|
Re: ميسي (Re: اخلاص عبدالرحمن المشرف)
|
يا حسره...!! لم يحقق اى لقب دولى مع منتخب الارجنتين و سمعنا انه قرر اعتزال اللعب دوليا مع منتخب الارجنتين...!
اكيد يبقى ماردونا هو الاسطوره...
و سلااام...
| |
|
|
|
|
|
|
Re: ميسي (Re: اخلاص عبدالرحمن المشرف)
|
Quote: حيرنا يا محمد عثمان مع بلدو ما انجز ماردونا فعلآ اسطورة |
مع ملاحظه انو ماشى علي الثلاثينات من العمر...!!!
فعلا ماردونا لاعب ما عادى و يملك كاريزما البطل...
| |
|
|
|
|
|
|
Re: ميسي الحمدلله الطرنا (Re: ياسر منصور عثمان)
|
كيفك يا دكتورة
ميسي ممكن يحاور كدارتو اللابسا دي بس أنا ما راكب لي في رأسي أبدا وما حصل يوم شجعتو
انا أصلا ما بحب اللاعب الترتار إمسك الكورة وفرررررررررررررررررر يعجبوني اللعيبة الأذكياء زي مارادونا - بلاتيني - تيجانا - كونتي - سقراط - فالكاو الخ العظماء
فبركة الطارو
| |
|
|
|
|
|
|
Re: ميسي الحمدلله الطرنا (Re: اخلاص عبدالرحمن المشرف)
|
حقيقة من أجمل المباريات اللي شاهدتها ، وعجبني اللعب الجماعي لشيلي وتمريراتهم المحكمة وحارس مرماهم المبدع أما هذا الميسي بالرغم من إمكانياته العالية فقد كان تعيس الحظ مع فريقه ولا يجيد اللعب إلا مع فريقه الاوربي ، وثقته في نفسه بلا حدود كان السبب الاساسي في إضاعته الهدف
ولك الود
| |
|
|
|
|
|
|
Re: ميسي الحمدلله الطرنا (Re: ترهاقا)
|
Quote: ميسي الحمدلله الطرنا |
سلام يابت المشرَّف ,, ورمضان كريم وعيد سعيد بوستك ده ذكَّرنى صاحِب صاحبى كان قون الجامعة ايام دورى الجامعات والكورة كانت دربَكة قدام قونو وهو يجرى يمين الكورة يطفشوها شمال ,, ينُط عشان يمسكها دفاعو يشتتها قبل لا يمسكها ,, تَصَرِّج وتجيهو تانى ,, ينط دفاعو يشوتها تمرق من التمانتاشر الفريق الخصم يرجِّعا تانى ,, نامن دخلت قون... بعد دخلت قون القون قال : الحمد لله إرتحنا.
Quote: اتذكرت سواق الوزير |
قالوا الوالى عَذب سواقه بموضوع اقيف جيب المصلاية ,, وجيب الابريق..قوم يالسواق يوم فى الخلا افرش المصلاية للوالى وخُت ليهو الابريق ودوِّر على الرئاسة على طول وخلي الوالى فى خلاهو داك. لما السواق وصل الرئاسة سألوهو وين الوالى يازول؟ السواق: أسكتوا ساكت الليلة حصلت مُعجزة !!! الوالى نزل يصلى شفتو ليكم عَرج الى السماء ,,, الجماعة طوالى دوروا تكبير وتهليل ونحروا الذبائح ,, وجهَّزوا الصيوان والمكرفونات .. الوالى قرييب المغيرب جاء كدَّارى عطشان ,, ومكندك تراب ,, لقى ليك الهَلُمَّة ,,سأل اول زول مطرِّف فى الصيوان ,, الحاصل شنوة؟ قال ليهو السواق قال انت عرجت الى السماء تمتطى مصلايتك. الوالى مشى على السواق وقرصو من اضانو ,, وقال ليهو: نحن مش قلنا مانتكلَم بكل حاجة؟
| |
|
|
|
|
|
|
Re: ميسي الحمدلله الطرنا (Re: عبدالعزيز الفاضلابى)
|
Quote: لو خلو توتو كورة كنا مشينا لقدام |
واحد زهجان من ولدو ,, طلع فاشِل وما ساعد ابوهو الابو يوم قاعد يهرج ,, ويدعى على الولد ,, جاره جاء ماشى بى عنده ,, مالك يافلان بى تهرج وتدعى؟ الولد ,, الولد قاعد لى رزيَّة ياحاج احمد ,, يجُر التمساح من بحره ومافيه فائدة ,, ياخ الحمار كان وِلِد جناهو بشيل منه الحِمل!! حاج احمد قال ليهو: منو القاليك الحمار جناهو بساعدو؟ حرَّم هو يَشَيِّلوه وجناه يَشَيِّلوه ... نمشى لى قدام كيف يابت المشرف مع العالم ال بِتشَيِّل الحمار وجناه دى..؟
| |
|
|
|
|
|
|
Re: ميسي الحمدلله الطرنا (Re: معاوية المدير)
|
بنت المشرف وضيوفها الكرام نبارك لكم العشرة الاواخر كما ود المدير ماردونا ده كوم بره ميس حريف كما يقول اولاد امدرمان يحاورك في صحن لكن رغم الامكانات الفنية العالية لكنه فشل مع من منتخب بلاده بقدر نجاحه في اوروبا شيء يحير
| |
|
|
|
|
|
|
|