|
|
|
|
 Re: أسباب منطقية لإلغاء جهاز تنظيم شؤون السود (Re: Dr. Ahmed Amin)
|
وأنا أدفع مالي وأضيع وقتي وجهدي وأُرذل في كل عام عدة مرات، دون أن أعرف سببا واحدا أو جانبا واحدا من جوانب حياتي كمغترب مزمن
جهاز المغتربين منغص الاجازات اعتبره من ابواب هدر الموارد في السودان، ويمكن الاستعاضة عنه كما اسلفنا بموقع الكتروني كفيل بتمكين المغترب من عمل اجراءاته جميعا الكترونيا فقط!
| |
  
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: أيمن محمود)
|
مقترحك الاليكتروني قائم ..
ولكن لأن الشركات المنفذه هي شركات أمنية و كيزانية فيعملون على ذلك .. لربطه بمصالحهم و اخدافهم ..
جهاز المغتربين يجب ان يكون وزارة تعنى بالمغتربين و المهاجرين استثماريا ..
فما سيدخل على السودان منهم سيكون اعلى من دخل البترول اذا ربط بمصلحة المغترب ...
وهم يدركون ذلك
لكن من وراء بعض اصحاب الكرفتات و متحصلى ال 10% من قيمة هذا و اصحاب الطابعات و مكاتب الخدمات .. لن يرضوا للسودان او المغترب نقعا ..
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: معتصم الطاهر)
|
Quote:
بحله يكون تم توفير مرتبات مثات الموظفين العاملين بالجهاز ومخصصاتهم وعرباتهم وتكييف وموية وحتى ايجار المكان (لو كان مؤجر)
والمغترب بكون كسب يومه فيما يفيد وبدون يمشي مشوار ومصاريف عشان يعمل الاجراءات دي ! |
السلام عليكم الأخ أيمن..
وهم حا يحلوا الجهاز ليه ما دام مرتبات الموظفين العاملين بالجهاز مدفوعة بالكامل من الجبايات والأوتاوات المفروضة على المغتربين ؟؟
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: الصادق عز الدين)
|
| Quote: بكل بساطة يمكن تحصيل المبالغ دي الكترونيا - يعني المغترب يخش حسابه في موقع السودانيين العاملين بالخارج ويسدد المبالغ العليه وينتهي الموضوع! |
بصراحة دخلت عشان أعلن اعجابي بعبارة (بكل بساطة) دي 
الدفع الالكتروني في السودان لسة بدري عليه شديد يا ولدنا برغم ما يسمى بالحكومة الالكترونية
لو تم جهات كتيرة حتقفل وكمية من القروش الملبوعة بتتوقف عشان كدة ما حيتم نهائي
يقولوا ليك ايصال 15 اليكتروني وما هو باليكتروني ولا شتين
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: الصادق عز الدين)
|
مقترحات أولىة:
- توسعة صالات الخدمات منعا للتكدس الذي يحدث فيها.
- تفعيل نظام الصف إلكتونيا بحيث يمنع الوقوف على الشباك إلا لصاحب الرقم على الشاشة
- إلغاء فكرة تقديم النساء على الرجال وذلك بعد عمل نظام الصف الرقمي
- تفخيم قاعة الإنتظار والجلوس بشكل مناسب
- توفير خدمة الإنترنت (واي فاي) بقاعات الإنتظار
- الإرتقاء بنظافة وجودة وفخامة الكافتريا داخل الحوش
- توفير صالة لخدمات الطباعة والتصوير بشكل منظم ومهيأ
- توفير مواقف سيارات منظمة ومؤمنة في الخارج
هذا غيض من فيض وقابل للزيادة
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: الصادق عز الدين)
|
شكرا يا باشمهندس
هذا السودان الذي إليه ننتمي يحتاج عاجلاً إلى (ماكينزي) ذات نفسـه جدهم الكبير ....
يحتاج إلى إعادة هيكلة عاجلة جداً جداً وتقليص كل الهياكل إلى (ربع) الحجم الحالي والتكاليف والمصروفات
جهازنا دا حق (المغتربين) ... (فوق البيعة) وكما تعلم (التقنية تستطيع (فتح) حساب لكل مغترب في ال (أونلاين) ويبقى جهاز مغتربين الكتروني) تدخل وتطلع من السودان كل نهاية اسبوع تدي الفواتح وتطمئن على الشياب وترجع سالماً غانما
بدون هذا سندلف إلى مراحل مواجهة ساعات الحقيقة وحين الدعس على فرملة الوطن لن يبقى سوى رماد الحرائق
تحياتي
أحمد الشايقي
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: الصادق عز الدين)
|
با شمهندس أيمن سلام عليكم
أخي الصادق عزالدين.
انا مع ألغاء الجهاز بشكله الحالي .
مع الوضع الحالي يمكن عمل التحسينات التي أقترحتها ويمكن ان تتم عبر الرسوم التالية وذلك حسب العقلية التي تدير الجهاز
- رسوم دعم الصالة
-رسوم أنترنت
-رسوم تحسين الصالة ( قبل عام او يزيد لاحظت في الأيصال مبلغ في حدود 5 جنيهات للصالة )
- رسوم طباعة وتصوير مستندات
رسوم خدمة مواقف .
دافع دافع ماعندك حل مع الناس دي والمقابل دائما أقل من المتوقع
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: الصادق عز الدين)
|
- مصلحة الضرائب لتحديد وتحصيل الضرائب
هو انت كل ما تنزل اجازة بيقعدو يحددو ليك ضرايبك ؟ ما الضرائب محددة سلفا بناءا على مهنتك! تحصيلها يتم الكترونيا اذن لا داعي لوجود مصلحة ضرائب وقومة وقعدة
- مصلحة الزكاة لتحديد وعاء الزكاة وتحصيل الزكاة
راجع الرد على مسألة مصلحة الضرائب
- فرع من وزارة الداخلية لإصدار البطاقات الشخصية وجوازات السفر وتأشيرة الخروج وكل ما يلزم من وزارة الداخلية
البطاقة الشخصية الزول بطلعها كم مرة في حياتو يا الصادق؟ وما بطلعها الا يجي مسافر؟
تخيل انا عمري ما طلعت بطاقة شخصية - حتى اليوم!
بخصوص الجوازات الزول ممكن يطلع الجواز من حتات كتيرة في الخرطوم وممكن تكون اقرب ليه من المغتربين وبدون اي زحمة - ليه نحصر استخراج جوازات المغتربين في حته واحدة في حين انهم اكتر ناس بهمهم الموضوع ده ونترك باقى الاماكن للناس القاعدين اصلا في البلد وقليل منهم يحتاج لاستخراج جواز
موضوع التاشيرة رغم انو من الاساس مفروض يتلغي ولكن زي ما اسلفنا يمكن ان تصبح الكترونية - اليوم فتحت موقع المغتربين ووجدت فعلا انهم معلنين عن عمل التاشيرة الالكترونية قريبا !
- مصلحة الأراضي وتوفير أراضي إستثمارية يتم شراؤها من الدولة مباشرة (أنا إشتريت منهم)
هل كانت الاراضي ارخص او اميز من المعروض في السوق؟
- فرع للسوق الحر يمكن الدخول إليه وشراء حاجياتك
بالله عليك في زول جاي من بره السودان بيمشي يشتري حاجاتو من السوق الحر في السودان؟
- القوات المسلحة لإصدار بطاقات السفر للذين لم يقوموا بإنهاء الخدمة الإلزامية وغيرها
ممكن تستخرج اذن سفر بدون تمشي لجهة معينة وتمشي بنفسك - الكترونيا ممكن تدفع رسومه وتتحصل على اذن سفر! - ده لو ما كان مؤدي الخدمة - لو مؤديها تمشي كل خمس سنين لادارة الخدمة الوطنية تطلع واحدة جديدة
- إدارة الجاليات التي تعنى بالجاليات السودانية بالخارج ومشاركتها في الأسابيع الثقافية وغيرها إضافة إلي دورها في إجلاء السودانيين من ليبيا من قبل على ما أذكر
- صندوق الضمان الإجتماعي الذي صمم للمغتربين للحصول على معاش دائم بعد العودة النهائية وإمتيازات أخرى
في مقابل ذلك تتحصل على مبلغ ١٠ دولار رسوم خدمات
ده علاقتو شنو بجيتي كل اجازة وموضوع سفري والحاجات دي؟ يالصادق الناس ديل برضو عاملين استوديو تصوير وكافتيريا وكان ببيعو لينا الفورمات بتاع التاشيرة (ورقة) بقروش اظنها كانت 12 الف (الكلام ده قبل 6-7 سنين) وتمشي تملاها وتدفع رسوم التأشيرة حتى يدوك تأشيرة! - الموضوع مآكل بس ليس الا زيها وزي المهاجر ليموزين ومشروع سندس
بتعرف قصة المغتربين مع مشروع سندس يالصادق؟
تسلم
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: أيمن محمود)
|
إذا قلنا السداد الإلكتروني للضرائب والزكاة === الخدمة الوطنية وتأشيرة الخروج فقط كم يكفيه للإنتقال بين الإثنين من مال ووقت (شوفوا الزحمة في شارع ٦١ للخدمة الوطنية)
سداد الاكتروني معناتو تسدد وانت مستلقى في سريرك بتتفرج في التلفزيون وتشرب في الشاي باللبن والخبيز - من موبايلك الذكي - وتتونس مع ناس البيت الليك منهم زمن!
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: أيمن محمود)
|
السلام عليكم...
كتب الأخ الصادق عزالدين ما يلى...Quote: - صندوق الضمان الإجتماعي الذي صمم للمغتربين للحصول على معاش دائم بعد العودة النهائية وإمتيازات أخرى
|
ولم أجد أبلغ من قول الراحل مصطفى بطران ( اطرد الحلام يا جميل واصحى)
ما لقيت حاجة تانية اقولا ليك لكن سؤالى الجاد ليك : أنت جادي؟؟؟؟؟
ياخ هو القوارض البشرية دي تفتكر ممكن تخلي ليها صندوق ضمان إجتماعى لمغترب!!!!!!!
تحياتى
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: أيمن الطيب)
|
الحسابات بتكون على الأعداد
يعني إذا إنت ما طلعت بطاقة شخصية ده ما معناه لا حوجة لها ، بل هي مهمة لكثير من المغتربين عندهم مصالح في السودان بدلا من حمل جواز السفر
أبسطها التعاملات البنكية والأراضي والمحاكم والمحامين وغيرها طبعن هذه البطاقة تجدد كل خمس سنين.
أما عن الضرائب والزكاة حسب ما علمت أن المتخلفين والذين يطالبون بالتخفيض أكثر بكثير من المسددين ، بالتأكيد إلكترونيا سوف تظهر هذه الفئة التي سوف تشتكي بأنها غير قادرة على سداد متأخراتها.
ما كل المغتربين مسددين.
الخدمة الإلزامية لها إجراءات كاملة من فحص وتصوير وإصدار شهادة أنا واحد من الناس كنت أمر عبرها كل سفرية.
الأراضي هي تباع بالأسعار التي تعرضها الدولة وتكون مميزة ويمكن أن تشتريها بالأقساط.
ما حابي أدخل في نقاش عن مهام وأعمال الجهاز أنا طالب نفكر بهدوء ونوزن الإيجابيات مع السلبيات ونشوف هل هناك جدوى أم لا ؟
الحساب يكون بحياد وبإحساس العام الكلي وليس الخاص الشخصي
نقاش جميل !!!! شنو قصة سندس ؟
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: محمد المرتضى حامد)
|
حصل قعمست تحت الجملون العملوا ليهو بخاخات لتنتظر قدوم الباظبورت مؤشر؟
في عيد الفطر كنت هناك والتقيت حبيبنا Khaleel وكدت أنشده أغنية زيدان (ليه ترضى امتهاني)
في الجملون دا يا أيمن يجري ما يلي:-
- يا جماعه بالله أقعدوا ، اي زول جوازو حايجيهو،
- هي لاكين لمتين ياخ، نحن قاعدين لينا 7 ساعات وجواز السجم دا ما جا،
- الصبر يا خينا ، براك شايف الحاصل..
(وصلت دفعه فيها كم وعشرين جواز) والجلوس بالآلاف..
- موظف ينادي: عبدالله دفع الله قسم السيد الكلداني
- نععععععام ثم يقذف له بجوازه فننننننن ، هنا تتذكر أغنية ودبارا (جاني بريدو طاير يحمل لي بشاير)..
- خادم الله بت ست النفر داعس ... نعاااااااام.
- إنت خادم الله؟
- يا زول حسِّن ألفاظك..
(هنا تبدا حملة الموصل والرقه وتلعفر ويدفع الأبرياء من المديين الثمن)
-
معليش يا ايمن أنا جيت شان أسلم على ضيوفك ..
وجيت برا بوعدي الإنقاذي (وعد عرقوب) أني لن أعود لكن كما قال مظفر النواب:
كلنا قد تاب يوما ثم ألفى نفسه قد تاب عما تاب..
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: محمد المرتضى حامد)
|
عندما تعرف الذي تقدمه وزارة الخارجية والمغتربين اللبنانية وما تقوم به وزارة الهجرة المصريه تجاه مغتربي الدولتين وتقارنه بما يفعله بنا جهاز المغتربين القابع في ذلك المبنى الردئ يصيبك إحساس أنك أفطرت بطعام مسموم طبخ بزيت فرامل وهضمته بصودا كاويه. اللهم أنت أدرى بدعائي..
استاذنا وحبيبنا محمد المرتضى البوست بوستيك كما نود
زميلنا مهندس فلبيني حبيت اعرف منو الحاصل شنو معاهم والفلبين من افقر دول شرق اسيا
قال لي جوازك وبس - تاني مافي اي زول عندو بيك اي شغلة - لا ضرائب لا قناة فضائية لا دمغة جريح لا خدمات لا زكاة طبعا!
بس عليك بجواز يكون صالح للمرقة والطلوع وتذكرتك - نهايا - مافي اي شكل من اشكال الرسوم والجبايات لأنو الزول مغترب - بل بالعكس الما مغتربين بيدفعو ضريبة دخل حوالي 20% والمغتربين ما بيدفعو تعريفة ! غير الخدمات البتقدمها السفارات لرعاياها في الدول الاخرى - عشان كده تحويلات المغتربين شايلة الفلبين والبيزوس مستقر لدرجة انهم بخافو يودعو قروشهم بالدولار لانه مرات كتيرة بنخفض!
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: أيمن محمود)
|
لا حاجة للدولة ولا المغترب في جهاز اكول كجهاز المغتربين
مبنى ضخم في موقع فخيم تديره حفنة من الفاقد التربوي
لاينتج في تشغيله سوى اهدارا لموارد الدولة من المعتربين
كان اولى يستثمر في شئ مفيد منتج عوضا عن كونه مستهلكا
ويقام في ركنه القصي صراف الي متقدم (مترين في مترين) ينجز كل ما يقدمه الجهاز الان بكفاءة وسرعة افضل.
| |
|
|
|
|
|
|
|
|
|
Re: أسباب منطقية لإلغاء جهاز تنظيم شؤون السود (Re: عمر التاج)
|
هذا الإنقاذي ولي شئوننا في هذا الزمن الأعرج فقال:  وما هي إلا أيام حتى ظهر صدقه وصدقيته فقال:  وذهب المذكور أعلاه غير مأسوف عليه وعاد آخر كان في ذات الجهاز كما لو أن الأرض عقمت أن تلد أمثال هؤلاء الذين يتبادلون السفارات والجهاز.. الفشل له أصول..
| |
|
|
|
|
|
|
|
| |
أيمن محمود
محمد المرتضى حامد
معتصم الطاهر
Elhadi
أحمد الشايقي
عباس محمود
أيمن الطيب
عمر التاج
فيس بوك
تويتر
انستقرام
يوتيوب
بنتيريست