|
|
|
 Re: الناس زعلانة ليه من مجيء الإمام (Re: محمد البشرى الخضر)
|
لآنه أحنا تعبنا من دخلت نملة وأخذت حبة وخرجت..
و المسلسل المكسيكى دا واضح و ما داير ليه لمبة..
الراجل ما عندو أى مشكلة مع الآنقاذ..
كل المشكلة الكرسى الما ادوه ليه..
وقاعدين يرّقصوه القردية...
وهو فاكر نفسه شاطر..
أو قول بشكل أدق الانقاذ بترّقصه رقصة الدب الروسى..
و اللى هى..
يختوا حديده فوق النار..
ويوقفوا الدب فوق الحديدة..
ويحركوا النار بهدوء...
وهو يحاول يتجنب حرارة النار..
وبكدا يرقص رقيص ما عادى...
دا الصادق مع الانقاذ...
| |
  
|
|
|
|
|
|
|
|
Re: الناس زعلانة ليه من مجيء الإمام (Re: nour tawir)
|
لأنو يا حمد خان ثقة الشعب الذي انتخبه رئيسا للبلاد
ثم سلّم السلطة لعصابة الإنقاذ
وكرّس نفسه لملاحقة المعارضة الغافلة في الخارج
--------
(الصادق المهدى حينما ابلغوه بأن الآخوان المسلمين قد استلموا منه السلطة...
كان رده : قول ليهم أنا معاهم..
الصادق المهدى لم يكن فى يوم من الايام ضد الآنقاذ..
وراجع كل مواقفه..
وستجدها تدعم الآنقاذ..
أخرها ضرب المعارضة العسكرية فى باريس ثم أعلن أن مهمته فى الخارج قد أنتهت ! )
شكرا يا نور .. ليت قومي يعلمون
---
شنو يا حمد ياخ، انت بقيت مع الكفار ولّ شنو
----
يا ود البشرى، صورة بروفايلك تحيلني إلى تلك الرسائل الفيسبوكية التي تتوعدك بالسعير إذا لم تقم بنشرها!!
نصيحة من أخوك، استبدلها بجزء من راتب المهدي
قبل أن تعود إلى صورة ولدنا حتحوت
| |
|
|
|
|
|
|
|
|
|
Re: الناس زعلانة ليه من مجيء الإمام (Re: معاوية الزبير)
|
يا ود الزبير تكرار الكلام دا (ثم سلّم السلطة لعصابة الإنقاذ ) لا يجعله حقيقة!!
في اللحظة الانت وغيرك بتكتب فيها هذا الكلام على بعد آلاف الأميال من السودان يقدل سيدي الإمام على ظهر جواده وسط آلاف الأنصار و الأحباب في قلب أمدرمان
فا شنو ... صلّي على رسول الله
| |
|
|
|
|
|
|
|
|
|
Re: الناس زعلانة ليه من مجيء الإمام (Re: nour tawir)
|
حمد
السلام عليك ..
أخدت لفة طويلة في كم قروب واتس و فيس و جيت هنا ..
ما قابلني حد زعلان ..
لكن في ( ريبة ) و خوف .. لما للسيد الصادق من ( وضع اعتباري ) و كاريزما مؤثرة للغاية ..
مرحب بيه في بلدو
و كل قادة الأحزاب و الصف الأول من القادة الحزبيين موجودين داخل البلد ..
فبالتالي عودة السيد الصادق المهدي حتمية
بل واجبة ..
لكن ..
عليه الالتزام الادبي و الاخلاقي و السياسي يالوقوف في صف الشعب الشوداني و الثورة الشعبية الشاملة ..
ما يمسك ( عصاية ) أبدا ..
لأنو لو مسكا حيمسكا من النص ..
سوط ساي ما يشيلو في يدو ..
و يخلي ( الدغمسة ) و يكون وااااااااضح ..
كدا مرحب بيو و نص و خمسة ..
غير كدا : لا
| |
|
|
|
|
|
|
|
|
|
Re: الناس زعلانة ليه من مجيء الإمام (Re: nour tawir)
|
مرحب محمد البشرى
الناس يا محمد بها غبن تملكها من موقف الإمام من الإنقاذ
الناس كانت بتتوقع يكون للإمام نصيب الأسد في مقارعة الإنقاذ
بحكم إنو الرئيس الإتقلبت عليهو الإنقاذ لكنو هادن الإنقاذ في منعرج خطير من زمن المعارضة (كتل حيل المعارضة)
وتأرجح كتيرا في مواقفو قربا وبعدا من الإنقاذ
لكن مع دا كلو أنا بقول (ود حيزعل ناس ) لازال أمام الإمام فرصة لقيادة السودان
لأنو بصراحة الأكثر وعيا وثقافة وتسامحا وندا قويا لنظرائه من حكام الدول يعني أي رئيس دولة مهما كان
لو جلس مع الإمام ما بقدر يستهين بيهو لأنو بكون عارف نفسو قاعد مع سياسي ناضج ونحن هسه بصراحة ناقصنا النضج السياسي
بس يعلن موقف واضح مما يجري ويثبت عليهو
| |
|
|
|
|
|
|
|
|
|
Re: الناس زعلانة ليه من مجيء الإمام (Re: nour tawir)
|
السيد/ الصادق رجل حكيم وتعلم من تجارب الامس والديمقراطية التى كانت فى تلك الايام طفل لم يمشى على رجلية بعد
مشكلة الجنوب كانت عامل اساسى فى تغويض الديمقراطية الحرب التى تحاشها السيد الصادق
ومن ثم عملت الانقاذ على حل مشكلة الجنوب بالحرب ثم الى السلم ثم فصل الجنوب اين الديمقراطية الان او اين السودان الان
من واجب الانقاذ الوقوف خلف الامام بحكم القانون حيث انه هو المنتخب من قبل الشعب نختلف او نتفق مع الامام او الانقاذ الحق اولى بالاتباع
السودان 27 عام يراوح مكانه من السياسات الغير مدروسه والتسرع فى التفيذ بدون الوقوف لحظة
| |
|
|
|
|
|
|
|
|
|
Re: الناس زعلانة ليه من مجيء الإمام (Re: nour tawir)
|
الأستاذة / نور
عساك بخير
ما عندي اعتراض على إنو الصادق سعى للمشاركة ودي قد تُحسب ضده وبحسابات تانية (ما عايزين نجتر تفاصيل) قد لا تُحسب في النهاية هو سياسي وممكن يكون معتبر الكيزان مكون سياسي مثلهم مثل باقي المكونات ولكل قناعاتو وحتات اختلافو
بس برضو كمان يا جماعة نكون منصفين الصادق ما شارك في الحكومة لأنو رافض لمقاس الكرسي الدايرين الكيزان يقعدوا فيه
الرجل عندو حاجاتو الما تنازل منها أبدا وهي مثلا تفكيك الحكومة وعودة الديمقراطية فقط اختلف عن الناس في وسائل التفكيك ومصير الكيزان .
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
(الحبيب) معاوية الزبير
إن شاء الله تكون كما نريد
أطمئن يا شاب لو قامت انتخابات حاصوت للحزب الشيوعي لا رفث ولا جدال في ذلك رغم اني في 86 صوت لمرشح حزب الأمة بروفيسور/ صلاح عبدالرحمن علي طه (عليه الرحمة) وكانت بسببها
وبعد دا دا بقول ليك حاليا ما عندي مانع الصادق يرأس حكومة متوازنة قوية يتم اختيار وزرائها وبرلمانها بعناية من كافة مكونات الشعب
موش باغلبية ميكانيكة يكون فيها تهميش لباقي المكونات زي ما حصل ايام الديمقراطية وعليها مجلس سيادي رقابي بنفس القوة
انا سيد الصادق دا ما قنعان منو للدرجة دي بس هو يفهمنا
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
(يا ود الزبير تكرار الكلام دا (ثم سلّم السلطة لعصابة الإنقاذ ) لا يجعله حقيقة!!)
إقناع الناس في سودانيز بتغيير الفي راسهم، ليس من أمنياتي ولا في ليلة قدري
أنا اشرح للناس وجهة نظري، زول غالطني بجيب ليهو أدلتي وخلاص انتهينا على كدا
أزمة تفوت ولا حد يموت
يا أبو حتحوت
| |
|
|
|
|
|
|
|
|
|
Re: الناس زعلانة ليه من مجيء الإمام (Re: محمد البشرى الخضر)
|
BBC
عودة الزعيم السوداني المعارض الصادق المهدي الى الخرطوم
قبل 5 ساعة
عاد رئيس حزب الامة القومي السوداني المعارض الصادق المهدي الى الخرطوم بعد مكوثه لاكثر من عامين في منفاه الاختياري بالقاهرة.
وكان في استقبال المهدي في مطار الخرطوم العشرات من أنصاره وهم يحملون شعارات ترحب بعودته.
ومنعت اجهزة الامن السودانية وسائل الاعلام من تغطية وصول رئيس حزب الامة المعارض الى المطار.
كان المهدي قد غادر البلاد الي القاهرة ومكث لنحو عامين في منفى اختياري بعد خروج حزبه من الحوار الوطني.
وجاء ذلك بعد ان توترت علاقته بالحكومة السودانية اثر اتهامات وجهها لقوات الدعم السريع بارتكاب جرائم ضد الانسانية في دارفور وكردفان ما اغضب الرئيس عمر البشير وادى الى اعتقاله قبل ان يتم الافراج عنه.
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
السلام عليكمي اخي حمد
لازال أمام الإمام فرصة لقيادة السودان
لأنو بصراحة الأكثر وعيا وثقافة وتسامحا وندا قويا لنظرائه من حكام الدول يعني
أي رئيس دولة مهما كان لو جلس مع الإمام ما بقدر يستهين بيهو لأنو بكون عارف
نفسو قاعد مع سياسي ناضج ونحن هسه بصراحة ناقصنا النضج السياسي
لا حول ولا قوة الا بالله.....
وين النضوج السياسي دا؟
الزول دا اتته من الفرص ما لم تأت لغيره في العالم ....وبعد كله ضيعها وضيعنا معاها!!!
يا جماعة العلينا دا بسبب هذا الرجل....ولو كنا شعب عاقل وبعرف مصلحته كنا طالبنا بمحاكمته اسوة بالبشير....الاثنين في سرج واحد.....
متي سنتعلم من الايام!!؟
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Farida Mahgoub)
|
لآنه أحنا تعبنا من دخلت نملة وأخذت حبة وخرجت..
و المسلسل المكسيكى دا واضح و ما داير ليه لمبة..
الراجل ما عندو أى مشكلة مع الآنقاذ..
كل المشكلة الكرسى الما ادوه ليه..
وقاعدين يرّقصوه القردية...
وهو فاكر نفسه شاطر..
أو قول بشكل أدق الانقاذ بترّقصه رقصة الدب الروسى..
و اللى هى..
يختوا حديده فوق النار..
ويوقفوا الدب فوق الحديدة..
ويحركوا النار بهدوء...
وهو يحاول يتجنب حرارة النار..
وبكدا يرقص رقيص ما عادى...
دا الصادق مع الانقاذ
ورينا شطراتك يا الاخت نور تاور
ما انتى مشيتى واصبحت رئيس حزب وحاولت الانتخابات المخجوجه ورجعتى كندا فى زول سالك؟
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Mohamed Doudi)
|
تحية طيبه
الحبيب حمد وضيوفه تطيب ايامكم
عندي قناعة تامه بأنه لا تغيير يرتجى
الا اذا كان بمشاركة السيد الامام
حزب الامة رغم الانقسامات الكبيرة والكثيرة
ما زال هو الحزب الاكبر في السودان (احصائيه ناجرها براي كده)
يبقى معاداة مثل هذه الجماهير بالقدح في رمزها يعتبر عمل يخدم النظام
ولا يفيد معارضته بشيء .
مواقف السيد الامام اتفق الناس مع جزء وعارضوا جزء اخر وهذه من طبيعة الاشياء
واظن ان حزب الامة لم يشارك النظام في الحكم طيلة ال 27 سنة في حين أن الاغلبيه من قوى المعارضة شاركت النظام في الحكم وفق اتفاقيات نعلم ما انتهت اليه
التجمع (اتفاق القاهره)
نيفاشا (الحركه)
ابوجا (مني)
جبريل (من مؤسسي النظام)
جرد حساب في الحتة دي الامام مطقطقنا ست صفر
وبعدين الزول ده بجيه الكلام والله سيندكاليه وهلمجرا ساي يكيف
عرف عنه عفة اليد واللسان وهن من النوادر في زماننا هذا .
على كل حال
الناس تنشن في التخت الصاح الامام ده زول ديمقراطيه قابلوه في الصناديق
الردم والذي منو وجهوه لناس نافع وبكري والطيب سيخه
نتمنى أن يتخذ الامام من المواقف ما يرضي تطلعات الشعب السوداني وجماهير الانصار
......
عودة الامام تضع الحكومة في مازق لانها ببساطة ستنسف مصداقية الحوار المزعوم
والتي نسفت اصلا باعتقال اعضاء حزب المؤتمر السوداني
| |
|
|
|
|
|
|
|
|
|
Re: الناس زعلانة ليه من مجيء الإمام (Re: الجنيد حمد)
|
حزب الامة رغم الانقسامات الكبيرة والكثيرة
ما زال هو الحزب الاكبر في السودان (احصائيه ناجرها براي كده)
يبقى معاداة مثل هذه الجماهير بالقدح في رمزها يعتبر عمل يخدم النظام
ولا يفيد معارضته بشيء .
يا الجنيد دى المصيه ال ربنا ابتلانا بيها
ناس تعادى اكبر حزب فى المعارضه ...الحزب الوحيد الذى لم يشترك بتاتا فى الانقاذ اكثر من معارضتها وعداوتها للانقاذ
عشان كده انا ماعارف ود المدير ولانور تور بيعملوا لمصلحه من؟ الاجابه عند عزيزى القارئ ولكن حتما عداوتهم لرمز المعارضه الاوحد الذى لم يشارك على الاطلاق فى الانقاذ تصب فى مصلحه نظام القتله والفساد
شكرا على التحليل العقلانى البعيد عن الصياح والحب والكراهيه
دودى
| |
|
|
|
|
|
|
|
|
|
Re: الناس زعلانة ليه من مجيء الإمام (Re: الجنيد حمد)
|
الصادق رئيس حزب سياسي كبير (اختلف معه واحترم جماهيره)
عودته إلى أرض الوطن شيء طبيعي وعقبال عودة كل القيادات السياسية
لكن قولك هذا زغلل العيون:
Quote: .... لأنو بكون عارف نفسو قاعد مع سياسي ناضج ونحن هسه بصراحة ناقصنا النضج السياسي
بس يعلن موقف واضح مما يجري ويثبت عليهو
|
تحياتي
..........................................................
حرية سلام وعدالة.. الثورة خيار الشعب
ديمقراطية راسخة ..تنمية مستدامة ..وطن واحد ..سلم وطيد
Sudan for all the Sudanese ..السودان لكل السودانيين
| |
|
|
|
|
|
|
|
|
|
Re: الناس زعلانة ليه من مجيء الإمام (Re: خالد العبيد)
|
النكتة دي من زميل منبر حلفاوي كتبها في الفيسبوك
ولا علاقة لها نهائيا بموضوع البوست، لكنها مهداة إلى ود البشرى
(كوبي بيست أوكيه!)
حبشي مسيحي ساكن مع حلفاويين قريب التلاتين سنة وبقى واحد من ناس القريه....
اهاا في حلفاوي جاهو قال ليه: يا تسفاي اخوي انت خلاص بقيت مننا وفينا
ونحن بنحب ليك الخير عشان كدا لازم تخش الإسلام
الحبشي قال ليهو : انا بخش لاكين بي سراحه خمسه سلاة ما نقدر نسلي
ورمضان ما نقدر نسوم وزكاة سعب علي و حج زروفى ما تسمح ...
الحلفاوي قاليهو: مااااااافي مشكله نحنا زاتنا خاشين كدة
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Mohamed Doudi)
|
من مستهل بوست المستنير الأخير *
(شك يصل درجة قريبة من اليقين، انو اليقين الدينى ادعاء موروث.)
يا بكه خليك من وراثة الدين، شوف لينا وراثة الطائفية في الأول
الأولويات يا صاحب زي ما قال شاهين شاهين
* الأخير دي صفة للبوست
----
من جهة أخرى
حكاية حزب الأمة عندو أكبر شعبية جماهيرية، أصلو ما ناكرنها، لكنها تذكرني ببيت الشعر:
كالعيس في البيداء يقتلها الظمأ والماء فوق ظهورها محمول
| |
|
|
|
|
|
|
|
|
|
Re: الناس زعلانة ليه من مجيء الإمام (Re: معاوية الزبير)
|
محصلة الانقاذ فصل الجنوب مشاكل فى دارفور دمار السكة حديد الخطوط السودانية الخدمة المدنية التعليم والاكبر من كل ذلك رافد الاقتصاد السودانى مشروع الجزيرة
دمار الانسان وهذا ظاهر فى انعدام الوطنية وحب الوطن
علما بان الكثير من اهل الانقاذ تخصص على حساب المواطن السودانى وكان وقتها هو الانسان الذى يعمل وينتج فى مشروع الجزيرة
هذا من حقهم بحكم القانون ولكن كذلك من حق دافع الضرائب ان يعمل من تخصص على حسابة ان يقوم باسترجاع الدين فى شكل العمل على مصلحة المواطن وهذا من الامانه وليس العكس
جاءات الانقاذ ولكنها فشلت يجب ارجاع الامانة لصاحبها
| |
|
|
|
|
|
|
|
|
 Re: الناس زعلانة ليه من مجيء الإمام (Re: عباس محمد عبد العزيز)
|
الـBBC بِقت حبشي واللآ شنو ؟.
| Quote: عشان كده انا ماعارف ود المدير ولانور تور بيعملوا لمصلحه من؟ |
وحات الله أنا براي كان سعلوني بعمل لمصلحة من ؟ بطلع ملوص،
يا ناس أنا قادر علي مصلحة نفسي عشان إتبنى مصالح الأخرين !،
غايتو السياسة دي يوم بتكتولها زول، لكن وكِت أصِلكم وصلتوني
البير لا إيدي لا كُراعي خلوني اللدلِي بدلُوي فيها وأقول، بعودة
الزعيم الصادق المهدي سيعود لميادين البولو رونقها. شكلي
حا أقلب (فآن) بتاع بولو طالما المريخ بِقى يترشّ من فريق
صاعد ؤ سناري كمان !، مع العِلم إني هلالآبي. والله صحي.
آسف للإطالة وسلآم لحمد لبد ؤ ضيوفوا الكِرام.
تاني ما بجي هنا إلا زول يرشني...
| |
|
|
|
|
|
|
|
|
|
Re: الناس زعلانة ليه من مجيء الإمام (Re: الجنيد حمد)
|
مرحبا الجنيد
كلامك جيد جدا
موش حزب الأمة وبس أي حزب وأي زعيم لم يتسبب في ضرر واضح ومتعمد يجب احترامو
والتوافق أنا بفتكر محطتو الوحيدة ما هي إقتلاع النظام فحسب، نهضة البلد في عضمو محتاجة لتوافق ولاحترام بين كل الكيانات السياسية
وإلا مصيرنا دوما الإحتراب والخلاف وضياع فرص التطور
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Mohamed Doudi)
|
هلا محمد
حزب الامة رغم الانقسامات الكبيرة والكثيرة ما زال هو الحزب الاكبر في السودان
دي حقيقة غير منكورة والعضوية الحالية تقريبا كلها ملتزمة بخط الحزب وأغلبها موجود في السودان بس مساهمة الحزب في مناهضة الإنقاذ يا محمد دون المستوى المطلوب صراحة
يعني عندك أحزاب حديثة مقارنة بحزب الأمة زي حزب المؤتمر تلقاها بتقدم في تضحيات كبيرة وصوتها مرتفع جدا في مواجهة النظام
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Farida Mahgoub)
|
مرحب فريدة
تعرفي أنا يوم 30 يونيو 89 لما صحيت سمعت المارشات قالوا لي شكلوا في إنقلاب وانا نائم في السرير فرحت وارتحت نفسيا قلت لأختي ديل ناس مذكرة الجيش وقلت ليها يا دوب الأمور حتمشي في المسار الصحيح
قفلتني بسرعة قالت لي غالبا الكيزان طبعا دبرست و مرّ بي شريط الـ 27 سنة الحصلت دي .
المهم فرحي الأول موش لأنو الصادق فشل وقام عليهو إنقلاب وانما لإعتقادي إنو الديمقراطية كانت محتاجة لأدوات حسم غير متوفرة عند الصادق بحكم خضوعوا للدستور وعدم إمكانية تخطي الدستور لرئيس منتخب
الكيزان ديل كانوا متفسحين زمن الديمقراطية أكتر من هسة غير فسحة الحركة الشعبية
على العموم السنين الأولى من الديمقراطية ما كان فيها طريقة لرئيس لتحقيق إنجاز لأنها بدأت خطأ عندما سارالمجلس العسكري بالانتفاضة في غير مسارها
| |
|
|
|
|
|
|
|
|
 Re: الناس زعلانة ليه من مجيء الإمام (Re: نيازي مصطفى)
|
سلام يا شباب
للأمانة فكرة البوست اثارها باقتضاب الأخ عماد عبدالله في الفيسبوك ولقت استحسان عندي قلت أشاركم فيها
بس يا ناس حزب الأمة أنا بحاول اقدم بعض الإنصاف للإمام بحياد لقناعتي بمقدرات الإمام السياسية وترسخ مفاهيم كبيرة عندو
لكن كمان ما تقلبو البوست شتيمة للحزب الشيوعي كدا بزعل وبقوم بنزل ليكم أغنية تانية من نوع (هكرتا ليك قلبي) 
أرجو الناس تتحلى بالصبر السياسة نقد واستحسان ومافي استحسان بحصل دون تفنيد للنقد .
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
هلا عبد اللطيف خليل
الإمام طول ما هو بمارس السياسة لازم يمسك العصاية ويهبشها
مشكلة الإمام الرئيسية هي تركيزو على مفهوم الموازنات السياسية ، المفهوم دا بيأخذ من الأمام أكتر مما ياخذ تركيزو على المهام التنفيذية في الدولة
المشكلة التانية الإمام بتكلم بأفكار بعيدة المدى والمرامي والسودان بلد بحتاج لخطيين متوازيين من الإدارة
واحدة قصيرة الأجل لحل الطوارئ ودي يكون عليها تركيز ليطمئن الناس بمنجزات سريعة تحقق رفاهية جزئية وسريعة للمواطن
والعمل ببطء وتركيز في التانية إلى أن يلتقي الخطان في مرحلة استقرار سياسي واقتصادي
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
مرحب بيك يا عباس محمد
تعرف فترة الديمقراطية التالتة دي كانت أخطر وأصعب مرحلة في تاريخ السودان أي حاكم كان حيفشل فيها
طول فترة الحكم العسكري غيب عن كتير من الشباب معاني الديمقراطية الحقة وكل الناس بما فيهم الصادق دخلوا مرحلة الديمقراطية بمفهوم اثبات الذات
دا غير أطماع الحكم لدى الكثيرين وشدة الحرب الأهلية كانت مرحلة مضربة جدا لا سبيل فيها لإنجاز لو استمرت لسنين طويلة كان حتتوفر الثقة وسيكون الإنجاز هو المعيار لاختيار القادة
ولكن حدث ما حدث
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
الاخ الكريم الفاضل حمد
تحياتى
دعنى استرجع جزء من تلك الايام ايام السيد الصادق رئيس الوزراء
نشترى كل الجرائد لنستوعب مجريات الاحداث ولكن دون جدوى فى صباح احدى الايام قررت التوجه لشراء الكتاب المستعمل بدل الجرائد
كنا نحمل الوطن فوق الاعناق وبين الضلوع شباب متحمسين
نرى السيد الصادق على انه رجل ضعيف وغير كف بقيادة البلد علما باننا ابناء انصار اصحاب حق وتاريخ اصيل فى السودان جدودنا رفعوا التكبير ضد المستعمر الله اكبر ولله الحمد الاجداد والاباء اولى بها من
الانقاذ
لذلك تجربة الديمقراطية لم تجد المساندة من المواطن و اول الجرائد انذاك الوان حسين خوجلى واحد من الذين هدم بقلمة الديمقراطية
حزب الامة لوحدة لايسطيع حكم السودان وكذلك الانقاذ وبقية الاحزاب الاخرى
السودان يحتاج قضاء مستقل تمام عن الدولة التنفيذية
خروج كل اجهزة الدولة من التجارة
ليس من حق المواطن الجمع بين وظيفتين اما تاجر او موظف دولة
المواطنة وحق المواطن وحق الوطن بعبارة اخرى اعادة صيغة الجنسية السودانية
مازالت ذاكرة الوطن العربى وكثير من الدول الاخرى تذكر الرعيل الاول من الساسه السودانين امثال المحجوب
ولا لا لا الخرطوم الثلاثة
هذا جسر للاسف لم يسطيع السودان العبور منة ثم جاءات الانقاذ ونسفت هذا الجسر ثم عادت بعدما ضاع الوطن تبكى على الاطلال
ي اسفى على الرجال
| |
|
|
|
|
|
|
|
|
|
Re: الناس زعلانة ليه من مجيء الإمام (Re: خالد العبيد)
|
أرى في عودة السيد الصادق المعروف بالمهدي
و الضجة التي صاحبتها, مضحكة و مسخرة.
أجد في هذا الإستقبال الضخم و صهوة الجواد
إجابة شافية للتساؤل الشهير للأديب الطيب صالح.
الصادق لم يقدم أي شيء للديموقراطية
منذ إطاحته بالمحجوب في الستينات من القرن الماضي.
الله يساعد/
| |
|
|
|
|
|
|
|
|
|
Re: الناس زعلانة ليه من مجيء الإمام (Re: عباس محمد عبد العزيز)
|
تحيات للجميع .
يا جماعة نحتاج توثيق محدد يبين لنا ما هي الأحزاب التي شاركت الإنقاذ. استوزت في حكوماتها.
دخلت برلماناتها....
هل الحزب الشيوعي حصل شارك الإنقاذ ؟ نعم وكان ذلك بعد نيفاشا..
هل الحزب الاتحادي الأصل شارك؟ نعم وكان ذلك بعد نيفاشا
هل الحركات المسلحة شاركت؟ بعضها نعم
هل شارك حزب الامة ( الذي يقوده الصادق ) نظام الإنقاذ أي نوع من المشاركة؟ لا لم يشارك
هل تعرضت الأحزاب التي شاركت الإنقاذ لنقد مبرح وتركيز واغتيال معنوي لقياداتها ؟ لا
القصة واضحة وضوح الشمس....في ناس عايزين يكذبو ويزورو التاريخ واصدقو نفسهم...وكمان عاوزين الناس اصدقوهم وامشو في زفتم
يشهد اللله لانا حزب امة ولا متحزبين ...بس بي صراحة نكره الكذب والتدليس والظلم..
البحصل في انتقاد عودة الصادق وطريقة استقباله نوع متقدم من الشيزوفرينيا السياسية..
يا جماعة نفس هؤلاء البشر لم يرحمو حتي اعتقاله ولم يوفرو نظرية مؤامرة الا واتخذوها مفسراً في ان اعتقاله مسرحية....
بأكد لكم هؤلاء الذين ينتقدون الرجل ....لو ان الصادق اخذ سيفاً وبارز النظام ممثلا في شخص البشير ثم مات....لقالو انه مات لانه متاكد ان موته قد قرب فقرر ان يموت شهيدا متآمرا...
بالله فكونا ياخ
| |
|
|
|
|
|
|
|
|
|
Re: الناس زعلانة ليه من مجيء الإمام (Re: الامين محمد علي)
|
ديل ما الناس الزعلانين ديل
..............................................................
ديل الشيوعييين - جزء من الناس تحتاج الى نظارة مكبره عشان تشوف حجمهم مقارنة بحزب الامه هههههههههههههه
( ما تزعلوا يا الحمر ) بنحبكم ياااخ
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
هلا مولانا الملك
عشان اداءنا يكون متسق مع أفكارنا
الديمقراطية يا مولانا تمرين صعب محتاج للياقة ومرونة ذهنية حاليا ما متوفرة في السودان بقدر كافي
نحن دوما عنواننا التحدي وإبراز العضلات والنفس القصير يا كدا يا كدا
أنا قناعتي إنو تحافظ دوما على أي شخص يكون بعمل لنفس هدفك والاحتفاظ بمسافة معقولة معاه في حالة الاختلاف
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
مرحب خالد العبيد
الصادق المهدي سياسي غير موثوق به على الاطلاق
الصادق يا خالد قديما كان بعتمد على قاعدة كمية كبيرة ولكنها ليست نوعية ، نوعية فقط على مستوى القيادة
لذلك كان مبتعد عن الدخول في تحالفات والتزامات مع الاحزاب ذات القواعد المستنيرة مثل الاتحادي والشيوعي لأنو قد يحدث اختلال في هذه التحالفات لصالح تلك الأحزاب
كان بميل للاخوان بحكم وجود الترابي على رأسها ودا بسبب ضعف الأخوان في ذلك الوقت وحاجتهم للدعم واثبات الوجود في السودان وضمان دفاعهم عنو إذا تعرض للضغط
الكلام دا أحدث بعض من إنعدام الثقة بينو وبين تلك الأحزاب وما زالت بكل أسف
الآن حزب الأمة يمتلك قواعد واعية وتمايزت فيهو الصفوف لصالح الصادق وهسة حزب الأمة حاصل فيهو استقرار وتوحد على مستوى العضوية
لذلك حقو الناس تحاول تتناسى ما حدث في الماضي لمصلحة السياسة واللهي في نهاية مصلحة البلد لا بد من بناء جسور ثقة ووضع حدود لتعامل يسوده الاحترام وتبادل الأدوار للأفضل
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
يا حمد
نحن حزب سياسى وجماهير حزب الامه هى التى اختارت الصادق المهدى وقرار رجوعه من عدمه قرار يخص الصادق وحزب الامه وشركاؤنا فى نداء السودان
لا نطلب من كوادر الاحزاب الاخرى الاشاده بالصادق وفى نفس الوقت لا نقبل الاساءه والكذب والمعلومات الغير صحيحه
| |
|
|
|
|
|
|
|
|
|
Re: الناس زعلانة ليه من مجيء الإمام (Re: Mohamed Doudi)
|
يا محمد دودي
الصادق ما رئيس حزب فحسب
الصادق كان رئيس للوزراء وممكن تاني يجي رئيس وزراء بالتالي حركاته وسكونه كلها تحت الأضواء
وهو محط أنظار الناس المشتغلين بالسياسة وحتى العاديين ايجابا أو سلبا
معاك لا للاساءة له لكن ما اعتقد ممنوع الناس تنتقد خطواته بشكل موضوعي
لا قدسية في السياسة أبدا لأن السياسي تأثيرو بارز في حياة الناس وبخاصة إذا تقلد مسئولية منصب حساس
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
مرحب الأمين محمد علي
هل شارك حزب الامة ( الذي يقوده الصادق ) نظام الإنقاذ أي نوع من المشاركة؟ لا لم يشارك
غايتو لو ما جاء ببوست عمار آدم صاح
أهو الرد بالسد يكون جاك في محلك
ما بنسبق الحوادث ننتظر نشوف شروط المشاركة شنو رغم إنو ليس هناك ما يشيء من جانب الحكومة بحدوث أمر كهذا
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
تحيات للجميع .
يا جماعة نحتاج توثيق محدد يبين لنا ما هي الأحزاب التي شاركت الإنقاذ. استوزت في حكوماتها.
دخلت برلماناتها....
هل الحزب الشيوعي حصل شارك الإنقاذ ؟ نعم وكان ذلك بعد نيفاشا..
هل الحزب الاتحادي الأصل شارك؟ نعم وكان ذلك بعد نيفاشا
هل الحركات المسلحة شاركت؟ بعضها نعم
هل شارك حزب الامة ( الذي يقوده الصادق ) نظام الإنقاذ أي نوع من المشاركة؟ لا لم يشارك
هل تعرضت الأحزاب التي شاركت الإنقاذ لنقد مبرح وتركيز واغتيال معنوي لقياداتها ؟ لا
القصة واضحة وضوح الشمس....في ناس عايزين يكذبو ويزورو التاريخ واصدقو نفسهم...وكمان عاوزين الناس اصدقوهم وامشو في زفتم
يشهد اللله لانا حزب امة ولا متحزبين ...بس بي صراحة نكره الكذب والتدليس والظلم..
البحصل في انتقاد عودة الصادق وطريقة استقباله نوع متقدم من الشيزوفرينيا السياسية..
يا جماعة نفس هؤلاء البشر لم يرحمو حتي اعتقاله ولم يوفرو نظرية مؤامرة الا واتخذوها مفسراً في ان اعتقاله مسرحية....
بأكد لكم هؤلاء الذين ينتقدون الرجل ....لو ان الصادق اخذ سيفاً وبارز النظام ممثلا في شخص البشير ثم مات....لقالو انه مات لانه متاكد ان موته قد قرب فقرر ان يموت شهيدا متآمرا...
بالله فكونا ياخ
الامين محمد على
يا اخ ما تقنع لى ناس خالد دييل الشاركوا الانقاذ وعامل رايح.....وكمان ود المدير
شكرا يا اصيل
| |
|
|
|
|
|
|
|
|
|
Re: الناس زعلانة ليه من مجيء الإمام (Re: حمد عبد الغفار عمر)
|
Quote: الناس يا محمد بها غبن تملكها من موقف الإمام من الإنقاذ
الناس كانت بتتوقع يكون للإمام نصيب الأسد في مقارعة الإنقاذ |
بس !!!!
يا حمد كل الدكتاتوريات خلفت حزب الامة فى الحكم
عبد الله خليل و ديمقراطية الاستقلال
الصادق .. اكتوبر و ابريل
ياخى ده جهجه باكاتنا و باكات الديموقراطية بى هلّمجراتو الكتيرة ديك
ثم انو
السودانى لا يلدغ من الصادق تلاتة مرّات
و من حزب الامه اربعة مرات
الديمقراطية ماب ناباها .. الا الصادق ماب ندورو
| |
|
|
|
|
|
|
|
|
|
Re: الناس زعلانة ليه من مجيء الإمام (Re: جلالدونا)
|
كيفك يا جلالدونا
الانقاذ دي لو مشت فجأة السودان دا بكون محتاج لـ لملمة
اللمة الشايفها دي بقوة السلاح والإرهاب من قبل الإنقاذ
أنا بقول الصادق مؤهل لفترة انتقالية عشان الناس تتلم وبعد داك تقرر
حكاية إنو كان آخر رئيس منتخب دي ممكن تهديء الناس شوية لحدي ما يتفاكروا
إضافة لدرجة التسامح والسلمية البتصف بيها الإمام
في النهاية على كيفكم
| |
|
|
|
|
|
|
| |
حمد عبد الغفار عمر
محمد البشرى الخضر
nour tawir
معاوية الزبير
عبداللطيف خليل محمد على
عباس محمد عبد العزيز
Hamid Elsawi
عماد الشبلي
Yasir Elsharif
Farida Mahgoub
Mohamed Doudi
الجنيد حمد
sultan
محمد على طه الملك
خالد العبيد
معاوية المدير
نيازي مصطفى
الامين محمد علي
وضاح عبدالرحمن جابر
جلالدونا
فيس بوك
تويتر
انستقرام
يوتيوب
بنتيريست