ميشا

Quote: في عندك النوتة

سلام، أشوفها ليك

____ ميشا ميشينكو

Quote: في عندك النوتة

Quote: لو امكن ياخي تنزل لينا الكوبلي الاول من اغنية انت عمرى لام كلثوم ...وهل الالة الموسيقية البدات اول دي شيلو ولا قانون لو صح التعبير ... +++ ...مارايك في مهارة عبدالفتاح خيري في العزف علي الجيتار وهل باعتبارك موسيقي كان البديل المناسب لعمر خورشيد، +++ وتخريمة : ماهي الالة الموسيقية المحببة اليك .ماهو ترتيبها بين الالات واهميتها +++ واذا اردت ان اتعلم العزف بماذا تنصحني واي اله موسيقية ابدا بها.

البداية بالدبل بيس (double bass)
وبعده القانون (double bass) بالتبادل، التشيلو فيما بعد. التشيلو بيظهر في الدقيقة 1:32 في أقصى اليمين في عازفين اتنين، القانون والتشيلو والدبل بيس كلها وترية، آلة القانون واضحة بذاتها من شكلها. الفرق بين التشيلو والدبلبيس في الحجم، الدبلبيس بيتعزف وقوفاً أو على مقعد عالي بينما التشيلو بيتعزف جلوساً وبيكون بين الركبتين، لكن شكل الاتنين قريب جداً +++ من الصعب الحكم بناء على الأغنية دي تحديداً، دور الجيتار هنا (lead guitar) لا يعتبر صعباً حتى على الهواة، لكن أشوف أعمال تانية وأقارن. +++ أحب أسمع الساكسفون بكل أنواعه والترومبون، بالنسبة للعزف السوبرانو ساكس والجيتار (أكوستك). من المستحيل الإجابة على سؤالك بخصوص "أهمية الآلة" أو ترتيبها لتعدد أوجه السؤال، حتى لموسيقار عالمي السؤال صعب ومتعدد الإجابات، فانت بتحتاج تحدد نوع الموسيقى والجنرة حتى بعد داك يمكن تضع ترتيب (للأولويات) لكن مش الأهميات، كلها مهمة. في الجاز مثلاً، الأولوية للبيانو ومجموعة الساكس والترومبيت ثم الدبل بيس أعلاه مع أنو الدبل بيس أهم أكثر في الأوركسترا والأعمال الكلاسيكية. +++ تعلم الموسيقى سهل لو حددت فترات زمنية منتظمة، لكن المسألة أيضاً تعتمد على رغبتك في الانفاق على "العدة"، دائماً الأفضل تبدأ بآلة انت بتحبها وممكن تفرغ نفسك كفاية ليها. المشكلة الأولى بالنسبة لمبتديء هي الإحباط المصاحب لتعذر العزف أو إصدار صوت مقبول (آلات النفخ مثلاً) في البداية ودا لحسن الحظ ما موجود في الجيتار، لذلك بنصحك تبدأ بالجيتار الأكوستيك (غير الكهربي). حتحتاج للآتي: 1- الجيتار نفسه (في حدود 100 دولار) يستحسن بأوتار نايلون في البداية 2- تيونر للوزن 3- حامل جيتار وحامل نوتة 4- إطلاع سريع على طرق العزف المألوفة وكيفية وزن الأوتار وطرق المحافظة على الآلة الجيد في تعلم الجيتار إنو في إمكانك العزف من أول يوم بأجزاء موسيقية قصيرة وسهلة وبدون شرط قراءة النوتة، ودا حيشجعك جداً، أقدر أطمئنك إن حيكون في إمكانك تعزف قطعة المقدمة بتاعة الجيتار في (أنت عمري) في أول شهر. ______ باقي الآلات أصعب شوية وأغلى. (عدل بواسطة حاتم إبراهيم on 07-24-2016, 05:13 PM)