|
|
|
 Re: النص الكامل للاغنية الجديدة للفنان محمد ا (Re: Hani Arabi Mohamed)
|
الاخ عوض والاخ هاني عيدكم مبارك ..
الانحدار اصلا حاصل .. الوضع كله مميل ..
والسباحة عكس التيار .. خلاص هي عكس التيار .. مرهقة ..
اول ما اطلعت على القصيدة حسيت " احساس شخصي قد يخطئ قبل ان يصيب" ..
انو الفنان والشاعر اتفقو على قصيدة من النوع دا "مواكب للوضع" وقد يكونو متفقين على اللحن كمان ..
بعرف انو الكلام دا ما فيهو مشكلة يقولو عليها كدا .. غير انو ما يديك الاحساس العميق الي محتاج ليهو المتلقي ..
في تقديري المتواضع المفروض الفنان يفتش النص بين القصائد الموجودة حتى لو كان في دهاليز شاعر بعينه ..
مافي مشكلة ..
دي الطريقة المعتادة .. ودي الطريقة الوحيدة الي يكون فيها العمق المطلوب ..
دا كلام مبني على احساس شخصي ..
بس متأكد انو اللحن ح يكمل للشعر والاغنية ح تمرق بصورة يحبها الجميع والا ابو الامين ذاتو ما فضل منو شيئ ..
انا قصدي نتمهل شوية نسمع الاغنية في الاول ..
شكرا زهير تحياتي واحترامي.
.
| |
 
|
|
|
|
|
|
|
|
Re: النص الكامل للاغنية الجديدة للفنان محمد ا (Re: عثمان عمر صالح)
|
Quote: انا قصدي نتمهل شوية نسمع الاغنية في الاول ..
|
شكرا عثمان ...
كفيت و وفيت ... و حقو ما نصدر حكمنا ... قبل ما نسمع العمل ...
كلمات ممكن تكون عادية ... و لكن كل تاريخ الاغنية السودانية فيهو الكلمات العادية جداً ...
ووجدت مكانها في التاريخ ... و اكتملت بلحن بديع ...
الجاغريو قال : الخدو لال تعال لي ... دقايق قلال تعال لي ...
اتحفنا أبو اللمين على مدى 50 عاما ... بغناء عميقاسكرنا و ما زال يسكرنا حتى يومنا هذا ...
فليخطئ أبو اللمين او يتنفس قليلا ... تاريخه شفيع له ...
اذكر في ذات ونسة مع الصديق الجميل الفرجوني عن الجاغريو ...
و رأيي ان بعض اغانيه ليس بها عمق ..
فقال لي بمرحه المعهود ... يا قباني دي أغاني خفيفة و في حسان حوالينو قاعدات بصفقن و يغنن ...
يعني حيغني ليهن شنو .؟ ( وجه القمر سافر يضوي شعاعه نور ) ؟
ثم تحياتي أبو الزوز ...
| |
|
|
|
|
|
|
|
|
Re: النص الكامل للاغنية الجديدة للفنان محمد ا (Re: علاء سيداحمد)
|
أخاف شوق العمر كلو يفاجئك يوم في عينيا
يا علاء
| Quote: هاجمته كل الصحف والمجلات |
عندما يكون الفنان قامة فالناس لا تتوقع منه غير ذلك
أبو الزوز والمتداخلين عيدكم سعيد
وبالجنبة كدا:
حسيتها قريبة من أشعار الواتساب البتجيك في المناسبات ديك
لا فيها روح ولا بتعرف هي زاتها سيدها منو
عموماً كما صرح القوم "إنا لمنتظرون"
مودة للجميع
| |
|
|
|
|
|
|
| |
زهير عثمان حمد
Awad Omer
Hani Arabi Mohamed
عثمان عمر صالح
يحي قباني
علاء سيداحمد
معتصم عيدروس
عمر أبوعاقلة
محمد محمود محمد
عبداللطيف حسن علي
فيس بوك
تويتر
انستقرام
يوتيوب
بنتيريست