|
|
|
 Re: خم رماد الأرشفة ايها المونساتية سيداتي سا (Re: عبدالله ود البوش)
|
ونسة قصيرة بين راعي غنم وخطيبته
عاد قبل مغيب الشمس بقليل ووعد نفسه بونسة لذيذة مع خطيبته
دخل بهايمو الحور وتلب الحيطة التي تفصله من بيتهم ودفر باب البرميل ووجدها في انتظاره متشطفة ولابسة السفنجة الخدرا
قعد في العنقريب المقابل وقاليها تقرتك الليلة عشرت
دنقرت
دنقر
وقام علي حيلو مخاطبا القبلي ... ارعد من صقيعة سلامة ما تبعد
| |
 
|
|
|
|
|
|
|
|
Re: خم رماد الأرشفة ايها المونساتية سيداتي سا (Re: عبدالله ود البوش)
|
ونسة مزارعية قصيرة
الباع جملو وزنبار قداد الهبوب منبطحين في ديوان ود التلب وكل واحد فيهم مقبل على الحيطة ويتونسوا
الباع جملو طااااخ نخامة كبيرة علي الحيطة يا زنبار السنة دي نعل ما زي السنة الفاتت
زنبار : السنة الفاتت المفتش لي فوقي طريقة وطلبني لكن السنة دي على الليمان والرحمن كان ظرط طوط ما يطلبني
| |
|
|
|
|
|
|
|
|
|
Re: خم رماد الأرشفة ايها المونساتية سيداتي سا (Re: عبدالله ود البوش)
|
هلا هلا ود البوش
المطرطشين عليك أمان الله يقروا في كلامك دا و (يتكشمــو) في شان ناس الشغل ما يكابسوهم
ويسألوهم
لكــن:
((( ووجدها في انتظاره متشطفة ولابسة السفنجة الخــدرا
قعد في العنقريب المقابل وقاليها: تقرتك الليلة عشــرت
.... دنقــرت
.... دنقـــر )))
(نان يا عشاي) ... دي مـــا ... قصــة قصيرة أجدع كاتب قصــة قصيرة ما كتبها ...
ترجمها انجليزي وتاخد بيها جائزة عالمية
(لــومــك علي)
| |
|
|
|
|
|
|
|
 Re: خم رماد الأرشفة ايها المونساتية سيداتي سا (Re: أحمد الشايقي)
|
ترجمها انجليزي وتاخد بيها جائزة عالمية
----------------------------------------
ذكرتني بابكر ود علوبة كان بقلد زنقار والله جد
ناس لوري الطماطم قالوا ليهو ارح نوديك دار اللذاعة تغني في الرادي
نزل السوق المركزي وقدر وصل لحدي مرطبات السلام بالسجانة
اكل باسطة شبع طب ورجع
.
.
حقو الزول يسدرك ويركبك فوق كانون هههههههه لكن مافي داعي
الشايقي يا جميل كل التقدير والاحترام
| |
|
|
|
|
|
|
|
|
|
Re: خم رماد الأرشفة ايها المونساتية سيداتي سا (Re: جلالدونا)
|
أمس يا ود البوش العيال من المدرسة أدوهم لعبات هديـة
فتحوها وفيها دوائر قيافة كدي عليها X , Y
ومع اللعبة شروحات طويلة عريضة بالأنجليزي والألوان ونشيل ونقرا ونترجــم
لما العيال فهموها وبدو لعب ... وقعــت لي ....
....... : يا عيـــال أنتو ما تقولوا دي (صــفــرجــت)
والله عندنا (علـــوم) بس رايحــــة ســـاكــــت
أحمــد الشايقي
| |
|
|
|
|
|
|
|
|
|
Re: خم رماد الأرشفة ايها المونساتية سيداتي سا (Re: عبدالله ود البوش)
|
ود البوش.... أريتك طيب يا خوي. بقيت زي الجِروِل ،تظهر بعد العيش يبقي فريك_____________ أنا أحاول شرح بعض الكلمات - للناطقين بفيرها -.....بين راعي الغنم وخطيبتو.....(.حور: حائط قصير)___ التقر: نوع من الغنم (الماعز)القصير القامة وله سرعة فائقة عن غيره من بقية الماعز..... عشرت :واضحة وما تحرجونا كتير... (التقرة) بعدهذا التاريخ ولمدة شهورمحددة سوف تلد...... ارعد ..!!وصقيعة سلامة ما تبعد: الخطاب في مستواه الأول للبرق بأن ينزل في منطقة( الصقيعة سلامة )- . أما الخطاب في مستواه الثاني فهو للخطيبة، مبشراً اياها أن البرق القبلي ،سيهب هذا العام مطراً وخيرا،-يتوج يزواجهما والناس في البلد كلها مبسوطة -يدفعوا ليهوفي النقطة كويس- ويمكن أن يشتري لها فستانين وتوبين وشبط وسفنجة تانية وريحة... أما هي ستبيع (تقرة )وتشتري ليهو مصلاية وابريق........ قصرت معاك يا ود البوش؟
| |
|
|
|
|
|
|
| |
عبدالله ود البوش
أحمد الشايقي
خالد المحرب
عمر التاج
جلالدونا
عبدالحفيظ ابوسن
Nasereddin Mohamed
محمد المسلمي
فيس بوك
تويتر
انستقرام
يوتيوب
بنتيريست