عبـدو الســــــــــــــــــــــــــــــــــــــــــر أخ كريـــــــــــــم و ضابــــط إيقـــــاع عظيـــــــم
بدعوة كريمة من أسرة المطربين و الموسيقيين، إدارة الجالية السودانية و السودانيين عموماَ بمنطقة فيرجينيا يقام حفل خيري لتكريم المبدع عبدو السر. ظل عبدو السر يضرب علي طبل "البنقز" منذ العام 1979 (حينها طالب بالثانوي العام) و حتي اليوم يشهد له كل من إستمع وشاهد مشاركاته إنه من أمهر "لاعبي" هذه "الآله" الهامه في الموسيقي السودانية. عمل عبدو السر مع عمالقة المطربين منهم الكابلي ، محمد الأمين ، محمد وردي ، زيدان و أخرين... و قد وصل أمريكا قادماً مع المطرب و الفنان المطبوع "الذري" أبراهيم عوض رحمه الله عليه في العام 1992 . يحكي من عاصر عبدو السر منذ ذلك العام و اللاحقون من أمثالي إن عبدو السر إنسان سوداني مثالي.. عبدو السر شخص خيالي... صديق للكل و خالي من "الأعداء" . علي مر السنين لم أسمع كلمة نقد سلبي واحدة في حق هذا الرجل! علي مر السنين و منذ بداية هذا القرن حين تعرفت علي عبدو السر ، لم يتأخر عبدو عن المشاركة في أي عمل فني أو خيري أو الإثنين معاً تمت دعوته لذلك العمل أو علم بها دون أن تصله الدعوة. مشاركاته عفوية وفي غالب الأحوال مجانية وخالية من أي شروط. يتحمل تكاليف ترحيله و "يتعايش" مع أي نوع من أنواع "الإقامة". يأتي باكراً ليبدع و يفرح الجميع. أهيب بكل الأهل و الأحباب بفيرجينيا و ما جاورها ، مشاركة هذا الإنسان النادر بالحضور للحفل الخيري المقام علي شرفه. المشاركة 20 دولار أو أكثر أو ما تيسر. المكان: دار الجالية السودانية بفيرجينيا العنوان: 9004 Crownwood Ct Burke, VA 22015 التاريخ: السبت 20 مايو 2017 من الساعه 9:30 م الي 1:30 ص إنه لحق علينا أن نرد له قليل من دينه علينا جميعاً.
كمـــال طيفـــور
05-19-2017, 05:18 AM
Red Sea
Red Sea
تاريخ التسجيل: 04-03-2009
مجموع المشاركات: 475
الفنان الجميل ضابط الايقاع البديع عبدو السر فنان بكل ما تحمله الكلمة من معنى خلوق لطيف بار باهله واصدقائه ليتني كنت باميركا لشاركت في هذا التكريم الذي صادف أهله ولا شك ان زملائي بأميريكا يسدون عين الشمس في هذا الخصوص واهيب بكل الاحبة من أهل السودان باميركا أن يهبوا الى ذلك الاحتفال الانساني
05-19-2017, 04:54 PM
Red Sea
Red Sea
تاريخ التسجيل: 04-03-2009
مجموع المشاركات: 475
شكراً على مرورك الأستاذ الموسيقار الموصلى مشاركاتك فى مثل هذه الإحتفاليات لا تخفى على أحد الأخ عبدو فى أشد الحوجة لأصدقائه و أحبابه فى هذه الظروف العصيبة التى يمر بها و أكيد رفقاء الدرب على الموعد كما زكرت أمنياتنا الصادقة للأخ عبدو بالشفاء العاجل و العودة لمقعده و لجمهوره و محبيه
كمال طيفور
05-19-2017, 05:28 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
شكرا استاذ الموصلي علي هذه الكلمات المستحقة في حق الفنان المبدع عبدو السر تجي من ممن هو في مقامك و من خبرتك و درايتك بالوسط الفني اضافة وتاج علي راس المحتفي به الفنان عبدو السر
05-19-2017, 05:48 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
نحمد للوسط الفني بامريكا اهتماهم و تصدرهم لهذه المبادرة و اقامة الحفل الخيري لتكريم عبدو و المساهمة في علاجه ألأستاذ أسامة الشيخ الاستاذ ماهر و زملاءه في فرقة اوتار النيل الاستاذ مرغني الزين ألستاذ فايز مليجي وألستاذ العريس مجدي العاقب قبل قليل اتصلت علي الفنانة وألستاذة الكبيرة امال طلسم و التي ستكون ضمن المشاركين في الحفل مشجعة ومطالبة بحضور كل من يستطيع الحضور وفاء لهذا الفنان المتفاني
05-19-2017, 05:50 PM
أبوبكر عباس
أبوبكر عباس
تاريخ التسجيل: 03-04-2014
مجموع المشاركات: 3479
ميكائيل الموسيقى الموهوب المعروف المشارك في معظم الاعمال الغنائة الكبيرة منذ عقد التمانيات في طريقة الي فيرجينيا للمشاركة و الوقوف مع عبدو و موآآزرته رحلته اتجاه واحد خمس ساعات او تزيد ظل ميكائل يطالب باقامة مثل هذا الحفل من زمن مرحب بميكائل في فيرجينيا وهكذا ميكايل هكذا اهل الوفاء
05-19-2017, 08:16 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
وصلتنا الرسالة التالية من الأخ الفنان الأستاذ على السقيد المتواجد الآن فى السودان ... له التحية ...
عبدو السر انسان جميل وزول حنين جد ومن اوائل الناس الرحبو بى لما وصلت اميركا وديونو على كتيره والله .. وياريت لو كنت معاكم بى هناك كنت حأكون اول المشاركين . ادعو الله ان يشفيهو شفاءاً عاجلاً وتاماً بإذن الله وبالتوفيق ليكم ولوقوفكم معه وان شاء الله كل الناس يتجاوبو معاكم وعبدو يستاهل اكتر من كده ... ( وياسلام لو أى زول يوم تضيق الدنيا بيهو يقدر يلقى وسط همومو زول حنين يسأل عليهو ) بالتوفيق ان شاء الله
على السقيد
05-20-2017, 11:51 AM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
نرحب بlلااخ العزيز والاستاذ علي السقيد احد اجمل الاصوات السودانية منذ نهاية السبعينيات وحتي اليوم بشهادة العارفين والمهتمين بامر الفن و التطريب علي انسان مرهف استاذ لالة العود واحد امهر العازفين عليها هذه الككلمات المعبرة في رسالتته صاغها لحنا جميلا معبرا لم نستطع اضافته للبوست بعد سنعيد المحاولة ولو استاذنا وصديقنا علي قدر اضافه بكون هدية قيمة للمحتفي به عبدوو السر ولينا كلنا
من علي البعد لك التحايا والاشواق اخ علي ؤ الي ان نلتقي ان بقي في العمر بقية
05-20-2017, 01:33 PM
Red Sea
Red Sea
تاريخ التسجيل: 04-03-2009
مجموع المشاركات: 475
يا سلاااام .... كلمات د. ياسر حسن ألحان و أداء الأستاذ على السقيد
ياسلام لو اي زول يوم تضيق الدنيا بيهو يقدر يلقى وسط همومو زول حنين يسأل عليهو زول تفتش ليو روحك لما تحتار تمشي ليهو ولما تمرق من دواخلك او تضيع منك مداخلك تبقى مارق شان تجيهو زول بيشيلك في ودارك يبني بالحنيه دارك ويوم تلهلب فيك نارك يطفي جمرك بي ايديهو ولو حصل ضاق بيك مكانك او زمانك مرة خانك برضو بفتح ليك حته بين رموشو وبين عينيهو وتسوى ايه الدنيا من غير زول يحسك ..... يبقى عايش في كيانك شان يحرك ليك حسك وتبقى مليان انت بيهو وايه تكون السكه من غير زول رفيقك ... يمشي بيناتك ويسرع شان يسهل ليك طريقك ولو كمان السكه صعبت تلقى في دربك مشيهو وياسلام لو اي زول يوم تضيق الدنيا بيهو يقدر يلقى وسط همومو زول حنين يسأل عليهو
05-20-2017, 01:44 PM
Red Sea
Red Sea
تاريخ التسجيل: 04-03-2009
مجموع المشاركات: 475
عبده إنسان جميل ....اخلاق وذوق واحترام....... يكن له الجميع هنا وافر التقدير والحب لمشاركاته في كل المناسبات ومساهماته الفعاله في التواصل .... وديع وخلوق وناس فرجينيا ناس اصيلين واصليين وحلوين حقو السودانيين في أمريكا كلها تقيف وقفة رجل واحد للمساهمة في رفع معاناته وياريت لو ناس فرجينيا كمان يشرفونا في نيوجرسي وَيَا ريت لو اللجنة ألمنظمه لو تتصل بكافة الجاليات في الولايات للمساهمة ونتمني ليكم حفله موفقه وهذه رسالة الفن الاصيله
05-20-2017, 07:38 PM
Red Sea
Red Sea
تاريخ التسجيل: 04-03-2009
مجموع المشاركات: 475
كما زكرت الأخ عبدو إنسان خلوق و محبوب من الجميع و كل الناس يجب أن تقيف معه حتى يتخطى هذه المرحلة الحرجة بإذن الله يجب أن تتضافر كل الجهود على مستوى الولايات و كذلك أصدقاء الأخ عبده فى جميع أنحاء العالم حفل اليوم سيكون ضربة البداية لحملة عالمية تدعم علاجه و نسأل الله التوفيق .
أمنياتنا له بعاجل الشفاء .
فضلى البكرى أبو ظبى
05-20-2017, 07:40 PM
Red Sea
Red Sea
تاريخ التسجيل: 04-03-2009
مجموع المشاركات: 475
(عدل بواسطة Red Sea on 05-20-2017, 07:42 PM) (عدل بواسطة Red Sea on 05-20-2017, 08:31 PM) (عدل بواسطة Red Sea on 05-20-2017, 08:59 PM) (عدل بواسطة Red Sea on 05-20-2017, 09:12 PM) (عدل بواسطة Red Sea on 05-20-2017, 09:13 PM)
05-21-2017, 01:20 PM
عبدالأله زمراوي
عبدالأله زمراوي
تاريخ التسجيل: 05-22-2003
مجموع المشاركات: 744
عبده السر من الفريدين سلوكا واخلاقا وأدباً. والله لا أجامل فهذا الرجل نادر في هذا الزمن الأغبر. بالله بلغه تحياتي ومحبتي ودعائي بالشفاء التام والعاجل إن شاء الله.
05-21-2017, 03:22 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
حفل عبدوو عبدو يا لهو من انسان عبدو زول و زول جد جد حضر لواشنطن و التي جاءها كثيرا من نفس الاانسان نفس التصرفات البساطة الطيبة البسمة الدفيء و الذوبان والاندماج في الاخرين,,,,,,الزي عبدو دا الناس لازم تقيف معاهو و تدعمو,,,,,,لازم تعالجو و تلحقوا....دانوع من الناس عاش حياتو كدة ....عايش للناس و مع الناس .....وفي الوقت دا لازم يكون بالناس...والا يكون المشروع الانساني الكبير الذي شارك فيه عبدو منذ نعومة اظفاره وساهم فيه كل هذه السنين قد اختل....وددا ما مفروض يحصل......
البوست دا اتفتح لسببين الاول لرفع روح عبدو المعنوية و لفت نظر كل الاحباب و المحسنين الي ان عبدو محتاج للععلاج وزي ما ساهم في ميات الاعمال الخيرية....من حقه علينا ان نقف معه و المساهمة في تكاليف علاجه االسبب التاني التفاكر في كيفية جمع ما يمكن لمقابلة تكاليف نقل الكلية بتغاصيله القاسية المعروفة
كان حفل فيرجيننيا امس ناجح بدرجة معقولة جدا ....حتي مع قصر المساحة الزمنيية المتاحة للاعلان عن الحدث.....شارك افي لحفل مجموعة ضخمة من اهل الفن المعروفين فرقة اوتار النيل مجدي ماهر مرغني و فايز جيتارات محمد سليمان جنكيز و نادر السوداني ابراهيم سوناتا و عاصم علي الاورج و طارق علي الساكس من المطربين و حسب التدرج الزمني للحفل ادروب عاطف انيس امال النور اسامة الشيخ و قد كان ضمن الحضور عمر بانقا و نادر احمودي
الاسرة الفنية متحدة و جاهزة للمشاركات الغنايءية لدعم عبدو كما ذكر لي الاستاذ عبدو الشيخ و اخرين.....و بالتالي هذا الجانب يمكن ان يكون عامل هام للمساهمة في علاج عبدو..........نحتاج لحوالي خمس اضعاف ما تم جمعه بفرجينيالتقريباا و حبيبنا عبدو سيتعافي ان شاءرالله
05-21-2017, 03:40 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
لاخ الكريم زمراوي شكرا كتير علي كلماتك القيمة و المعبرة في حق عبدو نحتاج لقلمك السلس و كلامك المنطقي الموضوعي للوصول لعلاج عبدوو اكيد انت و الاوفياء من امثالك ما بتتاخروا عن دفعنا جميعا للمضي قدما في هذا الامر شخصيا سعدت لمداخلتك فلك الشكر
05-21-2017, 03:43 PM
كمال طيفور
كمال طيفور
تاريخ التسجيل: 03-17-2017
مجموع المشاركات: 106
لاخ الكريم زمراوي شكرا كتير علي كلماتك القيمة و المعبرة في حق عبدو نحتاج لقلمك السلس و كلامك المنطقي الموضوعي للوصول لعلاج عبدوو اكيد انت و الاوفياء من امثالك ما بتتاخروا عن دفعنا جميعا للمضي قدما في هذا الامر شخصيا سعدت لمداخلتك فلك الشكر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة