الدولار يعود سريعاً للإرتفاع امام الجنيه السوداني

Quote: عقليات جبارة طبعا سعر الدولار في السودان عادة بيحددوه السماسرة و تجار العملة. زمان كانوا نفرين تلاتة معروفين، بعد الإنقاذ بقت تجارة العملة مؤسسة تابعة للهناي و للمعلومية سعر الدولار في السودان لا تحدده الوفرة او زيادة الطلب بل يحدده السماسرة عبر اجراءات معقده. اولها ان لهم عيون داخل اجهزة الدولة ترصد بدقة كل ما هو اقتصادي مرتبط بسلعتهم. و ثانيها سلاح الإشاعة. قبل العقوبات قامت هذه المؤسسة باشاعة ان بعد رفع العقوبات الدولار لن يسوي سيئ وهو ما حفز الناس للتخلص من ودائعهم و احتياطياتهم من الدولار فنشئت وفرة. نشط الجماعة في لم السوق و خزنوه. بعد ما وقع الفاس في الراس بدأ الدولار في الارتفاع بعد اقل من 24 ساعة من رفع العقوبات. يا ايها الشعب السوداني الفضل. ياااخ الدين كان لعبوا بيه معليش الله بحاسبهم لانو الدين لله، لكن انتو قروشكم و عقولكم دي قنعانيين منها. ياااااااخ ما ممكن شعب 50 سنة بيضحكوا عليه السماسرة و الكيزان بذات الحيل و الاحابيل و ما داير يفهم. علي فكرة يا متنورين العقوبات مرفوعة من ستة شهور و الدولار كان طالع فوق العشرين و مانزل البنزلوا شنو هسي. و بعدين انتو لا عندكم صادر و لا انتاج منتظرنها من الله و لا بله الغايب محنتونا عباس الفكي