|
|
|
 Re: انتصارات الجيش الشعبي فى مفو اقليم النيل (Re: زهير عثمان حمد)
|
الواحد لما يكضب لازم يميز كضبتو ....
النيل الأزرق زى المواعيد دى ما فيها تراب زى الظاهر في الصورة دا ..
كلها خضرة ... قش أخضر بس ...
دا نمرة واحد ... نمرة 2 ... صورة زى دى ممكن أي زول يصورها ..
عربات واقفات في أمان الله ... و بس ...
لكين شوف الحش البى غادى ... أي تاتشر حق المتمردين قلبوهو ليهم
علبة صلصة محروقة في كوشة ...
أقعدوا أنجروا كدى و جبدوا في الكوجومورو .... ما ملح ساكت و حقو
مدفوع كلام بس .....
| |
 
|
|
|
|
|
|
|
|
Re: انتصارات الجيش الشعبي فى مفو اقليم النيل (Re: أمير محمد أحمد أبيض)
|
Author: Omer Abdalla Omer
والله يا ود المعتصم غايتو عايز تغالط ساكت!
غايتو الجهاد بالغلاط دا فقه جديد..
التحايا لابي الزهور..
يا عمر دا ما غلاط و لا جهاد بالغلاط ... دا إحتجاج على كذب واضح ..
الزول دا قال قلعوا من الجيش 55 عربية و 5 دبابات ... و دى هنا الكذبة ..
يعنى لازم يكونوا أبادوا الناس في العربيات و الدبابات عن بكرة أبيهم
و بعدين شالوا الحاجات دى سلييييييمة كدا لا فيها طفقة لا لفقة ...
يكونوا أبادوهم بالصيحة ؟؟؟ و لا بالكيماوى ؟؟؟؟
صحصحوا معانا شوية ... قربوا المواضيع عشان الناس التايهة تصدقكم ...
بس الأنا متأكد منو إن ناس الحركة الشعبية بى هناك ماكلين نيم و شاربين
هواء .... دا كلام أكييييد زى ما بتقرا في كتابتى دى ... و شايفها بى عيونك ..
هناك الموضوع زى دا كدى ....
و في كل الحالات الحرب ما حبابا و لا مرحبابا ... المكتول من الجانبين أخوى
و خسارة على الوطن .... الله يعجل بى نهايتها و يجيب السلام سريع إن شاء الله ...
| |
|
|
|
|
|
|
|
|
|
Re: انتصارات الجيش الشعبي فى مفو اقليم النيل (Re: مامون المعتصم أحمد)
|
Author: أمير محمد أحمد أبيض
النيل الأزرق في شهر 4 ما كلها خضرة كلامك دا ما صاح
أنا مشيت المناطق دي أكتر من مرة
يا أمير ... كدى إتذكر سمح ....
محل العربات الوافقة دى في جنوب النيل الأزرق ؟؟؟
ما تشيلكم فرحة الفايات التقيلة و تنفعلوا معاها ...
ما شايف الجماعة المعارضين في أمريكا جروا طوالى لى أعداء السودان
عشان يزيدوا العقوبات ؟؟؟ عارف السبب شنو ؟؟؟ الله اعلم .....
| |
|
|
|
|
|
|
| |
زهير عثمان حمد
مامون المعتصم أحمد
Omer Abdalla Omer
azhary taha
فيس بوك
تويتر
انستقرام
يوتيوب
بنتيريست