يروح لمدة. شهر
اها شكرت. الدكتور دا لي واحد برضو دكتور قريبنا
بعد اخد ضحكة طويلة وتلاتة سفات صاعوط قال
لي سجم امك اختاهو دي حقن كورتيزون و وراني
لستة. من اضرار. الكوتيزون تشمل ولكن لا تقتصر*
على هشاشة العظام وضرب. الكليتين
المهم فهمت منو انو القشريزون دا last resort
يعني ما تلجأ ليهو الا الشديد القوي
ملحوظة١ :
الكلام دا. كان في السبعينات وما عارف
الطب والصيدلة وصلوا وين هسي،،،دا عشان
ما يجي واحد يديني بي تال الحديدة
ملحوظة ٢ : الجملة بتاعة تشمل ..،،،الخ دي
لي سنين ما لقيت طريقة استخدمها...الله يريحك
دنيا وآخرة ياخي |
سلآم عووضة.
يا ربي في السبعينات دي انا كنت وين ؟، بكون كنت ديناصور سغيروني.
يا خوي دكتورك البيسف الصاعوط دا ادني آخرو، والبركة في جُملتك
العملتلآ تست دي، ثم وارجى الحديدة.
باقيلك يا عووضة الليلة امشي
الشُغُل ؟...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: Haytham Ghaly)
|
بالله عليك. يا هيثم دا حالته انت القلنا مقددها
تسال سؤال تعسفي زي دا
العضل ماني خابرو لكين انا خايف يدوها ليهو
في رويسو المدوقس دا😄😄
ما یفرزوا الصلعة من البتاعة القلتها ديك
تبقى عليه حكاية المرة المسطولة وترضع في ولدها
لمن قالت لي راجلها سجمي عاين ولدك دا شلاليفو بقن
كبار كيف😂😂
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: عثمان عووضة)
|
Quote: تبقى عليه حكاية المرة المسطولة وترضع في ولدها
لمن قالت لي راجلها سجمي عاين ولدك دا شلاليفو بقن
كبار كيف😂😂 |
ههههههههههههههههههههههههههههههه
السؤال التعسفي ما مني انا
دا كلو من منتصر
جنو أسئلة صعبة زي دي
بالجنبة كدا
شلاليف الولد بقن كبار مالن؟؟؟؟
اوع يكون بالمقلوب
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: عبدالحفيظ ابوسن)
|
Quote:
وأوعة بالك كمان بنعم الصوت الرجالى يخليهو سوبرانو عالى
وبدى الهرمونات (عكسة)
ناعم إنى ما دكتور
آخر العلاج الكى يا معاوية
والكى هو الكورتيشت... |
ناخد شت، نعمل شنو يا دكتور مكاوي ؟.
ياخي انا من يوم الجنا ابزمبارة زنق الموصلي في الأصوات
وانا بِدرّب علي الصوت الجبلي بالليل والصحراوي بالنهار
لحدي ما اصبحت بين الصحيرة والجبل، ؤ ما داير مجهودي
دا يروح شمار في مرقة دحين شوف لي زملاك الدكتارة ديل
يلحقوني بحبة واللآ سفوفة...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: معاوية المدير)
|
Quote:
بالله شوفو خيانة الناس دي ..
يا جماعة انا لو واحد بالتلفون قال لي عندي نزلة بتجيني نزلة ..
قمت مشيت للدكتور قال لي كل سنة تجي تاخد حقنة ..
مشيت السنة اللولي ؤ تاني أبيت ..
أها أوعى تكون حقنتو ديك ياها القشريزون اللت ود عووضة ؟
هسه بستعمل بخاخات الأنف وقت الشدة ..
كمان قولو دي فيها حاجة؟
يا ود المدير هل تسمعني ..
أخير نرجع لزبالتنا ديك. |
يا ملك بعد كلآم الدكاترة هنا ترجع لقشريونك بمزاج، كان إتعودت علي الشِفيّط
مِنّو العوض ؤ عليهو العوض. عاد اكان قنالك ما فيها حاجة خُوتنا بتبقى خوّة
مرآسة ساكت.
يا حليل كِرِكنا والمنجسات والروايح النفاذة ياخ، بالكتيّر ملآريا ؤ يردموك
راجمات والصباح تقوم علي كِركك. هسّع إنت كان بتتكرّف في الزبالة
ليومنا دا حرّم الحساسيّة دي بجنبك ما تهوّب.
عارف، مرّة في إجازة المدارس انا ؤ عوض حسن صاحبي كنا شغالين
مع عمنا كمال الهادي طُلب، أها بنينالنا اوّضة وقفناها ؤ عرشناها، وكِت
بقت علي الزبالة عمك كمال قالنا، تاخدوها مقطوعية والوكِت اكان وكِت
فطور ؤ هو ؤ معاهو اللوسطى التاني ماشين يفطروا. أها قالنا امشاكُن
افطروا معانا. انا قُتلو لا، نحن بننتهي من زبيّل العرش ؤ فد خترة نمشي
نفطر عند اهلنا. عمّك اصرّ إصرار شديد جداً لآزم نمشي نفطر، وانا
اصريت وإتعكلت اكتر مِنّو إنّو نحن اصلوا ما نمشي نفطر، أها عاين
لي زيييين ؤ قال لي، انا راس اللوضة دا بجي اكُبلي فوقوا صفيحة
موية وكان نقط فد نقطة ما بديك قروش. قتلو، سمح.
بعد فاتو خفست فوق راس اللوضة ؤ قلت للعوض، يا زول هوي رقِق
الزبالة دي ؤ سوها لي في الصفيحة خلني اللدلقا فوق راس اللوضة
دي واكاوِرا عشان نمشي اهلنا بسرآع. اها العوض بقى يرقق الكِرِك
وانا انشِل وادلق واكاوِر، والوآطة حر، العوض كل مرّة يعلق لي
جك موية في الشنكل وانا اشيّل واكتح.
إنتهينا سريع، سريع، ؤ مرقنا قبل الجماعة يجو، اها وحاتك ماشين
علي البيت ؤ قدامنا مبنى مطاحن الغلآل الوكِت دآك اكان اكبر مبنى
في اتبرا الساعة اللنا طرشت ؤ عِويناتي كبتن !، بقيت لا شايف العوض
لآني شايف المطاحن. يااااا الله بعد مسافة ؤ بعد ما طرشت لي صفيحة
موية حتي عويناتي بِقن يشوفن وإدرجّت لآمن وصلت البيت. وحاتك
رقدت رقدة عدوّك، وِكت الوآطة مغربت قمت مشيت لدكتور اسمو
مصطفى الكُرُفتي الوكِت دآك في اتبرا، اها قال لي عندك مُصرآن
كتب لي حبوب إشتريتِن من اجزخانة عباس.
أها الحِبيبات + رسوم المقابلة + بعد مرقت من الدكتور اكلت لي
فول ؤ باسطة ؤ شربت لي جوافة، وحات خوّتك مرقت مطالب...
| |
|
|
|
|
|
|
|
|
 Re: cortisone injection أسألوا أهل الذَكر ... (Re: محمد على طه الملك)
|
أححححححححححححح،
أختهِن، حقنتين ورا بعض.
كنت خايف ظاقي المِلحة، والدكتورة اكان بقت من بنات اللصفر اكُنت
فرجت خلق الله، عِلآ بقت نيجيرية، أها قلت، يا ود المدير قدآم بت اهلك
دي الجِرسة ما بتبقى، دحين اخير تنستر.
دوختني الحقنة، برتاح شوية واجي أحكي ليكم. إن شاء الله.
بالنسبة للناس الملاوزين، ما يخافوا...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: معاوية المدير)
|
هلا بيكم يا كورتيزونات
كعنقالي : أنا بعتبر نجاح ونتائج إي علاج بتعتمد على مناعة الجسم ونشاط الأعضاء
أنا ممتن جدا للكورتيزون دا هل تصدق يا ود المدير أنا شعر رأسي دا خلال أسبوع عدم الشعرة كنت في الدمازين
جيت أمدرمان أول دكتور مشيت ليهو كان زين العابدين دكتور جلدية عيادتو في الموردة كتب لي مرهم كورتيزون استخدمتو 15 يوم بس شعري قام زي ما هو
وللحساسية دي شبعنا كورتيزون الأعراض البتقولو فيها دي ما مرت علي الله أعلم ممكن تكون في ما جايبين ليها خبر
| |
|
|
|
|
|
|
|
|
 Re: cortisone injection أسألوا أهل الذَكر ... (Re: حمد عبد الغفار عمر)
|
Quote: ألف سلامة ود المدير وإن شاء الله ما تشوف شر
إذا كنت تقصد حقن الكورتيزون داخل المفصل (intra-articular injection) أطمئن فليس لها أعراض
جانبية ملحوظة خصوصا" انها موضعية وبتاخدها لفترات متباعدة تقريبا" 3-4 مرات في السنة إذا استدعى الأمر
وليست كعلاجات الكورتيزون الاخرى ذات الاعراض الجانبية الكثيرة. وحتى تأثيرها على السكر ضعيف جدا"
عدا حالات السكري الغير منتظم .
استعمالها في حالات يكون لعلاج المرض وغالبا بتكون مرة او اتنين وفي حالات اخرى زى التهاب المفاصل ( osteoarthritis)
تستخدم كمسكن للألم فقط ويمكن الآلام ترجع بعد اسابيع لي عدة شهور وفي الحالة دي بتحتاج للحقنة كل 3 اة 4 شهور غالبا"
أخد حقنتك ساى وما تتجرس وتفضحنا مع الدكتورة :) |
تسلم أخي عثمان الأمام، ولك مني الشكر اجزله.
حسب كلآم الدكتورة قالت، إحتمال الألم يزول بصورة نهائية وأظنها قد إعتمدت علي
اشياء خلآف الحقنة، مثلاً نتيجة الأمواج الصوتية، لكن الحقنة في حد زاتها مفعولها
مفعول سحري وكان في اللحظة. الدكتورة عملت لي مواعيد بعد شهر للمراجعة،
ووضعت إحتمال رجوع الألم تاني في خلآل 3 لـ4 شهور حسب ما ذكرت انت.
غايتو كان للجرسة زيّن إتجرستَ عِلآ الفضيحة ما وقعت.
كتّر خيّرك كتير...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: معاوية المدير)
|
Quote:
ما بتجيك عوجه آ زول طالما الدكتور حريف..
الفكرة انو لو الابرة الاولى دي نجحت في حلحلة الكريعات ..
امكن تواصل اكتر في الابر .. اها لمن يحصل الكلام ده ابدأ فكر في الوزن والسكري الخ ..
سلامتك يا صديق ... |
ههههههههههههه،
تسلم يا حبيب.
الدكتورة النيجيرية شِدة ما حريفة !، صدقني حا تشوفا في كأس العالم الجاي.
ياخوي بارك الله في الإبرة الأولي لو نجحت باقي العفش خليهو معطّل.
لكن والله لقيتك باقي عشرة في قريبك،
عفارم عليك...
| |
|
|
|
|
|
|
|
|
|
Re: cortisone injection أسألوا أهل الذَكر ... (Re: معاوية المدير)
|
أها جيتكم للمقالة.
اولاً بالتبادي من بي في الليل فتحت لبِت أُختي الدكتورة اضانا قُتلها وِليدآتك ديل
شُوفِيلُن صِرفة ؤ باكر إنت تمشي معاي المستوصف. أها الصباح مرقنا مشينا
علي الكِلِينك وانا قلبي دا مقطوع في قُفّة، خايف داير اموت. دخلونا في غرفة
لقينا الدكتورة النيجيرية منتظرانا، قلت لبِت أُختي اديها فتايل الحُقن نعمني إيدي
باردات زي التلج. ادتا الحُقن ؤ قالت لي، اركز يا خال، قتلها، إنت خالك دا
قايلاهو خال فاطنة بتاع الكابلي، والمرا بهناك اعايلها جابتلها حاجات كتيرة
خلآس ؤ تشيل من هنا ؤ تكُب هناك ؤ تاني ترجع تشيل من هناك ؤ تكُب هنا،
أها تقوّلِب في حاجاتا ديل، بعد قضت قالت لي أقعد هنا، قُتلها، الشي دي حارة ؟،
قالت لي، لا في اللوّل بتحس بطعنة الحقنة ؤ بعد دآك بتشعر بضغط الدواء.
إتلفتَ علي بِت أُختي قُتلها، اوّل انا بلآ طعنة القصفة دي المخوفني شنو !،
قالت لي، الليلة عاد يا خالي الختيتا رقدت. طبعاً انا ماني شايف شي، والدكتورة
دي ساعت شعرتبا وآقفة وراي وحاتكم زي الوآقف وراي اسد، شعرت
بقشعريرة معاها ما يشبه الحُمى، ؤ دقات قلبي ديل بِقن بس باجور حسن
ود ابزيد، ؤ طريت داراتنا والسمحات والزغاريد والشبال البشرو، واخوان
البنات، والركزة ؤ دق السوط، والقشعريرة البتسري في جسم الزول هناك
ؤ هيجة الناس وكِت تفوت الحد. قلت، هلآ، هلآ يا ود المدير دا ما بيحلك
نعمنها طعنة اللِبرة بتخوّف، لكن وحاتكم يا الحبان النيجيرية وكِت قالت
لي الحقنة اللوّلة خِلست، إتلفت علي بِت أُختي قُتلها المرا دي بتهظر ؟،
قالت لي، لا يا خال، إنت ساكت أُكُنت داير تفرّج فينا الخلق. أها، عُقُب
التانية ادتني ياها بنفس الحرفنة حتي قلبي همد ؤ بلعت ريقي. بعد دآك
قعدت اتفاصح، قلت للنيجيرية، والله إنت حقو يخلوك تضربي رصاص.
أها، وكِت قمت علي حيلي شعرت بدوخة لكن طنشتها ؤ دا عيبنا نحن
السودانيين ما بنصرّح بالحاجة في وقتها، لآمن وصلت الكاونتر عشان
اسجل للمقابلة الجاية كنت ما قادر اقيف خليّت بِت أُختي واصلت ؤ قعدت
في الكرسي. البنت الفي الكاونتر قالت، عادي احياناً الحاجة دي بتحصل
لكن انا بخبر الدكتورة. بِت أُختي قالت لي، يمكن يكون هبوط في السكري
لأنك بلعت الحبوب ؤ ما اكلت حاجة، خليني اجيبلك حاجة تاكُلآ. قتلها،
لا. بعد شوية إتذكرت عندي تفاحة في العربية، جابتا لي اكلتها ؤ جابوا
لي موية شِرِبت حتي عِويناتي فتّحن، ؤ قلت لي بِت أُختي بس دوري
علي اقرب محل سندوتشات، مشينا اكلنا ؤ بقينا ناس بيت.
تنبيه هام،
بصراحة يا جماعة الحقنة مفعولها كان عجيب جداً، الدكتورة قالت،
المفعول احياناً يظهر في الحال، وفعلاً في الحال انا نسيت تماماً
إنو كان عندي ألم في اكتافي، يعني حاجة ما معقولة ابداً، الألم
في لحظات اصبح نسياً منسيا والحمد لله ولكم مني الشكر اجزله
وأسأل الله ان لا يريكم مكروه في عزيزٍ لديكم.
شكراً...
| |
|
|
|
|
|
|
|
|
|
Re: cortisone injection أسألوا أهل الذِكر ... (Re: معاوية المدير)
|
Quote:
الحمد لله طمنتونا يا دكترة
انا اخدتهم كم مرة فى مفصل الكتف
بس بصراحة نفعونى لأنه الالم كان شديد
التحية لسيد البوست ولكم جميعا |
سلآمات الأخ صلاح حبيب،
حياك الله يا رجُل.
يعني يا صلاح تِطبظوا ساااكت ؤ مقطعنها في حنانكم !،
أها الصوت كيف سو فآر ؟.
| |
|
|
|
|
|
|
|
|
|
Re: cortisone injection أسألوا أهل الذِكر ... (Re: معاوية المدير)
|
ربنا يتم عليك الصحة والعافية
- بالنسبة لالم الكتف او غيره :
- دلك قوي باي زيت متوفر وبعد الدلك مباشرة ادخل في كيس بلاستيك
( الاكياس الكبيرة اخرم قعر الكيس في النص وادخل راسك في الخرم بحيث الراس خارج الكيس وبقية الجسم داخل الكيس لمدة 3 ساعات يوميا او اكثر )
- زي وضع الشملة بتاعت الدخان
- وسوف تحس بالتحسن فورا واصل حتي يختفي الالم تماما مجرب ومضمون بنسبة 100%
| |
|
|
|
|
|
|
| |
معاوية المدير
محمد البشرى الخضر
طلحة عبدالله
عثمان عووضة
Hassan Makkawi
محمد على طه الملك
محمد حيدر المشرف
سيف النصر محي الدين
جلالدونا
اسامه العريفي
عبدالحفيظ ابوسن
عزالدين عباس الفحل
بلال زكريا
حمد عبد الغفار عمر
حيدر حسن ميرغني
نعمات عماد
Osman Musa
الصادق عبدالله الحسن
صلاح جادات
فيس بوك
تويتر
انستقرام
يوتيوب
بنتيريست