|
|
|
 Re: مؤذن بود مدني يتعرض لحادثة غريبة من نوعها (Re: Arif Nashed)
|
على الرغم من عدم تمكن “الوئام” من مقابلة المؤذن أو أطراف قريبة من موقع الحادثة المثيرة والتي تعتبر نوعا مثيرة في كل فصولها وأحداثها
نظراً لعدم التعرف على الكائن الغريب الذي نفذ الجريمة وهرب من موقع الحادثة بسرعة البرق.
تفاصيل الواقعة الغريبة يرويها أحد جيران المؤذن حيث قال : إن جاره والذي يعمل مؤذنا خرج لرفع الآذان بأحد المساجد لصلاة الفجر أمس الأول الخميس
وعندما وصل لمنتصف الطريق إذا بكائن غريب يهاجمه من الخلف ويقوم بقضم أذنه وأنفه فما كان منه إلا الفرار لمنزله بعد أن فشلت جميع محاولات الدفاع
عن نفسه ولعدم وجود أي من المارة في الطريق توجه مباشرة لمنزله حيث قامت شقيقته بفتح الباب له مؤكدة أنها قد سمعت أصواتاً غريبة للغاية يصدرها الكائن
الذي لم يعرف بعد ماهو حيث توارى عن الأنظار بسرعة البرق.
ويكمل جار : أخبرني المؤذن بأنه تناول طوبة كبيرة من الأرض وقام بضرب الكائن بها في محاولة للدفاع عن نفسه ولكن انشطرت لنصفين.
والمثير للدهشة أن الأخت عندما سحبت شقيقها (المؤذن) لداخل المنزل لاحقه الكائن الغريب وحاول مرة أخرى قضم جزء من جسده
وفي هذه الأثناء استيقظ شقيقهم وحاول مساعدتهم واللحاق بالكائن الغريب فتوسل إليه المصاب ألا يلحقه لكي لا يتأذى هو الآخر وقاموا بالاتصال بالشرطة.
| |
 
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: muntasir)
|
تحياتي عارف
وضيوفه
الحادث للمؤذن يونس حسن عبدالوهاب بحى بانت
وكان صباح الخميس تحديدا 4 و10 صباحا
الجانى مشعوذ ويصلى معهم الصبح وله مشكله مع غفير المسجد
وكان مختفى وربما اعتقد ان المؤذن هو الغفير وضربه ببلاطه على صدره ووقع المؤذن ولاحقه بعضه على اذنه وانفه
المؤذن ابنه يتبع للشرطه بلغ واخذت اقواله واقوال المجنى عليه وتم اسعافه بمستشفى الشرطه وتم تحويله لمستشفى الشرطه الخرطوم والان حالته مستقره
الشرطه لم ولن تقصر
البلاغ عادى
هناك مجموعات تناولته بظهور جن واخر جسم غريب واخر بعدم استجابة الشرطة
وحصلت قبل كدة في كوستي
مجنون كتل المؤذن صلاة الصبح لانو كان بطردو ينوم في الجامع وبي سيف
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: عبدالحفيظ ابوسن)
|
بانت دي بلدي وبعرفها كويس،
زمان قبل دولة القرآن كان فيها سحاحيير جمع سحّار،
شجرة اللالوب الجمب بيوت مدرسي الصناعة الكسروهن هسع ديل، كان فيها سحار بربط للناس البمروا بهناك بعد المغرب وبكونوا ما بتحصنوا.
زمان لما أجي بالليل بالعجلة من السوق الجديد شايل فول ابظريفة في بستلة، من شارع الخرطوم كنت ببدأ أقرأ في يس (كنت حافظها)،
لمان أصل جمب اللالوبة كنت بردد "وجعلنا من بين أيديهم سدا" بصوت عالي وصوت جنزير العجلة ونفسي برتفعن
عادل عيشين أخوي قال لي:
مرّة كنت بشرك لطير في زقاق ناس حبيبون نص النهار، شفتو نازل من الشجرة
ضخم جدا، قلت يا سيدي الحسن
اختفى
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: الصادق عز الدين)
|
Quote: يا عارف خليك تقدمي ياخ ما في جن ولا حاجة
الجن الوحيد في مدني قرأ بيطرة وهسع شغال في الأمارات دكتور بعارين
ده الجاني بن آدم بصلي معاهم الصبح وعنده مشكلة مع خفير المسجد شاف المؤذن قايلوا الخفير رقد ليه بي طوبة وقرموا |
الاخ منتصر .. تحياتي ..
السودانيين بقوا بتاعين تأويلات ..
طيب عرفنا الطوبة قرم الاضان والنخرة دي شنو كمان !!
يكون الزول دا عاضيهو كلب سعران ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
Quote: تحياتي عارف وضيوفه الحادث للمؤذن يونس حسن عبدالوهاب بحى بانت وكان صباح الخميس تحديدا 4 و10 صباحا
الجانى مشعوذ ويصلى معهم الصبح وله مشكله مع غفير المسجد وكان مختفى وربما اعتقد ان المؤذن هو الغفير وضربه ببلاطه على صدره
ووقع المؤذن ولاحقه بعضه على اذنه وانفه المؤذن ابنه يتبع للشرطه بلغ واخذت اقواله واقوال المجنى عليه وتم اسعافه بمستشفى الشرطه
وتم تحويله لمستشفى الشرطه الخرطوم والان حالته مستقره الشرطه لم ولن تقصر البلاغ عادى هناك مجموعات تناولته بظهور جن واخر جسم غريب
واخر بعدم استجابة الشرطة وحصلت قبل كدة في كوستي مجنون كتل المؤذن صلاة الصبح لانو كان بطردو ينوم في الجامع وبي سيف |
ود ابو سن ..تحياتي
لماذا لاحق الجاني المؤذن حتي باب منزله وحاول الدخول ؟
ولماذا تفاجأت اخت المجني عليه بمنظر الجاني ؟
ولماذا منع المجني عليه اخيه من اللحاق بالجاني ؟
طبعا الكلام ده حسب الرواية الاولي ..
اي جريمة غامضة وبشعة تنسب للجن والشياطين وتجد ارضية خصبة في ذهون السودانيين
لاعتقادهم المتوارث عبر الحكاوي والقصص (البعاتي-الغولة)....الخ .
انتشار المشعوذين والدجالين في هذا الزمن اصبح ظاهرة مقلقة ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
Quote: بانت دي بلدي وبعرفها كويس، زمان قبل دولة القرآن كان فيها سحاحيير جمع سحّار، شجرة اللالوب الجمب بيوت مدرسي الصناعة
الكسروهن هسع ديل، كان فيها سحار بربط للناس البمروا بهناك بعد المغرب وبكونوا ما بتحصنوا. زمان لما أجي بالليل بالعجلة من السوق الجديد
شايل فول ابظريفة في بستلة، من شارع الخرطوم كنت ببدأ أقرأ في يس (كنت حافظها)، لمان أصل جمب اللالوبة كنت بردد "وجعلنا من بين أيديهم سدا"
بصوت عالي وصوت جنزير العجلة ونفسي برتفعن عادل عيشين أخوي قال لي: مرّة كنت بشرك لطير في زقاق ناس حبيبون نص النهار،
شفتو نازل من الشجرة ضخم جدا، قلت يا سيدي الحسن اختفى |
الاخ ابوبكر عباس ..تحياتي
كنت في زيارة عمل في مدينة الباحة بالسعودية ونزلت في احدي الفنادق حدثت لي موقف غريب جدا
لولا لطف الله وقوة ايماني لاصبت بالجنون ولهذا فالجن موجود ومذكور القرأن الكريم ..
لكن برضو هناك الدجل والشعوذة وعبدة الشياطين الذين يسخرون الشياطين لخدمتهم ..
الدين علمنا طرق التحصين منهم ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
مجنون يا عارف
يسكو اي محل
ما بتقدر تفهم عقلو بفكر كيف
بتاع كوستي كتل المؤذن وانطلق ضرب في الناس بي سيف
ماقدرو عليهو الا دقشو بي عربية
وانا بتذكرو تماما
اسمو الزائيري
يتحدث الفرنسية والانجليزية
جاء من زائير بجي يشحد في السوق
شايل كتب وحديد كتير وبلبس لبس ضباط
قالوا كان دكتور جامعي
وقالوا وقالوا
شكلو متعلم تعليم عالي
قالوا محجب
فضو فيهو شنو وشنو وما عملت ليهو حاجة
ضرب واحد بعربية
الدنيا صباح زاتو وين القوة الاتجمعت عشان تضربو زاتو
بكرى ما تهاظر ياخ
بيت عمي جمبو لالوبة قالوا بالليل في زول عيونو زي اللمبة ساكن فيها . بنوم في الحوش ولا بقبل عليها
ولا شدرة النص الجمب رفاعة
كلهم قطعوهم!!!
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: سيف النصر محي الدين)
|
سلام يا عارف
انا حصلت لي حاجة غريبة جدا
في سنة البرلم الامتحانات قربت كنا البرالمة لوحدنا كانت في مشاكل باقي الجامعة مقفل كنا متجدعين في القراية محل عايز تقرأ بتلقى فاضي
يوم أنا قلت عايز اركز في شيت د. الربعة بتاعة ال Zoology مشيت قاعة في كلية المعمار وكنت لوحدي في القاعة وطبعا القاعة محاطة بشجر كثيف
اندمجت مع القراية بعد المغرب بمدة كدا فكرت امشي أشرب عصير في النشاط وأجي راجع
رفعت رأسي من الدفتر ألقى ليك القاعة مليانة قرود شي في الشبابيك شيء في المقاعد البعيدة مني يعني محاصر
اتجمدت عديل ولا اتذكرت آية كرسي ولا سورة يسن ولا أي حاجة الحاجة الوحيدة العملتها دنقرت في الدفتر تاني عشان ما أثير انتباها بالنظر ممكن تهاجمني
بديت أفكر هل ديل شواطين لأنو ما حسيت بأي حركة ليها ما مكن قرابة 30 أو 40 قرد تدخل ما أحس بيها ، المهم جريت نفس وفكرت انو ما اتحرك لو قعدن لبكرة
بديت أكح شوية شوية بدون ما ارفع رأسي وارفع في صوت القحة شوية شوية لما رفعت رأسي أشوف ليك آخر قرد ناطي من الشباك في الشجرة .
للآن ما لاقي تفسير للمسألة دي هل حقيقة أم خُيل لي حتى ما اتشجعت أسأل ناس المعمار من القرود دي
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: حمد عبد الغفار عمر)
|
Quote: مجنون يا عارف يسكو اي محل ما بتقدر تفهم عقلو بفكر كيف
بتاع كوستي كتل المؤذن وانطلق ضرب في الناس بي سيف ماقدرو عليهو الا دقشو بي عربية
وانا بتذكرو تماما اسمو الزائيري يتحدث الفرنسية والانجليزية جاء من زائير بجي يشحد في السوق
شايل كتب وحديد كتير وبلبس لبس ضباط قالوا كان دكتور جامعي وقالوا وقالوا شكلو متعلم تعليم عالي
قالوا محجب فضو فيهو شنو وشنو وما عملت ليهو حاجة ضرب واحد بعربية
الدنيا صباح زاتو وين القوة الاتجمعت عشان تضربو زاتو
بكرى ما تهاظر ياخ بيت عمي جمبو لالوبة قالوا بالليل في زول عيونو زي اللمبة ساكن فيها .
بنوم في الحوش ولا بقبل عليها ولا شدرة النص الجمب رفاعة كلهم قطعوهم!!! |
ود ابوسن
احتمال يكون مجنون لانو الزول البقرم النخرة والاضان ما ممكن يكون شخص طبيعي
يكون جيعان والا حاجة ..المجانين البكونوا لافين شكلهم بكون مخيف جدا ..
اعمل حسابك قالوا شجر اللالوب بسكنه الجن ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
Quote: الشي الوحيد الغريب و الممكن يشير الى الما ورائيات
انه لما ضربو بي طوبة على راْسه انشقت نصين !
لكن يا خسارة طلعت الانشقت نصين دي الطوبة و ليس راس الكائن الفضائي
و دي مسألة عادية جدا خصوصا مع طوب الزمن ده. |
قالوا كائن فضائي !!
هسع الكيزان يجوا اقولوا كائن فضائي كافر يهاجم مؤذن جامع
ههههههه ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: معاوية المدير)
|
تمكنت اداره المباحث ولايه الجزيره من القبض علي المتهم الذي اعتدي علي مؤذن مسجد حي بانت بمدني
وهوشخص يعاني من اضطرابات نفسيه وهوس ديني وهو انسان وليس مخلوق آخر حسب ماتم الترويج له بوسائل التراسل والمواقع الاجتماعيه
وتم التعرف عليه بواسطه الشاهد غفير المسجد وبصدد تكمله إجراءات البلاغ
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
كيفك يا عارف
لا أنا شفت قردة حقيقية ولعلمك من ديك تاني ما جيت جنب كلية المعمار لو ماشي الهندسة بمشي بالجزء الجنوبي من الميدان الغربي
بس أنا فسرت الأمر إنو الجامعة مقفلة والحركة خفيفة قد تكون القرود دي مهاجرة من المزارع الفي جروف النيل خاصة وانها بزرعوها موز في حتات الجامعة ديك
غير كدا شواطين مافي شك
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: حمد عبد الغفار عمر)
|
Quote: تمكنت اداره المباحث ولايه الجزيره من القبض علي المتهم الذي اعتدي علي مؤذن مسجد حي بانت بمدني
وهوشخص يعاني من اضطرابات نفسيه وهوس ديني وهو انسان وليس مخلوق آخر حسب ماتم الترويج له بوسائل التراسل والمواقع الاجتماعيه
وتم التعرف عليه بواسطه الشاهد غفير المسجد وبصدد تكمله إجراءات البلاغ . |
عباس الدسيس ..تحباتي ..
طلع الكائن زول مجنتر ومهوس دينيا ..
غايتو من الصورة لا تجزم بان هذا الشخص مجنون زول نضيف وهاديء ..
كما ان رواية اخت المجني عليه تختلف وتؤكد بان ما شاهدته قد افزعها ولا يمكن ان يكون مثل هذا الشخص مفزعا لهذه الدرجة ..
في الصورة لا يوجد اثر اي ضربة في جبهة الجاني حيث قال المجني عليه بانه ضربه بطوبة حتي انقسمت نصفين .. يكون الجاني لابس درع !!
الشغلانة دي ما راكبه عدلها ..
| |
|
|
|
|
|
|
|
|
|
Re: مؤذن بود مدني يتعرض لحادثة غريبة من نوعها (Re: Arif Nashed)
|
Quote: ياريت الدكاترة الهنا واخص دكتور سيف النصر وصحبه
يحدثونا عن الهلاويس البصرية والسمعية وعن الشلل في النوم
كل المسائل عندها تفسير علمي غير مربوط بالخرافة |
ود ابوسن..تحياتي
اضم صوتي لصوتك ونرجوا من دكتور سيف النصر تفسير هذه الظواهر الغريبة وهل لها علاقة بعالم الماورائيات ...
| |
|
|
|
|
|
|
| |
Arif Nashed
النذير حجازي
عبدالحفيظ ابوسن
أبوبكر عباس
حيدر حسن ميرغني
عمار عبدالله عبدالرحمن
ياسر منصور عثمان
سيف النصر محي الدين
حمد عبد الغفار عمر
معاوية المدير
عباس الدسيس
فيس بوك
تويتر
انستقرام
يوتيوب
بنتيريست