|
|
|
 Re: مرتب المعلم فى الدولة الرسالية الاسلامية (Re: Frankly)
|
Quote: البدلات والعلاوات والحوافز والمنح كم في الشهر؟
|
هههه فيك الخير يا كمال، المليون و ميتين دا ياهو كل البتستلموا. هى قعدت تقول المرتب الاساسي كم و البدلات كم و شنو. اظنو المرتب الاساسي فى حدود خمسمية او ستمية و تاني فى بدلات و في استقطاعات. قلت ليها انتي فى النهاية بتستلمي كم من الصراف؟ قالت لي الف و ميتين. فتأمل يا اخي الكريم.
| |
 
|
|
|
|
|
|
|
|
Re: مرتب المعلم فى الدولة الرسالية الاسلامية (Re: abubakr salih)
|
والله يا بكري أقول شنو
دا مبلغ ما يكفي مواصلات والله المستعان
وافتكر حال الأطباء وجميع الموظفين ما افضل من كدا
لولا فضل الله ثم التكافل الإجتماعي لهلك خلق كثير
بالجد ديل الواطـين على الجمر بحق وحقيققة
ربنا يفرج الغمة بلا خراب وبدون تأزيم أو فوضى تزيد معاناتهم معاناة
| |
|
|
|
|
|
|
|
|
Re: مرتب المعلم فى الدولة الرسالية الاسلامية (Re: Frankly)
|
معلمة بخبرة سنوات عديدة تحصل على راتب قدره 2.5 دولار، فى اليوم.
بينما أصغر كوز فاقد تربوي يمتطي أحدث طراز سيارات ويسكن في مبنى من دورين وعنده حساب مصرفي بالدولار واليورو
+ معرس مرتين .. وممكن يدخلك السجن ويفصلك من عملك ويفركش ليك خطوبتك كمان 
| |
|
|
|
|
|
|
|
|
|
Re: مرتب المعلم فى الدولة الرسالية الاسلامية (Re: Frankly)
|
كل الفئات و ( الشرائح ) - المصطلح دة كيزاني بحت - بتعاني بس المدرسين وضعهم صعب وبعانو جد ..
وممشين حالهم مجاسفات ..ديون وسلفيات .. اخر الشهر ( الملاليم ) الـ بياخدوها تمشي لـلتلاجة الماخدنها
بالدين او البوتوجاز او الانبوبة زاتا او الشاشة البلازما ولا سيد الدكان .. وضع المعلمين ماساوي ماساوي
يا بكور .. التحية والتجلي ليهم .
سلام ليك ولضيوفك
| |
|
|
|
|
|
|
|
|
|
Re: مرتب المعلم فى الدولة الرسالية الاسلامية (Re: منتصر صلاح)
|
حبيبنا بكور .. مودتي ..
زمان كنا في التعليم وفي بداية السبعينات هناك في دنقلا ( ضواحي الدنيا )
كنا في إسكيل ( جيه ) أول راتب 30 جنيه ..
10 جنيهات كافية للسكر والشاي والصابون والزيت .. إلخ
مصاريفي الخاصة 5 جنيهات ... السياحة وفطور المدرسين مع الكبدة والفول ..
الضبيحة العتوت (60 - 75 ) قرش .. ميز المدرسين ( الموية المقطرة 20 قرش) سهرة الخميس وصفقة ورقيص
والد الله يرحمه كان عنده شنطة نرمي فيها باقي الفلوس .. بعد فترة جمعنا ما في الشنطة .. المدخرات 350 جنيه
الوالد الله يرحمه ذهب الحج مباشرة .. ورجع معاه هدايا كمان ..
أتذكر أحد المعلمين من الزملاء كتب في كشف الميز (25) قرش أشياء أخرى .. الناظر قال ليه ( تعال وضح اشياء أخرى دي شنو )
يعني 25 قرش ( الطرادة ) مبلغ معتبر يستحق المساءلة ..
آه .. يا .. زمن .. إغتراب وكفيل .. وغربة ومطارات ..
شكراً حبيبنا ابوبكر .. رجعتنا نصف قرن للزمن الجميل ..
| |
|
|
|
|
|
|
| |
abubakr salih
Frankly
منتصر عبد الباسط
Hatim Alhwary
حيدر حسن ميرغني
منتصر صلاح
علي عبدالوهاب عثمان
فيس بوك
تويتر
انستقرام
يوتيوب
بنتيريست