|
Re: الكتابة في المنبر. (Re: جمال ود القوز)
|
يا جمال كيف حالك سيدي
والله سنوات طزيلة بفكر أرجع للكتابة هنا في السوشال ميديا بتلقى علاقات أوسع، لكن الفائدة أقل,
بس الليلة كانت في ونسة لطيفة في الفيس بوك، وأتذكرنا أيام بديعة في البورد. وبعدها مكالمة من الفاتح ميرغني، زادت شجوني.
شكرن كتيرن!
| |
|
|
|
|
|
|
Re: الكتابة في المنبر. (Re: ايمن الصادق)
|
Quote: تصدق - قبل كم يوم طريتك من ضمن بورداب كتير غائبين .
|
يسأل منك الخير يا حبيب والله فعلاً طولة شديدة خالص ذكرتني رهبة البوستات الأولى، في زمن جميل للغاية، وسط ديناصورات لا تبقي ولا تذر.
| |
|
|
|
|
|
|
Re: الكتابة في المنبر. (Re: علي دفع الله)
|
Quote: غايتو اصلا حروفك ما وحشتني لاني مدمنها عالفيس حتي بالامارة اليوم ربيع عبد العاطي طلع صديقك 😃😃 عموما قنب طولا |
والله دي مصيبة يا علي أنا أتغشيت في الاسم، كاتب Rabie Obaid أفتكرتو عبداً من عباد الله الصالحين
| |
|
|
|
|
|
|
Re: الكتابة في المنبر. (Re: Nasr)
|
Quote: يا ألف مرحب بالزول الكتاب حبيب نورة طولت شديد لكن تاني ما تعملها |
بالفعل يا نصركانت لنا أيام ما أحلاها والله أفتقدكم كلكم وتاني مافي إنقطاعة شديدة بإذن من صلى وقال يا الله
| |
|
|
|
|
|
|
Re: الكتابة في المنبر. (Re: عبدالحفيظ ابوسن)
|
ها زول . وين بلدك ؟ والله مشتاقين . و ما ليك خبر . كنت دايرك تكتب عن الفنان الراحل العظيم سعيد صالح عليه الرحمة . والله عودتك جد مفر حة والناس منتظرين عودتك . سلامات
| |
|
|
|
|
|
|
Re: الكتابة في المنبر. (Re: ابو جهينة)
|
انعل دينك ياخ ... _________
ده يا ياسين واحد صاحبي شديد الله يطراو بالخير ...
لامن نغيب من بعض زمن ... اول ما يشوفني يسب لي الدين ...
طوالي بعرفو الشوق كاتلو زي ما كاتلني ... و نتقالد و نضحك و ما بنكفر بعض ... :)
ياخ و الله بشتهيك شهوة عديل كده ...
شهوة شوقي لي شوفة امي ...
و بشتاق لي قلة ادبك البتشبه قلة ادبي ...
قليلين الفي الدنيا الممكن تتوافق معاهم ...
و انت واحد منهم ...
حلفتك بالّتي و الّتيي ... ما تمش تاني ياخ ...
| |
|
|
|
|
|
|
Re: الكتابة في المنبر. (Re: يحي قباني)
|
Quote: نعل دينك ياخ ... _________
ده يا ياسين واحد صاحبي شديد الله يطراو بالخير ...
لامن نغيب من بعض زمن ... اول ما يشوفني يسب لي الدين ...
طوالي بعرفو الشوق كاتلو زي ما كاتلني ... و نتقالد و نضحك و ما بنكفر بعض ... :)
ياخ و الله بشتهيك شهوة عديل كده ...
شهوة شوقي لي شوفة امي ...
و بشتاق لي قلة ادبك البتشبه قلة ادبي ...
قليلين الفي الدنيا الممكن تتوافق معاهم ...
و انت واحد منهم ...
حلفتك بالّتي و الّتيي ... ما تمش تاني ياخ ... |
يا سلام يا سلام والله نحن الإتنين على سُرُرٍ من المحبةِ متقابلين لكن طِريت حكاية كرت حاجة مريم اللي كانت ألطف ما يكون، مجاملة وأصلية، وريّادة تحب الناس السمحين، تهاظرهم وتشاتمهم بألعن ما تكون المحبة. صِحت من نومة الضهرية، بي كواريك النسوان، مرقت حفيانة تتحسبن ونفسها قايم، قالوا ليها مرة ود عم عثمان الغريبة جابوا ليها خبر. تلاتة بكاسي 83 سيوبر واقفات، وثكلي حدّو السماء، والناس ماشة مدني في التو واللحظة. جرّت ليها توب سريع وركبت قداااام. الجماعة وصلوا مدني في باقي اليوم داك، والقيامة تاني قامت. بعد شوية ضايفوهم وجابوا ليهم الموية والأكل، وهجسوا شوية كده. بعد صلوا المغرب والعشاء سوا، دخلوهم أوضة مطرّفة، وحاجة مريم شافت صورة الولد المرحوم، وكان يادوب خلص تالتة ثانوي، وسمح سماحة ترمي في الشوك. طوالي ما كضّبت، أنفقعت بالبكاء، ناس البكاء كلهم انكسروا، وحلفت حاجة مريم كان تسكت، المهم قسمت الليل كلو تبكي وتوصّف في الوِليد المرحوم، تقول شالتو في صفحتها، وفي نص السكليب تقول ليهم حلاة الدنيا عليها ود الحرام فات خلاها، واستمرت في الحال ده لغاية ما قروا ليها قرآن. الله يرحمها كانت درويشة ومستّفة حنية.
أما بعد: والله أفتقدك جداً، حليلك وحليل أيامك يا يحيى قباني.
| |
|
|
|
|
|
|
Re: الكتابة في المنبر. (Re: Osman Musa)
|
Quote: ها زول . وين بلدك ؟ والله مشتاقين . و ما ليك خبر . كنت دايرك تكتب عن الفنان الراحل العظيم سعيد صالح عليه الرحمة . والله عودتك جد مفر حة والناس منتظرين عودتك . سلامات |
عثمان موسى الرجل اللطيف يا حليلك يا الحبيب والله من الناس البقرأ بوستاتهم بكيف ومزاج فعلاً سعيد صالح مدرسة فنية فريدة، بتذكر دردشنا حوله في مناسبة الفقد الحزينة ويبقى مشروعاً مؤجلاً إلى حين.
| |
|
|
|
|
|
|
Re: الكتابة في المنبر. (Re: محمد البشرى الخضر)
|
الأديب الأريب الحبيب تحياتي لم نعاصرك في البورد(مش صغر سن و كده) و لكننا كنا نتابع من خارج السور اتذكر كتاباتك عن ذكريات وجودك في القاهرة كانت كتابات رائعة استمتعت بها بحق ما أطوِل عليك ألف مرحب بعودتك
| |
|
|
|
|
|
|
Re: الكتابة في المنبر. (Re: محمد عبد الله الحسين)
|
Quote: الأديب الأريب الحبيب تحياتي لم نعاصرك في البورد(مش صغر سن و كده) و لكننا كنا نتابع من خارج السور اتذكر كتاباتك عن ذكريات وجودك في القاهرة كانت كتابات رائعة استمتعت بها بحق ما أطوِل عليك ألف مرحب بعودتك |
مساك سعيد يا عبد الله قبيل وأنا بتحسّس خطاي بيجاي، وصراحة غالباني الكتابة، لقيت نفسي مسجّل من قبل 13 سنة قلت في سري: لا حولتن! هسه السنوات دي كان الواحد جاب ليها شفّع ما كان نفعوهوا؟
على العموم: حبابك ألف وتشكر على الحفاوة.
| |
|
|
|
|
|
|
Re: الكتابة في المنبر. (Re: أبوذر بابكر)
|
Quote: اااااا سين
يا نيل يا فرات يا دانوب
حللت نهلا وسهلا واهلا
كيفك بالله |
يا مطر ياخ يا مصابيح الطريق ياخ أهطل علينا بنصّك داك، بتاع وكان ... كنوايا الغيمة حين تهلّ بالهطول
حللت أدباً وحُبّاً
| |
|
|
|
|
|
|
Re: الكتابة في المنبر. (Re: طه جعفر)
|
Quote: بركة الجيت شديد و طيب اهلاً بيك تاني و من زمان |
كيفنك يا الحبيب؟ لونق تايم تسلم كتير يا فنان على الترحيب اللطيف، ربنا ما يحرمنا من لطفك.
شكرن كتيرن!
| |
|
|
|
|
|
|
Re: الكتابة في المنبر. (Re: Haytham Ghaly)
|
Quote: قرأت لك (كتيرن) وحين اصبحت ضمن الاعضاء
وجدتك غائباً
فياخي لا تكتر غيابك تاني
عشان ما يبقى عادي
|
تشكر كتير يا هيثم غبت عن البورد لفترة تجاوزت الأربع سنوات وجينا ليك والشوق دفرنا
منورني والله
| |
|
|
|
|
|
|
Re: الكتابة في المنبر. (Re: Basamat Alsheikh)
|
Quote: ظن يا حبيب نورة ، ومن تعليقاتك الظريفة دي، انت من الناس الدمهم شربات،،، ومحظوظة نورة دي،،،، حسدناها عديل،،، |
حبابك يا بسمات
أقرأ كلامك والبسمات تضوّي زي نور القمر تشكري على اللطافة دي
| |
|
|
|
|
|
|
Re: الكتابة في المنبر. (Re: حبيب نورة)
|
ياسين والشوق الدفين والحضور الحنين
بفتش ليك النص الغيماوى داك انا قايل انا قاعد الملم الحاجات دى يمين بالله مفرزعه ساى فى اسافير الله والرسول
| |
|
|
|
|
|
|
Re: الكتابة في المنبر. (Re: أبوذر بابكر)
|
اووووه ازيك يا عمك.... مشتاقوووون يا وغد.... اخد ليك كم يوم كده بس كحل وافهم الحاصل..... البورد بقى مليان دقق...دقق دي من كلام حبوبتي خجيجة... ما تجدع نصيحتي دي بتنعك للزمان.....
| |
|
|
|
|
|
|
Re: الكتابة في المنبر. (Re: Nader Abu Kadouk)
|
Quote: اووووه ازيك يا عمك.... مشتاقوووون يا وغد.... اخد ليك كم يوم كده بس كحل وافهم الحاصل..... البورد بقى مليان دقق...دقق دي من كلام حبوبتي خجيجة... ما تجدع نصيحتي دي بتنعك للزمان..... |
نادر أب كدوك والله شعور عجيب وأنا أون لاين في البورد أكتب وأرد وأفقد الرفاق المعتقين زمن!
أيوة ملاحظ، لكن الأمور بتمشي لسه بتكتب بالكيبورد داك؟
| |
|
|
|
|
|
|
Re: الكتابة في المنبر. (Re: أبوذر بابكر)
|
Quote: بفتش ليك النص الغيماوى داك انا قايل انا قاعد الملم الحاجات دى يمين بالله مفرزعه ساى فى اسافير الله والرسول |
ياريت والله يا مطر نص مستّف بالدعاشات القديمة
| |
|
|
|
|
|
|
Re: الكتابة في المنبر. (Re: أبوذر بابكر)
|
Quote: قريبا من ذات المكان بين خد المساءٍ ورمش النجمة، تواعدنا جهرا قال القمر: قوموا إلى عشقكم يرحمكم الله فقمنا كان طعمها أزرقًا مثل نوايا الغيمة حين تهم بعناق الطين كان الوقت بلا طعمٍ ولا لون، فقد فضحته لمعة الحزن فى العينين، وما عاد يحالف سوى الفراغ، كبل الفراغ بكل ما فيه من سفور وتعب لا يصادق إلا العتمة
قمنا ونحن فى كامل سذاجتنا الخضراء، مثل "شتلات نيم" صبية تحلم بأعراس العصافير العاشقة وبفساتين النسمات المزركشة بالعطر
قمنا
توارى الوقت خلف وجهه ، ثمة قلقِ كان يربض فى خاطرِ الهواءِ وبعض ضيقٌ، حسرة ربما، فى صدرِ السماءِ قلتُ يا سيدتى خبئى هذا الليلَ فى عينيكِ، وأنا سأخبئ الأحلام فى "مخلاية" القصيدةِ قلتُ، ونحن على أهبةِ الدخول إلى فناء النشيد، والتهيوء للرجوع إلى مشيمةِ البدءِ هتفت سراً فى آذان المصابيح الطروبة غداً نلتقى يا ايها الضوء الصديق فقط دع هذا التعب، يتعب قليلا، وموعدنا مشرقِ الأرواح ف حى على البقاءِ حى على الرجاءِ ثم ولما تمطى ليلُ النشيدُ لينامَ تأهبَ القمرُ لإحتضان ظلال الساهرين، أشرع نوافذَ الضياءِ و"تحكر" فوق فضته الوثيرة كان كحل الشوق فى عيون الأغنيات يتوهج مثل ضحك الزهرات أمام مرآة الشمس كان موغلاً فى الفرح، و كنت مستغرقا فى موتى
قلتُ يا سيدتى كيفَ بعدها المزار، وكل هذه الدروب معبأة بحصى النشيجِ يا سيدتى كيفَ الصباحُ غريبٌ هكذا، وكيفَ تخاصمنا محطات الوصول، تشيح بوجوهها والقلب باسط دفقاته بوصيد الأمنيات
يا سيدتى لمى إليكِ جدايل هذا الأصيل وأغزلى لنا أمنيةً من عسجد الشفق، فهذا الليلُ لم يعد وفياً كما كان من قبل لم تعد النجوم على عهدها القديم
يا سيدتى قد اصبح، والله، هذا العشقُ أطلالاً من وميضٍ لا تستطيع الصمود بين نيرانِ القبيلة والأمل معلقٌ على مشاجبِ الغيوم، فلا السيفُ أصدقُ ولا الكلام بل العشقُ أولاً
يا سيدتى
قتل اصحاب القلوب، النار ذات ال ----
وجفنُ القصيدة يرفُ ويراقبُ الصباح وما تبقى من نبوءة لا رائحة فيها تتمتم غداً شروقُ شمسكم عدم غداً غروبُكم جراحْ
إذن خذى بقوة ما تبقى من وعثاء هذا الغناء ودعينى استريح قليلا فوق موقد الإنتظار
فقد تشابه علينا الزهر والجمر |
دسمة يا مطر دسمة لسه عبق أريجها الأول لا يزال في ركنٍ قصيّ من الذاكرة! يستحق الإحتفاء
| |
|
|
|
|
|
|
Re: الكتابة في المنبر. (Re: خالد المحرب)
|
Quote: كل ما اسمع الامام ابوداؤد بتذكرك وطبعا يومى لازم اسمع هذا الامام اى والله انازاتى طولت من المنبر المهم أدنى اضانك تلفونى فى البروفايل منتظرك . |
يا شيخ العرب منك طولنا طول شديد خلاص كيف حالك وكيف الأسرة الكريمة؟ تحياتي ليهم والرقم ح يوصلك
| |
|
|
|
|
|
|
Re: الكتابة في المنبر. (Re: حبيب نورة)
|
|أوووووووو
حبيبنا حبيب نورة
يا خ والله سعيد اشوفك هنا بعد غياب السنين .. غيابي وغيابك ..
جيت القاهرة بعديك كم مرة وعرفت انك ما فيها ..
واي حاجة بتبقى مافي !!
وانت مافي ..مافي مافي .. وزول بريدك زيي ماااافي ؟؟ّّّّ
طمنا عليك ...
| |
|
|
|
|
|
|
Re: الكتابة في المنبر. (Re: ناذر محمد الخليفة)
|
Quote: |أوووووووو
حبيبنا حبيب نورة
يا خ والله سعيد اشوفك هنا بعد غياب السنين .. غيابي وغيابك ..
جيت القاهرة بعديك كم مرة وعرفت انك ما فيها ..
واي حاجة بتبقى مافي !!
وانت مافي ..مافي مافي .. وزول بريدك زيي ماااافي ؟؟ّّّّ
طمنا عليك ... |
ود الخليفة إزيك يا فنان والله تعرف مفروض كنت أسافر في شهر يوليو المحروسة، ولكن الفيزا رفضت لأسباب أمنية غامضة
مشتاقين والله
| |
|
|
|
|
|
|
Re: الكتابة في المنبر. (Re: Nader Abu Kadouk)
|
حبيب نورا وَحَشَ قراءه، فما بالك باخوته واخواته بالمنبر؟ هو من الشخصيات التي جعلتني قارئاً مداوماً للمنبر وبكل اسف صدرت له كُتُباً روج لها بالمنبر ولكني عَحِزْتُ على الحصول عليها في البلد الذي اقيم فيه وفي السودان واذكر انني اتصلت باحد الاخوة في لندن لا اذكر اسمه لديه نسخاً من احد اصداراتك وودعدني بارسالها ووعدته بسداد الثمن مع تكلفة البريد ولكن لم يحدث ذلك هذا شاهد كيف افتقدك قراؤك ، وانا الحين انتقلت من قارئ للمنبر لعضو بالمنبر
| |
|
|
|
|
|
|
Re: الكتابة في المنبر. (Re: Nader Abu Kadouk)
|
حبيب نورا وَحَشَ قراءه، فما بالك باخوته واخواته بالمنبر؟ هو من الشخصيات التي جعلتني قارئاً مداوماً للمنبر وبكل اسف صدرت له كُتُباً روج لها بالمنبر ولكني عَحِزْتُ على الحصول عليها في البلد الذي اقيم فيه وفي السودان واذكر انني اتصلت باحد الاخوة في لندن لا اذكر اسمه لديه نسخاً من احد اصداراتك وودعدني بارسالها ووعدته بسداد الثمن مع تكلفة البريد ولكن لم يحدث ذلك هذا شاهد كيف افتقدك قراؤك ، وانا الحين انتقلت من قارئ للمنبر لعضو بالمنبر
| |
|
|
|
|
|
|
Re: الكتابة في المنبر. (Re: Ali Alkanzi)
|
Quote: حبيب نورا وَحَشَ قراءه، فما بالك باخوته واخواته بالمنبر؟ هو من الشخصيات التي جعلتني قارئاً مداوماً للمنبر وبكل اسف صدرت له كُتُباً روج لها بالمنبر ولكني عَحِزْتُ على الحصول عليها في البلد الذي اقيم فيه وفي السودان واذكر انني اتصلت باحد الاخوة في لندن لا اذكر اسمه لديه نسخاً من احد اصداراتك وودعدني بارسالها ووعدته بسداد الثمن مع تكلفة البريد
|
تسعد أوقاتك يا كنزي الحي بلاقي أكيد. ولو كان المصير بالإيد ما رحلت قبايل الشوق وما كان الزمن غلاب.
على فكرة: الكتب القديمة ح تكون موجودة في معرض الخرطوم الدولي للكتاب جناح دار أوراق. الإصدارة الجديدة ابن اليهودية ح تكون في جناح دار رفيقي. ح أعرف عناوين الصالات وبنشر إعلاناً في البورد.
| |
|
|
|
|
|
|
Re: الكتابة في المنبر. (Re: حبيب نورة)
|
جيتك من موضوع الدبلوماسي بتاع البار، ود الذين داير يخمها بالكوتة بالله لحقت 13 سنة؟!! بالشكل دا البت موزة حتكون حبوبة إلا حبة. أهو براك شايف مليت الحتة شوق ليك ولي أيام كتابتك الطاعمة فـ حركات تعزّز الليمون وما شابه، جلينا من الحركات دي وخش دليل الاستخدام: نفسو الخطوات: أحمل أبريقك وأدقش شدرة الحراز وأختى العُشر، ما بضاريلو مزنوق جنس حالتك
تحياتي
| |
|
|
|
|
|
|
Re: الكتابة في المنبر. (Re: tabaldy)
|
يا شفت ملاحظ للزمن بجري كيف؟ قبل 13 سنة كنت أنتظر وقوفاً في الموقع الكائن جوار بايل المبكي! وإنت كنت بتكابس آناء الليل وأطراف الجزيرة العجيبة، بطرفيها اليوناني والتركي! شي عجيب يا زول
Quote: بالشكل دا البت موزة حتكون حبوبة إلا حبة. أهو براك شايف مليت الحتة شوق ليك ولي أيام كتابتك الطاعمة فـ حركات تعزّز الليمون وما شابه، جلينا من الحركات دي وخش دليل الاستخدام: نفسو الخطوات: أحمل أبريقك وأدقش شدرة الحراز وأختى العُشر، ما بضاريلو مزنوق جنس حالتك |
حولتن ياخ! البنت موزة أرهقت الباندويث المتعب قدراً ثميناً من الدهر والله لسه ذاكرتي معبية بالزمن السمح ده وإيميلك العجيب داك بتاع الضحكة الملعونة كنت بداهمك لمن تجي داخل الهوت ميل مسنجر، بسرعة دبلوماسية عديل كده هههههههههههههههههههههه حولتن بالله
| |
|
|
|
|
|
|
Re: الكتابة في المنبر. (Re: maia)
|
Quote: مرحبا حبيب نورة عودا حميدا مستطاب تدخل دونما تحسس للمسدسات مستعينا بمعينات سنوات كتابة ابداعية قد خلت في سودانيز زمن الزمن الجميل |
العزيزة مايا زمن طويل جداً ما شفت توقيعك هنا يا حليلك والله طمنينا عليك
| |
|
|
|
|
|
|
|