|
Re: الجزيرة و الترابي فى كاركتير عمر دفع الله (Re: abubakr salih)
|
هذا هو الكاركتير المقصود. و أول ما شفته وقع لي فوق جرح. من فترة قاعد أقول للاصدقاء من حولي انو لو لا قناة الجزيرة فالترابي مات منذ المفاصلة فى العام ١٩٩٩. الترابي انتهى منذ اليوم الذى طرده عمر البشير من البرلمان و قلع منه حزبه. و لو رجعنا بالتاريخ لوراء شوية ممكن نقول أنو الترابي انتهي و فقد السيطرة على حزبه منذ الاسابيع الاولي للانقلاب. منذ تمثيلة أذهب الي القصر رئيسا و سوف أذهب للسجن حبيسا كان الترابي قد حفر قبره السياسي. لانه منذ تلك اللحظة بدأت يخسر السيطرة على حزب لصالح على عثمان هو البداية التى تفاقمت الي ان أنفجرت صريحه فى رمضان ١٩٩٩.
ما بعد انقسام الشعبي و الوطني خسر الترابي القدر الاكبر من نفوذه و سلطانه السياسي. لكنه مع ذلك بقى على واجهه الاعلام فى الشأن السوداني. بقي على السطح بسبب قناة الجزيرة. لو فى زول راجع أرشيف قناة الجزيرة ممكن يلقى انو الزمن و التغطية الاعلامية التي وفرتها للترابي فى برامجها الحوارية المختلفة و نشرات الاخبار أكبر مما خصص لجميع السياسيين السودانيين مجتمعين. بقى الترابي على الواجهة لانها قناة التنظيم الدولي للكيزان كان تنفخ فيه من روحها.
| |
|
|
|
|
|
|
Re: الجزيرة و الترابي فى كاركتير عمر دفع الله (Re: abubakr salih)
|
سلام يا حبيبنا أبا بكر وين إنت، عساك طيب؟
قناة الجزيرة أوقفت بث حلقات "شاهد على العصر" مع الدكتور حسن الترابي. وقد سأل المسلمي الكباشي السيد إبراهيم السنوسي عن لماذا سعوا إلى وقف هذا البث، فقال له أن هذه الحلقات سجلت قبل 6 سنوات وهناك أشياء كثيرة جدت بعد ذلك التاريخ. بعد هذا التوقيف سوف تزداد التكهنات.
ياسر
| |
|
|
|
|
|
|
Re: الجزيرة و الترابي فى كاركتير عمر دفع الله (Re: Yasir Elsharif)
|
Quote: سلام يا حبيبنا أبا بكر وين إنت، عساك طيب؟
قناة الجزيرة أوقفت بث حلقات "شاهد على العصر" مع الدكتور حسن الترابي. وقد سأل المسلمي الكباشي السيد إبراهيم السنوسي عن لماذا سعوا إلى وقف هذا البث، فقال له أن هذه الحلقات سجلت قبل 6 سنوات وهناك أشياء كثيرة جدت بعد ذلك التاريخ. بعد هذا التوقيف سوف تزداد التكهنات. |
لك التحيات الطيبة حبيبنا ياسر الشريف و اتمناك بخير و فى تمام الانبساط،
لكن موش الجزيرة واصلت نشر الحلقات؟ شايف كوستاوي نزل الحلقة التانية، ولا يكون الخردة قاعد ينجر براهوو هههههه. على كل حال انا ما انشغلت بيها كتير. شاهدت طرف من الحلقة الاولي. ما بسمع كتير للترابي فى شهادته على العصر لانه رجل غير مؤتمن و مزوراتي. يده خفيفة. طبعا ناس السنوسي أصبحوا مثل الايتام، ما عندهم حل الا يتأدبوا مع المؤتمر الوطني و يحاولوا يرجعوا للبيت القديم، غير كده ما عندهم مستقبل و تاني سلطة ما بشموها قدحة.
| |
|
|
|
|
|
|
Re: الجزيرة و الترابي فى كاركتير عمر دفع الله (Re: Yasir Elsharif)
|
هذا انتهاك لحرمة الموتي ... ليس الا ولا يضيف للمعارضه ولن ينتقص من النظام والترابي لا يحتاج لقناة الجزيرة لتنفخه لو ان الكاركتير كان عكسي لكان اشمل اي ان الترابي هو من ينفخ الجزيره وباقي القنوات ولعلكم تأملون فى رسومات عمر ان تغير النظام فكيف تغيرونه وانتنم تتحدثون عن شخص مات ما تودروا وكتنا ساكت اقعدوا طيبين
| |
|
|
|
|
|
|
Re: الجزيرة و الترابي فى كاركتير عمر دفع الله (Re: لطفى العمده)
|
يا أبوبكر، الكركتير غير معبر ولا يستحق الإحتفاء. قول لي كيف؟ سألتني؟ الكريكتير لو كان لزول حي وبدوا يلمعوا فيهو كان بكون معبر وفيهو مفارقة. أو يكون المرحوم هو قناة الجزيرة وشريط التربي يكون نفخ فيها لاعادتها من الموت. لكن أن تسخر من زول كان له أثر ضخم على السودان حي وميت، ما شايف فيهو أي مفارقة!
| |
|
|
|
|
|
|
Re: الجزيرة و الترابي فى كاركتير عمر دفع الله (Re: أبوبكر عباس)
|
Quote: هذا انتهاك لحرمة الموتي ... ليس الا ولا يضيف للمعارضه ولن ينتقص من النظام والترابي لا يحتاج لقناة الجزيرة لتنفخه لو ان الكاركتير كان عكسي لكان اشمل اي ان الترابي هو من ينفخ الجزيره وباقي القنوات ولعلكم تأملون فى رسومات عمر ان تغير النظام فكيف تغيرونه وانتنم تتحدثون عن شخص مات ما تودروا وكتنا ساكت اقعدوا طيبين |
يا لطفي الموضوع دا ما فيهو حرمة موتى ولا شئ. دا كاركتير. عمر دفع الله ما شال ليهو طرمبة مشى ينفخ الترابي فى قبره. دا كاركتير لتوصيل فكرة محددة هى ان قناة الجزيرة تنفخ و تلمع فى المجرم و المخرب حسن الترابي لا رحمه الله ولا غفر له. نساله الله ان يجزيه بعمله الشرير فى الاتجار بالدين و الذى تسبب فى الموت و الالام للالاف من السودانيين. نحن هنا لا نتحدث عن الترابي انما نتحدث عن القناة الاعلامية التى تضر بمصالح السودانيين. لو لا قناة الجزيرة لما بقى الترابي فى واجه الاحداث حتي اليوم. الرجل انتهي يوم انتزعت منه السلطة و ارتبط بها من تمويل و منابر اعلامية فى السودان. لكن قناة الجزيرة هى من ابقته و ابقت حزبه الصغير على سطح الاحداث بالتغطية الاعلامية المكثفة.
| |
|
|
|
|
|
|
Re: الجزيرة و الترابي فى كاركتير عمر دفع الله (Re: abubakr salih)
|
Quote: الكريكتير لو كان لزول حي وبدوا يلمعوا فيهو كان بكون معبر وفيهو مفارقة. أو يكون المرحوم هو قناة الجزيرة وشريط التربي يكون نفخ فيها لاعادتها من الموت. لكن أن تسخر من زول كان له أثر ضخم على السودان حي وميت، ما شايف فيهو أي مفارقة! |
سلام يا كمال عباس،
الترابي هو المحتاج لقناة الجزيرة و ليس العكس. الجزيرة هى من ابقت الترابي على واجهة الاحداث فى السودان و هو حى و الان تنفخ فيه بعد موته. بعد الانقسام الترابي خسر كل شئ فى السودان، خسر السلطة الاموال و المنابر الاعلامية المرتبطة بها. و هو اصلا مكروه وسط كل فئات الشعب السوداني بالاجماع. اظنه هو الشخص الوحيد المكروه من اقصى اليسار اي اقصى اليمين. ما كان عنده حاجة لكن بقى وجه الاحداث لانه يلقى تغطية اعلامية مستمرة. زي دونالد ترمب. لي فترة بدخل موقع الـ cnn باستمرار كل يوم تقريبا بلقى دونالد ترمب فى واجهة الموقع لكن نادر جدا ما القى بيرني ساندرس. و دي حاجة علق عليها الكثيرين من المراقبين. الشئ بالبيظهر فى الاعلام هو الحاصل و الشئ الذى لم ينقله الاعلام مهما كان حجمه على ارض الواقع فهو لم يحدث! دا واقع اليوم.
لو فى زول عمل رصد للوقت و التغطية الاعلامية التى حصل عليها الترابي من قناة الجزيرة انا متاكد ممكن تكون أكتير من الوقت الذي حصل عليه عليه كل السياسيين السودانيين مجتمعين. و التغطية للاخبار المؤتمر الشعبي، حتى الزول السجمان كمال عمر دا حصل على وقت و فرص فى الجزيرة لم يحصل عليها غيره. الجزيرة فى أكتر من برنامج عن السودان كان بتجيب كمال عمر كممثل للمعارضة و بتجيب كوز تاني من المؤتمر الوطني عشان يمثل الحكومة. يعني زيتنا في بيتنا الاخواني. نفس السيناريو اتكرر بحذافيره من اخوان مصر, فترة كده كان عصام العريان دا زبون دائم على قناة الجزيرة فى اي شئ يخص مصر.
| |
|
|
|
|
|
|
Re: الجزيرة و الترابي فى كاركتير عمر دفع الله (Re: abubakr salih)
|
ما حصل للترابي من تغطية اعلامية من قبل قناة الجزيرة يشبه تماما ما حصل و يحصل مع الهولكوست. برضو من ملاحظاتي و متابعاتي فى وسائل الاعلام الاوربية او في السينما العالمية دائما ما بتجد برامج و افلام و مواد اعلامية مختلفة تتطرق لموضوع الهولوكوست. حتى فى البي بي سي لا يمر شهر او شهرين الا و تجد أحد برامج البي بي سي يتطرق لشئ له علاقة بما حدث لليهود. و الله لدرجة ان فكرت فى مشروع اجراء دارسة اكاديمية حول هذه الموضوع. و دي حكاية ما صعبة اي طالب اعلام ممكن يعملها. يرجع لارشيف البي بي سي في -الغالب الارشيف مفتوح و متاح- و يشوف البرامج المختلفة و موضوعات الحلقات التى تطرقت لها عشان يحسب الــ Frequency بتاع المواد المتعلقة الهولوكست. دراسة زي دي مهمة لانها عندها علاقة بالحصل الان فى الشرق الاوسط. الدلع الذى تعيشه اسرائيل اليوم لان اليهود تمكنوا من الابقاء على ذكري الهولوكست حيه فى الاذهان عن طريق الاعلام. عشان كدا they managed to get away with any thing they do anywhere حتى عمليات الاغتيالات الدولية لم يسالهم عنها أحد. بل فى عملية اغتيال المبحوح فى دبي استخدم الموساد جوازات سفر لدول اوربية.
عشان كدا الاعلام يستطيع ان يسير التاريخ فى الوجهة التى تريدها.
| |
|
|
|
|
|
|
|