نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: تبش و شطة وضبان و hepatits وأغنية (Re: Osman Musa)
|
الأغنية المفكوكة في الاسبيكر في نص موقف بصات جاكسون الفاكيها بايع التبش . هي أغنية يمنية قديمة يغنيها الفنان السعودي الضخم الأستاذ محمد عبدو وكلمات الأغنية بتقول : عذاب الحب يذبح من يصيبه .. بحر قاد بي وأنتحابي ولا فزعه ولا ديره قريبه .. أصيح صياح حدا ما درابي مصيبه وأن حكيت أكبر مصيبة .. ولو أخفيت ما يخفي صوابي تلا لا لا تلا ... عذاب الحب
| |
|
|
|
|
|
|
Re: تبش و شطة وضبان و hepatits وأغنية (Re: Osman Musa)
|
النشرة العالمية الطالعة بتتحدث عن أصابة 2 مليار بي الهبتايتز في العالم غايتو لو النشرة دي صاح . معناتو بايع التبش حقنا هو الساعد في طبق العدد تاني في أتنين . وعمال الكشة المطنشين من وأجب الكشة الصبح ما وأجب هم في . طقاقن عويناتن صبحن Yellow .
| |
|
|
|
|
|
|
Re: تبش و شطة وضبان و hepatits وأغنية (Re: Osman Musa)
|
أذكر بدري شوية في بوست كارب من بوستات الكاتب الوسيم الأستاذ محمد المرنضي حامد . بوست عجيب عن واجب الحيكومة في نظافة البلد . بوست ساخر ومكرب ومدعوم بي ( أفدنس ) كلام وصور عن الكدوب والربوب الطفح في عاصمة البلد . وصورة الحمار الماسكاهو الكاروشة وراقد مكرفس في كورنة من كورنات عاصمة الثقافة العربية . بس ماكنت مفتكر القصة تصل التبش .
| |
|
|
|
|
|
|
Re: تبش و شطة وضبان و hepatits وأغنية (Re: Osman Musa)
|
المضحك جدا في لحظة وأنا براقب في حرارة سوق التبش بي شطة القبانيت جاني عمك بايع متجول تاني . طلب مني أشتري عطر ال ONE MAN SHOW المضروب تحت الحزام هههههههها . والله حتي ال EAU DE TOILETTE 87 مكتوبة كل حاجة حتي كلمة باريس البتتقري جوه الفتيل . بس يا عمك ده ما علي عيال تايم أسكوير . ربنا يكون في عون حجاج جاكسون وبيعد الشر من حلة عموم الطايفين .
| |
|
|
|
|
|
|
Re: تبش و شطة وضبان و hepatits وأغنية (Re: يحي قباني)
|
Hepatitis A is the most common form of infectious hepatitis that can be transmitted due to poor hygiene المعلومة دي جبتها بعد الاستعانة بي دكتور في مستشفي في ولأية فرجينيا ومهتم جدا بالمرض وحصل تطوع للعمل في جنوب مصر وحزين جدا لي أنتشار المرض في السودان الحبيب .
| |
|
|
|
|
|
|
Re: تبش و شطة وضبان و hepatits وأغنية (Re: الفاتح ميرغني)
|
سلام يا عثمانوالله بوست مهم وجميل وموضوع الصحة في السودان قدر ما تقول أرجع أبداه من ورى خالص تكتشف أنك محتاج ترجع ورى زيادة . هل هي تربية أو عدم مبالاه واستهوان .. يشمل الجميع حكومة وأفراد وعلى مستوى الأفراد والمؤسسات . وبعناويين ومفاهيم موروثة وخاطئة . من نوع أصغر منك دوسو والني للنار والفحل ما عواف .. وكثير من الأمثال تعتبر التعوف والشك من الأكل نوع من الرخاوة والحنكشة . شوف كافتريات الشاورما في الخرطوم .. تلاقي ماكينة الشاورما خاتنها برة في الشارع بحجة الدخان أو نوع من العرض .. والشارع يعج بغبار المارة والناس الكاشتة بالشبابشب .. الشاورما نصها تراب وحصى .. وما خفي أعظم أكيد . المهم ما نقطع حديثك وفي أنتظار الصور
| |
|
|
|
|
|
|
Re: تبش و شطة وضبان و hepatits وأغنية (Re: أحمد الشايقي)
|
سلامات أخ أحمد الشايقي تبش بالشطة ومنقة بالشطة وموز بالشطة وطاعمية بالشطة كلو في جاكسون مفروش وضبان العالم كلو دخل البلد . الحدود مفتوحة للضبان وبلا جوازات للسفر . ضبان أبو عضل تبش من أكل التبش . جنسيات كتيرة من الضبابين المهاجرة كسرت ركبة في البلد ضبان أخضر أحمر أصفر زي شفق المغارب .
| |
|
|
|
|
|
|
Re: تبش و شطة وضبان و hepatits وأغنية (Re: Hamid Elsawi)
|
عزيزنا أحمد الصاوي سلامات صدمة قوية والله يا أخ أحمد . والله يا أحمد في شارع ما عارف أسمو شنو . الشارع يمر شرق أستاد الهلال من الجنوب للشمال . والشارع من الشوارع القوية والمهمة لتجارة الجملة . بصل . سكر . ملح وعموم أحتياجات البقالة .. الشارع ده يا أحمد من ( أ و س خ ) الشوارع في العالم . في ده الشارع حتي حمار الكارو ضارب ال هيبو .
| |
|
|
|
|
|
|
Re: تبش و شطة وضبان و hepatits وأغنية (Re: Osman Musa)
|
والله يا عثمان فعلا شيئ محير جدا البلد قاعدة ام فكو لا رقابة ولا رقيب وعاصمة دولة المشروع الحضاري تغرق في القاذورات والأوبئة ناس فارشين طماطم وبصل في نص شارع الجمهورية وواحد عنده شواية بتاعت أقاشي وبالقرب منه واحد ببيع سم الفار ودواء الصراصير والهواء يشيل سم الفار يكبوا في الاقاشي وعمال المحلية يسكوا في ستات القهوة بلد منكوبة بحق وناس الحكومة ما همهم السرطان ولا التهاب الكبد الوبائي ولا يحزنون فقط الاتاوات والنهب والشعب في 60 داهية
| |
|
|
|
|
|
|
Re: تبش و شطة وضبان و hepatits وأغنية (Re: Osman Musa)
|
أخينا العزيز ملهم كردفان سلامات زحمة التبش مدورة مسافة مترين من مكب النافايات . والضبان الصبح ما خايف من حركة الناس برضو بزاحم .. بزاحم الكتف بالكتف والجناح بالجناح . حرابة عجيبة علي شطة القبانيت بي الليمون الضارب والشمار المعتد . خمسين في المية يا ملهم من أحتياجات البقالة منتهية الصلاحية والتبش الفريش أهو الحالة دي .
| |
|
|
|
|
|
|
|