بعد قضاء زهاء ال٥٠ يوم في السودان بلد العجايب عجبت لبعض صور الاحتيال خليك من ختف الموبايلات في الشوارع دي قديمه بقت الحنك بقي اتصال عديل 📞 💡الشاهد ماتدي زول تفاصيل عنك من بداية المكالمه ولو لقيت رقم غريب ماترد زاتو 💡 من صور الاحتيال في السودان وانتشرت بكثره وانا شاهد عليا هههه يضرب ليك محتال ياخد منك معلومات عنك وعن اخوانك ولو لقاك دقوسه يشيل رقم الوالده ويضرب ليا ولدك الفلاني يافلانه في القسم الفلاني مسك لي شنطه بالغلط وطلعت مسروقه حولي رصيد بي كده 😂💨 او يخلق لي اي قصه مؤثره يدين بها ابنك الذي عرف اسمه من طريق غير مباشر .. والضحك يشرطا بعد تحول القروش حصلت لاحد افراد اسرتنا 😂 إنه قلب الام ياساده 💞 يلعبون علي وتر الامومه 😠 او يضرب ليك زول انت فزت معانا بي مبلغ كده وماتقفل الخطط والسحب العشوائي اختارك 😂😂حول رصيد بي كده وماتقفل الخط شان توصلك الجايزه ههههههه يلا انا قاعد مع عمال في البيت جانا واحد يضحك وقال هس اسمعو دا حرامي وفتح الاسبيكر هههههه ونحنا نضحك في النهايه قت لي داير تطلع حق الخروف صح ههههههه انت ضارب القياده العامه يازول بنجيبك والله 😂😠 اوعك ههههههههه قام نبذني وقفل الخط 😂💡نبذ كعب كمان 😠 حصلت حقيقه دي والله وزيها كتير وبقوليك ماتكلم زول وبستهدفو النساء خاصه
وياما في ناس حولت قروش والعوض عند الله والله قصه عجيبه 😕
09-15-2017, 01:12 PM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
لكن السرقة الصاح صاح واحتيال بي أدب حصلت مع ودعمي شغالين انا وهو في الدكان سواء وهو اروش شوية مابتصرف واحد وقف بي موتر وقال ليهو ادفر لي الموتر أبا يدور ودعمنا دفر الموتر ور ور دور اتحرك قال ليهو اركب اقدمك ودعمنا قال ليهو شكرا انا وصلت اتحرك منو شوية قال ليهو الموتر تاني اتعطل كدي ولع لي بي نور تلفونك ولع ليهو وقام قال لي ودعمنا جيب لي صنفرة من المغلق داك عشان اصنفر البلك لمن مشى على المغلق صاحبك دور الموتر وشتت بي التلفون هههههه حرم جيت لقيت خبرو في المطعم الشباب قالو لي ودعمك لطشو تلفونو هههه ادوني الخبر قبل اصلو في البيت مشيت لقيتو ممحن وغازي يديهو في راسو هههه
10-10-2017, 05:56 PM
الطيب عباس
الطيب عباس
تاريخ التسجيل: 09-22-2015
مجموع المشاركات: 2269
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة