اها دي اول مرة بي حروف هكسوسية، اقصد عربية يا فقيري! التحية عبرك للصديق خالد، اول سوداني استخدم صيغة التحية الكوشية، الروحية، فيما اعلم. بالله تلفونك انتا او خالد في الخاص. فقدتا معظم التلفونات، لاني غيرت جهاز التلفون كتير جدا في الاشهر الماضية.
ما تنسي تلفونك انتا وخالد. بالمناسة شغال في موضوع "سمايتي" باذنه امون-رع!
اهلنا من الجبال هم البدو هذه الثورة الثقافية المتمثلة في التخلص من اسماء "اسيادنا" الدواعش، الهكسوسية، اي العربية، المجد لهم!!
05-03-2016, 01:01 AM
فقيرى جاويش طه فقيرى جاويش طه
تاريخ التسجيل: 06-17-2011
مجموع المشاركات: 4862
نعم يا علي، المثير، والمؤلم جدا جدا من اسماءنا الكوشية العريقة انقرضت للاسف الشديد. عندي مشروع بوست ضخم جدا جدا لو ربنا هون، سنتناول فيه الاسماء الاساسية والكبيرة جدا في تاريخ حضارتنا الكوشية، اصل الحضارات، اللتي ملات هذا الكون الفسيح، بحتاج فيهو لامثالك بشدة. نعم عايزين ناس من جميع انحاء ثقافتنا الكوشية، وبالذات من يجيدون هذه اللغات كمثال فقط:
1) لغة اهلنا النوير من اقصي الجنوب، لانو لغة النوير استخدمت في قراءة ونطق "نصوص" الهيروغلوفية.
2) واحدة من لغات اهلنا في الجبال وبالذات اللهجة القريبة من لهجة اهلنا في دنقلا.
3) نعم لغة اهلنا البجا في الشرق، بالذات هناك مايشير الي تجليات للعهد المروي وبالذات الفترة الاخيرة في ثقافة اهلنا في الشرق، ومن ذلك ازياء النساء في الشرق اللي بتمثل بالضبط ازياء اميراتنا في مروي بالكربون، باكثر من اي زي اخر في السودان.
4) من الغرب عايزين زول ملم بي لغة اهلنا الفور والزغاوة.
نعم ده مشروع عايزين فيهو مساهمة جميع كوشيي السودان، حتي نحطم والي الابد فرية الاصل "النوبي" بي معني الثلاث قبائل اياها، كممثلة للحضارة السودانية، اي الكوشية، اي النوبية!
لابد من ابادة، تدمير، وحرق هذا الصنم، الشرك، الذي صاغه الخواجات بكل خبث ودهاء، باستغلال طريقة تفكيرنا الحالية، الجهوية، القبلية، المستلبة، الناجمة عن قرون العبودية!
05-06-2016, 01:55 PM
فقيرى جاويش طه فقيرى جاويش طه
تاريخ التسجيل: 06-17-2011
مجموع المشاركات: 4862
حقيقة فخور بيكي، مبدائيتك، والاهما مثابرتك، فوق لي وعيك الشديد فيما اتصل بي استخدام نظام القتلة لي سلاح مايسمي ب"الدين"!
عزيزي القارئ،
احنا ككوشيين لاوجود لي مصطلح دين بي صيغتو الواردة في مرجعية الثقافة العربية والارية بعامة، علي الاطلاق!
في مرجعيتنا، ونحن اول من اغتسل، توضأ، صلي او ركع، صام اوحجا، قبل ما ابراهيم زاتو وقوم ابراهيم يولدو كبشر علي سطح هذا الكوكب!
لما نتكلم كده، البعض طوالي بيفتكر ده كلام انا جبتو من امريكا، مع انو ده، انا اخدتو من كٌباري في جزيرة "رع" اي جزيرة الرحمن، علي مرمي حجر من قصر اخر ملوك كوش في المغرة، اي دنقلا العجوز!
نعم الي هذا التاريخ ومصداقا لي كلامنا ده، ودليل قاطع نهائي، في لغة اهلي الكوشية لاوجود لي مفردة، او مصطلح "دين"!!
اليس هذا عجيب وغريب بي معايير وعي المرتد الداعشي ابن ابي السرح؟
نعم لاوجود لي صيغة التانيث او التذكير في هذه اللغة العريقة!
هذا ضخم لو تعلمون!
مهم جدا عزيزي القارئ تفهم، كيف طريقة تفكير بشاشا هذه، منبعا علي مستوي اللاشعور هو المحيط النشأ فيهو بشاشا، المشحون او مبستف ذاكرتو الجينية من ارث رماة الحدق، القدلو هناك يوم من الايام!!
لحدي سنة 1995م بعضا من كباري الذين جعلو مني من انا، كانو بيتضجرو بل يغضبو من استخدامي للغة العربية!!!
امي خديجة عليها شابيب الرحمة كان بتقول لي، ده شغل فلقصة!
هي تقصد الحديث باللغة الوافدة الاجنبية دي، من امثالنا من المستلبة والمستعبدين، شغل "فلقصة" والسلام، او مامعناه!
طيب ما المقصود لما نقول لاوجود لي مفهوم دين، في مقابل لادين في مرجعية ثقافتنا الكوشية؟
اولا ايفاء هذا الموضوع المركب المتشعب، بيحتاج لي مجلدات، مش بوست، دع عنك مداخلة!
في مرجعيتنا الكوشية المتواليات دي، في الاساس ممارسة وسلوك في المقام الاول، في الحياة اليومية للفرد العادي، لامجرد نصوف ومفاهيم نظرية مجردة بي معني abstract، تقع كلها في خط واحد مستقيم!
اما في مرجعية الثقافة الارية اي المهد الشمالي الذي يشمل الساميين، فكل متوالية او ثنائية، في الاول هي محض abstract لاعلاقة لها بالسلوك او الممارسة، وثانيا، هي عبارة عن خطين متوازين، لايلتقيان ابدا!!
بمعني، في مرجعيتنا، ماهو دين، وماهو حق، وماهو حلال، هو في الاساس سلوك وممارسة! مش سفسطة او تنظير! ده السبب كيف الكتابة في المجال ده، كانت محرمة تحريم قاطع بي لغوة الدواعش!
نعم حتي لو كتبو، فاللغة الكتبو بيها، كانت رمزية، لا لفظية او نصية!
النقطة دي لوحدها عايزة مجلد بحالو!
نعم القيمة المعنية، كان حلال ولاحرام كمثال بي لغوة الاسلام الوافد،هي نقطة محددة تقع في وسط ذات الخط الواحد الاحد، المستقيم، مش خطان متوازيان لايلتقيان الي الابد!
ده السبب علي مستوي الممارسة وعلي مستوي جهاز الدولة الداعشية الحالية، نجد اكبر الفسدة، الفسقة القتلة، في مجتمعنا الحالي، هم ذاتم ابان اطول الدقون واقصر العراريق!
نعم لاعلاقة مابين ورجغة وزعيق الكوز بتاعة قال الله، وسلوك هذا الSchizophrenic، البعاني الانفصام، الذي جعل من مفهوم دين، مجرد حبة مركونة في "الكراب" تاخذ عند اللزوم!
ده السبب مايسمي ب"الدين" في مرجعية هؤلاء المستلبة، اضحي مادة، كما الجغرافيا وفن الطبخ، كمان بيعملو فيها او منها، BA, MA او PHD!!!
05-08-2016, 01:38 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
الارو كمال الارو بى لغة الجبال الكبير.....فعلا كبيرنا يا اخو كمبو الكبير......من جيت البلد بفتش فى تلفون كمبو.....بركة الجيت.....كيف الاهل......نورت المنبر......فى فترة غيابك قاعدين نقدل فى البحر.....لكن الترعه ذاتها ما اظن نحصلها.
05-08-2016, 03:20 AM
Bashasha Bashasha
تاريخ التسجيل: 10-08-2003
مجموع المشاركات: 25803
خليك قريب، حنحتاج ليك في مشروع البوست القادم كمدخل ونموذج لاسلوب جديد، جماهيري، لاصفوي او اكاديمي لكتابة تاريخ الثقافة الكوشية.
نعم حنختار بعض الاسماء الكوشية الكبيرة وعريقة، بغرض تفكيك، ثم اعادة تركيب هذه الاسماء لتنطق بي لسانا احنا الكوشي. اللغة القبطية، لغة كوشية صرفة ولكن في جذورا، لانو اللغة الاغريقية ايضا اسهمت بقدر كبير في صياغة القبطية.
فما عارف مدي المامك بالقبطية.
اسهامك حيكون مقدر، لانو التركيب والنطق الحالي للاسماء والمصطلحات الكوشية، اللغة القبطية مستخدمة فيهو بقدر كبير.
Quote: عندي مشروع بوست ضخم جدا جدا لو ربنا هون، سنتناول فيه الاسماء الاساسية والكبيرة جدا في تاريخ حضارتنا الكوشية، اصل الحضارات، اللتي ملات هذا الكون الفسيح، بحتاج فيهو لامثالك بشدة. نعم عايزين ناس من جميع انحاء ثقافتنا الكوشية، وبالذات من يجيدون هذه اللغات كمثال فقط:
4) من الغرب عايزين زول ملم بي لغة اهلنا الفور والزغاوة.
نعم ده مشروع عايزين فيهو مساهمة جميع كوشيي السودان، حتي نحطم والي الابد فرية الاصل "النوبي" بي معني الثلاث قبائل اياها، كممثلة للحضارة السودانية، اي الكوشية، اي النوبية!
لابد من ابادة، تدمير، وحرق هذا الصنم، الشرك، الذي صاغه الخواجات بكل خبث ودهاء، باستغلال طريقة تفكيرنا الحالية، الجهوية، القبلية، المستلبة، الناجمة عن قرون العبودية!
صديقي اللدود كمال بشاشا أنا ذاتي عندي ليك بوست لكن بعد ما إنت تكسح وأنا أتنفس الصعداءSmile، لا أدري ما يجود به لغتي الفور والزغاوة ولكن حتماً ستجد ما يفوق تصورك من قاسم مشترك بين لغة الكوشين والميدوب قاطني شمال دارفور. في إنتظار اسهاماتك مع التحايا لك أخي فقيري
.
05-09-2016, 07:41 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
في الروابط النوبية بجدة وحاولنا ان نجمع بين نوبة الجبال ونوبة الشمال وإطلاق مسمى نوبة السودان على هذا التجمع فكانت الدراسة والبحث في بعض العادات المشتركة فكان دوري هو التوثيق للمشترك ..
بعض النقاط من محاضرتي في ليلة رابطة أبناء جبال النوبة بجدة تحت شعار ( نوبة السودان)
( الصراع ) المصارعة بالنوبية الدنقلاوية ( نيقيد naigeed ) وبالمحسية ( مور mour ) كانت تتم في الليالي المقمرة في رمال القرية _ ويبدو أن أجدادنا نقلوا هذه الممارسة معهم الى مهجرهم في المنطقة جبال النوبة _ و( الصراع ) المصارعة كانت تبرز الرجولة القوة وحنكة والتكتيك والدفاع عن النفس وتحث عليها ولكن طبعاً على سبيل المنافسة الرياضية دون احداث أذى بالآخر .. فكانت لها قوانينها وقيمها وما زلت اتذكر بعض تلك القوانين وتكتيكات مثل ( تلنج Talang ) وهي عملية احتواء احدى رجلي الخصم بالرجل وليس باليد وهنا اختلاف بين مصارعة اهلنا نوبة الجبال وما كان ممارس عندنا . ثم المتصارعان يمسكان بعضهما على مستوى الظهر بدون اللجوء الى الرقبة او الراس . ( بيريرندي Bairindi) وهي حركة من خلالها يمكن للمصارع ان يحمل خصمه على الجنب ( صفحته ) وإلقائه أرضاً وهو واقف ( وهذا يعتبر الانتصار الحاسم ) . ( اوسندي Ossindi ) وهي عملية فتح الرجلين وفي المصارعة وكلما ضممت الرجلين كلما اعطيت الافضلية للخصم للانتصار والثبات في فتح الرجلين بمسافة معقولة كانت معروفة لنا آنذاك . أما الحكم فيراعي عدم العض او الوصول الى الوجه والاجزاء الممنوعة من الجسم ، وعندما تكون هناك اخطاء يطلق الحكم لفظ ( برينج Brinij ) وهو الخطأ القاتل والذي معه يكون مرتكب الخطأ خارج المباراة ويعتبر الخصم منتصراً ، او لفظ ( سينجا Sinja ) ويطلق على الخطأ البسيط ويمكن معه اعادة المصارعة .. أما التعادل او الدرون فكان يسمى ( قوللي قاريه Goolli Garaih ) فهذا يحدث عندما يسقط المصارعان على جنبيهما ولا يكون احدهم اعلى الاخر بصورة واضحة وجليه ، وكانت تقسم المباريات حسب السن والاحجام ، واذكر أن القصير المتين كان هو من يكسب الجولة النهائية .. وقوانين المصارعة كانت تربي في الانسان قيم وخطوط واضحة في الخصام حتى اذا بلغت درجته الصدام الجسدي ، فكان من العيب ان يضرب آخر أخاه تحت الحزام ، او في وجهه او بعصا اذا لم يكن الآخر يحمل عصا .. يعني بإختصار العدالة .. وميثاق شرف الخصام ..
05-09-2016, 01:54 PM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
Quote: افتقدناك كثيراً وبالذات أيام ادعاء المصريين بان (تهارقا او تهراقا او ترهاقا كما يحلو لنا ان نسميه) بانه قائد مصري ومقاتل ومخطط .. الخ المهم هو نسبته اليهم
الغالي هيثم غالي كتر خيرك،
غايتو الله يسامحك!
قلبتا علينا المواجع، بي كلامك ده عن ادعاء احفاد الغزاة من مصريي اليوم لي ارثنا المدلوق، الهامل بلا وجيع.
مش فقط احفاد الغزاة الهكسوس هم البدعو ملكية ارثنا الحضاري، وانما، تقريبا كل العالم!
ياخي حتي بعضا من اهلنا في المدرسة السودانية اي الافريقية، شالو سودان اليوم ده اي "Nubia"او مرقو بيهو في نواحي القارة من اقصاها والي اقصاها، والقاسم المشترك في ده كلو، هو نظرتنا نحن، انفسنا، الغير مكترث اومبالي علي الاطلاق لهذا الارث الحضاري!
حتي اللي عندهم بعض الوعي في السودان بهذا الارث العريق الضخم، ضخامة هذا الكون، للاسف الشديد، ماخدنو، من منطلق وعي قبلي، جهوي غاية في السذاجة!
نعم، الارث الهامل، بعلم السرقة!
الخواجات تحديدا، بالغو حقيقة، في الحيل الاتبعوها، في همبتة، ونهب ارثنا الحضاري، باسم الصرامة العلمية وماشابه!
الانكأ الاقبح، المؤلم، المبكي، المضحك، انو التراش الذي صاغه هؤلاء الغزاة، الهمباتة، العنصريين، النازيين، من الخواجات، هو اساس المقرر البيدرس الي هذا اليوم، كتاريخ "افتراضا" لي اطفالنا وشبابنا!!!
من الجانب الاخر، الواحد لايملك غير الرثاء، مع الرعب، لي حالة الودار العايشنو احنا كشعب سوداني، كنتيجة مباشرة، لهذه اللعبة القذرة، المسؤولة من حالة "الكوما" العايشنها احنا كسودانيين، وبالتالي، ومن خلفنا، الجنس الاسود كلو!
السبب الاساسي لي تيهنا الماثل، هو حالة الغيبوبة، العايشنها احنا، النتجت او بي صورة مباشرة من حالة السطو هذه لارثنا الحضاري، وبالتالي هويتنا الكوشية!
نعم وعينا الحالي، الاستلابي، المستعبد، كما كررنا القول، كوعي استعماري، امبريالي، تم تحضيرو في معامل غزاتنا، كجرثومة حرب، ابدعو في تركيبته وصناعته، ايما ابداع!
مهم جدا عزيزي القارئ تفهم، انو ده مجرد شرح سرد وتوضيح فقط، وليس بلوم او عتاب للغزاة، لانو ماحدث لنا في الماضي، يحدث الان، او سيحدث بعد الف سنة في المستقبل، هو مسؤوليتنا نحن، وليس العرب او الخواجات، كما قد يفهم البعض خطآ!
ليه بنقول كده؟
لانو ده هو المخرج!
نعم اذا حملنا الخواجة ولا العربي المسؤولية، يبقي ماعملنا حاجة، غير تسليم امرنا وانفسنا من اول وجديد، تاني، لذات الاحتلال الثنائي!
اذن الحدود الفاصلة هي، تبقي عندنا مسؤولية!
اكرر الاشارة وسرد دور الاخرين في الحاصل لايعني انهم غلطانيين او مسؤولين علي الاطلاق!
....يتبع...
05-30-2016, 07:49 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
نواصل موضوع ادعاء احفاد الغزاة من مصريي اليوم لي ارث ابنتنا الكبري "كمت" اي "مصر" بللغة العربية.
لاحظ عزيزي القارئ، كيف "كمت" وده هو الاسم الكوشي الحقيقي لي "مصر"، كمفردة كوشية، معناها الحرفي: سودان!!
اذن لاعلاقة من قريب او بعيد باحفاد الغزاة هؤلاء بي حضارة، اي ثقافة كمت اطلاقا، والدليل القاطع انو كمت الان معلنة كدولة عربية، اي هكسوسية، لانو الهكسوس كانو ساميين تحديدا، ومن شابه اباه السامي، فما ظلم!
اذن داخل حدود كمت، الكمتيين اي المصريين الحقيقيين الاصليين كقاعدة، اصحاب الارض والحضارة الكمتية الكوشية، هم اهلنا نوبة مصر حصريا!
اذن مهم للغاية نفهم، عندما ترد الاشارة، لحضارة كمت الكوشية اي السودانية، ان نضع في بالنا نوبة كمت، وليس امثال السيسي او مبارك او الخديوي ناصر، كممثلين لهذه الحضارة اللي اصلا سودانية، اما واب!
يكفي كلام اجدادنا قبل 2,000 سنة، القالو قبلهم كمت اي "مصر" كانت تحت الماء، اي ماموجودة زاتو كجزء من اليابسة، وهذا طبيعي ومنطقي جدا، لانو اجناس الارض الحالية الغير سودانية اي غير سوداء، تاريخ بروز اقدما واللي هم الاوربيين تحديدا، لايتعدي ال50,000 سنة، بينما نحن، وجودنا تبلورعلي مدي ملايين السنيين، لياخذ في الاخر شكل الانسان الحديث، اي الانسان بي هيئتو الحالية، منذ اكثر من 150,000 سنة!
الساميين تحديدا هم احدث مجموعة بشرية برزت للوجود، وتاريخ ميلادم لايتعدي ال5,000 سنة علي الاطلاق!
حتي في الساميين، العرب هم اخر مجموعة برزت للوجود، او حتي في العرب، نسل اسماعيل تحديدا ولد اول امبارح ده، زي ماتقول مقارنة بي نسل امو هاجر!
بالمناسبة والكلام موجه للزميل بريمة ادم، اسماعيل انا عندي صورتو اي صورة لي نحت يجسد اسماعيل هذا، وهو اقرب لي اهلنا نوبة الجبال، مما يؤكد، ماقيل كيف هاجر كانت نوباوية بي مصطلحات وتعابير اليوم!!
عييييييييييك!
غايتو ناس جعلي "حر" حقهم راح!
عاضين العراقي، او قايمين صوف من شبح اصلهم "الذنجي"، ولما وصلو الميس، او دقشو الزول القدامم، لما تاملو لقوهو ياهو ذات الشبح داااااااك، الخلاهم يقومو صوف، في المقام الاول!!
نرجع لي موضوعنا، ونقول لاحفاد الغزاة من مصريي اليوم، نتحداكم تدونا دليل واحد احد يثبت وجود قاسم مشترك مابين ثقافتكم السامية، الهكسوسية، العربية، وثقافتنا نحن الكوشية، الكمتية!
اللغة مثلا؟
قطعا "آبا" مؤسس كمت ما كان بتكلم عربي، وانما كان بتكلم نوبي والدليل اسمو زاتو "آبا" البتعني الاب في اللغة الكوشية، النوبية، لهجة دنقلا، والرجل فعلا اب بمعني المفردة باعتبارو اول فرعون، وقد استشهد الرجل دفاعا عن اهلو في اسوان علي ايدي امثال السيسي يا للعجب!
نضيف جيش جدنا "آبا" هذا اللي حارب وقاوم حد الاستشهاد، ضد اجداد امثال هيكل ومبارك، منذ اكثر من 5,000 سنة من تاريخ اليوم، كان من جنوب السودان الحالي!
وهذا الرجل، مؤسس كمت، اشبه مايكون باهلنا نوبة الجبال تحديدا بي تعابير اليوم، وهذا مهم، مهم للغاية لو تعلمون!
اذن لاقاسم مشترك اطلاقا ما بين ثقافة امثال الخديوي ناصر العربية، وثقافة اي نوبي من اسوان او السودان الكوشية، علي الاطلاق!
اذا صادف ووجد قاسم مشترك، فاعلم عزيزي القارئ، وكقاعدة، ده فقط بعض تجليات ما اخذه اسماعيل عن والدته "النوباوية" هاجر.
ننبه اي اثر امبريالي للثقافة العربية في حياة النوبي الكوشي، يظل اثر، استعماري، امبريالي، وافد واجنبي، وليس بمكون اصيل علي الاطلاق، لانو اللاحق لايمكن يكون اصل للسابق، وهاجر هي من انجبت اسماعيل، وليس العكس!
اعلم عزيزي القاري، متي مااتي الكلام عن فراعنة كمت، انهم عن بكرة ابيهم كانو كوشيين، اي سودانيين اي نوبيين، مع فارق بسيط:
بعضهم كان من كوشيي السودان الحالي، والاخر كان من كوشيي اسوان!
لم يحدث قط انو امثال هيكل ولا عبدالناصر كانو يوم من الايام فراعنة علي الاطلاق، وان حكمو مناطقم كوافدين لاجئيين ومهاجرين، في عصور التيه واضمحلال السلطة المركزية اللتي كانت عاصمتا علي الدوام اسوان الحالية!
كلام زي ده لايمكن تقراهو بحروف هكسوسية داخل السودان الهكسوسي الحالي، والسؤال هل ده صدفة؟
ليه يا سوداني اهلك السودانيين ما بقروك كلام زي ده؟
ليه؟
06-24-2016, 05:33 AM
Bashasha Bashasha
تاريخ التسجيل: 10-08-2003
مجموع المشاركات: 25803
حقيقة ليك وحشة، رغم انف الدواس الكان في غابر الازمان. مرحب بيك.
Quote: لا أدري ما يجود به لغتي الفور والزغاوة ولكن حتماً ستجد ما يفوق تصورك من قاسم مشترك بين لغة الكوشين والميدوب قاطني شمال دارفور
انا ذاتي يابكري سلفا مقتنع، لما يجي اليوم داك، كلنا لو كنا حيين حننخلع!
نعم حنمسك في كتوف بعض او نجعر بي صوت عالي، علي الزمن الاهدرناهو بعاد عن بعض، انطلاقا من تصورات مسبقة لاوجود لها علي ارض الواقع اطلاقا، نسوي داك زرقة او ده عربي، داك غرابي، او ده جلابي وماشابه، من ادبيات وعي الاستلاب.
المفتاح هو لهجاتنا الكوشية، ولا اقول لغاتنا، لاننا ننتمي الي اسرة لغوية واحدة في تقديري، وهذه قطعا فرضية من عندي بناءا علي الطشاش العرفتو حتي الان عن تاريخ ثقافتنا الواحدة منذ الازل، والي ان يرث امون الارض!
هذا متروك للاجيال القادمة لامحالة، لانو في حياتنا احنا الحضور الان، ده ما حيحصل، مما يوضح عمق الهوة والبير الاحنا واقعين فيهو.
شئ مخيف ومرعب حقيقة، لما تشوف كيف الناس من كل انحاء العالم تقريبا عندهم حد ادني من الالمام بي تاريخ ثقافتنا، لايتوفر لاكبر الاسماء عندنا في السودان في هذا المجال!
اكثر بقعة في الكون ده كلو، جاهلة بي تاريخ السودان، هي جمهورية السودان، يا للعجب حقيقة!
هذا مخيف بحق!
06-24-2016, 07:44 AM
عمر دهب عمر دهب
تاريخ التسجيل: 10-19-2014
مجموع المشاركات: 2010
مشكور جدا علي المساهمة القيمة والكبيرة من فريد محمد مختار.
نحيهو بشدة عبرك.
اها عمل كهذا هو الراجي اجيال الوعي الكوشي، القادم، القادمين لامحالة.
نعم الخطوة الاولي تمثلت في حسم المعركة حول اصل الحضارة، اللي ادعو الخواجات زورا واستعلاء انها ارية، وهي افريقية، سودانية تحديدا، اللتي دارت رحاها علي مدي ال200 سنة الماضية، لتبلغ قمتا في القرن ال19، وتحديدا في العام 1829م.
وقد تم حسم نتيجة هذه الحرب الكونية بفضل نضال فيلق المعسكر الافريقي بزعامة شيخنا انتا دياب، ورفاقه من امثال المصادم ج هنرك كلارك، د.يوسف بن جكنان، كانسلر وليمز، وقبلهم امنا دورسيلا هيوستن، من افارقة امريكا وافريقيا.
الخطوة التالية، تتمثل في تفكيك واعادة تركيب الاسماء، المصطلحات، ثم المفاهيم، اللي للاسف تعاني من مسخ وتشويه، لانها صيغت باستخدام مرجعية الثقافة الشمالية الارية، وبالذات اللغة اليونانية.
لذا الاجيال الجاية مهمتا الاساسية حتكون استخدام لهجاتنا نحن، ولا اقول لغاتنا الكوشية بطول وعرض السودان ثم افريقيا، حتي تكون صياغة تاريخنا من مرجعية سودانية اي افريقية خالصة.
نجي للنيل:
نعم النيل يمثل فعلا اكبر ظاهرة طبيعية في حياة اجدادنا، وبالتالي اسلوب حياتم، اي ثقافتم، اي حضارتم، اصل الحضارات جميعها.
من ذلك، كيف بفضل النيل، المراة السودانية، اخترعت الزراعة، والزراعة كاسلوب معيشة، مقارنة بالرعي، اسلوب معيشة الجنس الاري، تاريخيا، هي الوفرت فائض القيمة في الانتاج، اللي وفر بدورو الزمن المطلوب لانجاز ما انجزتو هذه الحضارة،
اللي وضعت اساس الاعتقاد "الدين" بي مفاهيم اليوم، اي "الفلسفة" كما فهم قدماء الاغريق، اساس العلوم النظرية كلها المتداولة اليوم، ابتداءا بالرياضيات، مرورا بالكيميا، وانتهاء بي علوم الفضاء!
مش كده او بس، وانما هم من وضع اساس العلوم "التطبيقية" بي مصطلحات اليوم، المتداولة الان، علي راسها الهندسة اللي عالم اليوم وبكل مايملك لم يستطع مجاراته، وبالذات الطب، الذي وصلو فيهو مراحل بعيدة جدا، جدا!
كم من اطباء السودان يعلم، انو ابو الطب سوداني، وليس بخواجة، زي ما حفظوهم؟
نعم كم في المليون منهم يعلم، كيف الشعارالمتداول حول العالم كدال علي الخدمات الطبية، سوداني؟
او قبل كده، اجدادنا هم من وضع اساس التقويم الحالي من يناير لي ديسمبر، ابتداءا بالثانية، ثم الدقيقة، ثم الساعة، اليوم، الشهر، السنة، فصول السنة، ثم الدهر، نعم الدهر!
العارفين بامر التقويم السوداني، سلفا بداو الحديث عن ظهور ملك سوداني يحكم العالم في ال2,000 سنة القادمة!
تخيلو هذا، ولو لثانية!
نعم خارج السودان بدأ سلفا كلام كهذا، انطلاقا من تعاليم التقويم السوداني اي الكوشي!!!
اخير اقيف هنا!!!
النيل طبقا للبعض لعب دور اساسي في اختراع التقويم الكوشي اي السوداني الحالي، لانو فيضان النيل والتحكم فيهو مثل هم اساسي لدي اجدانا، بطول وعرض عشرات الالاف من السنين!
طبقا للبعض، وطبقا للتقويم السوداني، نحن في 12016ك مش 2016!!!!
بالنسبة لي شيخنا انتا دياب والد تاريخ السودان الحقيقي، ومؤسس المدرسة السودانية، فهو من الشقيقة السنغال.
جذورو في السودان تعود لاهلنا النوير في الجنوب الحبيب، ود هو السبب في استخدام لغة اهلنا النوير في تفكيك بعضا من رموز لغتنا الام، الهيروغلوفية، وهذه التسمية اغريقية بالمناسبة، اي "هيروغلوفية".
بذات الطريقة، وطبقا لشيخنا انتا، الموطن الاصلي لكل الافارقة، هو السودان الحالي!
06-26-2016, 10:10 PM
Bashasha Bashasha
تاريخ التسجيل: 10-08-2003
مجموع المشاركات: 25803
والتحية والتهاني الي ول أباً صديقي علي عثمان عبد الوهاب.
وَيَا على الأسماء التي ذكرتها وقلت انها قديمة. حتى الان موجودة في جبال النوبة. ومستخدمة بصورة واسعة
نرجع. للمستحلب بشاشا آغا الذي عرف السودان على عمر متقدم. وفرحان باكتشاف السودان
ولولا انك قلت الروب يا بشاشا. ما كان جينا. هنا
بريمة وكبر يا بشاشا بيعرفوا السودان بصورة. كل الوهم الحايم في المشهد السوداني ما بعرف القليل منها
قلت لي الحديث موجه للزميل بريمة. وفي البوستات التانية انت شغال استخفاف وسخرية. من بريمة وكبر. حالتك سعبه. على قول الحبشية
بريمة وكبر امتداد لمحمد هارون كافي حينما اشتغل حفريات ثقافية وانثربولوجية سودانية ايام ما كنت انت مستب بتلبس بنطلون الجينز. وتحمل كتب اسبونزا. ومتماهي في الخواجات ودي حاجات لا بريمة ولا كبر. ما عملوها لأنهم كانوا واعيين
وعارفين بالتجربة انهم ما محتاجين للتماهي في خواجة ولا هندي ولا غيرهم
قلت لي. مغنية شابة. سنة يا الاستلاب. يعني ما عندها اسم الشابة دي يا بشاشا ولا انت خجلان من انك تقول اسمها.
ألَّبت اسمها. كيكي. بالمر. واسم كيكي اسم شائع في كل ثقافات جبال النوبة. من شرقها لغربها. ومن جنوبها لشمالها.
الحاجات التانية. اليومين ديل. شايف الناس مشغولة بالمحكمة الجنائية الدولية. قبل سنوات انعقدت. نفس المحكمة لتنظر في. ملف السودان. تحديدا قضايا دار فور. وانعقدت. محكمة لكل من عبد الله بندا والمهندس محمد صالح جربو. وكليهما من قادة الحركات المسلحة.
واحد من القضاة. من ترينداد وتباقو. اها يا بشاشا. تباقو. اسم شائع وسط. اهلنا الداجو. في غرب كردفان. وعمنا. الحاج تباقو. شخصية مشهورة هناك. طبعا حاجات زي دي إنتا ما ح تعرفها لأنك. عرفت السودان وانت كبير
اخر هنت. مشروعك بتاع اللغات. وانت زول وهم ساكت. لكن تستحسن فيك شوية. اقرب. اللهجات. التي تبحث عنها هي لهجة. اهلنا الدلنج وهي الأقرب الى. لهجة ناس دنقلا. وتليها لهجة. الكاركو. فشنو لمن تكتب الكلام ده لازم تشير الى انو الشكر موجه للزميل كبر
الذى علم بشاشا. ما لا يعلم. لأنو شايفك بتعلف افكارنا وتعيد تدويرها. باعتبارها. من دقنوسك. المستلب ده. وغيرك كتير قاعدين يعملوا الحركة دي. وبنعذرهم. في جهلهم لكن انت ما عندك عذر.
لو قعدت. تحت. وربعت ايديك. ناس كبر ح يعلموك السودان الواقع. عشان تعرف كيف. تربط الحاجات مع بعضها البعض وتفهم السودان. اما اذا داير تستمر. في العنجهية والمداقشة. فما عندنا مشكلة. ح نضحك عليك. مثلما نضحك على كل الحناكيش الحايمة. في الأساطير
كبر
07-09-2016, 00:41 AM
Bashasha Bashasha
تاريخ التسجيل: 10-08-2003
مجموع المشاركات: 25803
ولحدي ما ارجع، اعلم سخريتي من كبر وبريمة، اعترف هي سخرية من ذاتي لي روحي، كجلابي، وطريقة تفكيري العجيبة بحق، معكوسة في مراة امثال بريمة اولا ثم كبر!
زي ما كررتا القول، انا somehow قدرت انتبه لي طبيعة وعيي الجلابي هذا، وبحاول اعمل حاجة!!
الكلام انتو يا كبر كمجولبين، اي حتة جلابي ساهي ما لامين فيها ياكبر!!!
عييييييك!
انا جادي في كل حرف كتبتو هنا!
ماساتنا كسودانيين ماساة لم تتكرر قط في اي بقعة في عالم اليوم!
لو لقيت فرصة حانزل فيديو لي اهلنا افارقة امريكا، في صالة من طابقين مكتظة بالمئات، بيحضرو في مناظرة بين اتنين، حول بعضا من ارث السودان الحضاري، وقسما، لو لمو كل حملة الدكتوراة في السودان في مجال تاريخ السودان، او سالوهم، الناس بتقول في شنو، بالله مايقدرو بغم!
نعم ما حيفهمو ولا حرف واحد من الكلام الدائر، في شكل صراع فكري اقرب للملاكمة حقيقة، من حبث الحماس الاندفاع والجدية!
نعم حنحتاج تاني زي 100 سنة كده، عشان مانصل لي واقع ينجب مثل هذا الوعي في السودان!!
Quote: قلت لي الحديث موجه للزميل بريمة. وفي البوستات التانية انت شغال استخفاف وسخرية. من بريمة وكبر. حالتك سعبه.
نواصل مع المجولب كبر،
استخفاف وسخرية بشاشا، كما كررنا القول، هو من روحو هو في المقام الاول، وطريقة تفكيرو كجلابي، المعكوسة في مراية "الثنائي الطروب" بريمة وكبر!!
اذن ما تتعقد!!
بريمة وكبر امتداد لمحمد هارون كافي حينما اشتغل حفريات ثقافية وانثربولوجية سودانية ايام ما كنت انت مستب بتلبس بنطلون الجينز. وتحمل كتب اسبونزا. ومتماهي في الخواجات ودي حاجات لا بريمة ولا كبر. ما عملوها لأنهم كانوا واعيين
قرقرقرقر!
بريمة او كبر كانو واعين؟
بالله؟
هو بالله انتو حايمين بي رايات، شعارات، وخطاب الجنجويد والمراحيل، القبلي، الاستعلائي، عشان انتو واعين؟
طيب، ماعشان كده بندردق في الواطة، من مثل هذا الوعي المضحك!
اما المستلب بشاشا، فاقلاه، وِعا بي حقيقة استلابو بالتالي هو بحاول يعمل حاجة، عكسك انتا، اللي ما لامي في حتة جلابي زاتو، زي بشاشا، ولهذا تعيد انتاج هذا الوعي، اللي بتتنفسو كما الهواء، بل تبذل الدماء رخيصة، للحفاظ علي دويلة هذا الوعي، المحتقرة لادمية امثالك، للاسف!
Quote: وعارفين بالتجربة انهم ما محتاجين للتماهي في خواجة ولا هندي ولا غيرهم
انتا لحقتا نسيت وهمة انك عربي، جهيني، جانا من اوربا، يبيد في اهلو، باعتبارم زرقة، تسوي خواجة وبطيخ؟
فاكرنا ما عارفين، الجرائم البشعة البرتكبوها امثالك، بدافع الكراهية المطلقة للذات الذنجية، في جنوب كردفان بحق اهلهم من الدينكا، بما فيها ممارسة الرق؟
07-19-2016, 04:52 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
المستعير من ذاتو المبوشش المستعولق ياخى اتّا مجوبق و مشولق غايتو هو جنس شوليق و جنس جوبيك بالمناسبة المستعير دى من عرّة و فى افضل مسمياتها عرورة وهى من عرورة المستعورة من ذاتا يا مستكره الاسافير مع تحياتى و احترامى قال ذنجى قال كدى فى الاول اكتبا صاح
07-19-2016, 07:05 AM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
Quote: الساميين تحديدا هم احدث مجموعة بشرية برزت للوجود، وتاريخ ميلادم لايتعدي ال5,000 سنة علي الاطلاق!
حتي في الساميين، العرب هم اخر مجموعة برزت للوجود، او حتي في العرب، نسل اسماعيل تحديدا ولد اول امبارح ده، زي ماتقول مقارنة بي نسل امو هاجر!
للاسف انت ايضا يا بشاشا تتبنى النظرة الارومصرية المستمدة من النظرة التوراتية التلمودية منظور سامي وحامي لا دقيق لغويا واثنيا فقارة افريقيا بها كل الالوان ومنذ اقدم العصور كما ان اللغات الكوشية مصنفة افرواسيوية وهي في نفس عائله اللغات السامية كما ان مصطلح عربي قديم يا بشاشا اقدم مما تتخيل وان كانت دلالته وصفية وليست عرقية كما انك تنزع من بعض مصري اليوم حقهم معتمدا فقط على اللون
07-19-2016, 09:33 PM
Bashasha Bashasha
تاريخ التسجيل: 10-08-2003
مجموع المشاركات: 25803
للاسف انت ايضا يا بشاشا تتبنى النظرة الارومصرية المستمدة من النظرة التوراتية التلمودية منظور سامي وحامي لا دقيق لغويا واثنيا فقارة افريقيا بها كل الالوان ومنذ اقدم العصور
نواصل مع الزميل عيدالله،
النظرة "الارومصرية" دي ماعرفتها حقيقة ياريت تفصل.
المتفق عليهو هناك جنس سامي يشمل العرب واليهود. فما فاهم المشكلة وين؟
لوقاصد قصة الفيضان، نوح والسفينة ماشابه، فهذه زي ماقنا مقاربة سامية لي اصل كوشي كالكثير من جوانب الثقافة السامية كقاعدة.
لدرجة سفينة نوح دي افتراضا، قاعدة الي اليوم في واحدة من اهراماتنا في كمت "مصر"!
Quote: كما ان اللغات الكوشية مصنفة افرواسيوية وهي في نفس عائله اللغات السامية
اها في ده، وقعت في ذات الشرك!
كيف سام بتاع اول امبارح تكون لغتو ام للكوشيين اللي انجبو سام هذا، او سبقوهو باكثر من 150,000 سنة؟
باقي ليك قاسي شديد، تبعد من حكاية العرب والعروبة، لدرجة شايفك فاتح بوست، طلعتا فيهو الكوشيين كناطقين باللغة العربية!!!
يعني بي بساطة طلعتنا تاني عرب، جدنا العباس!!!
Quote: كما ان مصطلح عربي قديم يا بشاشا اقدم مما تتخيل
عزيزي القارئي،
ختيت بالك؟
اخانا الجعلي "الحر" سايق الكوشيين بي حالم تاني للعباس اياهو، من اول وجديد!!
نعم مصطلح عربي قديم هذه حقيقة، ولكن ما بالتصورة المسبق الفي ذهنك، البحاول في استماتة يرجع كوش للعباس!!
نعم السكان الاصليين لي جزيرة كوش المسماة عربية، كانو كوشيين، والزمن داك، هاجر "النوباوية" ام اسماعيل، ما ولدت ذاتو، دعك من ال العباس!
بالفهم ده العرب الاوائل كانو كوشيين، وكانو اقرب لي نموذج نوبة الجبال تحديدا بي تعابير اليوم!
عارف كده حتقنع ضمة من خيرن في كلام زي ده، كستا ترجع بيهو تاني للعباس!
غايتو لو بتضمن لي بريمة ما حيغمر او يقع من طولو من الصدمة، ممكن اجيب ليك صورة توضح بجلاء نموذج للعرب الكوشيين، الكانو اقرب لي نموذج انسان جبال النوبة، وليس ال جعل!
ياخي لو لقيت فرقة انكت لي بوستيك بتاع كيف الكوشيين كانو بتكلمو اللغة العربية الحالية!!!
Quote: كما انك تنزع من بعض مصري اليوم حقهم معتمدا فقط على اللون
لون بتاع مين؟
لاعلاقة لاحفاد الهكسوس من مصريي اليوم قريب او بعيد بي حضارة كمت ابنة كوش الكبري!
يازول لما احنا اوجدنا حاجة اسمها كمت، هؤلاء كساميين، ماولدي زاتو كبشر!
زي غيرم هم جونا في ديارنا اي كمت، كلاجئين ووافدين، بحثا عن حياة افضل في امريكا ذاك الزمان!
نعم قبلنا ما كان في حاجة زاتا اسمها كمت!
نعم كانت تحت الماء!
مافاهم عايز تصل لي شنو بي حشرك لاحفاد الغزاة هؤلاء هنا، او انتا عارف كويس دي ماطريقة تعاملم هم مع امثالك هناك الي هذا التاريخ؟
عودة حميدة صاحب القلم المستفز لخمول الأدمغة حباب بشاشا والله انا بحبك لله كدا وبتعجبني طريقتك في سرد افكارك وتعاملك البسيط والواضح مع اللغة والمفردات المناسبة أرجو لك دوام العافية والحضور والمدوامة
07-20-2016, 08:18 PM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
Quote: اها في ده، وقعت في ذات الشرك!كيف سام بتاع اول امبارح تكون لغتو ام للكوشيين اللي انجبو سام هذا، او سبقوهو باكثر من 150,000 سنة؟الكلام الفوق تراش مركزية اوربية، ولكن انا عارفك سايق الموضوع وين!!
الزميل بشاشا انا بتكلم عن التصنيف اللغوي للغات يعني تصنيف يفضح التقسيم بتاع سام وحاماذا كانت لغات مثلاً مثل اللغات الكوشية هي ولغات الشرق الاوسط في سرج واحد واقرب حتى من لغات افريقية اخرى من عوائل اخرى نايلو صحارى نيجروكنغولية وغيرها
Quote: باقي ليك قاسي شديد، تبعد من حكاية العرب والعروبة، لدرجة شايفك فاتح بوست، طلعتا فيهو الكوشيين كناطقين باللغة العربية!!! يعني بي بساطة طلعتنا تاني عرب، جدنا العباس!!
البوست موجود كنت ساكون سعيداص انت تداخلت فيه وما عندي مشكلة في انك تفتح بوست بخصوص اللغه المروية من تاني وانا بجيك فيهبعدين مش انت بتقول العرب طلعوا من الرحم الكوشي ايه المشكلة لو اتوجد تقاطع كلمات بين اللغه العربية واللغه الكوشية هذا امر موجود بالنقوش التي كتبت باللغه المروية
Quote: نعم السكان الاصليين لي جزيرة كوش المسماة عربية، كانو كوشيين، والزمن داك، هاجر "النوباوية" ام اسماعيل، ما ولدت ذاتو، دعك من ال العباس!
اتفق معك في كوشية العرب واختلف معك في نوباوية هاجر لانها هي كوشية
Quote: مافاهم عايز تصل لي شنو بي حشرك لاحفاد الغزاة هؤلاء هنا، او انتا عارف كويس دي ماطريقة تعاملم هم مع امثالك هناك الي هذا التاريخ؟عايز اقوليك ليسوا كل المصريين يشبهون الهكسوس مصر بها الاسود والاسمر وكل الالوان ايضا ناهيك من ان احتماليه تغير السحنة بمرور الزمن بسبب التزاوج وغيره امر وارد في بلد مفتوحه زي مصر وهذا امر موجود بالسودان حتى البلد الذي فيه انسان اكثر حزرا لقبول الغريب من المصري
Quote: اتفق معك في كوشية العرب واختلف معك في نوباوية هاجر لانها هي كوشية
تحياتي يا عبدالله،
كلامك الفوق ده،الطلعتا بيهو اهلنا في الجبال من ملة الكوشيين،، جاب ضقلا يلولح حقيقة!
اولا انتا مابراك، وانما ده تصور عام في السودان الحالي للاسف الشديد!
ياعزيزي، فلتعلم لوهناك كوشي واحد احد لاغيرو، فهو نوباوي الجبال وليس امثال بشاشا او عبدالله اللي ظهرو مؤخرا مقارنة بنموذج اهلنا في الجبال!
كزول دخل عمر بي حالو في الموضوع ده، اعلم انو اهلنا نوبة الجبال هم التجسيد الفعلي الحقيقي الخالص، في سودان وافريقيا اليوم، لي ارث الحضارة الكوشية، مقارنة باي مجموعة اخري، عكس التصورات المسبقة الخاطئة، الحالية.
لذا انسان جبال النوبة اللي امتحن علي مدي قرون، اجتاز هذا الامتحان بامتياز، ولذا فهو بحق وحقيقة الممثل الحقيقي علي مستوي السلوك لي ارثنا الحضاري الكوشي!
نعم انسان الشمال برضو ضحي وامتحن لقرون، بحكم موقعو الجغرافي في وش المدفع، ولكن نموذج انسان الجبال اعرق، بي معني اقدم، بالتالي هو من صاغ اللبنات الاولي للحضارة الكوشية مقارنة بي نموذج كوشيي الشمال، اللي ظهر حديثا نسبيا.
لو افترضنا جدلا انو نموذج انسان الشمال كان هو الكمتي اي المصري القديم، فنموذج انسان الجبال كان هو الكوشي اللي اسس حضارة كمت، وبالتالي النظرة لي نموذجو وعلي مدار اكثر من 3,000 سنة كان باعتبارو، الاصل، المنبت، والاهما القبلة عديل كده!
خارج السودان وفي كل ركن من اركان الدنيا وجد فيه الانسان الكوشي، فهذا الانسان كان اقرب لاهلنا نوبة الجبال، بالذات في امريكا واسيا تحديدا.
نعم لحدي القرن ال9 ميلادي الاسيويين كانو برسمو بوذا في هيئة نموذج نوبة الجبال!
اما هاجر تحديدا فقد كانت اشبه بي نموذج نوبة الجبال، وهذا واضح ومثبت في الاثار اللتي وجدت في جزيرة كوش اي الجزيرة العربية.
نعم المجسم المنسوب لاسماعيل، يقدم اسماعيل كنوباوي من جبال النوبة بي تعابير اليوم.
لو لقيت فرصة حانزل صورة لهذا المجسم المنسوب لاسماعيل طبقا للبعض ممن اثق في معرفتم من محاربي المدرسة السودانية في هذا المجال.
بذات القدر اهلنا في جبال النوبة لديهم روايات شفهية تشير الي حقيقة هاجر كنوباوية بي تعابير ومصطلحات اليوم!
انا مقدر انك منزعج من الحقيقة دي، لانها ستعيدك من جديد كجعلي "حر" لي جبال النوبة، اللي انتو اصلا جاكين منهم، انتهي بكم المطاف الي العباس السامي!
ده هو السبب انك بسرعة حاولتا تتخارج، خاتي التعشيقة خلف، لما قتا هاجر كوشية، ولكن ما نوباوية!
مرة اخري تامل شخصية النوباوي وصمودو العذب في وجه قهر القرون، البوري مدي اصالة معدن هذا المخلوق الخرافي بحق، المترع روحانية بمعني المفردة.
اذا الروحانية معني وقيمة، ففي حالة النوباوي فهذه بعض الخلايا البيولجية المكونة لي جسمو، ماديا!
نعم هناك مدرسة جديدة بتحاول تفسر مفهوم روحي وروحانية علي اساس مادي، بيولوجي صرف بي دراستا لي مادة الMelanin المسؤولة من السواد في بشرتنا كقوم سود!
معليش ماعايز امشي بعيد، ولكن حيجي يوم والسودان حيعرف قيمة هذا المخلوق الفريد بحق، الساكن جبال النوبة، لهم المجد!
....يتبع...
07-23-2016, 05:01 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: الزميل بشاشا انا بتكلم عن التصنيف اللغوي للغات يعني تصنيف يفضح التقسيم بتاع سام وحاماذا كانت لغات مثلاً مثل اللغات الكوشية هي ولغات الشرق الاوسط في سرج واحد واقرب حتى من لغات افريقية اخرى من عوائل اخرى نايلو صحارى نيجروكنغولية وغيرها
نواصل مع عبدالله،
اولا كل "اللغات" الافريقية تنتمي الي عائلة واحدة، وبالتالي اتعجب لما تقول هناك لغات غير افريقية اقرب من بعض اللغات الافريقية لي كوش!
ياعزيزي، وبشتي الطرق انتا بتحاول تبعد الافارقة او تقرب العرب!
لمعلوميتك غالبية الافارقة بفكرو بذات طريقتك دي، او ماعايزين حاجة تربطم بي بقية اهلهم الافارقة!
اها شفت المصيبة؟
يعني حتي هنا اثبتا انك افريقي قح، او انتا قاصد تقوم فللي!
وهم الاصل العربي منتشر بشدة في غرب افريقيا ولكن ما بي قوة العين بتاعتنا في السودان!
اهلنا في اثيوبيا مصرين انهم يهود!
في جنوب شرق افريقيا البعض بتدعي اصل فارسي عديل كده!
فلا جديد هنا!
اما كلامك بتاع نايلو صحاري، كنغولي وماشابه، اعلم ان هذا تراش مركزية اوربية فاتخلص منو!
الاوربي لايفقه شئ عن افريقيا بل اصلا هو غير مؤهل عشان كمان يكتب لينا تاريخنا، اللي قالو هما اي الخواجات الاسسوهو!
نعم الاصل الاوربي لي تاريخ افريقيا كان كلام عادي متداول في المجال الاكاديمي، او عشان كده جو من اخر الدنيا بوضع اليد علي قول امثال هيكل، واطلاقو اساميهم هم علي بلادنا زي "روديسيا" وعلي بحيراتنا، زي فكتوريا وماشابه.
Quote: بعدين مش انت بتقول العرب طلعوا من الرحم الكوشي ايه المشكلة لو اتوجد تقاطع كلمات بين اللغه العربية واللغه الكوشية
المشكلة انتا اللي بتحاول تصور بي طريقة غير مباشرة انو الكوشيين خرجو من رحم العرب وليس العكس.
علي كده حاولت ترجع اللغة المروية للعربية وليس العكس والمشكلة هنا!
بتحاول تعرب كوش وهذا مزاح!
المهم انو العرب الساميين ناس غير الكوشيين، او بي كده العباس لايمكن يكون جد للجعليين!!
07-23-2016, 07:41 PM
عبد الله شم عبد الله شم
تاريخ التسجيل: 05-03-2013
مجموع المشاركات: 2212
Quote: ولا كل "اللغات" الافريقية تنتمي الي عائلة واحدة، وبالتالي اتعجب لما تقول هناك لغات غير افريقية اقرب من بعض اللغات الافريقية لي كوش!
بعلمية يا بشاشا مش مجرد كلام في تصنيف علماء لغات موجود وله معاييره ولم يقل هذا التصنيف ان لغات افريقيا كلها عائله واحده بل عوائل كثيرة يضم بعضها لغات سامية مثل تصنيف اللغه الهيرغلوفية الافرواسيوية واللغات الكوشية الشرقية وقسى على ذلك
Quote: المشكلة انتا اللي بتحاول تصور بي طريقة غير مباشرة انو الكوشيين خرجو من رحم العرب وليس العكس.
علي كده حاولت ترجع اللغة المروية للعربية وليس العكس والمشكلة هنا!
بتحاول تعرب كوش وهذا مزاح!
المهم انو العرب الساميين ناس غير الكوشيين، او بي كده العباس لايمكن يكون جد للجعليين!!
انا ما قلت العربية خرجت منها المروية بل قلت العكس ثانياً النقوش موجودة والكلمات المروية موجودة راجع نقش الملك خاردموية بكلابشه وشوف كمية الكلمات المروية فيه موجودة في مقال بروف اسامه عبدالرحمن النور رحمه الله اها كلمة حر دي قاعده متوهطه تب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فقيرى جاويش طه
Bashasha
AMNA MUKHTAR
علي عبدالوهاب عثمان
مني عمسيب
Sudany Agouz
احمد حمودى
أيمن نواى على
bakri abdalla
ولياب
MOHAMMED ELSHEIKH
Kabar
جلالدونا
عبد الله شم
فيس بوك
تويتر
انستقرام
يوتيوب
بنتيريست