كتب الكاتب الفاتح جبرا المتوفرة بمعرض الدوحة
|
Re: سلخانة وجزارة مطار الخرطوم (فديو) (Re: عبدالله عثمان)
|
حبيبنا سيف .. تحياتي .. والله عيب وفضيحة بلا حدود .. سلخانة داخل المطار لقد بلغ بنا التخلف أعلى المستويات ومتأكد ان الخروف سوف يعلق بحبل في الطائرة أو السلم .. سيف الحبيب .. جزى الله وسائل التواصل خيراً ان أوضحت لنا سبب تخلفنا عن ركب العالم .. لقد شعرت بغضب وإحباط .. ولا أستبعد أن مدير المطار يكون ضمن ذلك الجمع .. ويجهز نفسه لتناول المشوي .. قمة الانحطاط .. أتمنى أن تنشر هذه الصور على أوسع نطاق .. على الاقل يا سيف .. وصلوا الصورة للصحفي طاهر ساتي او عثمان ميرغني
مودتي سيف ..
| |
|
|
|
|
|
|
Re: سلخانة وجزارة مطار الخرطوم (فديو) (Re: عماد الدين الطيب عمر)
|
اسا انتو زعلانين شديد كدا ليه؟ الجديد شنو؟ علاا كان زعلكم فطيس الخروف بكيس النايلون بعد ذبحه، في دي عندكم حق مافي اي رأفه بالحيوان في عملية تكميم رأسه بكيس ناليون؟ وعادي جداً تشوف حجات زي في المؤسسات السودانية؟ وأصلو الفكرة أنو كان في احتجاج سابق من ركاب الخطوط الجوية السودانية بأنو بدوهم سندوتشات فول اسا عايزين يوروكم أنو حيدوا ركاب الرحلة دي شية ومرارة نية خسارة ماكنا من ركاب تلك الرحلة نحصل الرحلة الجاية
| |
|
|
|
|
|
|
Re: سلخانة وجزارة مطار الخرطوم (فديو) (Re: Hassan Farah)
|
Quote: ولا أستبعد أن مدير المطار يكون ضمن ذلك الجمع .. ويجهز نفسه لتناول المشوي |
أستاذ علي عبد الوهاب
مدير المطار كان سمع بيهو كارثة وكان ما سمع بيهو برضو كارثة.. المدير يكون اكيد جابو ليهو صحن شية ومرارة جوه المكتب سلطات الطيران المدنى أكيد عارفة..والكلام ده تم بمباركتها بل وكمان صدقت على ميزانية بكذا مليون لشراء الخرفان والشطة والليمون والدكوة..وسمحت بدخول البوكس المهلهل ده جوه المطار. والخرفان دى تكون عدت ساي من غير اي رقابة امنية.
الفديو ده أسوأ دعاية لمطار الخرطوم ولسودانير..
سأقوم بإرسال الفديو إلي المنظمة العالمية للطيران المدنى واحتج لديها...
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل الماحي)
|
في طيارة قبل كده واقفة قلو مكينتا بكون دي كرامة القلة بس مفروض الكرامة بي بعير ليو شنة موش خريف معانا واحد صديق في الطيران قالي المكنة شالوها وخارجوها عيني عينك ديل بس ناس عارف والله عارف وكلو منك ياحمدي يامشلحاتي شلحتا البلد وجهجهتا جنيها
| |
|
|
|
|
|
|
Re: سلخانة وجزارة مطار الخرطوم (فديو) (Re: حامد بدري)
|
Quote: اسا انتو زعلانين شديد كدا ليه؟ |
يا الكنزي زعلانيين فى مرمطة سمعة مطار بلدنا ودمار الناقل الوطنى حقنا. الناس فى شنو وسلطات الطيران المدنى فى الشية والمرارة وتبديد أموال الشعب فى خزعبلات ما بتزيد إلا الطين بله.
| |
|
|
|
|
|
|
Re: سلخانة وجزارة مطار الخرطوم (فديو) (Re: Dr. Ahmed Amin)
|
مع التحية لسيف .. المطار واجهة الوطن .. لديه وقع خاص في النفس ورمز لسيادة لذا لا بد أن يكون هناك إحساس من الاحترام والاجلال لهذا الموقع فهو أكبر وأعمق أن يندس بدماء والفضلات الحيوانات .. المطار رمز سيادي .. ليس مكان لممارسة الخصوصيات .. ومثل هذه الاشياء تذهب بهيبة المكان ..
الأمر مترو ك للشباب لنشر هذه الصور على أوسع نطاق .. يا ريب الصحف كمان ..
منظر مؤلم ..
| |
|
|
|
|
|
|
Re: سلخانة وجزارة مطار الخرطوم (فديو) (Re: قسم الفضيل مضوي محمد)
|
التخلف ده جابوهوا الكيزان هسه بسلاح التمكين فديل ناس عندهم ولاء يعملوا الدايرنو هم اصلا لو عندهم مجرد احساس انه ضبح الخروف في المطار وبالصورة القبيحة دي بيردفهم من شغلهم ما كان تجرأوا وضبحوه في المدرج قدام الطيارات لكن لعلمهم التام بانه مافي عوجة جاياهم عادي جدا ممكن بكره يجوا يضبحوا تور راسو عديل ويعلقوهو في سلم الطيارة ويختوا اللحم جوه الطيارة يمرقوا بيهو في اي مدينة تانية او يولعوا ليهم كانون شية جوه الطيارة المانع شنو ؟ دي بلد هايصة وماليها سيد
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
حسن فرح الواحد فاهم غضبك وزعلتك ههههههه -------------------------------------------------- سيف اليزل مساء الخيرات هههههه انا زعلتى هينة قايلا.....قال ليك الطيارة العملوا ليها الكرامة بعد ما طارت جات راجعة وركت لان زجاج كابينة القيادة تحطم فى الجو طائرة ايرباص تابعة لـ (سودانير) تفشل في أول رحلة تجارية
09-12-2017 06:59 PM
عَادَت إلى مطار الخرطوم أمس طائرة ايرباص تابعة لشركة الخطوط الجوية السودانية (سودانير) بعد تعرُّض زجاجة كابينة القيادة للكسر.
وكانت (سودانير) نجحت في صيانة طائرة ايرباص (300A) ظلّت قابعة في مطار الخرطوم لعدة سنوات بسبب عدم توفر قطع الغيار.. وأجرت الطائرة رحلة تجريبية فوق أجواء الخرطوم لمدة نصف ساعة للتأكُّد من سلامتها، وتداولت مواقع التواصل الاجتماعي مقاطع فيديو تُصوِّر لحظة إقلاع الطائرة عند اختبارها.. وفي أول رحلة تجارية وهي تحمل رُكّاباً من مطار الخرطوم إلى بورتسودان صباح أمس الأول وبعد نصف ساعة من إقلاعها، لاحظ قائد الطائرة تصدُّعات في الزجاج الأمامي للكابينة، فاضطر لتخفيض الارتفاع والعودة إلى الخرطوم، وفسّر بعض الخبراء تهشُّم الزجاج لطول توقُّف الطائرة وهي مُعطّلة بمطار الخرطوم. التيار. https://www.alrakoba.net/news-action-show-id-286096.htmhttps://www.alrakoba.net/news-action-show-id-286096.htm
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
Quote: فهل يضر المطار السلخ بعد هذا الذبح؟! |
والله يا سيف اليزل زى ما قال ود القوز الناس ديل بقت ما فارقه معاهم.. فى مطار مقديشو فى علامة بتمنع استخدام القات فى المطار. والناس التزمت بالمنع..
اقترح على سلطات الطيران المدنى وضع لافتة فى مطار الخرطوم فيها راس خروف مكتوب تحتها ممنوع الضبح فى المطار..
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
فكرة الكرامة واراقة الدم كنوع من القربان هي اساسا فكرة وثنية. الطيارة تعرضت لمصاعب وتمكنت من الهبوط بسلام مفروض يشوفوا المشكلة شنو ويعالجوها زيهم وزي بقية شركات الطيران في العالم..لكن اللجوء للتفكير السحري ده مؤشر على انو المشاكل لن تعالج بل سكتفي الشركة بتقديم القرابين تماما كما كان يفعل البشر قبل عشرة الاف عام.
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
Quote: في طيارة قبل كده واقفة قلو مكينتا بكون دي كرامة القلة |
ناس الطيران المدنى ديل ما عندهم نادى او دار للنقابة يعملوا كرامتهم دى فيهو؟
الناس ديل مرمطوا سمعة المطار وسودانير ممرمطة شديدة..
طيب ديل لو كان إستلموا طائرة جديدة كرت زي الخطوط الاثيوبية اول من استلم طائرة جديدة كرت من طراز دريملاينر كان عملوا شنو؟؟. لكن قالوا على قدر اهل العزم تأتى العزائم
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
الدايم الله.. السودان راح فى حق الله اكيد جمع غفير من الغوغاء والجهلة داخل المطار لا يمكن ان يكون بدون معرفة ادارة المطار او الجهات الامنية.. عشرات الناس اللابسين اى شئ بدون مراعاة صفة الدولية للمطار. أكبر جاهل هو مدير المطار.. وهذا يعكس التعيينات التى لا تبنى على الكفاءات وانما على الولاء والوساطات. لو عرض هذا الفيديو لمنظمة الصحة العالمية والسلطات إياتا ومنظمات حقوق الإنسان لسحبت عضوية السودان إن كان ما زال عضوا. هى ذات ثقافة العقل الرعوى امتدت لأعلى مستويات ما يسمى بالدولة. غايتو الفلم ذا لو شافه العالم تانى إلا تتضاروا كسودانيين.
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
عند عودتي الأخيرة من السودان في نهاية أغسطس الماضي .... وبعد غيبة سبع سنوات ...
فوجئت بالتفتيش أعلى السلم في طائرة الخطوط السعودية من موظف الأمن المرافق للرحلة ...
أحسست بغبن شديد وقلت له والغصة في حلقي : من حقكم إعادة تفتيشنا ... لكن ذلك يعني للأسف الشديد
أن منسوبي الأمن في مطار الخرطوم لا يقومون بعملهم جيداً ... ابتسم واعتذر لي ...
الآن بعد أن شاهدت على أرض المطار هذا البكس المهلهل وسكين وذبح خروف ...
فإنني أطالب أن تقوم سلطات الطيران المدني ليست السعودية فقط .. وإنما لكل الرحلات
القادمة لمطار الخرطوم وبمختلف شركاتها ... أن تقوم بتفتيش الركاب في مدخل طائراتهم ..
هذه المساحة التي حدث فيها ما حدث ... خارج نطاق التفتيش تماماً من سلطات المطار والأمن ...
+++++++++++++++++++++++++++++++++++++++++++++++++++
أما كسر رقبة الخروف قبل خروج الروح منه ... فهو يعني أن القوم قد أكلوا فطيسة ..
فطيييييييييييييييييسة ..... تباً لهم ...
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
Quote: فإنني أطالب أن تقوم سلطات الطيران المدني ليست السعودية فقط .. وإنما لكل الرحلات
القادمة لمطار الخرطوم وبمختلف شركاتها ... أن تقوم بتفتيش الركاب في مدخل طائراتهم ..
|
سلام يا عبد الباقي اولا آسف لتأخير الرد على مداخلتك.. ما ذكرته من تجربتك الشخصية يضاف عليه تجارب الملايين السلبية والمؤلمة عن مطار الخرطوم يصنف مطار الخرطوم كأسوأ مطار فى العالم..دى حقيقة
طبعا سلطات الطيران المدنى العاقلة وقفت طيرانها لمطار الخرطوم من زمان جدا..ومن تبقي يعلمون تماما المخاطر التى يمكن ان تواجههم فى مطار الخرطوم والأمثلة والحوادث كثيرة لا تحصي ولا تعد. وكل حوادث الطيران يتم رصدها رصدا دقيقا من جهات دولية بالقانون وإلزام شركات الطيران المدنى وشركات الطيران بالتبليغ عنها. تأكد إنه مطار الخرطوم سجلوا ليهو النقطة دى: (ذبح خروف بصورة غير شرعية وقانونية فى منطقة التاكسينج تحت سمع وبصر طياري سودانيير..)
كارثة ما يحدث هذا يا عبد الباقى
| |
|
|
|
|
|
|
Re: سلخانة وجزارة مطار الخرطوم (فديو) (Re: اسامه العريفي)
|
تعرف يا سيف لي فتره متتبع الطيران في سماء السودان
عن طريق برنامج فلايت رادار
أمس بالمساء دخلت للبرنامج وجدتعدد ١٢ طائره أثيوبيه في سماء السودان لوحدها هذه الطائرات ذاهبه وقادمه من والي أوروبا
أها في سماء أثيوبيا حسبت أكثر من ٢٣ طياره ذاهبه وقامه من مطار بولي في اديس والي مطارات أخري في وسط وغرب وجنوب إفريقيا ده غير الطيران الماشي والجاي من الشرق الأوسط والأدني والصين واليابان وأستراليا
حقيقي شركه عملاقه وتستاهل الحاضر الذي تعيشه الآن
هذا يدعونا للتحسر والألم علي سودانير
ضبيحه كرامه في أرضية المطار
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
Quote: أمس بالمساء دخلت للبرنامج وجدتعدد ١٢ طائره أثيوبيه في سماء السودان لوحدها هذه الطائرات ذاهبه وقادمه من والي أوروبا |
سلام يا بشير قبل كده كتبت بوست إسمه الأحباش طارو السماء ونحنا جنحينا مكسرة.. ده بالظبط مداخلتك دى...
الانقاذ دمرت كل حاجة جميلة يملكها الشعب السودانى..
| |
|
|
|
|
|
|
Re: سلخانة وجزارة مطار الخرطوم (فديو) (Re: سيف اليزل سعد عمر)
|
Quote: النور حمد صدق. وضبيحة مطار الخرطوم دى بتوصل فكرته بكل سهولة. |
أظن رصدناها قبل كدة المخازي دي والمسألة كلها (تربية) من البيوت جوة Re: وبعدين ياخى مع المطاعم السودانية دي !!!!!Re: وبعدين ياخى مع المطاعم السودانية دي !!!!!
--- في البيت ---
- نضبح البهيمة ونخلي دمها يشيل الشارع أو يشرشح في عتبة البيت، كرامة ولا "عندي قروش"
- ويجي الجزار التخين داك (عمك كمبرسون)، يا ولد جيب المفراكة، ينفخ الخروف كله بخشم واحد، ويرتاح يدي الصبي المعاهو ينفخ
- نجيب طشت الغسيل بتاع الملابس عشان نرمي فيهو اللحمة
- نجيب شوال خيش قديم عشان نكسر فيهو الضلعة
- نعلق جزء منها في حبل الغسيل بتاع الهدوم شرموط بطعم مخلفات الذباب
- حبوبة تمسك مصارينها وتنفخ فيهن بالخشم عشان الكمونية
- نمسك رأس الخروف وندق دقنو بالخشبة عشان نطلع الدود من نخرينو
- بنكد العضام ونمص الفيها وإذا ما طلع بنطق العضم في التربيزة كع كع كع
- بنستخدم سكين واحدة للخضار واللحم وأي حاجة عايزة قطع
- بنقطع اللحم والخضار بمسكها باليد وما عندنا ثقافة التقطيع على اللوح
- بنكرش السكين في أي حاجة عشان نسنها إن شاء الله حجر من الشارع
- مطابخنا عادي تلقى الخضار الجديد جنب اللحمة وفي التلاجة عادي باقي حلة أمس جنب اللبن والفاكهة
- بناكل الفول "بموية الجبنة" وهي في الحقيقة موية ملح ملوثة أضافوها للجبنة عشان تحفظها ما تعفن
- بناكل الفسيخ وهو سمك معطون في العفن وفاسد بمعنى الكلمة
- بناكل التركين وهو في الحقيقة صديد، تتعفن السمكة لحد ما تسيل لبروتين متعفن
- بناكل الكول، رغم أنه نباتي لكن طريقة التخمير لا تخلو من تلوث ورائحته طاردة حتى للذباب
- بنشرب من كوز السبيل وهو عرضة لكل أنواع التلوث بل حتى البهائم تشرب من نفس الزير
- بندخل يدينا كلنا في صحن واحد عشان اسمها أم رقيقة وكل خيط فيها يعمل شبكة اتصالات بين المشتركين
- فلانة تمص البزة وتدخلها لولدها يمص الباقي
- للآن نستخدم الحفرة (latrine) للصرف الصحي، قديمة من أيام الإمبراطورية الرومانية
- أدبخاناتنا جنب الباب مباشرة، أول حاجة تستقبلك
- بنعلق الملابس الوسخانة جوة الحمامات في الشماعة لحد ما تتملي حتى ننزلها للغسيل
- بنخت فرش الأسنان كلها في مكان واحد أو في شباك الحمام أو نغزها في شقوق الحيطة
- بنستخدم ليفة حمام واحدة للكبار والصغار، الرجال والنسوان
- حمامنا دائماً مرطب ومن النادر نجففو
- بنستخدم عطور نفاذة ومزعجة كأننا عايزين نخفي ريحة تانية
- بنلبس ملابس داخلية من أنسجة صناعية الواحد ماشي ويحك اللوز بتاعتو قدام الناس
- بنطلع الوساخة برة وكلها ملخبطة، الأكل مع الخشب مع القزاز مع القماش
--- في السوق ---
- بتاعين الخضار يغسلوا الجرجير والجزر والبصل في طشت واحد ما تفرز الموية من الطين
- نفرش الطماطم والخضار على شوال خيش معطون في الطين على مستوى أقدام الماشين
- وكمان يدهن الطماطم ببواقي زيت المطاعم عشان تلمع وتشوف فيها حبات الموية لاصقة كاللؤلؤ
- نعرض اللحمة على ترابيز صاج قذرة وكل المجهود البنعملو نحرق بخور عشان الضبان
- بياعين التفاح والعنب والنبق الفارسي شايلين كيزان صلصة يرشوا بيها البضاعة كل عشرة دقائق ويتحول الغبار فيها لطين
- النبق زاتو بقوا يمسحوهو بالزيت المكرر عشان يلمع ويجيب الزبون جاري من بعيد
- بتاع البطيخ يشق البطيخة (على السكين) ويرمي السكين تحت المخدة القاعد فيها ويقول حااااوش، ويشوف ليك غيرها
- مزارعنا على جروف النيل تتسمد خضرواتها بسوائل الجيف والمخلفات البشرية ومخلفات المصانع في مياه النيل
- هو الليمون زاتو بقوا يمسحوهو بالزيت عشان تقول جديد يا دوب جابوهو من توتي
- سيد الدكان يدنقر في الصندوق الفيهو صفيحة الطحنية والزيت ونفسو كلو جوة الأكل لحد ما يغرف أو يكرش ليك الكمية
- كافتريات السندوتشات عادي يعرضوا صينية السلطات في البنك قدام المشترين تحت مستوى أنوفهم والواحد يكورك والرزاز طالع من خشمو للسلطات
- بتاع البيرقر عادي يفك اللحمة ويشيلها بيدو الشمال يرميها في الصاج
- ولما يجي يحشي العيشة عادي يلقط اللحمة حارة باليمين وهو ماسك الرغيفة بالشمال
- بتاعين البارد بيشتروا الفاكهة بعد المغرب بعد ما ترخص يعني أردأ نوعية والجوافة بالذات بتكون دودت من أول يوم
- بعض باعة العصائر بيعيدوا استخدام العبوات البلاستيكية مرة تانية، بعضها تم استخدامه غالباً للتبول ولبصق التمباك
- بتاعين الملابس أول ما طلع القميص من الصندوق أو الكيس جدع الباقي قدام الدكان والأكياس تشيل الشارع
- بياعين التسالي بيعرضوه طول اليوم مكشوف للغبار وهو أكتر مادة جاذبة للغبار في الفراغات
- بتاعين الأقاشي بيعرضوه مكشوف للغبار طول الليل والنهار عشان الزبائن تشوف من بعيد
- ستات الشاي نفس الموية بيغسلن فيها الكبابي من الصباح للمغرب
- بياعين السمك والصير والجداد نفس الزيت ممكن يستمر معاهم اسبوعين للتحمير
- ناس الفول والبوش أثناء الزحمة المسائية الواحد يخرت عرقو قدامك ينقط في الصحن
- الفرانين والعجانين عادي لما يدنقر في العجانة عرقو يصب في العجين ويخرتو من أباطو لكوعو جوه العجانة
- بيطلعوا الطاولة كلها للشارع عشان تبرد وعشان غبار العربات يكتح فيها شوية
--- في الحلة ---
- بنغشى الخلاوى وناكل ونشرب من طين مليان تفاف من خشم الشيخ
- يدينا محاية من حبر السكن والصمغ معطونة بالسنين ومدعوكة من اللوح عشان نشفا ونطيب
- سيد الدكان يدخل السكين في صفيحة الجبنة وبعدين يختها برة للضبان يلحس نصيبو
- بنمسح بيوتنا بالزبالة في زمن الناس بيوتها أصبحت أنظف من مستشفياتنا
- حاج فلان يتف قدام ضيوفه بعد ما يتنحنح عشان يجر المخاط من نهاية حلقومو
- أم فلانة بتمسك السكين بأصبع رجلها عشان تقطع اللحمة بيدينها الاتنين
- عمك فلان بيحك ضهرو بالعكاز وأي حاجة طويلة إن شاء الله المفراكة بتاعة المطبخ
- بنكب طين البحر جوة زير الموية، رواق
- بندخل البهايم جوة الحفير بدل ما نغرف ليهم برة في حوض مخصوص
- صهريج الحلة من يوم ركبوهو ناس الهيئة ما حصل اتنضف وما معروف قامت جواهو شنو
- نعمل البليلة ونختها في جردل ونوديها الجامع، كرامة، عشان المصلين بعد ما يختموا يدهم في الموكيت يجوا يخمشوا من الجردل مرة ومرتين
لا تخرج قبل أن تقول أعوزو باللاهي، فإن لم تقلها فاعلم أن الشيطان قد منعك.
| |
|
|
|
|
|
|
Re: سلخانة وجزارة مطار الخرطوم (فديو) (Re: حاتم إبراهيم)
|
Quote: لا تخرج قبل أن تقول أعوزو باللاهي، فإن لم تقلها فاعلم أن الشيطان قد منعك |
سلام يا حاتم
نعم هناك كثير من السلوك يحتاج للتحسين... اللستة بتاعتك دى فيها حقيقة الكثير ماهو سلوك جمعى ضار على المستوي الشخص والمجتمعى..
نحتاج لكثير من العمل التوعوى لمحاربة السلوك الضار.. لكن اساسة خربانة من كبارها إذا لازلنا نشاهد ضبيحة فى مطار.
بنحتاج لعملية توعية مستمرة..
لكن بالله عليك الله امرق الفسيخ من اللستة بتاعتك دى.. التمليح والتجفيف واحدة من طرق حفظ الأغذية. اكيد يمكن تحسينها بأن تكون صحية.
راجينا شغل كثير...
| |
|
|
|
|
|
|
Re: سلخانة وجزارة مطار الخرطوم (فديو) (Re: حاتم إبراهيم)
|
Quote: -- في البيت --- نضبح البهيمة ونخلي دمها يشيل الشارع أو يشرشح في عتبة البيت، كرامة ولا "عندي قروش" ويجي الجزار التخين داك (عمك كمبرسون)، يا ولد جيب المفراكة، ينفخ الخروف كله بخشم واحد، ويرتاح يدي الصبي المعاهو ينفخ نجيب طشت الغسيل بتاع الملابس عشان نرمي فيهو اللحمة نجيب شوال خيش قديم عشان نكسر فيهو الضلعة نعلق جزء منها في حبل الغسيل بتاع الهدوم شرموط بطعم مخلفات الذباب حبوبة تمسك مصارينها وتنفخ فيهن بالخشم عشان الكمونية نمسك رأس الخروف وندق دقنو بالخشبة عشان نطلع الدود من نخرينو بنكد العضام ونمص الفيها وإذا ما طلع بنطق العضم في التربيزة كع كع كع بنستخدم سكين واحدة للخضار واللحم وأي حاجة عايزة قطع بنقطع اللحم والخضار بمسكها باليد وما عندنا ثقافة التقطيع على اللوح بنكرش السكين في أي حاجة عشان نسنها إن شاء الله حجر من الشارع مطابخنا عادي تلقى الخضار الجديد جنب اللحمة وفي التلاجة عادي باقي حلة أمس جنب اللبن والفاكهة بناكل الفول "بموية الجبنة" وهي في الحقيقة موية ملح ملوثة أضافوها للجبنة عشان تحفظها ما تعفن بناكل الفسيخ وهو سمك معطون في العفن وفاسد بمعنى الكلمة بناكل التركين وهو في الحقيقة صديد، تتعفن السمكة لحد ما تسيل لبروتين متعفن بناكل الكول، رغم أنه نباتي لكن طريقة التخمير لا تخلو من تلوث ورائحته طاردة حتى للذباب بنشرب من كوز السبيل وهو عرضة لكل أنواع التلوث بل حتى البهائم تشرب من نفس الزير بندخل يدينا كلنا في صحن واحد عشان اسمها أم رقيقة وكل خيط فيها يعمل شبكة اتصالات بين المشتركين فلانة تمص البزة وتدخلها لولدها يمص الباقي للآن نستخدم الحفرة (latrine) للصرف الصحي، قديمة من أيام الإمبراطورية الرومانية أدبخاناتنا جنب الباب مباشرة، أول حاجة تستقبلك بنعلق الملابس الوسخانة جوة الحمامات في الشماعة لحد ما تتملي حتى ننزلها للغسيل بنخت فرش الأسنان كلها في مكان واحد أو في شباك الحمام أو نغزها في شقوق الحيطة بنستخدم ليفة حمام واحدة للكبار والصغار، الرجال والنسوان حمامنا دائماً مرطب ومن النادر نجففو بنستخدم عطور نفاذة ومزعجة كأننا عايزين نخفي ريحة تانية بنلبس ملابس داخلية من أنسجة صناعية الواحد ماشي ويحك اللوز بتاعتو قدام الناس بنطلع الوساخة برة وكلها ملخبطة، الأكل مع الخشب مع القزاز مع القماش
--- في السوق --- بتاعين الخضار يغسلوا الجرجير والجزر والبصل في طشت واحد ما تفرز الموية من الطين نفرش الطماطم والخضار على شوال خيش معطون في الطين على مستوى أقدام الماشين وكمان يدهن الطماطم ببواقي زيت المطاعم عشان تلمع وتشوف فيها حبات الموية لاصقة كاللؤلؤ نعرض اللحمة على ترابيز صاج قذرة وكل المجهود البنعملو نحرق بخور عشان الضبان بياعين التفاح والعنب والنبق الفارسي شايلين كيزان صلصة يرشوا بيها البضاعة كل عشرة دقائق ويتحول الغبار فيها لطين النبق زاتو بقوا يمسحوهو بالزيت المكرر عشان يلمع ويجيب الزبون جاري من بعيد بتاع البطيخ يشق البطيخة (على السكين) ويرمي السكين تحت المخدة القاعد فيها ويقول حااااوش، ويشوف ليك غيرها مزارعنا على جروف النيل تتسمد خضرواتها بسوائل الجيف والمخلفات البشرية ومخلفات المصانع في مياه النيل هو الليمون زاتو بقوا يمسحوهو بالزيت عشان تقول جديد يا دوب جابوهو من توتي سيد الدكان يدنقر في الصندوق الفيهو صفيحة الطحنية والزيت ونفسو كلو جوة الأكل لحد ما يغرف أو يكرش ليك الكمية كافتريات السندوتشات عادي يعرضوا صينية السلطات في البنك قدام المشترين تحت مستوى أنوفهم والواحد يكورك والرزاز طالع من خشمو للسلطات بتاع البيرقر عادي يفك اللحمة ويشيلها بيدو الشمال يرميها في الصاج ولما يجي يحشي العيشة عادي يلقط اللحمة حارة باليمين وهو ماسك الرغيفة بالشمال بتاعين البارد بيشتروا الفاكهة بعد المغرب بعد ما ترخص يعني أردأ نوعية والجوافة بالذات بتكون دودت من أول يوم بعض باعة العصائر بيعيدوا استخدام العبوات البلاستيكية مرة تانية، بعضها تم استخدامه غالباً للتبول ولبصق التمباك بتاعين الملابس أول ما طلع القميص من الصندوق أو الكيس جدع الباقي قدام الدكان والأكياس تشيل الشارع بياعين التسالي بيعرضوه طول اليوم مكشوف للغبار وهو أكتر مادة جاذبة للغبار في الفراغات بتاعين الأقاشي بيعرضوه مكشوف للغبار طول الليل والنهار عشان الزبائن تشوف من بعيد ستات الشاي نفس الموية بيغسلن فيها الكبابي من الصباح للمغرب بياعين السمك والصير والجداد نفس الزيت ممكن يستمر معاهم اسبوعين للتحمير ناس الفول والبوش أثناء الزحمة المسائية الواحد يخرت عرقو قدامك ينقط في الصحن الفرانين والعجانين عادي لما يدنقر في العجانة عرقو يصب في العجين ويخرتو من أباطو لكوعو جوه العجانة بيطلعوا الطاولة كلها للشارع عشان تبرد وعشان غبار العربات يكتح فيها شوية
--- في الحلة --- بنغشى الخلاوى وناكل ونشرب من طين مليان تفاف من خشم الشيخ يدينا محاية من حبر السكن والصمغ معطونة بالسنين ومدعوكة من اللوح عشان نشفا ونطيب سيد الدكان يدخل السكين في صفيحة الجبنة وبعدين يختها برة للضبان يلحس نصيبو بنمسح بيوتنا بالزبالة في زمن الناس بيوتها أصبحت أنظف من مستشفياتنا حاج فلان يتف قدام ضيوفه بعد ما يتنحنح عشان يجر المخاط من نهاية حلقومو أم فلانة بتمسك السكين بأصبع رجلها عشان تقطع اللحمة بيدينها الاتنين عمك فلان بيحك ضهرو بالعكاز وأي حاجة طويلة إن شاء الله المفراكة بتاعة المطبخ بنكب طين البحر جوة زير الموية، رواق بندخل البهايم جوة الحفير بدل ما نغرف ليهم برة في حوض مخصوص صهريج الحلة من يوم ركبوهو ناس الهيئة ما حصل اتنضف وما معروف قامت جواهو شنو نعمل البليلة ونختها في جردل ونوديها الجامع، كرامة، عشان المصلين بعد ما يختموا يدهم في الموكيت يجوا يخمشوا من الجردل مرة ومرتين |
تعرف يا حاتم دي لستة عجيبة جدا وبتغطي كمية التخلف البنعيشه علي مستوى الصحة ومفروض ضمن أي مشروع رقابة غذائيه أو صحة عامة
لكن السكين وصفيحة الجبنة والضبان مبالغه (وياهو البحصل في كناتين الحلة)
| |
|
|
|
|
|
|
|