|
|
|
 Re: كلمة وكلمة (Re: عبدالحفيظ ابوسن)
|
Quote:
اعمل حسابك ما تخش في اللستة
البعام بعرفو |
بُعام دي جمعها شنو، بعمات ؟.
صاحبنا دا نجيض مباشرتاً ما بيخش لكن دايماً بيكون تحت
المتن، محل الكلمة ؤ معناها ...
| |
 
|
|
|
|
|
|
|
|
Re: كلمة وكلمة (Re: عبدالحفيظ ابوسن)
|
البعام انا سمعتها يا حفيظ بمعنى غير حق الناس البجو مع الفنان
سمعة ما بقدر يختني في اللستة يومو داك جاء اتنونس معاي في بوست الغناء وكنت عايز امشي معاه في الونسة لكن كمبيوتري خرب وما قادر احمل اغاني من الجوال
| |
|
|
|
|
|
|
|
|
 Re: كلمة وكلمة (Re: حمد عبد الغفار عمر)
|
حمد - سلامات
بزاف بتشديد (ز) دارحه معناها الكثره عند اهل المغرب وليبيا يقولو هلبا واهل يقولو تونس بارشا.
بالمناسبه العافيه عند المغاربه معناها النار - يعنى مشكله لو قلت لى واحد يديك العافيه
.
بعام دى طلعوها سباب اليومين ديل وشنو
| |
|
|
|
|
|
|
|
|
|
Re: كلمة وكلمة (Re: Asim Ali)
|
يا حمد تصدق أن تكون "بعاما" دي حكاية ممتعة جدا.
كنت بعاما لفترة قصيرة في القاهرة طلعت مع سيف الجامعة في كم حفلة وكنت على علاقة جيدة
مع العازفين.
تجي الحفلة مع الفنان والعازفين وتقعد طول الفاصل مع بتاع الساوند لا شغل لا مشغلة فقط تعلق معاهم
على دخلة فلان الغلط و فرتكان الكان فارق زمن..الخ.
مرة في حفلة بمناسبة عيد ميلاد جوليا وردي ورغم علاقتي الجيدة باهل بيت وردي انذاك الا أني
جيت مع الفرقة الموسيقية لانو اساسا كنت قاعد معاهم. المهم في الحفلة ديك غنى معظم الفنانين الكانو
موجودين في القاهرة. بعد فاصل قدمته الاخت ستونا المجروس صاح احد العازفين مخاطبا اسامة
الاسد وكان على البيز جيتار اظنه..يا اسامة..ستونا دي كانت فارقة مش كده؟
رد اسامة : فارقة؟...ياخ دي فاروق ابوعيسى عديل كده هههههه
| |
|
|
|
|
|
|
|
|
Re: كلمة وكلمة (Re: سيف النصر محي الدين)
|
هلا يا عاصم
تصدق انا الكلمة قايلها مستعملة في منطقة الشايقية
لانو طارق جبريل ومعاه كم شخص كانو بستخدموها هنا بشدة
لكن الان عرفت ليه طارق كان بستخدمها لانو عايش في المغرب
| |
|
|
|
|
|
|
|
|
|
Re: كلمة وكلمة (Re: حمد عبد الغفار عمر)
|
هلا د. سيف
انا بعد عرفتها عرفت انو انا يوم كنت بعام وفي ناس اشتغلوا معاي بعامات برضو
لكن على ما اعتقد في ليها معنى تاني لما يقولوا الزول دا بعام او بعم ساي ز
| |
|
|
|
|
|
|
|
|
|
Re: كلمة وكلمة (Re: حمد عبد الغفار عمر)
|
بالمناسبه العافيه عند المغاربه معناها النار - يعنى مشكله لو قلت لى واحد يديك العافيه
ــــــــــــــــــــــــــــــ
عارف يا عاصم ، احسن الزول يكون حذر شديد في استخدام الامثال والاقوال الماثورة
اول مرة قلت لواحد يديك العافية والفلكة الدافية ، طلعت منو بكرامة البليلة 
| |
|
|
|
|
|
|
|
|
|
Re: كلمة وكلمة (Re: عبداللطيف حسن علي)
|
السلام والرحمة حمد و زوار البوست...
بعام دي كنت مفتكراها شتيمة ذي تقول إمعة ولا حاجة قريبة منها...
معناها لطيف و مضحك...
سمعت بكلمة قرقيتة و عجبتني هههه لكن عاوزه أعرف معناها
قبل ما أدخلها في جملة مفيدة ...
ثم الحاجة المحيراني في كلمات عادية بقت شتيمة أو كلمة ما كويسة.
اتفجأت قريب ده بكلمة خالة....إتحيرت لو شاب صغير قال لي ياخالة يكون إحترمني
ولا شتمني 😒....
غالباً حسب ال context والحتات الرمادية إلا نعمل منها رايحين!
تحياتي لكم جميعاً.
| |
|
|
|
|
|
|
|
|
|
Re: كلمة وكلمة (Re: سيف النصر محي الدين)
|
يا سيف لغة و إصطلاحاً و لا كيف 😂
خلاص أسحبوا من روحكم الصفة دي... قولوا كنّا مساعدي فنانين :)
غايتو ملاحظة كلمات كتيرة بقت مشفرة هههه
حقو يكون في معجم لفك التشفير لغير الناطقين بالراندوك ( ده اتغير و لا لسه ) عشان نراجعه قبل الكلام :)
| |
|
|
|
|
|
|
|
|
|
Re: كلمة وكلمة (Re: جلالدونا)
|
مرحب فردوس
ما بتتغير لانها اصبحت راسخة في الوسط المعني بيها ومتصالحين معاها بس خارج الوسط دا معناها بتغير وبتبقى مسيئة
اما كلمة يا خال ويا خالة دي انا مافي كلمة بتضايقني مثلها
زمان كان زي العيب تقول لرجل ما بتعرفو يا خال بتقول ليهو يا عم احتراما ليهو ووضعو ك ند لابوك والمرأة يا خالة بنفس السياق واستنادا على العمر موش من طرف ساي.
هسه الواحد يشيلك في عنقرتو ويقول ليك يا خال
| |
|
|
|
|
|
|
|
|
|
Re: كلمة وكلمة (Re: حمد عبد الغفار عمر)
|
حولاااا يا عبداللطيف
آمنتو بالله
بركة الماطعنك
مافي زول يقول يشرحو ليهو
بعام مقصود بيها في السودان الزول التليفة الابله الذي لا رأي له .. و بعام نوع من انواع القرود بغرب السودان
| |
|
|
|
|
|
|
|
|
|
Re: كلمة وكلمة (Re: حمد عبد الغفار عمر)
|
اها يا فردوس عبد الحفيظ أدانا النجيضة من ناحية اللغة.. اما اصطلاحا
فهي تعبر عن مرور الانسان بحالة من عدم وضوح الهدف، اذ ما المغزى من الطلوع
مع الفنانين كل ليلة وهم يقبضون العدادات وانت لا عداد ولا هم يحزنون هههه
| |
|
|
|
|
|
|
| |
حمد عبد الغفار عمر
عبدالحفيظ ابوسن
معاوية المدير
Asim Ali
سيف النصر محي الدين
عبداللطيف حسن علي
فردوس جامع
جلالدونا
فيس بوك
تويتر
انستقرام
يوتيوب
بنتيريست