|
Re: احدث روشتة طبية في العالم...افتونا ايها ال� (Re: شهاب الفاتح عثمان)
|
عليكم السلام الأخ شهاب
في رأيي الخاص رداءة الخط ما عيب....ممكن الخط يكون رديء لكن مقروء....ممكن كان بس يصغر خطه ويكتب بإهتمام بدل الكلفتة دي!!
Quote: ولاداعي للتشهير بالطيبب بوضع اسمه كاملا |
ليس تشهيرا ولكنه ردعا....يعني معقولة يكتب بالعربي وسط الكتابة بالانجليزي!!!
ما معقول يا خي الحاصل علينا دا وبالذات في مجال الطب....كفاية استهتار
| |
|
|
|
|
|
|
Re: احدث روشتة طبية في العالم...افتونا ايها ال� (Re: يحي قباني)
|
الروشتة غالبا تذهب لاول صيدلية بعد العيادة و الصيدلي و مساعدوه يكونون معتادون على خط الطبيب و يستطيعون قراءته ثم ان الروشتات ليست نصوص مطالعة لطلاب اساس بل تكون موجهة لشخص في نفس المهنة و يستطيع جيدا معرفة الدواء بمجرد نظرة ثم ان التوجيهات الخاصة باستعمال الدواء تكرر و بوضوح من قبل الصيدلي للمريض شفاهة بل تعزز كتابة و بخط واضح و بقلم الشيني على علبة الدواء. فهذه احد مهام الصيدلي الاصيلة ف (ما تخافوش)
| |
|
|
|
|
|
|
Re: احدث روشتة طبية في العالم...افتونا ايها ال� (Re: يحي قباني)
|
الروشتة غالبا تذهب لاول صيدلية بعد العيادة و الصيدلي و مساعدوه يكونون معتادون على خط الطبيب و يستطيعون قراءته ثم ان الروشتات ليست نصوص مطالعة لطلاب اساس بل تكون موجهة لشخص في نفس المهنة و يستطيع جيدا معرفة الدواء بمجرد نظرة ثم ان التوجيهات الخاصة باستعمال الدواء تكرر و بوضوح من قبل الصيدلي للمريض شفاهة بل تعزز كتابة و بخط واضح و بقلم الشيني على علبة الدواء. فهذه احد مهام الصيدلي الاصيلة ف (ما تخافوش)
| |
|
|
|
|
|
|
Re: احدث روشتة طبية في العالم...افتونا ايها ال� (Re: Farida Mahgoub)
|
سلام فريدة انا غايتو ماشفت الروشتة لكن من كلامكن عرفت انها درب نمل. أُمَّال لو جِبتَ ليكن قسيمة الزواج بتاعتى كان تقولوا شنو؟ انا غايتو متأكد انى تزوجت على سنة الله ورسوله ,, لكن الكتابة الـ فى القسيمة غير اسمى ماقدرت اقرأ فيها غير الايات القرآنية وده عشان مألوفة.
| |
|
|
|
|
|
|
Re: احدث روشتة طبية في العالم...افتونا ايها ال� (Re: عبدالعزيز الفاضلابى)
|
وعليكم السلام يا عبد العزيز
Quote: انا غايتو ماشفت الروشتة |
يا عبدالعزيز يا خي صورة الروشتة ما بعيدة منك عليك الله شوفها ....ما مشي نمل ...دا طفل ادهو ورقة وقلم وقام باللازم..
Quote: الكتابة الـ فى القسيمة غير اسمى ماقدرت اقرأ فيها غير الايات القرآنية وده عشان مألوفة. |
القسيمة معليش...لكن روشتة طبية لأنسان مريض...دي كتيرة!!!!
| |
|
|
|
|
|
|
Re: احدث روشتة طبية في العالم...افتونا ايها ال� (Re: Farida Mahgoub)
|
سلام .. أنا لا طبيب لا صيدلي ، تربال ساي لكن عندي ملاحظات بسيطة
- الناظر للصورة بتمعن يجد أن هنالك خطوط وشخبطة بقلم آخر لا علاقة لها بكتابة الطبيب. - الخط يمكن أن يقرأ ، نعم ما -سمح- لكن ما بطال خاصة للصيادلة أنا كزول أهالي ساي أستطيع أن أقرأ hydrocortisone 100mg في أعلى الروشتة وكذلك cannula 22 في آخر الروشتة بس للضمان كده الأخيرة دي ما متأكد منها 100% إحتمال أكون غلطان لأنو في حرف كده بيشبه الـS ملخبط حساباتي - في النص في كلام بالعربي أعتقد مكتوب ملح وفي شخبطة كدة ثم هنالك عبارة كل 6 ساعات الشخبطة الفي آخر الروشتة دي توقيع ، التوقيعات -في الواقع- عبارة عن شخبطة متميزة لكل صاحب توقيع - تحت التوقيع يوجد تاريخ الروشتة 27.6.16 - الروشتة لا يعيبها سوى عدم وجود عنوان وهاتف للعيادة
ما دام الدكتور ده علاجو صحيح يبقى عداهو العيب ، دي وجهة نظري الخاصة
تحياتي
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد حيدر المشرف)
|
عليكم السلام يا محمد
Quote: وصفة طبية غير مكتملة وغير مقروءة ويمكن ان تقود لاخطاء طبية وأذى للمريض . لا يجب صرف هذه الوصفة |
يدينا ويديكم العافية يا سيدي....شكرا
Quote: مع ابلاغ الجهات المختصة |
لا اظن ان هناك جهات مختصة......يا محمد دا جزء من كل ما يحدث في السودان وللسودان.... الله المستعان
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد المرتضى حامد)
|
سلامات
طبعا" بالمقارنة مع الروشتات المشخبطة في جميع انحاء العالم (مش السودان بس!) دي تعتبر روشتة واااضحة وسااهلة القراءة :) فكتابة الروشتات المشخبطة أصبحت لازمة لكل الأطباء حتى الناس الكتابتم واضحة واضحة وجميلة في الكتابة العادية وبتحصل نتيجة لعدة أسباب:
اولها: التكرار (ممكن الطبيب ده بيكون بكتب زي الروشتة دي أو نفس الدواء ده يوميا" تلاتة أربعة مرات لمدة تزيد من الخمسة سنين!!) وكل يوم بنقص حرف أو نقطة لحد ما تصل لي أول حرف والباقي شخبطة :)
التاني: الروشتة دي وصفة موجهة للصيدلي والصيادلة بقروها بسهولة (حتى دكتور تاني إحتمال ما يقدر يقراها) وبرضو الصيادلة حول العيادات حفظو روشتات الاطباء حفظ :)
الحاجة التالتة وبالذات لناس المستشفيات هي الزمن !! مثلا" المريض بتاخد معاهو 5 دقايق تاريخ مرضي واسئلة زايد 5 كشف سريري و5 دقايق نصايح وتوضيح طرق العلاج زايد 5 دقايق لكتابة المعلومات في الملف. يعني زي 20 دقيقة كحد أدني فمع عدد المرضى الكبيرالروشتة بشخبطوها سريع بما أنو الصيدلي حيقراها حيقراها ومرت بيهو كتير
Quote: الروشتة لا يعيبها سوى عدم وجود عنوان وهاتف للعيادة
ما دام الدكتور ده علاجو صحيح يبقى عداهو العيب ، دي وجهة نظري الخاصة |
فعلا" العنوان وبالذات التلفون مهم جدا" في الروشتة ومفروض يكون في أي وصفة طبية لانو ممكن الصيدلي او البصرف الدواء في أي لحظة يتاكد من الطبيب.
| |
|
|
|
|
|
|
Re: احدث روشتة طبية في العالم...افتونا ايها ال� (Re: عثمان الأمام)
|
وعليكم السلام يا عثمان
Quote: طبعا" بالمقارنة مع الروشتات المشخبطة في جميع انحاء العالم (مش السودان بس!) دي تعتبر روشتة واااضحة وسااهلة القراءة :) فكتابة الروشتات المشخبطة أصبحت لازمة لكل الأطباء حتى الناس الكتابتم واضحة واضحة وجميلة في الكتابة العادية وبتحصل نتيجة لعدة أسباب:
اولها: التكرار (ممكن الطبيب ده بيكون بكتب زي الروشتة دي أو نفس الدواء ده يوميا" تلاتة أربعة مرات لمدة تزيد من الخمسة سنين!!) وكل يوم بنقص حرف أو نقطة لحد ما تصل لي أول حرف والباقي شخبطة :)
التاني: الروشتة دي وصفة موجهة للصيدلي والصيادلة بقروها بسهولة (حتى دكتور تاني إحتمال ما يقدر يقراها) وبرضو الصيادلة حول العيادات حفظو روشتات الاطباء حفظ :)
الحاجة التالتة وبالذات لناس المستشفيات هي الزمن !! مثلا" المريض بتاخد معاهو 5 دقايق تاريخ مرضي واسئلة زايد 5 كشف سريري و5 دقايق نصايح وتوضيح طرق العلاج زايد 5 دقايق لكتابة المعلومات في الملف. يعني زي 20 دقيقة كحد أدني فمع عدد المرضى الكبيرالروشتة بشخبطوها سريع بما أنو الصيدلي حيقراها حيقراها ومرت بيهو كتير |
يا عثمان يا خي انا ما بتفق معاك في كلامك دا.....الزول دا ما عندو اي عذر عشان يشخبط الشخبطة دي كلها....دي عدم مسؤلية في نظري...
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد المرتضى حامد)
|
هههههه ال لافتة دي يا مرتضي ذكرتني مرة في الخرطوم وسبحان الله قبالة كلية الصيدلة في الجهة الاخري من شارع القصر وجنب مستشفي الخرطوم كانت راكنة سيارة كبيرة تحتوي علي اشياء عديدة وعلب وزجاجات فارغة واعشاب وغيرها ومكتوب عليها علاج كل الامراض!!! سألت صاحبها عن ماذا يفعل وما هي هذه الاشياء المحملة في السيارة ....رد علي بكل ثقة انا عندي علاج لكل الامراض في عربيتي دي...قلت ليهو وانا اكتم ضحكتي وطيب اللي قصادك ديل - مشيرة لكلية الصيدلة - بعملوا في شنو!!؟؟
بس ياها محن سودانية زي ما بقول اخونا شوقي بدري
| |
|
|
|
|
|
|
Re: احدث روشتة طبية في العالم...افتونا ايها ال� (Re: صلاح جادات)
|
وعليكم السلام يا صلاح
Quote: وربنا يشفي خالك شفاء لا يغادر سقما |
اللهم آمين....يشفي مرضانا ومرضي المسلمين ببركة هذه الايام المباركة
Quote: افتكر ان كلامك ود المشرف ود احمد بابكر حسم الامر بان الروشتة دي خطرة علي المريض وغير كاملة |
اتفق معك تماما....
| |
|
|
|
|
|
|
Re: احدث روشتة طبية في العالم...افتونا ايها ال� (Re: أبوبكر عباس)
|
وعليكم السلام يا ابوبكر
Quote: يبدو أنو خالك -أتمنى له الشفاء- راقد في مستشفى أو مستوصف، الروشتة روشتة داخلية، وهي واضحة للعاملين مع الدكتور، وهي لا تتطلب رقم تلفون، لأنو دي ما ورقة مروّسة، فقط دا ختم الدكتور |
ابدا يا سيدي.....دي روشتة من طبيب في عيادته الخاصة.....
والله غالب
| |
|
|
|
|
|
|
Re: احدث روشتة طبية في العالم...افتونا ايها ال� (Re: Farida Mahgoub)
|
الموضوع ما غلاط للحكم على مسألة اكتمال وتمام اى وصفة طبية .. هناك اركان محددة جدا .. و تقريبا حوالى 75% لو ما اكتر من اركان الوصفة الطبية الصحيحة مفقودة في هذه الوصفه ..
افهم انو الناس ببتكلم من واقع الممارسة .. واهو كلو محصل بعضو في بلدنا ولكن .. وحتى في هذا الاطار .. هذه وصفة معيبة جدا ويمكن ان تقود لخطأ طبي .. خطأ طبي معناهو اذى للمريض يا اخوانا .. وانواع الاذى كتيرة .. ابسط حاجة لو في صيدلي واعي جدا ممكن يرفض صرفها او يحاول الاتصال بالدكتور وبالتالي يحصل تأخير في وصول العلاج للمريض لاسيما وانو مافي تشخيص في الوصفه واحتمال ان تكون نافذة الوقت ضيقة او مهمة في العلاج الخ ..
| |
|
|
|
|
|
|
Re: احدث روشتة طبية في العالم...افتونا ايها ال� (Re: أبوبكر عباس)
|
يا ابوبكر عليك الله خليك في الاستنارة بتاعتك ياخ وما تدخل في حتات ضيقه .. وصفه شنو الموجهه لمرض ؟!!
لو كان قصدك انو الهايدروكورتيزون بكون Ward stock .. والوضع ما كده ولكن .. قوووول كلامك صاح .. الوصفه بتمشي الصيدلية والصيدلي بعمل ليها verification ,ويرجعلها لل ward حتين المرض يمشي يفتح الكابينيت بتاعتو ويصرف الدواء ..
ال CRASH CART وضعو مختلف بالتأكيد .. ووصفاتو بتتكب لاحقا بعد ما يحصلو الاخ المريض
الكلام ده كلو ما حاصل والوصفه وصفه عادية في سودان المحن ..
يا ابو بكر .. هذه المسائل مسائل جادة جدا وليست من قبيل العبث .. الصحة والعلاج ديل مسائل جادة جدا .. .. الوصفة الطبية يجب ان تحتوي على العمر والتشخيص والطول والوزن (ممكن الصيدلي يحسب ال BodySurface area براهو لو احتاج ليهو) .. الحساسية لو ما موجوده يتكتب انها ما موجودة .. في حالة الهايدروكورتيزون .. infusion rate ما مكتوب او ما شايفهم .. diluent ما مكتوب .. اصلا ما شايف frequency عشان نقول صاح ولا ما صاح ذاتو .. التشخيص ما مكتوب
اديك مثال لى وصفة
الاسم ابوبكر عباس العمر 55 سنه الوزن 99 كيلو الطول 185 سم التشخيص PNEUMONITIS الحساسية لا يوجد غرفة رقم 18 الجناح : ش 3
Hydrocortison 100 mg intravenously in 100 ml NORMAL SALINE ovre 60 minutes TID FOR 3 DAYS FIRST DOSE STAT
ختم الدكتور وفيهو رقم تسجيلو وتوقيعو (الاتنين)
دي وصفة طبية صحيحة (لو ناسي هسع حاجه) ..
| |
|
|
|
|
|
|
Re: احدث روشتة طبية في العالم...افتونا ايها ال� (Re: أبوبكر عباس)
|
Quote: هذه الوصفة غير موجهة لصيدلي يا مشرف؟؟ موجهة للممرض الحاجات دي بتكون موجودة بالعهدة بتاعت التمريض
وغالبا الممرض بيكون حاضر لكتابتها ليس هناك فرصة للخطأ |
صه ...
فأنت بيطريٌ ... لا طِباً بلغت و لا زراعة .... _______________________________________ اقوال مأثورة لواحد عمنا كان زميلو في الوست طبيب بطري ...
| |
|
|
|
|
|
|
Re: احدث روشتة طبية في العالم...افتونا ايها ال� (Re: Farida Mahgoub)
|
فريدة سلامات وكل عام وانت بخير
Quote: لا اظن ان هناك جهات مختصة......يا محمد دا جزء من كل ما يحدث في السودان وللسودان.... الله المستعان |
هناك جهات مختصة بالتاكيد ولكنها غير فاعلة .. توجد اجهزة رقابية ولكنها غير فاعلة .. توجد وزارة ومجلس طبي وادارة صيدلة وكلو موجود يا فريدة ..
قد يتحدث البعض عن غياب الامكانات .. وهذا صحيح ولكنه لا يبرر كل هذه الفوضى ..
سأضرب لك مثلا .. لماذا لا يكون هناك نموذج رسمي للوصفات الطبية ؟!!! يطبع بواسطة الوزارة او يطبع بواسطة الطبيب او المستشفى ويتم اعتماده من الوزاة او المجلس الطبي ..
ذات هذه الوصفة القدامنا دي لو كان مكتوب فيها خانات اضافية للعمر والطول والوزن والتشخيص والكرياتينين والحساسية الخ .. ثم خانة لاسم الدواء وخانة للتركيز وخانه لل ROUTE وخانة لمدة العلاج وهكذا ما هي القيمة المضافة التي سترهق كاهل الطبيب او الوزارة ؟!! لا شيء على الاطلاق مقارنة بصحة الانسان وقيمة تفادي الاخطاء الطبية والتي تفوق وبكثير اضافة هذه السطور لماكينة الطباعة ..
لا يمكن ان يكون هذا القصور ناتج عن ضعف الامكانيات على الاطلاق !!
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد حيدر المشرف)
|
قبل مدة كدا في واحد جاب روشتة بتاعة دكتور وكانت بخط جميل حقيقة الدكتور الكان كتبها كان في اللحظة ديك رايق وتجلى فيها مش زي زولنا دا ياخي قالوا خط الكاترة عبارة عن شخبطة لكن مالاللدرجة دي بامانة دا عدم احترام للمهنة وللمريض ولكل من تمر عليه الروشتة العندو روشتة الدكتور الخطاط داك جيبها لينا وينوبو ثواب
| |
|
|
|
|
|
|
Re: احدث روشتة طبية في العالم...افتونا ايها ال� (Re: سيف الدين محجوب)
|
Quote: هذه الوصفة غير موجهة لصيدلي يا مشرف؟؟ موجهة للممرض الحاجات دي بتكون موجودة بالعهدة بتاعت التمريض
وغالبا الممرض بيكون حاضر لكتابتها ليس هناك فرصة للخطأ |
هذه الوصفة موجهة للصيدلي .. وغالباً الممرض ما بيكون حاضر لحظة كتابتها.
بعدين .. أنت من زمن الحاجات دي موجودة فى العهدة!!!. الله كريم!!!.
| |
|
|
|
|
|
|
Re: احدث روشتة طبية في العالم...افتونا ايها ال� (Re: Mirghani Taitawi)
|
نسأل الله عاجل الشفاء للخال فى هذه الأيام المباركات .. وما يحتاج لـ مثل هؤلاء العابيثين. أقسم بالله فى بلاوي فى المستشفيات والعيادات الخارجية .. الواحد يتمني يموت فى سريره بالبيت بدل يمَرض الـ معاهو. مهنة الطب مهنة نبيلة وشريفة وإنسانية فى المقام الأول.. (البعض) إتخدها تجارة رابحة وصحة المريض فى ذيل أولوياته.
| |
|
|
|
|
|
|
Re: احدث روشتة طبية في العالم...افتونا ايها ال� (Re: أبوبكر عباس)
|
بارك الله في مستشفى حمد اللخلتكم تعرفوا المعايير العالمية لمارسة الطب! سمعتا يا مشرف، بحاجة اسمها السياق؟ في سياق الروشتة دي وممارسة الدكتور الجميل دا لمهنتو العظيمة دي في ظروفو دي؛ كل الإنشاء الكبيتها لي في عشرين سطر ديل، بكون الدكتور دورن في راسو وعمل ليهن تقييم في لمحة، وبكون قدر وزن الزول دا، و أكيد بكون سألو عن عمرو صحي ممكن لا يكون هناك تدوين، لكن الدكتور العظيم دا بكون إشتغل الشغل دا -في ظروف قرى حلفا القديمة الخارج التاريخ دي- بنسبة مخاطرة قد تتفوق على ناس مستشفى حمد -الخوافين في ممارسة الطب- زي عشرة مرات.
ـــــــــــــــــــــــــــــــ الواحد فيكم يمشي إسكندنافيا ولّ قطر يجي يعمل لينا فيها أب عريف!
التحية (لأمبدة) و( الجميعابي) وسنار التقاطع
| |
|
|
|
|
|
|
Re: احدث روشتة طبية في العالم...افتونا ايها ال� (Re: Mirghani Taitawi)
|
وعليكم السلام يا تيتاوي
Quote: نسأل الله عاجل الشفاء للخال فى هذه الأيام المباركات .. وما يحتاج لـ مثل هؤلاء العابيثين. |
اللهم آمين ...
Quote: أقسم بالله فى بلاوي فى المستشفيات والعيادات الخارجية |
عارف يا تيتاوي مصداقا لكلامك دا ....اختي ساقت امي لعيادة عشان تعمل ليها اشعة لصدرها لانو عندها كحة وكده....يادوب ما دخلوا العيادة ودفعوا القروش وقعدوا نادت الممرضة اسم امي فذهبت اليها اختي وإذا بالممرضة تناولها صورة اشعة قائلة لها اتفضل الصورة وتقرير الطبيب!!! اختي قالت ليها بسم الله الرحمن الرحيم ....انا امي ما عملت الصورة لسه ...نحن يا دوب دخلنا!!!! الممرضة ..كيف يعني؟ اختي...زي ما بقول ليك هنا رفضت امي عمل الاشعة في هذه العيادة وعند خروجهم اذا برجل كبير في السن يكورك وزعلان يهرج.....سألته اختي مالك يا حاج ان شاء الله خير؟ قال لها ..خير كيف ....شلت صورة الاشعة مشيت للدكتور ...الدكتور عاين ليها وقال لي يا حاج انا قلت ليك اعمل اشعة في الركبة ما في راسك!!!
هههه مخير الله
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد حيدر المشرف)
|
وانت بخير يا سيدي
Quote: هناك جهات مختصة بالتاكيد ولكنها غير فاعلة |
اوكي ....ما هي غير فاعلة لدرجة اصبحت كالعدم....وهذا ما قصده في كلامي من ان هذا جزء من كل...فوضي فساد وسخ ......الخ
Quote: قد يتحدث البعض عن غياب الامكانات .. وهذا صحيح ولكنه لا يبرر كل هذه الفوضى |
وهذا ما دعاني لفتح هذا البوست......ليه نحن كدنا او بقينا كدا......
Quote: سأضرب لك مثلا .. لماذا لا يكون هناك نموذج رسمي للوصفات الطبية ؟!!! يطبع بواسطة الوزارة او يطبع بواسطة الطبيب او المستشفى ويتم اعتماده من الوزاة او المجلس الطبي ..
ذات هذه الوصفة القدامنا دي لو كان مكتوب فيها خانات اضافية للعمر والطول والوزن والتشخيص والكرياتينين والحساسية الخ .. ثم خانة لاسم الدواء وخانة للتركيز وخانه لل ROUTE وخانة لمدة العلاج وهكذا ما هي القيمة المضافة التي سترهق كاهل الطبيب او الوزارة ؟!! لا شيء على الاطلاق مقارنة بصحة الانسان وقيمة تفادي الاخطاء الطبية والتي تفوق وبكثير اضافة هذه السطور لماكينة الطباعة |
طيب ليه ما يتعمل كده...دولة الانقاذ لا تحترم الدولة ولا مواطنيها.....
| |
|
|
|
|
|
|
Re: احدث روشتة طبية في العالم...افتونا ايها ال� (Re: Farida Mahgoub)
|
الزول ده رسل مداخلتو دي مرتين ؟!! هسع دي مداخله يرسلوها مرتين يا ودالبشرى ..
لم اتحدث او أوجه أدنى لوم للدكتور .. كلامي كلو عن النظام الصحي ومعايير الصاح والخطأ ..
الخطأ يسمى خطأ .. والصاح ياهو الصاح .. داخل اطار الخطأ ممكن جدا تجي تكب كلامك ده كلو لكن اوعك تاني تقول عليهو صاح ولا سياق ولا بتاع معاك يا دكتور.
تعرف يا صديقي .. انا اول ما الزول يخلي متن الكتابة والمعاني ويجنح للشخصنه .. بعرفو ليك طوالي فقد المنطق هسع العوارة بتاع مستشفى حمد دي عوارة تليق بي زول مستنير زيك ؟!
التحية والتقدير لاطباء السودان .. في عياداتهم الخاصة ومستشفياتهم والمستشفيات العامة والمراكز الصحية في كل بقعة من السودان .. تحية تقدير واجلال تمنحهم الكثير من المكانة في نفوس الناس ولكن لا تمنحهم التقديس.
| |
|
|
|
|
|
|
Re: احدث روشتة طبية في العالم...افتونا ايها ال� (Re: محمد حيدر المشرف)
|
Quote: ومعايير الصاح والخطأ |
المعايير دي يا ها بيت القصيد. الطبيب لا يصنع بئية العمل ونظامها. لا يستطيع هذا الطبيب تطبيق البرتكول القياسي للممارسة بالرغم انو نظريا يعرفه. الكلام الكتبتو دا كلو بكون دار في راسو ووجد طريقته الخاصة لتجنب الخطأ. إقحامي لمستشفى حمد ليس من باب الشخصنة- إن بدت لك كذلك فلك العذر- ولكن لتوضيح وجهة نظري ولفت نظرك على انو معيار المحاكمة ليس عادلا. وقصة العمر دي بشرى الفاضل أهدى فيها لأمه واحد من كتبه إهداء في غاية الجمال: إلى والدتي x نقد "لم يسمح لنا القلق بأن نواتيك بمردود على فعلك السمح رحلت عنا وهي في الخامسة والخمسين" صبرا آل (نقد)"
أو كما قال
| |
|
|
|
|
|
|
|