12:33 PM October, 05 2017 سودانيز اون لاين أبوذر بابكر- مكتبتى رابط مختصر ولى المساء فى ربيع الحب غيرة ابنى عشك يا قمارى فتنة الانظار اسراب الحسان طرير الشباب وغيرها من الايقونات النضيرة السمحة اغنيات ما عادية كلها من كل النواحى، كلام ولحن واداء مع صوت على الخليفة محمد، الشهير ب سيد خليفة، مع صوته الفريد وفى نفس الوقت تلقى اغنيات تحير اتجاهاتك كلها
يا عقد اللولى ونانا يا نانا المامبو السودانى ازيكم كيفنكم الو الو منو
ومعاها تانى شوية اغنيات غريبه وعجيبه ممكن زول يقول ليك ياخ الموضوع ذوق و تذوق و ما ممكن كمان كل الناس ذوقهم يكون واحد وينطربو ل اغانى جماع صاح الكلام ده فعلا لكين كمان ما للدرجة دى ولا شنو الغرابة بس فى وجود ابو السيد بين نقيضين بعيدين عن بعض شديد شديد جدا كمان
الشاعر النحرير بشار بن برد من ابلغ شعراء العربية قال وهو يداعب خادمته رباب :
رباب ربة البيت تشوب الخل بالزيت لها عشر دجاجات وديك حسن الصوت
المبعدعين لديهم طريقة خاصة في تناول أعمالهم أحياناً ينزلون من أعاليهم إلى دنياوات العامة ..
ابا ذر الحبيب صدقني البوست سوف يكون في غاية الجمال وموضوع بحث وإبداء الاراء .. فقط إذا ابعدت لفظ ( أكعب ) من العنوان لأن بعض الناس ربما يقصدوا أن الموضوع فيه شخصنه أو بعداً ما
لأن كثير من الفنانين لهم أغان جلسات خاصة وأغاني مناسبات وإغاني للعامة وأغاني للصفوة
أتمنى أن يأتي الاخ قباني لتقديم نماذج ..
بس بدون ( أكعب ) حيكون أجمل
شكراً أباذر .. نحن ناس ضواحي الدنيا حتى سماع الراديو كنا نركب حميرنا عشان هلال مريخ
ناس أمدرمان بلد الامان
مع التحية أباذر .. آسف للاطالة ..
10-05-2017, 02:43 PM
عبد الباقي الجيلي عبد الباقي الجيلي
تاريخ التسجيل: 06-23-2004
مجموع المشاركات: 1613
يبدو فعلا انه مفردة اكعب دى ساهمت بشكل فعال ومدمر فى توصيل الفمرة المستهدفة وحاولت قبل شويه فى الرد على الزملاؤ ولسه بحاول ، انى اوصل المعنى المطلوب والمقصود
ويا ريت ناخد معنى المفرده زى ما هو مستخدم عندنا فى مستواه الابسط الأبعد من الكعوبية بمعناها السلبى والاقرب من السماحة والجمال بالمعنى العادى
10-05-2017, 06:44 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
وزى ما انا وضحت قبل شويه انه مافى معنى سيء او قبيح مقصود قطعا من استعمال مفردة كعبة وفعلا ما لقيت الضد المناسب لتوصيل المعنى
اما مقياس العامة والنخبة للتفاضل فما اعتقد انه مقياس قويم وصحيح تحديدا فى الحكم على الحاجات الابداعية فى مجملها سواء كانت غناء او تشكيل او رقص او حتى رياضة
انا شخصيا والله يا على عندى قريبى فى اعلى سلم وهرم البساطة او العامية إذا جاز التعبير وما بفك الخط كمان وعمره ما دخل مدرسة والله بغنى لينا يا عذارى الحى و انا ليتنى زهر و بطرب ليها ويطربنا معاه كمان وهو ما بلعب دور المؤدى فقط لكين هو مدرك و فاهم كل المعنى جملة و قطاعى
وتانى شكرا ليك
10-05-2017, 06:36 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
أتذكر في حلقة مع حسين خوجلي كان مستضيف فيها محمد وردي ...
حسين خوجلي قال لي وردي ..
" انا مرة كنت مستضيف سيد خليفة و سألتو منو في نظروا احسن الفنانين السودانيين : فرد سيد خليفة و قال ... الكاشف .. حسن عطية ... احمد المصطفى ... و كذا اسم تاني ولم يذكر اسمك ! فسألته و اين محمد وردي من هؤلاء ؟ فرد سيد خليفة قائلاً : انت سألتني من الفنانين ... وردي ده شيطان ما فنان ... و ما في فنان شبهو "
الاجمل يا اباذر ... كان رد محمد وردي: قال ليو يا حسين ... انتو ما بتعرفو سيد خليفة البنعرفو انحنا معشر الفنانين ... و اديك سر ... لما نجتمع مجموعة من الفنانين في قعدة خاصة ما في حد بغني لينا غير سيد خليفة ...
أبو السيد مدرسة ... و اعتقد انو سر نجاحه التنويع و انو بسمعوه كل فئات الشعب و بصل لكل الناس ... الفرق بينو و بين مصطفى و عركي مثلا ... فقط فئة معينة من الناس و المثقفين ( و ما كلهم ) البسمعوهم ... الفنان لازم يكون شامل و يدي كل طبقة من الناس حقها ...
لي عودة ...
ونديكم عينتين لابوالسيد ...
الأولى يا صديق ... اغنية خفيفة على القلب ... يسمعها كل الناس ...وهي لعمنا مبارك حسن الخليفة الله يطول عمره ... و هي مكتوبة لسيد نفسه ( كانو أصدقاء ) ...
و الأخرى من الياذات الأغنية السودانية ... للشاعر الفذ حسين عثمان منصور ... " ليل و خمر و شفاه " ... مكتوبة بالفصحى ... و تخاطب فئة معينة من الناس ... علمتنى كيف أنسى من أنا وأنا لفظ حرام فى الغرام وأنتِ بين ذو القدر وينبوع السنا والسنا حلم على ليل الظلام **** يا سقاة الكأس من عهد الرشيد ما لكأسي ظامئاً أبداً وحيد ونديمى!! قد سرى نجما مع الأفق البعيد حطّم الكأس وولّى وانطفأ نجم تلألأ وغدت تبكى على شفتيّ أصداء النشيد ليل وخمر وشفاه هنّ للقلب لظاه هنّ إكسير الحياة هنّ ينبوع الضياء
كلاااااااااااااااااااااااااااااااام يا ابوذر ... :)
10-05-2017, 07:07 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
اكيد بتفق معاك تماما فى انه التنوع مطلوب من المبدعين وضرورى كمان طالما المبدع مبذول لتوصيل العمل لكل الناس وطالما كان المستهدف عامة الناس يبقى من اللازم تنويع الابداع عشان يغطى كل خريطة التلقى
شكلى حاستهلك كمية تبريرات مهولة الليله ههههههه
وشكلى كمان زى الما قدرت اوصل الفكرة ومعناها
كدى غايتو النجرب محاولة تانبه يمكن تظبط
مثلا اتخيل روحك سمعت ابراهبم عوض بغنى
يا غاية الامال لو دعاك الشوق ما كان نسيتنا زمان وانت الحنان والذوق
و يطل علبك وانت بتسمع وش عوض احمد خليفه
ويغنى
اختارو اساى والالام بعدك عنى والايام
وتشم عبير كلام الطاهر ابراهبم
وبعدها طوالى يغنى
يا سلوى قلبى شن سوى ساقو الشوق بالقوه
مش حاتخد ليك رجعة كده لى ورا ؟
ههههههه
كدى خلينى افكر لى فى تبريرات جديده
تخارجنى من الورطة - الكعبة - دى
ههههههه
10-05-2017, 02:50 PM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
حبيبنا , أبوذر لولا إختلاف الأمزجه لبارت السِلَع لكن ليس هنالك شئ كعب فى كلمات الشاعر الكبير إسماعيل حسن والتى تغنى بها ملك الطرب الفنان الكبير والمثالى طيلة حياته فى تعامله وسلوكياته سيد خليفه
10-07-2017, 07:44 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
ول ابا ابوذر..حبابك يا صديقي ليه كده يا صديقي؟ الغريبة انا كنت قايلك ح تقارن اغاني مايو..! لأنو فيها تطبيل غير طيب..! لكن النماذج الجبتها دي كلها كويسة..وهي منعطفات في تجربة ابو السيد وادتها تلوينات لطيفة..! كبر
10-05-2017, 06:40 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
اتنين من الفنانين أصحاب أجمل أغاني .. ابراهيم عوض .. سيد خليفة .. أبو السيد مدرسة قائمة بذاتها .. من ناحية دقة واختيار الألحان .. والأداء المسرحي المحبب ..
10-05-2017, 07:05 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
غايتو يا جماعة سيد خليفة دا كانت له قدرة عجيبة على بث جماليات الحزن في أغانيه بطريقة لم يستطع جل الفنانين على مجاراته فيها. ويلحّن وكأن الوجدان السوداني كتاب مفتوح أمامه يقرأه بيسر وفهم. لقد بلغ سيد خليفة في اسراب الحسان مبلغا عظيما وهو يتمثل كل كلمة من كلمات الأغنية.
10-05-2017, 07:48 PM
جلالدونا جلالدونا
تاريخ التسجيل: 04-26-2014
مجموع المشاركات: 9390
الغريبة يا ابوذر الاغنيات الوصفتها بالاكعب دى هى التى نالت شهرة اقليمية داوية و يترنم و يطرب لها اهل دول الجوار و بل ساعدوا فى انتشارها اكتر من الاستاذ سيد خليفة نفسو
10-07-2017, 08:05 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
لا اغانى مايز ونميرى ديك كمان خليها ساى ديك هى البشاعة تمشى على ألف قدم
زى ما انا قلت للزملاء التنوع مطلوب ومفيد كمان لاى مبدع فى مجاله بس انا قصدت البون والمسافة الشاسعة جدا بين نوعية - كواليتى - ونوعية تانية عند سيد خليفة
و للفنان العظيم سيد خليفه بركات اغنيه اسمها "بانه" ونسبت لعبد الحي وعي للشاعر حسين منصور ارجو من يملك لها تسجيل شاكر انزلها … وهي شبيها باغنية "ابني عشك يا قماري "
قرات اليوم اجمل تعليق من اجمل فنان وهو التعليق الذي رد به الفنان الجميل سيد خليفة على حسين خوجلي عندما ساله : واين وردي من بين هؤلاء؟ فكان الرد الاوسكار : انت سالتني عن فنانين، ووردي ده شيطان ، ومافي فنان شبهو،،، فشكرا ود قباني،،وشكرا على الالحان والكلمات الرائعة،،،، والتحية لصاحب البوست ابا ذر.. ودمت بالف خير وصحة وعافية
10-06-2017, 04:55 AM
ABDALLAH ABDALLAH ABDALLAH ABDALLAH
تاريخ التسجيل: 08-26-2007
مجموع المشاركات: 7628
مرةً أخرى تحياتنا حبيبنا , أبوذر ما دام بوستك العظيم هذا عن فنانا الكبير سيد خليفه كلما تسمح ظروفنا بنطل عليكم . هذا بعض من السهل الممتنع من أغمال أبى السِيد :-
10-06-2017, 08:08 AM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
اتفق معاك سيد عندو اغاني قمة في الشعر واللحن والاداء وعندو واحدات بعرفن براهو يا ود القوز ... ابراهيم عوض عندو غنا مبالغة وواحد بغلبني اسمعو زاتو صالح الضي كيف
10-07-2017, 10:12 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الي اباذر اولا الشكر علي هذا البوست الجميل علما بان " نا نا يا نا نا" للشاعر حسين عثمان منصور
و الي الحبيب صلاح ابوزيد
والله مديون ليك … ولك الشكر من حرم الشاعر حسين عثمان منصور... ورايت الابتسامه علي وجهها عند سماعها الاغنيه .. ويرحم الله والديك والتحيه لك في لقاء بين الشاعر حسين عثمان منصور والفنان سيد خليفه اتت ذكر يا " بانه " فذكره سيد خليفه بها وانها نسب الي عبد الحي لانه الاذاعه رفضة تسجيلها باسمه , وقدم لي النصح حسن عطيه ,بحكم ان اشعاره اوقفت من الاذاعه ,
https://www.0zz0.com
اما القمريه التي في اغلب قصائد الشاعر حسين عثمان منصور كان عشها في الشجره التي ب حوش عثمان منصور التي كان ينام الشاعر تحتها ... تحت ظلها …
10-06-2017, 04:24 PM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
اخي عرفات ومني ايضا التحية لحرم الشاعر حسين عثمان منصور حقيقة الشكر في الاول لاصحاب القنوات في اليوتيوب بيعملوا على نشر النادر من غنانا الجميل جعلوه ممكنا وزي ما ممكتوب في الفيديو الاول القناة باسم مهند الخطيب فالشكر موصول اليه وكل التقدير لما يقوم به. انا نفسي سعدت بوجودها في اليو تيوب،
وهنا ايضا شاء الهوى بالعود
شاء الهوى كلمات ادريس جماع لحن وأداء: سيد خليفة
شاء الهوى أم شئت أنت فمضيت في صمت مضيت أم هز غصنك طائر غيري فطرت إليه طرت وتركتني شبحاً أمد إليك حبي أين رحت وغدوت كالمحموم لا أهذي بغير هواك أنت أجر .. أفر .. أتوه .. أهرب في الزحام يضيع صوت واضيعتي أأنا تركتك تذهبين بكل صمت هذا أوانك يا دموعي فاظهري أين اختبأت فإذا غفوت لكي أراك فربما في الحلم جئت في دمعتي في آهتي في كل شيء عشت أنت رجع الربيع وفيه شوق للحياة وما رجعت كوني كنجم الصبح قد صدق الوعود وما صدقت أنا في انتظارك كل يوم ها هنا في كل وقت
10-06-2017, 09:03 PM
بابكر قدور بابكر قدور
تاريخ التسجيل: 02-26-2013
مجموع المشاركات: 1561
أخي أباذر لك الود والتحايا الطيبات كلمة "كعب" يا أبوذر كلمة سودانية معناها محصور في إثنين - ردئ ولئيم لو جينا للمعنى المقصود فحنحذف معنى لئيم لعدم الإنطباق .. ونبقي على كلمة ردئ بمعنى أن الفنان سيد خليفة لديه غناء حسن وغناء آخر ردئ !! (ورطتك زيادة ياصديقي .. مش؟ فليكن) كدي نمسك أغنية إزيكم كيفنكم دي هل هي رديئة كلمات أم رديئة لحن أم رديئة أداء؟ في انتظار ردك التفصيلي بعد الثبات (الصقر كان وقع كترة البتابت عيب). تحياتي وتقديري ومحبتي ....
10-06-2017, 10:21 PM
wedzayneb wedzayneb
تاريخ التسجيل: 03-05-2003
مجموع المشاركات: 1848
الكعوبية مقصود بيها الرداءة فقط. و كل الأغاني الكعبة المنسوبة للفنانين الكبيرين: سيد خليفة و ابراهيم عوض، على سبيل المثال، قليلة العدد، و الكعوبية، بمعنى الرداءة، متعلقة بالكلمات، و إن جاءت من اسماعيل حسن نفسه، أو صاحب الإبداعات الكثيرة في مجال الشعر الغنائي: حسين عثمان منصور. و برضو نقول انو التقييم بالرداءة يعتمد على المستمع نفسه. التذوق دا مسألة شخصية بحتة. في أعمالوغنائية متفق عليها، باعتبارها متكاملة في إبداعها، كلمة، لحنا و أداءا. خذ مثلا الفنانين الكبيرين سيد خليفة و ابراهيم عوض، أنت لا تملك إلا أن تحكم بأن أغنيتي: ولى المساء، و غاية الآمال بلغتا الكمال الإبداعي، كلمة، لحنا، و اداءا
طارق الفزاري ود زينب
10-07-2017, 10:24 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوذر بابكر
Abdullah Idrees
سيف الدين محجوب
علي عبدالوهاب عثمان
عبد الباقي الجيلي
عمر السلمة
يحي قباني
ABDALLAH ABDALLAH
Kabar
جمال ود القوز
محمد الأمين موسى
جلالدونا
aosman
عرفات حسين
صلاح أبو زيد
عبدالحفيظ ابوسن
بابكر قدور
wedzayneb
Amira Hussien
فيس بوك
تويتر
انستقرام
يوتيوب
بنتيريست