قبل سنتين وشويه قررت انو قطعة الواطا بدل ما هي قاعدة ساي ازرع حوالينها شجر لحدي ما الواحد يبنيها او يشوف ليهو أي شوفة تانية، وفي كل الاحوال الزراعة حولها بزيد قيمتها لو جيت أبيعها وحا يختصر زمن الزراعة لو جيت اسكنها (الكلام ده في نظري بيصلح لكل المغتربية الما ناويين يبنو قريب او ناويين يبنو قريب او حتى باديين بناء - ليه الواحد ما يبدأ يزرع ويكسب الزمن بدل ما يستنى لحدي ما يخلص بناء؟ - طبعا عشان تزرع حوالين الارض لازم يكون في زول يرعى الزراعة (غفير مثلاً) - بعد دراسة الخيارات قررت أسورها وأعمل دكان والزول البأجر يلتزم قبل دفع الايجار بسقي الشجر حوالين الأرض. شرعنا طوالي في المهمة في اقرب نزلة للسودان والامور مشت تمام (المحل اتأجر قبل ما يتم ذاتو) والموية والكهرباء اتوصلن خلال تلاتة اسابيع - لحدي ما جينا مرحلة الأبواب وكانت الزعلة والحردة سبب المشروع الاحنا بصدده
06-03-2016, 09:15 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
السور والدكان قررت ابنيهم طوب أحمر لكن باعتبار انو بناء حا تتم ازالتو في السنوات الجاية لو ربنا احيانا - الحاجة الوحدية القررت أعملها باعتبار انها تكون صالحه لكل الاوقات هي بوابة الشارع - قررت اعملها بمزاج عشان ما احتاج اغيرها لقدام - وكان عندي خيارين: يا ام اشتري واحد جاهز يا اصمم بمزاجي واخلي الحداد ينفذه اخترت الخيار الثاني بمجرد ما شفت الابواب الموجودة في السوق - لكن كانت في مشكلة انو الاجازة خلصت ولازم اسافروأسلم الحداد التصميم مطبوع على الورق واشرحه ليهو وما عليه الا يطبق المرسوم حسب المقاسات (لاحقا اتضح لي انو انا بالغت جدا في مسألة انو الحداد يفهم من الورق) - اتضح انو ما فهم بطريقتو الخاصة جدا - المهم وبدون تطويل الحداد بعد خلص الباب - قسما بالله بعد أكتر من شهر بعد ما استلم جميع المواد! - الباب طلع حاجة كدة عجيبة - كوم من الحديد الخردة ملحم مع بعض بدون أي معنى وبدون هدف
06-03-2016, 09:48 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: الباب طلع حاجة كدة عجيبة - كوم من الحديد الخردة ملحم مع بعض بدون أي معنى وبدون هدف
خلال نفس الايام دي وانا راجع على البيت لمحت باب جميل جدا بركبو فيهو في فيلا جديدة في حينا - طوالي وقفت على جمب وأخد تلفون الجهة الصنعت الباب - حقيقي فكرت اشتري زيو وأرحله السودان شدة ما عجبني!
صورة لتصميم مشابه للباب
06-03-2016, 11:07 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
الفكرة بعد دراسة مستفيضة تحولت الى: ليه ما اعمل زيو في السودان وانتقل الموضوع الى كيف ولماذا ومتى حتى صار هذه الايام الى etganonline.com الموقع مربوط بصفحتنا في الفيسبوك مؤقتا - ريثما يتم الانتهاء من الموقع الرسمي !like and share ,,,,,please
(عدل بواسطة أيمن محمود on 06-03-2016, 11:08 PM) (عدل بواسطة أيمن محمود on 06-03-2016, 11:12 PM) (عدل بواسطة أيمن محمود on 06-03-2016, 11:13 PM)
06-04-2016, 08:24 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
الآن نبحث عن مصمم - خريج فنون جميلة او غير ذلك من أجل التعاون معنا في عمل تصاميم نابعة من الثقافة السودانية والتراث المحلي لمناطق السودان المختلفة - عن ان يكون يجيد استخدام برامج الاليستريتور او الفوتوشوب - للراغبين في التعاون ارسال عينة من الاعمال على الايميل ayman123(at) outlook(dot) com
06-04-2016, 01:49 PM
Salah Habib
Salah Habib
تاريخ التسجيل: 02-11-2013
مجموع المشاركات: 451
تحية طيبة الاخ ايمن دى ابواب يتم حفرها بالليزراو البلازما جميلة جدا يبدو انها غير موجودة بالسودان وهى مشروع جميل وواعد طبعا فى البداية حتستفيد اذا نفذته لكن السودانيين كما تعلم مقلدين بكرة تلقى 20 واحد عاملين زيه الماكينة موجودة على اليوتيوب فى منها صينية والمانية ويابانية والاسعار تتفاوت مرفق الرابط https://youtu.be/KfoWnMspPW8https://youtu.be/KfoWnMspPW8https://youtu.be/KfoWnMspPW8https://youtu.be/KfoWnMspPW8
حكاية فهم الاسطوات السودانيين من الورق أو بالتلفون دي مجربة وحقيقة صعبة جداً حتى لو وصفت ليهو طول .. عرض ... ارتفاع ... مافي فايدة
حقيقة الأبواب الليزر جميلة للغاية وهنا لا بد من اختيار السماكات بالنسبة لألواح الحديد الخام المطلوب شغله .. لو بتشتغل الليزر في السعودية عندي ليك مصنع أسعاره هي الأقل
أنا سبقتك في حكاية التفصيل بالليزر دي وظبطت منه حوالي عشرة أبواب ورحلتها
لك التحية
أحمد الشايقي
06-04-2016, 09:50 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: الآن نبحث عن مصمم - خريج فنون جميلة او غير ذلك من أجل التعاون معنا في عمل تصاميم نابعة من الثقافة السودانية والتراث المحلي لمناطق السودان المختلفة - عن ان يكون يجيد استخدام برامج الاليستريتور او الفوتوشوب - للراغبين في التعاون ارسال عينة من الاعمال على الايميل ayman123(at) outlook(dot) com
غايتو أن خريج فنون وتخصصي خط وزخرفة ...لكن ما حريف في الفتو شوب والاستريتور لكن بحاول اجدع ليك في بوستك دا تصميمات عبارة عن اسكتشات يدوية علي الطاير كدا لها علاقة بالتراث السوداني إذا أذن الله.
06-05-2016, 06:00 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
منتصر سلامات ،،، وبما انك زميل وكده اقول ليك كلام عشان تعرف انو كيف ممكن نستفيد منك
الزول البجيب الشغل جاهز في فايل امتدادوdwg بكون ريحنا خالص خالص واختصر وقت كتير ،،، اما لو الشغل جاء عبر فايل dxf فيمكن تحويل ل dwg بسهولة
أما ملفات: jpg, bmp, gif, tiff, png ممكن تحويلها والاستفادة منها لو كانت بوضوحية عالية - وهنا المفتاح الممكن نفتح بيهو الطريق للاستفادة من تصاميمك،،، تحويل شغلك على الورق عبر الاسكانر الى اي من انواع ملفات الصور السابقة ومن ثم تحويلها ل dxf - بالمناسبة - لو وقع ليك تماما انا بتكلم في شنو واجتهدت معانا وظبت الشغل الحاجة دي ممكن تفتح باب شغل بوريك تفاصيله لاحقا.
باختصار عشان منتصر والناس التانية احنا بنتكلم عن تصاميم في الاطار ده (تسمى stencils او vectors) على اساس ان الاشكال الناتجة عن قص او تفريق السطح (قماش، خشب، حديد، بلاستيك) تكون ذات معاني او اشكال مقصودة في حد ذاتها.
لاحظ في الشكل اعلاه لو افترضنا انو الابيض هو سطح ذو سماكة - قول ورقة - فلو فرغنا الاجزاء بالاسوء ينتج عن القص شكل اناناسة
في الشكل ادناه لو قصصنا الجزء الابيض ينتج اناناسة بس الفكرة والشكل الناتج مفهومو مختلف
وقس على ذلك
06-05-2016, 11:16 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
المكرمون/ باشمهندس أيمن و ضيوفك، السلام عليكم و رحمة الله،
Quote: المهم وبدون تطويل الحداد بعد خلص الباب - قسما بالله بعد أكتر من شهر بعد ما استلم جميع المواد! - الباب طلع حاجة كدة عجيبة - كوم من الحديد الخردة ملحم مع بعض بدون أي معنى وبدون هدف etganonline.com
يا عزيزي الإتقان دا هو ما ينقصنا في كل شيئ مش في الحداده بس. تشوف تصميم عمارة و لا فيلا على مجسَّم ورقي مافي أجمل منها، لكن لما تتنفذ فحدث و لا حرج. الحق يقال، زمان كان عندنا صناعيه بجضمو شغلم تمام (بناء، حداده، ميكانيكا، نجاره .....ألخ) لكن في العقود التلاته الأخيره تدهورت الحرفية في السودان زيها و زي كل المجالات. بذكَّر زمان كنا و أصحابنا بنشتغل طُلب في الإجازات المدرسية. معلم البياض كان بخلينا نغربل الرمله (١٦ صفيحه) قبال ما نكب فيها كيس الأسمنت عشان نعمل ملطم (قاعدة من الطوب الأحمر) البياض. الآن الرمله بتتخلط بوسخا مع كمية أقل من الأسمنت، و قِس على ذلك. أنتو معشر المهندسين ممكن تغيرو ثقافة عدم الإتقان دي على الأقل في مجال البناء و دا بيتم بي رفضكم إستلام أي عمل غير متقن مهما كانت الظروف. أحيي مجهوداتك و إلى الأمام. لكم الود جميعا، عثمان دُنقس
(عدل بواسطة Osman Dongos on 06-06-2016, 01:35 PM) (عدل بواسطة Osman Dongos on 06-06-2016, 01:37 PM)
06-07-2016, 01:37 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
اتقان الشغل دي حاجة نفتقدها بشدة وفي جميع المجالات في السودان
بداية من مسألة استيرداد الاشياء الغير جيدة انا مستغرب جدا ليه الحكومة (الدولة) بتسمح باستيارد اشياء بموصفات رديئة ؟؟ الحاجة دي مضرة بالاقتصاد جدا جدا - في السعودية مثلاً عملو حاجة ممتازة جدا جدا - مثلاً أي جهاز كهربائي اجباري البائع يديك ضمان على الاقل سنتين ( سنتسن ضمان اجباري ) - الحاجة دي بتخلي البائع غصبا عنو يجيب بضاعة بتعيش اقل شئ سنتين والا فهو مجبر على اصلاحها لو عطلت او تغييرها بواحدة أخرى بنفس المواصفات، ودي حركة ذكية بتساعد الحكومة كتير في انهاء تتحكم في جودة المنتجات حتى في حالة تمكن التجار من ادخال بضائع مغشوشة او غير مطابقة للمواصفات القياسية السعودية. يا أخي لمبات الكهرباء بس لو اتعمل ليها ضمان اجباري لمدة سنة حا توفر للسودان مبالغ كبيرة - أي لمبة تتباع تكون مختومة بختم البائع وتاريخ البيع ولو باظت في اقل من سنة ترجعها للبائع طوالي (في لمبات عمرها الافتراضي ما اقل من خمس سنين).
كلامي النظري حول جدوى الاتقان في العمل عايز اطبقو فعليا - المشروع ده عبارة عن بزنس وبحث علمي في نفس الوقت للاجابة عن عدة اسئلة من أهمها: هل اتقان العمل في مجال الحدادة مجدي للمستثمر في السودان والا المجدي الشغل "التجاري". حقيقة انا مهتم جدا بالاجابة على الاسئلة دي !
06-06-2016, 03:11 PM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
قطعها أنضف وتستلم بيدك طوالي، مافي سخانة، إسبيراتها شوية ورخيصة، إذا اللليزر غلبكم، أو باظ. تقنيتها قائمة على إضافة الرملة للموية والناتج يكون منشار سريع جداً يمكن تقطع بيهو لوح كمرة بسماكة 10 بوصات.
____ بديهية ومافي مخاطرة بالسلامة
06-07-2016, 02:16 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: حسب علمي فان التكلفة التشغيلية للوترجيت أكبر من البلازما والليزر!
سلام أيمن
خلينا نشوف فوائد القطع بالماء
http://www.milcowaterjet.com/advantages.php
أرقام سريعة: - تكلفة راس القطع 12 دولار في الساعة للموية و15 دولار في الساعة للغاز بالنسبة لليزر - استهلاك الكهرباء من 22 إلى 35 كيلوات للموية ومن 24 إلى 40 كيلوات لليزر - الموية أرخص من الغاز
Quote: يا حبيب في الحالتين محتاج مهندس the thing is fully computerized الا يكون سباك Multidisciplinary +++ ليه في الساعة يا حاتم الموية دي قاعد تمش وين تتبخر، معليش ما فهمت الحتة دي
سلام ناصر
الصيانة المقصودة هي الصيانة البسيطة، يعني تغيير راس القطع مثلاً، أنا ما تكلمت عن المنظومة كلها، بالتأكيد الراوتر يدخل ضمن تخصص التحكم ودا شغل لا يهم السباك. في حالة الليزر والبلاسما ما بالسهولة تفتح المكنة وتقرض شوية صواميل. +++ النوزل (nozzle) بيتآكل بالمعدل دا لأنك بتخلط الموية المندفعة في آخر المخرج بالرمل أو مركبات تانية زي أكسيد الألمونيوم ودي زي ما بتاكل القطعة بتاكل النوزل برضو، لو اشتغلت 12 ساعة حتحتاج تغيرو ودا تكلفتو 12 دولار، قول 120 جنيه تمن مفتاح جمجم أصلي جديد .
في حاجة تانية مهمة في رأيي، طالما في النهاية حيتم وضع لوح الفايبر خلف النمط المحفور فيمكن بسهولة الاستغناء عن اللوح بتاع الحديد السميك واستخدام ألواح نحاس أو ألمونيوم رفيعة ورخيصة ولصقها مباشرة على الفايبر ويظهر نفس التشكيل، هنا الليزر والبلازما ما بينفعن، الأول لا يعمل مع الأسطح اللامعة والتاني حيحرق اللوح الرفيع، وحتنخفض تكلفة التشغيل برضو لأن المواد المقطوعة أقل سماكة، والتكلفة الأولية أيضاً لأن المكنة حتكون أرخص. أنا بتكلم عن البدائل إذا كان أخونا أيمن يهمو يبيع لأكبر قطاع من الناس مش بس الموسرين.
06-08-2016, 10:17 PM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
حاتم مشكور على التفاعل ورفد البوست ،،، انا ما عندي حسابات خاصة بموضوع التكلفة التشغيلية لكن موقع ESAB KNOWLEDGE CENTER.
Quote: Plasma operating cost would again be the lowest, and is typically estimated at approximately $15/hour. The cost of laser would be slightly higher, typically estimated at around $20/hour. Waterjet is usually considered to be the most expensive, typically estimated at about $30/hour.
Quote: انا ما عندي حسابات خاصة بموضوع التكلفة التشغيلية لكن موقع ESAB KNOWLEDGE CENTER. "Waterjet is usually considered to be the most expensive" +++ اما بخصوص استخدائم شرائح رفيعة فذلك لن يوفر عنصر الامن والحماية التي يجب ان يوفرها الباب في السودان
سلام أيمن
لسة ما اطلعت على الموقع لكن أقدر أؤكد ليك إنو التكلفة المكتوبة دي (30 دولار) داخلة فيها التخلص من النفايات، ودي في حالة القطع بالماء كتيرة، برادة حديد مع رمل مع زيت وغالباً لا يتم الاستفادة منها بعكس الطريقتين التانيات والنفايات فيهن قصاصات حديد فقط يتم تدويرها في المسابك.
الرقم غالباً مضاف إليه فاتورة التخلص من النفايات بحسابات اللوائح في أوروبا وهي صارمة جداً فيما يتعلق بالبيئة، إذا وقت عربيتك في باب الشارع ونقطت زيت من المكنة الناس ديل بيجوا يعملوا قياسات للبقعة مساحتها وعمقها عشان يشوفوك لوثت التربة قد شنو وغالباً يغرموك مبلغ أكتر من تمن العربية ذاتا، ما بالك بالتخلص من نفايات طاحونة حديد! يلا موضوع النفايات دا في السودان، أنسى، لأنك ممكن تكشح في أقرب خور. +++ بخصوص الأمن، اعتقد النماذج الجديدة ذاتا الغرض منها جمالي، فهي كلما تعقد الشكل كان أضعف ولا تشكل حماية مطلقاً اللهم إلا تكون مربعات بمساحات كبيرة أو دوائر أو مثلثات، يعني الأشكال الأساسية. فلو أخدنا مثال البابين في مداخلتك يوم 5 فالأول لا يوفر أي حماية، معظم أوراق الشجرة والطيور لن تصمد لاصبع طفل، كذلك الطائر في الاسفل طائر بالفعل، أما الباب الثاني "أرابيسك" فهو يوفر حماية معقولة لكن لا أرى أي مبرر لاستخدام تقنية الراوتر في تنفيذه، فلو دققت ستجد أن كل الشكل يمكن أن ينجزه حداد حريف في يوم واحد باستخدام الخوص واللحام فقط.
في مقترحي الفوق فكرتي قائمة على تقليل المعدن وزمن تشغيله على المكنة مع الاحتفاظ على الشكل الجمالي لأنك في كل الأحوال حتبطن خلفية الباب بالفايبر لغرض الخصوصية، في الحالة دي ليه تعمل الشكل الجمالي على الفايبر مباشرة (لصق باللحام البارد مثلاً) وتعمل قريل من وراء الفايبر بالسيخ بفتحات تكفي لمنع عبور شخص؟ والخوص أفضل لأنو أقوى إذا اتلحم بخيث تكون الحواف في مواجهة الداخل للبيت فمنها متانة ومنها إخفاء للخوص نفسه. ___ للقراء غير المختصين: خوص: شريط حديد أشبه بالمسطرة بأطوال في حدود 6 أمتار قريل (grill): شبكة حديد زي البتتعمل خارج الشباك فايبر (fiber glass) ألواح شفافة او ملونة أقرب للبلاستيك متينة ومرنة
06-09-2016, 08:21 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: لسة ما اطلعت على الموقع لكن أقدر أؤكد ليك إنو التكلفة المكتوبة دي (30 دولار) داخلة فيها التخلص من النفايات، ودي في حالة القطع بالماء كتيرة، برادة حديد مع رمل مع زيت وغالباً لا يتم الاستفادة منها بعكس الطريقتين التانيات والنفايات فيهن قصاصات حديد فقط يتم تدويرها في المسابك
نفايات البلازما حسب تجرتي + كبيرة جدا ( كمية كبيرة جدا من برادة الحديد + القصاصات + زائدا التلوث بسبب الدخان).
Quote: بخصوص الأمن، اعتقد النماذج الجديدة ذاتا الغرض منها جمالي، فهي كلما تعقد الشكل كان أضعف ولا تشكل حماية مطلقاً اللهم إلا تكون مربعات بمساحات كبيرة أو دوائر أو مثلثات، يعني الأشكال الأساسية.
والله يا حاتم انا ما عارف كيف ربطت بين حتمية ضعف الباب اكثر كلما ازداد تعقيد الشكل! - اظنك بتقصد كلم كثرت النهايات الرفيعة
الصور اعلاه بتعبر عن الاشكال البنتحدث عنها وعن التعقيد وعن امكانية الاخراق - الاشكال دي لو معمولة بحديد سماكة 4،5،6 مللي صعب جدا اختراقها او كسرها - حتى الشغل الفوق معمل بخمسة ملي وصعب جدا تكسرو - بس لو بتتكلم عن 2 ملم وواحد ملم ممكن الكلام ده. سماكة الحديد (4،5،6) ملم واكثر بالاضافة لأهميتها في ناحية الامان فثخانتها بتدي عمق للتصميم (بعد ثالث) وبالتالي بتظهر جمالياتو اكبر بكتير.
Quote: في مقترحي الفوق فكرتي قائمة على تقليل المعدن وزمن تشغيله على المكنة مع الاحتفاظ على الشكل الجمالي لأنك في كل الأحوال حتبطن خلفية الباب بالفايبر لغرض الخصوصية، في الحالة دي ليه تعمل الشكل الجمالي على الفايبر مباشرة (لصق باللحام البارد مثلاً) وتعمل قريل من وراء الفايبر بالسيخ بفتحات تكفي لمنع عبور شخص؟
انا يا حاتم بتكلم عن ثخانات 4-5-6 ملم، واظنك بتتكلم عن شغل في حدود 1 الى 0.5 ملم - في حالة الثخانات الرفيعة جدا ولصق الصاج المقصوص مع الفايبر ومن ثم عمل شبكة حماية خلفة من الخوص في نظري (بدون تجربة سابقة) الشغل ده بيستهلك زمن أكتر (قص ولحام الخوص الخلفي على هيئة شبكة ولص الفايبر مع الصاج الامامي مسألة فيها مجازفة باعتبار انهم مادتين مختلفتين ولزقهم باللحام البارد مكلف وغير مضمون) والنتيجة بتاعتو من ناحية جمالية اقل بكتير جدا من القص على سماكات عالية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة