|
Re: الأوبر وعطالة حوش بكري (Re: محمد البشرى الخضر)
|
هههههه اخر زول قبقبتو أنا ... اسمي مكتوب 😕 والله تكاسي عديييل ... في حد يسيب دبي والمشيخه عشان يمشي امريكا يشتغل تكاسي ولو مؤقتا" ... لكن برضو يعجبني الما بيعاف العمل ايا" كان ...
Quote: خدمة أوبر Uber هى افضل خدمة لطلب سيارات الاجرة فى العالم. وهى خدمة تتميز بالأمان و الراحة و السهولة وبنفس سعر سيارات الاجرة العادية ( التاكسي ) ان لم تكن اقل منها.
خدمة أوبر Uber تعتمد على السيارات خاصة حديثة الطراز مزودة بوسائل الراحة و الامان والمظهر الجيد وموديلات من فئات Toyota – Kia – Hyundai وغيرها من الفئات الحديثة.
خدمة أوبر Uber تعتمد على سائقين مدربين تم عمل لهم كشف جنائي ( فيش وتشبيه ) و اجراء تحاليل مخدرات و اختبارات متعددة و بعد الموافقة عليهم يتم تدريبهم على كيفية التعامل مع الركاب بالاحترام والرقي.
سائق اوبر لا يتحدث مع الراكب ا لا اذا تم توجيه له السؤال سائق اوبر يلتزم بمعاير السلامة اثناء القيادة مع قيادة غير متهورة وهادئة سائق أوبر لا يقوم بتشغيل الرديو او الكاسيت الا اذا طلب الراكب سائق اوبر لا يتحدث فى الهاتف اثناء القيادة و لا يقوم بالتدخين سائق أوبر يلتز بالطريق المحدد ولا يخالف الا بامر العميل سائق اوبر يلتزم بتنفيذ اوبر الراكب فى حالة طلب تشغيل او ايقاف التكيف سائق اوبر لا يقبل اى بقشيش الا في حالة اصرار العميل على ذلك سائق أوبر يعلم بعد انتهاء كل رحلة ان الراكب سيقوم بتقييم ادائه من نجمة الى خمسة نجوم سائق اوبر على علم انه سيتم ايقافه عن العمل فى حالة انخفاض ( تقييمه العام ) عن 4 نجوم خدمة أوبر Uber منافسة لاسعار التاكسي العادية ان لم تكن اقل. فيتم حساب تكلفة الاجرة أوبر حسب المتعارف عليه فى مصر ( كسر العداد 3 جنيهات ) , 20 قرش لدقيقة الانتظار , 130 قرش لكل كيلو متر , بحد ادني 8 جنيهات للرحلة. وعلى الرابط التالي تفصيل اكثر عن تكلفة الرحلات و السفر مع أوبر Uber |
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
هي ارض الفرص الكبيرة والحلم الأمريكي ...
ظلت فكرة الهجرة تراوح مكانها في البال حتى فات اوانها أو كاد .. عموما طوبى للمهاجرين .. وطوبتين لمن قعد في الخليج .. ونرفع القبعات لمن أبى الرحيل
يتردد صدى الأغنية وعنك بعيدا أبيت الرحيل !!
| |
|
|
|
|
|
|
Re: الأوبر وعطالة حوش بكري (Re: مني عمسيب)
|
الجاب أمريكا لدبي شنو؟ موضوع الشغل دا أصلا ما مشكلة كبيرة زايد إنّو أنا زي الطفل، الحاجة الجديدة علي بكون فرحان بيها فرح شديد، كلما أشيل لي زبون، اتلصص ليهو في المراية وأحاول اتخيل قصتو، هسع شلت لي زنجية وجيهة واللافت فيها شعرها ناعم* قلت أكيد أمها كيست أبوها الأبيض في الجامعة، تخيلته من النورث ايست فهم ألطف البيض في أمريكا
| |
|
|
|
|
|
|
Re: الأوبر وعطالة حوش بكري (Re: Faisal Saad)
|
Quote: كدي لما تقدر تصل امريكا قول الكلام دا ؟ |
هههههه ما فكرتا نهائي .... الجنه الجنه يا بت عمسيب ... ربنا يجمعنا هناك في جنة عرضها السماوات والأرض ودي المراد. مشي لينا المداخله دي يا بكور بدون زرزره.
| |
|
|
|
|
|
|
Re: الأوبر وعطالة حوش بكري (Re: Salah Zubeir)
|
هلا بالزميل فيصل سعد
كلما أجي أكتب مداخلة؛ تجيني trip طوالي بلغي المداخلة نداء الدولار
بعدين الأوبر دا زي المدرسة، اليوم كلو يعملوا ليك تقييم لازم تصل بسرعة وتكون مهذب مع الزبائن
الواحد يدفع ليك ستة دولار ويقيمك!!
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
Quote: شكرا بكري علي الناس السينما البتلقطم لينا كل واحد تحفة اكتر من التاني
|
والله نفسي اعرف ليه نحن من دون شعوب الأرض عندنا نوع غريب كدة من التعالي ودايما كل واحد فينا يفتكر نفسو مميز دون سواه ويستحق معاملة خاصة
عبارة "يا بكرى انت الناس ديل بتجيبهم من وين" هي الأكثر استخداما في هذا الموقع
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
وحياة سيدك الحسن يا مستنير يا حلو سألنا عنك طوب الأرض و وتسبناك في كل الأرقام و ما لقينا خبر، كتر خيرو جوبس من الفجيرة نورني انك في جرينسبورو من رمضان،، ادينا سلك و اجدع لينا رقمك في الخاص بعد تخلص من التربات الأوبرية مع الزبائن الحلوين و كدا.. بالمناسبة صورتك في صلاة العيد محتاجة برواز أصلي خصوصا الطاقية الخضراء بالاحمر و الدشداشة!!!!
| |
|
|
|
|
|
|
Re: الأوبر وعطالة حوش بكري (Re: حيدر حسن ميرغني)
|
تمشي يا حبوب للفيديو وهو شغال، تعمل رايت كليك، تختار : Copy embed code تجي تعمل ليها بيست في مداخلتك وتعمل تعديل في ابعاد الفيديو وأفضل يكون 600x300 عشان ما تفتل البوست هكذا كما علمني حافظ ذات سؤال
أما الصور فموقع التحميل يشتغل شهر وبزوغ أربعة فعليك بموقع تحميل خارجي وتجيب الرابط
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
تصدق يا حيدر، سيد الحوش اكيش زول هنا عمل في العيد بوست عن صلاة عيد البورداب حول العالم هو فشل ينزل جلادونا بصلي في اريزونا بارك الله في المسلمي والمستنير تصوروا سلفي في المدينة وغرينزبورو، على التوالي ونزلوا ليهو الصور
زول كيشة ساكت
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
سلام يامستنير .. عائز أفك التشفير بتاع البوست ده واخليه قاعد في الصقيعة حسب فهمي البسيط ده البوست ده رش للتكاسي المنظر داااك بتاع زمان كل مرة كان يفتح بوست باسم عضو ويشتغل فيه سلخ وعامل فيها منظر ومعارض كبير وشغال رش تقييل هنا ومرااات يكتب عن فضايح الحكومة وخلافه
-111-------- غايتوا لو ماعرفته تكون كورتك فكت ولو عايز مساعدة ممكن اكتب ليك حرف الهناي ولا اسمه عدييل
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
الحبيب أبوبكر
إتّا شايفني زول عادي؟!
والله من فكرة موضوعك الفريد عن الأوبر شايفك زول مميز .. لكن الناس ال"بيلقطهم" بكري برضو مميزين
بس الحركة دي عندنا كتيرة حتى في حياتنا الواقعية. عادي جداً تسمع ليك في شكلة: "يا زول انت منو زاتك" واللا "جايي من وين انت".
| |
|
|
|
|
|
|
Re: الأوبر وعطالة حوش بكري (Re: hassan bashir)
|
المصريين بدل يركز عليك و يحاول تحطيمك بسؤالك "انت منو ذاتك" او "انت جايي من وين ذاتك" برفع قدر نفسه و يقول "انت عارف بتكلم مين؟" او "انت عارف انا ابن مين فيكي يا مصر؟". كلها تكتيكات.
| |
|
|
|
|
|
|
Re: الأوبر وعطالة حوش بكري (Re: أبوبكر عباس)
|
يا بكري لا تبذل عني للناس ارباع الحقيقة .. لم يكن ذلك بعد الزمالة .. كان في بوست طويل عريض حافل بالاساءات التي تحملتها كثيرا قبل ان اردها بعنف.
بالمناسبة الجملة عندي مرتبطة بالرد على الذين يتعاملون بشيء من الاستعلاء ..
انتهى يا عملات ود الباوقه
| |
|
|
|
|
|
|
|