|
Re: ان كان هذا صحيحا فهي كارثة..!! (Re: ناصر حسين محمد)
|
Quote: A close source to Sudan's President Omar Al-Bashir disclosed an agreement between the government of Sudan and the UAE.
A close source to Sudan’s President Omar Al-Bashir disclosed an agreement between the government of Sudan and the UAE. According to the agreement, the UAE will take full control of the Red Sea coast of Sudan.
The source that requested anonymity added: “Sudanese president’s visit to the UAE a couple month ago was important that the government of Sudan has signed important agreements with the United Arab Emirates in all economic, political and military fields.
He said the UAE tries to invest $ 70 billion in Sudan’s military infrastructure which is to create information database, and military airports in the Red Sea coast on the border with Halayeb Island.
The source added UAE Foreign Ministry will try to negotiate with White House politicians and US Congress so they lift sanctions against Sudan. In return, 160,000 hectares of arable land in Sudan will be disposed to the Emirates for 90 years.
According to the source, the two country agreed that Sudan give 11,000 trained soldiers to the UAE’s naval and air forces.
In the end, he said that “the UAE will be the main economic, political and military partner of Sudan. It will take Saudi Arabia’s place within 5 years among Sudan’s strategic partners and will take over the control of the North African market having control over the Red Sea.”
|
| |
|
|
|
|
|
|
Re: ان كان هذا صحيحا فهي كارثة..!! (Re: Arif Nashed)
|
يا عارف ده احتلال عديل
بعدين امارات شنو ياخ البتعمل قواعد عسكرية في السودان
دي ملطشة فارغة ساي الامارات المحكومة بمراهقين لايفقهون شيئا الدويلة الحتة البلاء تاريخ
قواعد عسكرية في السودان
بعدين 11 الف (هبة) للجيش الاماراتي ..!!!
بتاعين عاصفة الحزم ديل مشاركين في اطار تحالف منطقي ومقبول
لكن ديل هبة مش في اطار تحالف
ده امر جديد واشد خظورة ويوضح مرحلة الياس الوصلو ليها الجماعة ديل
| |
|
|
|
|
|
|
Re: ان كان هذا صحيحا فهي كارثة..!! (Re: Hassan Farah)
|
ههههههههههههههههههههههههههههه
بلدياتنا مرضان كشاتين بلعب حريق وما بعرف غيرها
طبعاً في الحريق بتتوزع الاوراق من اليمين للشمال
يوم جا لقانا بنلعب قيم وست وهو واقف ورانا الموزع بدا التوزيع
من الشمال لليمين
اها صاحبنا قال يا جماعة دوشتونا بي توزيعكم الاشتر دا😂😂
اسع ناصر دا زاتو دوشنا بتغيير مواقفو
شنو يا معلم اثبت على راي
| |
|
|
|
|
|
|
Re: ان كان هذا صحيحا فهي كارثة..!! (Re: ناصر حسين محمد)
|
الناس ديل يا ناصر ما منهم رجاء فصل الجنوب كان بثمن ووعد لم يُنَفذ حسب تصريح السفير الروسي و مستعدين يعملوا اي حاجة لضمان استمرارهم و سلامتهم و البلد تُدار كضيعة خاصة بهم مافي حاجة غريبة او غير متوقعة - عشان كدا اركب معنا تاني
| |
|
|
|
|
|
|
Re: ان كان هذا صحيحا فهي كارثة..!! (Re: ناصر حسين محمد)
|
Quote: الناس ديل يا ناصر ما منهم رجاء فصل الجنوب كان بثمن ووعد لم يُنَفذ حسب تصريح السفير الروسي و مستعدين يعملوا اي حاجة لضمان استمرارهم و سلامتهم و البلد تُدار كضيعة خاصة بهم مافي حاجة غريبة او غير متوقعة - عشان كدا اركب معنا تاني
|
ناصر كيف حالك اتفق معك انو الجماعة ديل عملو السبعة وذمتها في البلد لكن هم المخرج الوحيد من الازمة ولا مخرج اخر
نعم مستعدين يعملو اي شي كما تفضلت بالذكر لكن هنالك تيار اصلاحي يحتاج الى دعمنا
هههههههههههههاركب مع منو ..؟؟؟
صدقني لو عندم سرج وهيط ومسار واضح ومقنع اسه بركب لكن للاسف الجميع خارج الحكومة شايتين ضفاري وشغالين رزق اليوم باليوم
| |
|
|
|
|
|
|
Re: ان كان هذا صحيحا فهي كارثة..!! (Re: محمد على طه الملك)
|
Quote:
غايتو يا ناصر لو الكلام دا ما نجر ساكت ... يكونوا الكيزان الملاعين ركبو ...... في الاماراتية .. 11 الف جندي سوداني معناتو يا عمر البشير شد أركب .
|
سلام محمد
ان شاء الله يكون نجر رغم مصداقية الموقع الناشر الخبر
المحزن ان السودان بقى مطية اليسوى والمايسوى عايز يركب
ارتهن للمال والبيع بقى في الغريق
اتخيل 11 الف جندي سوداني ياتمرون باوامر الجيش الاماراتي شغل مرتزقة بالدغري
| |
|
|
|
|
|
|
Re: ان كان هذا صحيحا فهي كارثة..!! (Re: ناصر حسين محمد)
|
*والله ياناصر لو عايش جوا السودان ماكان قلبت من الاوللمؤيد ...كان اتطرفت فى معارضتك من البتشوفو . . . *كتبت كلام تانى لكن حذفتو ...لانى من المغصه كتبت عبارات فايته الخطوط الحمراء . *لكن الناس لازم يكون عندها موقف يوضح رايها
| |
|
|
|
|
|
|
Re: ان كان هذا صحيحا فهي كارثة..!! (Re: ناصر حسين محمد)
|
هي سلام .... ههههه بتاعت حفيظ ... اها النديكم دي ... منذ العام 1976 .. كان الجندي السوداني هو عماد القوات المسلحة الإماراتية الي العام 1990 وحرب الخليج ... ما لا يقل عن 30 الف سوداني كانو مجندين في جيش الامارات ولو لا موقف السودان من حرب الخليج لتم تجنيد المزيد ... للاسف 30 الف اسرة قطعو رزقا وتم تسريح جميع السودانين من الجيش تدريجيا" الاعوام 90 ، 91 ، 92 .... تعداد مواطني دولة الإمارات ما بين 600 الي 700 الف مواطن ... قول مليون عديييل .... هل سمعتم بأن الامارات احتلت ولا استعمرت دولة في الكرة الأرضية ... ناس عندها قروش وبتفتش لي مصالح وناس يساندوهم ويحتمو فيهم في الزمن الشين دا ... نحن حا نعرف مصالحنا متين .... السعودية مستاجرا اراضي في الأرجنتين لزراعة البرسيم وشحنه لي شركة المراعي السعودية لتغذي 50 الف بقرة تمتلكها .... بلدنا دي لو لمو قروش الدنيا دي كلها ممكن تستوعبا ويظل الكثير منها خلا ساكت نبول ونخرا فيهو ... دبي معظم البنايات مملوكه لي اجانب والاجانب بايعنها شقق لي اجانب تانين والأجانب التانين ماجرنها لي اجانب. محتاجين نغير الكدوب الفي راسنا دا عشان نهب ونبقي ناس في الدنيا دي. تحياتي ناصر ...
| |
|
|
|
|
|
|
Re: ان كان هذا صحيحا فهي كارثة..!! (Re: Salah Zubeir)
|
شفت يا اخوي صلاح الزبير الارجنتين كل القروش البتدفعها ليها السعودية بتعود لي مصلحة الوطن والمواطن لكن شفت التافهين الماسكين البلد دي والله لو استثمروا كل الوطن ولا قرش بجي لي واولادي واولادك لا في صحة ولا تعليم ولا خدمات .. يا اخي هؤلاء الاوغاد ما بشبعوا وما امينين على ثروات البلد دي كل القصة .. تحياتي
| |
|
|
|
|
|
|
Re: ان كان هذا صحيحا فهي كارثة..!! (Re: علي دفع الله)
|
ياخوي علي والله فاهم ... إتا قايل لو عرض الامارات دا بقي حقيقي مع كمية العروض السعودية الحقيقية ... اكيد البلد حا يكون فيها تغيير ما ... حتي لو ماسكا التمساح طه ... يا اخوانا خلونا نلعب صاح ... دا رزق (اذا كان حقيقي) واكيد حا يستفيدو منو سودانيين غلابا ... البشير وحكومتو يطيرو في السما دا ومعلقين معاهم الجماعه ديك يا علي (كل السياسيين العطالا بتاعين كل الاحزاب) ويفضل فيها فقط كل من يصحي الصباح كايس الرزق.
| |
|
|
|
|
|
|
Re: ان كان هذا صحيحا فهي كارثة..!! (Re: Salah Zubeir)
|
الاخ صلاح زبير انت بتتكلم كانو الشعب عندو كلمه وقرار ....ما الناس يل مكنكشين فى البلد دى ....ولى قدام نحنا شكلنا ح نكون مواطنين درجه رابعه وخير البلد للطبقه الحاكمه والمستثمر الاجنبى ونحنا ينعصر زيتنا ضرائب ورفع دعم و......الجديد شنو ما ح يجد جديد
| |
|
|
|
|
|
|
Re: ان كان هذا صحيحا فهي كارثة..!! (Re: Asim Ali)
|
مرحب يا عاصم ... أتفق معاك تماما" في الإنتا شايفو ... وزي ما عارف الجماعة ديل ليهم 28 سنة وهم بيحشو فينا ليل ونهار ... واليوم هم اقوي بي كتير من أمس ووضعهم مريح بعد ان حيدو جميع معارضيهم واعدائهم وانفتحو علي العالم ... طيب نقعد نربع يدينا وننتظر فرج الله ولا نحاول نفكر في طريقه نريح ونسعد بيها اهلنا العايشين حد الكفاف. ما يهمني من موضوع البوست هو الفائدة التي يجنيها اي سوداني انشاالله ال 11 الف عسكري ونبطل كسير المقاديف عينة استعمار واحتلال .....
| |
|
|
|
|
|
|
Re: ان كان هذا صحيحا فهي كارثة..!! (Re: Salah Zubeir)
|
طيب خلونا نتونس ساي لله في الله ... ناصر والله لو عارف حا تعرد من بوستيك قدر دا ما كتا اداخلتا من اصلو .... علي الاقل كنتا اخلي الرهط لغاية ما يخلصو وبعديهو اداخل ... اسف واعتذر بي شده .... اهو كل يوم بنتعلم الجديد .....
| |
|
|
|
|
|
|
|