|
|
|
 Re: كان خطأا كبيرا . . . . . !!!! (Re: توفيق عيسى مكي)
|
لو كان السودان كله ناس ضهاري منطقيا انو ناس المهجر ضهاري
(اي ناس بلا قيم او اخلاق ومثل)
لكن الواقع بيقول انو اهل السودان الاصليين في بلاد المهجر
والموجودين فيه الان سمة غالبة ضهاري جو بالصدفة واتحكموا فينا
.
.
.
.
.
صدمت صدمة مؤلة والله لمن غالباني اكتب
| |
 
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
صورة اخرى :
استقليت سيارة خاصة اجرة من جدة للمدينة وكان السائق سعوديا من ابناء مدينة رسول الله العريقين
اربعة ساعات كان الحديث بيننا بلغة الارقام الدقيقة جدا
عن الأمكانيات الحقيقة للسودان الاقتصادية
كان مثقفا جدا
فوق التصور
دعاني لاجتماع رسمي نكمل فيه ما تحدثنا فيه بع بعض معارفه
.
.
.
.
المؤسف حقا ان القى الاهتمام من اناس نعتقد اعتقاد خاطيئ بجهلهم واننا علمناهم
.
.
.
بجد منظر سيئ للسودانيين العاطلين في قهاوي المملكة
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
| Quote: والموجودين فيه الان سمة غالبة ضهاري |
هههه
جاتك الدساتير بين المدينة و مكة ؟!
أنا قايلك بتاع نقسيات ، لكن شكلك راكبك سفلي ضهوري !
ياخوي نحنا ناس الضهاري محل ما تقبل موجودين.
أوع تكون غشيت بتاع التاكسي إنك من طوال العمر بتاعين السودان!
| |
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
تمارس السعودية نظاما غريبا في تشغيل ومنح الاقامات (نظام الكفيل)
هو الرق بعينه
.
.
.
.
من سذاجتي فتحت بوست دعم لمؤسستي الشفافية للخدمات التجارية يخص السودانيين المقيمين في المملكة
وفي خلال اقامتي وجدت السودانيين في المملكة كالاتي :
اما عبيد لمخدمنهم وديل ما منهم رجاء للبلد او فكر سوى ارضاء من يملكهم وخوف منهم
واما عاطلين اشبه كثيرا بالرمتالة بتاعين قهاوي القاهرة (واخطر) واكيد ديل برة الشبكة
واما ناس يحملون شهادات وخبرات عالية مسحوا السودان من نفكيرهم واكتفوا بالعيشة في غير بلد ما بلدهم
ويستمتعي بانتهازية لخيراتها وما عندهم استعداد يسمعوا حتى ان السودان ممكن يبقى
سيبكم من ان يقدموا شيئ لبلدهم
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
الشفافية ما عندها مشكلة يكفي الجهات المؤمنة بيها وراعياها في السودان
اصحاب الوجعة هم الاقدر بتحسس اوجاعهم
وهم الاقدر بمعالجات مشكلاتهم
وباذن الله .....
ستكون هي مع بعض المشئات من اكبر سبل النهضة في السودان
نعم في ناس كتيرة داخل الوطن (ما هربوا واكلو قروش الرق او قروش المواخير في اوروبا وعايشين عليها )
في ناس اكتر مني معنيين بنهضة بلدنا
وشغالين امكن اكتر علي
وفي مجملنا حا نقدم خير كتير للسودان
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
تلاتة ايام واكون رجعت السودان....
اكتر من شهر في المملكة
واعتقد انها كانت زيارة ناجحة جدا للمملكة ..
على الاقل الرؤية بقت لينا واضحة عن واقع السودانيين في المملكة
وسنعكس هذا الواقع بما رأيناهو وعشناهو للاعلام السوداني
.
.
.
بشفافية
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
مساء الخير يا الأمير،ياخ انت كمان اذا أردت أن تطاع أطلب المستطاع ياخ إشتراك في صفحتك بي ١٠٠ دولار في السنة أغلى منNetflix ياخ ناس الضهاري والمدن لو جبت ليهم في الصفحة إيفانكا وكيم كاردشيان مش بكل شفافية بس أم فكو عديل ما بدفعوا أزيد من ال٥٠ ريال هللة
| |
|
|
|
|
|
|
|
|
|
Re: كان خطأا كبيرا . . . . . !!!! (Re: muntasir)
|
نعم في ناس كتيرة داخل الوطن (ما هربوا واكلو قروش الرق او قروش المواخير في اوروبا وعايشين عليها
جدي علية رحمة الله كان رجل ذو هيبة وزول أنيق الهندام ، يطرق أي
باب من أبواب المسئولين يفتح له ، المدارس ، المركز الصحي وكل المنشأت
قامت علي تحركاتة ففي يوم من الايام طالع في مسرح وبيخطب في الناس أنهم
هم كلجنة قامو بمساعدة الخيرين والدعم الذاتي والحكومي ببناء كذا وكذا فقام واحد
زيك كدة يا توفيق طنطن بي تحت وقال ما تهوسونا مش المدارس والمركز
الصحي البنيتوهن بالشحدة ديل فجدي سمعو فبدون ما يتلفت قال القال الكلام دا منو
الحضور قالو ليهو الامين القال كدة والامين وقف وقال آآي أنا القلتا كدة جدي قال ليهو
يا الامين الشحدة زاتا عاوزا وجاهة ورب الكعبة نفكك في بنطون شندي شهرين ما تطلع
حق فطورك فاااااشنو يا توفيق قروش الرق والمواخير التي تتكلم عنها شعرا ماعندك ليهو
رقبة ياحاج نظرية فخليك ماسك في الشفافية المورم بيها الهناي بتاعنا دا . يعني يا الناس
تدفع للخطل بتاعك دا يا تركب الناس بالعكاز ؟ 
| |
|
|
|
|
|
|
|
|
|
Re: كان خطأا كبيرا . . . . . !!!! (Re: فرح الطاهر ابو روضة)
|
الأخ الفاضل قصي ....
وصانا الاسلام بحسن وطيب الحديث وان الانسان ان يقول خيرا او يصمت
بقرأ كلامك واعاين لدقن صورتك
.
.
ومستقرب
.
.
وصلت لقناعة انو الدقن دي دقن يهود او دقن كارل ماركس
المسلمين ما دي لغتهم اطلاقا
استحقار واستخفاف وسفه
.
.
.
فتحت موضوع حساس جدا وجادي جدا
وبهم كل انسان غيور على بلده
قل خيرا . . .
او اصمت . . .
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
Quote:
ستقليت سيارة خاصة اجرة من جدة للمدينة وكان السائق سعوديا من ابناء مدينة رسول الله العريقين
اربعة ساعات كان الحديث بيننا بلغة الارقام الدقيقة جدا
عن الأمكانيات الحقيقة للسودان الاقتصادية
|
أرقام دقيقة؟
إمكانيات السودان؟
مع سائق التاكسى؟
وداير الله يوفقك؟
| |
|
|
|
|
|
|
|
|
|
Re: كان خطأا كبيرا . . . . . !!!! (Re: Hassan Makkawi)
|
سبعين في المائة من سائقين الرقشات (التوك توك) في السودان
يحملون شهادات جامعية متخصصة مميزة جدا وفيهم اطباء وحملة ماجستير ودكتوراه
.
.
.
تعرفوا المشكلة وين يا ناس السعودية
انو اغلبكم ناس ضهاري
من الخلاء للمهجر
في فجوة في تفكيركم عن الواقع اليوم في العالم كله
ايه البيمنع سعودي سايق كامري اخر موديل شاب خريج جامعة مثقف جدا
صدفة ركبت معاه لوحدي عن طريق قريب لي شغال في مركز مرموق باجرة شبه مجانية
ووصلني حتى باب بيتيتنا في المدينة
ما كان الهدف الاجرة بل الرفقة هذا ما علمته وبحرج قبل مني ما اعطيته
المشكلة وين هنا ؟؟؟؟؟
سبحان الله
واقع مقرف جدا ما شاهدته وعايشته في هذه المدة القصيرة
ودي نقطة من بحر
ارجع السودان واتكلم بصورة اكثر صراحة
.
.
طرحت الموضوع بمهنية عالية جدا واكرر ده شغلي
والايام حا تثبت ليي فتحت الموضوع
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
الأخ الجميل منتصر . . .
هي ما صفحة بل موقع لمؤسسة معلوماتية (أكبر بنك معلومات تجارية عن السودان في المنطقة )
ليها نشراتها . . .
وتقاريريها . . .
والتعاقد ما بيكون للموقع بس
.
.
كان عملناهو اكتروني
وبسعر رمزي
.
.
هذا ما لزم توضيحه
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
ما تحول الموضوع،
رد على كلامي ورأيي بحسب المكتوب.
.....
ان جيت للشكل فإني أراك معتوه، ممسموس، أقرأآية الكرسي خوفا منك،
وأستعيذ من قبح ملامحك التي ترسمها صفائح وجهك...
....
كل هذا الشعور اعتبره مدخل للشيطان ليكرهنا في أناس بلا سبب،
فلا تجعلني أصدق تلك الوسوسة،و أعتبرك وسواس خناس.
......
أنسى الحديث عن الشكل وكن لغوي مبين إن استطعت بالنقاش حول الكلمة والعبارة ،لا الشكل والملامح.
....
وقع ليك ؟
| |
|
|
|
|
|
|
|
|
|
Re: كان خطأا كبيرا . . . . . !!!! (Re: قصي محمد عبدالله)
|
الأخ عادل الباهي ....
هي ما مسألة شحدة !! ولكن ببساطة حبيت نتشارك واوسع المجال الناس تشاركني
لا أكتر ....
ده كان الهدف لما فتحت البوست الاول
الشفافية من اول يوم قامت قامت بمجهود شخصي بحت (صاح في ناس في السودان ابت الا تشارك
بتقديم دعم مقدر ) لكن ما طلبت من زول ولا حا اطلب من كائن مهما كان وضعه بطلب مباشر يقدم
حاجة .....
الحمد لله ضراعي اخضر وبنتج نتاج كويس في مجال التجارة في السودان وصرفت حتي الان فوق المائة وخمسون الف
جنيه سوداني (مليون بالقديم) وخاتي في حساباتي ما يجيني دخل يشيل الشغل الا بعد زمن انا ادرك وقته بجلاء ووضوح
من غير قومة نفس بدفع الايجارات والمرتبات والصرف للاعلان وشراء كل مستلزمات العمل من ادوات مكتبية وشراء المعلومة
والدفع للمكاتب المتخصصة وبعض الافراد زوي الخبرة لاستخلاص المعلومة الاكيدة النادرة التي لا توجد الا عندي
.
.
.
اما بالنسبة لموضع الناس (اي السودانيين ) الموجودة في المملكة . . . .
فهذا موضوع اخر يدخل من ضمن عملنا
تناولت الموضوع بمهنية
هذا مما عايشت ورأيت بنفسي واستقيته بكثير مما حكي لي من واقع تجارب اشخاص حكوا لي تجاربهم بانفسهم
.
.
.
انا غيور جدا على بلدي
وعلى اهل بلدي
.
.
.
ولمن اساء لا اخاطبه باللين
تغيرت لغتنا في الخطاب من واقع ثقافات دخلت علينا جبرا
اخاطب الناس بما يمكن ان يفهموا به
.
.
.
واجد صدى وتشجيع كبير من أهل السودان الحقيقين (اطلاقا ما هم فقط ناس البندر والخرطوم )
هذا ان فهمت معنى مصطلح الضهاري او ما شابه
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
فرح الطاهر ابو روضة .....
طبيعي يكون ده رد فعل الزيك وعشان كده فتحت البوست ده
.
.
.
.
الخطاب لكل السودانيين المنتشرين في اسقاع الارض وسودانيي الداخل
لنتناقش ونتفاكر ونخلق رأي عام قوي
يكون نتاجه في مصلحة السودان وحفظ كرامته
.
.
| |
|
|
|
|
|
|
|
|
|
Re: كان خطأا كبيرا . . . . . !!!! (Re: توفيق عيسى مكي)
|
(-) أظن بدرجة كبيره ان بعض سائقي التاكسي السعوديين او السيارات الخاصة ويعملون عليها تكاسه ما هم الا افراد مخابرات سعودية
(-) يستدرجون كل اجنبي لمعرفة بعض الامور كمقارنة بلدهم بغيرهم ومدى ارتياح الحاج او المعتمر في رحلته هذه او ارقام عن بلادهم كما ذكرت
(-) يكتبوها في تقارير رسمية وقد يكون معهم مسجلات صوت وما شابه لتوثيق ما دار من حوار لذلك انا لا اتعمق معهم ان احتجت لهم في بعض العمرات او الحج
(-) ما جلعني انتبه لهذا الأمر انهم يعملون تاكسي يتخطون في السرعات امام سيارات الشرطة ولا تعيقهم حواجز الشرطة بل بعضهم معروف
(-) لا اشمل كل السائقين بل البعض منهم واظن اكثريه وبأسعار رمزية ان احسوا بفائدة معلومات من رحيلك وترحالك معهم
(-) وقد يسامح البعض في باقي المبلغ او جل المبلغ ان وجد ضالته فيك وان حديثك سيفيده انيا او مستقبلا
(-) ما جلعني اكتب هذا لعملي بان السودانين أبدأ معهم حوار سيخرجون كل شيء لديهم
(-) ومنها لأخذ الحيطة والحذر فالسودان أسراره وارقامه وجب الحفاظ عليها
| |
|
|
|
|
|
|
|
|
|
Re: كان خطأا كبيرا . . . . . !!!! (Re: Deng)
|
يا مثبت العقل
الأخ توفيق أنت لو جيت عرضت كلامك دا بأسلوب محترم علي أسواء تقدير
الواحد ممكن يدعو ليك دعوة ساي لكن من غير الممكن تدخل وتسيء للناس
لا خليت ناس السعودية ولا قهاوي القاهرة كما ازعمت ولا ناس اوربا القلت
بيأكلو من أموال المواخير . ودا ما اول بوست ليك تقعد تتمسخر علي الناس
وشابك الناس ضهاري وغيرو لمن الواحد أفتكر نص الخرطوم دي املاكك
أنا القدامك دا حتي أمي مولودة في الخرطوم ولكن أرجع شوف كاتب في بروفايلي
المتمة لاني أتشرف أن أكون من الضهاري لا الضهاري نبز ولا الخرطوم مفخرة
ولا الخرطوم ملك لزيد أو عبيد . بوستاتك البتتريق فيها دي لو مفتكرا خفة دم أوكد
ليك ابدا دمها ثقيل واعرض عنها لو عاوز الناس تحترمك أحترم الناس .
| |
|
|
|
|
|
|
| |
توفيق عيسى مكي
عادل الباهي عبدالرازق
فرح الطاهر ابو روضة
Hassan Makkawi
البرنس ود عطبرة
Deng
فيس بوك
تويتر
انستقرام
يوتيوب
بنتيريست