دم الشهيد بي كم؟

Quote: دم الشهيد بي كم؟ دم الشهيد بي كم؟ صنّت حناجرنا نزل في جوفنا السم ما اصلوا الجواب ممنوع في حضرة المشروع كسكس هتاف الفم صمت البشر من جم عمال مزارعية تربالة رعوية مدرا وترزية قبليهو كان واحد دور يوم فت ما تم وهتفت جحافل الدود "فلتسقط الثورة وليحيا الحزب مِنجمّ" واتكالب علينا الهم دم الشهيد بي كم؟ ما قدرنا سعرّنا جات القماري كوم قوقن بصوت واحد دم الشهيد بالدم دم الشهيد بالدم دم الشهيد بالدم بعديها بي صنّة شلنا طوارينا كواريكنا والواسوق كايسين محل فاضي كان نلقى لينا لحود دم الشهيد بي بالدم! ما منقدر عليهو الدم وما منقدر عليهو السم احسن نموت ننجم والثورة تبور تنطم بعديها كان داروا أليسألوا الأتراح او حتى التراب الراح أليسألوا القمري حيكون جوابو ودود وبي لحنو من فوق عود ماعاد في زول موجود ماعاد في زول موجود تلبو ٢٧/٤/٢٠١٦

Quote: إلى الذين صعدوا من لدن القرشي وإلى الطاهرين أبوبكر الصديق ومحمد الصادق "تمبش" ثم الذين سيسقطون تباعا خلال هذا الزيف