من قتل كريستينا ؟!

مرحبا Guest
اخر زيارك لك: 03-29-2024, 02:10 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-14-2016, 08:14 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
من قتل كريستينا ؟!

    07:14 AM June, 14 2016

    سودانيز اون لاين
    omer osman-الخرطوم
    مكتبتى
    رابط مختصر


    من قتل كريستينا حكاية او رواية ظللت لعدة سنوات اكتب فيها وعجزت عن اكمالها كتبتها في موقع سودانيزاونلاين عدة مرات ولم اكمالها هناك ، ثم فكرت في اكمالها وطباعتها كرواية لكن برضو عجزت عن اكمال تلك المهمة ، رمضان الفات كنت كل يومين تلاتة بحكي ليكم قصة عن ذكريات البوليس التي لا تنقضي ولا تزال طرية في الذاكرة ، السنة دي قررت انه اكتب او احكي قصة من قتل كريستينا هنا في النهاية لو في زول شاف انها تستحق ان تخرج في شكل رواية مطبوعة يشيله في فلاش ويمشي اقرب مطبعة وليهو 50% من الارباح هههههههههه
    نقيب شرطة (م) عمر محمد عثمان
                  

06-14-2016, 08:16 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    Omer Osman
    7 June at 17:31 ·

    من قتل كريستينا (الحلقة الأولي)
    الوقت ظهيرة احد ايام الخرطوم الساخنة كالعادة ، ضباط القسم يقطعون الملل بالونسة فمنذ أكثر من شهر لم تسجل دفاتر بلاغاتهم اي بلاغ مهم ، هي ظاهرة علي النعمة التي تبديها الا انها غالباً ما تشبه الهدوء الذي يسبق عاصفة اتية لا محال.
    رئيس القسم الضابط العجوز قرر ان يقطع الملل ويغادر الي منزله باكراً وهو يقول جملته المعهودة (خمسة وثلاثين سنة شغل بوليس ما كفاية من عسكري نفر لي نقيب تلاتة دبابير !!) ويرد عليه الجميع والله ياعم حسن كفاااية.
    كان الجميع يتحرق شوقاً لمغادرة عم حسن ولكل واحد فيهم مأربه ، ياسين باعتباره اقدم رتبة بين الموجودين يريد ان يجلس علي كرسي عم حسن وهو يمني نفسه باليوم الذي يصبح فيه الكرسي مخصصاً له ، الملازم محمد يجد فيها فرصة للذهاب الي الجامعة ومقابلة زملائه من الطلاب النظاميين يعرف منهم اخبار الامتحانات شنو ولو بالمرة لاقي سميرة يكون ضرب عصفورين بحجر. الملازم ندي قررت ان تنتهز الفرصة لتمارس هوايتها المحببة في العكننة علي المتحرين بالقسم فدائماً ما تظن بأن عم حسن يشكل حماية غير مطلوبة للمتحرين من مضايقة صغار الضباط لهم.
    وماهي الا دقائق والمتحري عبدالعاطي يقول امممممك الكشة جاتكم !!
    فيرد سليمان المتحري القطيم كما يلقبه افراد القسم ياجماعة البنية الكملانة من لحم الدنيا دي البحلنا منها شنو ؟!
    فيرد عليه المتحري مصطفي العربي بحلكم منها الحلاني منها !! يمين قبل كم يوم طبقت ليكم فيها جنس منظر هههههههههه تتذكروا بلاغ الخواجه السرقوا كلبه !!! هههههههه يازول شلت ليك البلاغ ومشيت عليها دقيت رجلي ومعاها تحية كاربة وقلت ليها ياجنابو ندي طبعاً انت عارفه انو نحن ناس تعليمنا بسيط وما بنعرف انجليزي فعاوزك تتكلمي لي مع الخواجة ده !! يمين زولتكم بقت تتلفت زي الترزي يوم الوقفة هههههههههه وقالت لي انا اسه ما فاضية ههههههههه اها من اليوم داك بقت ما بتقول لي جيب بلاغاتك للمراجعة ههههههههههههه
    مكتب البلاغات وعلي غير العادة كانت تفوح منه رائحة عطر نسائي سوداني ، غطت علي رائحة الحراسات الواقعة خلفه تماماً !! فزوجة المتهم الثري جاءت لزيارته تحمل وجبة الغداء وبينما كانت هي تضوع برائحة العطر النفاذ كانت الأكياس التي تحملها تضوع برائحة الشواء التي جذبت انتباه افراد المكتب اكثر من صاحبة الأكياس نفسها.
    وماهي الا لحظات وينقلب كل ذلك السكون والملل الي عاصفة تأتي بصحبة الرجل الستيني الذي ولج مكتب البلاغات انفاسه متقطعة و تغطي وجهه حبات العرق واثار الفزع والخوف وهو يردد الحقوني ياجماعة ، ياجماعة الحقوني مصيبة وقعت علينا ...
    يازول قول بسم الله وشيل نفسك ان شاء الله خير في شنو ؟!
    ماخير ياجنابو اصلوا الحصل ده ما خير كريستينا كتلوها ياجنابو !!! وانخرط في نوبة بكاءهستيري !!
    طيب كدي ياحاج براحة عشان نفهم الحاصل ونتصرف كريستينا دي منو ؟! والكتله منو ؟! ووين الكلام ده ؟! ومتين ؟!
    كريستينا دي طليقتي ياجنابو لقيته قبل شوية مكتوله في بيتنا وحالته بشعة منظر بطال جداً ياجنابو ديل وحوش ديل العملوا كده ربنا ينتقم منهم لييه كده حرام عليهم ، وعاود الدخول في نوبة بكاء هستيري لم تشفع معها كل كلمات المواساة والتعزية. هذا المشهد كان بداية لقصة وقضية طويلة استمر التحري فيها ربما لاكثر من سنتين.
    علي عجل اخذ الشاويش المناوب افادة مختصرة من الرجل الستيني حتي يتمكن من تدوين البلاغ والقيام ببعض الاجراءات المكتبية بشأن البلاغ وفي ذات الوقت انطلق الملازم محمد برفقة تيم المباحث متوجهين صوب مكان الحادث بعد ان وجه الشاويش النبطشي بابلاغ قسم المعامل الجنائية لموافاتهم في مكان الحادث. الذي لم يكن يبعد عن القسم كثيراً في ذات الحي الراقي.
    الرجل الستيني او جوزيف تادرس كما عرف عن نفسه افاد بأنه وكعادته في المرور علي منزل طليقته من حين الي اخر مر اليوم وصدم برؤيتها وهي مقتولة وملقاة عارية علي ارضية الغرفة وهي في حالة تعفن شديد !!!
    عشرة دقائق أو أقل كانت كافية للوصول توقفت العربة امام المنزل الذي بدأ الناس يتقاطرون ويقفون قبالته إستجابة لصوت الفضول الي جذبهم فور ما علموا بوقوع جريمة قتل في ذلك المنزل ، لذا كان لابد في الاول من إجراء التأمين اللازم لمكان الحادث وابعاد اولئك الفضوليين قدر المستطاع حفاظاً علي الاثار او أدلة يمكن ان توجد في الموقع.
    المنزل كان هادئاً وساكناً بشكل يليق بهيبة الموت وحرمته ، وهو لايختلف باقي منازل الحي كثيراً فحائطه القصير من النوع الذي لايحجب رؤية ما بداخله معبراً عن زمن ما كان يحتاج فيه الناس لتعلية الحوائط واسوار المنازل بحثاً عن الأمان ، المنزل يمتاز بفخامة علي طراز قديم لكن يد السنين خطت ما يكفي التجاعيد عليه وازالت كثير من بريق لونه واقفرت حديقته الصغيرة وتطاولت الحشائش في اجزاء اخري وتشابكت اغصان شجرة الجهنمية الحمراء حتي بدت بشكل شياطني كما في افلام الرعب.
    كانت كريستينا أو (المجني عليها أو الضحية) كما ستسمي إعتباراً من اليوم تقيم لوحدها في هذا المنزل الكبير حسب ما افاد المبلغ بعد ان هجر هو المنزل وسافر الأبناء للدراسة في اوروبا موطن والدتهم الأصلي ، تركوا لها جدران وسقف وبقايا ذكريات معلقة علي الحائط تقتات عليها وتتشبس بالسودان برغم الوحدة والوحشة فقد حبت هذا البلد واهله ولم تتبقي لها امنية بخلاف ان تموت بسلام وتدفن هنا.
    اجابتها الاقدار عن نصف امنية فهاهي ميتة الا انها للأسف لم تمت بسلام لأن يداً أثمة امتدت لها وازهقت روحها وحولتها الي رقم في دفتر البلاغات تحت القيد (785/91) وجثة ترقد عارية في ثلاجة عتيقة هي الوحيدة بالمشرحة يجاورها فيها اشخاص او للدقة ضحايا أخرين لم تلتقيهم في حياتها ويشاء حظهم العاثر ان يلتقوا في ظروف معقدة ولا سبيل للتعارف بينهم. فداخل الثلاجة التي تعمل بنصف البرودة المطلوبة الصمت هو سيد الموقف والكل في انتظار دوره علي طاولة التشريح ورائحة الفورملين تملاء أجواء المكان. وبرغم كل ذلك كان لغفير المشرحة مأرب اخري في الثلاجة فهي مكانه لحفظ جك الموية البارد او بطيخة يريد اكسابها قليل من البردوة يتحرق شوقاً لالتهامها علها تطفيء عنه حر الخرطوم تلك الأيام ، ولاغرو فقد تجمدت في وجهه معالم الحياة وحلت محلها نظرات الموت الباردة ربما لأنه يعيش بين الموتي اكثر من ما يعيش مع الأحياء فهو مقيم بشكل دائم في المشرحة لا يزوره الا رجال الشرطة والموتي والطبيبين الذين يتناوبان العمل في المشرحة. يستمتع بالنوم في طاولة التشريح أو علي احدى النقالات وشخيره ينافس صوت ماكينة الثلاجة العتيقة وهي تدور ولا يمل ان يحدثك عن انه الشخص الوحيد الذي اخاف رجال الشرطة عندما حضر احد الضباط حديثي العهد بالخدمة ولم يكن يعلم عن أمر هذا الغفير شيء !! دخل هو وافراده علي ضوء النور الخافت يحملون جثة بعد منتصف الليل وعندما احس بهم الغفير تململ في طاولة التشريح وقبل ان يزيح الغطاء عن وجهه كان الضابط وافراده يتسابقون هرباً من الجثة التي نهضت من سبات الموت !!!
    يتبع .................
                  

06-14-2016, 08:18 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا (الحلقة الثانية)
    دخل الملازم محمد الي المنزل ورائحة الموت تزكم الأنوف فقبل ساعة فقط اكتشف أمر الجثة اما كم لبثت علي هذه الحالة فهذا ما سيجيب عليه الطبيب الشرعي لكن بنظرة المتمرس قدر محمد ان الحادثة ربما وقعت قبل يومين علي اقل تقدير سبحان الله ما بين منظر الجثة المنتفخة وصور صاحبتها المعلقة في الحائط فمن يصدق ان هذه الشابة التي تختال حيوية في الصور هي ذاتها التي ترقد جثة تتمدد في فوضي عارية علي الارض والاشياء تتناثر حولها.
    وصل فريق الأدلة الجنائية وقاموا بأخذ مئات الصور لكل تفاصيل مكان الحادث ورفعوا العديد من البصمات وجمعوا قليل من الأدلة المادية وقاموا بتحريز ملابس المجني عليها المكونة من قطعتين قميص نوم ممزق وقطعة ملابس داخلية اكثر تمزيقاً. وجاء تقرير الطبيب الشرعي مؤكداً للتصور الذي حام في ذهن الملازم محمد فالوفاة نتجت عن (اسفسكيا الخنق) وان المجني عليها تعرضت للأغتصاب قبل خنقها. اي وحشية هذه التي تغتصب وتخنق أمرأة تجاوزت الخامسة والخمسين من العمر.
    الملازم أول ياسين حاول انتهاز فرصة غياب عم حسن للانفراد بادارة ومتابعة موضوع البلاغ فوجه الملازم محمد بتولي إجراءات التحري في البلاغ ، ورد محمد بكلمات مقتضبة واضح سيادتك بس ياريت ترسل زول يبلغ عم حسن في البيت لانه البلاغ ده مهم واكيد ناس الرئاسة حيدخلوا في الخط !! ياسين بالطبع لم تفته ملاحظة محمد لكنه تعمد تجاهل اخطار عم حسن وهو يمني نفسه بأن ذلك من شأنه رمي عم حسن في مشكلة مع ناس الرئاسة.
    الملازم ندي كانت تتحرق شوقاً للتحري في احدى بلاغات القتل فهي وبحكم حداثة عمرها في سلك الشرطة الذي لم يمضي عليه سوى شهور لم تقابل قضية قتل بعد !!! هذا بخلاف رغبتها في مرافقة الملازم محمد فهي تري فيه دائماً صورة الضابط الشاطر بل ابعد من ذلك ربما صورة زوج المستقبل لم لا !! ولم تكن تخفي مشاعر اعجباها المهني بمحمد وكانت تظن انها تخفي مشاعرها العاطفية لكن ما لم تعلمه ان عيونها وكلماتها كانت كثيراً ما تفضحها وبالتالي كانت هي الوحيدة التي تجهل ان الجميع يعلم بسرها الصغير.
    زيارة مكان الحادث أو مسرح الجريمة دائماً ما تكون هي المفتاح الذي يفتح صندوق أسرار الجريمة ، عم جوزيف وفي أول افادة له قال بأنه عندما حضر الي المنزل وجد الباب الرئيسي مقفول بالمفتاح مما يشي بأن القاتل لابد ان يكون قد تسور حائط البيت فالحي من الاحياء الراقية الهادئة ومن الممكن ان يقفز شخص دون ان يراه احد ، ملاحظة أخري اثارت انتباه الملازم محمد وهي وجود بعض الحلي الذهبية والكثير من الاشياء القيمة لم تمتد اليها يد القاتل وهي اشارة قد تقود الي ان السرقة لم تكن احد دوافع الجريمة.
    اتصال هاتفي من رئاسة الشرطة قضي باسناد التحري في البلاغ الي رتبة ارفع بمعاونة لجنة مساعدة ، وتم تكليف الرائد عبدالرحمن المتخصص في التحقيق في الجرائم المعقدة والغامضة.
    طبعاً ياشباب زي ما أنتو عارفين ناس الرئاسة كلفوني بالتحقيق في البلاغ ده أنا طبعا ما ساحر والشغل ده شغل جماعي كل زول فيكم لازم يلعب فيه دور ويقدم افضل ما عنده ، الملازم محمد حيكون رمانة الوسط في الشغل ده لانه زي ما أنتو عارفين أنا برضو مشغول ببلاغات تانية وأمور كثيرة داخل القسم ، وأنا ثقتي فيك يامحمد كبيرة ومعتمد علي الله وعليك انك وباقي الشباب وتيم المباحث نقدر نفك طلاسم البلاغ ده. ومبدئياً ياجماعة حنشتغل علي الطريقة التقليدية وكثير ما خدمتنا في بلاغات معقدة ونبدأ بالقبض علي أكبر عدد من الشماشة الموجودين في السوق القريب من مكان الحادث عسي ولعل بالتحري معاهم نطلع بمعلومة أو طرف خيط.
    خمسة وثلاثين أو يزيد كان عدد الشماسة الذين تمكن تيم المباحث من القبض عليهم وخضعوا لتحري مكثف من قبل تيم التحري وكل يوم كان العدد يتناقص حيث يتم اطلاق سراح كل من لم يثبت عليه شيء أو يقدم معلومة ذات جدوي. في اليوم الثالث بلغ الملازم محمد الرائد عبدالرحمن بأنهم ومن خلال التحري مع أحد الشماسة احسوا بأنه ربما لديه ما يخفيه بخصوص هذا البلاغ عشان كده ياسيادتك قلنا نجيبوا ليك تتحري معاه أنت بنفسك.
    الملازم ندي كانت في غاية السعادة وهي تزور مكان حادث قتل للمرة الأولي في حياتها المهنية وبالطبع تضاعفت سعادتها وهي تري الملازم أول محمد يرتدي قناع الشرطي والمتحري الناجح الذي يسبر اغوار مكان الحادث والجميع ينصاع لأوامره ايماناً منهم ببراعته في عمله.
    ندي لم تتملك نفسها وهي تصطدم بالمنظر البشع للجثة ورغم محاولاتها تغطية انفها بمنديل الا ان رائحة الجثة تسللت اليها فالأمر اقوي من اي منديل أو عطر وعندما شعرت بأنها ستخرج كل مافي بطنها انسحبت خلسة ومضت الي الحمام الخارجي ، ثم عادت بذات الهدوء وهي تطمئن نفسها بأن الجميع مشغول وبالتأكيد لم يلاحظ احد غيابها لدقائق.
    في الطريق الي المشرحة ركبت بجانب محمد وفجأة وهم يتجاذبون اطراف الحديث عن البلاغ وغيره قال ليها بالمناسبة عاااادي جداً الحصل ليك ده وغالباً بحصل لأي زول يشوف جثة بالمنظر ده لأول مرة !!
    صمتت للحظة .. لكن أنت عرفت كيف يا محمد ؟!
    ياملازم أنت قايلاني شغال في مصنع البيبسي وال شنو ؟ ضحكت بشدة وضحك هو أكثر
    اخبار الحاجة شنو يامحمد سمعت انها عيانة شوية ؟
    والله ياندي أمي تعبانة والمشكلة ما قادرين عرف عندها شنو بالضبط مشينا لكذا دكتور وكل زول فيهم يقول كلام ويديها أدوية ومافي نتيجة لحدي هسا !!
    طيب ليه ما تسافروا مصر أو الأردن مثلاً ؟
    فكرنا في كده لكن انت عارفه الظروف اخوي المشي ابوظبي يادوب اشتغل وانا ياها ماهية البوليس التعبانة دي !!
    طيب يا محمد ممكن اطلب منك طلب ؟
    جداً ياندي اتفضلي
    خليني اساعدك في موضوع السفر ده !
    والله ياندي انا عارفك زولة هميمة وما بتقصري لكن الموضوع اكبر مني ومنك !
    طيب بس انت اسمع انا دايرة اقول شنو ما تستعجل ساي !!
    اوكي مافي مشكلة نتكلم مرة تانية لأنه نحن خلاص وصلنا المشرحة !
    ندي وهي تهم بالنزول من العربية كانت تقول في سرها ما اتعس هذا اليوم علي كريستينا وعم جوزيف وما اسعده علي فقد اقتربت من محمد اكثر !!
    يتبع ...........
                  

06-14-2016, 08:20 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا (الحلقة الثالثة)
    تيم المباحث الاخر كلف بالتحري عن المجني عليها واسرتها ومعرفة كل صغيرة وكبيرة عن الاسرة ، فحتي الأن تنتفي دوافع السرقة وبالتالي تنشط في الذهن دوافع اخري كالانتقام والتصفية او حتى الاغتصاب ، المعلومات الأولية اشارت الي ان القتيلة هي هولندية الاصل عاشت في السودان لزمن طويل جداً واصبحت سودانية كاملة الدسم ولها اسرة صغيرة مكونة من طليق وولد وبنت فقط ، وهناك اقاويل مبعثرة عن علاقات مريبة للمرحومة ببعض الاشخاص او حتي الشماسة الذين يرتادون المنطقة وهي اقول بلا شاهد عيان يعضدها ولا دليل يؤيدها جأت مرسلة هكذا.
    السلام عليكم سعادتك ده الشماسي القلت ليك عليه هكذا ابتدر الملازم أول محمد حديثه مع الرائد عبدالرحمن وحدسي يقول بأن لديه ما يخفيه سعادتك !!
    شوف يا جفاف مش اسمك كده برضو ؟
    ايوه يا جنابو انا اسمي جمعة لكن الجماعة بقولوا لي (جفاف) !
    طيب يا جمعة نحن شغالين هنا بعمرك وبنعرف الكلام الصاح من الكضب عشان كده ما تقعد تلف وتدور معانا عشان ما نقوم نتصرف معاك غلط كلامي ده كويس معاك ! وما تخاف من زول لو انت كلمتنا مافي زول بقدر يعمل ليك حاجة وممكن نخليك قاعد بهناك في حوش النادي لو أنت خايف !!
    والله ياجنابو انا بقول ليك الشيء الانا شفته انا كنت قاعد مرخم براي تحت الحيطة بتاعت المرة الخواجية وضارب سلس (يقصد سلسيون الذي يشمه هولاء الصبية) جو تلاتة تنفار وقفوا قدام البيت حاولوا يفتحوا الباب ما قدروا وبقوا قاعدين يعينوا بفوق الحيطة واحد فيهم قال ننط بالحيطة التاني قال ليهو لا ... دقيقة اصبر وجاء ماشي علي وهو زول تخين ولاب جلابية سلم علي وقال لي نحن اصحاب ست البيت والباب مقفول وهي نايمة نحن عاوزنك تنط بالحيطة تفتح لينا الباب من جوه !! أنا عاينت ليهو وقلت ليهو يازول انا ما زول بتاع مشاكل ولا داير مشاكل خليني !! قال لي لا مافي اي مشكلة كدي هسا أنت فطرته ؟ قلت ليهو لا !! قال لي خلاص هاك القروش دي افطر بيها بس بعد ما تنط تفتح لينا الباب !! انا نطيت سريع بالحيطة وفتحت الباب من جوه ومشيت اشتريت جدادة وجيت قعدت في محلي زاتو !! للكن تاني قلت ياجمعة امشي كشف شوف في بيت الخواجية دي لحاصل شنو ؟! لقيت الباب مقفول قمت نطيت بالحيطة ومشيت عاينت بالشباك لمن عاينت بالشباك انا خفت وقمت جاري وتلاتة يوم ما جيت راجع السوق !!
    انت شفت شنو خلاك تخاف وتجري ياجمعة ؟ والله ياجنابو عبدالرحمن انا شفت الخواجية واقعة في الواطة وهدومه مشرطه وفي واحد من الجماعة القبيل بستعمل فيها !!
    بتقدر تعرف الناس ديل ياجمعة لو شفتهم تاني ؟ واحد فيهم كان زمان شماسي معانا في السوق وتاني بقي يشتغل مع حمدان الميكانيكي في السوق لكن نسيت اسمه منو !!
    طيب ياجماعة نحن كده وحسب رواية جمعة وضعنا يدنا علي بداية الخيط وعلي الأقل بقي عندنا معلومة أنه في تلاتة متشتبه فيهم مفروض نعرفهم ونحدد محلهم ونقبض عليهم ، وانا افتكر انه الناس تبدأ ياجنابو محمد بالمشتبه به الكان شماسي وبقي صبي ميكانيكي ده لأنه اكتر واحد فيهم عندنا معلومات عنه علي قلتها. واضح ياسيادتو عبدالرحمن انا بنسق مع ناس المباحث وأول حاجة برسل اجيب حمدان الميكانيكي احتمال نلقي عنده معلومات تفيدنا !!
    عم حسن افلت من كمين جنابو ياسين عندما تعمد عندم إبلاغ عم حسن بالمنزل عن البلاغ الجديد ، لكنه لم يكن يعلم بأن محمد وقبل ان يتحرك الي مكان الحادث طلب من عم بشير الصول ارسال احد الافراد الي منزل عم حسن بالقشلاق لاعلامه بالبلاغ !!
    اندهش ياسين وهو يشاهد عم حسن يدخل عليهم بالقسم وعيونه تقدح بالغضب لذا سارع بالنهوض من كرسي رئيس القسم وهو يتمتم متلعثماً اسه انا كنت بفتش في زول ارسله يكلمك بالبلاغ !! اسمع يا ياسين انا حركاتك دي ما بتفوت علي وعلي بالطلاق يا ضابط انا اباريك الا اخلي ليك شغلة البوليس دي زي خرم الأبرة !! يمين انا لمن شغال في البوليس انت المدرسة ما دخلتها عشان كده بلاش لعب عيال معاك اسه تعال وريني عملتوا شنو في البلاغ ده !!
    ياسين و لاتزال حالة الارتباك تتلبسه شرح لعم حسن كله الاجراءات العملوها وانه البلاغ مسكه الملازم محمد الأمر الذي وجد ارتياح شديد لدي عم حسن فقد كان يكن حب ومودة خاصة لمحمد ويعتبره مشروع ضابط بوليس ومحقق ناجح جداً !! غادر ياسين مكتب عم حسن وفي ذهنه سؤال واحد كيف علم عم حسن بالبلاغ وهو في منزله ؟! ويقول في نفسه اهو كلتش وضاع لكن بلقي فيك فرصة تاني ياعم حسن والأيام دول.
    حمدان الميكانيكي لم يقدم أي معلومات ذات جدوي بخلاف ان الشامسي المعني في كلام الشاهد جمعة احتمال يكون هو (ود الحاجة) وما بنعرف ليهو اسم غير كده وانه قام بطرده لأنه زول مستهتر ويده خفيفة وفي زبائن كتار اشتكوا منو !!
    يعني اصريت يا محمد انك حتى ما تسمع مني وترتب امور سفر الحاجة براك ،وأنا اكون آخر من يعلم !
    ابداً يا ندي انا ما تعمدت الحكاية دي وانتي عارفه اموري كانت جايطة كيف بين المستشفي مع أمي ومتابعة بلاغ كريستينا !! والحمد لله الامور ترتبت مية المية !!
    كيف يعني مية المية يا محمد وانا عارفه ظروفك وظروف ناس بيتكم ؟!
    والله يا ندي ما منك مدسة ابوي باع عربيته وعثمان اخوي قدر دبر ليه شوية قريشات رسلهم من ابوظبي والتذاكر شلتهم بالدين من واحد صاحب عثمان اخوي عنده وكالة سفر !!
    طيب يامحمد انت ما عارف انه نادر اخوي عنده وكالة وانا بالمناسبة كلمته وكان متبرع بالتذاكر !!
    معليش يا ندي اهي جات كده وخلينا يمكن لي قدام نستفيد من تذاكر نادر المجانية دي هههههههه
    سرحت ندي في كلمات محمد الاخيرة خصوصاً انه تكلم بصيغة الجمع يكون قاصد شنو يارب ؟
    افاقت علي صوته ..
    يلا يا ندي مع السلامة وابقوا عشرة علي بلاغ كريستينا !!
    حاضر يا محمد وربنا يكتب السلامة ويطمنكم علي الحاجة !
    طيب انت مستعجل مالك ما تقعد شوية !!
    ما بقدر يا ندي عندي مشوار ضروري جداً للجامعة !!
    .........................................................
    يا الله يامحمد كنت متخيلاك سافرت من غير ما اشوفك!
    معقولة بس يا سميرة !!
    والله رغم انه وقتي ضيق شديد لكن قلت لازم اجي اودعك انا بتفائل بيك يا سميرة !
    تعرف يا محمد رغم اننا بنعرف بعض من فترة قصيرة لكن مرات كتيرة بحس أني بعرفك من زماان !! ولو ما كنت مسافر عشان علاج الحاجة كنت بقول ليك ما تسافر !
    يا بت ده كلام غزل عديل ههههههه
    غزل شنو يا شين بس عشان الامتحانات قربت وكنت عاوزاك تقعد تذاكر !!
    وارخت يدها لتغوص في يد محمد وهو يضغط عليها برفق ويقول خلي باللك من نفسك ياسميرة !!
    محمد عليك الله من هناك اضرب لي في تلفون جيرانا ناس خالتي عزيزة عارف النمرة طبعاً
    جداً يا سميرة بس ان شاء الله ترد لي في الاول صاحبتك ام صوت سمح ديك ههههههههه
    قال صاحبتك ام صوت سمح ديك ان شاء الله يا محمد يرد ليك ابوها ويطلع ليك بالسماعة بهناك ههههههه اقول ليك حاجة ما تضرب زاتووو !!
    يلا يا سميرة لا اله الا الله
    محمداً رسول الله
    محمد اسمع كلامي الاخير ده ما تشتغل بيه اضرب
    لم يرد لكن كان في ابتسامته الف رد حتى انها احست بالارتباك و بانها ربما تمادت.
    بعد مضي أكثر من شهر أخيرا وصلت معلومة لي احد افراد المباحث بأن (ودالحاجة) متواجد في احدي المنازل بمنطقة عشوائية حيث يقيم مع صديقته !! بعد منتصف الليل تحرك تيم المباحث وتمت مداهمة المنزل المعني ولحسن الحظ عثروا علي ود الحاجة يغط في نوماً عميق ورائحة الخمر تفوح منه بصورة مزعجة !! افاق ود الحاجة من نومه مذعوراً وهو يري مجموعة افراد المباحث يحيطون بسريره وهم مسلحون بالمسدسات ويأمرونه بالنهوض وهو يتلقي بعض صفعات عجلت بنهوضه من السرير برغم الترنح الذي كان يسيطر علي حركته والجمته المفأجاة وثقل لسانه بسبب السكر عن نطق اي كلمة !!
    الرائد عبدالرحمن استيقظ علي صوت طرق شديد علي باب منزله وتسأل عن ما يكون الطارق في هذا الوقت المتأخر من الليل ، وعندما فتح الباب وجد أمامه الصول عبدالقادر بكرشه الكبيرة التي كانت تتقدمه وهو يضرب الأرض برجله رافعاً يده بالتحية تمام سيادتك ود الحاجة وقع في يدنا واهو راكب في البوكس وراء ، مبروك ياحضرة الصول شغلكم نضيف خلاص امشوا علي القسم وأنا جاي وراكم طوالي.
    يتبع ............
                  

06-14-2016, 08:22 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا (الحلقة الرابعة)
    في القسم باغت الرائد عبدالرحمن ود الحاجة بسؤال مباشر ليه كتلتوا كريستينا يا ود الحاجة ؟
    أنا ما كتلت زول ولا بعرف كريستينا دي منو يا جنابو !
    تعرف يا جنابو انا ده الكلام الكنت خايف منه ؟
    كلام شنو ياعبدالقادر ؟!
    خايف ياجنابو من جنس اللولوة البسوي فيها ود الحاجة ده !! انت عارف ياجنابو لو خليتنا سقنا الزول ده مكتبنا ساعة واحدة بجي يسجل اعتراف قضائي !! لا لا ياعبدالقادر ود الحاجة ده زول راجل وبراه بتكلم! جداً يا جنابو كان اتكلم خير وبركة وكان ما تكلم ادبينا خبر !! خير ياعبدالقادر طيب عاوزك تحضر لي طابور شخصية ونشوف جمعة حيتعرف علي ود الحاجة في الطابور والا لا ؟!
    جمعة لم يجد أي صعوبة وفي الثلاث مرات التي اجري فيها طابور الشخصية ان يتعرف علي ود الحاجة بسهولة !!
    الرائد عبدالرحمن يعلم بخبرته الطويلة ان افضل الاوقات لاستجواب مشتبه به هي دائماً بعد ان يتعرف عليه شاهد في طابور شخصية او قصاص أثر في طابور استعراف او بعد طابور كلب بوليسي وقتها دائما يكون المشتبه به في اضعف حالاته وتضعف معنوياته وقدرته علي الانكار !! وبالفعل انهار ود الحاجة وبدأ يسرد القصة من أولها.
    في يوم انا كنت في السوق ضارب سجارة وجعان شديد وما عندي قروش اكل بيها ، فجأة ظهر من بعيد صاحبي (عبده) كنا شغالين سوا مع المعلم حمدان الميكانيكي وطردنا من الشغل سوا !! كوركت ليهو اتلفت وجاء علي سلم علي وقال لي يازول انت كنت وين انا لي زمن بفتش فيك ؟! قلت ليهو والله يا عبده اهو قاعدين ومفلسين فلس شديد !! طيب يا زول ما دام مفلس انا عندي ليك شغلانة كويسة خالص وحنلقي من وراها قروش كويسة ونشتت من السوق ده كله !! اها رأيك شنو ؟ قلت ليهو أنا موافق طوالي ، طبعاً انا فكرت انه الشغلانة دي اكيد سرقة كبيرة وسألت عبده أها البيت الحنسرقوا ده وين ؟ يازول سرقة شنو الشغلانة اكبر من كده وفيها قروش كااش اكتر من اي قروش بتلقاها من سرقة !! صراحة أنا رأسي ضرب وقلت ليهو ياعبده مالك عاوز تخوفني انت عارف نحن ما ناس شغل كبير والبنقو ده ياها علاقتنا بيهو استعمال شخصي نضرب لينا سجارة سجارتين نزبط بيها الرأس لكن شغلته ذاته ما بنعرفه ؟! يا زول بنقو شنو الشغلة دي لا سرقة لا بنقو !! ياعبده يااخ كده انا خفت زيادة عليك الله اتكلم يا مان.
    اسمعني يا ود الحاجة وركز معاي شديد تتذكر الخواجية كريستينا ؟ ايوه ايوه بتذكره ماله ؟! ودخلها شنو في الموضوع بتاعنا ده ؟! يامغفل ما هي الموضوع زااتو !! ياعبده اسمعني انت صدقت الوهمة بتاعة انه الخواجية بتدخل الشماسة بيته يسستعملوها وتديهم قروش يااخ ده كلام فارغ ساي !! والله ياعبده بقيت ما عندك موضوع كله كله !!
    ضحك عبده وطلع من جيبه رزمة قروش !! انا بقيت ابحلق ولمن بلعت ريقي يا عبده ده شنو ؟! والقروش الكتيرة دي شنو ؟! معقول تكون نمت مع الخواجية وكلام الناس ده يكون صحي ؟! يازول نمت شنو وصحيت شنو ! القروش دي عربون الشغل يا ود الحاجة ولمن نتم الشغل بدونا قدره دبل !! طيب الشغل شنو بالضبط ؟! الشغل واضح ياو دالحاجة نكتل الخواجية كريستينا بس ده كل المطلوب مننا !! نكتل !! نكتل منو ؟ يا زول هووي انا لا زول كتل ولا بعرف اكتل !! اسمعني ياعبده عليك الله انا جعان اديني حق الفطور خليني اتخارج ولا سمعت ولا شفت اي حاجة !! كتل يا عبده دي فيها مشنقة يا زول سلام يافردة قروش الفطور ذاته خليته !!
    الو الو ... السلام عليكم .. أنا بتكلم من القاهرة عاوزة سميرة بت جيرانكم بس بسرعة لو سمحتي ، أهلين محمد انت محظوظ سميرة ذاته قاعدة معاي التقول عارفك حتضرب ههههههههه
    وخطفت سميرة السماعة ازيك يامحمد وكيفك واخبارك واخبار الحاجة شنو ؟
    والله ياسميرة جينا وعملنا الفحوصات والدكاترة قالو في ورم ولازم تتعمل عملية ومفروض بكرة الصباح أمي تخش العملية ، انا مقلق شديد ياسميرة واكتر شيء مقلق بي انو امي صابرة صبر عجيب ودائماً تقول لي يامحمد يا ولدي (ده مرض الموت الما منو علاج) ما تخسروا قروشكم ساي وابقي عشرة علي ابوك واخوانك يامحمد !
    لا لا ما تقلق يامحمد وما تاخد بي كلامه ده انشاء الله الحاجة تعمل العملية وتبقي كويسة وتجوا راجعين ، وليك علي يا محمد اخبز ليكم كعك عمرك ما اكلت زيو
    شكراً ليك ياسميرة عارفك ما بتقصري والله ما تتخيلي أنا اسه ارتحت كيف لمن سمعت صوتك يلا مع السلامة لا اله الا الله ..
    سميرة (محمداً رسول الله)
    سلام شنو يا ودالحاجة انت كده بقيت معانا جوه الجك ولو ما اشتغلت معانا الشغل ده يمين انت ذاتك نكتلك !! ده كلام شنو تكتلني انا ياعبده ؟! يازول انا عشان قروش زي دي ابوي ذاتو بكتلو !!
    بصراحة ياجنابو أنا خفت شديد وعبده كان جادي وعيونه كانت شرارة عديل وانا قلت ليهو خلاص خلاص ياعبده أنا معاكم ، بعد داك مشينا فطرنا سوا وركبنا البص مشينا الحلة قيلنا في بيت ناس حاجة كتيرة ضربنا سجاراتنا وعبده قال لي الليلة ربنا تاب علينا من العرقي الكعب ده وشربنا بيرة ساقطة وجابوا لينا بنات نمنا معاهم وعبده دفع حسابات الحاجات دي كلها وقال لي اها يا مان رأيك شنو في برنامج زي ده كل يوم ؟! قلت ليهو ده برنامج زابط بس لو الحكاية مافيها كتل يكون مية مية !! عبده ضربني بونية قوية في سدري لمن قربت اقع وقال لي اسمع هووي يافارة ياتكتل يا نكتلك وقع ليك الكلام ده والا اعيدوا ليك ؟! لا لا وقع لي ياعبده !! خلاص ابقي راجل اسه نحن ماشين نقابل زول بخصوص الموضوع ده ، امشي قدام الزول اعمل لي الحركات بتاعتك عشان اطلع .............. !!
    رجعنا السوق انا وعبده وفي السوق لقينا زول عربي تخين كده عبده سلم عليه بالاحضان ..
    كيفك يا حاج حامد
    تمام الحمد لله ياعبده
    ده ود الحاجة الكلمتك عليه ياحاج
    ايوه اتوقعت يكون هو ! لكن زولك ده مالو فتران كده وعيونه مقلعة من بكانه ؟!
    لا لا ده زول فردة صاقعة بس نحن كنا مقيلين عند حاجة كتيرة وزي ما انت عارفه وكده ههههههههه
    ان شاء الله تبقي الحكاية كده ياعبده وزولك ده ما يقوم يخوزق لينا الشغلانة دي !!
    أنا طبعا كنت خايف وببلع في ريقي لكن لمن اتذكرت تهديد عبده قلت ليهو ياحاج نحن بناكل النار ذاته !!
    قال لي يازول اسه مافي زول قال ليك اكل النار نحن دايرين نكتل الخواجية دي وكل زول يشيل نصيبه ويتخارج تاني يوم القيامة ما نتلاقي !!
    جداً جداً ياحاج بس عندي سؤال نحن مفروض نكتل الخواجية دي عشان شنو ؟!
    حاج حامد نهر عبده نهرة قوية يازول ده شنو الزول العولاق الجبتو لينا ده !! اسمع يازول نحن ما بهمنا الزول الطلب مننا الشغل ده مشكلتو شنو مع الخواجية كل البهمنا في الموضوع ده القروش !! وتاني ما داير اي اسئلة اتفقنا ؟! اتفقنا اتفقنا ياحاج !!
    ديل أولادي ياجنابو كان عندهم امتحانات ويادوب قدروا يجوا السودان ده عمكم عبدالرحمن ماسك الجنايات في القسم هنا ومسؤول من قضية ماما ، واهو غايتو ما مقصرين في الشغل وانا طبعا ياجنابو وريتهم الحاصل كله لكن هم برضوا عاوزين يسمعوا منك !!
    اول حاجة يا شباب البركة فيكم وعاوز اطمئنكم انه القضية في ايدي امينة ويشهد الله انو نحن مهتمين بالقضية اهتمام ما عادي لانها صراحة قضية ما عادية من حيث المجني عليها ومن حيث مكان وقوعها فا الحي ده أول مرة يشهد وقوع جريمة قتل بالاضافة الي ان الدافع لارتكاب الجريمة دي لحدي الان غامض وما مفهوم !! لكن المهم نحن قطعنا شوط ما بطال وقبضنا مشتبه به اساسي واعترف قدامنا بأنه اشترك في الجريمة ومعاه نفرين تاني وبحسب كلامه انه في زول رابع هو الطلب منهم كتل المرحومة مقابل قروش !! ونحن لحدي الان بنتعامل مع كلامه باعتباره الحقيقة وبنفتش للاتنين التانين الكانوا معاه !! وبرضوا في احتمال وارد انه حكاية نفرين تانين وزول رابع دي من نسج خيال الزول المقبوض ده عشان يتوهنا ويكسب زمن !!
    والله ياجنابو مع احترامي ليكم ولمجهوداتكم وده شغلكم وانتو بتعرفوه اكتر مني لكن انا شايف القضية دي اخدت وكت كتير طويل جداً ومافي داعي تاخد وكت اطول من كده وفي رأي الولد ده يمشي المحكمة وياخذ جزاؤه !!!
    ايد الاولاد كلام ابوهم بل كانوا اكثر حماسا في تأييد الفكرة وضرورة الاسراع في طي ملف االقضية لانهم وبحسب كلامهم يريدون ان يتجاوزوا المحطة الصعبة دي في اسرع وقت !!
    ان شاء الله ياجماعة نحن حنفكر في كلامكم ده وربنا يسهل الأمور !!
    الملازم ندي دي منتظراك وراء الصيوان ياجنابو محمد عاوزة تعزيك هكذا قال عم حسن لمحمد بعد ان رفع معه الفاتحة !! خرج محمد الي الجهة الخلفية من الصيوان ولمح عدد من النسوان والبنات كلهم في انتظاره ، اكثر وجه ميزه في وسط هذا العدد كان وجه سميرة الحزينة بصدق ولم يفته بالطبع ملاحظة ندي بحكم زيها الرسمي الذي ميزها عن البقية !! رفع محمد يديه بالفاتحة .. إلا ان خالته التي كنت قد وصلت للتو من البلد لم تترك له الفرصة لاكمال الفاتحة واحتضنته بقوة وهي تبكي بحرارة وتعدد في مأثر الفقيدة وعظمة فقدها ، محمد استسلم لحضن خالته فقد كان يحتاج اليه لقد تماسك اكثر من ما يجب وربما حان الوقت ليبكي كالاطفال ويخرج هذا الحزن الذي اثقل قلبه ، في مصر وبعد ان توفيت الحاجة لم يكن هناك وكت للبكاء وكان عليه ان يتماسك حتى يستطيع اكمال اجراءات السفر كما كان عليه ان يتماسك لأجل والده الذي انهار كلياً ، حتي عندما وصلوا الخرطوم كان يتماسك حتى يكمل مراسم التشييع والدفن ...... بكي محمد علي صدر خالته كما لم يبكي من قبل بصورة جعلت اغلب الحاضرين ينخرطون في نوبة بكاء ، ربما كان يبكي بعضهم لأجل المرحومة لكن بلاشك كان بعضهم يبكي لاجل محمد وحزنه !! تدخل خاله وفرق بينه وبين خالته طالباً منهم الاستغفار والدعاء للمرحومة !! افاق محمد قليلاً وتلقي العزاء من باقي البنات ومن ندي وسميرة وطلب منهم ان يتفضلوا الي البيت وعاد هو الي الصيوان !!!
    يتبع ...............
                  

06-14-2016, 08:23 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا (الحلقة الخامسة)
    انتي يا اختي دحن النسعلك محمد ده بعرف البنوت ديل كلهن من وين ؟!
    كان هذا مدخل ونسة جانبية بين اتين من جارات المرحومة في الحي ...
    يا بت امي محمد ما قالوا مع شغلو في البوليس بقرا في الجامعة !!
    هي لكن قراية الجامعة وعرفت الجامعة بتخلي البنات ديل يبكن ويتنخجن قدر ده ؟! حتي البنية البوليسة دي شايفاها تبكي وتقشش في دميعاته اظنها خجلت ساي من الكاكي اللابساهو ده والا كانت اتنخجت زيها وزي الباقيات !!
    والله يا بت امي محمد ما ولد السرور وامه عليها رحمته الله كانت زولة طيبة وعشرته سمحة يوم واحد ما غلتت علينا ولا سمعتنا كلمة مافي محلها لمن فارقتنا عليها رحمته الله ، وانا والله العظيم كان عندي بت كان عرستها ليهو !!
    انتي خترك انا البنات عندي وكان للسماحة سمحات وكان للقراية قاريات !!
    ما قلنا حاجة فوق بناتك لكن القصة يا بت أمي ما قسمة ونصيب !!
    مخير الله وكت جاء الكلام علي بناتي بقت القصة قسمة ونصيب سبحان الله يا ناس الدنيا !!!
    تعرف يا محمد والله سفرتك دي قطعت رأسنا عديل !!
    معقولة ياسيادتو عبدالرحمن انتو الخير والبركة كلها واكيد باقي الشباب ماقصروا
    والله ماقصروا يامحمد لكن انت اكيد عارف انه الناس كلها ما واحد وانت ماشاء الله عليك متحري ناجح وضابط هميم وبالجد افتقدتك في البلاغ ده الفترة الفاتت !!
    سمعت ياسيادتك من الشباب انه في زول اتقبض وبتفتشوا علي اتنين تانيين ؟
    ايوة صاح لكن بصراحة غلب حمارنا اكتر من شهر ما مشينا خطوة واحدة لي قدام ، وبصراحة يا محمد انا عارف الظروف لكن بالجد لو في طريقة تنزل الشغل من بكرة يكون احسن !!
    جداً جداً يا سعادتك ده واجب والزول لازم يعصر علي رقبته شوية بس لو اديتني فرصة يوم بكرة لحدي ما ناس البلد يسافروا وارتب بعض الامور كده بعد بكرة بكون معاكم ان شاء الله !!
    والله يامحمد الواحد خجلان منك لكن بالجد محتاجين ليك وانت عارف انا مشغول قدره شنو بكمية من البلاغات التانية !!
    اهليين محمد قالتها الملازم ندي عندما دخلت المكتب ووجدته جالساً علي مكتبه ، قالتها بفرح غامر لكن سرعان ما انتبهت الي زملائها الذين اخذوا يبتسمون ويتغامزون في صمت !! ولم تجد مخرجاً غير أن تدير دفة فرحتها الي حركة عسكرية وتضرب الارض بقدمها منتصبة القامة رافعة يدها بتحية عسكرية كما تعلمت !!
    اهلا اهلا جنابو ندي ازيك وكيف اخبار ناس البيت واخوك عامل شنو مع شغل الوكالة وعاملة كيف مع المتحرين لسه شغالة معاهم توم اند جيري !! كل ذلك ومحمد لم يقصد سوي انتشالها من دائرة الحرج ولم يفتها ذلك واحست بأن محمد بذوقه العالي ولباقته المعهودة انما يقدم لها طوق النجاة !!!
    يتبع .........
                  

06-14-2016, 08:25 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    Omer Osman
    12 June at 17:49 ·

    من قتل كريستينا - الحلقة السادسة
    مضي النهار بطيئاً ومحمد في حالة انشغال لا تنتهي تارة تجده مع المتحرين يراجع معهم البلاغات بطرفهم وتارة يراجع في موقف المنتظرين في الحراسة ، ومرات يتحدث مع احد المواطنين بشأن بلاغ او زيارة منتظر ، حانت ساعة الانصراف وتحرك الجميع نحو حافلة الترحيل الا محمد الذي طلب منهم التحرك وعدم انتظاره لان لديه اعمال لم تنتهي بعد ! كذلك قالت ندي بأن نادر شقيقها سيمر عليها اليوم ...
    شكراً يا محمد علي تصرفك الجميل قبيل الصباح
    ههههه هو انتي لسه فاكرة يا ندي ؟!
    انا صراحة ما قصدت حاجة وتعبير عفوي جدا طلع مني حكاية اهليييين يا محمد دي
    يازولة ولا يهمك عادي عادي وكلنا زملاء واخوان واصحاب
    شايفه في البكاء كان في بنات كتاار شكلهم من الجامعة ؟
    ايوه ايوه ديل زميلاتي وبنذاكر سوا
    هي جامعتكم دي كلها بنات والا شنو ؟!
    هههههههه انتي شفتي البنات بس لكن في الصيوان كان برضو في اولاد كتاااار قاعدين
    بس انتي مالك مركزة مع الموضوع ده يعني ؟!
    ابدا ما مركزة ولا حاجة ! اها بلاغ كريستينا فيهو جديد ؟
    في خطوات ما بطالة وغالبا انا من بكرة ح اتفرغ لشغل البلاغ ده
    يعني حتمشي رئاسة القسم والا شنو ؟
    غالباً لكن اكيد يومي بمر عليكم
    ايوة ضروري عليك الله يا محمد
    ياعم عبدالقادر كدي جيبو لي الزول القبضتوهو في بلاغ كريستينا
    جدا سيادتو محمد
    تعال يا عوض امشي جيب ودالحاجة من الحراسة
    البركة فيكم يا جنابو محمد سمعت انه الوالدة توفت
    البركة في الجميع يا ودالحاجة كتر خيرك
    وبالمناسبة واضح انك زول كويس وانك ذاتك ضحية زيك وزي الخواجية وانا عاوز اساعدك لكن عشان اساعدك لازم تساعدني ، الخواجة عمك جوزيف واولاده ضاغطين شديد انه نحول البلاغ ده للمحكمة في مواجهتك انت بس وزي ما انت عارف انه قضية زي عقوبته الاعدام ولازم يا ود الحاجة تساعدنا وتساعد رقبتك
    انا ما عندي مانع يا جنابو لكن اساعدكم بشنو انا كل البعرفو قلتو لجنابو عبدالرحمن
    لسه ممكن تساعدنا ممكن تلمنا في عبده وحاج حامد !
    والله يا جنابو عشان ما اكضب عليكم انا حامد العربي ده ما بعرف ليهو سكة لكن عبده ممكن اساعدكم تلقوهو لاني بعرف كل الجخانيين الممكن يتلقي فيها بس اهم شيء بعدين توروا القاضي الكلام ده
    مافي مشكلة يا ودالحاجة واول شيء نمشي نسجل ليك اعتراف قضائي ّ
    اعتراف قضائي ده شنو يا جنابو ؟!
    يعني تمشي معانا قدام القاضي وتحكي ليهو نفس الكلام والقصة زي ما حكيته لينا !
    اها ياجنابو وكان قام القاضي ده طوالي رشاني اعدام والا حاجة ؟!
    لا لا ههههه دي مافيها رش ولا اعدام يا ود الحاجة دي اجراء عادي
    جنابو محمد البركة فيكم اعفي لينا سمعنا متأخرين وما قدرنا نصلك في البيت
    ما بتقصر يامولانا والبركة في الجميع
    عندنا يا مولانا متهم عاوزين نسجل ليهو اعتراف قضائي
    جداً يا محمد بس اوعي يكون ناس عمك عبدالقادر وجماعته عصروا علي الزول ده
    ههههههه اهو يا مولانا الراجل قدامك اسألو ؟
    طيب خلاص خلوهو معاي وانتظروا بره واقفل الباب وراك
    اسمك بالكامل : جمال احمد ادم جمعة
    عمرك كم سنة : 25 سنة
    انت عارف يعني شنو اعتراف قضائي
    ايوه عارف يا مولانا
    طيب في اي زول ضربك والا هددك عشان تجي تقول الاعتراف ده
    لا يا مولانا
    طيب كويس اها الحاصل شنو؟
    كويس انك قدرت تجي الجامعة يامحمد
    والله يا سميرة مرهق وتعبان وكمية بتاعة شغل ما عادية
    عارفه يا محمد و والله العظيم شايلة همك وعارفه انه ظروفك صعبة لكن دي السنة الاخيرة يامحمد ولازم تجتهد عشان تتخرج بتقدير
    تقدير ؟! تقدير انتي يااااخ هههههه
    تقدير شنو ياسميرة انا داير اتخارج مش اتخرج ان شاء الله بمقبول
    يازول ما في عوجة وما تشيل هم انا معاك
    يوم البكاء شايفة واحدة زميلتكم ضابطة ؟!
    ايوة دي جنابو ندي
    وبتبكي قدر ده ماله ؟
    يمكن عشان شافت امي كم مرة ومرات امي الله يرحمه كانت بترسل لينا اكل في القسم
    والله البشوف دموعه يقول امك خالته او عمته لزم والاغرب من كده تبكي وتحمر لينا في شنو ما عرفناها
    ما تبالغي يا سميرة معقولة تكون عملت كده ؟! هسا خلينا في المهم موضوع الامتحانات دي
    انت مالك تضايقت من كلامي يا محمد معليش انا ماقيلة ندي دي عزيزة عليك قدر ده ، وزي ما قلت خلينا في المهم
    سميرة انتي عارفه انا الكلام المافي محلو ما بحبو كان فيك والا في ندي او غيره عشان كده احسن تفهميني صاح ! يلا سلام عليكم انا ماشي
    طيب اقيف اصور ليك الورق ده
    خليهو يوم تاني انا تعبان وماشي البيت اخد لي نومة
    الليلة يانورة شكلو محمد زعل مني هسا اسوي شنو ؟
    انتي ذاتك شليقة كلمتك قلت ليك ما تجيبي ليهو سيرة ندي وابيتي تسمعي كلامي ! الود ده بريدك يا سميرة بس انتي روقي وخلي الكبكبة اختك خبيرة ريدة وشواكيش
    ههههههههههههههههه والله يانورة ضحكتيني بالجد كنت محتاجة للضحكة دي بعد الموقف البايخ ده.
                  

06-14-2016, 08:26 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة السابعة -
    يامولانا انا زي ما قلت لناس المباحث وجنابو عبدالرحمن وجنابو محمد انا جاني واحد اسمه (عبده) وقال لي في زول حيدينا قروش لو كتلنا الخواجية كريستينا وتاني مشينا قابلنا زول اسمو حاج حامد زي الساعة 11 صباحا جنب السوق الشعبي امدرمان وركبنا معاهو العربية ومشينا بيت المرحومة وفي واحد شماشي هناك فتح لينا الباب لمن دخلنا المرحومة اتخلعت وحاولت تكورك ، حاج حامد طوالي لفه العمة في خشمها ومسكه من وراء ضهره وبقي يكورك فينا اخنقوها اخنقوها .... عبده طوالي مسكه من رقبته بي يدينو وبقي يخنق فيها وانا بصراحة كنت خايف شديد وبرجف وبعد شوية المرحومة صنت وبقت ما بتقاوم وحاج حامد قال خلاص ماتت ! لكن نحن لازم نعمل تمويه ! قنا ليهو تمويه كيف ؟ قا واحد فيكم يستعمل المرحومة عشان الناس تفهم انو الكت المرحومة كتله عشان يستعمله بس !!انا قلت يهو طيب نحن ما نشيل الدهب ده عشان يقولوا القصة اساسا كانت سرقة ؟! قال لي انت اصلك خايب وغبي ! الهب ده لو شلناهو مشينا بعناهو ساهل بجر رجلينا في الموضوع ده نحن لازم ما نشيل اي حاجة من هنا مفهوم !! عبده قال لي يلا يا ودالحاجة استعمل الزولة دي وانا رفضت وقاوا لي بنديك قروشك ناقصة وحاج حامد نبذني وقال لي عبده والله انا ما خايف الا من الجنا التعبان ده جبتو لينا من وين انت ؟! عبده استعمل المرحومة وشرط باقي الهدوم وحاج حامد ادانا كل زول قروشه وقال خلاص يلا فرتقو وتاني مافي شيء بلمكم معاي ولا بعرفكم ولا بتعرفوني !
    تمام سيادتك ودالحاجة سجل الاعتراف القضائي
    تمام مبروك جنابو محمد اتفضل اقعد اها خطوتكم الجاية شنو ؟
    والله يا سيادتك زي ما انت عارف البلاغ ده اخد زمن طويل والخيوط مبعثرة لكن نحن ما عندنا حل غير نمشي في قصة ودالحاجة دي للنهاية انا شخصيا حدسي بقول انه كلامه صاح وهو بوصلنا لي عبدع وعبده يوصلنا لحاج حامد.
    طيب كلام كويس جدا يا محمد انا عاوزك تقعد مع ودالحاجة تاني يحدد ليك المواقع الممكن يكون عبده موجود فيها وبعد داك نقسم تيم المباحث عي المواقع دي ونشوف البحصل شنو !
    حاضر سعادتك وانصرف محمد من مكتب الرائد عبدالرحمن وطلب احضار ودالحاجة مرة تانية من الحراسة.
    طيب سجل عندك ياجنابو محمد .. حلة ارفع سدرك في كرتون بانتيو جنب المدرعات ، عشوائي مونت كارلو هناك جنب السفارة الصينية في المنشية ، بيت علوية بت التبخ في العشش شارع لبنان ، او فريق نيران في انغولا امبدة ولو مافي في المحلات دي كها الا يكون مشي ربك عندو اخوهو كان هناك.
    طيب ما ممكن يكون ف بيت حاجة كتيرة ؟
    لا لا آخر مرة مشينا عبده كان سكران وسب دين لي حاجة كتيرة وعمل معاها مشكة قال بقت تغشه في الحساب وهي حلفت ليهو كان شافتو تاني هناك بتكلم ليهو المباحثية.
    تمام سعادتك دي قائمة المواقع حسب كلام ودالحاجة ، ارفع سدرك ده طبعا في دائرة اختصاصنا مافيهو مشكلة باقي المواقع بننسق مع اقسام المباحث هناك في القسم الشرقي او اجنوبي امتداد الدرجة الثالثة او مباحث امدرمان ، اما موضوع ربك ده فعاوز مأمورية عشان كده تركنا ليك امر تنسيقه مع ناس الرئاسة.
    ازيك يا ندي
    اهلييين محمد
    تاني اهلييين محمد هههههههه
    انا اول شيء عاينت ولمن ما لقيت زول جنبي حتى قت ليك اهلييين محمد هههههههه
    اها الاخبار شنو ؟
    والله يا ندي ماشيين كويس والدايرة بدت تضيق واحتمال بكرة بعد بكرة نقوم مأمورية ربك
    لي شنو ؟
    في معلومة انه عبده المتهم التاني يكون هناك
    طيب ما يمشي جنابو ياسين الغتيت ده اصلو مافي زول غيرك يا محمد
    ههههههههه لا لازم امشي انا ده بلاغي يا ندي ولازم اواصل فيهو للنهاية
    كن انت ما ملاحظ يا محمد انك من ايام البكاء ما ارتحت كلو كلو ؟1 شيء بلاغات وشيء قراية وجامعة
    والله ياندي كلامك صاح لكن اسوي شنو لا الشغل بتخلي لا القرايه يتتخلي
    هههههه القراية تتخلي كيف مع سميرة اعاملة ليك فيها ابة الناظرة دي ههههههه بالمناسبة امبارح جات سألت منك هنا !
    منو سميرة ؟1 جات متين والساعة كم وانا كنت ووين ؟
    ماك مخلوع كده قول بسم الله ! جات امبارح نص النهار كده وجابت ليك ورق مصور وقالت انت ليك اربعة يوم ما جيت الجامعة عشان كده جات تطمئن عليييك ؟!
    اوكي اوكي ، خلينا في المهم عليك الله في كم بلاغ بتاعة سرقات عربات عندي المتحري سليمان البلاغات دي عاوزة تتراجع مع ناس مباحث الولاية لانه في عصابة اتقبضت عندهم فتابعي الموضوع ده مع سليمان
    جداً سعادتك اي تعليمات اخري ؟!
    شنو جدا سعادتك دي واي تعليمات اخري وصارة وشك هههههههه ماكنا كويسين قبل شوية
    لا لا مافي حاجة تمشي وتجي بالسلامة ان شاء الله.
    *****************************************
    تعرف ياجنابو محمد شكها مأمورية ربك دي بقت هي اخر طلقة عندنا
    كل المحلات القاله ودالحاجة ما لمينا في عبده فيها ، لكن البركة في انه بالصدفة لمينا في عبده جفاف الكان شرد من الحراسة داك تتذكرو ، معققولة ياحضرة الصو ميتو في عبده جفاف ؟1 كيف مابتذكرو ده ما بتاع بلاغ القتل بتاع المرحوم لاعب السلة وشرد في نبطشية عمك الزين ! ولو ما رئيس القسم زول كارب كان عمك الزين خدمتو الطويلة ديك كلها راحت واصلو كان فضل ليهو شهرين عي المعاش !!
    وانت ياجنابو قايل شنو ؟! انا اول ما قبضنا عبده جفاف وديتو ليك قسم الدرجة التالة
    لييه يعني ؟!
    عمك الزين بعد المعاش مابقي كاتب عرضحالات هناك
    يا سلالالام يااخ واه عم الزين ده راجل محترم ونحن استفدنا منو كتير خلاص في شغل البوليس ده
    اتخيل ياجنابو محمد اول ما شاف عبده جفاف دمعو جرن وقلدني شديد واتذكر موقف رئيس القسم معاهو
    عبده جفاف قا ليهو اعفي لي يا حاج ! عمك الزين قال ليهو يا ولدي انا هين وربنا ستره معاي امشي كوس العفو من اه الراجل الكتلتو دداك.
    ***************************
    اها يجنابو انتو بقيتو قايمين باكر الصباح كان ربنا هون
    ان شاء اللع ياعم عبدالقادر وشنو انت ما قايم معانا ؟
    ياجنابو محمد عمك عبدالقادر انتهي كلاعب والله مشوار امدرمان الامبارح ده هد حيلي هههه
    وكلها ستة شهور وامشي اسعي لي طربيزة جنب عمك الزين هههههه
    ياعم عبدالقادر انت ما قالوا مرطب واولادك ماشاء الله اتنين في السعودية هههههه
    الحمد لله ياها شوية التمر والمنقة البتجينا من البلد دي بتسند الزول شوية اما اولاد الكلب ديل قبل ما نضوق قروشهم كويس دايرين يسوها لينا عرس وامهم تشجع فيهم قلت ليها انا ذاتي كان كده بعرس معاهم هههههههههههه
    المهم يا جنابو انا حضرت ليك اربعة افراد ومعاهم الرقيب اول كمال زول نجييض وبصرف ليهم اتنين كلاشنكوف من امخزن زايد طبنجاتكم معاكم وربنا يوفقكم والسواق العجب معاكم بس الزول ده خالو بالكم منو باقي كان دخل الحلة وشرب ليهو كبيبية بودركم في الزلط ههههههه
    يتبع ........
                  

06-14-2016, 08:31 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة الثامنة
    عبدالرحمن لو سمحت جيب بلاغ كريستينا وتعال لي في المكتب بسرعة لو امكن
    بهذه الصورة المقتضبة انهي المقدم مبارك رئيس القسم مكالمته مع الرائد عبدالرحمن
    دي اوراق البلاغ سعادتك ..
    شكرا عبدالرحمن اتفضل اقعد ، كل يوميات التحري دي في البلاغ ده ؟! واضح انه ده مجهود عظيم وجهد مقدر ..
    اهو بنحاول نعمل في الواجب سعادتك والحمد لله لحدي الان ماشيين كويس صحيح ببطء لكن في تقدم حاصل ... لكن طلبك للبلاغ زي اداني احساس انه في مشكلة بخصوص البلاغ ده ؟!
    والله يا عبدالرحمن ضربوا لي ناس الرئاسة قبيل واتكلم معاي المدير شخصياً عرفت منو ان المبلغ عمك جوزيف تادرس مشي اشتكاك انت وجنابو محمد باعتباركم معطلين اجراءات البلاغ وما عاوزين تحولوهو المحكمة ؟! انا اتكلمت مع المدير وقلت ليهو انا ثقتي في الرائد عبدالرحمن والملازم اول محمد لا تحدها حدود وانا متاكد انه المسائل ما بتكون بالشكل القالوا ليكم جوزيف تادرس ووعدته بمراجعة البلاغ وموافاته بتقرير مفصل عنه ، وشكلو عمك جوزيف ده ما ناوي يجيبه علي البر لأنه وكيل النيابة الأعلي اتصل علي برضو وقال انه المدعي العام طالب اوراق البلاغ لانه قدم عريضة من محامي أولياء الدم برضو خلاصته انه في تأخير ومماطلة في اجراءات البلاغ. واضح انه عمك جوزيف ده ما هين وبحكم علاقاته قدر يحرك الامور ويصعده لاعلي مستوي.
    والله يا سعادتك انا شاكر ليك شديد دفاعك عني وعن الشباب الشغالين معاي في البلاغ ده وبصراحة عمك جوزيف ده راجل مزعج وما عاوز يتفهم طبيعة الاجراءات والجهد البنبذل فيه ده ، وبصراحة اكتر انا آخر مرة جاني هنا طردته من المكتب وحذرته انه لو جاني تاني بدخلو الحراسة
    لا لا يا عبدالرحمن صحيح انا مقدر الضغط الانت فيهو وحجم الشغل وازعاج عمك جوزيف لكن في النهاية الراجل مرتو مكتولة وبطريقة بشعة والتحري فعلاً اخد وكت طويل صحيح انتو ما قصرتوا لكن هو برضو معذور
    يا سعادتك انا كنت متعاطف معاه برغم انها الان طليقته وليست زوجته لكن اجبرني علي التعامل معه بفظاظة في المرة الاخيرة لكن بإذن الله اعدك بانه امارس معاه اعلي درجات ضبط النفس
    انا واثق من كده يا عبدالرحمن وما تنسي صحيح انها طليقته لكن برضو بينهم عشرة عمر واولاد ، علي العموم جهزي لي تقرير متكامل عن البلاغ عشان ارسله مكتب المدير وبرضو عاوزك تمشي مكتب وكيل النيابة الاعلي وتمشي معاه لمكتب المدعي العام ومعاك اوراق البلاغ ونشوف توجيهاتهم شنو اذا عندهم اي رأي.
    يا حضرة الصول طلعوا ودالحاجة من الحراسة عشان حنسوقو معانا ربك
    لكن يا جنابو لو عبده لمح ودالحاجة من بعيد ممكن يعرف انكم مباحث وبتفتشوا فيهو ويغطس تاني ما نلم فيهو !
    كلامك صحي لكن مافي زول فينا بعرف عبده ولا عندنا ليهو صورة فما في حل غير نسوق ودالحاجة معانا ، غايتو شوفوا ليهو جلابية وعمة يمكن تغيير شكله شوية ونحاول نعمل حسابنا هناك ..
    اهلاً اهلاً يا دفعة والله مشتاقين
    اهلاً عثمان والله بالاكتر يا دفعة ياااخ معقول من يوم التخريج تاني ما نتلاقي ؟!
    سبحان الله يا محمد سنتين في سرير واحد انت في الجزء الفوق وانا تحت وما كنا بنتفارق شوف الدنيا دي كيف ؟!
    والله ليك وحشة ياعثمان ولمغامرات الكلية وقد السلك هههههههه كنت مصيبة ياعثمان ان شاء الله عقلت شوية هههههههههه
    يعني نص نص والله مجنن ليك المدير هنا جنس جن وكم مرة يناديني يقول لي انت اصلو ما ممكن تكون ودالمرجوم الصول عبدالدائم ، انا وابوك ده اشتغلنا سوا وكنت ملازم وكتها وكان اكتر متحري شاطر ومحترم وانا لو ما عشان المرحوم كان رفدتك من البوليس هههههههههه اها اخوك ما شفت يومين تلاتة كده بخمش لي جماعة بتاعين بنقو بكمية كبيرة عمك طوالي بديني ليك ثناء وحافز هههههه
    عارفك كارب يا عثمان وسمعت كم مرة اخبار عن انجازاتك مع تيم مباحث ربك شكلو عندك زول في جريدة الدار هههههههه طوالي شابكننا تمكن تيم مباحث ربك من ضبط شنو وشنو هههههههه
    كدي يا عمك ما نتلخم بالونسة دي المدير عامل ليكم فطور كارب ، طبعا امبارح جاتنا اشارة من الخرطوم بمأموريتكم دي !
    خلاص تمام يا دفعة نمشي اول حاجة نسلم المتهم ده في الحراسة عندكم ونشوف ليه طريقة فطور وبعد داك نمشي علي فطور المدير !
    والله يا سعادتك نحن شاكرين علي الفطور الجميل ده بالجد اكرمتونا كرم شديد
    ابدا يا جنابو محمد ده واجب وتستاهلوا اكتر من كده وان شاء الله ربنا يوفقكم وتلقوا زولكم ده !
    طيب يا سعادتك داير استئذنك تخلي معاي دفعتي جنابو عثمان اول حاجة لينا زمن ما تلاقينا وعندنا باقي ونسة كتيرة ما تمت والحاجة التانية دايرنو يساعدنا في التفتيش عن زولنا ده
    جدا جدا عثمان ده اعتبروه مفرغ معاكم من هسا لحدي ما تقبضوا زولكم وكان ما لقيتوهو سوقوا عثمان ده بدلو ههههههههه ياااخ دفعتك ده معذبني عذاب كل يوم عامل ليهو مشكلة
    اها يا دفعة الشمس مغربت حقو نقعد نرتب امورنا ونشوف خطة التحرك كيف ؟
    تعرف يا محمد زولكم ده طالما عنده قروش تحت يدو فشغلتو دي ما فايته واحد من بيوت الدعارة او خانات البنقو تلقاهو تاكل هناك لمن قروشو تكمل ، عندنا هنا اشهر بيتين هم بيت فايزة الحلبية وبيت زيتونة وديل عندهم احسن بضاعة في السوق ، اما البنقو فيا خانة عباس الاعرج يا خانة يعقوب الكجر !!
    طيب انت رأيك نبدا بمنو يا عثمان ؟
    والله انا رأي نمشي لي عباس الاعرج اول حاجة لانه يعقوب الكجر قالوا مشي العمرة ههههههههه تخيل
    اهلا جنابو عثمان خطوة عزيزة ، الجابك لينا شنو زائر والا غاير هههههههه
    الاتنين يا عباس يا نحس ههههههههه
    كان زائر اتفضل اقعد نزبط لينا قهوة وعندي حلة كوارع في النار تقعدوا تتعشوا معاي وكان غاير اليومين دي براك عارف السوق كاشف ومافيهو ابوالنوم ، والله ياعثمان قطعت رزقنا عديل كده يمين قبضتكم للوري الداخل ربك قبل كم يوم دي دخلت علي بالساحق والماحق هههههههههه كان اخير لي امشي العمرة مع الضلالي يعقوب هههههههههه
    عارف يا عباس لكن زي ما بقول المثل بيت الضبع ما يخلاش هسا ندقك فتاشة بنلقي لينا حاجة تختك في الرج تلاتة شهور اقل شيء هههههههههه
    والله ياجنابو مافي شيء ياهو القندول الواحد ده استعمال شخصي ولاصحاب الحالات الطارئة ههههههههههه
    حالات طارئة انت بقيت بتاع اسعاف والا شنو هههههههههه اسمعني كدي خلينا من قندولك ده هسا نحن جايين لي موضوع تاني !
    والله انا ذاتي قلت كده لانه شايف معاكم وجه غريب !
    ايوة ده جنابو محمد دفعتي جاي من الخرطوم
    ظاهر عليه اصلو الناس الزي ديل لازم يقعدوهم في الخرطوم محل الطيارة بتقوم والرئيس بنوم ههههه ونحن حظنا الضكر يجيبوك لينا هنا يا مصلطت ههههههههههههه
    والله ياعباس بس عشان جنابو محمد والله كانت فهمتك حاجة ههههههههههه اسمعني نحن بنفتش لينا في زول اسمو عبده جاء من الخرطوم قريب ؟!
    عبده ده ما مره علي لكن كم مرة جاني واحد وقال اسمه مختار وكان دايما بشتري باي سعر ما بحاجج فعرفت انه معاهو قروش اتونست معاهو وقلت ادردقو يمكن الهف لي منو قرشين تلاتة حاولت اقنعه يدخل معاي في الشغل ده لكن قال هو عاوز يفتح ورشة ويعرس ويستقر هنا وتحت تحت عرفت انه مصاحب (بت الخواجة) القاعدة في بيت فايزة الحلبية !!
    كده تمام يا عباس انا كلمت جنابو محمد قلت ليهو عباس ده زول فردة صاقعة ، لكن نرجع لي موضوع قندولك حرم ما بفتح ليك بيهو بلاغ بعد معلوماتك دي لكن كمان ما بخليهو ليك بحرقو وامشي
    والله يا جنابو حرقت القندول دي زي الحرقت لي قلبي هههههههههه بس ربنا يعوضني
    بت الخواجة دي شنو كمان يادفعة ؟
    بت الخواجة دي ياجنابو محمد بت فرسة وسمحة سماحة شديدة ظهرت فجأة في ربك هنا وما معروف جاية من وين زاتو ؟!
    ولييه مسمنها بت الخواجة ؟
    الزولة يا دفعة زي ما قلت لك زرافة بس ولونه اصفر شديد وسمحة وصغيرة وشعره طويل اها الجماعة قاموا سموها بت الخواجة هههههه
    فايزة الفقر ازيك
    اهلا جنابو عثمان العارض هههههههههههه واهلييين بضيوف الخرطوم
    الشمار وصلك متين يا مصيبة ههههههههه
    وصلني متين انت يا جنابو عثمان انا ما قلت ليك شغلني معاك في المباحث لكن اقل من صول ما بقبل ولازم اكون اقدم من حسنين الصول والله ادرش ليك جنس درش هههههههههههه
    ههههههههه بتدرشيهو انت يا مصيبة ده جنابو محمد دفعتي وجاي من الخرطوم مأمورية ونحن بنسأل من بت الخواجة ؟
    اححححح ما تذكرني والله ياجنابو عثمان بت الخواجة ليها زمن مني واصلها من يوم ما عرفت الود الفقر الاسمو مختار ده البنية اطرطشت وبقت زي المجنونة واخرته جاتني قالت لي انا عاوزة اعرس مختار !! قلت ليها يا يمة يعرس ركبك وركبو انتي دايرة توقفي لي حالي والا شنو قروشي الصرفتن عليك لي يوم الليلة ما رجعتهن ، الغبيانة كانت ماكلة شاربة معاي في امان الله اها تقعد تباري الوليد ده لمن قروشه تكمل بطرده ويشتت منها ده كمان كان ما خوزقك بي جنا في بطنه !!
    طيب اها نحن اساسا عاوزين مختار ده !
    الولد ده انا مما شفتو قلبي اباهو وجاني احساس انه في مصيبة وراهو وهسي وكت جونا ناس الخرطوم القيافة ديل بسألو منو تأكدت فعلا انه مصيبة
    ههههههههه ناس الخرطوم القيافة هههههه انتي عجبك جنابو محمد ده والا شنو ؟! بختك يا دفعة
    ههههههه مالو ما بعجب جنابو ده طويل اخضر قيافة جنابو ده ههههههههههه
    هوي هوي يا ولية يا مجنونة خلينا في المهم الزفت مختار ده نلقاهو وين ؟ وهل ممكن يكون تاكلين في بيت زيتونة ؟!
    زيتونة منو اجي اجي كمان يا جنابو عثمان هو البنات بشردن من بيت زيتونة يجوا هنا للأمان والراحة والدحل الوفير في بيت حاجة فايزة هههههه وزيتونة قدر ما رجلينه حفت عشان تسحب مني بت الخواجة ما قدرت انت كمان يا جنابو عثمان ما عارف البنات بخافن من زيتونة ليييه هههههههههه
    ههههههههههههه ياااخ انتي مصيبة خلاص واها حكاية حاجة فوزية دي شنو كمان دي وهمة جديدة والا شنو هههههههه
    كيييف انت ما عارف انا ما قدمت في بعثة الحج والحمد لله وقع لي وناوية بإذن الله اسافر هو يعقوب الكلب المقطع مشي العمرة انا الما بوديني الحج شنو كمان
    المهم يا حاجة فوزية كان جاك اي خبر اديني ليهو طوالي !
    الخبر اديك ليهو انت والا جنابو محمد ههههههههههههه
    ههههههههههه لا اديهو لي حسنين الصول
    بري يا يمة مابلزمني صولك اب كرش ده ههههههههه عامل وشو زي آخر الشهر كده
    يتبع ..................
                  

06-14-2016, 08:34 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)



    يتبع بإذن الله إعتباراً من يوم غداً كل يوم حلقة .......
                  

06-14-2016, 08:33 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    ألف مرحب ياعمر ورمضان كريم
    نعم شوقتنا لمتابعة القصة لنهايتها ..
    واصل ولا تنقطع المرة دي
                  

06-14-2016, 08:38 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: حيدر حسن ميرغني)

    Quote: ألف مرحب ياعمر ورمضان كريم
    نعم شوقتنا لمتابعة القصة لنهايتها ..
    واصل ولا تنقطع المرة دي


    هلا وغلا حيدر الراقي تصوموا وتفطروا علي خير
    بإذن الله عزمت هذه المرة علي اكمالها وستطالعون كل يوم حلقة
                  

06-14-2016, 09:02 AM

عمر أبوعاقلة
<aعمر أبوعاقلة
تاريخ التسجيل: 04-11-2016
مجموع المشاركات: 1321

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    جنابو عمر سلام من الله يغشاك
    جينا المنبر نمني النفس بملاقاتك
    انت وجميع الناس الراقية اللي حبينا المنبر بسببها
    نتمناك حضور على طول ان شاء الله

    مبارك عليك الشهر
                  

06-14-2016, 10:47 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: عمر أبوعاقلة)
                  

06-14-2016, 11:16 AM

ياسر السر
<aياسر السر
تاريخ التسجيل: 08-06-2010
مجموع المشاركات: 3204

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: عمر أبوعاقلة)

    جنابو رمضان كريم وتصوم وتفطر على خير ان شاء الله ...
    والله ابداع يا جنابو ياخي شغلكم ده فيهو ذكريات ومواقف عجيبة وغريبة ولا شنو ؟
    بالله واصل ومن غير فواصل لانو انا هسة بقيت حايم معاكم في ازقة ربك زاتها ...


    تحياتي : ياسر العيلفون ......
                  

06-14-2016, 11:30 AM

مامون المعتصم أحمد
<aمامون المعتصم أحمد
تاريخ التسجيل: 04-29-2010
مجموع المشاركات: 1812

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: ياسر السر)






    سلامى و تحياتى جنابو عمر و رمضان كريم

    قصة رائعة ... مشروع مسلسل تلفزيونى ..

    بوست جاذب .... بإضافته إلى البوست المميز عن الباترا

    تستاهل إعادتك للخدمة و إلحاقك بدفعتك ... مع وسام ممتاز ..

    حدسى يقول إن المحرض على الجريمة هو المبلِّغ نفسه

    جوزيف تادرس ...

    سأتابع إن شاء الله حتى النهاية إن أمد الله في العمر ...








                  

06-15-2016, 04:01 AM

Abdelrahim Mohmed Salih
<aAbdelrahim Mohmed Salih
تاريخ التسجيل: 04-13-2016
مجموع المشاركات: 958

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: مامون المعتصم أحمد)

    سلامات يا جنابو
    حبكه درامية عاليه وممكن تكون مشروع مسلسل تلفزيوني ناجح
    لفت نظري سلوكيات اجتماعيه فريده فيها مروءة وشهامة فى وسط اجتماعى موسوم فى ميزان العرف الثقافى السائد بتدنى اخلاقياته عموما
    كما يصف السرد دينامكيه العلاقات الإنسانية بين الجنسين وطرق التعبير عنها بلغه خليط بين المواربه الواضحه والتقرب بحياء يفضح الشوق قصدا تتلبسه العفويه
    الحياه عموما فى ذلك الزمن كانت سهله واضحة المرامى والقصه فى مواقف كثيره توثق لتلك الفتره
    ساتبع البوست خلال رمضان وفى الحلقه الاخيره نمسك المجرم
                  

06-15-2016, 08:15 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: Abdelrahim Mohmed Salih)

    Quote: سلامات يا جنابو
    حبكه درامية عاليه وممكن تكون مشروع مسلسل تلفزيوني ناجح
    لفت نظري سلوكيات اجتماعيه فريده فيها مروءة وشهامة فى وسط اجتماعى موسوم فى ميزان العرف الثقافى السائد بتدنى اخلاقياته عموما
    كما يصف السرد دينامكيه العلاقات الإنسانية بين الجنسين وطرق التعبير عنها بلغه خليط بين المواربه الواضحه والتقرب بحياء يفضح الشوق قصدا تتلبسه العفويه
    الحياه عموما فى ذلك الزمن كانت سهله واضحة المرامى والقصه فى مواقف كثيره توثق لتلك الفتره
    ساتبع البوست خلال رمضان وفى الحلقه الاخيره نمسك المجرم


    قرايتك عميقة وسمحة جدا
    اتمني بعد انتهاء الحلقات ان اقرا تعليقك علي مجمل القصة شكلي ح استفيد منو شديد
    الف شكر ياعزيزي ......
                  

06-15-2016, 08:11 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: مامون المعتصم أحمد)

    Quote: سلامى و تحياتى جنابو عمر و رمضان كريم

    قصة رائعة ... مشروع مسلسل تلفزيونى ..

    بوست جاذب .... بإضافته إلى البوست المميز عن الباترا

    تستاهل إعادتك للخدمة و إلحاقك بدفعتك ... مع وسام ممتاز ..

    حدسى يقول إن المحرض على الجريمة هو المبلِّغ نفسه

    جوزيف تادرس ...

    سأتابع إن شاء الله حتى النهاية إن أمد الله في العمر ...


    شاكر وممنون جدا يامامون علي كلامك السمح ده
    بإذن الله النهاية قربت خليك قريب ههههههه
                  

06-15-2016, 08:08 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: ياسر السر)

    Quote: جنابو رمضان كريم وتصوم وتفطر على خير ان شاء الله ...
    والله ابداع يا جنابو ياخي شغلكم ده فيهو ذكريات ومواقف عجيبة وغريبة ولا شنو ؟
    بالله واصل ومن غير فواصل لانو انا هسة بقيت حايم معاكم في ازقة ربك زاتها ...


    تحياتي : ياسر العيلفون ......


    ياسر يافنان يا راقي ليك وحشة والله
    بإذن الله نواصل ما استطعنا الي الكهرباء سبيلا هههههههههههه
                  

06-15-2016, 08:06 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: عمر أبوعاقلة)

    Quote: جنابو عمر سلام من الله يغشاك
    جينا المنبر نمني النفس بملاقاتك
    انت وجميع الناس الراقية اللي حبينا المنبر بسببها
    نتمناك حضور على طول ان شاء الله

    مبارك عليك الشهر


    الف شكر يا عزيزي لحسن ظنك وبإذن الله نلتقي هنا او علي ارض الواقع
    وتصوموا وتفطروا علي خير
                  

06-15-2016, 08:18 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة التاسعة
    تعرف ياعثمان احتمال كبير يكون عبده أو مختار زي ما مسمي نفسه هنا فعلاً عرس بت الخواجة دي وغالباً يكون مؤجر ليهو بيت والا نص بيت ، واكييد اسه شمار مأموريتنا دي بكون انتشر في ربك وما بعيد الخبر يصل لي عبده ويقوم يتخارج !!
    كلامك صاح يا دفعة معناها نحن ننشط مصادرنا باقي الليل ده واصلو هو لو مؤجر اكييد بكون في احياء معينة وانا عندي كم مصدر هناك نمشي عليهم وان شاء الله نلقي معلومة مفيدة !
    كانت معلومات المصدر اكتر من مفيدة وحددت ليهم بدقة البيت المؤجرو عبده ، لكن اتفق محمد وعثمان علي تأجيل مداهمة البيت الي ما بعد منتصف الليل لضمان ان يكون عبده رجع للبيت اذا كان بره ، ليس بعيداً من البيت (الهدف) طلب عثمان من سواق العربية ان ينزلهم هو وجنابو محمد وبقية الافراد ومعهم المتهم ودالحاجة ثم قطعوا باقي المسافة مشياً حتى لا يلفت صوت ماكينة العربة الديزل انتباه عبده او الجيران ، الهدوء والظلام يلف الحي باكمله والبيت الهدف مثله مثل باقي بيوت الحي غارق في الظلام وهنا تجلت خبرة الصولات حيث لم تبدد ذلك الظلام الا بطارية الصول حسنين والتي ظل يحتفظ بها منذ ان التحق بالشرطة جندي نفر.
    والله ياحضرة الصول بطاريتك دي جات في وقتها هكذا قال جنابو محمد لحضرة الصول حسنين !
    تعرف يا جنابو محمد انا عمري ما شلت لي طبنجة لكن في نفس الوكت عمري ما مرقت بالليل بدون بطاريتي دي وفي البوليس ده ياما قابلنا معتادين اجرام لكن بي يدي دي ونهرة بي صوتي الاجش ده يوم واحد زول فيهم قدر قاومني والا شرد مني مافي ، هسا عساكر الزمن ده سوها لينا نضارات سوداء وكل واحد رابط ليهو طبنجة في صلبو وبعد ده يجيك مدلدل يدينو يقول ليك المتهم شرد مني هههههههه وديل اخير من البجيك يقول ليك فكيتو فيهو طلقتو كتلتو !!
    تسلق اثنان الافراد حائط المنزل بهدوء وعند محاولتهم فتح الباب حتى تتمكن باقي القوة من الدخول اصدر الباب صرير يجيب الطاشي ، لكن لم يكن هناك وقت او طريقة لايقاف ذلك الصرير بل عجلوا بفتح الباب واندفع الجميع الي الداخل وكان الصول حسنين بحكم خبرته المعهودة يطبق علي يد ودالحاجة فهو يعلم ان هذه تعد من اثمن الفرص لهروب متهم !!
    قفز عبده من السرير مفزوعاً مرتبكاً ووجد نفسه محاصراً وعدد من الطبنجات مشهرة في وجه واخذت بت الخواجة تصرخ بهستريا وتبحث عن ما تستر به جسدها واخذ جنابو محمد يهديء من روعها وقذف لها بملاية سحبها سريعاً من السرير الاخر. وعلي الضوء الخافت الذي كان ينبعث من بطارية الصول حسنين استطاع عبده ان يميز بوضوح وجه صديقه ودالحاجة برغم انه كان يطاطي رأسه الي الارض ويتجنب النظر الي وجه عبده.
    والله ياعثمان صراحة شغلك نضيف يا دفعة ومصدرك مية مية !
    والله يادفعة ما عملنا الا الواجب وانا مبسوط شديد انه قدرت اساعدك ، وبالمناسبة فايزة الحلبية قالت عازمكم الليلة كرامة القبض علي عبده ورجوع بت الخواجة للبيت ههههههههه اها بتحضروا معانا الكرامة والا بتشتتوا الخرطوم طوالي ؟
    هههههههههههه ياريت يا عثمان لكن زي ما حكيت ليك البلاغ ده عامل لينا هناك كركبة شديدة عشان كده احسن نكسب الزمن ونتحرك طوالي !!
    تمام يا دفعة تصلوا بالسلامة ان شاء الله ، بعدين عليك الله يا دفعة عاوزك لمن تصل الخرطوم تشمشم لي اخبار الترقيات شنو ؟ عاوزين نركب الدبورة التالتة دي يااخ ونتفكه من نبطشيات الملازمين والملازمين اوائل دي ! طبعاً اخوك ملفه بقي مرتبة بس كم مجلس تحقيق واستيضاحات لكن قصاد كل مجلس واستيضاح عندي برضو ثناء او جواب شكر والحسنات يذهبن السيئات مش كده برضو !
    ههههههههه امك والله ياعثمان تطورت وكمان بقيت تعرف في الدين ههه
    ههههه اخوك ما لعاب يا محمد وبقرا الملعب كويس وشايف الموجة ماشة في الاتجاه ده اها الواحد احسن يأمن نفسه برضو هههههههههه ما تنسي عليك الله يا محمد طمني علي الترقيات وكمان لو بعدها الواحد اتنقل علي الخرطوم يكون حلا وحمار اخوك ما داير يعرس ويشم هواء الخرطوم دي شوية كده ههههههه
    مافي مشكلة يادفعة نرقيك وننقلك الاحتياطي المركزي ما برضو في الخرطوم ههههههههه
    ههههههه احتياطي مركزي عديل يا محمد انت شكلك داير تعرس لي عرس شهيد ههههههههه
    مبروك يا محمد شغل نضيف والله ، انا طوالي اتصلت كلمت ناس الرئاسة انه تم القبض علي المتهم والمأمورية رجعت بسلام ، بس اقعد برواقة اكتب لي تقرير المأمورية عشان نرسلو ليهم
    واضح سيادتو عبدالرحمن ، وسمعت قالوا عمك جوزيف بي ورانا عمل كركبة شديدة ؟!
    هههههههه يازول دي عجاجة حدها السماء وناس الرئاسة عملوا لي مجلس تحقيق !
    لكن الحمد لله عمك المقدم مبارك قدر يلم الموضوع واعتذرنا للراجل وحفظوا الاجراءات واخوك لو مافي زون ترقي كنت بتلولو ليك مع عمك ده لمن يفهم حاجة بس قلنا احسن نقفل الموضوع ده سريع سريع !
    اها وناس النيابة والمدعي العام قالوا شنو ؟
    ابداً ما قالوا حاجة بس طلب الاسراع في تكملة اجراءات البلاغ وضبط بقية المتهمين !
    اها عبده حققتوا معاهو ؟
    ايوة طوالي حار حار في ربك طبعا في الاول حاول يعمل فيها شفت ومقرم لكن لمن واجهته بودالحاجة اعترف ، بس في نقطة واحدة بتاعة اغتصاب المرحومة كل زول فيهم برميها في التاني !
    جميل جميل جدا يا محمد بس في حاجة مهمة ما تفوت عليك لازم تعمل طابور شخصية لي عبده بواسطة الولد الشامشي عشان يتعرف عليها وتبقي بينة كويسة بتعضدد الشغل ده تمام وممكن برضو يحسم ليك نقطة الاغتصاب دي ماهو عاين بالشباك وشاف زول بستعمل في المرحومة ، وبعد الطابور سجلوا لي عبده اعتراف قضائي. انا طبعا الولد الشماشي عشان ما يشرد وما بنقدر نختو في الحراسة شغلته في نضافة نادي القسم بهناك وبقي ماكل شارب وبنوم في النادي في امان الله وذكرتني حاجة الولد ده زاتو سجلوا شهادته دي قضائياً بلاغات القتل دي بتاخد وكت طويل وممكن لي قدام يزوغ مننا !
    ايوة يا جنابو ياهو الزول الطويل ده كان مع الجماعة التلاتة الجو بيت الخواجية !
    طيب منو في الاتنين ديل كان بستعمل في المرحومة ؟
    ما عارف والله انا شفت الزول من ضهرو ولمحة بس وخفت وجريت !!
    تعرف يا سيادتو عبدالرحمن المشكلة انه الجثة كانت متحللة شديد وناس المعامل الجنائية والطبيب الشرعي ما قدروا يرفعوا عينة كان ممكن تساعدنا في تحديد المغتصب !
    فعلاً يا محمد كان حسموا لينا النقطة دي لكن ما مشكلة خلينا نمشي لي قدام ونشوف البحصل شنو بس الاهم انه التركيز بعد ده لازم ينصب علي القبض علي حاج احمد باسرعة فرصة ممكنة !
    اها يا محمد ساي كنت خايف من الامتحانات هههههههه لكن شكلك كنت بتقرا بي وراي يا غتيت ههههههه
    ابداً والله يا سميرة وانا والله لو ما انتي ما كنت بجيب تقدير جيد وبالجد ما عارف اشكرك كيف
    ده شنو كلام العوارة ده يا محمد وتشكرني علي شنو يازول ما بينا لكن لو مصر انك تشكرني تعال اشكرني عند ابوي هههههههههه
    ههههههههههه حلوة وملعوبة منك وانتي قايلة انا ما عاوز اجي والله يا سميرة انا عاوز اجي الليلة قبل بكرة لكن براك عارفه الظروف والامور الجايطة دي بيتنا لي يوم الليلة اموره ما ترتبت فقدان الأم ده حاجة كعبة خلاص يا سميرة وابوي طوالي بقي في حالة عيا ومن دكتور لي دكتور واخواتي رأسهم ضارب وواحدة فيهم ممتحنة شهادة السنة دي وغايتو بس خليها علي الله.
    انا عارفه يا محمد وما تفتكر انو انا بكلامي ده عاوزة اضغط عليك والمسائل دي يا محمد قسمة ونصيب واذا ربنا مقدر لينا قسمة بناخده !
    انا عارف يا سميرة انك زولة واعية وفاهمة وصراحة انا ده عاجبني فيك ويمكن يكون سبب اساسي في تعلقي بيك وان شاء الله ربنا يعدل الحال بس يا سميرة انا في نفس الوكت ما عاوز اظلمك وبالمناسبة انا عارف انه ود عمك لاعب معاك ضاغط هههههههه فما عاوز اظلمك واقول ليك انتظريني ولمتين ما عارف في حين انه هو ماشاء الله مغترب وجااااهز من ما جميعو !
    وانت عرفت الكلام ده كلو من وووين يا محمد ؟
    يابت انتي قايلاني شغال ووين ههههههههه ؟!
    ههههههههههه عرفتها دي نورة ام خشمن خفيف دي !
    كدي خلينا نأجل الكلام ده لوكت تاني في حاجة مهمة جداً يا سميرة شايف في معلومات شبه مؤكده انه حيكون في شغب وعنف في انتخابات الاتحاد الجاية دي فعليك الله اعملي حسابك !
    اعمل حسابي كيف يا محمد ده ما نشاط سياسي مهم وانا عندي التزام سياسي معين ولازم ادعمه ولازم يكون عندنا رأي وصوت قوي في الانتحابات دي والا حنخلي اي حاجة للجماعة ديل ينفردوا بيها ويكوشوا عليها ، نحن ناس سلميين يا محمد وما قاعدين نبادر بالعنف لكن هم مجرد ما يشعروا انه موازين القوى مافي مصلحتهم بلجواء لي اساليب العنف والفوضي !!
    سميرة انا ما داير احجر علي رأيك او ميولك السياسية انا بس نبهتك لانك بتهميني وسلامتك بتهمني شديد.
    يا محمد نحن اصحاب قصية واصحاب حق وما بنخاف من اي زول في سبيل قضيتنا دي !
    ههههههههه دي جينات ابوك خلاص بدت تظهر فيك قالوا كان نقابي لا يشق له غبار ، لكن انتي عندي اهم من اي قضية وعشان كده عليك الله اعملي حسابك !
    حاضر يا محمد عشان خاطرك بس !
    محمد انت وين من الصباح ؟
    محمد حااااف كده يا ملازم ؟! هههههههههههه
    ههههههههه طيب يا سعادتك انت كنت وووين من الصباح ؟
    ياملازم انتي بتستوضحيني والا شنو ؟! ههههههههههههه
    ههههههههه شكلك الليلة مزاجك رايق وداير تحرق لي روحي اكيييد كنت في الجامعة مش ؟!
    ايوة كنت في الجامعة يا ندي اي سؤال ؟!
    ايوة في سؤال لاقيت ابلة الناظرة ههههههه ؟!
    ايوة لاقيته !!
    محمد انت ما خايف علاقتك بسميرة دي تتحسب عليك بسبب لونه ونشاطه السياسي ؟ خصوصاً انت عارف انه الجماعة ديل جنهم وجن حزب ناس سميرة دي ؟!
    والله يا ندي انا متفهم كلامك وهو كلام صحيح لكن اقول ليك حاجة انا ما خايف من زول واهو شغلنا ده بنشتغلوا زي ما كتاب البوليس قال بعد كده افتكر هم ما حقهم يقيموا او حتي يعلقوا علي علاقتنا الاجتماعية طالما ما انا عن ذات نفسي ما عندي نشاط سياسي لا معاهم لا ضدهم وسميرة في النهاية زميلة ودفعة !
    يعني هي زميلة ودفعة وبس ؟!
    ههههههههه كدي خلينا من ده بلاغات سرقة العربات القت ليك عليها عملتي فيها شنو ؟
    ههههههههههه سرقات شنو يا سعادتك الا كان سرقات حرامي القلوب ؟!
    ههههههههههههه والله يا ندي انتي كارثة وحقيقة انا بحترمك شديد وبحب ونستك وهزارك وعاجبني فيك انك زولة تفتيحة ورغم انك بت عز واهلك مرطبين لكن زولة ودودة ومتواضعة واكييييد في الف من يتمناك لكن صدقيني انا حاليا ما بفكر في عرس وانتي عارفه ظروفي كويس ولو فكرت في عرس يا ندي الفرقة بينا وبينكم كبيرة جداً واستايل الحياة الانتي متعودة عليه ده انا ما بقدر عليه ولا علي 10% منو !!
    جدا يا محمد انا متأسفة بجد اذا كنت ضايقتك او انت حسيت اني بفرض نفسي عليك !
    لا لا يا ندي عليك الله ما تفهميها كده وانا والله اترددت كتير جداً اقول ليك الكلام ده عشان ما تزعلي مني وافقدك كصديقة وزميلة مقربة جداً بس كان لازم كان واضح واخت النقاط فوق الحروف لكن بعد ده كلو زي ما بقولوا الجماعة نخلي الحاجات بي ظروفه !!
    حاضر يا محمد انا ما زعلانة وشجاعتك ووضوحك ده هو في حد زاتو شيء جميل ، وانصرفت وهي تتشبث ببصيص أمل انها لم تفقد محمد بعد !
    يتبع .....................

                  

06-15-2016, 08:47 AM

مامون المعتصم أحمد
<aمامون المعتصم أحمد
تاريخ التسجيل: 04-29-2010
مجموع المشاركات: 1812

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)





    تـــمـــــــــام



                  

06-15-2016, 09:31 AM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    سلامات يا جنابو ورمضان كريم
    سعدنا بطلتك بعد غيبة, و سعدت اكثر بمتابعة القصة
    عندي تعليق على الحتة الأخيرة في حديث محمد لزميلته ندى, معليش ما عايز اقطع تسلسل افكارك لكن خفت انساه لبعدين :)
    مش استعجل شوية محمد في كلامه لندى رغم انها ما فتحت معاه حاجة رسمية و الموضوع لايزال في اطار تلميحات و انفعالات منها, بعد كدا حتى علاقة الزمالة العادية في تلتلة تاني
                  

06-16-2016, 08:30 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: محمد البشرى الخضر)


    جنابو عمر
    مسكاقمي
    وين الحلقة العاشرة
                  

06-16-2016, 11:17 AM

dardiri satti

تاريخ التسجيل: 01-14-2008
مجموع المشاركات: 3060

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: حمزاوي)



    جنابه عمر...
    ..............................تحياتي
    ونسة في منتهى المتعة ..
    في انتظار المزيد .. وريادة الجرعة..
    Quote: حدسى يقول إن المحرض على الجريمة هو المبلِّغ نفسه

    جوزيف تادرس ...


    ي جنابه...
    الزول دا نشلني!!!!


    تحياتي
                  

06-16-2016, 01:24 PM

AL-Qassim
<aAL-Qassim
تاريخ التسجيل: 02-18-2015
مجموع المشاركات: 361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: dardiri satti)

    طبعاً (جنابو محمد) ده بتكون انت ,, الفي ايدو القلم ما بيكتب نفسو شقي ...
    مكسر الجكس في الجامعة كلو و حتى الجكساية الوحيدة الفي القسم كمان
    ياخي حتى حاجة فايزة ست بيت ربك كسرتها ؟؟؟

    واصل يا كمندان وعشان خاطرنا
    خليها كل يوم حلقتين واحدة صباح و التانية مساء ..
                  

06-16-2016, 01:33 PM

AL-Qassim
<aAL-Qassim
تاريخ التسجيل: 02-18-2015
مجموع المشاركات: 361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: dardiri satti)

    Quote: حدسى يقول إن المحرض على الجريمة هو المبلِّغ نفسه
    جوزيف تادرس ...

    بحكم عشقنا للقصص البوليسية و الروايات ..
    تادرس متهم اصيل في هذة الجريمة .. خسوساً
    مع استعجالة للمحاكمة ...للدرحة التي جعلت الرائد
    يطرده ... كما ان سلوكه في تصعيد القضية و شكوته
    للضبابط .. كل ذلك يثير الشكوك حول ضلوعه في الجريمة ..

    يا حنابو عمر انت ضابط شاطر .. لكن في امور التشويق دي
    في معلومات كده كنت تخفيها لحين جهجة باكات القراء
    زي اسامة انور عكاشة في مسلسل (البرادعي )
                  

06-18-2016, 12:48 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: AL-Qassim)

    Omer Osman
    16 June at 06:36 ·

    من قتل كريستينا – الحلقة العاشرة –
    ياجنابو محمد عاوزك بكرة الصباح فجر تتحرك مع تيم المباحث لمنطقة غرب امدرمان في معلومة شبه مؤكدة انو حاج احمد قاعد هناك
    واضح سيادتو عبدالرحمن ، بس المعلومة جاتك من وين سعادتك ، عبده قال حاجة ؟!
    ابداً اخوك ما قدييييم اتذكرت لي كم مصدر من مصادري القدام ايام كنت في المباحث المركزية شعبة امدرمان ، اها قبل شوية واحد فيهم جاني واداني المعلومة وقال احسن وكت نداهمه مع الفجر.
    واضح سعادتك انا بجهز العربية وبمشي البيت اغير واجي راجع نبيت انا وناس التيم كلنا في القسم عشان نتحرك بدري !
    كده تمام ، انا برضو الصباح بدري بمشي علي الجامعة عندهم انتخابات وانا رئيس مشروع التغطية الأمنية وربك يستر لأنه في معلومات كتيرة عن احتمالات عنف وشغب ممكن يحصل.
    والله يا سعادتك زي ما انت عارف انا بقرا هناك وحقيقة الاجواء مشحونة جداً !
    هههههههه وطبعا انت خايف علي جماعتك هناك ههههههههه
    جماعة شنو سيادتك ؟
    يا جنابو العب غيره قالوا ناوي تخطب من هناك ههههههههه
    والله يا سعادتك مباحثي بالجد هههههههههه الفيها الخير يسويها ربنا

    يا هلا يا هلا حبابكم عشرة اتفضلوا اتفضلوا الشاي في النار
    يازول قبل ما نتفضل انت حاج احمد العربي ؟!
    ايوة بالحيل يا جنابك وصلت تب ! بس ان شاء الله خير يا جنابك ؟!
    خير خير بتعرف التفاصيل لمن نصل القسم ! وانت شكلك كده زي الكنت مارق او منتظر ليك زول ؟!
    والله يا جنابك نحن اصلنا بنصحى بدري اها وشوية كده من صحيت سمعت من بعيييد صوت عربية جاز صغيرة طوالي عرفتها ما من عرباتنا اللات الحلة ، لانه الصوت مرة يجيني من جاي ومرة من غادي عرفت انه اهل العربية ديل ما خابرين الدرب كويس ، اها طوالي في سري قلت ديل بكونوا ناس الحكومة جايين علينا ولازم نكرمهم !!
    وناس الحكومة يجوك لي شنو انت سويت حاجة ؟!
    هو يا جنابك في زول قاعد ساي ما كل الناس دي بتسوي في حاجات ! بس زي ما بقول المثل المجانين كتار وشقي الحال بقع في القيد ههههههههه
    اها وانت في المجانين الكتار ديل جنك تبع شنو يا حاج احمد ؟
    نحن يا جنابك شغلتنا علي خفيف تهريب سكر ، صيد غزلان بدون رخصة اهو حاجات صغيرة صغيرة كده نمشي بيها امورنا !
    يعني ما زول كتل يا حاج احمد ؟
    كتل شنو يا جنابك اعوذ بالله ؟!
    والله يا جنابو محمد قالوا الجامعة مولعة سمعت في جهاز اللاسلكي بتاع العربية !
    مولعة كيف والحصل شنو بالضبط ؟
    قالوا في ضرب شديد في الجامعة !
    ضرب بين منو ومنو الطلبة في بعضهم والا مع البوليس ؟!
    حسب ما سمعت الحكاية بدت بين الطلبة جوه الجامعة وبعد شوية لمن مرقوا الشارع اشتبكوا مع البوليس والقصة جاطت بمبان ورصاص !
    العربية المغطية الجامعة وبترفع في الاحوال النداء بتاعهم كم ؟
    سامع العربية (64) بترفع في الاحوال !
    23 لي 64
    مرر يا 23
    احوالك يا 64
    الاحوال هادئة والشرطة سيطرت علي الموقف !
    واضح يا 64 في اصابات ؟
    في حالة وفاة واحدة وعدد من المصابين اصابتهم ما بين خطيرة لي متوسطة !
    يا 64 تعال بهناك ! (بهناك تعني في لغة اللاسلكي وقتها الانتقال الي موجة خاصة بحيث لا تسمع بقية الاجهزة المحادثة)
    23 لي 64
    مرر يا 23
    معاك الملازم أول محمد يا 64 معاي منو ؟
    معاك الملازم أول يوسف يا 23
    هلا يا دفعة ما عرفتك من صوتك ؟
    هههه يا دفعة ريحة البمبان قرشت صوتنا زاتو !
    الحاصل شنو يا دفعة ؟
    والله يا محمد عنف مبالغ فيه والطلبة ديل ضربوا بعض ضرب بلا رحمة شيء سيخ ومطاوي وشيء حجار وفي تانهاية اشتبكوا مع البوليس !
    والطالبة الماتت دي اسمه معروف ؟
    دقيقة قبيل ادونا اسمه من العربية المغطية المستشفي والمشرحة ثانية اشوفوا ليك في الاحوال !
    ايوة اسمها سوسن عبدالله حسن 21 سنة !
    لا حول ولا قوة الا بالله ، وماتت بشنو طلقة ؟!
    ابداً طعنة سكين !
    لا حول ولا قوة الا بالله ، كويس يعني ناس البوليس ما فكو ذخيرة ؟!
    والله يا محمد البوليس ما فكه ذخيرة الا بعد ما سمعنا اصوات ذخيرة صادرة من اتجاه الطلبة زاتم ، وطبعا زي ما عارف ضربنا كلو كان في الهواء والبنادق مرفوعة فوق ، لكن برضو في بت جاته رصاصة في الضهر وما ماتت اسعفوها للمستشفي ، والله اعلم الرصاصة جاية من منو ؟
    اذا المقذوف استقر في الجسم وما طلع ممكن بعد يطلعوها ناس المعامل الجنائية يحددوا العيار واذا كان من سلاح البوليس والا سلاح ملكي ! طيب اسمها معروف ؟
    ابدا يا دفعة لانه الاشارة دي قبل شوية رفعوها ناس العربية الفي المستشفي وصول طالبة مصابة بطلق ناري في الظهر وفي حالة غيبوبة ، لكن اكييد بعد شوية بعرفوا اسمها من باقي زملائه !
    غايتو الله يستر يا دفعة ويجيب العواقب سليمة !
    يا جنابو محمد جات هنا بت قالت زميلتك في الجامعة وقالت ليك سميرة انضربت رصاصة في الضهر وهي كويسة في حوادث مستشفي الخرطوم !!
    لا حول ولا قوة الا بالله ، الساعة كم الكلام ده يا ندي ؟
    قبل نص ساعة كده تقريباً !
    طيب طيب انا ماشي المستشفي !
    امشي معاك ؟
    لا لا ما بتقصري يا ندي خليك في القسم انا ما بتأخر ان شاء الله !
    بإذن الله يا محمد ربنا ياخد بيدها ويعجل بشفائه ، والله انت ما عارف الخبر ده دبرس بي كيف !
    عارف يا ندي وعارفك زولة اصيلة وقلبك ابيض !
    ياااخ ديل شباب واهلهم راجنهم يتخرجوا بفارغ الصبر لمتين يكون ضحية للصراعات السياسية دي ؟! والله يا محمد ما تتخيل انا كرهت وقنعت من الحاصل في البلد دي كيف ؟!
    ربك كريم يا زولة !
    السلام عليكم يا عم عبدالسلام ..
    وعليكم السلام ..
    انا محمد زميل سميرة في الجامعة وسمعت قبل شوية بالحصل وقلت اجي اطمئن عليها
    والله يا ابني طالما انت زميل سميرة كان تجينا بهدومك العادية زيك وزي باقي اخوانه الاسعفوها للمستشفي واتبرعوا ليها بالدم قبل ما نحن ذاتنا نصل ! لكن طالما جيتنا لابس لبسكم الرسمي ده انا بعتبرك واحد من ناس البوليس الكانوا عاوزين يكتلوا بتي ولسه ما معروف تعيش والا تموت ! وانا متأسف ما بقدر اسمح ليك تخش عليها ده موقف نهائي وبينا القضاء يقول كلمته اذا كان لسه في البلد دي قضاء !
    خير ان شاء الله يا عم عبدالسلام وربنا يقوم سميرة بالسلامة ، سلام عليكم
    معليش يا جنابو محمد شايفه عم عبدالسلام اتصرف معاك بخشونة شوية !
    لا لا يا نورة مافي مشكلة وانا مقدر الحالة النفسية الهو فيها ومقدر تماما مشاعره اتجاه الحكومة والبوليس عشان كده ما حبيت اخش معاه في نقاش ، لكن صدقيني 99% الطلقة الضربت سميرة دي ما جاية من ناس البوليس انا بعرف ناسنا وطريقة شغلهم ، وده كله ما مهم المهم الان سميرة كيف والحاصل شنو بالضبط ؟
    والله يا محمد الدكتور قال هم وقفوا النزيف وممكن يعتبروها تعدت مرحلة الخطر لكن لازم تتعمل عملية والمشكلة انه الرصاصة جنب السلسة الفقرية ودي حتة حساسة !
    لا حول ولا قوة الا بالله اها والعمل شنو ؟ والعملية دي بتتعمل في السودان والا لازم تسافر بره ؟
    والله يا محمد خال سميرة الفي امريكا ضرب تلفون وقال هو مستعد يسفره اي حتة في العالم لكن الدكاترة قالوا الحركة ذاته بالنسبة ليها فيها مشكلة وخايفين الرصاصة تتحرك وتعقد الوضع زيادة !
    طيب يا نورة يعني الناس حتقعد تعاين كده بس ؟!
    والله يا محمد الناس ذاته رأسه ضارب وما عارفه تعمل شنو ؟ لكن شايف قبيل واحد من الدكاترة قال هم منتظرين مستر طلال وده جراح سوداني شغال في لندن مفروض اساسا يجي يعمل عمليات هنا ومتوقعنه بكره او بعد بكره حيخلوهو يشوفه ويقرر الناس تعمل شنو ! لكن اسمعني لو عاوز تشوف سميرة تعال بعدين بعد صلاة العشا عم عبدالسلام بصلي هنا في جامع المستشفي وبمشي البيت طوالي بس تعال لابس ليك قميص وبنطلون لانه بصراحة اهل سميرة كلهم متوترين وشايفين اي بوليس عشرة عشرة !!
    اوكي يا نورة شكرا ليك ياااخ !!
    طابور الشخصية جاهز يا حضرة الصول ؟
    نعم سيادتك جبنا حاج احمد من الحراسة والولد الشماشي موجود !
    وقف حاج احمد وسط افراد الطابور بثبات وهيبة وكان يرمق الشاهد بنظرات حادة ، وبرغم الخوف الذي رسمه علي وجه الشاهد بتلك النظرات الا انه استطاع التعرف عليه في الثلاثة مرات التي عقد فيها الطابور
    اها يا حاج احمد كلامك شنو ؟
    يا جنابك انت الشماشة ديل ما بتعرفهم الولد ده بكون مسطول بسجارة والا ضارب ليهو سلسيون او شامي ليهو بنزين ! دي خيالات ساي الكلام البقول فيهو ده !
    يعني حتى انت ما بتعرف زول اسمه ودالحاجة او زول اسمه عبده ؟
    يا جنابك الناس الذكرت اسمائهم ديل ناس ما حقيقين الناس ديل في خيال الولد المسطول ده بس !
    يا حضرة الصول جيبوا عبده من الحراسة ، هكذا قالها جنابو محمد وهو يرمق حاج احمد بطرف خفي بالطبع لم تفته نظرة الخوف والذهول التي ارتسمت علي وجه حاج احمد والتي ارتجفت معاها اطراف شاربه الكبير ثم ما لبث ان بلع ريقه بجرعة ماء ثم رفع كمه يمسح به فمه وشاربه او يكاد يخفي وجهه من اعين عبده الذي ارسل في طلبه !
    انا ما قلت ليك يا حاج احمد الروح ما بتروح هكذا صاح عبده في وجه حاج احمد الذي تجمدت ملامحه ووهن صوته وهو يقول روح رووح شنو يا زول ؟!
    يا حاج خلاص الفيلم انتهي وانكشفنا ، شابكني انا مسنود والحبة ما بتجيكم اها هسا كلنا بقينا جوه الرج يلا خارجنا يا اب شنب قالها وهو يضحك ضحكة ممزوجة بالحزن والخوف من حبل المشنقة الذي راه يتراقص امامه !!
    اها يا حاج احمد عندك كلام داير تقوله والا كمان نجيب ليك ودالحاجة قدامك ؟ قالها محمد بنبرة يشوبها الاستخفاف بغية تشكيل مزيد من الضغط النفسي علي حاج احمد !
    يا جنابك انا داير الامان !
    الامان كيف يعني ؟!
    تدوني الامان وانه الحكاية ما يكون فيها مشنقة وانا بقول الحاصل كله !
    والله يا حاج احمد انا ما بكضب عليك وما بقدر اديك امان من مشنقة ده كلام تقرره المحكمة بعدين لكن بصفة عامة كل ما المتهم تعاون مع البوليس والنيابة في التحقيق المحكمة بتقدر الكلام ده !
    والله يا جنابك زي ما بقولوا اهلنا (الصقر ان وقع كترت البتابت عيب والقدر ان وقع ما بنفع الجقليب) امسك عندك انا بحكي ليك الحكاية من طقطق للسلام عليكم !
    يتبع .............................
                  

06-18-2016, 12:50 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة الحادية عشر –
    ازيك يا محمد كيفك انت ؟ انا كويسة يا محمد ما تخاف علي !
    انسحب نورة لتخلي الغرفة لمحمد وسميرة ووقفت عند الباب ...
    سميرة حمدا لله علي سلامتك ما تتخيلي انا مبسوط كيف انك فقتي من الغيبوبة والباقي كله هين ان شاء الله !
    بأذن الله يا محمد انا ثقتي في ربنا كبيرة !
    سميرة انتي عارفه انا بعد ما فقدت امي بقي ما عندي غيرك عشان كده عليك الله يا سميرة ابقي كويسة !
    ياسيادتك ما تتجرس يااخ هههههه
    هههههه كويس ما دام بتضحكي كده اطمنيت عليك اكتر
    طبعا نورة حكت لي عن موقف ابوي معاك ، وانا متأكدة انك بتكون انفهمت الظروف وانا بعتذر ليك عن الحصل يمكن ابوي كان صعب معاك اكتر من اللازم ، بعدين يا محمد انا ما عاوزاك تشعر بالذنب كونك شغال في البوليس والضربوني ناس البوليس ! لانه في النهاية لازم ناس مننا بحسوا بي حسسنا يشتغلوا في البوليس وغيره عسى ولعل !
    سميرة ما ترهقي نفسك بالكلام انتي مفروض ترتاحي !
    ابدا يا محمد انا لمن اتكلم معاك بحس بالراحة وبقول ليك الكلام ده لانه يمكن ما نتلاقي تاني وما اقدر اقوله !
    سميرة لو عاوزة تقولي كده انا بمشي !
    خلاص معليش سعادتك بس حبيت افضفض معاك ، محمد انا كويسة لكن انت قادر تتخيل البت الماتت دي اهلها بكونوا عاملين كيف هسا ؟! يا محمد ده ظلم وعنف شديد !
    كدي يا سميرة خلينا هسا نركز علي صحتك وعلاجك وانا معاك مهما حصل !
    حتى لو اتشليت يا محمد ؟
    سميرة عليك الله ما تقولي كده ! وخلينا متفائلين انه مستر طلال ده يجي وربنا يجعل الشفاء علي يده !
    محمد انا ما خايفة ولا ندمانة علي الحصل وانا زولة مؤمنة وعارفه انه اقدار والآجال بيد الله ، وبالمناسبة قبل ما انسي ياااخ زميلتكم ندي جاتني هنا زيارة ! صدق اول شيء ما عرفتها لاني اول مرة اشوفه لابسه ملكي ! بعد داك هي براها لمن شعرت بي ما عرفتها قالت لي انا ندي زميلة ناس محمد ، تصدق رغم اني كنت دايما بشعر بيها قارشة ملحتي هههههههه وانها زولة سخيفة لقيته ليك زولة لطيفة وضحاكة كمان وهي نورة كتلوني بالضحك غايتو !
    غريبة ما قالت لي لكن فيها الخير والله الناس بالناس يا سميرة !
    يلا يا سميرة انا ماشي !
    جدا سعادتك بس ممكن سؤال ؟ وضروري تجاوبني بصراحة ! اتفقنا ؟
    ايوة اتفقنا اسألي ، والا اقول ليك حاجة ايوة بحبك مش ياها اجابة سؤالك ههههه
    وهي تضحك بحياء ايوة اتاريك ما جيت اول الكلية ساي ههههههههه وانا ذاتي بحبك يا محمد !
    محمد وهو يضحك كدي نسمع الكلام ده مرة تانية بعد العملية وتفوقي من اثار الحقن المسكنة ههههه
    ههههههه امشي يا شين ابوي اصلو ما خاتي عليك ههههه
    يازولة هوي عمك عبدالسلام صعب خلاص والله انا كنت واقف وعامل حسابي انه يجيني منو كف طاير في اي لحظة ههههههههه
    يلا يا سميرة .. لا اله الا الله ...
    محمدا رسول الله ، خلي بالك من نفسك يا محمد ..

    يا سعادتك حاج احمد ده خلاص بقي جاهز قال حيتكلم بالحاصل كله عشان كده قلت نجيبه وتسمع منو !
    تمام يا محمد جيبوهوا طوالي !
    ده سعادة الرائد عبدالرحمن رئيس تيم التحقيق يا حاج احمد يلا عاوزك زي ما وعدت احكي القصة كلها من طقطق للسلام عليكم زي ما قلت !
    جدا يا جنابك ، انا طبعا معرفتي بعمك جوزيف تادرس قديمة جدا وبقت عشرة ليها سنين ، هو من هواة الصيد وكان دايما بجينا في غرب امدرمان وبنطلع معاهو الخلاء نصطاد ونشوي وناكل ونشرب ونجي راجعين. اها بمرور الزمن علاقتنا توثقت وبقينا اكتر من اصحاب وكان دايماً بحكي لي عن مشاكله مع زوجته حتى قبل ما تبقي طليقته !
    مشاكل زي شنو يعني ؟
    والله يا جنابك في الاول كانت مشاكل عادية زي اي اتنين متزوجين لكن بعد ما الاولاد امتحنوا الشهادة امهم قالت عاوزهم يسافروا بلده الاصلي يقروا هناك وعمك جوزيف كان رافض الفكرة ، اها هي مرة غفلتو وسافرت بالاولاد وهناك طلعت ليهم باسبورطات اللت الخواجات ودخلتم الجامعة وجات راجعة.
    اها وهو عمل شنو ما اشتكاها ؟
    هو ما خلى جهة ما اشتكي ليها وقلب الواطة فوق تحت لكن في النهاية ما قدر يسوي شيء اولن بالتبادي الاولاد هم زاتم ما كانوا عاوزين يرجعوا والشيء التاني ناس الحكومة قالوا ليهو الاولاد ديل طالما شايلين الباسبورطات الاجنبية دي نحن ما بنقدر نسوي شيء !
    طيب ده كان سبب الطلاق ؟
    لا لا اسباب كتيرة ومشاكل كتيرة غير كده فيها حاجات خصوصية وكده !
    طيب اها وبعد الطلاق المشاكل تاني في شنو ؟
    عمك جوزيف ده زول عنيد اول حاجة ما نسي موضوع اولاده ده كلو كلو الشيء التاني حصل خلاف في موضوع البيت والمزرعة وقدر ما الاجاويد وقعت وقامت ما وصلوا لي اتفاق !
    ولا عن طريق المحاكم ؟
    يا جنابك زي ما انت عارف القضايا الزي دي بتاخد سنين وسنين !
    طيب اها بعد داك الحصل شنو ؟
    والله ياجنابك انا من فترة طويلة كنت حاسي انه جوزيف عنده كلام داير يقوله لي ومتردد وكم مرة يقول لي يا حاج احمد انا عاوزك في موضوع مهم ولمن أسأله موضوع شنو يا خواجة يقول لي لا لسه شوية !
    ما اداك اي تلميحات بخصوص الموضوع ؟
    ابداً لكن انا حسيت انه الموضوع ليهو علاقة بالمرحومة ! لمن في يوم كده عمك جوزيف ده جاني بدري جداً وقلت ليهو دقائق اجهز حاجاتنا واصحي واحد من الاولاد ديل يطلع معانا ، لكن هو قال لا لا نحن الليلة ما طلعين الصيد لكن عاوزك تركب معاي ماشين مشوار ، قلت ليهو سمح بالحيل طيب خلني اسوق الولد الكبير ده معاي عشان من هناك عندنا مشوار الخرتوم ، قال لي لا لا انا عاوز نكون برانا.
    الليلة شنو الشقة الغريبة دي يا نادر اتفضلوا اتفضلوا !
    دي ندي اختي ده عمار صاحبي ودفعتي في المدرسة يا ندي !
    اهلا اهلا عمار شكلك كده ما قاعد في البلد دي ؟
    صاح لكن معقول ظاهر علي كده ههههههههههه
    اول حاجة صراحة اول مرة اشوفك وانا بعرف كتير جدا من اصحاب نادر الحاجة التانية الترطيبة ظاهرة هههههههههه
    ندي اسمعيني نحن اول حاجة جعانيين وعمار ده عندوا وصايا كده من قبيل كنا بنوزع فيها ولقينا نفسنا جنب القسم قلت ليهو ندخل نسلم علي ندي اختي ونفطر معاها عندهم فول كارب وهو قال طول من اكل الفول.
    جداً جداً نفطركم ونشربكم الشاي وتتطلبوا الله ههههههه عندي شغل كتير والله
    مضت ساعتين منذ ان تناول نادر وعمار الفطور مع ندي ونسيت ندي شغلها الكتير القالت عليه فهي مبهورة ومتابعة بدقة لكلام عمار عن امريكا القادم منها لتوه وكيف انه فارق نادر من بعد امتحان الشهادة السودانية وقادته قدماه وقتها الي السفارة الامريكية ولم تستغرق الموافقة علي تأشيرة دخوله سوى ايام قليلة ، سافر بعدها وارتاد المجهول وعمل في عدة مهن وكان يدرس في ذات الوقت وهو الان يعمل موظفاً في احد اكبر البنوك الامريكية ويتمتع بالجنسية والجواز الامريكي. الي ان لفت نادر انتباههم بأن لديه مواعيد مهمة في الوكالة.
    خرجت معهم ندي حتى عربية نادر ولم ينسي عمار ان يقول لها وهو يمد يده مصافحاً شكرا سعادتك علي الفول الكارب والشاي المزبط ، وتاني ان شاء الله كان جابني الدرب بجي غاشيك !
    حبابك عشرة يا عمار اصلوا انا اصحاب نادر ديل مكرهني بداير لي جواز وداير لي تأشيرة اها كمان نفتح لينا بند جديد بتاع داير فطور هههههههههههه
    ههههههههههههه ياها نفس حركات نادر اخوك جنكم خستكة وهزار وما بتتلفتو للكلام يلا سلام
    طلعنا انا وعمك جوزيف في العربية ومسافة هو ساكت وانا ساكت لمن انا ذاتي زهجت وقلت ليهو يا خواجة انت مالك ليك فترة ما عاجبني انا اخوك لو في اى حاجة قول والناس بالناس !
    قال لي والله يا حاج احمد انت بقيت اكتر من اخوي ولو ما كده انا ذاتي الكلام الداير اقول ليك ده ما بقولو !
    كلام شنو يا خواجة خش في الموضوع طوالي ؟!
    انا داير اكتل كريستينا يا حاج احمد !!
    تكتل تكتل منو يا خواجة ؟! كريستينا مرتك ؟! والا كريستينا تانية ؟! وتكتله في شنو يا خواجة ؟! يا خواجة قول بسم الله ده كلام شنو ده ؟!
    والله زي ما بقول ليك يا حاج احمد ياها كريستينا طليقتي ما مرتي انا تعبت خلاص وهي عاوزة تسرق شقاء عمري كله بعد ما سرقت اولادي ، كريستينا لازم تموت يا حاج احمد كريستينا لازم تموت يا حاج احمد !!
    لا حول ولا قوة الا بالله كدي يا خواجة روق براحة ما يطق ليك عرق والمشاكل دي دايرة الصبر !
    انا صبري نفد والطريق شايفه مسدود وده كلام نهائي !
    طيب يا خواجة انا عندي سؤال انا دخلي شنو في الموضوع ده ؟!
    انا عاوزك انت تكتل كريستينا يا حاج احمد !
    انا انا يا خواجة ؟! يا زول ها نزلني هنا وانا لا سمعت لا شفت !
    مافي نزول يا حاج احمد واطلع لي من دور البراءة ده ! انا يا حاج احمد لو ما عارفك بتقدر تكتله ما كنت بقول ليك الكلام ده انا عارف تاريخك كله يا حاج احمد همباتي ومهرب سكر وتاكل مال النبي كان لقيتو !
    صحيح يا خواجة لكن حتى شغلة الهمبتة وقطع الطرق دي لي منها سنين والصحة والعمر زاتم بقوا ما مساعدين الزول !
    جيب معاك ناس يساعدوك !
    والله يا خواجة ماشاء الله جاهز تب !
    انا ما بعمل حاجة ساي يا حاج احمد انا عندي خطة جاهزة والقروش جاهزة !
    قروش قروش شنو يا خواجة ؟!
    وانت قايل انك حتكتل مجاني ساكت ، ده ما عمل خير يا حاج احمد دي شغلانة فيها قروش وقروش سمحة جداً بس انت رتب امورك وبنتلاقي تاني بوريك الخطة !!
    اهليين محمد !
    هلا جنابو ندي كيفك ؟
    تمام والله يا محمد اهو الامور ماشة وبلاغات سرقة العربات ديك كلها جوا استلموها ناس مباحث الكمندانية قالوا شكلوا ليها لجنة هناك !
    تمام ربنا ريحنا منها زاتو !
    بالمناسبة قبيل نادر اخوي وواحد صاحبه جوا فطروا معاي هنا ! ونادر سأل منك وقال ليك شنو بقي حتى في الكورة بقي ما بشوفك ؟
    ههههههههههه نادر الهلالابي الحاقد شفتو اليوم داك بعد الكورة الرشونا فيها تلاتة لكن زغت منو ههههه
    هههههههههه طبعا عمار صاحبو مريخابي علي السكين زيك وطلع زول وناس ولطيف والله قعد ونسنا ليك عن امريكا دي لمن شوق الواحد لي شوفته هههههههه
    عليك الله يا ندي انتي الجابك البوليس شنو ؟ هههههه جنك سفر وترطيبة
    تعرف يا محمد صحي جني سفر وسافرنا كتير مع ابوي ايامه في الخارجية لكن البوليس ده كان رغبة عندي ما انا صغيرة وابوي راجل ديمقراطي جداً اصلوا ما اعترض علي قراري ده ، لكن بصراحة يمكن الظروف العامة بتاعة البلد الان ما خلتني اشوف البوليس زي ما كنت متخيلاهو ، السياسة فارضة نفسها شديد علي البوليس وتحس كده زي ناس البوليس مكتفين.
    ايييه يا ندي تخيلي دي الحاجات البتمغص الزول نحن كنا محظوظين دخلنا الكلية واتخرجنا واشتغلنا في زمن ديمقراطي وبنحس بالفرق في الشغل واضح جدا بين الزمنيين واهو زي ما انتي شايفه ناس كتيرة بتمشي المعاش قبل يومه وناس تاني بتسافر وتقد سلك ، لكن انا شخصيا قراري اقعد في البوليس ده كده الا يرفدوني !
    ربك يهون الامور يا محمد المسائل كلها جايطة ومجوبكة وبقينا ما قادرين نعرف الصاح من الغلط واتخاذ القرارات بقت صعب شديد.
    اهلا نورة اتفضلي اتفضلي ...
    دي نورة صاحبت سميرة يا ندي ..
    ههههههههه يا سعادتك نحن بنعرف بعض واتلاقينا اليوم داك لمن مشيت زرت سميرة ، ونورة دي بقت زولتي ولقيته ليك اكبر مخستكة في الدنيا ههههههه
    خير يا نورة مالك مهمومة ومنزعجة كده ؟
    والله يا محمد انا قلت انت ما بتكون عرفت عشان كده قلت اجي اكلمك ؟
    عرفت شنو ؟! وتكلميني بشنو يا نورة ؟! قولي قولي يانورة في شنو ؟!
    يتبع ..........................
                  

06-18-2016, 12:52 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة 12 –
    وباقي القصة زي ما انتو سمعتوها من عبده وود الحاجة بس حاجتين يا جنابك ، اولن بالتبادي انا ما مديت يدي علي المرحومة وعبده هو الخنق المرحومة لمن ماتت ، الشيء التاني ود الحاجة هو الاستعمل المرحومة !!
    يعني يا حاج احمد انت كنت واقف متفرج بس ؟!
    والله زي مابقول ليك يا جنابك !
    طيب يا حاج احمد في اي شاهد او دليل يأكد لينا صحة قصتك دي وانه جوزيف تادرس هو الحرضكم علي كتل طليقته ؟!
    تعرف يا جنابك عمك جوزيف ده راجل ذكي جداً وانا قدر ما حاولت اقابله بي عبده وود الحاجة هو كان برفض رفض شديد ، وحتى لمن طلبت منه انه يديني القروش بي شيك رفض واصر انه استلم منه القروش كاش ، وبصراحة هو فهمني انه نحن اصلنا ما ممكن ننقبض وانا وثقت فيه !!
    طيب انت جاهز نعمل ليك مواجهة مع عمك جوزيف ؟!
    جاهز بالحيل يا جنابك !
    لا حول ولا قوة الا بالله يانورة ، ما تتخيلي انا اتخلعت كيف وقايلك عاوزة تقولي لي سميرة حصلت عليها حاجة !
    انا شعرت بيك والله يا جنابو محمد
    ياجماعة والله انا ذاتي الخلعة الدخلت فيني ما مرقت لكن الحمد لله ان الخبر طلع جيت مستر طلال وتحديد مواعيد العملية وان شاء الله ربنا يجعل ليها فيها الشفاء !
    ان شاء الله ياندي وعليك الله دعواتك لي سميرة !
    ندي انا ح امشي مع نورة لانه زمن العملية قرب وانتي ان شاء الله ممكن تجي بعدين وكت الزيارة وتلقيها مرقت من العملية بالسلامة !
    جدا يا محمد ربنا يسهل الامور
    انت يا ابني مصر دايما انك تجينا بالزي الرسمي بتاعك ده ، وباقي جماعتكم العاملين فيها حرفاء ولابسين ملكي ومن قبيل يتحاوم بي جاي قايلني انا ما بعرفهم نحن ياجنابو المعتقلات دي ما عرفنها مع جيت جماعتكم ديل قبلهم كمين حكومة جات وسوت نفس سواتهم دي هسا وينهم ؟!
    والله يا حاج عبدالسلام انا معاك في كل كلمة قلتها بس انا عاوز اقول ليك حاجة ما اي زول شغال في البوليس او القوات النظامية التانية دي معناها هو مع الجماعة ابداً والله ، وبالمناسبة انا ابوي زاتو كان زول نقابي وياما نحن صغار شفنا الجماعة الزي ديل بجوا يسوقي ابوي انصاص الليالي ! واحتمال تكون انت ذاتك بتعرفوا !
    ابوك اسمو منو ؟
    ابوي اسمو حسن محمد خير محجوب !
    حسن محمد خير ياتو بتاعة السكة حديد الاتحادي والا حسن محمد خير بتاع النقل المكانيكي ؟
    ياهو حسن محمد خير بتاع السكة حديد !
    يا سلام يا ابني بالله انت ود حسن محمد خير ، والبركة فيكم انا لحدي بكاء الحاجة جيت وشلت الفاتحة مع ابوك ، كيف ياااخ حسن محمد خير الرجل الكلس الصنديد دي عشرة وصداقة اتولدت جوه المعتقلات ما بتتنسي بسهولة ابداً رغم اننا من احزاب مختلفة ويمكن ناسنا مرات بشوفوا احزاب ناس ابوك دي اخزاب طائفية لكن والحق يقال عرفنا فيهم رجال ومناضلين حقيقيين ! علي العموم عشان خاطر ابوك انا ح اعتبرك زول كويس الي ان يثبت العكس وده ما بنفي رأي في الناس اللابسة كاكي دي !
    ابوي ابوي حمداً لله علي السلامة يا ابوي العملية انتهت ، قالتها شقيقة سميرة واندفعت تدفن رأسها في صدر والدها واخذا يبكيان ويتمتمان بكلمات الحمد لله والشكر لله ، وانتزع العم عبدالسلام جسده من حضن ابنته الصغيرة مستقبلاً القبلة خاشعاً في ركعتي شكر وحمد لله.
    طمنا يا مستر طلال ؟
    الحمد لله ياحاج لحدي الان الامور ماشة تمام والعملية برغم انها كانت صعبة وحساسة لكن انا راضي تماماً عن النتيجة طبعا بنعرف اكتر لمن سميرة تفوق من البنج وتطلع من غرفة العناية المركزة !
    والله يا ابني انا ما عارف اقول ليك شنو انت جيتنا من السماء ، بعدين صراحة لمن سمعنا انه في جراح سوداني مشهور جاي من لندن اتخيلتك زول كبير وشعره ابيض لكن ماشاء الله طلعت شباب هههههههه
    الله يبارك فيك ياحاج ، الحمد لله ده توفيق من ربنا اهو الواحد لقي فرصة مشي هناك وقدرت عملت التخصص بتاعي والمسائل هناك متقدمة شديد ، والواحد برغم الحاصل في البلد هنا لكن بشعر انه عنده دين واجب السداد للبلد ومواطنه المسكين البكابد الظروف السياسية والاقتصادية الصعبة دي !
    والله يا ابني الله يكتر من امثالك وانا كمان عرفت انك تنازلت عن قروش العملية ودي والله ما عارف اشكرك عليها كيف ؟!
    ابداً يا حاج مافي شكر وانا اساساً في العادة باخد 50% من القيمة الحقيقة للعمليات والباقي بعتبره صدقة لروح ابوي وامي.
    لكن انت حتى ال 50% ابيت تشيله ؟!
    لمن عرفت انها طالبة وعرفت الظروف والملابسات الحصلت فيها الاصابة اتكلمت مع الفريق الشغال معاي وصراحة كلهم ابدوا نفس الشعور واتنازلوا عن اجرهم في العملية ونسأل الله ان يعجل بشفائها وبكرة تقدر تتحرك طبيعي ان شاء الله.
    يا جنابو عبدالرحمن تعال لي المكتب بسرعة ، هكذا قالها المقدم مبارك وهو ينهي مكالمته الهاتفية مع الرائد عبدالرحمن !
    السلام عليكم سعادتك ؟
    اهلا اهلا عبدالرحمن ! يا اخوي انتو مالكم تاني مع عمك جوزيف جوني مية تلفون من الرئاسة وناس تانيين بقولوا انكم قبضتوا عمك جوزيف ؟!
    صحيح سعادتك لكن كلها ساعة زمن بس من ما قبضناهو ؟!
    عارف عارف لكن يا جنابو عبدالرحمن انت عارف حساسية البلاغ ده والمشاكل العمله لينا قبل كده فا اقل شيء كان مفروض تكلمني وتختني في الصورة قبل ما تقبضوه !! صراحة ده تجاوز انا ما بقبله ولو جاء من زول غيرك يا عبدالرحمن انا كان حيكون عندي معاهو كلام تاني !
    والله يا سعادتك حقيقة انا متأسف لكن انت كنت في الاجتماع الدوري في الكمندانية وخفنا لو انتظرنا الخبر يتسرب لي عمك جوزيف ويشرد مننا.
    علي العموم حصل خير يا جنابو عبدالرحمن ، وهسا عاوزك تحقق مع عمك جوزيف ده باسرع فرصة ممكنة وتعرضوا مع اوراق البلاغ للنيابة وتشوف هم حيقرروا شنو ، ما دايرين لينا مشاكل ونقة تاني في البلاغ النحس ده !
    واضح سعادتك !
    السلام عليكم سعادتك
    اهلا اهلا محمد يازول انت وين ؟ يااخ ساعة بس مما قبضنا عمك جوزيف والامور جاطت جوطة قبل شوية رئيس القسم ناداني واتكلم معاي لاول مرة كلام سخن بخصوص القبض علي جوزيف !
    وهسا سعادتك انا جاي اقول ليك مولانا وكيل النيابة طالب البلاغ وشايف لي زي خمسطاشر محامي قدام مكتبه !
    لا حول ولاقوة الا بالله يا جماعة دي مصيبة شنو دي ؟!
    السلام عليكم مولانا
    اهلا سعادتو عبدالرحمن اتفضل !
    قالوا لي طلبت اوراق بلاغ كريستينا ؟!
    ايوة ايوة ما شايف الزفة البره دي كلهم محامين ومقدمين طلبات بخصوص الافراج عن جوزيف تادرس !
    هههههههه يامولانا نحن لي هسا ما سمعنا منو حاجة ولا فتحنا يوميتنا معه !!
    عارف عارف يا سعادتك بس انا ناديتك عشان تسرع في الاجراءات !
    يا مولانا انت عارف انه الشرطة عندها 24 ساعة من لحظة القبض علي المتهم وقبل كده ما حقو في زول يتدخل في شغلنا !
    يا سعادتك ال 24 ساعة دي ما اجبارية واذا التحقيق ممكن يخلص قبلها why not ؟
    يا مولانا ده بلاغ قتل وانت سيد العارفين بعدين في بلاغ القتل البلاغ ده انت براك عارف كيف تعبنا فيه لحدي ما وصلنا النقطة دي ، وانا كنت متخيل انك واقف معانا لكن يبدو ان المسائل ما كده !
    يا سعادتك النيابة خصم شريف وانا ما واقف مع اي طرف ، والحمد لله انا لي معاكم في القسم ده سنة ونص قدرنا فيها نتجاوز كل حساسيات التعامل والمعاكسات القاعدة تحصل بين الشرطة والنيابة ، وما عاوز البلاغ ده يفسد الود بيننا !
    ان شاء الله يامولانا نحن حنجتهد باقصي ما عندنا والفيها الخير يسويها ربنا.
    الف مبروك يا جنابو محمد قالها المقدم مبارك هسا عرفت من الرئاسة انك كشفكم بتاع الترقيات طلع والحمد لله اترقيت نقيب !
    الله يبارك فيك سعادتك ويبشرك بالخير دايماً !
    لكن والله يا محمد بقدر ما فرحت بترقيتكم بالجد زعلت وحسيت بمرارة لخبر عدم ترقية جنابو عبدالرحمن واحالته للصالح العام !
    لا حول ولا قوة الا بالله ، ده كلام شنو سعادتك ؟!
    والله يا جنابو محمد زي ما بقول ليك وهسا انا ما عارف زاتو اكلمه كيف ؟
    وقطع صمت تفكيرهم دخول الرائد عبدالرحمن وهو يضرب الارض بقدمه ويرفع يده بالتحية العسكرية قائلاً تمام سعادتك مهمتنا انتهت في البوليس !
    لم يرد المقدم مبارك لكنه قام واحتضن الرائد عبدالرحمن بقوة وهو يقول خسارة والله خسارة والله يا عبدالرحمن ، انت فقد عظيم للشرطة ، محمد نهض مشدود القامة رافعا يده بتحية عسكرية للرائد عبدالرحمن ودمعة ساخنة فشل في مقاومتها تنزلق علي خده وهو يقول بصوت خنقته العبرة والله خربانة بعدك يا سيادتك ، شكرا ليك سيادتك شكرا ليك علي كل حرف علمتنا ليهو في شغل البوليس شكرا ليك علي كل موقف وكل لحظة وقفت معانا فيها وكنت نعم القائد.
    شدو حيلكم يا محمد انتو رهان المستقبل واصلكم ما تهتزوا وشغل البوليس ده ما بقيف علي زول قبلنا مشوا رجال سطروا اسمائهم باحرف من نور في سفر الشرطة واهو المسيرة ماشة !
    المسيرة ماشة سعادتك لكن بتتعثر وشغل البوليس ما بقيف علي زول لكن بتأثر مافي شك !
    مضي ذلك النهار ثقيلاً كئيباً علي جميع العاملين في القسم فللرائد عبدالرحمن مكانة خاصة في قلوب الجميع حتى ان المنتظرين في الحرسات بدا عليهم الضيق والضجر عند سماعهم للخبر فالرائد محمد كان دايماً هو طوق نجاتهم من شطط بعض الضباط والمتحرين وكانت اسعد اوقاتهم عندما يحضر الي الحراسات ويقف كل ضابط او متحري وهو يحمل اورق البلاغات بطرفه يقف كالتلميذ في المدرسة يوم تسميع الاناشيد او سور القرآن ، وكانت قمة سعادتهم عندما يرون الضابط او المتحري يتلعثم وهو يبحث عن اجابات لاسئلة الرائد عبدالرحمن عن سبب بقاء المنتظر طول تلك المدة ثم لا يلبث بان يصدر توجيهاته بأن يري البلاغ في سيركي تسليم البلاغات الي المحكمة صباح الغد علي اكثر تقدير.
    دخلت ندي الي مكتب الرائد عبدالرحمن وهي تكفكف دموعها ، قائلة والله يا سعادتك ده ما شغل الواحد يقعد فيهو بعد اليوم !
    لا لا يا ندي ما تقولي كده وانتو املنا في القوة دي وعاوزكم تستلموا الراية دي وتسلموها للاجيال بعدكم !
    والله يا سعادتك انا بصراحة ما لقيت البوليس زي ما كنت متخيلاهو او يمكن نحن ما محظوظين جينا في زمن صعب ، لكن صدقني الليلة انا بجد وصلت للقرار الكنت مترددة فيها لي زمن ، واحسن تجي مني بدل ما تجي منهم !
    انا معاك يا ندي الظروف بقت ما مساعدة لكن الزول دايماً ما يتخذ قرارات مصيرية في لحظات عاطفة او انفعال ، وانا معاكم حتى وانا خارج القوة بتعرفي بيتنا في اى وكت تشعري انك محتاجة لمشورة اخو كبير حبابك عشرة بس اوعديني ما تتخذي اي قرار الا ترجعي لي.
    حاضر سعادتك ...
    يتبع .................
                  

06-18-2016, 01:05 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: AL-Qassim)


    Quote: يا حنابو عمر انت ضابط شاطر .. لكن في امور التشويق دي
    في معلومات كده كنت تخفيها لحين جهجة باكات القراء
    زي اسامة انور عكاشة في مسلسل (البرادعي )


    ملاظة نقدية صحيحة وبإذن الله الواحد يطور نفسه بملاحظاتكم ونقدكم الامين ....

    الف شكر يا صديقي
                  

06-18-2016, 01:01 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: dardiri satti)



    Quote: ي جنابه...
    الزول دا نشلني!!!!


    ههههههههههههههههه تاني اعمل حسابك

    حبابك عشرة يا صديقي ورمضان كريم
                  

06-18-2016, 01:08 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: حمزاوي)

    Quote: جنابو عمر
    مسكاقمي
    وين الحلقة العاشرة


    هلا يا خال
    اليوم نزلت الحلقات 10 و 11 و 12
                  

06-18-2016, 12:57 PM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: محمد البشرى الخضر)

    Quote: سلامات يا جنابو ورمضان كريم
    سعدنا بطلتك بعد غيبة, و سعدت اكثر بمتابعة القصة
    عندي تعليق على الحتة الأخيرة في حديث محمد لزميلته ندى, معليش ما عايز اقطع تسلسل افكارك لكن خفت انساه لبعدين :)
    مش استعجل شوية محمد في كلامه لندى رغم انها ما فتحت معاه حاجة رسمية و الموضوع لايزال في اطار تلميحات و انفعالات منها, بعد كدا حتى علاقة الزمالة العادية في تلتلة تاني


    هلا وغلا ودالبشرى وعساك من عواده ،،،
    ملاحظة نقدية سليمة 100% ياعمك لو بقي كتاب مطبوع ان شاء الله سيتم مراعاتها
    ماشاء الله لسه ذكي ولماح هههههههه
                  

06-19-2016, 02:03 PM

AL-Qassim
<aAL-Qassim
تاريخ التسجيل: 02-18-2015
مجموع المشاركات: 361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    مرور و متابعة ...
                  

06-21-2016, 08:21 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: AL-Qassim)

    من قتل كريستينا – الحلقة 13 –
    الحمد لله يا سميرة ربنا اكرمنا والعملية نجحت !
    ايوة الحمد لله حمداً كثيراً يا محمد ، وبإذن الله بعد اكمل العلاج الطبيعي بقدر استعيد قدرة الحركة والمشي زي زمان !
    فعلاً مستر طلال طمنا وقال بعد كده المسألة مسألة وقت وعزيمة المريض وانا عارف انك زولة صلبة ، بس يا سميرة حقو الواحد يقيف مع نفسه ويعيد تقييم مواقفه وهل هناك ما يستحق ان ندفع له مثل هذا الاثمان الباهظة !
    بالعكس يا محمد انا الحصل ده خلاني اكتر اصرار علي المشي في الطريق ده لييه عشان الحصل ده ما يحصل لي غيري والبلد يسوده حكم القانون !
    بالمناسبة انتي عرفتي انه نحن طلعنا براءة وانه الطلقة الضربتك طلعت من سلاح ملكي ما سلاح البوليس ولا سلاح نظامي ؟
    ايوة عرفت ابوي كلمني وده يا محمد بقدر ما اسعدني لكن في نفس الوكت شعرت بخطر اشد ! السلاح يا محمد لو بقي في يد المواطنين وكل زول ياخد حقه بيده دي حاجة ما كويسة دي حاجة مخيفة شديد !
    وان شاء الله المعلومة دي اثرت في عم عبدالسلام تأثير ايجابي وبقي راضي عننا شوية ههههههه
    هههههههههههه تعرف يا محمد ناس ابوي وابوك وناس الزمن الجميل ديل بفتكروا انه ثرواتهم ورصيدهم هو ايمانهم بمواقفهم وتمسكهم بيها حتى النهاية ، دي اجيال ما بتتكرر تاني اجيال قامت واتربت علي فكرة لا مساومة ولا تنازل عن الديمقراطية وحكم الشعب وبالتالي بشوفوا اي عسكري بمثابة عدو متربص بيهم !
    كدي يا زولة دي نقاشات طويلة نخليها لمن تخفي وقبل ما انسي ابوك ما طلع بعرف ابوي حق المعرفة وبينهم صداقة وعشرة قديمة ، اها الحنك ده ما بسهل علينا الامور شوية هههههههه
    امور شنو يا سعادتك انت خلاص بقيت جاهز والا شنو ؟
    صيغة سؤالك غريبة يا سميرة ولغتك ما معهودة بالنسبة لي ! مالك يا زولة ان شاء الله خير ؟!
    هههههههههه سمعت انه الرائد عبدالرحمن غار في ستين دهية !
    ياعم جوزيف حقو تتكلم بطريقة محترمة شوية نحن بنتعامل معاك بكل احترام لحدي الان فما في داعي للاستهزاء والتجريح والرائد عبدالرحمن ما غار في ستين دهية الرائد عبدالرحمن غادر مرفوع الرأس وهو موجود فينا نحن اولاده وتربينا في البوليس ده علي يده !
    جداً يا جنابو محمد انا بعتذر بس انت عارف مواقف الرائد عبدالرحمن معاي و .... !
    معليش يا عم جوزيف حقو ما نسترسل في الموضوع ده وخلينا في صلب تحقيقنا !
    جداً يا جنابو اتفضل !
    طبعاً انت عرفت اقوال حاج احمد وعبده وود الحاجة ، رأيك في كلامهم ده شنو ؟
    اولاً انا ما بعرف من الاسماء القلتها دي الا حاج احمد ! والاتنين التانيين ديل ما بعرفهم ولا حصل سمعت بيهم ولا شفتهم ! وهل هم قالوا بعرفوني او شافوني قبل كده ؟!
    يا جوزيف هنا انا البسأل وانت تجاوب وما من حقك انت تسألني او تستجوبني !
    انا من حقي ادافع عن نفسي يا جنابو محمد والا ما كده ؟!
    صحيح من حقك تدافع عن نفسك لكن في الاول تجاوب علي اسلئتنا وبس !
    طيب معرفتك بحاج احمد بدت متين وطبيعة العلاقة بينكم شنو ورأيك شنو في كلامه القالو ده ؟
    عرقتي بحاج احمد قديمة وكنا بنطلع الصيد سوا ، في الاونة الاخيرة حاج احمد اموره المالية بقت ما زي زمان وحركته قلت بالتالي شغله قل اها جاني كم مرة طالب مساعدة مالية وانا بحكم العشرة ما قصرت معاهو وفي آخر مرة جاني صراحة طلب مبلغ كبير وقال لي دين برجعو ليك وانا صراحة اعتذرت ليهو لاني عارف انه ما حيقدر يرجعو اها قام زعل مني وشتمني وطلع زعلان جداً !!
    يعني انت ما طلبت منه يكتل المرحومة نظير مبلغ مالي ؟!
    ههههههه يا جنابو ده كلام معليش لكن ما بدخل عقل شافع صغير ! ثم انا اكتل كريستينا لييه ؟! ورفع يده ليمسح دموع ترقرقت في عينيه وتهدج صوته ، حتى ان محمد اوقف التحقيق وطلب له كوب من الماء !
    اهلييين عمار الليلة الذكرك لينا شنو ؟
    جعان يا جنابو ندي هههههههههههه تعرفي جيت ماري جنب القسم وفجأة اتذكرت فولكم الكارب داك طوالي بركنت العربية ونزلت !
    تمام يعني جابك الفول ! تعال يا نبطشي !
    يا زولة هوي نبطشي ده شنو اوعى تكوني دايرة تسجنيني انتي واخوك اصلو ما مضمونين بتاعين مقالب وحركات هههههههههه
    اسجنك شنو يااخ هههههههه عاوزة النبطشي يجي يسوقك البوفيه بهناك في ضهر القسم طالما اصلك جاي للفول هههههههههه
    هههههه ما قلت ليك والله اخت نادر بالحتة ههههههه
    يا جنابو الحج فيهو منافع اخري ! اها فولكم ده زاتو يمكن تطلع فيه منافع اخري ههههههه
    ده حنكك ههههههه ما مشكلة عشان خاصر نادر اخوي وعشان خاطر العم سام بنقبله منك
    ههههههههههههه ياااخ انتي كارثة هسا العم سام دخلو في فولنا ده شنو ؟
    ههههههههههه انا عارفه المهم كلام والسلام هههههههههه اسمع ما تركز معاي كتير انا مرات بشوت ساي
    هههههههه مرات بس سمح
    يا جنابو محمد في مندوب قال جاي من واحدة من السفارات دي قال عاوز يقابلك !
    سفارات ياتو سفارة وعاوزني في شنو كمان ؟
    والله يا جنابو الزول ده شيء بالانجليزي وشيء بالعربي وانا غايتو ده الفهمتو ههههههه
    هههههه جدا يا حضرة الصول خليهو يدخل !
    السلام اليكم بلغة عربية مكسرة القي الخواجة التحية علي جنابو محمد !
    وعليكم السلام اتفضل اتفضل !
    هقيقة انا مندوب سفارة في اتنين مواطنين تبانا جوا بلغو اندنا انه والد بتاهم مقبوض اندكم هنا في هذا القسم ؟ ونحن نريد ان نارف لماذا هو مقبوض وفي اي شيء ؟!
    اوكي طيب اسمو منو ابو بتاعهم ده ؟
    اسمه السيد جوزيف تادرس !
    لا حول ولا قوة الا بالله ، كمان بقيت تجيب مشاكل عالمية وسفارات يا عم جوزيف الله يدينا خيرك بس !
    ماذا تقول يا السيد الضابط ؟
    لا لا مافي حاجة ! نعم نعم هذا الشخص مقبوض عندنا متهم في جريمة قتل !
    صحيح انا سمعت ذلك لكن اريد ان اعرف تفاصيل اكتر وهل هناك دليل ضده ومتي ستفرجون انهو ؟
    صراحة مع كامل احترامي ليك لكن انا ما بقدر اخوض معك في تفاصيل اكثر واعتقد انكم يمكنكم مخاطبة الخارجية السودانية لتخاطب الداخلية السودانية لتكون الامور رسمية ! مع مراعاة ان السيد جوزيف تادرس مواطن سوداني وبحسب تقديري انتم غير معنيين بمتابعة قضايا المواطنين السودانيين داخل بلدهم !
    يبدو ان حديث مواطنين بتااننا صهيهـ وانكم غير متاونون مااهم وفي هذه الهالة نحن سنصعد هذا الموضوع الي اعلي !
    تشرفنا بزيارتك والمقابلة دي انتهت اتفضل !
    هذا رد فال متوقع منكم لكن ستدفون ثمن هذا !
    شوف يا خواجة هووي انا لحدي الان مطول ليك بالي ! ما تخلينا نطلع من طورنا نتصرف معاك غلط واعلي مافي خيلك اركبو !
    انا مافي خيل انا في سيارة والان سا اذهب الي وزارة خارجية واتقدم بشكوى رسمية !
    خير خير ده من حقك !
    والله يا سعادتك بلاغ كريستينا ده الله ينهيهو علي خير !
    ليه مالكم تاني يا جنابو محمد في حاجة حصلت ؟
    ايوة سيادتو مبارك ، قبيل جاء مندوب من السفارة ودخل معاي في سين وجيم وصراحة وبرغم انهم ما مفروض يجونا مباشرة انا تجاوبت معاهو لكن طريقة كلامه وغطرسته ما عجبتني وقلت ليهو امشي خاطب الخارجية خليها تحاطب الداخلية بصورة رسمية ، بعدين يا سيادتك هم مالهم ومال جوزيف ؟! جوزيف ده مواطن سوداني !
    يا محمد انت قايل الناس ديل زينا هم بمجرد انه اولاد جوزيف شايلين جوزاتهم بعتبروا انه اي حاجة تخصهم او مشكلة تعترض طريقهم من حقهم انهم يتدخلوا ويقدموا المساعدة ، بس انت اتصرفت كويس ونبقي ان شاء الله جاهزين للهواء الجاي من الرئاسة هههههههههههه
    طيب يا سعادتك عندي طلب !
    جداً اتفضل يا محمد !
    والله يا سعادتك انا ما مابي الشغل معاكم او في الاقسام لكن صراحة عندي امنية قديمة حتى من قبل ما اشتغل في البوليس اني اشتغل في المباحث المركزية اربعة سنين في الاقسام كفاية صحيح انا بحب العمل الجنائي لكن برضو المباحث ما بعيدة من الشغل ده بس بطريقة تانية يمكن !
    والله يا محمد انت ضابط مالي قاشو تمام وحافظ لوحك وتستاهل تكون في المباحث المركزية انا ان شاء الله بشوف منو ماسك شعبة النقيب في شئون الضباط وبوصيه عليك قبل ما كشف التنقلات يطلع اكيد هم بعد الترقيات بكونوا شغالين في كشوفات التنقلات والموازنة !
    شكراً سعادتك عارفك ما بتقصر والفيها الخير يسويها ربنا !
    بعدين بتجي العشاء عند جنابو عبدالرحمن عامل كرامة !
    ايوة اكيد سعادتك خصوصاً انا عرفت انه احتمال يسافر في اى وكت اخوهو الفي السعودية رسل ليهو عقد عمل في شركة أمنية هناك.
    ايوة والله العظيم اتكيفت ليهو كيف يستاهل كل خير ، الناس دي قايلة نفسها بتقطع رزق الناس وربنا ما بفتحه عليهم في حتة تانية والا شنو ؟
    هو رزق ساي سعادتك ههههههههههه العقد راتبه اقل شيء عشرين مرة قدر الكان بياخدو جنابو عبدالرحمن في البوليس هههههههههه
    لييه يعني انت استغربت في سؤالي ده يا محمد ووقفت فيهو ؟!
    سميرة عشان اكون واضح معاك اكتر ! انتي ليك زمن ما ياكي سميرة البعرفه ! مالك يا سميرة في شنو بالضبط ؟!
    ابداً مافي حاجة بس انت براك شايف كده !
    سميرة انا حدسي عمره ما بخيب وصراحة كنت مؤجل السؤال ده لوكت تاني لي قدام لكن كلامك بتاع انت خلاص بقيت جاهز يا سعادتك ده ما ريحني !
    محمد زي ما انت واضح وصريح انا برضو زيك بحب الوضوح والصراحة وانت القبل كده قلت انك ما جاهز ولسه مشوارك طويل ده كلامك ما كلامي انا !
    صحيح ده كلامي لكن لييه فجأة كده استدعيتيهو من ذاكرتك ؟!
    ساي بس سؤال جاني فجأة انت حملته اكتر مما يحتمل !
    خير يا زولة مافي عوجة يلا انا استئذن !
    محمد محمد دقيقة اقيف !
    ايوة يا نورة تعالي مالك ؟
    معليش يا محمد انا كنت جاية غرفة سميرة وما كنت عارفاك جوه وصراحة من غير ما اقصد سمعت جزء من كلامكم !
    مافي مشكلة يا نورة ما كنا بنقول في اسرار ولا كلام حب ههههههههههه
    ههههههه عارفه يا محمد وشايفاك مارق زعلان بس حبيت الحقك واقول ليك طول بالك علي سميرة شوية !
    يا نورة انا ما عندي مشكلة مع سميرة وانتي زولة اخت وعارفه تفاصيلنا كلها ! سميرة ليها فترة ما ياها والليلة انا تأكدت من الكلام ده !
    لا لا ما تقيف كتير في كلامه ده مرات الزول بتفلت منه كلمة ما بكون عارف قاله لييه زاتو !
    خير يا نورة لكن اقول ليك كلامي واسمعيهو مني يا نورة وبجي يوم بذكرك ليهو سميرة ما براها !
    كيف يعني ما براها يا محمد ؟!
    المرة الجاية بوريك ما براها كيف !
    محمد عليك الله ما تقلق بي في شنو !
    لا لا ما تقلقي !
    محمد انا مش بقلق علي سميرة بس انا بقلق عليك انت ذاتك يا محمد وصراحة اكتر انا ذاتي طريقة كلام سميرة في الجزء السمعتو ما عجبتني !
    تعرفي يا نورة انتي زولة نقية وصديقة بمعني الكلمة وصدقيني حيكون بينا اكتر من لقاء وبشرح ليك بالضبط انا في رأسي في شنو ! وانا متأكد انك برضك بتكوني لاحظتي حاجات لكن ما عاوزة تقوليها لي ، علي العموم كله لي خير ...
    يلا مع السلامة ..
    مع السلامة يا محمد وخلي بالك من نفسك ..
    حاضر يا نورة ...
    يتبع .........
                  

06-21-2016, 08:23 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة 14
    والله يا جنابو محمد انا مقدر المجهود الانتو بذلتوهو في البلاغ ده وطبعا ما بنسي قائد تيم التحري جنابو عبدالرحمن واهو بعد ما نزل المعاش انت واصلت بنفس المستوي لكن بصراحة قدامي طلبات من اكثر من محامي لشطب البلاغ في مواجهة عمك جوزيف !
    والله يا مولانا انت اهو ليك معانا سنة ونص وبقيت ماشاء الله خبير في العمل الجنائي والبلاغات وبراك عارف كيف مرات وفي بلاغات كتيرة نحن بنكون متأكدين من صحة الاتهام لي زول معين بس بكون بعوزنا الدليل القاطع عشان كده المسألة مسألة وكت بس ، عاوزين وكت زيادة عشان نقدر نقدم الدليل علي ضلوع جوزيف في الجريمة دي ! بعدين ودالحاجة وعبده المساكين ديل مافي محامي بسأل منهم ؟!
    المشكلة انت عارف يا جنابو محمد انه ال 24 ساعة بتاعة الشرطة انتهت بالنسبة لتوقيف عمك جوزيف والتلاتة ايام بتاعة النيابة برضو انتهت والقاضي ادانا اسبوع وتاني اسبوع والقصة دي لسه جارة وما معروف حتنتهي متين بالشكل ده ؟! انا غايتو خلال اسبوع تاني لو ما ظهر جديد حاكون مضطر اتخذ قرار بخصوص البلاغ ده !
    جداً يا مولانا لكن انا شايف في اسواء الحالات خلينا نحولهم كلهم للمحكمة بدل ما يتشطب الاتهام بقرار النيابة !
    اعدك بدراسة الموضوع يا محمد وده بعتمد علي تلخيصكم للبلاغ بشكل يدعم الاتجاه ده.
    اهلا اهلا ندي اتفضلي اتفضلي
    شكرا سعادتو عبدالرحمن ...
    كيف يا ندي واخبارك واخباركم وباقي الشباب ؟
    والله كل تمام سعادتك ، معليش اليوم داك ما قدرت جيت الكرامة كان في مناسبة عند جيرانا !
    والله فقدتك لكن عارفك ما بتقصري !
    وشنو يا سعادتك سمعت من الشباب انك خلاص مسافر !
    لكن نسوي شنو يا ندي براك عارفه انه نحن كنا راضين بالهم واتاريهو الهم ما راضي بينا هههههههه
    و والله اخوك مجبر لا بطل ، واحتمال لو لا انه اخوي الكبير الفي السعودية ضغط علي شديد انا شخصيا ما كنت بحبذ خيار السفر والغربة !
    لي خير سعادتك بإذن الله لي خير وانت زول ما ساهل والله !
    شكراً ليك يا ندي اها وانتي امورك كيف ان شاء الله مرقتي من حالة الاحباط الدخلتي فيها بعد الكشوفات الاخيرة دي ؟
    والله يا سعادتك ما منك مدسة المسألة بقت ما احباط بقدر ماهي واقعية للنظر في الاشياء والمعطيات واتخاذ القرار بناًء علي ذلك ! وانت عارف سيادتك انا لي زمن مترددة في اتخاذ القرار وكمان داخلت عوامل جديدة في الخط بالجد خلتني مرتبكة اكتر وعشان كده انا جيتك الليلة !
    العوامل الجديدة شنو ؟ ياهو حكاية كشوفات الصالح العام دي ؟
    لا لا ابداً دي بقت قديمة سعادتك هههههههه واهو الجماعة ديل من ما جوا شغالين في الناس عربي وافرنجي !
    طيب الجديد شنو الخلاك مرتبكة اكتر ؟
    ههههههه اتقدم لي عريس قالتها وهي تبتسم في حياء محبب ، لا تدري من اين جاها ذلك الشعور لكنها كانت دائماً تجد في جنابو عبدالرحمن صورة الاخ الاكبر الذي يمكن ان تتكي عليه وتستشيره في ادق امور حياتها !
    ماشاء الله يا ندي ، الف مبرووك !
    هههههه الف مبروك شنو يا سعادتك اونت لسه ما عرفت العريس هو منو زاتو ؟!
    هههههههههه انا بثق في اختيارك بعدين مجرد انك جيتي شاورتيني معناها انك موافقة مبدئياً اصلو لو العريس كان مرفوض بالنسبة ليك ما كنتي محتاجة تشاوريني صاح والا ما صاح ؟!
    ههههههههه صاح سيادتك !
    طيب اها العريس منو ؟ انا بعرفه ؟
    السلام عليكم .. مساء النور
    وعليكم السلام يا جنابو .. مساء الخير
    بسأل من المريضة الكانت في 207
    يا محاسن انتي الفي 207 دي طلعت ؟
    ايوة ايوة مش البت الكانت مضروبة رصاص ؟ ايوة مرقت قبيل الصباح جاء مستر طلال كتب ليها خروج !
    قالوا مرقت قبيل الصباح يا جنابو !
    يعني حتى ولا انتي يا نورة ما جيتي كلمتيني انه سميرة طلعوها ؟! وانا امبارح بالمساء معاها ما قالت لي احتمال اطلع بكرة ؟!
    والله يا محمد انا ذاتي ما عارفه اقول ليك شنو ؟! وحكايتك انت وسميرة دي بقت جايطة شديد كده ما عارفه زاتو الحصل شنو ؟! وصراحة انا الليلة كنت مشغولة وصدق لمن مشيت المستشفي لقيته خلاص ماشة علي العربية !
    عربية ؟! عربية منو ؟ عم عبدالسلام اشتري عربية والا شنو ؟
    المهم حصلتها وقلت ليها يا سميرة لييه ما اتصلتي علي من المستشفي في تلفون سيد الدكان كلمتيني انك مارقه ؟ ردت لي بكلام مبهم كده واختصرتني ومشت ؟!
    انتي ما رديتي علي يا نورة عربية منو ؟
    عربية مستر طلال يا محمد !
    خير خير تخيلي انا برضو توقعت كده ! يا زولة ما مشكلة المهم هي طلعت بالسلامة !
    يلا يا نورة مع السلامة ...
    كدي دقيقة يا محمد انت ماشي وين ما ماشي لي سميرة في البيت ؟
    انا ماشي البيت انوم بدري شاعر اني مرهق جداً جداً يا نورة !
    محمد عليك الله ما تبوظي لي اعصابي وتقلق بي مالك يا محمد ؟
    مافي حاجة يا نورة لكن مرات كده بتحس انه الحاجات كلها بقت بتتداعي وانه كل المسائل ماشه عكسك ، عشان كده احسن حاجة ترمي الكلام ده كله وراء ضهرك وتمشي تنوم الزول في لحظات زي دي بكون تفكيره مشوش !
    خير يا محمد بس عليك الله اوعدني انك قبل ما تتخذ اي موقف او قرار ارجع لي !
    حاضر يا نورة !
    ممتاز يا محمد تلخيص ممتاز للبلاغ النحس ده بس بعد كده فرغ التلخيص ده في اورنيك 10 وسلمو بالسيركي لمولانا وكيل النيابة وانا برضو حااتكلم معاهو علي اساس انه البلاغ يتحول للمحكمة في مواجهة المتهمين التلاتة وبعد داك المحكمة هي تقرر !
    جداً سيادتو مبارك بكرة الصباح بالكتير البلاغ بكون في طربيزة مولانا ، اها سعادتك ما شميت ليك خبر بخصوص كشف التنقلات ؟
    والله سامع تحت تحت كده انه الكشف احتمال كبير يطلع الخميس آخر اليوم !
    انا غايتو لو عرفت سر غرام ناس البوليس مع كشوفات الخميس دي شنو كان ارتحت هههههه
    هههههههههههه تخيل تلقاها اول مرة جات صدفة بعد داك بقت زي عادة متبعة ، المهم الخميس الجمعة غيره ان شاء الله ربنا يحقق امنيتك وتمشي المباحث المركزية انا متأكد انك حتبدع زيادة هناك !
    طبعا انت يا سعادتك بتعرف نادر اخوي ؟
    ايوة ايوة لاقيتو معاك كم مرة وبالمناسبة هو لسه في الوكالة ؟
    ايوة ايوة !
    طيب خلاص حقو اقطع منو التذاكر !
    ايوة ليه لا سعادتك واخليهو يعمل ليك تخفيض كمان !
    ما بتقصري يا ندي ، اها قلت لي العريس منو ؟
    العريس يا سعادتك واحد صاحب نادر ! هم اصحاب وقروا المدارس سوا لحدي ما امتحنوا الشهادة نادر دخل الجامعة وهو سافر امريكا !
    امريكا عديل الزول ده زول مغامر وطموح الظاهر عليهو الزمن داك مافي زول بفكر يمشي امريكا !
    فعلا سعادتك هو زول طموح وعصامي ومكافح واجتهد هناك لحدي ما بقي موظف في بنك هناك !
    طيب يا ندي دي كلها حاجات ايجابية جداً ومعرفة نادر اخوك بيهو برضو نقطة قوية في صالحه لكن بس في حاجة واحدة انا عاوزك تتأكدي منها !
    اللي هي شنو سعادتك ؟
    نظرتك للموضوع ده وعشان نكون صريحين مع بعض لانه المسائل الزي دي اهم شيء فيها الوضوح هل نظرتك ليهو باعتباره طوق نجاة وسبيل للمخارجة من البلد دي والسفر لي امريكا بلد الفرص والنجاح ؟
    تعرف يا سعادتك ما ده المجنن بوبي زاتو ههههههههه عشان كده انا جيتك ! الولد اسمو عمار وحقيقة هو زول لطيف ومهذب ويجبرك علي احترامه وممكن تقول انا ما عندي شيء ضده لكن في نفس الوكت ما بقدر اقول انه عندي مشاعر قوية اتجاه عشان كده انا مجهجة وخايفة اتخذ قرار اجي اندم عليهو في يوم من الايام !
    طيب نادر اخوك وناس بيتكم وصاحباتك رأيهم شنو ؟
    نادر فرحان جداً لانه عمار صديق عمره وناس بيتنا رأيهم من رأي نادر ، اما صاحباتي فكل همهم اني حا امشي امريكا ههههههههههه والدايرة تجيني زيارة والدايرة اقدم ليها اللوتري من هناك ههههههههه
    تعرفي يا ندي من المهم تكون في ارضية تفاهم مشتركة بين الازواج طبعا قطع شك وجود مشاعر كافية ضروري جداً برضو لنجاح الزواج وانا شخصياً ما بقدر اقدم ليك رأي جازم وقاطع بقبول او رفض الشاب ده المسألة دي دايرة منك تفكيري عميق ومالو برضو استخيري عسي ربنا يهديك للقرار الصحيح بس زي ما قلت ليك حاجة واحدة انا ضدها انك تعتبري الزواج ده معبر للمخارجة من البلد دي ، اعزلي عمار من فكرة كونه جاي من امريكا وشوفي انتي كنتي ممكن تقبلي بيهو والا لا.
    وووين انتي يا زولة كم يوم ما لاقيتك ؟
    اهليين محمد كيفك واخبارك ؟
    تمام والله يا ندي الحمد لله اخيراً بلاغ كريستينا اتحول المحكمة والواحد شوية اتفكفك !
    تمام شديد والله وعمك جوزيف وضعه شنو ؟
    جوه الجك وكيل النيابة اقتنع بتحويله للمحكمة ضمن المتهمين ورفض طلبات المحامين لشطب الاتهام في مواجهته في مرحلة التحري والنيابة !
    لكن يا محمد انت ما شايف انه الادلة ضد جوزيف ضعيفة ؟
    تعرفي يا ندي اخطر مافي الادلة ضد جوزيف انها قائمة بنسبة 100% علي اقوال شركاء في الجريمة ورغم انه اقولهم سجلت كااعترفات قضائية لكن علمتنا المحاكم انه في الغالب المتهمين بعدين بجو ينطو من اعترافاتهم دي ويرجعوا عنها !
    ولا يهمك يا سعادتك انتو عملتو العليكم والباقي علي ربنا ، تعرف مرة يا محمد في فيلم امريكي محامي المجني عليه قال للقاضي (هنا مافي عدالة) القاضي قال ليهو (نعم هنا في قانون ، العدالة في السماء)
    يابت لا هههههه شايفك ثقافتك الامريكاني بقت عالية جداً ده من سيادتو عمار والا شنو ههههههه ؟
    سيادتو عمار شنو ههههههههههه اقول ليك فيلم تقول لي سيادتو عمار ؟! ثم ثانياً هو ما سيادتو ولا حاجة ههههههههه هو زول ملكي !
    طيب مالو قبل كده كنا شغالين فض شغب في جامعة الخرطوم وبتذكر يومه في طالب كتلوهو اها نحن واقفين مع المقدم قائد القوة من الناس المترقين من الصف فجأة عمل لينا انتباه وحي ليهو زول لابس ملكي تحية عسكرية كاربة ، بعد الزول مشي سألناهو سيادتو ده منو لواء فريق ده منو سعادتك ؟ قال لينا ده مدير جامعة الخرطوم ههههه قلنا ليهو كيف يا سعادتك تعمل لينا انتباه وتحي زول ملكي هههه قال لينا لو في زول واحد مفروض يحيوهو بكون هو مدير جامعة الخرطوم هههههههه يا عساكر يا وهم هههههههههه
    ههههههههههه والله يا محمد يا حليلك ضحكتني بالجد ياااخ لي زمن ونستك الضاربة دي هههههههه
    ههههههههه والله ياندي تخيلي انا ذاتي مشتاق لي ونستك الكلها خستكة دي
    هههههه يعني مشتاق لي ونستي ما مشتاق لي هههههه ما مشكلة يا سعادتك
    هههههههه تعرفي يا ندي بالجد كده مرات الحياة دي لمن تقوم تقبل عليك وتديك ضهره فتش لي اصحابك القدام اقعد معاهم اضحك وفرفش اكيد حتنسي همومك !
    ده كلام شنو يا محمد الموت ده حق وما معناها انه الحياة ادتك ضهره وانت لازم تتجاوز محطة انه الوالدة الله يرحمه مشت وتاني ما بتجي !
    ابدا يا ندي انا ما بتكلم عن موت امي الله يرحمه دي ما حقيقة انا خلاص قدرت بمساعدة ربنا انه اتعايش معاها واصبر عليها !
    طيب في شنو يا محمد ؟ ياااخ انا ما زولة فردتك كلمني في شنو ؟ ادوك شاكوش والا شنو هههههههه
    ههههههه شاكوش شنو هووي يا ملازم هووي انتي كيف تقولي لي نقيب تلاتة دبابير ادوك شاكوش ! انتي ما سمعتي الاغنية الجنزير في النجوم زي الهيكل المنظوم ما بخاف في المحاصة زموم ههههههههه
    والله يا حلاة الشاكوش في النقيب عشان كل دبورة تطيري في حتة هههههههه بعدين من متين كمان بقيت بتاع اغاني خايفه بكرة القاك بتدندن لي هاشم ميرغني هههههههههه
    ههههههههه مجنونة انتي يااااخ
    يتبع .............
                  

06-21-2016, 08:25 AM

omer osman
<aomer osman
تاريخ التسجيل: 06-09-2007
مجموع المشاركات: 15218

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    من قتل كريستينا – الحلقة 15 و الأخيرة –
    اهلا اهلا محمد اتفضل
    ازيك يا سميرة وحمداً لله علي سلامتك مرة تانية
    الله يسلمك يا محمد ، كيفك واخبارك اتوقعتك تجي من أول يوم انا طلعت من المستشفي ؟!
    شوية جري ومشغوليات يا سميرة !
    تعرف يا محمد انت مشكلتك ما بتعرف تكضب مشغوليات شنو وجري شنو البمنعك تجي تشوفني ؟!
    انتي عارفه انه بعد جنابو عبدالرحمن نزل المعاش بقيت انا ماسك فرع الجنايات في القسم بالاضافة لي بلاغ كريستينا وبلاغات تانية كتيرة !
    عارفه عارفه لكن ده كله ما بمنعك تجي ، يااخ حتى ابوي سألني منك تخيل ههههههههه والا انت لسه زعلان من نقاشنا الاخير في المستشفي ؟!
    مافي نقاش بزعل يا سميرة ! البزعل عدم الوضوح نحن اتعودنا دايماً نكون واضحين مع بعض لكن انتي ليك فترة بقيتي غامضة بالنسبة لي ، ثم ما دام السيرة دي انفتحت سميرة انتي ما كلفتي نفسك توريني انك طالعة بكرة من المستشفي وانا اليوم القبلها معاك المساء في المستشفي !
    والله يا محمد انا ذاتي ما عارفه لييه ما كلمتك يمكن نسيت !
    نسيتي ؟! سميرة واضح انه نحن كل يوم بنبعد عن بعض اكتر علي العموم ... وقبل ان يكمل جملته سمعا صوت شخص يصفق بيده ويقول السلام عليكم ...
    ردت سميرة سريعاً اتفضل اتفضل يا دكتور !
    دكتور طلال او مستر طلال بالاصح ، جنابو محمد
    اهلا اهلا يا مستر اتلاقينا بعد العملية ...
    مرحب بس صراحة ما اتذكرتك ..
    كيف حال مريضتنا الليلة عملتي التمارين زي ما اتفقنا ؟
    ايوة ايوة لكن بجد تعبت شديد والله.
    وجنابو الليلة جاي شغل رسمي والا زيارة خاصة ؟ والحصل شنو في بلاغ سميرة لسه مقيد ضد مجهول كالعادة والا الشرطة المرة دي طلعت من طوره وقبضت متهمين ؟ بلد غريبة وعجيبة في اوروبا مستحيل يحصل كلام زي ده !
    سميرة انا ماشي عندي كم مشوار كده !
    ما تكون تضايقت من كلامي ده يا جنابو نحن بحكم عشرتنا مع الخواجات ديل بقين بنحب الشفافية ونخت النقاط فوق الحروف طوالي !
    الشفافية والوضوح ما محتاجة مننا عشرة مع الخواجات الحمد لله تربينا بيهم في بيوت السكة حديد ورضعناهم من امهاتنا ، بس الكلام بصيغة التهكم والاستعلاء ما بستحق الزول يرد عليه ! سلام عليكم ،،
    محمد محمد طيب دقائق اشرب العصير ..
    شكراً سميرة مرة تاني كان ربنا هون !
    نورة انا خلاص قررت احسم اموري مع سميرة ولاني وعدتك قبل كده انه ما اتخذ قرار قبل ما ارجع ليك قلت اجي اكلمك !
    لييه يا محمد في شنو حصل جديد عمري ما شفتك زعلان زي زعلت الليلة دي ؟
    طبعا سمعت كلامك وضغطت علي نفسي ومشيت لي سميرة في البيت اول حاجة استقبال بارد وفاتر وتم الناقصة جاء مستر طلال هناك وحصل بينا مخاشنة خفيفة كده !
    لا حولا يا محمد وسميرة كان موقفه شنو ؟
    سميرة ههههههه قالت لي اقعد دقائق اشرب العصير !
    محمد والله انت ما عارف انا بعزك وكيف وانا ح اقول ليك كلام برغم انه سميرة فردتي وعشرة عمر بينا لكن انت برضو ما بستاهل البحصل ده وفي حقائق لازم تعرفه !
    حقائق حقائق شنو يا نورة ؟
    محكمة هكذا صرخ حاجب المحكمة باعلي صوته معلنا دخول مولانا القاضي الي قاعة المحكمة ..
    وقف الجميع وهناك داخل القفص وقف ود الحاجة وعبده وهما يرتجفان ويتشبثان بسياج القفص علي عكس جوزيف الذي نهض متثاقلاً ونظرة تهكم ترتسم علي وجه ،،
    اتفضلوا اتفضلوا هكذا قال القاضي ..
    جلس الجميع وتحرك محمد ليقف في المكان المخصص للمتحري لتقديم وعرض قضيته امام المحكمة ، كان هناك خمسة محامين حاضرين عن المتهم جوزيف تادرس بينما لم يحضر عن عبده وودالحاجة الا محامي الحكومة وهو في العادة مستشار من وزارة العدل يكلف وفقاً لقانون الاجراءات الجنائية اذا لم يكن للمتهم محامي والجريمة خطيرة ، حتى انه حضر متأخراً وقدم عذر رأي القاضي انه غير مقنع وكاد ان يرفض حضوره لولا انه رأي تعلق عيني عبده وود الحاجة بالمستشار بحثاً عن طوق نجاة لهما.
    سرد محمد وقائع البلاغ منذ لحظة حضور المبلغ حتى لحظة مثولهم الان امام المحكمة وكانت الملازم ندي من بين الحضور فهي المرة الأولي التي تشهد تقديم بلاغ قتل امام المحكمة ، كانت تركز عيونها علي محمد وهو يتلو اجراءاته التي قام بها بكل ثقة ويرد علي اسئلة المحامين والقاضي بكل حصافة وذكاء وبرغم الاجواء الصارمة في داخل القاعة الا ان ندي سرحت بخيالها وهي تسمع في البعيد وردي يردد حققنا احلامنا وكل عاشق عقباله وانها ومحمد يتهاديان داخل قاعة المحكمة وهو يسمك بيدها وهي ترفل في ثوب الزفاف الابيض لم تفيق الا عندما نده الحاجب للمرة الثانية بذات الصوت الاجش قائلاً محكمة
    ماشاء الله يا محمد قدمت عرض موبالغة اللية !
    عليك الله يا ندي بالجد كده ؟
    ايوة والله تخيل حتى واحد من محامين عمك جوزيف سمعته بتكلم مع باقي الجماعة قال ليهم والله يا جماعة الود ده شغله نضيف !
    ههههه هههههههه الله يطمنك ويطمنو ! طيب بالمناسبة دي انا عازمك غداء الليلة رأيك شنو ؟
    رأي والله يا محمد !
    مالك اترددتي كده اذا عندك ارتباط تاني اوكي مافي مشكلة نخليها بكرة !
    هو ما ارتباط بس نادر اخوي قال لي انا جاي غاشيك وماشين نتغدي بره !
    هههههه نادر براهو والا معاهو سيادتو عمار ؟
    ما عارفه احتمال يكون جاي معاهو ! طيب اسمعني انت ذاتك ما تمشي معانا !
    لا لا شكراً يا ندي خليها مرة تانية !
    تمنت ندي في تلك اللحظة ان يكون الرائد عبدالرحمن موجود لتذهب اليه املاً في ان يساعدها في الخروج من حالة الارتباك هذه فهي قبل دقائق كانت تلتصق بذراع محمد في قاعة المحكمة وتصدح من خلفهم الموسيقي او هكذا خيل لها والان هي لا تريد ان تفوت فرصة الغداء مع عمار !
    السلام عليكم سيادتو مبارك
    وعليكم السلام جنابو محمد ، مبروك قالوا لي كنت ممتاز في الجلسة قبيل !
    ايوة الحمد لله ربنا وفقني واهو الجلسة الأولي خلصت بسلام لكن سعادتك بلاغات القتل دي في العادة بتاخد وكت طويل وجلسات كتيرة مرات تمشي لي سنة اها اذا انا اتنقلت البحصل شنو ؟
    لا عادي طالما انت قدمت القضية فمهمتك الاساسية انتهت لكن المحكمة في اي لحظة اذا رأت ضرورة حضورك برسلوا ليك اعلان وطلب حضور حسب عنوان وحدتك الجديدة ، وعلي العموم بكرة الخميس ما بعيد ربك يهون !
    اهلا نادر اتفضل ، وين صاحبك
    والله عمار ده كان قبيل معاي الصباح في الوكالة واكدت ليهو علي حكاية الغداء دي وقال بجي لكن قدر ما انتظرته ما ظهر ما عارفو مالو ؟!
    يا زول تمام خلاص نأجل الغداء لي بكرة والا رأيك شنو ؟
    يا بت بكرة شنو امي وابوي في العمرة واختك السجمانة ديك قبيل بتكون طلبت ديلفري ضربتو ورقدت نامت اخير نمشي نتغدي في المطعم بتاع شارع المطار داك ونتخارج البيت !
    هههههههه تمام يا معلم عارفاك العضة دي ما بتعلب فيها اصلك ، يلا بينا
    ديك مش عربية عمار يا نادر والا بتشبه ساي ؟
    وينه ؟
    المرسيدس البيضاء الواقفة جنب الكافيه داك ؟
    والله يا ندي احتمال لكن المرسيدسات البيضاء كتيرة في البلد دي !
    لا لا انا متأكدة انها هي لانه من الصدف الغريبة انه نمرته من رقمين بس و زي رقم دفعتنا ههههههه!
    احتمال احتمال ، مرات عندوا اصحابه من ناس امريكا ديل بتلاقو في الكافيه ده
    تعرف يا محمد انا زي ما قلت ليك ترددت كتير اني اقول ليك الكلام ده لكن بالجد واجعني شديد انك تكون ما عارف الحاصل بالضبط شنو !
    في شنو يا نورة ان شاء الله خير ؟!
    بصراحة يا محمد سميرة مسافرة لندن !
    لندن ، سميرة ! ده كلام شنو يا نورة ؟!
    والله يا محمد زي ما بقول ليك ، انا صراحة ضغطت علي سميرة وواجهتها وقلت ليها يا سميرة انتي في حاجة داساها مني حاولت تنكر وقعد تتزاوغ مني لكن في النهاية قالت لي انه طلال اقنعه بانها لازم تسافر لندن وهناك ممكن تحضر دراسات عليا و تمارس نشاطه السياسي المعارض بحرية شديدة بدون خوف من اعتقالات او اغتيالات !
    ده كلام شنو يا نورة ؟! وعم عبدالسلام رأيه شنو في الكلام ده ؟!
    سألتها نفس سؤالك ده وقالت لي انه طلال اتكلم معاهو واقنعه ، واضح انه تنازل طلال عن قروش العملية اثر شديد في عم عبدالسلام وانت عارف انه بحب بته سميرة دي كيف عشان كده بكون رضخ لكلام طلال ويمكن برضو فعلا يكون خايف علي حياة بته !
    طيب يا نورة سؤال مباشر ، طبيعة العلاقة شنو بين طلال وسميرة ؟
    والله يا محمد انا برضو سألتها السؤال ده وهي ما جاوبت وقعدت تلف وتدور لكن انا بقول ليك بصراحة اقل شيء في اعجاب متبادل بينهم ! بعدين بالمناسبة انا برضو سألتها قلت ليها اها محمد موقفه شنو وموضوعك معاهو الحيحصل فيهو شنو ؟ قالت لي محمد نهي الموضوع زمان وقال هو ما جاهز ! طيب وودعمك الجاهز وقال عاوزك قالت لي لا ده موضوع ما بفكر فيهو خالص !
    يعني باختصار يا نورة نقدر نقول انه سميرة قررت انها ترمي اي حاجة وراء ضهره وتسافر ! انا صحيح قلت ليها انا ما جاهز وسامع انه ودعمك جاهز وعاوزك لكن قلت ليها الكلام ده من باب الشهامة وانه انا ممكن اضحي لو هي ما عاوزة تنتظر لكن اذا هي اساساً ما عاوزة تعرس هسا المانع شنو كان تنتظرني ؟!
    والله يا محمد ما عارفه اقول ليك شنو ؟ بعدين اهم شيء يا محمد انا عاوزاك تفهمني صاح انا ما عاوزة اخرب بينك وبين سميرة لكن بالجد ما قدرت اشوفك وانت مغيب عن الحاصل ده كله !
    فاهمك فاهمك والله يانورة وانا قبل كده قلت ليك انتي زولة نقية وقلبك ابيض !
    ياها عربية عمار يا نادر مش قلت ليك ، سايقه هو زاتو وفي زولة راكبة معاهو شكلهم يادوب طلعوا من الكافيه !
    ايوة ياهو صاح دي بتكون واحدة من اخواته !
    الغريبة المرة الفاتت هو قال لي انه ما عندوا اخوات ؟!
    لا لا ياااخ بكون بكون عنده اخوات ، اسمعيني ناس ابوي بجوا متين عاوز لي حاجات من السعودية ؟
    ناس ابوي حجزت ليهم انا والا انت ؟
    امك الديش كرب يا زولة مالك دايرة تركبي لي وش العساكر وقطامتهم ههههههههه طيب عليك الله رأيك في العضة دي شنو ما فنانة بالله ؟
    يعني ما بطالة !
    والله يا محمد ما كنت عاوز ليك النقلية دي ويشهد الله انا كلمت رئيس شعبة النقيب في الشئون الادارية ووصيته عليك لكن اهو ده الحصل !
    والله يا سيادتو مبارك انا ما عندي مانع اشتغل في اي حتة في البوليس ده كشف التنقلات ده ما تعليمات بننفذه لكن ناس البوليس الفيهم اتعرفت ههههههههههه
    شوف يا محمد انا عندي قناعة انه الزول الكارب ده والضابط النمر ده محل ما يدوهو بشتغل وشد حيلك محلك الماشي ليهو ده طبيعة شغل مختلفة بس انا متأكد انك بتخش في المود بسرعة.
    بإذن الله سعادتك وان شاء الله ما بنقطع منكم.
    سميرة انا طبعاً ما جاي عشان اقنعك بعدم السفر او كده انا في المقام الاول جاي اودعك لكن في النهاية زولة عزيزة علي جداً وما بنسي افضالك علي ايام الجامعة ، صحي ممكن يكون عندي رأي في قرارك ده لكن انا برضو زول ديمقراطي وما عاوز اتدخل في خياراتك !
    رأي في شنو يا محمد ؟ انت برضو من انصار مدرسة انه نحن نقعد ونستسلم للناس ديل يحكمونا لي يوم القيامة او يسلموها عيسي زي ما قالوا ؟!
    لا لا ابداً انا ما قلت كده وبرغم انه انا واجبي المهني بمنعني من تكوين رأي سياسي لكن انا عارف انه الاوضاع دي ما مقبولة ولابد من الديمقراطية وسيادة حكم القانون عشان الحاجات تمشي صاح ، لكن تجارب العمل المعارض الخارجي عمرها ما نفعت ولا قدمت حلول لمشاكل السودان والناس جربت الكلام ده مع شموليات سابقة !
    بس لكن يا محمد الشموليات ديك كانت غير وكانت في مساحة معقولة للحركة والمعارضة السلمية والاوضاع الان مختلفة الناس ديل بصراحة قالوا ما بسمعوا الا للزول الشايل سلاح !
    السلاح ده يا سميرة موجه لي منو ؟ السلاح ده موجه لضباط وعساكر مغلوبين علي امرهم والساسة قاعدين في نعيم السلطة !
    طيب وما برضو السادة الضباط والعساكر ديل موجهين سلاحهم لمواطنين عزل ...
    يا سميرة معليش للمقاطعة لكن ده جدل طويل وبدخلنا في تقاطعات كتيرة وهل الضباط والعساكر ديل بحموا الدولة والوطن والا بحموا النظام ، والواضح انك وصلتي لقناعات نهائية في الموضوع ده والفيها الخير يسويها ربنا.
    يلا مع السلامة وان شاء الله نسمع عنك كل خير !
    الله يسلمك يا محمد وانا ما عاوزاك تزعل مني يا محمد ، انا يمكن اكون اتغيرت لكن اوجد لي العذر الحصل علي ده يا محمد ما شوية ومنظر البت المطعونة بسكين في نص الجامعة ما عاوز يفارق عيني.
    يلا يا محمد لا اله الا الله
    محمداً رسول الله يا سميرة ......
    محكمة صاح الحاجب ذو الصوت الاجش
    وقف الجميع ثم ما لبث القاضي ان دخل وطلب منهم التفضل بالجلوس
    وبدا القاضي في تلاوة قرار المحكمة في قضية حكومة السودان ضد جوزيف تادرس وأخرين قائلاً قبل النطق بالحكم لابد للمحكمة من الاشادة بمجهودات الشرطة والنيابة في البلاغ ولا سيما الضابطين عبدالرحمن ومحمد علي ما بذلوهو من مجهود كبير في هذا البلاغ ثم اسهب القاضي في ذكر حيثيات القضية وظروفها وملابساتها والحيثيات التي بنت عليها المحكمة قرارها ورأيها القاضي باعتبار اقوال المتهمين عبده وودالحاجة في مواجهة بعضهم البعض او في مواجهتهم مجتمعين مع المتهم جوزيف من قبيل اقوال الشركاء التي يجب ان تؤخذ بحذر وانه يجب تعضيدها ببينات اخري غير انه لم تتوفر في القضية اي بينات اخري يعول عليها حيث ان المحكمة رأت في رجوع المتهمين عبده وودالحاجة عن اعترافاتهم القضائية شبهة وان الشبهة تعني الشك والشك يجب ان يفسر لصالح المتهم وفي غياب التعضيد يجب علي المحكمة شطب التهمة في مواجهة المتهمين الثلاثة حيث ان الاحكام القضائية تبني علي الجزم واليقين لا علي الظن والتخمين.
    كانت ندي في احدي المستشفيات الامريكية تتصفح الانترنت من هاتفها وهي تتنظر حدثاً سعيداً ربما بعد ساعات ، وفي ثلاثة مستشفيات اخري في بلدان اخري كانت هناك احداث تدور فسميرة في لندن ايضا تنتظر حدثاً سعيداً وكذا نورة في السودان هل هي مصادفة ام انها تصاريف القدر اما المستشفي الرابع فقد كان يشهد محاولة انعاش قلب رجل ستيني سقط فجأة وهو يحتفي مع اصدقائه بعودة مزرعته اليه
    بينما ندي تقلب صفحات الانترنت شد انتباهها بوست بموقع سودانيزاونلاين حمل عنوان بيان من الناطق الرسمي باسم قوات الشرطة ، واختارت سميرة ان تفتح بوست بعنوان قواتنا تحرز نصراً كبيراً علي القوات الحكومية .........
    اربعات صرخات مدوية ارتجت لها جنبات المستشفيات الاربعة اطلقتها ندي عندما وصلت الي السطر الذي يقول وقد احتسبت قوات الشرطة في تلك الحادثة الشهيد النقيب محمد حسن محمد خير التابع لقوات الاحتياطي المركزي وخمسة من افراد السرية المرابطة بالموقع ، نفس الصرخة اطلقتها سميرة عندما وصلت الي الفقرة في بيان الحركة المسلحة التي تقول وتم قتل ضابط برتبة النقيب وخمسة من افراده علماً بان الضابط الهالك يدعي محمد حسن محمد خير ،،،،،،، نورة ومع الصرخة الاولي لطفلها قالت وهي تبكي سموهو باسم الشهيد سموهو محمد محمد حسن محمد خير ،،،، اما طفل ندي فقد حمل اسم محمد عمار مصطفي حسن وكان هناك محمد اخر في تلك الليلة حمل اسم محمد طلال عبدالله ابوالقاسم وفي خانة الام كان الاسم سميرة عبدالسلام وفي المستشفي الاخر رفع الطبيب ساعته ونظر اليها قائلاً للمرضة سجلي زمن الوفاة الساعة 8.45 م اسم المريض جوزيف تادرس سبب الوفاة ذبحة قلبية.
    ************* النهاية *****************
                  

06-21-2016, 02:50 PM

AL-Qassim
<aAL-Qassim
تاريخ التسجيل: 02-18-2015
مجموع المشاركات: 361

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: من قتل كريستينا ؟! (Re: omer osman)

    Quote: والدايرة تجيني زيارة والدايرة اقدم ليها اللوتري

    الزمن داك كان في لوتري ...؟؟؟
    بعدين الفلم ده اخرو بقى هندي عديل كده !!!
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de