|
|
|
 Re: معارضة سحسوحة (Re: muntasir)
|
والحكومة فاتحة بيت
//////////////////////////////
اها يا منتصر ده الكلام ذاااتو
الحكومة شكشوكة مافي شك
وبين السحسوحة والشكشوكة
الشعب ضايع ..!!!
لكن مابلوم الحكومة لانو ده شغلها
ودي النظرية العقدية بتاعتها بتطبق فيها وبتفتكر نفسها في السليم
وفي الجانب الاخر المعارضة الاتصدت للازمة وشافت انو عمايل الحكومة غلط
هنا نقيف //////////
عملت شنو تجاه الغلط البحصل بوصفها وضعت نفسها وكيلا عن المظلومين وتتحدث باسمه ...!!!
عملت شنو وقت النظام بقتل في الشباب وبفصل الدولة وبثير النعرات
لو هي معارضة محترمة ما كان النظام وصل للمرحلة دي ابدا
كان زمان يكون تم اعدام قادته وسجن اساطينه
ولكن لانها معارضة سحسوحة اكتفت بالبيانات والتصريحات النظام كل يوممن الصباح بمد للشعب اصبعووبقول ليهو
أركبو هنا انت ومعارضتك
بقي الشعب لا قادر يدعم المعارضة لا قادر ينحل منها
داك الشارع دايرين نشوف القادة (وش) ولوده حصل ابشرك هوة عدم الثقة بين الشعب والمعارضة بتتردم والنظاملن يمكث تلاتة يوم
وعلى راي السحسوحة دعني اقول لك
أجي ياود امي نحن نطلع نموت وانت تطلع بيانات ...!!!
| |
 
|
|
|
|
|
|
|
|
Re: معارضة سحسوحة (Re: عبداللطيف خليل محمد على)
|
تب ما عليكم لوم ..
/////////////////
هههههههه
ياعبد اللطيف مساءك خير والله
تصدق وتأمن ده حال القروبات فتحت سقف النضمي
قروب فيه شيخ بطالب بحذف اي زول يجيب كلمة بس في لولوة
بعد قرارات الحكومة هو ذاااتورش ليك الحكومة بين الصرة والركبة
وختمها ( الراجل يقول احذفوه)
عليه الشعب غير مؤاخذ بتاتا ان شال عكازو وطلع
او هاجر
اوصفق لبشة
طالما الكورة من جانب واحد ولاعب خشن والطرف الاخر قاعد يتسحسح ويحتفل بعيد ميلادو وماشابه
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
اخي ناصر
احنا لازم نعرف دور المعارضة اولا و هو مجرد التحريض و التعبئة
و في دا هي ما مقصرة
انظر فقط لمانشيتات الميدان و هي تصدر ورقيا و توزع داخل السودان
للاسف الشعب غير متجاوب و اشبه بالجثة الهامدة زي العاجبو (.........) الانقاذ و ركوبا في ظهره
اخر مرة هل تستطيع ان تتخيل حجم من وقفوا للاستماع لعمر سلك امس اثناء المخاطبة
يقول من شاهدوا الحدث ان اكثر من كانوا في مكان الحدث هربوا من المخاطبة و ربما تبول بعصهم على ملابسه
الاحزاب عضويتها محدودة جدا بالمناسبة يعنى احزاب زي البعث و الشيوعي و الموتمر السوداني عضويتها مجتمعة لا تتعدى الفين او ثلاثة بالكتير
يجب التنقيب عن اسباب عزوف الجماهير عن الخروج ضد النظام و نجلي قصة احزاب المعارضة دي شوية
تصحيح
كلمة السحسحة و مشتقاتها متداولة منذ الستينات. كان لرسام الكاريكاتير الراحل عز الدين عثمان شخصية كاريكاتورية باسم سحسوح
و هو شاب تبدو عليه ملامح النعومة راجت في وقتها
| |
|
|
|
|
|
|
|
|
|
Re: معارضة سحسوحة (Re: عوض محمد احمد)
|
"لكن مابلوم الحكومة لانو ده شغلها "
هههههههههههه
////////////////////////////
العزيز دينق
قاصي الكلام ليه؟
نعم مابلوم الحكومة
وصدق لوتلب لي حرامي وعدمني الحبة
مابلوم الحرامي لانو ده شغلو
بلوم نفسي لاني ما أمنت الوضع
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
اخي ناصر
احنا لازم نعرف دور المعارضة اولا و هو مجرد التحريض و التعبئة
و في دا هي ما مقصرة
انظر فقط لمانشيتات الميدان و هي تصدر ورقيا و توزع داخل السودان
للاسف الشعب غير متجاوب و اشبه بالجثة الهامدة زي العاجبو (.........) الانقاذ و ركوبا في ظهره
اخر مرة هل تستطيع ان تتخيل حجم من وقفوا للاستماع لعمر سلك امس اثناء المخاطبة
يقول من شاهدوا الحدث ان اكثر من كانوا في مكان الحدث هربوا من المخاطبة و ربما تبول بعصهم على ملابسه
الاحزاب عضويتها محدودة جدا بالمناسبة يعنى احزاب زي البعث و الشيوعي و الموتمر السوداني عضويتها مجتمعة لا تتعدى الفين او ثلاثة بالكتير
يجب التنقيب عن اسباب عزوف الجماهير عن الخروج ضد النظام و نجلي قصة احزاب المعارضة دي شوية
تصحيح
كلمة السحسحة و مشتقاتها متداولة منذ الستينات. كان لرسام الكاريكاتير الراحل عز الدين عثمان شخصية كاريكاتورية باسم سحسوح
و هو شاب تبدو عليه ملامح النعومة راجت في وقتها
//////////////////////
الاخ عوض
لا اتفق معك (كلوكلو) انودور المعارضة التحريض
لو صحي دورها هو التحريض تكون سحسوحة و(م############ة) كمان
دورها تقود الشعب في الشارع
وشكرا للاضافة بخصوص شخصية السحسوس
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
فضل الله بابكر حماد · ا
أجي ياود امي نحن نطلع نموت وانت تطلع بيانات ...!!!
بس دا البحصل من المنادليننننننننننننننننننننننننن هههههههههههههههه
///////////////////////////////
الاخ فضل للاسف هي الحقيقة
دايرين يكونوممثلي الشعب الينزلو قبلنا ونحن وراهم
اويتخارجوويفضوسيرة السياسة الشعب براهو بقدر يصحح مساره
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
شكرا للاخوة عبر نافذة الفيس بوك
Haitham M Muzzammil · جامعة السودان للعلوم والتكنولوجيا
هههههههههه
والله كلامك صعب عديل
غلبتي التعليق
///////////////////////////////////////////////
لكنها الحقيقة اخي مزمل
أولا: أنت غضبان و هذا يظهر في الألفاظ التي إنتقيتها.
ثانيا: لا يوجد مفهوم يقرر أن يقوم جسم ما أو كيان 'أسميته أنت معارضة' بالمقاومة نيابة عن سيادتكم. الأوطان يبنيها بنوها.
ثالثا: من البديهي، إن لم يكن من الواجب، أن تخلِق الجماهير وعيها و تختار قادتها و ليس العكس. هذا شرط من أشراط التغيير قد لا يستوعبه العقل الكسول الذي يريد مستبداً مكان آخر.
رابعا: من الأفضل للشعوب أن تكتمل ظروف ثورتها بإكتمال وعيها و إيمانها بأنها تستحق حياة كريمة و حرة، بدلا من البحث عن فرد أو كيان تسلمه قيادها.
///////////////////////////////////////////////////////////////
الاخ اشقر طيبة قبيل انا قلت المعارضة تنفض ايدها من العمل السياسي وبعدها الشعب بقدر يدبر أمرو ويتسنبط قيادات من قلب الميدان
لكن قاعدة مترصدة كده ( تخم وتصر) مافي ثورة
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
بهدو خلونا نحاول نشوف ليه الانقاذ ما بتحسب اي حسابات او بتتردد قبل اي زيادة تخلق معاناة للشعب
بتزيد وتفصل وتقتل وتشرد ويسرق منسوبيها المال العام والمال الخاص
وده كلو ما في السر بل في الجهر والعلن وراعي الضان في الخلاء عارف انو الحكومة بتسوي ده كلو ..!!
ده جانب
الجانب الثاني الشعب السوداني والنصيحة لله ما بقبل الظلم والضيم والقهر
سيبك من الشعب السوداني الحمير لاتقبل القهر والضيم ةالذل
طيب طالما حاصل كل الظلم والقهر ده وفي الجانب الاخر في شعب معلم مابقبل الظلم
ليه الحكومة قاعدة ليوم الليلة..؟؟
محاولات الباس ثوب الكوزنة لكل من ينتقد المعارضة ماهي الا زر رماد على العيون
طرحت مسبقا تكوين جسم سياسي مطلبي من (فلوتر) يتولى قيادة الشعب للثورة
ويتولى الفترة الانتقالية
والغريبة انو كل الثورات بتقوم كده لو نظرنا من حولنا
وحتى الثورتين السابقتين تصدت لهم نقابات يثق فيها الشعب
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
Hatim Ibrahim
سيبك من الشعب السوداني الحمير لاتقبل القهر والضيم ةالذل
=====
نعم نعم هذا ما أكدته أنت كثيراً هنا
بأنه من الأفضل أن لا ترفسها إذا رفستك. :-)
فكم من الحمير قهرت يا ناصر قبل أن تكتشف هذه الميزة فيها؟
//////////////////////////////////////
حاتم ابزمبارة
يازول مالك بالشباك
أوع تكون مشيت الخور ( اصلك شبيه الخيران)
ياخ بكري بالغ شال (كورتنا) البنضقل بيها
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
تحياتي اخي وصديقي ناصر ..... هي المعارضه دي منو ؟؟؟ وانت خاتي نفسك وين مع المعارضه ولا الحكومة ولا الفهم شنو ؟؟؟؟ أظن بان الكيان بتاع المعارضة بمثله كل ماهر مناهض للنظام ....
| |
|
|
|
|
|
|
|
|
|
Re: معارضة سحسوحة (Re: محمد البشرى الخضر)
|
تحياتي اخي وصديقي ناصر ..... هي المعارضه دي منو ؟؟؟ وانت خاتي نفسك وين مع المعارضه ولا الحكومة ولا الفهم شنو ؟؟؟؟ أظن بان الكيان بتاع المعارضة بمثله كل ماهر مناهض للنظام ....
//////////////////////////////////////
الحبيب أسامة
تحياتي بلاحدود
يمكن هنا في لبس
انا لا اقصد المعارضة ككتلة جمهور متحركة
اذا رجعت للاحداث السابقة يمكن ان نتفق انها بلا تنظيم يقودها ويبصّر العالم بها
والدليل في الخرطوم وحدها أستشهد قرابة ال200 ولم نسمع منظمة او حتى دولة تحركت بجدية تجاه الامر لانه لا يوجد جسم قيادي للتحرك في الشارع يمكن ان يكون همزة الوصل بين المجتمع الدولي
وبين المتظاهرين انفسهم في الخارج
جسم يتابع ويصدر البيانات والتصريحات ويكون ند للنظام وهذا الجسم يستمد قوته من خلال قيادة جموع الثوار في الشارع
طيب هنا تصدت المعارضة للامر بصورة فطيرة للغاية حيث توارات وكنت دائما أقول ان اي معارضة محترمة لا تقبل مقتل فرد ناهيك عن ال200
لابد لاي عمل ثوري من قيادة توجهه وتحرص على سلامة المحتجين وتقليل الخسائر والضغط على النظام للتنازل
هل انا ممكن اقوم بالدور ده؟
باي صفة ومن أي منبر ؟
المعارضة او الاحزاب هي التي تمتلك المنابر التي تستطيع من خلالها تنظيم الاحتجاج ومخاطبة الجمهور الثائر وكذلك مخاطبة المجتمع الدولي وكذلك مخاطبة النظام وتحذيره وما الى ذلك
ويشترط بتلك المعارضة ان تدفع بكوادرها في وسط الجمهور لتنظيم هذا الحراك
وهذا ضروري للغاية نسبة لصغر اعمار الجيل الحالي وأفتقاره لمهارات الاحتجاج واساليب السلامة للمحتجين
يعني باختصار
الاحتجاجات التي لا تتولاها المعارضة التي تمتلك المنابر هي قد تكون مكلفة وغير ذات جدوى
والدليل قرابة عشرة هبات وتحركات كانت تكلفتها كبيرة وبدون أثر على النظام
فيا صديقي الصدوق أسامة انا اقصد الاحزاب ..!!!
وكثيرا ناديت بتجاوز الاحزاب وتكوين جسم يقود الاحتجاجات
دونك الثورة المصرية كانت لها قيادتها التي توجه وتبين للناس مايدور
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
ما تشتغل بيه يا اسامة ناصر دا غواصة من زمان جماعة الحق يقال
///////////////////
الاخ محمد
مساءك خير والله
اسه في ذمتك انا كلامي ده بقولو من 2013 وعند اي تحرك
مايكفي فشل الثورات والهبات تكون دليل على صدق ما أقول
بعدين غواصة الا كان في البحر الاحمر
معارضتنا السحسوحة قاعدة في السهلة ساي
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
((من الأفضل للشعوب أن تكتمل ظروف ثورتها بإكتمال وعيها و إيمانها بأنها تستحق حياة كريمة و حرة))
سامعين..ولا يجيكم الفردة يشرح ما استغلق عليكم
هههههههههههههههههههههههههههههههههههههههه
البلبل..قال عليهوا جدادة..والقفص فيهوا جداتين
//////////////////////////
عاطف
وعي الشعب السوداني اكتمل زمان ياصديق
ولو كان وعي الشعب السوداني ناقص كان زمان شات النظام ده بره
الشعب ماهو غبي ولا غير مؤمن ليلدغ من جحر المعارضة مرتين
ببساطة الموجود من الاحزاب هي ذاتها الانقلب عليها النظام
وذات الاحزاب دي وصلت سدة الحكم بعد ملحمة ثورية قوية للغاية
وذهبت بانقلاب البشير ولم تراعي للثورة التي اتت بها للحكم وصالحت نظام البشير ...!!!!
بس دي يفهموها كيف
وعي ولا ما وعي ياعاطف..!!!
زول ضحيت وجبتو للحكم ، وطار الزول من الحكم
وجاء اتناسي تضحياتك وصالح من انقلب عليه
والزول ده زااتو موجود ومتصدر مشهد المعارضة والتفاوض والحوار يدور معه يعني قلع معقد المعارضة
أثور كيف واجيبو للمرة التالتة ..!!!
ده الوعي
سيبك من الكلام الانشائي المرصوص ده
الشعب السوداني واعي للغاية ووعيه مكتمل
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
الحكومة شكشوكة مافي شك
وبين السحسوحة والشكشوكة
الشعب ضايع ..!!!
=============
ناصرووو ..
بنظريتك دي المفروض الشعب يكون صايع
وليس ضايع ...
احد الظرفاء ... قال ..
البيحصل في البلد دا يا مخطط خارجي ...
او مشجر داخلي ... او كاروهات ...
وفي كل الاحوال ... الترزي باااالغ ....
عالم بطااالــــــــــــــــــــــــــة
| |
|
|
|
|
|
|
|
|
|
Re: معارضة سحسوحة (Re: جلالدونا)
|
ناصرووو ..
بنظريتك دي المفروض الشعب يكون صايع
وليس ضايع ...
احد الظرفاء ... قال ..
البيحصل في البلد دا يا مخطط خارجي ...
او مشجر داخلي ... او كاروهات ...
وفي كل الاحوال ... الترزي باااالغ ....
عالم بطااالــــــــــــــــــــــــــة
//////////////////////////////////////////
مجيدوووو
البوست منور وحياتك
هههههههههههههه
الترزي بالغ وفات الكبار والقدرو
آه ياسعاد
الشعب ضايع
ويمكن يكون صايع لانو معارضتو سحسوحة
| |
|
|
|
|
|
|
|
|
|
Re: معارضة سحسوحة (Re: جلالدونا)
|
شكرا تفاح الفيس
//////////////////////////////
النصيحة لله يا فرح انا مرات كده بشك انو المعارضة دي عندها اتفاق مع بشة (تحت تحت)
لانو لا يعقل ومستحيل
يفشل او تفشل قرابة العشرة تحركات ثورية اشراطها مكتملة ويموتو فيها شباب صغار في السن
وما تقبفو وتشوف الازمة وين بالضبط ..!!!!!!!1
ليه الفشل
اها لجنس حركاتك دي
موضوعي ده انا بفتكرو مهم وانت جاي ناطي شكرا تفاح الفيس
تفاح ولا دوم
تفاحك ده الاخ علي عمر ( خلطو وشربو عصير بتعليق واحد ) امشي اقراهو فوق في تعليقات الفيس بوك
| |
|
|
|
|
|
|
|
|
|
Re: معارضة سحسوحة (Re: جلالدونا)
|
بى مناسبة سحسوحة
ممكن تشوف لينا حكاية سحس دى
/////////////////
جلال من الصعب ايجاد حكاية سحس
لكن يمكن تعتمد حكاية المعارضة دي لتكون حاكية سحس
او نكتة (كدي يهبشو الطواقي برضو)
سحسح او سحسحوح اعتقد مرادف لحنكوش
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
التحية لك ناصر .. ولضيوفك الكرام ..
طبعآ ناصر دا بالنسبة لي ود الزئبق الما بنقبض !
مرة القاه هنا ومرة القي بهناك !!!!!
طيب سؤالي ليك يا ابو النصر ؟
انت موقعك شنو بالضبط في البقول فيهو ولا الما بتقول فيهو .
اهو اديتك خيارين عشان ما تجي تقول داير
تستعين برجل ضبابي هههههه .
نسمع منك .
| |
|
|
|
|
|
|
|
|
|
Re: معارضة سحسوحة (Re: مني عمسيب)
|
التحية لك ناصر .. ولضيوفك الكرام ..
طبعآ ناصر دا بالنسبة لي ود الزئبق الما بنقبض !
مرة القاه هنا ومرة القي بهناك !!!!!
طيب سؤالي ليك يا ابو النصر ؟
انت موقعك شنو بالضبط في البقول فيهو ولا الما بتقول فيهو .
اهو اديتك خيارين عشان ما تجي تقول داير
تستعين برجل ضبابي هههههه .
نسمع منك .
//////////////////////////
يامنى
كيفك
انا تالله وبالله
اعمل واجتهد للثورة ضد النظام ومحاسبة قيادات الانقاذ بالمليم والتعريفة
وسبق ان عملت واعتقلت وخاطبت في جامعات وفي اسواق
لا اقول اتمنى بل اجتهد لازالة النظام
لكن النصيحة لله
وانا صاحب تلاته تجارب حزبية
المعوق الاساسي للثورة هي الاحزاب الاستولت على موقع المعارضة المفترض اعلاميا وسياسيا بامتلاكها ادوات مخاطبة الاعلام
وبعاتبار ان التفاوض يجري معها هي ..!!
ومن 2013 انا بكتب في هذا السياق
واكره الهتاف الجوفاء
عقب كل تحركي ثوري
نسيب الهتاف ونقعد في واطة الله دي ونشوف جسم يمثلنا في الثورة كما قادت النقابات الثورتين الاخيرتين ..
واعتقد فوق شرحت كويس
انا معارض ولله الحمد
ولا اكتفي فقط بالمعارضة (بالنية) بل اعمل على نشر الوعي بالثورة
| |
|
|
|
|
|
|
|
|
|
Re: معارضة سحسوحة (Re: جلالدونا)
|
من كل قلبي
اتمنى ان تترك المعارضة والجوقة التي تتبع لها حاكية التسخينة دي والدفع تجاه ثورة دون دراستها بصورة كافية
قبل تلاتة يوم في قروب قلت كلامي هذا
وعلى طول من اول عشرين رد طلعت كوز وغواصة
رديت قلت ( سيبكم من انا كوز او جك ، توقعكم شنو البحصل )
والردود جات على شاكلة
لاصوت يعلو فوق صوت المعركة
حقك تقاوي وتقلعو
وهتاف فطير للغاية
واليوم والامس القروب مات تماما واصحاب الهتاف قلبو نكات وفيديوهات ترفيهية عينة ( بت سمحة مدبلجة معاها مقاطع لناس شينين)
وكاد الامر ان ينتهي
الثورة مسئولية قبل كل شي
الثورة جدار من الثقة بين الثوار في الشارع وقيادات تقود الثورة سياسيا واعلاميا
الثورة ليست ثورا اهوج يتكالب عليه الجزارين خبط عشواء
الثورة فعل عفوي (نعم) ولكنه نجاحه وتقليل خسائره يستلزم تخطيط ووجود قيادات فاعلة فعلا
وبعد شوية حنجي للسؤال البجنن الجماعة (البديل منو)
عشان نشوف الاجابات الفطيرة الكانت طالعة في بوسترات عينة
( بوستر واحد مادي اصبعو ويقول : انت البديل)
أبشر بطول سلامة يابشة
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
يا ناصر
لو شكر نفاج الفيس طلع روحك ولا حاسي خستك ليك بالموضوع احذفوا ياخ
واتبع سبيلك
انت شايف موضوعك مهم
وانا ما قللت ليك من أهمية موضوعك
ولك كامل الحق في أن تعتقد بأهمية موضوعك
وانا لي الحق في قرابة البوست وفحص المداخلات والمتابعة
ولي الحق في الإشادة
يحافظ إبراهيم
ومن علق قبله
ومن أتى بعده
وانت معاك الاستيكة ويا دار ما دخلك شر
كسرة
قلت لي مهم
طيب ولا تزعل
مهم اوى
| |
|
|
|
|
|
|
|
|
|
Re: معارضة سحسوحة (Re: فرح الطاهر ابو روضة)
|
يا ناصر
لو شكر نفاج الفيس طلع روحك ولا حاسي خستك ليك بالموضوع احذفوا ياخ
واتبع سبيلك
انت شايف موضوعك مهم
وانا ما قللت ليك من أهمية موضوعك
ولك كامل الحق في أن تعتقد بأهمية موضوعك
وانا لي الحق في قرابة البوست وفحص المداخلات والمتابعة
ولي الحق في الإشادة
يحافظ إبراهيم
ومن علق قبله
ومن أتى بعده
وانت معاك الاستيكة ويا دار ما دخلك شر
كسرة
قلت لي مهم
طيب ولا تزعل
مهم اوى
///////////////////
يافرح لسه مصّر تكون في قالب حرقو وحرقني ..!!!
ياخ انا طارح موضوع وما بكل من طرحه لاعتقادي انه على صواب
ولمن طرحتو ما قاصد اغيظ زول او ( أكاوي زول) قاصد اطرح وجهة نظر
ومابستخدم الاستيكة بتاتا
اسه انت رايك شنو في سؤالي
ليه فشلت ثورات عديدة رغم انو السودان وصل مرحلة لا يتحملها بني ادم ..؟
| |
|
|
|
|
|
|
|
|
|
Re: معارضة سحسوحة (Re: فرح الطاهر ابو روضة)
|
كتب الصادق اسماعيل في بوست مظاهرات جامعة الخرطوم Quote: الرأي بتاعي إنه كل القيادات تنزل الشارع ويعتقلوها وتنزل قيادات الصف التاني ويعتقولها وهكذا، ويفكوهم يرجعوا تاني يرابطو في الشارع، ساعتها
الناس كلها حتطلع.
لكن وهم إنهم بيقودوا وموضوع حمايتهم دا ما عندو معنى.
والناس البرة ديل يكون عندهم الاستعداد لدفع الأموال عشان اسر المعتقاين ديل يقدروا يمشوا امورهم
بدل الاحلام الزلوطية بتاعة الانترنت.
أنا اشتغلت في جمع القروش لهبة سبتمبر، الناس البتتفاصح في الفيسبوك
والانترنت لمن قلت ليهم رسلوا قروش، بدوا يقولوا الضمان شنو انها تصل
وحتمشي لمن وكلام ما عندو معنى.
هسع البشوف فيهو دا اتكرر في المنبر دا دلشيون مرة وما في جديد
بوستات تبشر بالمظاهرات وسقوط النظام وبكرة الحالة في حالها.
أها دي وجهة نظري وأنا جربت التظاهر وتوزيع البيانات
واقامة الاركان في الشوارع وفي جامعة الخرطوم مشيت
كسرت حظر منع أركان النقاش واقمت ركن محضور
مشيت شلت سلاح وكلو.
لكن من غير انه القيارات دي تطلع كلها للشارع وتقيف
والناس البرة دي تقطع وتتدين واي زول يدفع ليهو 100 دولار على الاقل
المظاهرات النحنا شايفينها دي حدها قريب وربنا يستر ما يقتلوا لينا ناس تاني. |
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
وكتب بعض جوقة المعرضة
احسن يكونو لابدين
ويشتغلو في السر
يعني يعملو حمد لبد ....!!!!!
عاد ده كلام
والاصوات العاقلة حتتكلم وحتبدا ترتفع اصواتها عاليا
ونقلل الخسائر ونضمن التغيير
مش زي الافلام الهندية البنحضرها هنا
كعينة
مظاهرات هادرة
والثورة انطلقت وهلمجراء
داك الشارع نشوفهم وش
التحية لابراهيم الشيخ وحزب المؤتمر السوداني
الحزب الوحيد الذي بادرت السلطة باعتقال قياداته لانها تعلم انهم سوف يتقدمون الصفوف
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
القيادي البارز بالحزب الشيوعي كمال كرار:
(الشيوعي): ليس من مهمتنا التظاهر نيابةً عن الآخرين
وقال الناطق الرسمي باسم الحزب، فتحي فضل: “ليس من مهمة الحزب في الوقت الحالي التظاهر نيابة عن الآخرين”. واضاف فضل في مؤتمر صحفي بدار حزبه، اليوم الاثنين، “حزبنا خرج من مؤتمره العام السادس قريبا وكانت مقررات هذا المؤتمر واضحة وهي النزول الى القواعد واستنهاضها ودعوتها للخروج الى الشارع لاسقاط النظام، لكن ليس لقضية الزيادات او غيرها..”.
وجدد الحزب دعوته لقوى المعارضة بتشكيل جبهة عريضة وتجاوز ما اعترى وحدة المعارضة مؤخرا وتباعد مواقفها. وقال فضل: “نتطلع الى ان يكون بديل الحكم ديمقراطيا يبعدنا عن الدائرة الشريرة”.
/////////////////////////////
المصدر صحيفة التغيير اللكترونية
نقاط :
1- ليس من مهمة الحزب في الوقت الحالي التظاهر نيابة عن الاخرين.
2- دعوة بتشكيل جبهة عريضة ( فهمي ليها هي جبهة قادرة على نيل ثقة الشعب)
3- يبعدنا من الدائرة الشريرة .
اعلاه نفس كلامي البقولو
لكن من يقنع صبايا الشيوعين بانهم شايتين(ضفاري)
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
لا داعي للتأكيد على ضرورة أن يكتمل تنظيم الشعوب و إيمانها بحقها في التغيير، و عندها ستعرف-هي- كيف تُغَيِّر، و كيف ستمسك بزمام الأمور. يكفي ما جنته الناس عقب يوم السادس من أبريل،١٩٨٩؛ و ما جنته الشعوب في مصر و ليبيا كمثال أحدث من التفريط الطوعي
//////////////////////////////////
يا اشقر طيبة (طيبة زاتها مافيها اشقر)
يا اخوي ماحدث في ابريل وماحدث لسوريا ومصر وليبيا كلو مقبول
باختصار ان ارى اي وضع مقبول طالما بضمن الناس دي تمشي وتخخارج وتتحاسب
وكلامي ده ما خبط عشواء
لاني افتكر الناس ديل سايقننا لمكان (ليبيا وسوريا ) بالنسبة ليه جنة
هذا اذا افترضنا ان ماسوف يحدث مثل ماحدث في ليبيا وسوريا
| |
|
|
|
|
|
|
|
|
|
Re: معارضة سحسوحة (Re: ALWALEED ALSHEIKH)
|
Quote:
سلام يا ناصر
استثني المؤتمر السوداني من السحسحة واكتفي بوصفه بالرعونة
ممكن تورينا رعونتنا في شنو
و لك الشكر و الاحترام
|
الاخ الوليد
وعليكم السلام ورحمة الله
كنت بصدد التعليق واضافة مداخلة في البوست حول وصفي للمؤتمر السوداني بالرعونة
ومداخلتي المفترضة هذه كان يجب ان تشمل قرار تعيين رئيس مرقت للحزب
وصعود قادة الصف الثاني للواجهة
صراحة لم اكن اضع في الاعتبار ان المؤتمر السوداني متحسب بدقة لكفاة الظروف
وكنت اتحسر عليه وقياداته يتم اعتقالها وكان اشفاقي من توقف المد الثوري للحزب
ولكن وبصراحة تامة
الحزب العملاق حذل كافة توقعاتي باظهار حسن تخطيطه لكافة الظروف
وصدقني وقفت كثيرا حول تعيين رئيس مؤقت للحزب
واستمرار المد رغم حملة الاعتقالات الاخيرة
واستطيع ان اقول ان الحزب ادخل النظام في مدرسة ودرس عصر بتخطيطه هذا
وتأكد ان اتى مني ما يشكل اساءة للمؤتمر السوداني لاحقا فهي من باب الاشفاق وضرورة تقويم تلك التجربة البديعة في السياسة السودانية
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
لك الشكر أخي ناصر و من متابعة كتاباتي لك هنا كنت أثق أنك تقصد كل خير و لكن عدم توضيحك ربما يخلق نوع من البلبلة للآخرين و ليس لدى و لذلك أتت المداخلة أعلاه.
على العموم لقد وعينا الدرس و استفدنا جيداً من درس سبتمبر حين تم اعتقال كل قيادات الصف الأول و لذلك تحسبنا جيداً هذه المرة و ربما لو كنت تقرأ النشرة الاعلامية لحزب المؤتمرلعلمت أن وتيرة عملنا في الشارع في تزايد يوما بعد يوم من بعد الاعتقالات و شملت معظم مدن السودان .
لك الشكر مجددا و كل الود و الاحترام
| |
|
|
|
|
|
|
|
|
|
Re: معارضة سحسوحة (Re: ALWALEED ALSHEIKH)
|
Quote:
لك الشكر أخي ناصر و من متابعة كتاباتي لك هنا كنت أثق أنك تقصد كل خير و لكن عدم توضيحك ربما يخلق نوع من البلبلة للآخرين و ليس لدى و لذلك أتت المداخلة أعلاه.
على العموم لقد وعينا الدرس و استفدنا جيداً من درس سبتمبر حين تم اعتقال كل قيادات الصف الأول و لذلك تحسبنا جيداً هذه المرة و ربما لو كنت تقرأ النشرة الاعلامية لحزب المؤتمرلعلمت أن وتيرة عملنا في الشارع في تزايد يوما بعد يوم من بعد الاعتقالات و شملت معظم مدن السودان .
لك الشكر مجددا و كل الود و الاحترام
|
تشكر الوليد
لي عودة للبوست
| |
|
|
|
|
|
|
|
|
|
Re: معارضة سحسوحة (Re: sadig mirghani)
|
Quote:
ناصر ات اكان راجل
تعال السودان
|
ههههههههههههههه
يارجال انت مفتكرني في الصين
يازول قريب ده جيت من السودان
بعدين علاقة راجل ب تعال السودان شنو
| |
|
|
|
|
|
|
|
|
|
Re: معارضة سحسوحة (Re: ناصر حسين محمد)
|
المعارضة هى اكبر من يوفر الحماية للإنقاذ.. هذه الوظيفة بقت أكل عيش بالنسبة ليهم.. ماكلة.. عايز تقطع عيشهم؟ لو الانقاذ راحت يأكلوا من وين؟ حيطلعوا اوت اوف بزنس.
| |
|
|
|
|
|
|
| |
ناصر حسين محمد
عبداللطيف خليل محمد على
Deng
usama Babiker
محمد البشرى الخضر
محمد مجيدو
فرح الطاهر ابو روضة
جلالدونا
مني عمسيب
ALWALEED ALSHEIKH
Abureesh
فيس بوك
تويتر
انستقرام
يوتيوب
بنتيريست