|
|
|
 Re: أبوحسين ، خليفة ، وائل .. حتى لو إفراج مؤقت (Re: علي عبدالوهاب عثمان)
|
أبوحسين مهم ومعاه مجموعة ( قوم لف ) وبأختفاء أبو حسين ..
حصل إنكامش للمحموعة .. كان بينهم عكننه حلوة .. كنا نلجأ للبوست من وعثاء العمل والزحمة ..
حبيبنا محمد يسن خليفة .. ( عادي كلام ساكت من الطرف اللسان ) في ناس كده في الشارع .. ما قصدهم .. كلام خلاص ..
وائل متخصص في الرفع الضغط .. وزول زي دا مهم ضمن المجموعة ..
فقدناكم .. أختلفنا معكم أو إتفقنا .. فقدناكم ..
إفراج مؤقت يا بكري الحبيب ..
| |
 
|
|
|
|
|
|
|
|
Re: أبوحسين ، خليفة ، وائل .. حتى لو إفراج مؤقت (Re: علي عبدالوهاب عثمان)
|
هذه المداخلة لي في بوست عباس الدسيس عن توفيق مكي ..
نفس الكلام أردده هنا ..
حبيبنا عباس .. لقد وصلت لما كنت اصبو إليه .. لقد قمت بمداخلات كثيرة جداً .. في بوستات متعددة ..
بأن ثقافتنا في القرى النائية عندنا في الشمال وداخل الجزر المعزولة تتمتع بطريقة محببة للونسة
الجلسة لابد أن تضم ( الكضاب الغير مضر .. المفتري .. والمتعالي .. وأعمامنا من كانوا في مصر .. وواحد ماخد كأسين عرقي تمر أو دكاي ..
المدرس .. ممرض الشفخانة .. كمان تكون مارة بالجنب أخت الرجال المسترجلة .. زي بت مجذوب في رواية موسم الهجرة .. إلخ ) تجد هناك مسرح في الهواء الطلق
.. الرواويس يتحدوا الترابلة .. ويحلو الحديث .. حتى من الكضاب أو المفتري ولو أي واحد فيهم غائب .. ( يا ولد أمشي نادي لينا فلان ) .. ولأن لست مديني ولكن أكيد
في مجتمع المدن في ( الأندية .. ومواقف البصات .. الاسواق ) هناك شخصيات مصرح لهم بالبوح كما يريدون .. لأنهم في الأصل ليسوا سيئين ولكن هذا طبعهم ..
كنا نسمعهم يتبادلون الكلام الغليظ ومن أشخاص معينين .. فقط يتم نصحهم عندما يكون هناك ضيف من خارج المنطقة .. (أوعك في ضيوف)
ياسلام على المشرع في ضفاف النيل مع الرياح النو .. تلقى كلهم إجتمعوا .. وهاك يا عكننة وحديث وونسة وحتى غلظة في القول .. بيئة عادية الحياة تسير فيها بنقاء
وطهر مجرد ألفاظ ولكن لا أحد فيهم يتجرأ الفعل .. إلا الحيوانات تمارس حياتها الطبيعية على المكشوف .. تلقى واحد سايق الحمارة عشان الاستبضاع من حمار فلان الأصيل
وتتم العملية بالمكشوف تحت النخيل والظلال والبقرة والثور وتيس والغنماية .. لأن الانثي تنظر إلى هذه الاشياء على أنها رمزية التكاثر والخير وأن العائد المادي لا يأتي إلا من خلال
ممارسة الحياة هي تفكر في ( السخلة ، والعجلة والدحيش والعتوت ) الناتج من هذا التواصل ..
حبيبنا عباس أنا أتحدث عن مجتمعات قروية في شمال الجزر وخارجها .. بيئة ( ودالريس .. وبت مجذوب .. شخصيات موجودة في البيئة الزراعية ) .
لأننا في نفير الفيضان أو نفير الحصاد .. في الوقت المستقطع .. جماعة يصلوا .. وجماعة شايلين الدكاي بالجردل .. وجماعة خطين من ( موية التمر )
ثم بعد ذلك يرجع الجميع إلى مواصلة العمل لأن المهم هو الانتاج ولكل واحد منهم وسيلة تيسر الانتاج .. العيب في التواكل والكسل وعدم المشاركة في النفير
ولدى أهلنا نظرية عجيبة جداً .. الزول الساكت هو المصيبة .. يمكن بالعامية ( الحداث ما سواي ) ..
هذا هو التبرير الذي قدمته في بوست أبوحسين ومحمد خليفة ووائل .. ولاحظ مداخلاتي في بوستات القاضي وحتى صلاح غريبة ..
مودتي عباس .. الكتابة بالعامية جميلة جداً وسلسه .. ولكن المشكلة فينا ( عدم الاتقان )
آسف للاخطاء الاملائية .. بكتب أثناء الدوام المسائي ..
| |
|
|
|
|
|
|
|
|
 Re: أبوحسين ، خليفة ، وائل .. حتى لو إفراج مؤقت (Re: علي عبدالوهاب عثمان)
|
سلام يا علي
بمناسبة جادات ههههه, الراجل banned من منبر سودان نت كمان
الغواصات ايدها لاحقة خلي بالك
نطالب بكري يعيد الكوتة او جزء منها ان شاء الله, الزول دا كدا بموت و بطق من الزعل
بالنسبة لبوحسين.. كلّنا بكري.. كلّنا الإدارة هههه
__________________________
الطبلة يا ريّس... الطبلة
| |
|
|
|
|
|
|
|
|
Re: أبوحسين ، خليفة ، وائل .. حتى لو إفراج مؤقت (Re: محمد البشرى الخضر)
|
Quote: سلام يا علي
بمناسبة جادات ههههه, الراجل banned من منبر سودان نت كمان
الغواصات ايدها لاحقة خلي بالك
نطالب بكري يعيد الكوتة او جزء منها ان شاء الله, الزول دا كدا بموت و بطق من الزعل
بالنسبة لبوحسين.. كلّنا بكري.. كلّنا الإدارة هههه
__________________________
الطبلة يا ريّس... الطبلة |
حبيبنا البشرى .. صدقني أنا عندي إصرار أن
المجالس لا تكون مسلية بدون نتؤات .. شوف المنبر بعد جادات .. لم نكن نتداخل معه ..
لكن بعد أن تقرأ في المنبر كلام بحثي جاد وعميق أو حديث سياسي أو أدبي ..
لا بد أن تأخذ جولة .. على بعض المواد المتنوعة ..
حبيبنا البشرى يا اخي ما في ونسه تحلو بدون الكضاب والشتام وباقي الشلة ..
بالنسبة لأبوحسين كان بوليس المنبر وبعدين مناكفات وعكننة جميلة مع الاخوان ..
أنا كنت حريص أتباعه .. أحياناً تصل إلى مدى معين وتخمد ..
وحبيبنا معاوية واخبار الفساد كمان أحياناً بالصور ..
المهم .. منتظرين عودة هؤلاء ..
مودتي ودالبشرى .. ولك التحية ..
| |
|
|
|
|
|
|
|
|
|
Re: أبوحسين ، خليفة ، وائل .. حتى لو إفراج مؤقت (Re: علي عبدالوهاب عثمان)
|
| Quote: حبيبنا محمد يسن خليفة .. ( عادي كلام ساكت من الطرف اللسان ) في ناس كده في الشارع .. ما قصدهم .. كلام خلاص .. |
أأألي ابونينقااا .. سكرفي ..
شكلك ما تابعت الدرامات حقت صاحبك دا ..
وكيف يعني ... كلام ساكت من طرف السان ؟؟؟
وطيب الكلام الغير العادي يكون كيف ؟؟
غايتو نسال الله ان يهديه ... ولو بكري رجعو .. يكون باالغ ..
عالم بطااله ..
| |
|
|
|
|
|
|
|
|
|
Re: أبوحسين ، خليفة ، وائل .. حتى لو إفراج مؤقت (Re: علي عبدالوهاب عثمان)
|
Quote: أأألي ابونينقااا .. سكرفي ..
شكلك ما تابعت الدرامات حقت صاحبك دا .. |
ووو مجبدو أوووني .. مسكاقمي ..
حبيبنا مجيدو يمكن يرجع يتحسن شوية ويغير نهجه في الكلام ..
زمان لمن صغار قبل نصف قرن وأكثر .. كنا ننتظر اللواري السفرية الماشة من الخرطوم للمحس
مخصوص نرفع ضغط المساعدية عشان ( يسبوا الدين ) عندنا كان كل شيء إلا سب الدين
ولا تتبول وأنت واقف .. ده كان يقولوا عليه ( كافر ) عديل كده .. أول أمس سايق السيارة ماشي جمعيتنا
في إذاعة جدة سمعت أن التبول وقوفاً لا يؤثر وجائز وفعله الصحابة كمان ..
صدقني يا مجيدو اننقا الزول الشتام ده ما عندو علاج يستحضر الكلام من اللاشعور يمكن يندم بعد داك
لكن ما يقدر يبطل ... حتى لو في طواف الكعبة ينسى نفسه ..
مودتي .. مجيدو ..
| |
|
|
|
|
|
|
| |
علي عبدالوهاب عثمان
محمد البشرى الخضر
محمد مجيدو
فرح الطاهر ابو روضة
فيس بوك
تويتر
انستقرام
يوتيوب
بنتيريست