|
|
|
 Re: عضو المنبر المسجل عضوية بتاريخ 2009 محمد عم� (Re: فرح الطاهر ابو روضة)
|
الأخ فرح الطاهر سلامات
عندما قرأت ذلك البوست تاكدت من العصبية الحزبية في المنبر وبقانون انصر اخاك ظالما او مظلوما
الاخ لم يخطيء وسألك سؤال شرعي مسموح به وبطريقة لم تخرج عن الادب والحوار بانك (نفيت التهمة عن الاخ مجيدو دون ادانة دينق)
فماذا لو كتبت (كلمتين فقط) حتى ولو ادانة شكليه في البوست لدينق ؟؟؟ هل الحق اصبح خروجه بهذه الصعوبة ؟؟؟
لا اعرف ما يربطك بدينق ولكن أظنها الحزبية فلا اجد تفسيرا لما قُمت به
سلامات وارجوا ان تاخذ مداخلتي من باب المناصحة
سلامات
| |
 
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: اباذر عبد العال)
|
هاك يا ود جبريل
نحن ناس واجب وما بنقصر في عمل الخير 
Quote: لعلمك
انا ما عايز أكرمك حتى بما ذكرته
ببوست مجيدو يا دينق تعال أثبت |
Quote:
الكاميرا نفسها
انا ما عايز استخدمه لتصوير ما كتبته
بس سؤال
انا جيت لقيتك هنا في المنبر ده
حصل لشخصي شرف التواصل معك في بوست
اتفاق أو اختلاف
فياخ خليك في حالك
وعوس عواستك
انا اصلا لا عندي ليك شي
ولا جيت داخل البوست عشان مثلا
أوثق علاقتي بيك أو ارد عليك
بس انبهك
الطريقة بتاعت الهبل الإنتا دخلت بيها في بوست مجيدو
للرد على انا كان ممكن انسف من خلاله مجهودات مجيدو كلها
لو كنت انوي أن يحيد البوست من ما هو مخصص له
شفتو كيف انتو قليلين حيلة
الواحد لو عايز يخرب اجندتكم بأقل مجهود بخربة
شد حيلك مع دينق ومع عوداتك ليه
وزي ما بالنسبة لي انت كما الطيف
خليني في ردودك ومشاركاتك ما موجود
وقع ليك
يلا بأي
دمت كما أنت |
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: الامين موسى البشاري)
|
لا لا ياخ ما تبالغ معاي انت كمان
وحااااة الله المكان الفي راسك دة ما مكاني
لكن الجنا ابو روضة دة مزهجاني مشيتو المتبخترة في المنبر ليها زمن
حايم بالفنيلة الحمالات فارد عضلاته والبقول ليه ازيك ساي بشتح ليه بوست بي اسمه وانا ما شغال بيك وما بيناتنا معرفة وما عارف شنو
وكمان شغال منابيز من طرف ومرات حردان
ياخي قالوا ليك دة صالون في الحلة عشان تقعد تقول للناس ما بنتعارف !
قدر ما حاولت اعرف هو شايف في روحه شنو انا ما شايفو غلبني
هسة خليه يجي البوست شوفو كان ما عمل لي حركات الجكس بتاعة يا احمد عمر افتكر مافي بيناتنا معرفة
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: أحمد محمد عمر)
|
| Quote: عندما قرأت ذلك البوست تاكدت من العصبية الحزبية في المنبر وبقانون انصر اخاك ظالما او مظلوما الاخ لم يخطيء وسألك سؤال شرعي مسموح به وبطريقة لم تخرج عن الادب والحوار بانك (نفيت التهمة عن الاخ مجيدو دون ادانة دينق) فماذا لو كتبت (كلمتين فقط) حتى ولو ادانة شكليه في البوست لدينق ؟؟؟ هل الحق اصبح خروجه بهذه الصعوبة ؟؟؟ |
عارف يا برنس انت جبت التايهة
لكن موش بخصوص دينق
بخصوص البوست دة ذااااااتو
فرح الطاهر كالعادة بعد ما انتهى من تمارين الجيم وعاين لي روحه في المراية جاء فتح البوست عشان يقعد محمد جبريل في علبه
بعد مداخلتين الجماعة رسلوا ليه في الواتساب قالو ليه ها زول انت جنيت محمد عمر دة عضو معانا في قروب اصحاب بلا حدود
قووووم يا ابو روضة تعال لملم عفشك واتسحّب براااااحة براحة واقعد اتعذر والله انا ما قايلك معانا
نظام يعني نحن شلة المعانا يقول الدايرو الما معانا بنشتح ليه بوست بي اسمه نوريهو عضلاتنا
قااااامت الطامة الكبرى جات وييييين !
محمد عمر جبريل بتاع البوست دة طلع ما ياهو محمد عمر بتاع القروب
أها أنا اتطوعت غزغزت العراضات تاني عشان يواصلوا المباراة
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: اباذر عبد العال)
|
يا أبا ذر
الغريبة مجيدو
ما قال أبو روضة دغمس الموضوع
ويشكر على ذلك
وأنا أوضحت ليه لو كنت أعلم في مشاركة فوق تطلبني للشهادة
لما شهدت
عارف ليه
عشان الفي ظنو انه أبو روضة ما حيجي يظن على طول
وعشان جماعة افتراض دغمسة الموضوع
يكوتوا مجيدو أكثر من مجيدو نفسه
يا أبا ذر عشان يرتاح بالك
انا لا أخشى أحد إطلاقا وليس هناك من يستطيع أن يملي على ما اكتب
ولا أخضع لأي ضغوط من أي جهة كانت
وما قلته في البوست المعني من أراد أن يأخذ به فمرحب
ومن اعتبره دغمسة المهم اني ارحت ضميري
فيما يخص مجيدو ودينق ومن أعتقد بأن أمرهم يهمني
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: فرح الطاهر ابو روضة)
|
هههههههههههههههههههههههه
الله يجازي مُحنكم والله فعلا شر البلية ما يُضحك
وأنا اقول البوست دا مالوا بقا زي الناس الفارشين ويجوا ناس البلدية (كبسة)
تتلفت ما تلقا الا بواقي الواقع من البضاعة وقرد مافي
فتح البوست خلانا كلنا في الهواء ولم القدر يلموا وفرتق
كان كِدا نعمل نايمين يا اخ محمد عمر لما البلدية تفرتق ويرجع البوست
لكن جد الاخ فرح الطاهر كان يكتب ان شاء الله كلمتين ادانة لدينق على الاقل تكون واجهة (بلا حدود)
يحتاج ليها مستقبل الايام في (المواجهات والقروبات)
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: sadig mirghani)
|
يا البشاري احمد محمد عمر دا مرة قنطرني لناس الفيس بوك
اول ما بكري دا فتح شباك الفيس بوك علقت قلتا ناس المساطب الشعبية
دخل أحمد دا قنطرني للشوت والجماعة ما قصرو ردموني بلا هوادة ومن
الزمن داك عاوز لي فيهو فرصة يا اقنطرو يا اقبضو كربون لكن غلبني كلو كلو
الله لا تاجرو لياقتو سادومبا بس
| |
|
|
|
|
|
|
|
|
 Re: عضو المنبر المسجل عضوية بتاريخ 2009 محمد عم� (Re: عادل الباهي عبدالرازق)
|
| Quote: ما قصرت ابدا ههههههههه |
يقصر الملح يا السر اخوي
ما شفت البشاري فوق قال لي شكراً على (التعرية) .. مع إنه (تعرية) الأخوان رجالة
| Quote: الله لا تاجرو لياقتو سادومبا بس |
ههههههههههههههه انت لسة متذكر؟ قللللللبك اسود
يا باهي ابو روضة ما جربني في العكلتة وعامل فيها حريف لكن وحاة الله مزرور في الركن هداك حالته تحنن
قطعت ليه كل طرق هروبه المعتاد في راسه
لو حرد كالعادة بيأكد كلامي بتاع إنه بمارس حركات الجكس بتاعة حردت ليك البوست .. لو قال أنا ما بعرف احمد ولا شغال بيه بيأكد كلامي برضو لو حاول يبتزاني بي بوست بإسمي بيأكد كلامي حول إنه أي زول بختلف معاهو بشتح ليه بوست لو نبزني زي ما نبز البرنس دة برضو حيأكد كلامي بتاع إنه ابو روضة بتاع منابيز
صاحبك دخل البوست وبقى ما عندو أي حاجة غير (هههههههههههه) الفكاها دي
هههههههههه يا كبير؟! ويييين العضلات والتهديدات بتاعة لو لقيتك قدامي بقطع فيك مية كف؟
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: أحمد محمد عمر)
|
| Quote: يا ربي منو الرسل لي أبو روضة رسالة في الشلة |
رسلوها الرسلت ليهم تحياتكQuote: تحياتي لك ولأصحاب بلاحدود
يا محمد عمر |
أها النختها ليك طاخ يا ابو روضة
انت زول إمعة ما عندك رأي حقك براك بتتحامى بي شلة وما عندك أي مبادئ البورد بالنسبة ليك لعبة بواليس وحرامية .. أصدقاء وأعداء
الحوار نفسه ما من اهتماماتك ولا بتعرف تميز المداخلة من صاحب المداخلة
دينق لصق اتهامات خطيرة جداً في زول انت بتعرفه من سنين وعارف إنها اتهامات كاذبة وناجرها من راسه وعارف إنه تهمة الاتجار بالبشر وسرقة قروش الناس والنصب عليهم ما من التهم الممكن الزول يقول فيها باركوها .. لكن انت خواااااف ما بتقدر تقول دينق غلطان .. عشان دي حيطة انت بتتحامى بيها وخايفو يقطعو معاك لو غلطتو
فبالله البس ليك قميص استر بيه روحك بدل الفنيلة الحمالات الحايم بيها في البورد توري في الناس ضراعاتك وبطل حركات نفشة الريش دة منبر حوار ما غابة بيتطالعوا فيها التلاميذ نهاية الحصص
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: أحمد محمد عمر)
|
ا أبا ذر
الغريبة مجيدو
ما قال أبو روضة دغمس الموضوع
ويشكر على ذلك
________________________________________________________
مجيدو يا عمك ما قال دغمسه لانو طلبك شهاده .. وعازمك تشهد ..عشان كدا البتقولها قبلها منك
ما ممكن انت معزوم يقول ليك ده شوية ,,اخذ قليلتك وسكت ..
بدل تكتب كلام مختصر مفيد ..جيت عيييك عرجت على كم موضوع وكم حاجه
| |
|
|
|
|
|
|
|
|
 Re: عضو المنبر المسجل عضوية بتاريخ 2009 محمد عم� (Re: محمد عمر جبريل)
|
شوف يا فرح ..
عايز أقول ليك كلمتين تلاتة كدا في اضانك ..
نبل الأخلاق وإنسانيتنا ودينا السمح دا بخلينا نرفض كل الإساءات .. تمام .. سواء كانت عنصرية أو غير ذلك من الإساءات المبذولة
لمن يجي زول ما فارز طز من سبحان الله ويلصق ليك إتهامات في صمة خشمك زي كوز ومنافق والرصة الطويلة من المعاني الممكن تتفرع منهم الكلمتين ديل
دي إساءة زيها وزي أي إساءة عنصرية .. بل بالعكس كلمة كوز وإتهامك في دينك وفي تربيتك أشد تنكيلا وإيلاما من أي تلميح عنصري ممكن يخطر على بالك
الحصل في بوست الاخ العزيز جدا صلاح محمد عبدالدايم المعروف ب (صلاح شكوكو) كلنا شفنا الحاصل فيه شنو .. وإتطور بعد ما صلاح آثر الانسحاب أو سحبت منه الباسويرد
وأنا أرجح الخيار التاني ،، الحصل بعد كدا إنو جا نفس الزول الإستفز صلاح اشتبك في رجل مشهود ليه من الجميع بطيب وكرم وأصالة أخلاقه ..
الأخ مجيدو بكل عشم معرفة بيناتكم جا كورك ليك عشان تجي تشوف دينق قال شنو ..
ووالله يا ريتك ما جيت .. لأنك أثرت كمية من الحنق تجاهك .. سواء من معارفك أو من غيرهم .. كل العملتو جيت قلت لااااااااا .. مجيدو صاحبي وراجل طيب ! بالله ؟؟!
أها وبعد كدا ؟؟!
لمن قلت ليك النصيحة ووريتك سوء معيارك للحكم على المواقف (وليس الأشخاص) جيت افترعت البوست دا ..
بس أبشرك .. سواء بتعرفني وللا لأ .. في بينا تواصل في أماكن أخرى وللا لأ .. دا ما بمنعني أناصحك هنا وعلى الملئ .. مافي الخاص ..
ببساطة شديدة جدا لأنك مسيت اخلاق وأسرة مشهود ليها بكل ما هو جميل .. أسرة الراحل محمد عبدالدايم .. وصدقت كلام دينق إنو صلاح كوز وما عارف شنو كدا ..
إنتو أي زول ملتزم وعامل دقن دا اسمو كوز عندكم ؟؟ يعني يا الزول يبقى صـــــــعلوك ويجاهر بي معاصيه قدام الناس يا يبقى كوز ؟؟
إنت عارف كوز دي يعني شنو ؟؟
معليش أول مرة نتواصل هنا بس خليني أقول ليك مفردة كوز دي (براند) لي شنو :
الكوز في العقل الجمعي زول كضاب وحرامي وما عندو ذمة ولا أخلاق .. الكوز ممكن يكتل الكتيل ويمشي يعرس مرتو بكل ما أوتي من شهوة .. الكوز ممكن يبيع وطنو كلو عشان شوية قروش
هل في واحدة من الصفات دي بتنطبق على صلاح شكوكو؟؟
شفت كيف مرات لمن تتكلم وتتواصل مع زول لأول مرة في البورد هنا ممكن برضو تستفيد منو ..
الشاهد في الموضوع .. كان من باب أولى إنك بعد ما نفيت التهمة عن مجيدو .. إنك تدييييييييييييين بعبارات شوية كدا شادة حيلة ومليانة وواضحة جرؤة هذا الدينق على أخوك وصاحبك مجيدو
بس من الإصطفاف ما يعمي !
| |
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: محمد عمر جبريل)
|
كخبير ريسك اسسمنت و دامج كنترول أوصي ابو روضة بسحب البوست الناس ديل لواييق و استفردوا بيك
سردب اسي خلي العاصفة تمر لكن ممكنتلبد ليهم خاصة احمد عمر في ملف تاني
يا أحمد بالمناسبة عرفت كيف انه محمد عمر جبريل ماهو المعني الموجود في القروب, ما يمكن هوبس متغابي العرفة:) بتحصل هنا عادي
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: محمد عمر جبريل)
|
شغال منابيز من طرف ومرات حردان
------------------------------------------
يقعد محمد جبريل في علبه
-------------------------------------------
بنشتح ليه بوست بي اسمه نوريهو عضلاتنا
-----------------------------------------
حركات الجكس بتاعة حردت ليك البوست
==================================================
حبيبنا احمد محمد عمر .. مودتي ..
حبيبنا أحمد .. صدقني .. مشكلتي ليس لدي عمق في العامية السودانية .. من أجل ذلك لا أدخل في أي خلاف في المنبر
إنت خطير .. إقتبست بعض العبارات التي أوردتها في مداخلاتك ..
أول مرة أعرف لفظ ( بنشتح بوست ) بمعنى ( أفتح بوست ) ..
ما تقول أنا أحب المشاكل لكن أحب اللغة المتداولة في بوستات الردم (برضو مصطلح جديد )
ملاحظتي إنك يا الجبيب أحمد تعرف تركب الجمل بطريقة سلسلة ..
نحن ناس ضواحي الدنيا ..لو لغة الحوش كانت بالمحسية أوالدنقلاوية .. كنا تفوقنا على الحطيئة نفسه ..
ناس مجيدو وحامد بدري من عندينا .. كلن برضو محترفين ..
شكراً أحمد ,, إعبرها إستراحة ما بين الشوطين .. وكمان إستفدنا كورسات في سودانيز
أحمد الحبيب الظاهر عليك زول كده فاكهة المجالس ..
يا جماعة أبور روضة الظاهر عليهو زول على نياتو .. بس سريع الانفعال ..
مودتي للجميع ..
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: علي عبدالوهاب عثمان)
|
Quote:
بعد مداخلتين الجماعة رسلوا ليه في الواتساب قالو ليه ها زول انت جنيت محمد عمر دة عضو معانا في قروب
اصحاب بلا حدود قووووم يا ابو روضة تعال لملم عفشك واتسحّب براااااحة براحة واقعد اتعذر والله انا ما قايلك معانا
|
وين اعتذر ابو روضة ؟؟؟
في القروب يعني ؟؟؟
لاني ماشايف اعتذار هنا
ولو اعتذر خلاص القصة انتهت
وانت اكيد شفت اعتذارو في القروب كان تتكرم تجيبو معاك
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: علي عبدالوهاب عثمان)
|
يديك العافية عمنا علي
والله وما طالبني حليفة لمن المسلمي حاول يتحرش بي ابو روضة في رزقه وسلامته الشخصية أنا كنت في راس المعترضين وما قضيت لي شغلة غير البوست داك أشيل واشاكل ومرات احنس في المسلمي عشان الموضوع دة ما لعب وعشان كنت زيك كدة شايف ابو روضة زول طيب وعلى نياته
لكن الحصل إنه عمل ليه رويشات وبقى ما شايف في الدنيا دي غير روحه وهسة البوست دة عامله عشان بس ود جبريل قال فيه رأي جاي يقول ليه انت ما بتعرفني وما تتكلم معاي .. التقول لقاهو في خشم بيته
دة منتدى حوار ياخ أي زول عندو فيه باسويرد من حقه يتداخل ويقول العاوزه ومجيدو لو عاوزك في موضوع شخصي كان ضرب ليك تلفون ما كان طلبك قدام خلق الله
يا البشرى جبريل ختاها واضحة| Quote: بعدين الزول دا شكلو ملخبط بيني وبين زول تاني في أصحاب بلا حدود وللا أطباء بلا حدود دي ! |
القروب فيه طن من الأعضاء الموجودين هنا لو كان هو المعني ما بقدر يستغفلهم كلهم .. أكيد واحد حيقبضو
وباي سينس كدة ما جاني أي احساس بمحاولة تذاكي في عبارة جبريل بل حسيت فيها بالحيرة
وعلى صعيد آخر ناس القروب كتااااار هنا ومطلعين على البوست دة لو تحليلي غلط كانوا (الخبراء) بتاعينهم ردموني
| |
|
|
|
|
|
|
|
|
|
Re: عضو المنبر المسجل عضوية بتاريخ 2009 محمد عم� (Re: محمد البشرى الخضر)
|
ياخي دة احتمال بعيد شديد
يعني هو شايفني عاضي سنوني كايس لي لمة فيه يقوم يشتح بوست بي اسمي ؟!
وهسة لمن جيتو موش خلى سفنجاتو وشرد من البوست!
ياخي هو هسة شغال في سرو الله يفكني من اللايوق دة
يا ناصر انت راكب غلط شديد والله
الزول مسح تعليقاتو كلها وقعد يتبسم ويرسل في التحيات لجبريل والأصدقاء الافتكرم مشتركين
بعدين انت قايل أنا داخل هنا عشان مشكلة دينق ومجيدو أو حتى مشكلة جبريل وفرح ! وحاتك ديل اتسببت بيهن ساي أنا جاي قاصد ابو روضة عدييييل في شخصه وأجندتي شايلها معاي في جيبي قبل أدخل البوست
| |
|
|
|
|
|
|
| |
فرح الطاهر ابو روضة
اباذر عبد العال
البرنس ود عطبرة
محمد عمر جبريل
الامين موسى البشاري
د.محمد حسن
عادل الباهي عبدالرازق
محمد البشرى الخضر
علي عبدالوهاب عثمان
ناصر حسين محمد
قسم الفضيل مضوي محمد
فيس بوك
تويتر
انستقرام
يوتيوب
بنتيريست