يا معتمد جبل اولياء! اوفى بشعاراتك.. أنقذ النيل الابيض وود العقلى من الدمار (توجد صور)

Quote: سبحان الله يا محمد النيل، علي اليمين نحن شعوب تعيش فى العصر الجاهلي. يا زول دي حكاية عجيبة خلاص. غايتو انا لو كنت مسؤول فى البلد بسوي لي قانون، اي زول يغسل عربيتو فى النيل بصادرها. اي تصادر العربية ولا الركشة ولا اي حديدة يغسلوها فى النيل لصالح الدولة.

Quote: النيل سلام عليكم والف حمدالله عالسلامه منطقة ود العقلي زيما قلت منطقة غاية في الروعه ان استغلت الاستغلال الصحيح كمتنفس لسكان المنطقه وماجاورها حتي ان البعض قد اطلق عليها ود العقلي بيتش بالاضافة لمناشدتك للمعتمد برضو مفروض سكان المنطقه يكون ليهم دور في حماية الشاطيء من اصحاب المركبات ان كان غسيل او تغيير زيوت لانهم اكثر المتضررين علما بان هنالك مناطق وفي قلب العاصمه شبيهه تماما بما يحدث في ود العقلي متعك الله بالصحة والعافيه

Quote: هنالك أشجار كثيرة نفقت و ماتت واقفة و هي ترتوي بكيماويات صابون غسيل العربات و مخلفات العربات من شحوم و زيوت محركات هذه الاليات

Quote: نحتاج للكثير من البوستات في مجال المحافظة علي البئية ومورادنا الطبيعية.

Quote: الله يرحم ود العقلي !!!!!!!!! أيام الرحلات والمقيل

Quote: ونقول للأخ جلال أفعل الواجب وبيّض وجهنا مع ناس النيل وود بوسطن اللابد دا!!

Quote: لحبيب محمد النيل وضيوفه الكرام شكرا جزيلا على لفت الانتباه بهذا البوست الهادف بشأن كارثة ود العقلي . ليت السيد المعتمد يهتم بما ورد في هذا البوست ويجد حلا سريعا حاسما لهذه الكارثة التي لا تهدد الارض والشجر فحسب بل تهدد حياة البشر الذين يرتادون ود العلقلي للترفيه . تحياتي ووافر احترامي

Quote: فيمكن وضع براميل خاصه بتلك الأشياء الضاره

Quote: علم المعتمد بهذا البوست وأخبرنى بالمشكله والتى قاد فيها عملاً شعبيا تعبويا كبير ومازالت المعتمديه تعمل بكل إمكانياتها لكى تفئ بالمطلوب رغم حوجة المعتمديه لميزانيه ضخمه وهى أكبر المعتمديات فى الخرطوم وإمتداد يضم مدناً كثيره وتعداد سكانى عالى وكما قال دكتور منير النظافه ثقافه وسلوك حضارى من المفترض أن يتربى عليه الناس فقد كنا فى الإبتدائيات ننظف الفصول ونرفع الأوساخ من الطرقات وهذه حياة الناس ويجب عليهم الإسهام فى فعل الواجب تجاه المحل حتى يصلح الحال إلا أن المعتمد وعد بمضاعفة الجهد فالمشكله مزمنه تناولها عزيزنا سيف اليزل فى السابق مطالبا المعتمد السابق بالقيام بالواجب. وللكل السلام منصور

Quote: علم المعتمد بهذا البوست وأخبرنى بالمشكله والتى قاد فيها عملاً شعبيا تعبويا كبير

Quote: الناس البتجي تضبح وتعلق الخرفان في الشدر روائح وضبابين وتغسل الكرشه في مياه النيل علي بعد امتار من ارجل الاطفال

Quote: بوست راقى .. تُشكر أخ محمدالنيل .. بس اليد الواحدة ما بتصفق .. حكاية النظافة والبيئة دى نصف مسئوليتها ثقافة حضارية للمواطن .. الطفل فى العالم المتحضر لو أكل ليهو حلاوة حربة ما بيجدع ورقتها فى الواطة ..

Quote: ود النيل صباحكم زين ومن معك .. يا ود النيل وقت المستشفيات اسوأ من كدا بكتييييير وماراعوا ظروف الناس الصحية السياحة شنو المهتموا بيها ؟ انتبه دي وزارة صحة !!!!!!!!!

شكرا على مرورك ومشاركتك القيمة

Quote: ولاية الخرطوم فى جرائد البارح وجهت للتعامل مع تلك المشكله على مستوى الولايه ولكم الفضل. منصور

Quote: صور صادمة يا ود النيل تضاف للصور الأكثرغذارة في مدن العاصمة الثلاثة !! في بحري ... وفي أكبر وأهم شوارعها ( شارع المعونة أو شارع الطيار الكدرو ) وما عارف اسمه اتغير ولا.. لا ....... في هذا الشارع الهام توضع أكياس الزبالة في منتصف الطريق ، في المنطقة الفاصلة بين الإتجاهين !!! نفس المنطقة التي تزرع فيها الزهور وتوضع فيها أصايص النباتات الجميلة ، والنُصُب التذكارية .. ذلك في المدن المتحضرة!! . ومؤكد هذه توجيهات مسؤول وليس مزاج مواطنين .. مسؤول غير مسؤول ليس لديه أيِّ إحساس بالجمال ، ولا يملك مثقال ذرة من الذوق و أبجديات التحضر . ولم تجد ثقافة الجمال إلى نفسِهِ سبيلا . . تأتي القطط والكلاب ليلاً فتنهش أكياس الزبالة وتبعثرها في لطريق لتأتي السيارات وتكمل المهمة بتسطيحها على الأسفلت ، فيكون المسؤول الغير مسؤول قد وفر ميزانية النظافة !!!

Quote: للأسف حسب كلام منصور عن المعتمد كلام المعتمد يوحي بانه ليس بيده حيلة وطبعاً أي عمل مضني ومتعب المسؤولين بحاولو يتجنبوهو ويجعلوا السبب عدم وجود الميزانية وان هذا الامر يحتاج الى ميزانية ضخمة لا يا سعادة المعتمد البداية لا تحتاج الى ميزانية كبيرة كلها كم لافتة يكتب عليها ممنوع غسيل العربات وتغيير الزيوت واي نشاط معادي للبيئة على شاطئ النيل ويسبق هذه الخطوة استصدار قانون وتكثيف الإعلان عنه عبر حملة إعلامية في انحاء المحلية هذه الخطوة فقط سوف تلفت انتباه معظم الناس لخطورة ما يحدث في شواطئ انهارنا وسيبدأ الناس في تجنب هذه الممارسة تحياتي ولك الشكر اخي النيل على اثارة هذا الموضوع الهام

Quote: صاحب البوست تحياتي لك ولاهتمامك بشاطئ النيل والبيئة.. انا من جبل اولياء ونعاني من نفس الاشكال واسواء من ذلك انا بستغرب لمن يجوا ناس ويقولوا فلان راجل طيب وزول كويس وان كنت اعتقد انو الزول الكويس لن ياتي من هذا النظام المعتمد شايف كل هذا وشارع الموت يحصد ارواح شبابنا كل يوم والنفايات والامراض وغيره والسيد المعتمد لم يحرك اي من القضايا حتي الان فلا تنتظر منه شئ ...

غايتو الله يكضب الشينة ويجعل تفاؤل أخينا منصور المفتاح صحيحا وينظف لينا شاظئ النيل
أو على الاقل يوقف التلوث بمنع السيارات والركشات لحدى ما الله يفتحها علينا بالنظافة

Quote: يا حافظ المعتمد لم تنتخبوه أنتم بل عُيّن لقدراته وهذا هو الواقع بعدين لا دفاعا عنه ولكن دفاعا لكم وللمعتمديه والخقيقه وصلناه الرساله ووصلها لولاية الخرطوم وصارت مشكلة معتمديتكم مشكلة ولايه بى الناس القالو طيب دا ياخ ولله. ولك السلام منصور

Quote: الأخ النيل حبابك الف وانشاالله عشمك يطّلع بشيء عشمانيين لينا اكثر من خمسة وعشرين سنة ولسه ندور في نفس حلقة العشم التي ربطونا فيها ناس الموتمر الوطني

Quote: بس اعملو حسابكم تخطرو الجهات الرسمية للمستعمر المؤتمر الوطنيعشان الشباب الحا يقوموا بالعمل دا ما يتعرضو للاعتقال ولنا في تجربة نفيرحكمة وموعظة

Quote: يا ود النيل .. صباح الوطن .. اها عبروكم بعد عرفوا قضيتكم واحد الموالين للنظام وصل المعلومة ووعدتكم بالمساعدة ولا لسه ؟ ولك الشكر .

Quote: نشوف أخر الموضوع