مكتبة الأغنية السودانية تفتح ابوابها بدون عضوية ...

Quote: باشمهندس قباني كل سنة وأنت طيب.كنت بصدد مراسلتك بخصوص الباسويرد بتاعي في مكتبة الأغنية السودانية .مشكور جدا علي هذه الأريحية .. يا سلام عليكم فهي مكتبة غنية بحق وذاكرة حية للأغنية السودانية.بالتوفيق.

Quote: رحم الله الراحل عادل خليفة و غفر له سحت فيها على عجالة و ان شاء لله ستتكرر الزيارات و الخم عمل كبير و جهد رائع جزيل الشكر حبيبنا قبانى و كل عام و انت و الجميع بخير

Quote: من زمان بحاول انزل منها ويغلبني ويبدو لي كان فيها مشاكل في الأرشفة لأنه أنا دايماً في حالة الموضوع الذي طلبته غير موجود بقيت أنزل من الراكوبة فيها نفس الترتيب بتاع مكتبة الأغنية السودانية بس يا قباني 500 قيقا في سيرفر خاص دي تكلفة صعيبة شديد معناها انتو ماخدين حساب cloud من hostdime أو اشتراككم في سيرفرات قديمة لم تعد متاحة الآن لأنه أعلى امكانيات هوست دايم VPS بشيل 140 قيقا وبي 150 دولار شهرياً وبشكل الأسعار الأنا شايفها عليهم دي لو شايلين كلاود دي بتكون تكلفة كتيرة خلاص خاصة وإنه هوست دايم من أغلى شركات الاستضافة بفرض إنه معلوماتي الفوق دي صحيحة .... هل ممكن تقليل التكلفة ؟ نعم ببساطة ممكن تخلي متطوعين أو حتى تدفع لناس يرفعوا كافة الأغاني الموجودة في المكتبة على google drive و mega.co ويوتيوب و soundcloud و dailymotion بالتدريج رغم إنه من الصعب جداً اختفاءها من يوتيوب أو ساوند كلاود .. لكن بس ليطمئن قلبك لإنه التراث محفوظ .. وعلى فكرة في برامج بتعمل multiupload بضغطة واحدة يرفع ليك الملف في عدة سيرفرات ممكن بعدها استضافة المنتدى على استضافة مشتركة عادية بي أقل من 60 دولار في السنة أو حتى على vps إن تجاوز زواره 10 ألف زائر يومياً ودي بتكلفك 20 دولار شهرياً في أفضل الشركات مع شوية حرفنة طبعاً يعني تعمل اشتراك جديد كل 3 سنين وتنقل فيه المنتدى .. المسألة ما صعبة وما فيها أي توقف للموقع أما إذا كان المنتدى نفسه ما مهم والمهم هو الأغاني فقط ممكن عمل مدونة على قوقل blogger بتصميم جيد ووضع روابط لكافة الأعمال الغنائية بعد ترتيبها وهنا تكلفة الاستضافة حتكون 0 دولار وتكلفة الحماية والصيانة واستمرارية وتسريع الموقع وغيره حتكون مجانية مدى الحياة وكل تكاليف موقعك حتكون 9 دولار سنوياً رسوم تجديد الدومين ____________ معليش قد أكون طلعت برة الموضوع شوية وممكن تعتبرها مساهمة مني في رفع البوست أكتر من كونها مداخلة تقنية لكن غرضي إنه أشجع على الانتاج والتوثيق وأوري إنه النت الحديث ما فيه مشاكل التكلفة العالية بتاعة زمان

Quote: الاخ الاكبر قباني كل عام وانت بخير اشيد واقول ان المكتبه تحفظ التراث السوداني ... وادا كانت لنا وزارة اعلام وثقافه لاستفادة فائده جما منها ... وهي عمل جبار ... وقد افادتني كثيرا والله و بكل صدق هي المكتبه الوحيده الصادقه وفقك الله والقامين عليها مع احترامي للجميع

Quote: بالله عليك تفتح ( التسجيلات النادرة ) كمان . الدنيا عيد ..