واحدة من اغاني محمود عبد العزيز اول مرة اتعرف عليها سمعتها من الفنان فيصل، ومن الظلم القول انو بيقلد فيها محمود لانو اعاد انتاجها و سد الفراغات الموجودة في النسخة السودانية وهو عمل نادر يشكر ويقدر مجهوده و جهد المجموعة المصاحبة واضح انو عمل ورشة كاملة تحية تقدير للفنانين و المبدعين من اثيوبيا
07-10-2017, 00:28 AM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
ده شغل متطور جدا .. وانتقال لأغاني أكثر صعوبة ... تحتاج لحرفية ودقة غنا وعزف موسيقي عالية .. الاثيوبيين شكلهم حيخجلونا في تقنية التنفيذ والعزف المتطور ده .. بالذات للأغاني الشبابية والتي تعتبر جديدة .. هناك متابعة من الاثيوبيين لجديد الساحة الغنائية عندنا ..
التحية للاثيوبيين غايتو صعب تلقى شعب قريب مننا بالصورة دي .. يخلوك تحبهم حتى لو ما داير تحبهم .. يفرضوا عليك حبهم وتقديرهم .. شيء عجيب أداء الزول ده والعزف الموسيقي .. لولا اختلاف الثقافات لاستهجنت الفيديو كليب التمثيلي للفتاة بتاعة الفيديو كليب.. كان ممكن تكون موجودة لا اعتراض عليها .. بس حكاية البوس في الهواء دي انا شايفها فيها عباطة شوية وخصمت من الكليب .. لكن اجمالا شغل جميل جدا .. تهانينا لحبايبنا الأحباش ..
07-11-2017, 09:28 AM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
Quote: ده شغل متطور جدا .. وانتقال لأغاني أكثر صعوبة ... تحتاج لحرفية ودقة غنا وعزف موسيقي عالية .. الاثيوبيين شكلهم حيخجلونا في تقنية التنفيذ والعزف المتطور ده .. بالذات للأغاني الشبابية والتي تعتبر جديدة .. هناك متابعة من الاثيوبيين لجديد الساحة الغنائية عندنا ..
التحية للاثيوبيين غايتو صعب تلقى شعب قريب مننا بالصورة دي .. يخلوك تحبهم حتى لو ما داير تحبهم .. يفرضوا عليك حبهم وتقديرهم .. شيء عجيب أداء الزول ده والعزف الموسيقي .. لولا اختلاف الثقافات لاستهجنت الفيديو كليب التمثيلي للفتاة بتاعة الفيديو كليب.. كان ممكن تكون موجودة لا اعتراض عليها .. بس حكاية البوس في الهواء دي انا شايفها فيها عباطة شوية وخصمت من الكليب .. لكن اجمالا شغل جميل جدا .. تهانينا لحبايبنا الأحباش ..
الأخ ود القوز سلام من ناحية الانتقال لاغاني أكثر صعوبة ممكن تلقى أمثلة قدروا يضيفوا ليها فيديو كليب يخط الاغاني القديمة في سيناريو معاصر ممكن تشوف مثلا اغنية الكاشف انت عارف انا بحبك وبرضو اغنية عثمان حسين ياربيع الدنيا بصوت الفنان (ابنت قريما) واغاني عثمان حسين بالنسبة اغاني صعبة من ناحية اللحن و الأداء وكتير من الشباب الجديدين السودانيين ما قدروا على أغاني عثمان حسين (ابنت قريما) بلاضافة للفديو كليب المعبر بسناريو معاصر يعكس حكاية الفرحة في الاغنية ولو لاحظت اغاني عثمان حسين هي عبارة عن حكايات غنائية ، الاغنية دي ربيع الدنيا باداء قريما المختلف و الفيديو كليب و صوته المميز اتحولت الاغنية لمهرجان فرح لا يقاوم. اهتمام الاثيوبين بالغناء السوداني احتمال كبير يرجع للتماثل في حكايا و قصص الاغاني السودانية التماثل راجع علاقة التراث و الوجدان الواحد، الوجدان الواحد بيمتد عبر شعوب متشابكة و متقاطعة في وحدة تراث جاي من عمق الصحراء الغربية في افريقيا من الطوارق و الأمازيغ ، مرورا بالنيجر و مالي تشاد ارض القرعان و الزغاوة حتى البحر الاحمر، في امثلة اكثر ادهاشا من علاقتنا بالاثيوبين ، لمن تسمع اغاني الطوارق وايقاعات من النيجر و مالي وتشاد. فالثقافات ما مختلفة ولا وجود لفرضية ( لولا اختلاف الثقافات )، نحنا المختلفين لاننا بنعيش ثقافة مصنوعة منذ صناعة السودان الفرنسي و السودان الانجليزي ومنذ صناعةالعبارة المشهورة(منذ دخول العرب السودان)
ياربيع الدنيا بصوت Abenet Girma
اغنية ثورية صحراوية (ياثوار الساگية): مغني من الأمازيغ و الأغنية بلهجة عربية صحراوية
07-11-2017, 03:46 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
Quote: اهتمام الاثيوبين بالغناء السوداني احتمال كبير يرجع للتماثل في حكايا و قصص الاغاني السودانية التماثل راجع علاقة التراث و الوجدان الواحد، الوجدان الواحد بيمتد عبر شعوب متشابكة و متقاطعة في وحدة تراث جاي من عمق الصحراء الغربية في افريقيا من الطوارق و الأمازيغ ، مرورا بالنيجر و مالي تشاد ارض القرعان و الزغاوة حتى البحر الاحمر، في امثلة اكثر ادهاشا من علاقتنا بالاثيوبين ، لمن تسمع اغاني الطوارق وايقاعات من النيجر و مالي وتشاد. فالثقافات ما مختلفة ولا وجود لفرضية ( لولا اختلاف الثقافات )، نحنا المختلفين لاننا بنعيش ثقافة مصنوعة منذ صناعة السودان الفرنسي و السودان الانجليزي ومنذ صناعةالعبارة المشهورة(منذ دخول العرب السودان)
يبدو يا أستاذ صلاح ، حسب اقتباسك أعلاه، أننا نعيش "هوية مفبركة" في المكوِّن المستعرب...
هل بالإمكان "استعدال" هوية مفبركة أو قل مصنوعة ؟؟
07-11-2017, 05:34 PM
Nasser Amin Nasser Amin
تاريخ التسجيل: 02-07-2017
مجموع المشاركات: 3562
دا فيديو لفنان اسمو "ابراهام" و يتغني برائعة سيد خليفة "علي الجمال تغار منا" وهو موجود في دبي الناس ديل بقو يختاروا غنانا الصعب ,بس اللغة معصلجة معاهم ,عندهم حب و احترام للفن السوداني بشكل مبالغ بس هم كمان بحترموا فنهم من ناحية اخراج الاغنية بصورة متكاملة من ناحية موسيقي وصوت و فيديوكليب
07-12-2017, 07:15 AM
صلاح أبو زيد صلاح أبو زيد
تاريخ التسجيل: 01-29-2011
مجموع المشاركات: 1434
Quote: دا فيديو لفنان اسمو "ابراهام" و يتغني برائعة سيد خليفة "علي الجمال تغار منا" وهو موجود في دبي الناس ديل بقو يختاروا غنانا الصعب ,بس اللغة معصلجة معاهم ,عندهم حب و احترام للفن السوداني بشكل مبالغ بس هم كمان بحترموا فنهم من ناحية اخراج الاغنية بصورة متكاملة من ناحية موسيقي وصوت و فيديوكليب
العزيز ناصر أمين فعلا زي ما قلت بحترموا فنهم من كل النواحي و الدليل غزارة الانتاج و مع كثرة المغنيين وكلهم مجودين و اصحاب اصوات جميلة لكن حكاية اللغة معصلجة معاهم دي انا ما بتفق معاك فيها بدليل انو لا اللحن و لا الاداء ولا حتى الكلمات وقفت في طريقهم، والقدرة على تطويع الاغنية وحركة الانتقال الجسور الواثق و المرن بين اللغتين بينسف فكرة العصلجة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صلاح أبو زيد
فردوس جامع
حيدر حسن ميرغني
جمال ود القوز
osama elkhawad
Nasser Amin
فيس بوك
تويتر
انستقرام
يوتيوب
بنتيريست