المغتربون السودانيون في الخليج هم... الاطول عمرا

Quote: وان نسبة الوفيات بين النساء قليلة جدا مقارنة مع الرجال

Quote: قليلة جداً وليس قليلة فقط؟ غايتو دي كدبوا فيها أقلها عندنا بيجاي

Quote: تحية طيبة الحبيب عمر عبدالوهاب تقبل الله منكم ومنا الاجل في ايد صاحب الاجل ومن باب التصوف المغترب بكون شايل في ضهروا قبيلة اليتيم والمطلقه والمريض اها عشان ديل ربك بمد في ايامو ربنا يرزقنا واياكم حسن الخاتمة

Quote: تقرير. صحيح والدليل فلان داك زمنو فات وغنايو مات تحياتنا

Quote: خلال تواجدي وغربتي الطويلة بالمملكة قبرنا مئات من السودانيين والساقية شغالة .. يعني وفيات كثيرة وبصورة مبالغة {وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُونَ } قل للطبيب تخطفته يد الردى من يا طبيب بطبه أرداكا قل للمريض نجا وعوفي بعدما عجزت فنون الطب من عافاكا قل للصحيح يموت لا من علة من بالمنايا يا صحيح دهاكا الله يحسن ختامنا وختامكم ..

Quote: حبيبنا عمر .. ماتصدق جملة (يا طويل العمر ) .. صدقني الكفيل ونقل الكفالة والهروب والمهنة والتأمين .. كم من الشباب ضاعوا بالكوليسترول الخبيث من الهم والغم ورفغ الضغط حبيبنا هنا لابد ان تشير إلى إستثناء هؤلاء الذين لديهم كفلاء خمسة نجوم .. أرجو عمل جولة في الجمعيات لتجد العشرات من الحالات المذكورة .. المشكلة إن المغتربين يموتوا وهم نائمون .. ( بالله الزول ده كان معانا أمبارح بالليل ) كمان ما تنسى بعضهم في ريعان الشباب مضوا إلى قدرهم بسبب عدم ضبط الأكل مثل اللحوم والحلويات والدسم .. إلخ .. إنت عارف الحبيب عمر مرض الجوع علاجه بسيط بس مرض الشبع والتخمة علاجه صعب .. مودتي عمر .. ورمضان كريم .. اللهم نسألك البركة في أعمارنا .. وكل عام وأنت بخير ..

Quote: الله يبشركم بالخير خبر حلو يارب تطول في اعمارنا في طاعتك رمضان كريم عليكم جميعا

(عدل بواسطة احمد حمودى on 06-20-2016, 01:45 PM)

Quote: والله انا بعرف زووول بى كثرة المشاكل قال لى والله انا فى كل صلاة فى السجود ادعو ربى يشيل رويحتى قبال السجدة الثانية عشان مشاكل السودان ومشاكل الكفيل الحاصلها ليه يعنى بالاختصار الممل عاوز ربنا يشيل روووحو قبال السجدة الثانية وتقول لى شنو وتقولى منو !!!!!