|
Re: دجاجاتيَ العشرة ، عشرة على عشرة ... (Re: انور الطيب)
|
أنور الطيب لك التحايا إنت بتقرأ الكف ولا متضامن مع ميسي ، على كل حال لم يعد الرقم عشرة هو الوحيد الفلتة فرقم 7 ورقم 4 ورقم 5 و9 وحتى رقم صفر وبس في الـ NBA لاعب أوكلاند Russell Westbrook وفي كمان رقم صفرين (00) لاعب سيلتيك Robert Parish وديل كوكبة من اللعيبة البخلوك تعشق كرة السلة وتقول بصوت عالي I love this game وأرقامهم صفر وصفرين. صحيح ما أنفك الرقم 10 مشهور وبخاصة في كرة القدم اللعبة الشعبية الأولي في العالم فصاحبنا المشهور ميسي يحمل الرقم عشرة وهو ملك متوج على عرش الكرة كأفضل لاعب في العالم لسنوات خلت وما أنفك ، المشكلة إنو المرا الغشت زولنا وقالت ليهو اللاعب ميسي أهداك قميصة لم تكن داهية بقدر ما أن ناسنا كانوا من السذاجة بمكان. على كل خلينا في الدجاجات وتربيتها ، ولماذا دجاجات وليست جدادات بإعتبار أن الدجاجة في بعض أمصارنا تسمى جدادة ، وأحسب أن دجاجك بيطري أو هجين زراعي كما يقول أهل الإختصاص على كل حال هذا مشروعك جيد وإن كان محفوف بالمخاطر فإنت في حاجة كبيرة إلى العناية والإهتمام بالعشر دجاجات خاصة في غياب أو عدم وجود ديك حال جدادانا البلدي ولابد إبتداء من تحديد نوع المنتج يعني جدادك داك دايرو بياض ولا لاحم يا زول دا مشروع كويس جداً ومربح لو إتبعت تعليمات البياطرة في هذا المجال. أما في حال جدادنا فهو قادر على أكل أي شئ ولا يقهره إلا مرض غريب يسمى الهيم أو مرض سمير والأول معروف والتاني أرجعه أهل العلم إلى أنه مرض نيوكاسيل بدون يونايتد طبعاً وهو حاجة كده قريبة لي أنفلونزا الطيور تصيب الواحدة منها فتعدي السرب بأكمله وتموت الواحدة تلو الأخرى. تحريش: أنا لو كنت من الفريق المعارض لمشروعكم هذا كنت ربيت لي ثعلب أو في أسوأ الأحوال ظربان وهي أسلحة قادرة على إيقاف مشروعكم بإقتدار.
| |
|
|
|
|
|
|
Re: دجاجاتيَ العشرة ، عشرة على عشرة ... (Re: almulaomar)
|
الأخ almulaomar شكرا ولقد ابهجتني فعلا بمرورك وكتابتك الطاعمة وطبعا أخوك دقة قديمة وناس مسي ديل ذاتو ما في حساباتو بيليه وكدة والمضحك المبكي عايزين يحاكموا الناس الجابو المرة وزي ما بيقولوا عينك للفيل وتطعن في ضلو وجداطبعا استنتاجك صحيح لو كانت جدادات كان الحسابات مختلفة بس الحمد لله كانت دجاجات وإنت عارف تربية الحيوانات في البيت ليها قيم تانية وبتعلم الأطفال حاجات كثيرة نعجز نعلمهم ليها من التكاثر وأنواعه وكيفيته والإدارة والتنسيق و ... و... تحريشك بيصب في محلوا لكن مالك ماش للثعلب ، ياخي كلبة حاجة زينب جارتنا بتقوم بالدور .. لك جزيل شكري
| |
|
|
|
|
|
|
Re: دجاجاتيَ العشرة ، عشرة على عشرة ... (Re: انور الطيب)
|
الاخ انور الطيب تحياتي و الله أول مرة ادخل حوشك قريت العنوان ..لقيت فيه الجداد قلت كده النشوف الزول ده بيقول شنو؟ لأنه أنا من هواة تربية الطيور و الحيوانات المنزلية بخلاف القطط و الكلاب. أولا شدني سردك الذكي و السلس و المسبّك( المسبّك دي بمناسبة الجداد. بس اوع حكومة تضغطك تقوم تسبك المشروع كله ههههه). المهم سردك لا يُعلى عليه. و اتاري في مواهب مدفونة كده؟ بالجد لم أحس إلا و غنه كلامك انتهى للأسف. المهم لك إعجابي الشديد .. ....و ساتابع كتابتك الحلوة دي . و حاتابعك كمان عشان اشوف المشروع مشى كيف؟ بس اوع تتراجع ! تحياتي لك يا ظريف
| |
|
|
|
|
|
|
Re: دجاجاتيَ العشرة ، عشرة على عشرة ... (Re: محمد عبد الله الحسين)
|
الأخ محمد عبد الله الحسين ، سعيد جدا بمداخلتك التير أبهجتني واطمئن التسبيكة من الحكومة حا تشتغل ، على الأقل ناكل جدادنا ونتعلم حاجة وسعيد أكثر بأننا نتقاطع في اكثر من محطة ولكن أهمهما بحري الحكومية وجامعة الخرطوم ... وتشرفت جدا بدخولك الحوش والحوش حوشك لكن نقول حوش الجداد بدل السمك ... لك خالص شكري وتقديري
| |
|
|
|
|
|
|
|