|
|
|
 Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
السلام عليكم
الأخ ملهم وضيوفه الكرام
بداية احيك علي هذا الفكر الجميل
لكن اسمح لي دايما التحويل الحوار من هادف إلي شخصي
بيكون لعجز ما في حجة طرف من الأطراف ونتيجة للإحساس بي النقص
فدائما الناس تلجأ لي تحويل المنطق إلي نزاع في هذه الحالة المشكلة دي صعبة
جدا تحلها كفرد ده سلوك لي مجتمع قائم تتحله بي انك تنشأ الجيل الجديد بي قبوله لي الراي
و الراي الاخر واعترافه بالخطأ دي أهم حاجه غير كده حيبقي سلوك شخصي مني ومنك ومن
بعض الناس
| |
 
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: Mahamed Eltaze)
|
يا ألف مرحب يامحمد التازى
...
علاج المجتمع ياتازى بيبدأ من الفرد
عاين مثلا لى هانى فوق عايزنى اتعامل من سكات من غير ما اكتب البوست ده
يعنى اكون سبلى وما اعالج أو أحاول اعالج قضيه مؤرقانى
...
عشان المجتمع يتعافى لازم الواحد يبدأ بى نفسه ثم يحاول تغيير مايستطيع تغييره
أو ينتقد صراحة دون إيراد أسماء بعينها
المنبر ده كان فيهو فطاحلة كتاب وكان فيهو صاحبات سمو لهن حرف لامثيل له
هربن من سلوكيات بعض الأعضاء ..وكان لابد من احدنا ان يتصدى للقبح
...
وهاهو القبح يبدا من جديد ليطرد من تبقى ..
إذن مقاطعة القبح واجب إنسانى لكل من يحمل فى قلبه ذرة إحترام للآخر
وانا معاك انو اول ما الحوار يتشخصن ويخرج عن الادب والإحترام المتبادل
على صاحب الطرح التوقف وعدم مواصلة النقاش مع
من شخصن ذلك الحوار
....
والجيل الجديد ده انت منو ومن خلال ماتبذله هنا هذا يدلل على ان السودان بخير
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: Muna Khugali)
|
وتحياتى لك
كتير من الناس مابيعرفوا يكظموا غيظهم لمن الحكاية تتجاوز الحد
...
عموما الالفاظ السيئه بتجرك غصب عنك لو ماكنتى حصيفه وذكيه وبعيدة النظر
Quote: عموما الألفاظ السيئه تسيء لمن يقولها..
وهي في نفس الوقت إن تبعنا طريقها تفتح طاقة للإسترسال فيها والسير علي نهجها
لذلك لا لزوم لها إطلاقا ولا داع لتبادل اللغه العنيفه لأي سبب..
ربنا يقدرنا جميعا علي الإلتزام بالعقل وكظم الغيظ..
تحياتي لك.. |
يعنى يجى زول يخش ليك فى مداخله
ويكتب كلمة تستفزك
تردى على الإستفزاز بى سماحه واحترام
يجى تانى يزيد الجرعه ويخليهم كلمتين تلاته
وتردى بى إحترام
ويجى المره التالته يبشع بيك
...
وتنفجرى
وتطلعى كلام يلقاهو فرصه انو يذلك بيهو ويصدمك
...
طيب وجع القلب لزومو شنو ما من الأول تختيهو فى علبو وخلاص
...
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
الأخ ملهم
مشكور كتير علي الإطراء ده
| Quote: والجيل الجديد ده انت منو ومن خلال ماتبذله هنا هذا يدلل على ان السودان بخير |
بس انا مابستحقوا
كان عندي مداخله في بوست زمان انت رفعتها كان معنونه بي رسالة لي بكري أبوبكر لو تتزكرها
في خط فاصل بين الديمقراطية في مناقشة القضايا و التنكيل في الراي المضاد - ده طبيعي - وفي فرق بين احول الموضوع لي شخصي ما قولته او حاولت اوصله لي الإدارة في تلك الرسالة هو الفرق ده
علي فكرة يا ملهم للأسف الشديد بعض المذاهب الفقهيه - لو حسبناهم مذهب - هو التنكيل بالشخص وليس بالفكر يعني هو مابرد ليك الحجه لكن بحول الموضوع لي شخصك وهو دينه يأمره بذلك - طبعا ينسبو للإسلام وهو منهم براء
معالجة المجتمع لاتتم من غير دور الدولة الفاعل يا ملهم الموضوع كبييير يعني في بوست لي د.محمد الحسن كان بيدور عن الفرق بين الثقافة و المعرفة الثقافة دايما تعكس المجتمع وانعكاسه علي الفرد اما المعرفة فهي دايما لي الفرد عشان اوضح ليك الفكرة زمان كان في الخرطوم ترام وكان في اتنين راكبين من ضمن الركاب واحد طلع الحقة عاوز يسف والتاني راح ماسك الحقه وقاليهو حتفها وين ده الفرق احنا عاوزين ثقافة تقبل الراي الاخر والفرد مابقدر للأسف الشديد لازم الدولة هي تكون عندها الرغبة
والله في واحد سألني سؤال في البوست الأول بتاعي قال لي الناس طالعه وانت داخل وضحك فيني
فعلا انا بضم زي ماقولته ليك صوتي لي صوتك وبتمني من بكري يضع اللائحة قيد التنفيذ بس بي شرط دون تميييز فمن ضمن العقاب اساء الأدب
إحترامي
| |
|
|
|
|
|
|
|
|
 Re: مرمط نفسك فى طين الغضب وإتجلبط طوالى وارك� (Re: Mahamed Eltaze)
|
بالنسبه للمذاهب المتناحره سيستمر التناحر ياتازى الى حين التاقى على أرض الشام
كما قال رسول الله فى وصف ىخر أيام الدنيا
سيستمر القتل والتحقير والشخصنه والإرهاب
...
بالنسبه للمنبر ...فلبكرى اسلوبه فى إدارته
ويمكنك مراسلته مباشرة
حتى تنال إضاءة حقيقيه ومن خلالها ستعرف مايدور فى خلد الباشمهندس
...
إذن الإطراء مستحق ..لأن الفكر الذى تبذله إيجابي ياتازى
تحليه
عارف ياتازى لوماكنت بتستحق الإطراء ..كنت تشموا قدحه
خليك ماشى صاح طوالى واتجاهل البشخصن معاك
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
من تدخل له فى بوستاته ناصحا ومخاويا وصادقا وساعيا لحل بعض مشاكله
ثم لايرد عليك او حتى فى رد جماعى
لايجوز ان تتداخل معه حتى ولو فتح بوست بإسمك
أضعف الإيمان انه عندما يتداخل معك وتحس بعدم تعامله بالعرف الإجتماعى
المتعارف عليه من مطايبه وتحايا... وعندما تجد مداخلاته خارج سياق البوست
لايصح إلا ان تحذف مداخلاته
...
انها عزة النفس 
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
ملهم يا بيه
سلام
مالك .. و فى شنو زعلان قدر ده
بصراحة مهما كانت درجة زعلك
و عشان حق المعرفة الاسفيرية و ما نكنّه من ود و تقدير
اسمح لى اقول ليك
البوست ده ما بشبهك
المفروض يا حبّة
تجلّى الجلّاك من سكات
اقلّو عشان خاتر ستر الحال
و ناس كتار جلّونا و ما شغالين بيهم شغلة
و يوما ما بنسو و يجوك فى محلك
بعد داك انتا حر فى التعامل معاهم
خلّيها على الله يا ملهم
| |
|
|
|
|
|
|
|
|
 Re: مرمط نفسك فى طين الغضب وإتجلبط طوالى وارك� (Re: جلالدونا)
|
جلادونا ياحبيبنا
كيف حالك واحوالك
Quote: ملهم يا بيه
سلام
مالك .. و فى شنو زعلان قدر ده
|
تصدق وتىمن بالله ياجلال مزاجى عنب والله وهسى دى شغال بروفه
لى غنيه كلها حب وحنيه
Quote: بصراحة مهما كانت درجة زعلك
و عشان حق المعرفة الاسفيرية و ما نكنّه من ود و تقدير
اسمح لى اقول ليك
|
نردها ليك فى الأفراح ياحبيبنا
Quote: البوست ده ما بشبهك
|
أقسم بالله البوست ده بيعبر عنى تماما
Quote: المفروض يا حبّة
تجلّى الجلّاك من سكات
|
النظريه دى انا شغال بيها بس انت بحرقك لمن زول يمسح مداخلتك وبتفتح بوست بى كده
لكن البوست مفتوح لكبح بعض المتفلتين ونقد ظاهره إجتماعيه
Quote: اقلّو عشان خاتر ستر الحال
|
هو فى زول بيسىء للناس بيستحق انه نستره
ياخى ده كلام عجيب
اما أنا فحالى مستور لابقل ادبى لابنبذ زول لابتحرش بى زول
انا بنتقد دغرى دون ان استهدف واشخصن
Quote: و ناس كتار جلّونا و ما شغالين بيهم شغلة
|
انت جادى ياجلال .....وامال البوستات بتاعت مسح مداخلتى ديك كانت
حجه وزوغه
Quote: و يوما ما بنسو و يجوك فى محلك
|
ياخى تجينى انت أرحب بيك واضبح ليك تور عديل كدى
لكن هم لو جونى اكيد حامسح مداخلاتهم
Quote: بعد داك انتا حر فى التعامل معاهم
خلّيها على الله يا ملهم |
ماهى حرية التعامل معاهم هى الخلتنى أفتح البوست ده ..فكر فيها بى عمق ياخ
تلقانى مخليها على الله زى الورد
...
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
تخش لى ناس
كيف حالك يافلان ياوجيه
إزيك يادكتورنا الغالى
ياسلام ياباشمهندس
احى كلام والله يافخيم
وترص كلام منطقى وحلو وكلوامطايبه
يجيك الرد
طااااااااااااااااااااااخ ...يصفعك بى برود عجيب
تقول لى نفسك ياريتنى ماخشيت ليهو
...
تمشى تفتح بوست
يجيك
لا يناديك بى إسمك
او لقبك لاحتى يديك حقك فى المطايبه
لا وكمان
بكل تعالى وعجرفه يبدأ محاولة فرض حاجات معينه عليك
...
الحل
طوالى وديهو الضل
مافى حل غير ده ... !!!
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
نعم ..من يعرف مقدار نفسه ..لن يرتضى لها بالهوان
...
وستأتى الحملة أكلها عندما تتكاتف الجهود
وستنقشع سحب الإحباط والتردد والتوتر وخيبة الأمل
وسينزوى المتحرشين الى مذبلة التاريخ حتما
لكن
من قوم مسيرته وعرف كيف يعطى هذا المجتمع المحترم حقه
سيجد من الجميع تسامحا ...واحتضان وإمتنان
أما من تكبر وطغى فالمذبلة هى المأوى
التحيه لكل محترمين المنبر ماظهر منهم ومابطن
تحليه
مابطن .... هم الممتنعون الصامتون
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: اسامة الامام)
|
مرحبتين حبابك يادكتور أسامه
كيفك ياصاحب واسعد الله أيامك بأضعاف ما أسعد به من
حج واعتمر وصام وقام وكان بارا بأهله واحبابه
أها ...
يازول هات ماعندك وتجدنى من المتابعين المتحللين مادام الفكره بتاعتك تحليليه بحته
أما هذا البوست يا أسامه فهو عن السايكوباتيك وناس المنتال كيسز الممكن تتعالج
بي قرصه جاده تحت الأنكل 
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
سلام ملهم الخير
اولا اتفق معك لا يحق لاي كاىن كان ان يبادر بالسب او الضرب
ثانيا للمنبر قوانين ولك الحق ان تاخذ حقك قانويا
ثالثا لك الحق اذا لم تتكفل ادارة المنبر باخذ حقك او ان تعفو او ان تتجاوز.
رابعا..كثيرا ما تتدخل ناصحا او فال خير بين الناس..لكن هناك خيط رفيع بين النصح والوصايه .هذا مافهم من الطرف الاخر وماترتب عليه من خروج الامور عن السيطرة
خامسا في.هذا البوست نصبت نفسا مدعيا ومحاميا وقاضي وجلاد وذلك اشبه بقانون الصالح العام..
اطرح القضية للمنبر العام ومن خلال النقاش تتضح كل
وجهات النظر. لكنك اتيت من الاخر بالحكم مطالبا بتنفيذه
اخيرا لك احترامي
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: عمر نملة)
|
أستاذى وصديقى المحبب
عثمان عووضه
لك اطيب مافى القلب من موده وتقدير واحترام
Quote: ملهم (حافي كدا عشان بريدك)
ازيك
القلتو دا كلو انا قاعد اسويهو
ما عدا الاخير دا
وذلك تيمنا بالقول الماثور:
كان داير تغيظو. ....شنو كدا ما عارف |
عارفك مابتقصر والله وكل زول فينا ليهو معايير خلقيه
هى البتعكس الجواهو لحدى هسى ماشفنا منك إلا كل جميل
ومنطقى
قو اهد
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: عمر نملة)
|
اخونا ملهم والمتداخلين سلام
زي المنابر دي ياملهم اخوي تبيض نيتك وتعتمد النسيان في دخولك وخروجك
الشتمك بي غادي تلقاهو متداخل معاك بي هنا وعادي وكانه لم يحصل شي
معظم الناس هنا لا بتعرف بعض لاشافت بعض
ويمكن بوستيك بتاع الصور يقرب الاعضاء كم خطوه كده نحو تليين النفوس
والنفوس تتطايب حبه
اهم شي ماتقعد تساكك ليك زول تكون مستقصدو وتسييء ليهو وينما لقيتو
والاهم الشفافيه
يعني يفترض تقول انا فاتح البوست ده عشان فلان وفلان وفلان
عندك مثلا ومنذ قبول عضويتي في هذا المنبر لم اقرا لاخونا خضر الطيب
غير الشتم والسب والتهزيء لشخصي ولكثير من الاعضاء
يغيب شهرين يجيك ناطي للشتيمه والغبينه
وفي النهاية زيما قلت ليك بيض النيه وانسي وارمي قدام
انا اي عضو ماشفتو ولابعرفو بعتبر كلامو لي هنا مجرد مزاح
يمكن يكون بايخ ويمكن يكون مبلوع
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: عمر نملة)
|
مرحبا ياعمر نمله
...
Quote: سلام ملهم الخير
اولا اتفق معك لا يحق لاي كاىن كان ان يبادر بالسب او الضرب
ثانيا للمنبر قوانين ولك الحق ان تاخذ حقك قانويا
|
يبقى فى النقطه الأولى متفقين
وفى التانيه أنا ماخد حقى تالت ومتلت وامورى زى العسل
Quote: ثالثا لك الحق اذا لم تتكفل ادارة المنبر باخذ حقك او ان تعفو او ان تتجاوز.
|
خلينى اكمل ليك كلامك ده لأنو مامبحبح السطر ده ياعمر
خلينى أقول
أو ان تقاطع أو ان تعادى او أن تنتقد وتحاول إصلاح الوضع
او تتقهقر وتختفى من المنبر
وانا أنتقد واحاور واتلمس مواطن الخلل ولامشاكل لى مع أحد
كى ألجأ للإداره
Quote: رابعا..كثيرا ما تتدخل ناصحا او فال خير بين الناس..لكن هناك خيط رفيع بين النصح والوصايه .
هذا مافهم من الطرف الاخر وماترتب عليه من خروج الامور عن السيطرة
|
أنت بتجيب الكلام ده من وين ياعمر ..الزول الوحيد الكنت بنصحه توقفت عن نصحه لعدم جدوى محاولاتى
لكن ورينى أنا فرضت وصايتى على منو
عليك مثلا
ماتكتب ساى ياعمر ..لا وصايه هنا على احد وكل شاة معلقة من عرقوبها
النقد الاجتماعى فن لايأخذ أشخاص بعينهم ويرجمهم ..بل يتحسس مواطن الخلل وينبه الى مخاطرها ويقترح لها العلاج
....
Quote: خامسا في.هذا البوست نصبت نفسا مدعيا ومحاميا وقاضي وجلاد وذلك اشبه بقانون الصالح العام..
اطرح القضية للمنبر العام ومن خلال النقاش تتضح كل
وجهات النظر. لكنك اتيت من الاخر بالحكم مطالبا بتنفيذه
اخيرا لك احترامي |
انا ماطالبت بفصل عضو ولااستهدفت عضو بعينه ..
بل مضمون البوست هو نقدى محض وفيه تنويه إلى ان السلوكيات المنفره غير مقبوله ولها عواقبها
ومن حواقبها انصراف الناس عن المتحرشين ...
ومن يتحرش بالناس ويحاول النبيل منهم يمرمط نفسه فى طين الانحطاط وعلى الناس ان تتجنب أذاه
انا هنا ناقد وبلعب بنظريه عسى ولعل ان ينصلح الحال
فكم من عضو محترم ومبدع إبتعد بسبب التحرشات والشتائم
ومن يبذل نفسه من اجل هدف يسعى إليه دون أن يفكر فى أن يكون كما وصفته
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
ألف ألف مرحب ياعمر عثمان
كيف حالك ياحبيب
Quote: اخونا ملهم والمتداخلين سلام
زي المنابر دي ياملهم اخوي تبيض نيتك وتعتمد النسيان في دخولك وخروجك
الشتمك بي غادي تلقاهو متداخل معاك بي هنا وعادي وكانه لم يحصل شي
|
ما بي سبب إنك مبيض نيتك شبعت شتيمه من خضر الطيب حسب قولك
وهسى بتشتكى من الحصل لأنو لى هسى واجعك
يبقى من الأجدى انتقاد أى ظاهره فيها تعدى لفظى على أى عضو محترم زيك
Quote: معظم الناس هنا لا بتعرف بعض لاشافت بعض
ويمكن بوستيك بتاع الصور يقرب الاعضاء كم خطوه كده نحو تليين النفوس
والنفوس تتطايب حبه
|
أكيد الناس لمن تشوف ملامح بعض بتخت خطوط حمراء وماتتجاوزها
وده بالنسبه للناس المحترمين والبيعرفوا يتعاملوا إجتماعيا بشىء من ضبط النفس
أكتر الناس قلة أدب ماخاتين صورهم فى بروفايلاتهم
وكمان فى ناس ختت أثر طيب جوانا ومشت من غير مانعرف هم منو زى أختنا دكتوره نعمات عماد
Quote: اهم شي ماتقعد تساكك ليك زول تكون مستقصدو وتسييء ليهو وينما لقيتو
والاهم الشفافيه
يعني يفترض تقول انا فاتح البوست ده عشان فلان وفلان وفلان
|
انا لابساكك زول لابخلى زول يساككنى
والنقد الإجتماعى لازم يعمم ومايخصص
واللبيب بيفهم الرساله ومضمونها وموجه لى منو
لكن لو فلان او علان جانى وقال لى يازول انت قاصدنى وهو فعلا زول قبيح
بقولا ليهو فى وشو
لا اخشى فى الحق لومة لائم
بس أطمئن البوست مامفتوح عشانك ياعمر رغم انك شاركت فيهو
وعشان شاركت فيهو يبقى انت أضفت إضافه إيجابيه وبقيت من المناوئين للظواهر السالبه فى المنبر
Quote: عندك مثلا ومنذ قبول عضويتي في هذا المنبر لم اقرا لاخونا خضر الطيب
غير الشتم والسب والتهزيء لشخصي ولكثير من الاعضاء
يغيب شهرين يجيك ناطي للشتيمه والغبينه
وفي النهاية زيما قلت ليك بيض النيه وانسي وارمي قدام
|
وانت ياعمر عشان ده مايحصل أو نقلل منو كلنا فتحت البوست ده
والنيه لو مابيضا شنو البخلينى أقيف مع الناس المحترمين ضد المتحرشين الشتامين
ماكنت اخوض زى المتحرشين وأرش من طرف
Quote:
انا اي عضو ماشفتو ولابعرفو بعتبر كلامو لي هنا مجرد مزاح
يمكن يكون بايخ ويمكن يكون مبلوع |
يعنى انت موافق تنشتم تانى وتالت وتتهزأ بإعتبار انو البرشك ده بيهظر معاك
والله مصيبتك مصيبه ياعمر
انك تعتبر الإساءه ليك انها بايخه أو مبلوعه
راجع الكلام الأخير ده ياحبيبنا وماتكتب ساااى كدى
احترامى
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
Quote:
تخش لى ناس
كيف حالك يافلان ياوجيه
إزيك يادكتورنا الغالى
ياسلام ياباشمهندس
احى كلام والله يافخيم
وترص كلام منطقى وحلو وكلوامطايبه
يجيك الرد
طااااااااااااااااااااااخ ...يصفعك بى برود عجيب
تقول لى نفسك ياريتنى ماخشيت ليهو
... |
ياملهم ازيك
فعلا بوست مهم جدا مش لي البرالمه لينا نحنا كمان
وكما ن في النوع البتداخل معاه
ويخليك كانك مدينو فلوس كل يوم تفقده رد ليك ولا مارد
ويخليك جارين هنا وجارين وكرعينا ديل اتكسرو
بوست تنويري موفق جدا
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: عفاف أبو حريرة)
|
مرحب يااستاذه ،،، عفاف ابوحريره
وعشان ما تحسي بالتأخير هنا ،،، طوالي رديت عليك
.
وفي البتخشي تتمني ليهو التوفيق وعشان هو مابيكون بالعك بيرد رد جماعي حتي لو دخل البوست عشره افراد عشان
يتجنب الرد الفردي الكان بيتعاطاهو قبل دخولك البوست بتاعو
زي ده انا بجرب معاهو كم مره لحدي ما اعرف انو شامينيومن غير سبب
وبعد ما اتأكد طوووووالي بوديهو الضل
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: الطيب عباس)
|
Quote:
يعنى انت موافق تنشتم تانى وتالت وتتهزأ بإعتبار انو البرشك ده بيهظر معاك
والله مصيبتك مصيبه ياعمر
انك تعتبر الإساءه ليك انها بايخه أو مبلوعه
راجع الكلام الأخير ده ياحبيبنا وماتكتب ساااى كدى
احترامى |
اوافق ونص ياملهم اخوي
من باب العارف عزو مستريح
بدلما اقعد اكل في روحي وانجلط
الرش الاسفيري ده ان باريتو تموت كمد قبال يومك
تيك ات ايزي ياصاحبي
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
Quote:
تصدق وتىمن بالله ياجلال مزاجى عنب والله وهسى دى شغال بروفه
لى غنيه كلها حب وحنيه |
ملهم الفنان .. سلام ليك ولضيوفك الكرام ..
وبعيدا عن موضوع البوست والمهاترات الما بتنتهي في هذا المنبر ..
يا ريت نسمع شي من اغنيتك الجديده وخلينا نشاركك النجاح ...
بالتوفيق ,,
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: ملهم كردفان)
|
حباب ملهم الفنان الرقيق من خلال المداخلات يتضح أن المهرجين لسع خارج الاستاد
وبدافروا عشان يصلوا البوابة مع أن زمن المبارة لسع .
تحياتى
لملهم وضيوفه الكرام
تخريمة
الظاهر البوست قدم ما هو مطلوب وذلك بدخول ناس ما متعودين الدخول فى كل
وقت إلا عند الضرورة
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: nour tawir)
|
مرحبا ملهم
وحبابك
شغال بي قانونك من اول يوم ختيت كراعي هنا
ولكن البجيني في بطن بيتي بطايبو عملا بالمثل
ما بنبح في بيتو الا الكلب
ولو تعرض لي بشكل مسئ بقول ليهو تاني ما برد عليك
اسماء محمود محمد طه حضرت ليها مرة تطاول عليها شخص ومس والدها بشكل مسئ جدا ورغم تلك السنوات اتذكر ردها
نحن الاستاذ علمنا نرد علي الزول العندو علم او اخلاق . وانت لا عندك علم ولا اخلاق فبنرد عليك بواسطة القانون
واظن فتحت فيهو بلاغ اشانة سمعة
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: nour tawir)
|
مرحبا ملهم
وحبابك
شغال بي قانونك من اول يوم ختيت كراعي هنا
ولكن البجيني في بطن بيتي بطايبو عملا بالمثل
ما بنبح في بيتو الا الكلب
ولو تعرض لي بشكل مسئ بقول ليهو تاني ما برد عليك
اسماء محمود محمد طه حضرت ليها مرة تطاول عليها شخص ومس والدها بشكل مسئ جدا ورغم تلك السنوات اتذكر ردها
نحن الاستاذ علمنا نرد علي الزول العندو علم او اخلاق . وانت لا عندك علم ولا اخلاق فبنرد عليك بواسطة القانون
واظن فتحت فيهو بلاغ اشانة سمعة
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: عبدالحفيظ ابوسن)
|
Quote: تخش لى ناس
كيف حالك يافلان ياوجيه
إزيك يادكتورنا الغالى
ياسلام ياباشمهندس
احى كلام والله يافخيم
وترص كلام منطقى وحلو وكلوامطايبه
يجيك الرد
طااااااااااااااااااااااخ ...يصفعك بى برود عجيب
تقول لى نفسك ياريتنى ماخشيت ليهو
...
تمشى تفتح بوست
يجيك
لا يناديك بى إسمك
او لقبك لاحتى يديك حقك فى المطايبه
لا وكمان
بكل تعالى وعجرفه يبدأ محاولة فرض حاجات معينه عليك |
السلام عليكم اخ / ملهم . وضيوفه الافاضل
اجدك محقا تماما ياصديقي .( رغم اني هنا اعتبر جديد نوعا ما ) ورغم وجود عدد من مداخلتي " الخجولة " . وبوست بوستين كده .! الا اني واجهت ماتقوله انت في الاقتباس اعلاه . ( بحذافيره ) ...!!
يفاجأك ( احدهم بدون سابق معرفة ، او اي احتكاك قمت به معه ...!!
فتسمع مالا يسرك ( وسط اندهاش ) غريب عن هذا الشخص ...!!! ولماذا يتصرف معي هكذا ....!!
هل لاختلافك معه فكريا ...؟
او لاختلافك معه دينيا ...!!؟
رغم انك لم تره . ولم يراك ...!!
**
في كل الاحوال اخي / ملهم . وكما قريت عدد من ردود الاخوة هنا في هذا البوست .( الفاتك ...فوتوا .... والجلاك ...جلي ) ..
وليس هذا معناه ( جبن او خوف ) لاسمح الله . لكن بتكون ( اشتريت راسك ) ...!!
فخليك من العالم دي .. واظهر لنا ابداعاتك ..ونالك . وسينالك ثواب . علي ماقمت به من خدمات جليلة للاخوة الاعضاء هنا .( الذين استفادوا من " الروابط " التي تقوم بادراجها .
التي نحوي برامج ) وانا من الذين استفادوا من ذلك ، ايضا .
وشروحاتك المجانية ، لنا ، لنتعلم كيف نقوم برفع ( مقطع فيديو ، او صورة ) في المنتدي )..
**
اجمل كلمة عجبتني في ردودك علي الاخوة
اضحك الله سنك ياخي .. فقد ضحكت ( ملء شدقي ) فعلا ...
اهم مافي الامر:
تختار البوستات التي يمكنك التعبير فيها عن رايك بحرية ، وتجد الردود الشافية ( حتي لو اضطررت للانضمام لشلة ) ..
والمعروف ان الشليلات ، تنفي روح الحوار في المنتديات ، وتصبح غابة ..للذين خارجها ...!
لك تقديري واحترامي ،،،،
| |
|
|
|
|
|
|
|
|
|
Re: مرمط نفسك فى طين الغضب وإتجلبط طوالى وارك� (Re: Hasheem Karouri)
|
صديق مهدى على كيف حالك ياحبيبنا
...
Quote: حباب ملهم الفنان الرقيق من خلال المداخلات يتضح أن المهرجين لسع خارج الاستاد
وبدافروا عشان يصلوا البوابة مع أن زمن المبارة لسع .
تحياتى
لملهم وضيوفه الكرام
تخريمة
الظاهر البوست قدم ما هو مطلوب وذلك بدخول ناس ما متعودين الدخول فى كل
وقت إلا عند الضرورة |
البوست فكرته وصلت لمن قصدتهم ...وعرفوا انو الس ممكن تقول لا
.
طبعا بشكرك مره تانيه لفتح البوست بتاعك وياخى يديك العافيه يارب
.....................
نور تاور ..كلام فى الصميم ...وعارف إنك بتحلى كل مشاكلك بى إراده قويه
....................
ألف مرحب عبد الحفيظ أبوسن ..فى ناس لمن يجوك فى بيتك بكونوا هم الكلاب
وماكل البينبح فى بيتو كلب ..!!!
ولو فتحنا بلاغات إشانة سمعه نص البلد حتخش فى التخشيبه
لأنو إشانة السمعه بتبدأ من أبسط كلمه ممكن تترمى حتى ولو بالهظار
لو ماحسمتها الزول البيقولها ليك حيتمادى ويزيد ويكرر لحدى ماتتلصق بيك
وانت ماجايب خبر
أو جايب خبر زى دقار تيمس مثلاً
....
بس بينى بيك لمن الكلب يهز ضلو وتحس بى حالو
بيستاهل
يشرب مويه وياكل وجبه
وياخد حق الضيافه اكتر من بعض البشر ...
.......
عليكم السلام ورحمة الله تعالى وبركاته
ياكارورى
وكويس أنو الإقتباس جابك ..يعنى الواحد بعد ده يلبد ليك بالإقتباسات الجذابه
وكلامك صاح فى حته الجلاك جليهو الفاتك فوتو ...والمامن التواصل معاهو فايده
تاتيهو لحدى الضل بى مزااااج
.....
وأشكرك على النصايح دى ياهاشم وبحولها للفتحت البوست عشانهم
تحليه
قول النصيحه كلمنى مالك بالضل متكلنى قوووول ياحبيب
| |
|
|
|
|
|
|
| |
ملهم كردفان
ismeil abbas
علاء سيداحمد
Hani Arabi Mohamed
Mahamed Eltaze
Muna Khugali
جلالدونا
عثمان عووضة
عمر نملة
عفاف أبو حريرة
الطيب عباس
محمد مجيدو
صديق مهدى على
nour tawir
عبدالحفيظ ابوسن
Hasheem Karouri
فيس بوك
تويتر
انستقرام
يوتيوب
بنتيريست