أيوه.. شابكننا حصار أمريكي فكوا ما فكوا وووك ارارووك.. يا خي اعنو ما اترفع ... اتارينا محاصرين لينا 20 سنة مالنا متنا وللا جنينا؟؟؟ّّّّّ دي ابتزازات امريكية ساكت دايرة تحل بيها ديونها واهي عملتها في الخليج فتنت ده بي ده وقبضت منهم كلهم ما اصلو ترمب زول تاجر ضلالي قبلها امريكا عملتها في اليابان لكن اليابانيين طلعوا مفتحين وما استسلموا وعوضوا وبنوا نفسهم بي يدهم واهم بقوا قوى اقتصادية كبرى وكذا الصين فدحين يا سودانيين اركزوا وبطلوا جقلبة وقووا نفسكم بالآتي: * اقفلوا البلد وركزوا على الزراعة وصادر المعادن وبلاش تدوا الامريكان خام الصمغ العربي باختصار استفيدوا من مواردكم وصنعوا الخامات وصدروها *استفيدوا من العقول السودانية بالداخل والخارج وبلاش شغل التطفبش ده * ناس الدعم السريع ديل ادعموهم وزيدوهم تدريب ومعينات خليهم يقفلوا كافة الحدود السودانية ده كرت رابح لمحاربة الاتجار بالبشر والهجرة غير الرسمية ..أوروبا قالت الروب..بس لازم يدفعوا الخلاصة لازم السودان يقوى من كافة المناجي ..بعد داك امريكا وغيرها براهم بجوا.. الدنيا مصالح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد بشير عبادى
فيس بوك
تويتر
انستقرام
يوتيوب
بنتيريست