|
|
|
 Re: الدولار غالي شديد اليوم.. ارتفع بعد عدم رف� (Re: مني عمسيب)
|
أستاذ / أحمد
الموسم اجازات لناس الخليج ويفترض المعروض يكون اكثر من الطلب لكن الازمة الحاصلة طلعت الريال القطري برة السوق لانو الريال القطري كان مساهم في سد بعض احتياجات السوق من العملات الحرة . يعنى بالواضح تجار الشنطة ناس دبى كانوا يشيلوا من السودان في معظم الأحيان ريال سعودي او ريال قطري . الريال القطري بقى مابمشى حالو في دبى فالناس عصرت على الريال السعودي والدولار . والاسعار مرشحة لصعود اكثر مع قرب الحج .والأزمات التي تتوالى على المنطقة .
| |
 
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: محمد أبوالعزائم أبوالريش)
|
غايتو المنبر دة بقت فيهو عواسة تقيله..
بعيدا عن اسعار الدولار..
هسه متين قرار عدم رفع العقوبات دة طلع ؟؟؟؟
والاغرب انه المرور اتعامل مع الامر كأنه من المسلمات ما عدا محمد عبدالله الحسين
"""يعني موضوع العقوبات ده صدر فيه قرار خلاص؟؟؟؟""""
الناس دى ما دايرة تعرف <فقد المصداقية> دة شنو؟
ما ياهو جنس العواسة دي
لا خير فيهما معارضة وحكومة
| |
|
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: ombadda)
|
اول امس الدولار كان ب ٢٠ جنيه بالتمام والكمال..
اليوم الثلاثاء الدولار نقص شويه ووصل ١٩ ونصف...
وفقا لاحدي قريباتي من الخرطوم بالتلفون وحولت الدولار
في store معروف في الرياض...
يبدو ان الدولار سيواصل الارتفاع حتى ولو تم رفع العقوبات
عن السودان وسوف لن يبدا في الانخفاض الى حين بعد الحج
وبعد ان تسمح امريكا باستيراد السلع مباشرة من امريكا للسودان
مع وافر الاحترام
| |
|
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: امتثال عبدالله)
|
تحية حب واحترام لجميع المرور.
منى كيفك: انتهو فعلا ..المعلومة من السوق ويقولو لي مصداقية!
محمد سيد: تحليلك صحيح ارجو أن يطلع عليه الجميع لمعرفةالسبب.
محمدعبدالله: التجار اصلا ماةشغالين بالقرار. الطلب والعرض هو البحدد.
أحمدالشايقي: ديلاك رجرجة ودهماء. ماتشتغلو بيهم بتخسروا.
محمدأبوالعزائم: فعلا ما بقدر يظهروا.. الحالة صعبة وربك يهون.
عبدالمنعم سيدأحمد: وصل 19.6 خبر أكيد والله وبعض الصحف كتبت
أمتثال عبدالله: فعلا قولتي الحقيقة للما مصدقين انه البلد مدهورة كيف.
آسف جدا لإختصار الردود عليكم لضيق الوقت وأتمنى أن اكون جاوبت على استفساراتكم حسب ما لديا من أخبار.5
| |
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: امتثال عبدالله)
|
الصديق العزيز دكتورأمبدة
أنا عرفت الخبر دا اليوم ومباشرة من السوق ومن أحد التجار.... اعتقد دي براها كافية لمسألة المصداقية.
ياخي آسف إذا كان أزعجتك بالخبر الحقيقي والمزعج فعلا.
انا مثلك تهمني مصداقية هذا المكان وما حصل يوم لا أنا ولا البكتبو معاي بهذا الحساب انه جبنا خبر غير صحيح... خصوصا عندما اعنون الخبر بأنه عاجل ومهم.
يا أخوي التجار ما يهمهم رفع العقوبات ولا عندهم خبر هم قدامهم زبائن وسوق فيهو العرض و الطلب خو البحدد... الحكومة ما عندها مصدر دخل للعمالات الصعبة يعني ما بنبيع شيء بيجيب لينا الدولار!
نتمنى أن ترفع العقوبات التي لا ناقة لنا فيها ولا بعير ... لكن الحقيقة انه ما اترفعت الى الان. ولن ترفع حسب ما تمارسه الحكومة.
رفع العقوبات ليس هو المشكل في توفير العملات الصعبة... المشكلة هي انه مافي شيء يجيب العملة حتى لوورفعت العقوبات ومافي انتاج محلي فتأكد انه هذه الآفة الاسمها الدولار ما حترخص!
انا ما متخصص في الاقتصاد لكن أعتقد أن وتحليلي صحيح.
لك الود الذي تعرف أخي.
| |
|
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: محمد البشرى الخضر)
|
ود البشرى وعليك السلام
عيييييك الناس دي كلها بتخلي اصحابها المقربين يكتبوا
وانت ما جايب خبر 😂
يازول الريس زاتو عندو كم اسم بيكتب بيهو
وبعدين صاحب حساب أحمد بشير الرسمي دا معروف قاعد وين عند الريس
والباقين مشتتين حول الكرة الأرض معظمهم في السودان.
حتى بني كوز ديل عندهم حسابات بكتبو فيها كم نفر.
الأمر عادي بالنسبة لي طالما صاحب الحساب بيثق فينا.
بعض القوانين مفترض تتغير في المنبر لانها قديمة وعفى عنها الزمن.
اصلا الكتاب اختفوا من المنبر بسبب الفيسبوك والوتساب ومشاغل الحياة بس لو كان خلو أصحابهم الثقة يكتبو معاهم كان حيكون شكل المنبر زي زمان والمعلومات غيير
| |
|
|
|
|
|
|
|
|
|
Re: الدولار غالي شديد اليوم.. ارتفع بعد عدم رف� (Re: ombadda)
|
الحبيب دكتورنا العزيز
شاكر لك مرورك مرة اخرى لتوضيح مداخلتك الاولى
ولو انه فهمتها من أول ما كتبتها ورديت عليك فوق انه السوق حتى ما شغال بقصة العقوبات حتى لو اترفعت فما حتأثر.
لمن فتحت البوست كانوفي اعضاء من الكونغرس طالبو بتأجيل رفع العقوبات وفي نفس اليوم ليلا صدر القرار الرسمي بعدم الرفع.
يعني خبر المطالبة بالتأجيل كان حديث الساعة... ومع دا كلو ما بيأثر زي ما قولت ليك المرة الاولى... اتمنى أن تتفهم قصدي... وتسلم كتييير. 🤗🖑
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: احمد محمد بشير)
|
عاجل
اليوم قبل ساعتين ارتفع الى
22 جنيه
.
المصدر الصديق أ.ض.ب عبر صفحته فيبسوك وهو زول ثقة
ويقول انه توجد ندرة في السوق
لأنه احدهم قام بخم كل المتواجد في السوق من دولار.
نعيد ونكرر....
مافي انتاج لسلعة محلية تجيب عملات صعبة
عشان كدا حتفضل في الدوامة دي الى يوم الدين!
| |
|
|
|
|
|
|
|
|
 Re: الدولار غالي شديد اليوم.. ارتفع مع استمرار (Re: احمد محمد بشير)
|
اليوم قبل ساعتين
تدفع 22 جنيه
لتحصل على دولار واحد بس!!
ليه اصلة يا تجار العملة!!!😳😠😠
.
المصدر الصديق أ.ض.ب عبر صفحته فيبسوك وهو زول ثقة
ويقول انه توجد ندرة في السوق
لأنه احدهم قام بخم كل المتواجد في السوق من دولار.
نعيد ونكرر....
مافي انتاج لسلعة محلية تجيب عملات صعبة
عشان كدا حتفضل في الدوامة دي الى يوم الدين!
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: usama Babiker)
|
Quote: وبعدين صاحب حساب أحمد بشير الرسمي دا معروف قاعد وين عند الريس
والباقين مشتتين حول الكرة الأرض معظمهم في السودان.
حتى بني كوز ديل عندهم حسابات بكتبو فيها كم نفر.
الأمر عادي بالنسبة لي طالما صاحب الحساب بيثق فينا. |
طيب انت سيد العجلة ولاّ واحد من المأجّرين؟
على الأقل وقّع بإسمك عشان نعرف مع من نتحدّث
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: احمد محمد بشير)
|
اصلا تجار العملة عاملين الدولار سلعة وتجارة
اعطو الدولار قيمة اكتر من اللازم.. ارتفاع طفيف في اسعاره عالمية لكن في السودان بلد العحائب ما تفهم أي حاجة ولا تعرف الاقتصاد والسوق د ماشي كيف!
ايام الندرة طوالي يرتفع السعر ودا ما عندوا أي علاقة بالحظر الامريكي.... دا جشع من تجار العملة بس.
المواطن البسيط يدفع 22 جنيه ليحصل على دولار واحد بس!
بينما المستفيد هو من يملك الدولار لانه أكيد اشتراهو بسعر أقل من كدا.
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: احمد محمد بشير)
|
البشير يتوجه الى الإمارات و السعودية لطلب المساعدة ومد القرعة!!
اخبار مؤكدة أن بشة متوجه الى السعودية.
والدولار 22 جنيه.
الحل ما كدة يا بشة.... لابد من التركيز على سلعة تجلب النقد الاجنبي و العمل الجاد لزيادة الانتاج فيها وتوفير فرص للشباب للاستثمار فيها وبس .... بلاش شحدة وكلام فارغ
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: احمد محمد بشير)
|
حبيبنا أحمد مودتي ..
يوم الجمعة في مقاهي جدة في الحارة سعر الريال خمسة جنيه حتى لو الحوالة مائة ريال
أكيد القيمة في الخرطوم مرتفعة أكثر ..
الحاجة دي كويسة في سداد أقساط الجامعة فقط
وبعدين الشباب ديل يسلموا المبالغ للوالدة داخل البيت هناك في ضواحي الدنيا
عشان كده الواحد يتجاوز الفروق البسيطة
مودتي .. الحبيب
| |
|
|
|
|
|
|
|
|
|
Re: الدولار غالي شديد اليوم.. ارتفع مع استمرار (Re: علي عبدالوهاب عثمان)
|
الحبيب علي عبدوالوهاب ليك احلى تحية يا راقي.
سعر الريال أكتر من الخمسة حاولو إتأكدوا... لانه شايف بقولو الدرهم الاماراتي عامل 5.6 بس لسه ما متأكد.
للاسف في بعض المغتربين بيفرحو لمثل هذه الاخبار وبيعتقدوا انه قروشهم ح تكتر طالما ارتفعت اسعار العملات الاجنبية لكن في الحقيقة هم الخسرانيين لأنه العملة في النهاية انت حتفكها للجنيه السوداني وحتدخل جيبك جنيهات ليس لها أي قيمة والخاسر الاكبر هم المواطنيين في الداخل لا دخل كافي لهم وزيادات في أي شيء وحتى المغترب بيعاني من الزيادات لانه في النهاية ريالاتو دي لازم يفكها لاجنيه الما بسوى شيء دا.
نعود ونكرر لابد من الاعتماد على سلعة تجلب العملة الصعبة وفتح فرص العمل فيها وتسهيل كل العقبات وعدم فرض ضرائب عليها ليزيد المنتج وننافس بها عالميا.... دي صعبة يا كيزان؟
| |
|
|
|
|
|
|
| |
احمد محمد بشير
مني عمسيب
Mohammed Ahmed Saeed
محمد عبد الله الحسين
أحمد الشايقي
محمد أبوالعزائم أبوالريش
ombadda
عبد المنعم سيد احمد
elhilayla
محمد البشرى الخضر
usama Babiker
aosman
علي عبدالوهاب عثمان
فيس بوك
تويتر
انستقرام
يوتيوب
بنتيريست