|
|
|
 Re: بعيداً عن العواطف..صباح الخير يا جاري إنت � (Re: محمد بشير عبادى)
|
أعلنت حكومة ولاية النيل الأبيض، وصول أكثر من (300) ألف لاجئ، من جنوب السودان إلى أراضيها، في أوقات متفاوتة، هرباً من نيران الحرب الدائرة في بلدهم، وأكدت اهتمامها بلاجئي جنوب السودان وتقديم الدعم اللازم لهم في معسكراتهم بالولاية.
وكشف معتمد محلية الجبلين، “موسى الصادق” لــ”الشروق”، أن لاجئي جنوب السودان والذين يفوق تعدادهم أكثر من (300) ألف لاجئ، ينتشرون في محليتي السلام والجبلين على وجه الخصوص .
وأكد “الصادق” بأن حكومة الولاية تضطلع بدورها الإنساني كاملاً في تقديم خدماتها، فيما يختص بالغذاء والدواء والكساء بالتنسيق مع المنظمات الوطنية والدولية.
يشار إلى أن تدفق لاجئي جنوب السودان بأعداد كبيرة إلى النيل الأبيض هرباً من القتال الدائر في بلدهم بما يفوق إمكانيات الولاية، الشيء الذي دعاها لمناشدة المجتمع الدولي والشركاء لطلب المزيد من المساعدات لمقابلة احتياجات اللاجئين.
المجهر السياسييشار إلى أن تدفق لاجئي جنوب السودان بأعداد كبيرة إلى النيل الأبيض هرباً من القتال الدائر في بلدهم بما يفوق إمكانيات الولاية المصدر : andlt;a href="http://sudaneseonline.com/cgi-bin/sdb/2bb.cgi؟seq=postandboard=490andmsg=1488650418andrn=1[/red" target=_selfandgt;بعيداً عن العواطف..صباح الخير يا جاري إنت في حالك وانا في حالي (بخصوص أزمة جنوب السودان)بعيداً عن العواطف..صباح الخير يا جاري إنت في حالك وانا في حالي (بخصوص أزمة جنوب السودان)]
| |
 
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
"هم لاجئون لظروف خلوقها هم بأيديهم (الحرب الأهلية) لا ذنب لدولة السودان فيها"
في دي كذبت يا راعي البوست
المتسبب الأساسي في مشكلة الجنوب وما تبعها من حروب أهلية
هو النخب الشمالية منذ الإستقلال وحتي الآن
ودولتهم وجيشهم
(وقبل ذلك وبعده سادتهم في حكومات مصر ومخابراتها)
بل واللاعب الأساسي في كل بلاوي الجنوب والشمال
من حروب أهلية ومجاعات وتشرد ولجؤ
وتدمير للإقتصاد والبني التحتية
هو الحكومه الحالية في السودان
برئاسة المشير البشير
وتياسة جل الإسلاميين
الحكومة الديمقراطية المنتخبة في العام 1986
برئاسة الصادق المهدي
كانت بصدد قيام المؤتمر الدستوري في يوليو 1986
لحل مشكلة الجنوب والحرب الأهلية حلا جذريا
ومحاولة الجل الجذري تلك
هي التي دفعت بمجموعات الحرب وأمراءه
في الجيش والحركة الإسلامية
لتنفيذ إنقلاب 1989 وإلغاء المؤتمر الدستوري
وكل إحتمالات الحل السلمي
وهاك يا حروب وعرس شهيد وتخريب وتدمير
وتجويع وتشريد بحق مواطنيين سودانيين
مصيبتهم أنهم ربما كانوا عقبة في الدولة التي حلم بها الإسلاميون
ومشروعهم الحضاري
(لإعادة صياغة الإنسان السوداني ... ويالها من صياغة!!!)
ما علينا
إذا قدرت توقف كم مليون بقرة للمسيرية والرزيقات
ترحل جنوبا كل صيف
فبالله أرفض إستقبال الجنوبيين
ولا أقول ليك
لو قدرت توقف القصر الجمهوري
من إصدار جوازات سودانية للاجئين السوريين
أطرد الجنوبيين
فزي ما اللاجئين السوريين يدفعون رشاوي للبشير
لإصدار جوازات سودانية
الجنوبيين يدفعون رشاوي لناس الامن الحارسين الحدود
ليدخلوا السودان
عليكم يا ناس الديكتاتورية
حنس لؤم
ما شفناه حتي في نازيي ألمانيا قبل وأثناء الحرب العالمية الثانية
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: Nasr)
|
"هم لاجئون لظروف خلوقها هم بأيديهم (الحرب الأهلية) لا ذنب لدولة السودان فيها" في دي كذبت يا راعي البوست المتسبب الأساسي في مشكلة الجنوب وما تبعها من حروب أهلية هو النخب الشمالية منذ الإستقلال وحتي الآن ودولتهم وجيشهم (وقبل ذلك وبعده سادتهم في حكومات مصر ومخابراتها) بل واللاعب الأساسي في كل بلاوي الجنوب والشمال من حروب أهلية ومجاعات وتشرد ولجؤ وتدمير للإقتصاد والبني التحتية هو الحكومه الحالية في السودان برئاسة المشير البشير وتياسة جل الإسلاميين الحكومة الديمقراطية المنتخبة في العام 1986 برئاسة الصادق المهدي كانت بصدد قيام المؤتمر الدستوري في يوليو 1986 لحل مشكلة الجنوب والحرب الأهلية حلا جذريا ومحاولة الجل الجذري تلك هي التي دفعت بمجموعات الحرب وأمراءه في الجيش والحركة الإسلامية لتنفيذ إنقلاب 1989 وإلغاء المؤتمر الدستوري وكل إحتمالات الحل السلمي وهاك يا حروب وعرس شهيد وتخريب وتدمير وتجويع وتشريد بحق مواطنيين سودانيين مصيبتهم أنهم ربما كانوا عقبة في الدولة التي حلم بها الإسلاميون ومشروعهم الحضاري (لإعادة صياغة الإنسان السوداني ... ويالها من صياغة!!!) ما علينا إذا قدرت توقف كم مليون بقرة للمسيرية والرزيقات ترحل جنوبا كل صيف فبالله أرفض إستقبال الجنوبيين ولا أقول ليك لو قدرت توقف القصر الجمهوري من إصدار جوازات سودانية للاجئين السوريين أطرد الجنوبيين فزي ما اللاجئين السوريين يدفعون رشاوي للبشير لإصدار جوازات سودانية الجنوبيين يدفعون رشاوي لناس الامن الحارسين الحدود ليدخلوا السودان عليكم يا ناس الديكتاتورية حنس لؤم ما شفناه حتي في نازيي ألمانيا قبل وأثناء الحرب العالمية الثانية
----------------------
يعني معنى كلامك ده يا نصر كراعنا في رقبتنا نستضيفهم تكفيرا عن ما ذكرت لو كان صحيحا
فوقوا ياعالم وبطلوا عاطفة فارغة
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
في الأعوام 1984-1985
كنت شغال في مفوضية اللاجئين في السودان
أديك حقيقة (وليس سرا)
كل ما يكون في لاجئين في السودان
فإن المستفيد الاول هو الحكومة
(بما يرد إليها من عملات صعبة من المنظمات العالمية
والدول المانحة ومنظمات الإغاثة)
والمستفيد بعدها كمية من الارزقية
(بدأ ممن يبيعون الجوازات لللاجئين
وليس إنتهاء بمن يوردون المعونات للمعسكرات)
وآخر المستفيدين هم اللاجئين أنفسهم
أن يجيك لاجئ من بلد حاربته ثم فصلته
هي فرصة تاريخية لتصحيح خطأ
لتصحيح خطأ الإنفصال
بالمعاملة الكويسة
(والإنت كحكومة شمال قطع شك ما دافع تمنها)
تدي فرصة للجنوبيين لإعادة النظر للشمال
بوجهة نظر جديدة
وبناء علي تجربة مختلفة
فربما أعادوا النظر في الإنفصال
في وحدة السودان شمالا وجنوبا
مكسب للجميع
الشمال قبل الجنوب
فهلا إغتنما الفرص
كل الفرص لذلك ؟؟؟؟؟
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: Nasr)
|
يا أخ نصر إنت قريت البوست كويس؟؟!!
انا ما عندي اعتراض لاستضافتهم كلاجئين بعد ما يقوم المجتمع الدولي بمسؤوليته تجاههم
بس إعتراضي على العنتريات من باب معاملتهم كمواطنين والسماح لهم بالاقامة داخل المدن وووو .. مما يشكل تهديدا أمنيا وصحيا
بعدين شنو حكاية الوحدة البتتحدث عنها ما هم كانوا مواطنين عديل قبل كده سووا شنو؟؟!! ما براهم اختاروا الانفصال وفي بعضهم ما قدروا يتعايشوا حيجوا بعد ده كلو يتعايشوا معانا تاني!! ..
التلصق ده لشنو؟؟!! بس عشان الشيوعيين والعلمانيين السودانيين ، ناس ما يسمى قطاع الشمال عايزين كده؟!! .. الداير الجنوب يمشي يعيش هناك ويعمل مليون حركة بس ما تزحمونا في بلدنا
يا خوي ده كلام مفروغ منه .. يتعاملوا كلاجئين وعلى الامم المتحدة الصرف عليهم في غذائهم وايوائهم .. السودان ما ناقص
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
"صباح الخير يا جاري إنت في حالك وانا في حالي .. يعني كل زول يلزم حدودو وبس"
لو قريت ردي كويس
لو بتقدر تلزم كل زول حدو
حاول وقف المسيرية من الهجرة الموسمية السنوية
داخل الجنوب
ما بين الشمال والجنوب ليس له أيه دخل بالعواطف
مصالح وربما أكثر
ماسورة بترول، هجرة أبقار وبشر وتجارة حدود
(بما فيها تجارة السلاح)
لو زعلان من اللاجئين من الجنوب
حقو تزعل من مزارعي الزراعة الآلية البمشو يجيبوا عمالة من الجنوب
ثم أن حروب الجنوب الأهلية
(بين مشار ورهطه وسلفا ورهطه)
هل تصدق أن حكومة الشمال لاعب أساسي فيها؟؟؟
قبل أن تحدث وبعد أن حدثت !!!!!
لو خليتوهم في حالهم حيخلوكم في حالكم
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: muntasir)
|
لمن تخارجو لينا السوريين وغيرهم من الجنسيات المليتو بيها البلد
تاني تعالو اتكلمو عن الجنوبيين
مهما يكون الجنوبيين وجودهم بيننا مافيهو اي مساوي لا قبضو
عندهم تصنيع متفجرات ولا تزييف عملة ولا تصعلقو ونبزو
الجنوبيين ديل فيهم ناس جوبا دي شافوها بعد الانفصال ولدو وترعرعو
في الخرطوم وفي كيزان الخرطوم دي الواحد جاءها بعد ماشنبو شاب
سبحانك ربي
السودان الشمالي ليس ملك للبشير ولا الكيزان ملك لشعبه خلي بشيرك
يعمل إستفتاء اليوم بين الوجود الجنوبي والوجود السوري وحتشوفو
بعينكم الفرق
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: خالد حاكم)
|
الاخ الكريم / محمد بشير عبادى
الجنوب سيظل جزء من الوطن العزيز
عندما تم فصل الجنوب يا مواطن لم تصوت انت على ذلك
واذا عايزين يدخلوهم برضوا يا مواطن مش عايزين رايك كمان بدخلوهم
الكلمة الطيبة جواز سفر
مكن بكرة نحتاج نمشى الجنوب
خلى الباب متاكى
دمت طيب
كامل احترامى وتقديرى
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: عادل الباهي عبدالرازق)
|
خلي بشيرك يعمل إستفتاء اليوم بين الوجود الجنوبي والوجود السوري وحتشوفو بعينكم الفرق
-------------------
ما عملوا ليهم استقتاء قبل كده وقالوا ليكم باي باي وسخ الخرطوم.. شنو التلصق في الجنوبيين ده يا باهي ناس قالوا ما عايزنكم تجوا تقولوا دايرنهم بس عشان الشيوعيين ما لاقين ليهم لافتة يحاربوا وراها غير الحركة الشعبية؟
مصلحتنا شنو كشعب سوداني في الجنوبيين؟؟.. ياخي ديل بقوا زي المرة المطلقة دايرة النفقة والمتعة زي ما كانت متزوجة.. يعني الناس ديل سيك سيك معلق فيك
بعدين السوريين ضروك بشنو؟ ياهو خبر المتفجرات اياه المامعروف قصته شنو؟ الشوام يا سيدي ساهموا في تعليم السودانيين وساهموا في ادخال الاصناف المختلفة من التجارة منذ العهد التركي مرورا بالمهدية ثم الاستعمار الانجليزي الى عهدنا هذا..ناس اصحاب حضارة وبشتغلوا بضراعهم والان استثماراتهم مالية البلد رغم الظروف البمروا بيها
الجنوبيين قدموا شنو غير الحروب والدمار للسودان؟؟ وحتى بعد ما انفصلوا لم يستطيعوا التعايش مع بعضهم دعك من ان يتعايشوا معنا
ده كله كوم واغاثتهم على حساب شعبنا النازح في جنوب النيل الازرق وجنوب كردفان ودارفور كوم تاني.. تلك المناطق التي ساهموا في زعزعة اهلها بقيام كيان ما يسمى بالحركة الشعبية شمال
ياخي حتى حزبهم الحاكم لم يتخل عن لاحقة تحرير السودان..تحريره من من؟ منا نحن السودانيون؟ وبعد ده تجي تقول اغيثوهم؟؟ ليه ادوعل الثعبان عشان يجي يلدغني كما لدقني قبلا
على المنظمات الدولية القيام بدورها تجاه هؤلاء القوم وعلى السلطات السودانية القيام بواجبها تجاه شعبها بحماية الحدود واستضافة اللاجئين الجنوبيين في معسكرات على التخوم وفق المعايير الدولية للجوء
ويا البشير بطل عنتريات .. سمعنا اليوم في الاخبار ارسال 700 ولا كم طن كده في جسر للجنوب.. الجسر ده اولى بيهو فقراء السودان ونازحيه..والاكل لوما كفى اهل البيت يحرم على الجيران
دي مسؤولية دولية وليست مسؤولية السودان
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
الرئاسة السودانية توجِّه بحشد الجهود لمساعدة الجنوب
دعت الرئاسة السودانية، يوم الأحد، لحشد الجهود الوطنية كافة، وتسهيل الجهود الدولية لتعزيز الوضع الإنساني في دولة جنوب السودان بكل المعينات الغذائية والدوائية، وغيرها من المستلزمات الإنسانية، لمساعدتها في مواجهة المجاعة التي تشهدها أجزاء منها.
وبحث اجتماع رفيع المستوى للجنة العليا للعون الإنساني ترأسه نائب الرئيس حسبو محمد عبدالرحمن، بحضور عدد من ولاة الولايات والمسؤولين المعنيين فى مجال العون الإنساني، تداعيات المجاعة في دولة جنوب السودان والإجراءات التي تم اتخاذها.
ووجَّه الرحمن بإيلاء قضية دولة جنوب السودان الاهتمام الكافي، وتشكيل لجنة لحصر الوافدين من اللاجئين الجنوبيين للسودان، حتى تتمكن الحكومة وضع خطة متكاملة لمعالجة قضاياهم.
وقال مفوض العون الإنساني د. أحمد محمد آدم، في تصريحات صحفية، إن الاجتماع تداول حول عدد من القضايا المتعلقة بالشأن الإنساني وموقف تنفيذ التكليفات السابقة المتعلقة بتعزيز الأوضاع الإنسانية في السودان، بجانب تداعيات المجاعة في دولة جنوب السودان والإجراءات التي تم اتخاذها.
وأضاف أن الاجتماع استعرض الموجهات الإنسانية المعدلة للعمل الإنساني في السودان، لافتاً إلى أن نائب رئيس الجمهورية وجَّه في هذا الصدد بضرورة التنسيق المشترك بين الجهات كافة لإنفاذ هذه الموجهات على الوجه الأكمل، بصورة تمكن السودان من الالتزام والقيام بواجباته.
وأشار المفوض إلى أن الاجتماع تطرَّق إلى عدد من القضايا المتعلقة بتسهيل الإجراءات الجمركية والإعفاءات للمنظمات ووضع الضوابط اللازمة.
شبكة الشروق + وكالات
-------------------------
اهو جنس الكلام ده الخلانا نحذر منو.. شنو حشد جهود ولجان عليا ووو.. لي منو لي ناس بكرة يقبلوا علينا زي ما عملوها قبل كده في هجليج؟ اول ما انفصلوا ويادوبك ما شموا الهوا دخلوا هجليج وخسرونا ارواح واموال
خلوا المجتمع الدولي يقوم بدورو.. معليش ممكن تعملوا احصاء بالاحتياجات وعدد اللاجئين لتوفيق اوضاعهم .. لكن اعفاءات جمركية وحشد جهود ده كلام ما بنفع يا حكومة السودان.. ده بريح الشيوعيين والعلمانيين في حنانهم.. ديل اصحاب ما يسمى بالمشروع الفاشل السودان الجديد.. نحن كمواطنين سودانيين ما عندنا فايدة من ده كله بل متضررين.. اولى ناسنا من هؤلاء القوم الابوا في بعضهم يتعايشوا نحن مالنا؟؟؟؟
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
قال جهاز الأمن والمخابرات الوطني, إن الحركة الشعبية تمارس القتل والنهب والدمار كسلوك يومي تنتهك به حقوق المواطنين.
وجدّد نائب المدير العام الفريق أسامة مختار، الدعوة لقادة الحركات للإقبال على الحوار تلبية لنداء رئيس الجمهورية وإنسان الولايات المتأثرة بالحرب. وقال خلال احتفال بالنيل الأزرق بمنح وسام الإنجاز العسكري ونجمة الإنجاز، إن الحركة الشعبية ظلت تتجاهل المناشدات الدولية والإقليمية للحاق بركب السلام والحوار ووضع حد للقتل والنهب والدمار الذي تمارسه كسلوك يومي تنتهك به حقوق المواطنين، مدللاً على ذلك بجرائم الحركة في الحجيرات والمشايش. وأكد مختار, أن حلقات الوفاق بدأت تستكمل بتعيين بكري حسن صالح رئيساً لمجلس الوزراء، قائلاً: (هو اختيار صادف أهله فالرجل قيمة وقامة، ولقادة هذا الحوار الوطني أن يفخروا وحوارهم يثمر بهذه النماذج المشرفة، لنستشرف مستقبلاً واعداً). وأشار إلى أن جهاز الأمن, يقف على أقدام راسخة معضداً بتاريخه الناصع وإرثه الحافل في البذل والعطاء والتضحية، قائلاً إن المهنية المحترفة للجهاز أهلته ليتقلد دوره الطليعي.
الانتباهة
--------------------
اها خموا وصروا .. كده كويس؟؟؟.. خلاس املوا للجنوبيين جسر جوي ماكن وشونوهم .. بس ما تتباكوا بعدين وتقولوا دعموا قطاع الشمال وكتلوا ناسنا زي الخبر اعلاه
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
استخبارات جوبا تعتقل أعضاءً من حركة أبو القاسم إمام
أنهى رئيس حركة تحرير السودان الثورة الثانية أبو القاسم إمام خلافات مع الحكومة، بالعودة للخرطوم بعد توقيع اتفاق سلام بالدوحة. وقطع إمام في مؤتمر صحفي في مطار الخرطوم أمس بأن عودته للبلاد نهائية، وقال: (رغم وجود أشخاص يحرضون ويشككون في عودتي ويقولون إنها ليست نهائية، لكني أجزم بأنها نهائية ولن أعود ثانية إلى مربع الحرب).
وجزم أبو القاسم بأن عودته للخرطوم ليست من أجل منصب وزير أو منصب وال، وقال: (أنا لم أختلف عندما خرجت مع الحكومة من أجل منصب)، وأضاف قائلاً: (أنا خرجت من أجل قضية ووجدت حلها في الحوار الذي خاطب جذور المشكلة)، وقال إنه منذ أن أطلق الثورة الثانية لم يذهب لأوربا ليبحث عن منصب بل ذهب إلى الميدان.وكشف أبو القاسم عن اعتقال استخبارات دولة الجنوب عدداً من قياداته، ودعا سلفا كير للتدخل وإطلاق سراحهم، وقال: (وصلت إلى الخرطوم وسوف أبدأ في اتصالات رسمية وغير رسمية لإطلاق سراحهم من سجون الجنوب)، في وقت أفصح فيه عن إجرائه اتصالات مع حركة مناوي للالتحاق بوثيقة الحوار، وأكد أن الفرصة مواتية لهم للانضمام للسلام وألا يكونوا وقوداً للحرب، وأقرَّ بوجود بعض الإشكالات في وثيقة الدوحة، ودعا إلى التعاون لحلها وإنزال بنودها لتلامس حياة مواطن دارفور اليومية.
الانتباهة
----------------
اها حتى الدايرين سلام بعتقلوهم.. برضو ادعموا لسة ومدوا الجسور.. دي عواطف وللا عوارة!!!! في حسابات الدول مافي كلام زي ده .. دي تعتبر دولة معادية تقطعوا معاها ناشف طواالي مش كمان تدعمها!!!
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
هاكم الخبر ده للذكرى:
جنوب السودان تحتل هجليج النفطية /2012/4/10
احتلت قوات عسكرية من دولة جنوب السودان اليوم الثلاثاء مدينة هجليج السودانية الغنية بالنفط الواقعة على الحدود بين البلدين، وذلك بعد ساعات من اتهام دولة الجنوب للخرطوم بجرح أربعة مدنيين في تجدد لقصف أراضيها على طول الحدود المشتركة بين البلدين قرب منطقة أبيي. وقال مراسل الجزيرة المسلمي الكباشي إن الهجوم الذي شنته قوات الحركة الشعبية بقيادة رياك مشار نائب رئيس جنوب السودان كان كبيرا ومن ثلاثة محاور، وإنه أوقع خسائر كبيرة جدا. وأضاف أن سيطرة دولة جنوب السودان على منطقة نفطية مهمة تابعة للسودان تطور كبير من جانبها، وأنه قد يضع في يدها ورقة قوية للمفاوضات، كما أن الخيارات محدودة أمام الحكومة بالخرطوم لأن استخدام سلاح الطيران لاستعادة السيطرة بهذه المنطقة سيشكل خطرا على مصادر النفط. ونقل مراسل الجزيرة نت عن مصادر بالمنطقة قولها إن العاملين بحقول النفط السودانية بالمنطقة قد غادروها بعد اغلاق آبار البترول تحسبا لأي أضرار قد تلحق بها. كما تمكنت قوات سودانية من إجلاء عمال نفط آخرين إلي مواقع أخرى. ولم يصدر تعليق من الخرطوم حول هذه التطورات. وكانت المنطقة قد شهدت هجوما مماثلا بالرابع والعشرين من الشهر الماضي لم يكتب له النجاح رغم إعلان رئيس حكومة جنوب السودان سلفاكير ميارديت عن احتلال قوات جيشه للمنطقة. وأصدرت القوات المسلحة السودانية بيانًا بالـ31 من الشهر الماضي كشفت فيه عن حشود عسكرية لقوات الجيش الشعبي والحركات المتمردة الأخرى المدعومة من دولة جنوب السودان جنوب منطقة هجليج بولاية جنوب كردفان بغرض الهجوم عليها مرة أخرى، بينما تصدت القوات لهجوم على منطقة تلودي بالولاية ذاتها وفق البيان. وأوضح ذلك البيان أن القوات المسلحة "تصدت لفلول المتمردين المدعومين بالدبابات والمدفعيات من دولة جنوب السودان تم صدهم وتكبيدهم خسائر كبيرة في الأرواح والمعدات. وتضم هجليج حقل نفط كبيرا على الجانب السوداني من الحدود ينتج نحو نصف إنتاج السودان من النفط الخام البالغ 115 ألف برميل يوميا، وقد حصل السودان عليه بموجب حكم لمحكمة التحكيم الدائمة في لاهاي عام 2009، غير أن أجزاء من المنطقة الحدودية لا تزال محل نزاع. وتأتي هذه التطورات بعد ساعات من إعلان وزير إعلام جنوب السودان بارنابا ماريال بنجامين أن أربعة مدنيين بينهم طفل أصيبوا بجروح عندما قصفت الطائرات السودانية منطقة أبيمنون على بعد حوالى أربعين كلم من الحدود بين البلدين. وأضاف "الهدف كان جسرا إستراتيجيا في أبيمنون" متهما الجيش السوداني بالتحرك للاستيلاء على حقول النفط بولاية الوحدة بجنوب السودان حيث تقع أبيمنون، دون أن يوضح ما إذا كان الجنود السودانيون قد دخلوا فعلا أراضي الجنوب، لكنه قال إن لواءين من القوات المسلحة السودانية مدعومة بـ16 دبابة "ومليشيات موالية للخرطوم" تتقدم باتجاه الولاية. وكان الرئيس السوداني عمر حسن البشير قد اتهم أمس الاثنين الجار الجنوبي بتسليح وإيواء "حركات دارفورية مسلحة متمردة" معتبرا أن التعديات والخروق من قبل جوبا تمثل روحا عدوانية غير مبررة، لكنه جدد تمسكه بحل المشكلات عبر الحوار والتفاوض. وأكد البشير أن استمرار دعم "الدولة الوليدة" لمجموعات مسلحة من ولايتي جنوب كردفان والنيل الأزرق رغم أنهما لم تعودا تابعتين للجنوب "تصرف غير مقبول نهائيا بالنسبة للخرطوم، وقد ثبت تورطهم في تلك الأفعال بالأدلة والتصريحات". يُذكر أن البلدين خاضا معارك عنيفة يومي 26 و27 مارس/ آذار الماضي، بعد أقل من عام علىتقسيم السودان في تموز/ يوليو 2011. وما زال الطرفان يتبادلان الاتهامات بمواصلة الهجمات.
المصدر : الجزيرة + وكالات
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
مداخله لها علاقه بهذا البوست:
من دواعي السرور، نرحب بالٱخوه من دولة جنوب السودان وبالإخوه السوريين اللاجئين(كليهما) في بلدهم الثاني السودان وياريت السودان "غابه" وباقي الناسحطابه... من الناحيه الأخري الواحد لما يقارن وينظر لكيفية تعاملنا مع ،إخوتنا من دولة جنوب السودان اللاجئين بالنيل الأبيض وكيف جادعنهم في معسكرات نائيه بالجبلين ومسكننهم في خيام مرتهله وفي وضع بيئي ، صحي وإقتصادي مزري يجد الفرق بائن وكبير إذا ماقارناهم باللاجئ السوري والذي يسكن لا في خيام للاجئين بل يسكن في قلب عواصم المدن السودانيه وكيفية تقديم الخدمات له تعتبر راقيه. إخوانا لاجئي دولة جنوب السودان هم جزء لايتجزأ منا(مشتركين في المصير بكل تفاصيله) والسودان الشمالي الحالي قام علي موارد الجنوب بل إتبني بأيدي إخوتنا الجنوبين من ضمن غيرهم(المباني الشاهقه بالعمارات، المنشيا، كافوري، الصافيه وغيرها) كل شي فيها من بنيه تحتيه شوارع، مستشفيات، مدارس، القصر الجمهوري، المجلس الوطني وحتي جامعاتنا الإسلاميه ومسجد الشهيد كل هذا قد تم تشيدوا بقوة عضلهم الجسماني ولم يكن بالرافعات والفوركليفتات وقتها.. فمن باب اولي هذه المعدات الإنتاجيه والمساعدات الماليه برضها تقدم للاجيئ دولة الجنوب بنفس الطريقه القدمناها للإخوتنا السوىيين وان نسكنهم بقلب الخرطوم وفي داخل بيوتنا كما يتفاخر ويتباهي البعض منا بان يفتحوا بيوتهم وقلوبهم للإخوه السورين!! هل اولي بهذا الكرم "الطائي" إخوتنا بدولة الجنوب الشقيقه ام إخوتنا بدولة سوريا!!!! نضع إخوتنا في العراء وفي خيام وفي وضع معيشي صعب وكانهم جربانين وفي نفس الكفه الأخري نضع الناس البعاد منا في قلب مدننا ونتنافس في خدمتهم وإعلامنا بكل فخر مسخر لهم ويتباهي بتقديم كل مايملك لأجل راحتهم علي حساب المواطن الغلبان وعلي حساب إخوتنا بدولة الجنوب!! تتسابق وتتنافس منظماتنا الخيريه لتقدم آخر ما عندها من مشاريع إنتاجيه للإخوه السوريين ولأسرهم وتترك اهلنا الجنوبين في أقاصي النيل الابيض للأمرين!! العدل يقتضي مادام حجزنا إخوتنا الجنوبين في مناطق نائيه وفي معسكرات مخصصه للاجئين كان برضوا يكون نضع معهم السوريين في معسكرات والكل يكون تحت مظلة الامم المتحده (موت الكتيره عيد) .. لكن، ماحدث والله امر مخزي وماعندو اي تفسير غير أننا ناكرين للدم واللحم(من باب الوطن الواحد الكان) وناكرين فضل الجنوب كموارد علي دولتنا وعملية إستغلالنا لها في بناء السودان الحالي! كل العساكر والسياسين بدولة السودان ماكان قرأوا ولاكان وجدوا هذه المناصب ولامطخ العيش الهم فيه الآن، لولا موارد جنوب السودان الوفيره التي كاوشناها وسرقناها منهم ولم نقدم لهم اي مقابل يذكر طيلة تلك المده الماضيه ليعتمدوا عليه في بناء دولتهم!!
| |
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: Mohamed Adam)
|
مرحبا محمد آدم
نضع إخوتنا في العراء وفي خيام وفي وضع معيشي صعب وكانهم جربانين
------------------
الختاهم في الوضع ده هم قادتهم المتحاربين وليس السودان..السودان ماقصر معاهم وانا هنا محتج على الكرم الطائي ده لي ناس ما بتستحق.. خلو المجتمع الدولي يقوم بدورو
ثم كلامك عن بنيانهم للمنشئات في السودان.. كانوا عمال وبتقاضوا اجور على ذلك وهم كانوا مواطنين.. السوريين قدموا للسودان منذ الازل رغم انهم ليسو بسودانيين .. جابوا التجارة والحضارة ويكفي انهم مسالمين لا محاربين
ثم عن البنيات.. الشماليين سلموا الجنوبيين دولة كاملة بي بترولها وبنيتها التحتية وطواعية ..هم عملوا فيها شنو؟؟ بلا خربوها بالحرب الاهلية بيناتهم.. ديل لي نفسهم ما قدموا حاجة جايين يقدموا لينا في السودان؟؟
يا جماعة بلاش عواطف فارغة.. العلاقات بين الدول ما بتكون كده.. ده خطاب بتاع شيوعيين وعلمانيين مصلحتهم في بقاء الجنوب والجنوبيين معانا لأنه اجنداتهم لا تتحقق الا بالتحالف معهم(قطاع الشمال)
نحن كمواطنين سودانيين والله نرحب بالسوريين المسالمين اصحاب الحضارة والمنافع
أما الجنوبيين المخربين يقعدوا هناااك في معسكراتهم ولو وضعهم صحيح بحنن اليحنن قادتهم ويبطلوا حرب ويلموا ناسهم.. عندهم بترول وموارد ضخمة ليه يعيشوا لاجئيين مشردين
ده غلطنا الاستضفناهم وللا غلط ناسهم الماراعوا مصالح اهلهم!!
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
كدي النصحح ليك بعض المفاهيم الغلط
"السوريين قدموا للسودان منذ الازل رغم انهم ليسو بسودانيين .. جابوا التجارة والحضارة ويكفي انهم مسالمين لا محاربين"
السوريين ما قدموا منذ الازل ولا يحزنون
قدموا أولا في معية الإستعمار التركي المصري
لأن بلادهم (ولم يك إسمها سوريا كان إسمها الشام)
كانت تحت الإستعمار التركي
وجاءوا في المرة الثانية في معية الإستعمار الإنجليزي المصري
كمترجمين وعمال وموظفين (وجواسيس)
في خدمة المستعمر الإنجليزي المصري
(مصر ذاتها كانت مستعمرة بس تعاونوا مع المستعمر الإنجليزي في غزوا بلادنا)
وما جابو لينا حضارة ولا تجارة
الارض الإسمها السودان
وشعبها
هم أول من أسس حضارة في العالم
وقت كانت عندنا حضارة وصناعة حديد وإهرامات
كانت هذه الشعوب بهائم بدون راعي
وكان الراعي
(لمن يكون في راعي )
مستعمر أجنبي
يا عرب الجزيرة يا الفرس يا الروم يا الآشورين يا الأتراك يا المماليك
وأخيرا الفرنسين والإنجليز والروس
ومنذ آماد موغلة في القدم
طاف أجدادنا أرجاء المعمورة يتجرون مع الشعوب
وينقلونهم إلي عالم المدنية والحضارة
(بما في ذلك الامريكتين البعيدتين )
كلام أنه جابوا الحضارة والتجارة
كلام زول مستلب تماما
لو سمعت ما قاله بعض السوريين عنك وعن بلدك
لعلمت أنك مستلب كاره ذاته
يقبل يد من يشتمه
ويشتم اليد التي بنت له بلده
ومن المضحك أن تقول أنهم مسالمين لا محاربين
ما قاعد تشوف التلفزيون ..؟؟؟
ما شايف الحرب المدورة في سوريا دي من خمسة سنين ؟؟؟؟؟
الدمار الحاصل دا والقسوة والقتل والتعذيب بين مواطنيين سوريين ما شفته ؟؟؟؟؟
"نحن كمواطنين سودانيين والله نرحب بالسوريين المسالمين اصحاب الحضارة والمنافع؟؟؟)
نحن المواطنيين السودانيين نرحب بكل اللاجئين من كل العالم
وفي مقدمتهم الحنوبسودانيين
ونحن نعلم ان الدمار الذي حاق بهم
سببه قادتهم وقادة الشمال
المواطنيين الجنوبيين هم ضحايا لا مجرمين
والحاصل في الجنوب مجرمه الاول القادة لا الشعوب
ولا تنسي ولا تتناسي الدور المخرب والذي تلعبه حكومة البشير
في إذكاء الصراعات الداخلية وتمويل الحرب وتجارة السلاح
وبتقول
"الشماليين سلموا الجنوبيين دولة كاملة بي بترولها وبنيتها التحتية وطواعية"
الشماليين سلموا الجنوبيين حطام دولة
لا بني تحية ولا خدمات ولا يحزنون
يكفي أنه مدورين فيهم حرب كان هي أطول حرب أهلية في أفريقيا
يكفي أن الجنوبيين خسروا أكثر من 2 مليون نفس في تلك الحرب
وملايين غيرها من المعوقين
حتي في سنوات السلم القليلة التي كانت
كان الجنوب حطام دولة
(شفته بعيني ما قالوا لي )
وزي ما قال أبل ألير
لو أن الشمال أنفق في التنمية في 16 عاما
ما ينفقه في الحرب في يوم واحد
لما كانت حرب أهلية أصلا
ناسك ديل في الشمال
(وخصوصا في الحركة الإسلامية وحكومتها)
لم يروا في الجنوبي إنسان أصلا
كان بالنسبة لهم مشروع مسترق (عبد) أو مشروع دعوة أو مشروع جهاد وعرس شهيد وحور عين
كلامك دا ما جديد ولا وليد إستقلال الجنوب أو حربه الاهلية
يا هو فهم الإسلاميين والزنوج المستعربين
الكرهانين أي حاجة تذكرهم بزنوجتهم
كلامكم دا قديم
وهو الذي أوردنا جميعا
شمالا وجنوب
موارد التهلكة
ما خجلانين مما فعلت أيديكم
وبعد دا كله النفس فاتحة للدعوة للؤم وقفل باب الإستجارة وسد منافذ الإغاثة
تكلتوا الكتيل وتمشوا في جنازته
وتاني تكرر في حكاية ما عواطف لكن مصالح
مصالحنا مع الجنوب
وليس مع سوريا
وعندما تسقط ديكتاتورية البشير
ونعيد بناء الدولة السودانية العادلة الخيرة
سوف تري كم سيكون الجنوب شعبا وأرضا في صالح بناء السودان
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: Mohamed Adam)
|
هههههههههههههههه أها كيتا عليك يا محمد آدم .. هاك اقرا الخبر ده.. جوا يعاونوه في دفن ابوه دس المحافير.. تقول لي مشردين وجربانين .. هاك:
جوبا تأمر الوكالات الإنسانية بالانسحاب من منطقة تضربها المجاعة
أمرت حكومة جنوب السودان المنظمات الإنسانية بالانسحاب من منطقة مينديت في إقليم الوحدة والتي تضربها المجاعة بشدة استعداداً لشن حملة عسكرية كبيرة ضد مليشيا التمرد في المنطقة.
وقال ضابط بالجيش الحكومي في تصريحات لـ(سودان تربيون) السبت إن قرار جوبا يهدف إلى ضمان سلامة المنظمات الإنسانية لأن المناطق التي تعمل فيها حاليا تحتاج إلى تطهير من جماعات المعارضة المسلحة التي يقودها نائب الرئيس السابق رياك مشار.
وأضاف المسؤول الحكومي الذي رفض الكشف عن هويته “إن الهدف من هذه التوجيهات ليس منع وصول مساعدات الإغاثة للسكان المتضررين، وإنما خلق بيئة آمنة للمنظمات الإغاثية لإدارة عملياتها في مناطق آمنة “، مدعياً أن متمردي مشار يتسببون في الفساد في هذه المناطق وعليه لا بد من تطهيرها.
وأصدر الممثل الخاص للأمين العام للأمم المتحدة في جنوب السودان ديفيد شيرر الجمعة بياناً لفت فيه الى أن حكومة جوبا أصدرت تعليمات للمنظمات الإنسانية بإخلاء منطقة مينديت في حين أوقفت الهجمات العسكرية في مدينتي يولي وموتوت أنشطة هذه المنظمات.
وقال البيان “في مدن أخرى غير يولي وموتوت في الأجزاء الشرقية من البلاد، اضطرت المنظمات الإنسانية إلى المغادرة بسبب القتال بين الجيش الشعبي لتحرير السودان وجيش التمرد وتم نهب امداداتهما وممتلكاتهما في وقت لاحق”.
ونوه المسؤول الأممي الى أن الوكالات الإنسانية والمنظمات غير الحكومية أُمرت بإخلاء مدينة مينديت في قلب المنطقة التي تعاني من المجاعة بسبب خطر استئناف القتال بين الأطراف المتحاربة”.
وناشد شيرر قادة جنوب السودان لدعم المدنيين المحاصرين في مناطق الصراع والمناطق المتضررة من المجاعة في البلاد، “إن القيادة السياسية في جنوب السودان تحتاج لدعم مواطنيها الذين هم في حاجة ماسة في جميع أنحاء البلاد إلى وقف الأعمال العدائية”.
وأعلنت وكالات الأمم المتحدة الإنسانية 20 فبراير عن المجاعة التي تؤثر على حوالي 100,000 شخص في أجزاء من ولاية الوحدة.
في الشهرين الأولين من هذا العام ذكرت المفوضية السامية لشؤون اللاجئين التابعة للأمم المتحدة أن 140 ألف شخص فروا إلى البلدان المجاورة بسبب الصراع الدائر في الدولة الوليدة.
وبالإضافة إلى ذلك ترفض السلطات المحلية دخول الوكالات الإنسانية التي ترغب في الوصول إلى الأشخاص المتضررين.
سودان تربيون
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: محمد بشير عبادى)
|
( ويا البشير بطل عنتريات .. سمعنا اليوم في الاخبار ارسال 700 ولا كم طن كده في جسر للجنوب.. الجسر ده اولى بيهو فقراء السودان ونازحيه..والاكل لوما كفى اهل البيت يحرم على الجيران )
على سبيل المثال
بشيرك ده عندما اهدى المنتخب المصرى سيارات بمليارات الجنيهات اهل بيته كانوا مكتفين ؟
بشيرك ده عندما ارسل الاغاثات لغزة وتبرعات بملايين الدولارات لحكومة حماس اهل بيته كانوا مكتفين ؟
بشيرك ده عندما قام ببناء مستشفى فى جيبوتى بملايين الدولارات اهل بيته كانوا مكتفين ؟
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: خالد حاكم)
|
سلام . صاحب البوست .
العواطف جزء من تركيبة الانسان . ولايستطيع الانسان التجرد منها فهي شئ فطري خلق معنا .
فقط هناك القليلين تجردوا منها ، واصبحت قلوبهم قاسية تجاه الاخرين . وهذا مؤسف .
غدا او بعد غدا . ( وهو قادم لا محالة ) . سنكون لاجيئن في دول اخري ، واتمني الا نعامل ونتعرض لنفس فهمك .
وشكرا
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: Hasheem Karouri)
|
سلام . صاحب البوست .
العواطف جزء من تركيبة الانسان . ولايستطيع الانسان التجرد منها فهي شئ فطري خلق معنا .
فقط هناك القليلين تجردوا منها ، واصبحت قلوبهم قاسية تجاه الاخرين . وهذا مؤسف .
غدا او بعد غدا . ( وهو قادم لا محالة ) . سنكون لاجيئن في دول اخري ، واتمني الا نعامل ونتعرض لنفس فهمك .
وشكرا
______________________________________________
thanks the point all about feeling
| |
|
|
|
|
|
|
|
|
|
Re: بعيداً عن العواطف..صباح الخير يا جاري إنت � (Re: عباس محمد عبد العزيز)
|
شكرا هاشم كاروري
شكرا عباس محمد
على المرور والمساهة.. اتفق معكما أن الإنسان مجموعة عواطف واحاسيس ومشاعر واعصاب.. لكن هذا على مستوى الفرد الانساني.. انا هنا اتحدث عن واجب الدولة وما ينبغي ان تقوم به كدولة
وهو ايواء الجنوبيين في اماكن مخصصة اما غذاءهم وايوائهم فده واجب اممي السودان ليس وحده المطالب بذلك.. ثم ان هذه الدولة اعتدت علينا قبلا ولا زالت تأوي من يثيرون القلاقل في بلادنا فلماذا نعاملها بخصوصية(عطف زائد)
هذا لا يعني معاملة اللاجئين بقسوة او ارجاعهم لبلادهم ولكن معاملتهم معاملة انسانية عادية دون استثناءات
اتمنى ان تكون رؤيتي وضحت
| |
|
|
|
|
|
|
| |
محمد بشير عبادى
Abdullah Idrees
Nasr
عادل الباهي عبدالرازق
خالد حاكم
Mohamed Adam
Hasheem Karouri
فيس بوك
تويتر
انستقرام
يوتيوب
بنتيريست