ود المأمون ده يا صبري .. وبي موهبته المتفردة دي أثبت إنه برنامج زي أغاني واغاني ده .. ورغم شهرته وانتشاره الواسع ما بيدي أي فنان الا شهرة مؤقتة .. يعني كويز موية ما بقطع عطش لانه لا أحد يدعم الفنان بعد خروجه .. من دائرة البرنامج ده إلا يكون زول عنده ضهر يقدر يتسند عليه .. ليكون حضور في التلفزيونات والناس تسمعه وتتابعه ويكون في الواجهة .. غايتو انا بوصي ود المامون يتجه للانتشار الكثيف .. عبر الحفلات الجماهيرية مش ضروري حفلات تكون عايزة امكانيات ضخمة .. ممكن يبدأ بي حفلات صغيرة وسط تجمعات الشباب تكون بمبالغ صغيرة .. وفي مواعيد وأماكن غير مكلفة تاكد حيكون رقم في خارطة الغناء السوداني .. لكن بالحاصل ليهو هسه ده من تجاهل الناس حتنساهو وهو ذاته حيصبيه اليأس .. وستندفن موهبته غايتو لم يأتي صوت مقنع ومتنوع الاداء .. بنفس درجة ود مامون حتى الآن فليت الزمن يسعفه ليكون فنان كبير .. وسط ادعياء الغناء المالين الساحة وقابضين المساحات في التلفزيون .. وليتهم مقنعين حتى .. حاجة تحير فعلا .. والله بيجوا ناس في المحطات التلفزيونية يغنوا يحيروك جوا كيف ذاااتو .. اللهم الا بمنطق لغة العصر والقرنقش .. ما قدامه الا يضحي شوية ويحاول ينتشر من القاعدة صعودا .. والا ينسى موضوع الغنا ده .. بلدنا بلد عجيبة وكل شيء فيها بيمشي عكس قوانين ونواميس الحياة .. وعكس المنطق والمعقول والمقبول .. !! ...
عليك الله شوفه غني للجابري كيف ..!! .. رحم الله نادية مختار .. مقدمات زي نادية أكيد بيبحصن عن المواهب لاجل انتشارها .. مش زي مانيكانات الساحة الآن .. ناس سماحة جمل الطين .. الا يسوقهن سواقة وينحصر دورهن في التقديم ولايتخطينه قيد أنملة .. فيظل التلفزيون رهين لوجوه دعيه لا تقدم غناء راقي ولا يحزنون ..
08-06-2017, 12:52 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
المنبر ده كان انت راجل تفك ليك فيهو مداخلة عشان تعدلها .. والله بس سبحة وانقطعت منك في باص تحت كرعين الناس .. طوالي ترمي الخيط حقها من ايدك وتبقى ماشي متخارج .. الغريبة الحاجة دي انتهت وارتحنا منها ,, تاااااني جات راجعة .. والله بعدما فكيت المداخلة الفاتت عشان اعدل الاخطاء الفيها .. لقيت المداخلة بقت كمونية بقر بس .. ههههههه .. ففضيها سيرة وقلت الاخوان أكيد ما بيقصروا .. وحيلتمسوا لي أخوهم العذر .. معقول يا بكري يأخ .. والله ده شي محبط غاية الاحباط ..
08-06-2017, 05:47 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ياسر منصور عثمان
معتصم سليمان
Awad Omer
جمال ود القوز
فيس بوك
تويتر
انستقرام
يوتيوب
بنتيريست