|
|
|
 Re: سجم الداير يعرس (Re: عبدالحفيظ ابوسن)
|
مشيت اشتري كرت ذاكرة 8 قيقا
قال لي بي 120 ج
قلت ليهو ليه اشتريتها منك قبل كم يوم بي 60
قال لي الدولار ارتفع
قلت ليهو جدا ارتفع
اشتريتها منك الدولار بي 20 صاح قال لي اي .. يعني 3 دولار
طيب الدولار بي كم قال لي ب 22 ج
كويس 3 دولار بي كم
66 ج
دة الحساب اذا شغلك دولار
المهم بعد فلاحتي دة اشتريتها بي 80 ج
| |
 
|
|
|
|
|
|
|
|
Re: سجم الداير يعرس (Re: عبدالحفيظ ابوسن)
|
سلامات عبد الحفيظ
قبل يومين سالت بتاع الدكان عبوة زيت السمسم(كيس صغير) بى كم ؟
قال لى بى 3 جنيه .
قلت ليهو تتصور بتاع الدكان المستهبل فى الشارع الورا بيبيعها بى 4 جنيه .
رد لى : اى دا بيبيع بالسعر بعد زياده الدولار !!!!!!!!!!!!!
.
بتاع الليمون يقول ليك زياده الدولار
.
بقى الواحد يدفع بى صمه خشمو
| |
|
|
|
|
|
|
|
|
|
Re: سجم الداير يعرس (Re: عبدالحفيظ ابوسن)
|
غايتو اكتر شي مزعلني في اعراس الفترة الأخيرة دي ..
حكاية الصالة دي .. غايتو شعبنا حاكو حاكو في كل حاجة ..
يأخ ما داير اباري الناس واسوي العرس في صالة ..
القيامة دي تقوم والدنيا تنقلب .. الكل يسألك .. ليه ؟ ..
يأخ ما عايز .. دي تكاليف تنزع البركة من الزواج ..
أقلهن مؤونة أكثرهن بركة ..
ماشفت شعب في الدنيا بيتقاد من أضانة زي شعبنا ده ..
لدرجة الماعنده يستلف وتنكسر رقبته لامن يحاكي الناس ..
والمعدم وفاقد الأمل يموت كمد ولو سألته حيعرس متين ..
يضحك بسخرية ويقول ليك موضوع العرس ده خلاص تجاوزناه ..
والله فعلا سجم خشمه الداير يعرس في ظل هذه المأساة ..
الحريم ديل هن أس البلوى مسيطرات ومابرضن كلامن يتكسر ..
تتدخل يقولوا ليك ترتيبات العرس ده شغل حريم ما شغل رجال !!! ..
شغل الرجال انتهى مع العقد ..
ديل دايرات رجال عينهم حمراء ..
كل واحدة عندها شوية فلقصة وفزلكة فارغة تلمها عليها ..
البنات بارن .. والشباب لافي صينية ما قادر يعرس ..
من جنس التكاليف الخرافية دي .
صالة تكلفك مع تجهيزات العشا ..
مائة وخمسين مليون أو يزيد .. تجيب ليهم من وين!! ..
وانت شاب في مقتبل الحياة .. لسه راجياك بلاوي متلتلة ..
من تجهيز منزل الزوجية .. واثاثات ..
ده غير الدفعتوا في الشيلة ولوازم العرس ..
تجيب من وين .. تسرق عشان تعرس !!! ..
النساوين الكبار ديل حجر عثرة لاتمام العرس بطريقة مبسطة وميسرة ..
حتى البنات ديل ينسترن والشباب يكمل نصف دينه ..
البورة قامت بالشباب .. لغم بس ..
أوكما قالت تلك المغنية ..
البورة قامت بي يا أب شرا .. ..
| |
|
|
|
|
|
|
|
|
|
Re: سجم الداير يعرس (Re: Hassan Farah)
|
والله مصيبة يا عاصم
الحساب بالدولار
تقلد امر الاقتصاد في البلد من لا يعرف وان عرف يغلب مصلحته الشخصية
ويجوط القصة
رطل زيت الفول من عشرة ج لي عشرين ج
حتي المنتجات المحلية بشوفو سعرها عالميا بي كم
و
الصندل في ارضه شيئا من الشجر
ولا شنو ما بعرف
| |
|
|
|
|
|
|
|
|
|
Re: سجم الداير يعرس (Re: عبدالحفيظ ابوسن)
|
يا جمال دي دبل كيك ياخ
اهل العروس يقولو وااااي
والعريس يقول وااااي
اهل العروس والعريس يقعدو يتناقشو في ميزانية راسها عديل كدة
نجيب وتجيبو
ادفعوا متكفي
المتكفي دة بقوم طيارة اهل العروس . لانو بنقص .. والسوق ما ثابت
متكفي يعني نحن اهل العريس ندفع ونتخارج وانتو تقضو شغلتكم براكم .. تشترو المأكولات بي طريقتكم
وقومو تاني في فطور العريس .. الفطور دة براهو حكاية
خروف براهو وطباخ براهو
ومرات موية رمضان ..
ما يجيك عريس قبل رمضان يخطب البت . حتشتري موية رمضان تكفي قبيلة
وراجيك خبيز العيد
| |
|
|
|
|
|
|
|
|
|
Re: سجم الداير يعرس (Re: عبدالحفيظ ابوسن)
|
لومك علي يا احمد لو ما عرسنا زمان كان طيارتنا قامت
وهسة هي قايمة
لكن قايمة بي ركابها
تكون نايم عز نومك تجيك صحية تلاتة صباحا . تتذكر قسط الجامعة مش تقول لي ولدك شاطر حاتدفع حاتدفع
وتتذكر رسوم المدارس الدستة السنة الفاتت ب 18 ج اليوم ب 45 ج .. وحات الله تقوم زي القرصك دبيب
تقعد في نص السرير عيونك مفنجلات تقول صاحي فيك خمسة ساعات
تحلها من وين ولا تسدها من وين
| |
|
|
|
|
|
|
|
|
|
Re: سجم الداير يعرس (Re: عبدالحفيظ ابوسن)
|
الله يجازي شيطان عقلكم....
بعد قريت حكاياتكم دي حلفت عرسي ما يكلف غير جنيه سوداني واحد يدفعه
العريس كمهر ، وبعد العقد مراسم العرس تكون انتهت،،،
رايكم شتو في الكلام ده!! وهل في عريس من هذا الزمن حيقبل بالشىروط دي،،؟؟
وانا متاكدة ان معظم فتيات السودان بيفكرن بنفس هذا التفكير،، لكن انتو الشباب
بتاعين البوبار وحب المظاهر والفخفخة وبتحبوا تحاكوا اولاد المليارديرات ...
وتزوجوا فقراء يغنيكم الله من فضله...
مع وافر الاحترام
| |
|
|
|
|
|
|
| |
عبدالحفيظ ابوسن
Asim Ali
جمال ود القوز
Hassan Farah
فيس بوك
تويتر
انستقرام
يوتيوب
بنتيريست