|
Re: غايتو... نحن شعب زيه ما في... و الله جد (Re: محمد عبد الله الحسين)
|
البشوف حالنا و يشوف كلامنا و يشوف تفكيرنا و يشوف مشاكلنا ..........يستغرب غايتو في راي الخاص.....نحن شعب فارغ...و زينا مافي...... و شعب تفكيره سطحي زينا مافي...... ..................... و شعب إنطباعي قدرنا ما في.و شعب سبهلل في كل حاجة زينا برضه ما في . أقول ذلك...و للأسف.....الامور واااضحة...و البنعمل فيه واضح.
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
طيب نشوف الكلام ده كيف و نحسبها وااحدة وااحدة ......عشان ما يكون كلامنا في الهواء ساكت
البلد مليانة مشاكل لا ليها اول و لا آخر. و البلد ماشة من هاوية لي هاوية و الشباب و الكبار طفشوا من البلد و نص البلد إما في حالة حرب او في استنفار او حذر امني او تفلتات اللي اسم الدلع للتسيب الأمني و الزراعة و الصناعة بتعيش حالة موت سريري و طبعا الصادرات ماشة متدنية و لكن الغستيراد ما شاء الله حاجة تمام (أمال التجار و الطفيليين يكسبو من وين ؟وقت ما في تصدير ؟)
| |
|
|
|
|
|
|
Re: غايتو... نحن شعب زيه ما في... و الله جد (Re: sadig mirghani)
|
أما من الناحية الإجتماعية فحدث و لا حرج............زي ما بيقولوا دايما خير مثال بيت المايقومة اللي بيمثل ترمومتر حياتنا السرية و هو الشيء الوحيد في بلدنا الماشي مزدهر و زايد .زما بينافسوا غلا الدولار مش بيت المايقومة بيمثل الطريق الماشين فيه ؟؟ خلاص طيب و بعدين الجرائم بانواعها ماشة زايدةزززسرقات اغتصاب خيانة امانة و التفلتات ماشة زايدة .........ضرب......... نهب.... سلب........ سطو و التسيب الأخلاقي و التفكك الإجتماعي ايضاً في حالة تضخم و إزدهار : نسب الطلاق في ارتفاع .........نسبة الهروب من الاسر في انتعاش نسبة الجرائم الاخلاقية في نمو مطرد
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
تاني شنو اكتر من كده يخلينا ندق ناقوس الخطر؟؟ شنو البيخلينا اكتر من كده نحس ..كشعب او كأمة إننا في خطر؟ و بعد ده كله ما نقيف و نسال نفسنا نحن ماشين لي وين؟؟ و لا نحاول نعرف ...وإلا نسأل أنفسنا آخر المطاف حيكون شنو؟ خلي الحكومة...أصله الفيها اتعرفت.. نحن دورنا شنو؟؟
| |
|
|
|
|
|
|
Re: غايتو... نحن شعب زيه ما في... و الله جد (Re: عبدالعزيز الفاضلابى)
|
فعلاً نحن بالجد شعب مرطب... و منغنغ ..... ....و مشاكلنا كللللها حليناها....و بعد ده ز.. ما فاضل لينا إلا.... نغني.... و نصفق ....و نرقص....و بمزااج كمان. و الا شنو؟ و تعالوا نشوف... مغنيين و مغنيات على قفا من يشيل........... و اضواء باهرة....... و وجوه لامعة و شعور مسبسبة..........و حواجب مزججة . ....و ضحك...و هز ...و رفع حواجب ... وصفقة و رقيص المشكلة شنو؟؟ الزيطة دي كلها ..فوق اغاني قدييييمة ليها اربع عقود......... و اسيادها الاصليين ماتوا زمااان... خسااارة... و بعد ده تلاتة ارباع المواهب ما عندها صوت..... و لا موهبة..... سوى اختيار الاغنيات التي تناسيب صوتهم مع الاغاني القديمة.. و نحن بعد ده نقهّي... و نفتح خشمنا........... و كأننا نسمعها أول مرة. يعني زي الزول العنده حاجة عاجباه... و في كل مرة يطلعها و يلمع فيها...و ينضف فيها و يرجعها كأنها جديد’
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
و نقعد نصفق لي فلان و فلانة... و دي عندها صوت شنو ما عارف؟ و دي فلته.. و ده آخر إبداع............المهم كملنا الاوصاف في جيش الفنانين ديل. و سنة و سنتين بيختفوا و بيظهروا غيرهم لانهم فاقدين الاهلية يعني باختصار نحن لينا عقدين او اكتر ما عندنا إبداع فني. و بعد ده كله مبسووووطين عشرين قيراط ... ............ و فاكرين إنه عندنا فن....و لا إبتكار .... ما في و تجديد ما في عايشين في حالة من التحجّر الفكري.. و الإبداعيي بمستوى مخيف ... .....و المشكلة ما شايفين عوجة رقبتن.
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
كلامك مهم وجميل ....لكن للأسف هذا المنبر وحال غيره أسوأ لا تستهوي القراء هذه المواضيع ..بل تستهويهم المواضيع المشاترة والمكررة يعني لو كان كاتب الموضوع معتوه أو خارج الشبكة تجد القراء بالكوم ولما تجد الموضوع جاد وهام تجد الجميع ابتعد كأن المتحدث يتحدث بلغة لا يفهمها الناس.
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
نحن ليه بناخد الامور في اي حاجة ببساطة كده ؟ و بدون تفكير ؟؟؟ و بي سبهللية؟ و بي خفة عقل؟ و بي هرجلة و شتارة؟ .. لكن بس فالحين في السخرية الفارغة ........و المسارعة للمطاعنات.......... و ما إلى ذلك. و نحن معروفين في الدول العربية الموجودين فيها بإنه نحن ناس عقلنا خفيف .. .آي صاح ناس مروة ....و بنقيف مع المحتاج و اي حاجة...لكن خلاص نقيف على كده؟؟ لا لا... ده كله كوم و المطلوبات التانية كوم. و بعد ده كله قال ليك حساسين .بس حساسين للنقد... مع النفخة الكضابة ...........و الإفتخار الزائف من نوع: الفينا مشهودة و نحن.. و نحن...... .... ....... بس بعد ده كوووله ما عملنا حاجة نفتخر بيها وسط العالم إلا: اللمة ...و الونسة..... و لعب الورق و.......... و طبعاً انا لا ابرئي نفسي الامارة بالنقد. معليش ده جلد للذات ....عله يكون مفيد ..يعني زي الكي
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
بهذه المناسة شاهدت الاسبوع الماضي في تلفزيون دي دبليو الالماني فرقة اثيوبية مكونة من خمسة شابات...في اوائل العشرينات تقدم من خلال محطة إذاعية خاصة خدمة إعلامية و توعويىة لخدمة المجتمع المحلي و لخدمة المراة الاثيوبية من خلال تقديم التمثيليات و الاغاني الخفيفة لمحاربة الزواج المبكر و استغلال المراة و محاربة الامية لدرجة اصبح لهن متابعات معجبات كثر و أستطعن أن يؤثرن في عدد كير من الفتيات. و في مصر كذلك هناك العديد من الفرق الشبابية الغنائية و التي لم تدخل معهد الموسيقى و المسرح و هي تقدم اغاني و اعمال شبابية مبتكرة و اعمال طليعية لخدمة المجتمع و لتوعية الشباب من خلال اغاني خفيفة ذات الحان و كلمات و اسلوب إبداعي من إبتكارهم كمثال لذلك فرقة اسمها فرقة اولاد الشواع و هم من المشردين و لهم اعمال انتقدوا فيها الظواهر السالبة في المجتمع و من بين من انتقدوا الحكومة، فتم تقديمهم للمحاكمة قبل أسبوعين.ده غير العديد من الفرق المسرحية و الاستعراضيةالاخرى للهواة من الشباب و طلاب الجامعة.
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
Quote: أو بصورة أخرى السودانيين يكرهون كره العمى مواضيع النقد الذاتي التي تنتقد الشخصية السودانية ........................ والحقيقة أننا لا يمكن أن نتطور دون عملية النقد الذاتي لنتطور ولنصحح المسارات ويحدث التقدم للأمام بخطى أثبت وأقوى وأبعد. |
كلام >>> وضح لي ذلك من ضيقهم بحلقات الشيخ المغفور له حسن الترابي وهو يمارس نقد الذات للحركة الاسلامية لتصحيح المسار أغرب حاجه كولهم متضجرين وخايفين ومرعوبين حكومة ومعارضة : : : : : : : مع التحيات لله الزاكيات
| |
|
|
|
|
|
|
Re: غايتو... نحن شعب زيه ما في... و الله جد (Re: محمد عبد الله الحسين)
|
الأخ محمد حمزة تحياتي
Quote: Quote: وضح لي ذلك من ضيقهم بحلقات الشيخ المغفور له حسن الترابي وهو يمارس نقد الذات للحركة الاسلامية لتصحيح المسار أغرب حاجه كولهم متضجرين وخايفين ومرعوبين حكومة ومعارضة
نحن كلنا السودانيين ما بنحب النقد و ده غالبا على ضعف في الثقة بالنفس على ما أعتقد.
| |
|
|
|
|
|
|
|
|
| |